Nga Flori Bruqi : “Çfarë saktë ndodhi në Kumanovë”?

Avokatja mbrojtëse e grupit të Kumanovës, Artene Ademi, denoncon padrejtësi dhe shkelje flagrante nga a ana e Prokurorisë në procedurën e hetuesisë. Ademi thotë shkeljet e tilla janë në kundërshtim me ligjin dhe punën e Gjykatës. Përveç shkeljeve në procedurë, edhe kushte në të cilën vuajnë paraburgimin klientët e saj, janë jo-njerëzore.

29 të akuzuarit nga Kumanova para Gjykatës, familjarët nuk u besojnë institucioneve Maqedonase

https://www.youtube.com/watch?v=2zeTh5OE1zo

“Si e drejtë elementare është ballafaqimi me provat që i posedon Prokuroria, për të cilat i akuzuari ngarkohet. Gjithashtu, shpjegimi i versionit të pandehurit lidhur me veprën ngarkuese. Tjetër shkelje është edhe e drejta elementare për një kontroll mjekësor. Klientët e mi nuk janë mbrojtur në heshtje, por kanë shprehur nevojën për një kontroll mjekësor. Edhe pse formalisht është e evidentuar në proces verbalin e prokurorisë, ajo e drejtë nuk iu mundësua”, deklaroi Artene Ademi, avokate.

Ademi shton se mbrojtja do të kundërshtoj përmbajtjen e aktakuzës, të cilën e pranuan jo më pak se para 5 dite. Sipas saj, bazuar në prova dhe dëshmi, rasti i Kumanovës nuk mund të llogaritet sulm terrorist.

https://www.youtube.com/watch?v=te4HgogJOjc

GJYKIMI PËR RASIN E KUMANOVËS

MPB pas përfundimit të përleshjes së armatosur doli me njoftim se “është shkatërruar një prej grupeve më të rrezikshme në Ballkan” e cila ka planifikuar sulme ndaj institucioneve shtetërore dhe në ditët në vazhdim publikoi video regjistrime nga aksioni, pas çka vijoi heshtje totale.

Çfarë dihet dhe çfarë u njoftua zyrtarisht

(nga institucionet kompetente në lidhje me aksionin në Kumanovë, por edhe sulmin ndaj karakollit në Gushincë si uverturë e ngjarjeve në “Lagjen e trimave”)

8 pjesëtarë policisë humbën jetën ndërsa të lënduar rezultuan 37

Grupi i armatosur në Kumanovë ka numëruar rreth 40 pjesëtarë

Në luftimet me policinë janë vrarë 10 pjesëtarë të grupit ( numri që e publikoi Prokuroria është në kundërshtim me numrin që e publikoi MPB, sipas të cilës në Lagjen e trimave janë gjetur trupat e 14 personave nga grupi i armatosur

Pas përleshjeve me policisë, janë dorëzuar 28 pjesëtarë të grupit të armatosur

Si lider i grupit konsiderohet Muhamed Krasniqi- Komandant Malisheva, Mirsad Ndrecaj- Komandan NATO, Sami Ukshini- Komandant Sokoli, Beg Rizaj- Komandant Begu dhe Dem Shehu –Juniku.

Grupi disa muaj është ndjekur nga shërbimet e sigurisë

Grupi i njëjtë është përgjegjës për sulmin në Gushincë më 21 prill

Grupi ka planifikuar të sulmojë caqe shtetërore

Në rrethinën e f. Brezë, në bunker në vend të hapur është gjetur armatimi i vjedhur nga karakolli i Gushincës (vendin e ka treguar njëri nga të arrestuarit në aksionin në Kumanovë, ku sipas të dhënave të mediumeve që kompetentët as nuk i konfirmuan e as nuk i demantuan, ka arritur t’i ik policisë
Lideri i BDI-së, Ali Ahmeti në intervistë për emisionin “Rruga drejt…” në Alsat –M, tha se ka marrë pjesë në bisedimet për dorëzimin e grupit

Spekulime

(në lidhje me prapavijën e ngjarjeve të Kumanovës, që një pjesë u treguan të saktë, por një pjesë edhe më tej shkaktojnë kundërshtime në opinion, por edhe reagime tek një pjesë e shërbimeve të sigurisë)

Pjesëtarët e shërbimeve sekrete të Maqedonisë kanë kontaktuar me grupin me muaj me radhë para ngjarjeve të 9 dhe 10 maj 2015.

Agjencia e inteligjencës kosovare e ka njoftuar presidente Atifete Jahjaga dhe kryeministrin Isa Mustafa për mundësinë e incidenteve në Kosovë.

Përmenden emrat e politikanëve maqedonas, agjentë dhe funksionar që kanë qenë të përfshirë në incident

Policia kosovare përmes bisedave të përgjuara ka mësuar se grupi ka planifikuar sulm në burgun e Podujevës dhe lirimin e dy kriminelëve të përfolur

Luftimet në Kumanovë kanë qenë skenar i përgatitur pas të cilit ka qëndruar tradhtia e grupit
Planet për Kumanovën janë bërë në makinë BMW në Ferizaj

Një natë para sulmit janë evakuuar 70% e popullatës në Lagjen e Trimave në Kumanovë

Situata ka dalë nga kontrolli kur pjesëtarët e grupit kanë filluar të qëllojnë drejt policisë

Stojançe Angelov disa javë para ngjarjes informoi se një grup kriminal ka marrë 2 milion euro që të shkaktoj incidente të armatosura në rajonin e Likovës.

Pjesën më të madhe të informacioneve i kanë publikuar mediumet kosovare.

Në lidhje me një pjesë të informacioneve para tre ditëve Agjencia e inteligjencës doli me njoftim ku reagon për zbulimin e identitetit të nëpunësit së tyre në mediume dhe paralajmëroi se ka nisur procedurë në Prokurori për konfirmimin e përgjegjësisë. Megjithatë, Agjencia në njoftimin e saj nuk demanton se nëpunës i tyre ka pasur kontakt me të dyshuarit para ngjarjeve të 9 dhe 10 majit.

E paqartë:

Cilët kanë qenë shkaqet dhe motivet kryesore të grupit të Kumanovës?

A bëhet fjalë për organizatë kriminale apo terroriste?

Nëse janë terroristë, pse nuk dolën me komunikatë apo kërkesë politike?

Nëse shërbimet e sigurisë më gjatë kohë e kanë grupin pse nuk kanë alarmuar në kohë, pse nuk është parandaluar sulmi në Gushincë dhe përleshjet në Kumanovë?

Cili është emri kodues i aksionit policor në Kumanovë?

A është e vërtetë se në këtë janë përfshirë shërbimet të huaja

Pse ende nuk ngritet akt-akuza dhe pse pala mbrojtëse nuk mund t’i sheh dëshmitë?

GJYKIMI PËR RASIN E KUMANOVËS-INSERTE

https://www.youtube.com/watch?v=4eCiTWfkbgE

Nga Flori Bruqi: Rasti i Kumanovës i montuar prej shërbimeve sekrete sllavo-maqedone ! 

Më 4 nëntor 2015, Prokuroria Publike e Maqedonisë kishte ngritur akuzë për terrorizëm kundër 29 personave, lidhur me luftimet në Lagjen e Trimave në Kumanovë, më 9 dhe 10 maj.





“Në bazë të dëshmive të deritanishme nga hetimet e kryera lidhur me ngjarjet në Kumanovë, prokurori publik kompetent ka paraqitur padi kundër 29 personave pranë prokurorisë publik të Shkupit".



"Të akuzuarit akuzohet për vepra penale “organizata terroriste” në bazë të nenit 394-a dhe “terrorizëm” në bazë të nenit 396-b të ligjit penal”, thuhej në njoftimin e prokurorisë.

Në Shkup, prokurori që ka ndërmarrë atë që njihet si "rasti i Kumanovës" ka paraqitur të hënën aktakuzën para Këshillit të Gjyqtarëve, i cili duhet të marrë vendim nëse aktakuza ka bazë për t'u proceduar në seancë gjyqësore.

GJYKIMI PËR RASIN E KUMANOVËS-INSERTE

https://www.youtube.com/watch?v=4eCiTWfkbgE

Kumanova  e shkatrruar nga forcat sllavo-maqedone 

Në rastin e Kumanovës është i përshirë një grup nga Kosova, i cili gjatë 9 dhe 10 majit të këtij viti, në Lagjen e Trimave në Kumanovë, u përlesh me forcat e policisë së Maqedonisë. Përleshjet përfunduan me vrasjen e 8 policëve dhe 10 pjesëtarëve të grupit të armatosur.


Në bankën e të akuzuarve ishin ulur 29 persona, të dyshuar për veprën “terrorizëm dhe pjesëmarrje për 28 orë në luftime në lagjen e Trimave në Kumanovë".



Pala mbrojtëse akuzat i ka cilësuar si të pabaza, kurse të akuzuarit kanë deklaruar se janë të pafajshëm..

Seanca pritet të vazhdojë të hënën e ardhshme.





Gani Krasniqi, familjar i Muhamed Krasniqit, të njohur si komandant Malisheva, i cili është pjesë e grupit të akuzuar për rastin e Kumanovës, shprehet i indinjuar me vendimin që familjrarëve të mos u lejohet pjesëmarrja në seancën gjyqësore.

“Asnjë përgjigje nuk na jipet nga organet e Maqedonisë, na e kanë vendosur këtu policinë për të mos na lejuar, e shihni gjithandej. Ne këtu kemi ardhur për të parë të afërmit tanë, për të realizuar një të drejtë që na takon, po askush nuk jep përgjigje. Presim këtu, gra, fëmijë, pleq...”, thotë zoti Krasniqi.

Akademik Prof.Dr.Skender  Kodra

Indinjatë për vendimin e autoriteteve që të mos lejojë kontaktin me të akuzuarit, e ka shprehur edhe Akademik prof.dr.Skender Kodra, neuro psikiatër, i cili thotë se lejen për ta ndjekur nga afër procesin si palë e pavarur e ka marrë edhe nga misioni i OSBE-së dhe Organizatës së Kombeve të bashkuara.





“Nuk më është lejuar të kem kontakt me të paraburgosurit, edhe pse kam autorizim nga OKB dhe OSBE, ta ndjek këtë proces”, thotë Akademik Prof.Dr.Skender  Kodra.




Veç familjarëve për të marrë pjesë në seancën gjyqësore nga ana e policisë është penguar edhe ambasadori i Kosovës në Maqedoni, Ylber Hysa.





Pala mbrojtëse ka deklaruar se të akuzuarit janë rrahur dhe keqtrajtuar gjatë kohës sa janë marrë në pyetje. Avokatët thonë se procedura hetimore ende nuk ka përfunduar. Sipas tyre të akuzuarit për 7 muaj me radhë nuk kanë pasur qasje tek dëshmitë.




Nga ana tjetër, prokuroria vlerëson se 29 të akuzuarit në rastin e Kumanovës, që nga fillimi i këtij viti ishin organizuar për sulme terroriste në Maqedoni, me qëllim që të shkaktojnë pasiguri dhe frikë tek qytetarët.

Edhe kafshët terroriste për sllavo-maqedonët 

Sipas aktakuzës, disa nga të akuzuarit kanë marrë pjesë edhe në sulmin ndaj stacionit policor në fshatin Gushincë më 21 prill të vitit 2015, prej ku kanë marrë një sasi të madhe armësh.



Më tej, në aktakuzë thuhet se gjatë aksionit për arrestimin e tyre më 9 maj në Kumanovë, pjesëtarët e grupit të armatosur kanë hedhur një granatë dorë në drejtim të forcave të policisë, duke lënë të lënduar disa prej tyre .



Gjatë përleshjeve që u zhvilluan më 9 dhe 10 maj në Kumanovës, humbën jetën 18 persona, 10 pjesëtarë të grupit të armatosur dhe 8 policë, ndërsa dhjetëra të tjerë u plagosën.

29 të akuzuarit për rastin e Kumanovës, në seancën e së hënës, u sollën nën përcjelljen e forcave të shumta të policisë. Dhjetëra familjarë të tyre nuk u lejuan të hyjnë në sallë për të ndjekur seancën. Pjesëtarët e policisë penguan edhe ambasadorin e Kosovës, Ylber Hysa që të hyjë në Gjykatë.


Familjari i njërit prej të akuzuarve, Ardijan Bujari thotë se mbrojtja dhe të akuzuarit nuk janë në dijeni se mbi çfarë prova është ngritur aktakuza, pasi prokuroria nuk ka lejuar një gjë të tillë.

“Mbrojtja dhe të akuzuarit nuk janë në dijeni se mbi çfarë prova është ngritur kjo aktakuzë pasi prokuroria nuk ka lejuar t’i shohin e as nuk u ka treguar këto prova, e që konsiderohet shkelje ligjore”, deklaruan familjari i Bujarit.

Ai tha është skandaloze se si prokuroria do të kërkojë përgjigjen e të akuzuarve pa i dhënë shpjegim se për çfarë janë të akuzuar.

"Prokuroria do t’i pyesë se a e pranojnë ata aktakuzën, por pa i njoftuar mbi provat dhe faktet”, tha ai.

Gjithashtu, familjari i të akuzuarit Ardijan Bujari tha se: “Si rast është shumë i paqartë dhe procedura gjyqësore ka filluar me paqartësi e padrejtësi ligjore”.

Ndryshe, në këtë seancë do të shqyrtohen edhe kundërshtimet e avokatëve mbrojtës të të akuzuarve, rreth kualifikimit të veprës penale.

Nënkryetari i Kuvendit të RM-së dhe funksionar i lartë i BDI-së, Rafis Aliti

Nënkryetari i Kuvendit të RM-së dhe funksionar i lartë i BDI-së, Rafis Aliti, në emisionin “10 Minuta” flet për rastin e Kumanovës, respektivisht luftën dyditëshe në Lagjen e Trimave.

Aliti tregon se një pjesë të anëtarëve të grupit i ka pasur ushtarë në ish-UÇK. Sipas tij, rasti i Lagjes së Trimave është patjetër t’i dorëzohet Prokurores Speciale. Ai tha se është koha që me ndihmën e faktorit ndërkombëtar, qytetarët e këtij vendi ta kthejnë besimin tek institucionet.

Aliti hodhi poshtë zërat se pjesëtarët e grupit të Kumanovës kanë ardhur që të luftojnë për të holla. Ai tha se njihet edhe personalisht me pothuajse të gjithë pjesëtaret e grupit të Kumanovës, dhe se në këtë rast janë të përfshirë edhe shërbimet sekrete. “Unë mendoj se këta djem janë të manipuluar nga shërbimet sekrete të rajonit dhe ka dyshime se edhe shërbimi sekret i Republikës së Maqedonisë ka pasur kontakte me ta. Dhe, them se këta djem janë të manipuluar, pasi që unë i njoh kanë qenë të gatshëm në 2001 por edhe pas që për çështjen kombëtare të japin prej vetvetes gjithçka”, theksoi Aliti.

Aliti nuk harroi të cekë edhe rastet e Sopotit, Vreshtave të Rashtakut, si dhe rastin “Monstra”, për të cilët ai konsideron se janë raste të montuara. Ai në luftën e vitit 2001 ishte i njohur edhe me nofkën “Komandant Mësuesi”, kurse për njërin prej të vrarëve në rastin e Kumanovës tha se ka qenë pikërisht luftëtar i tij. Nënkryetari i Kuvendit thotë se gatishmëria dhe trimëria e anëtarëve të grupit të Kumanovës është keqpërdorur, dhe do të duhet të zbardhet se kush e ka keqpërdorur.


“Unë e hedh poshtë atë tezën që është thënë nëpër mediume, se kanë qenë të paguar , që kanë ardhur për para e kështu me radhë. Për shkak se askush në këtë botë nuk do të hynte me një lagje, siç është Lagja e Trimave në Kumanovë, i vetëdijshëm se aty do të zhvillohen luftime, i vetëdijshëm se aty mund pikërisht, pavarësisht çfarë shkathtësie ka si luftëtar, që ai të vritet atje. Dhe, cili do të ishte kuptimi që dikush të luftojë për para”, tha Aliti.

Xhezair Shaqiri, i njohur si komandant Hoxha

Xhezair Shaqiri, i njohur si komandant Hoxha rrëfen se si u montua rastin i Kumanovës

“Rasti i Kumanovës ku ranë në kurth disa shok tanë të UÇK, në të ardhmen do të jetë një ndër rastet më të komplikuara, që kanë arritur të përgatisin me precizitet te lart politikanet dhe shërbimet e një shteti.

1 ) Politikanët me postierët e tyre kanë arritur ti bindin djemtë e UÇK se tani është momenti shumë i mirë për ti lëvizur punët me armë në favor të shqiptarëve

2 ) Në anën tjetër shërbimet sekrete maqedonase për ta konspiruar grupin e Kumanovës që të merr kurajo që sa më shpejtë të futen me armë në Maqedoni , kanë marr kontakt me 2 persona te grupit dhe janë takuar në Prishtinë .

Sami Ukshini-Komandant Sokoli

Tre persona të sigurimit të shtetit maqedon janë futur në Kosovë me veturën diplomatike të ambasadorit maqedon në Prishtinë, njëri ka qenë shqiptar e dy agjentet tjerë maqedon.




Në hyrje të vendit ku janë takuar ne Prishtinë 3 agjentët e shtetit maqedonas janë kontrolluar në detaje mos kanë mjete të përgjimit.




Komandant Hoxha thotë: Më i zëshmi në këtë takim për konspiracion ka qenë agjenti i shërbimit sekret të ushtrisë maqedone, Goran Sofevski, tani më i likuiduar diku ne malet e mk, gjoja se ka pasur infarkt.


Takimi ka zgjatur mbi 3 orë kur dhe është incizuar e gjithë biseda mes 2 personave të grupit dhe 3 agjentëve të shërbimeve sekrete.



Më i zëshmi në këtë takim për konspiracion ka qenë agjenti i shërbimit sekret të ushtrisë maqedone, Goran Sofevski, tani më i likuiduar diku ne malet e mk, gjoja se ka pasur infarkt.




Ky ju thotë djemve, ju lutem mos filloni tani konflikt në maqedoni se situata është e rëndë dhe ne si shtet kemi probleme të mëdha politike dhe ekonomike, psh: nëse nisen tanksat e ushtrisë prej Shkupit për Kumanovë, në gjysmë të rrugës mbesin ato pa naftë edhe helikopterët nuk kemi drejt ti përdorim.. etj.



Konspiracione indirekte, e gjithë kjo që e them është e incizuar dhe në duar të sigurta.


Në anën tjetër Amerikanet si duket at ditën e konfliktit në lagjen e trimave në Kumanovë e kanë koncentruar satelitin në maqedoni dhe kanë përgjuar cdo bisedë telefonike dhe pa dyshim se Sasha Mihajllkovi dhe Gordana Jankullovsa, personat më të afërt të kryeministrit Gruevski , kanë biseduar në telefona të sigurt se nuk i ndëgjon askush dhe kanë bërë gabime në bisedat e tyre se si i futëm në kurth shqiptaret e Amerikanët për atë edhe I kanë ftuar në ambasadë për tju treguar dëshmitë se ju i keni montuar këtë skenar dhe tani largonu nga postet tuaja, o po jau publikojmë dëmshmit në publik.



Por jashtë lojës së tradhetis nuk janë as personat nga bdi- pdsh. E vërteta gjithmonë vonon por del ne shesh. Prandaj zbardhja e këtij rasti duhet të drejtohet jo nga maqedon por nga ndërkombëtar, ku do të dënohet shteti dhe pushtetarët dhe djemt e UÇK që kanë qenë viktima të lirohen , ne te kundërtën shteti maqedon ka marr pervoj të madhe me procese te montuara ndaj shqiptareve, nuk do te gjen stabilitet. Nuka stabilitet ne një shtet ku kriminelet udhëheqin politiken”, thekson Hoxha.

Muhamed Shehu, familjar i të paraburgosurit Dem Shehu nga Juniku, ka qenë  i pranishëm para Gjykatës Themelore Shkupi 1.



Ai deklaron se rasti i Kumanovës është proces i montuar prej koalicionit shqiptaro-maqedonas.


“Kemi ardhur këtu të gjithë familjarët e të paraburgosurve para Gykatës Shkupi 1, të jemi prezent në këtë ditë, mirëpo siç po shihet nuk na lejohet të hymë brenda dhe të marrim pjesë në procesin gjyqësor. Ky është një proces i montuar politik dhe i inskenuar prej strukturave udhëheqëse maqedonase dhe koalicionit shqiptaro-maqedonas.



Është një skenar që ngjason në skenarët e tjerë, duke filluar nga viti 2001 e deri më sot. Marrëveshja e Ohrit nuk është realizuar aspak dhe situata e popullit shqiptar është ashtu siç është. Ky skenar e kthen Maqedoninë në vitet e 80-ta”, citon Lajmi deklaratën e Muhamed Shehut, familjar i të paraburgosurit Dem Shehu.





“Unë e kam kontaktuar djalin tim Valdet Zekaj. Ai është në gjendje të mirë, shumë i fortë, mirëpo këta kanë pasur vuajtje, tortura, reprezalje antinjerëzore. Kanë pasur tortura të cilat mund t’i përballojnë vetëm forca dhe ideali i madh i njeriut. Torturat kanë qenë rrahje, thyerje të gjymtyrëve, të dhëmbëve pas arrestimit”, deklaron babai i të paraburgosurit, Valdet Zekaj.

Ja kush janë shqiptarët e Kosovës të arrestuar mbrëmë në Kumanovë

Beg Rizaj -Komandant nga Prokolluki i Deçanit  i vrarë nga sllavomaqedonet  

Katër shqiptarë nga Kosova iu dorëzuan mbrëmë policisë maqedonase, ndërkohë që 13 të tjerë u arrestuan. Sami Ukshini, i njohur si komandant Sokoli, Beg Rizaj, Dem Shehu dhe Muhamet Krasniqi- Komandant Malisheva, u dorëzuan 16 orë pas luftimeve në Lagjen e Trimave në Kumanovë. Por kush janë këta persona që janë dorëzuar dje.

Beg Rizaj ka qenë ushtar i UÇK-së në Zonën e Dukagjinit. Pas luftës në Kosovë, ai ka shërbyer si truproje e Ramush Haradinajt, ish-komandantit të Zonës së Dukagjinit, tashmë lider i AAK-së.



Sami Ukshini-Komandant Sokoli rrjedh prej një familje patriotike nga Morina e Malësisë së Gjakovës. Familja e tij ka qenë bazë e UÇK-së, UÇPMB-së dhe UÇK-së së Maqedonisë. Sami Ukshini ka marrë pjesë në luftën e vitit 2001 në Maqedoni në rajonin e Likovës.

Dem Shehu, nga Deçani, ka marrë pjesë në luftën e UÇK-së në Kosovë, por dhe në luftën e vitit 2001 në Maqedoni.

Mirsad Ndrecaj-Komandant NATO

Muhamet Krasniqi-Komandant Malisheva është nga Malisheva e Kosovës dhe rrjedh nga një familje atdhetare. Ai ka marrë pjesë edhe në luftën e UÇK-së në Kosovë, si dhe në atë të Maqedonisë në vitin 2001.

Ndërkaq, i vetmi person që akoma nuk është dorëzuar është Mirsad Ndrecaj. Ai është djali i vëllait të Maliq Ndrecajt, i cili ka qenë komandant i Brigadës 132 të UÇK-së në Zonën Operative të Dukagjinit. I arrestuar ne Kosove, në vitin 2009, për vjedhje të votave në Gjakovë. Ndrecaj ishte militant i AAK-së.


Në mesin e të arrestuarve është edhe Nexhmedin Lika nga Tetova, ndërsa prangave të policisë nuk i ka shpëtuar edhe Bajram Elshani nga Suhareka.

Në mesin e të arrestuarve është edhe Alit Sulejmanovski - banor në rrugën “Abdulla Presheva” në Kumanovë, Sefer Seferi, gjithashtu banor i rrugës “Abdulla Presheva” - Kumanovë, Sevdail Miftari nga Kumanova, Fatmir Reçica - që të dy banorë i fshatit Llugagji i Lipjanit të Kosovës, Fejzulla Rushitovski nga Shkupi, Beg Bajra (1979) nga Gjilani, Fadil Fejzullahu - banor në rrugën “Pero Ilievski” në Kumanovë, Lirim Krasniqi (1989) nga Ferizaji i Kosovës, Mirsad Qerimi (1986) nga Prishtina, Valdet Zekaj (1987) nga Kosova, si dhe Muharem Fejza (1986) nga Prishtina.



Një pjesë e të arrestuarve, të shtunën janë mbajtur në stacionin policor në Karposh dhe në Autokomandë. Sipas burimeve policore i po vazhdon identifikimi i dy-tre të arrestuarve që etiketohen si krerë të grupit.

GMPB  e Maqedonisë në kanalin e vet zyrtar ka publikuar foto dhe videoxhirimet e sulmuesve e të udhëheqësve të tyre të cilët para ta dy ditësh u konfrontuan me armë me policinë e Kumanovës.

MPB maqedonase kumton, transmeton Kurir i Beogradit, përcjell Koha.net, “ se bëhet fjalë për grupin më famëkeq terrorist i cili është dashur t’ia fuste flakën rajonit. Tek ata është gjetur arsenal madh armësh e udhëheqës të grupit kanë qenë Muhamed Krasniqi, i njohur si komandant Malisheva, Mirsad Ndrecaj, i njohur si komandant NATO, Sami Ukshini, i njohur si komandant Sokoli, Beg Rizaj, si komandant Begu, Dem Shehu –Juniku dhe Xhafer Zymberi nga Gjakova.

Beg Rizaj, sipas MPBM-së ka qenë pjesëtar i UÇK –së në Zonën e Dukagjinit e pas lufte ka qenë truprojë e Haradinajt

Muhamed Krasniqi është vëllai i Alban Krasniqi, funksionar i Vetëvendosjes.

Mirsad Ndrecaj, thotë se informacioni i MPBM-së është i njohur me lidhjet e tij me Haradinajn. Gjatë luftës së vitit 2001, ka qenë komandant i UÇK-së, ndërsa më herët kishte marrë përgjegjësinë për sulmin në Goshincë.

“Monstra” është montim!

Alban Selimi


Flamuri kuq e zi është vendosur në dyert e hyrjes së shtëpisë së Sami Lutës, prej ditës kur ai bëri dasmë dhe u martua me Vlorën nga Prizreni. Flamuri shqiptar ende ka mbetur në gjysmështizën e shtëpisë së dhëndrit të ri, që kishte shumë ëndrra për jetën. Ai nuk ndalej së punuari dhe merrej ekskluzivisht me sportin e karatesë.

Dhjetëra trofe e mirënjohje të fituara për angazhimet në sport, tashmë qëndrojnë në dhomën e pritjes së mysafirëve, në shtëpinë e familjes Luta që është me prejardhje nga Kaçaniku, por që tash e gati një shekull jeton në lagjen e “Serovës” në Shkup. Nëna e Sami Lutës, Ibadetja, i ruan me kujdes edhe gazetat që kishin shkruar për sukseset e djalit të saj, një fitues i shumëfishë i garave në karate.



E fituesi i trofeve, i riu Sami Luta, po ballafaqohet me një sfidë tjetër – drejtësinë maqedonase, që javën që shkoi e dënoi atë me burg të përjetshëm, bashkë edhe me pesë shqiptarë të tjerë. Në rastin e ashtuquajtur “Monstra”, Luta dhe të tjerët u gjetën fajtor se dy vjet më parë kishin ekzekutuar pesë të rinj maqedonas derisa ata po peshkonin tek liqeni i Smilkovës, në afërsi të autostradës, jo larg kryeqytetit të Maqedonisë - Shkupit.





“Nuk më lanë të kënaqem në jetë me të vetmin djalë”

“Të vetmin djalë e kisha dhe me të shteti nuk po më lë të kënaqem, t’i gëzoj sukseset e tij”, thotë Ibadete Luta, nëna e Samiut, i dënuar me burg të përjetshëm nga organet e drejtësisë maqedonase.

 Djali i saj nuk kishte kurrfarë ngarkesa etnike dhe kurrë nuk do ta bënte një krim të tillë, për çfarë u dënua. Madje, thotë se Samiut dhe gjithë familjes i kishte ardhur shumë keq kur kanë dëgjuar për krimin që kishte ndodhur tek Liqeni.




“Ai gjithë mjeshtërinë e mësoi nga maqedonasit dhe ka vazhduar të punojë me ta. Nuk kishte asnjë arsye që të bënte një veprim të tillë”, thotë Ibadete Luta, nëna e Samiut.

Ajo tregon se organet e drejtësisë dhe ato të ndjekjes së Maqedonisë kanë bërë spektakël, fillimisht me arrestimin e pastaj me dënimin e djalit të saj, por edhe të anëtarëve tjerë të këtij grupi.

“Disa javë, pasi ndodhi ngjarja tek Liqeni, ne u bastisëm”, thotë Ibadetja, gruaja që mban në kokë një shami tradicionale, rreth të gjashtëdhjetave.

Ajo tregon se pas bastisjeve djali i saj ka qenë i lirë dhe ka shëtitur dhe ka punuar vazhdimisht. “Bëmë edhe dasmën. Kishim të ftuar shumë njerëz. Pas dasmës, Samiu me të shoqen shkoi në mënyrë krejtësisht legale edhe në Itali ”, thotë Ibadetja, tek rrëfen për jetën e djalit të saj. Po ashtu, Samiu, kishte qenë disa herë edhe në Kosovë përmes kufirit, duke u legjitimuar dhe pa pasur asnjë problem.

Vlora Luta, bashkëshortja e Samiut, është edhe shtetase italiane. Ajo ka besimin se drejtësia në fund do të triumfojë dhe do të jetojë së bashku me njeriun e ëndrrave të saj.

“U nisëm për në Kaçanik në një dasmë të një familjari tonë. Unë isha me fustan dasme, kurse Samiu me kostume”, thotë Vlora Luta, sipas të cilës, lajmi se e kapën në ikje Samiun ishte vetëm fillimi i manipulimeve në këtë proces, që gjithë familja e quan të montuar.

Tokat e koncesionuara që u bënë “mollë sherri” për familjen Aziri

Ngjitur me burgun e Shutkës, ku po qëndron Samiu në pritje të thyerjes së vendimit për burg të përjetshëm të shqiptuar javën që shkoi, jeton familja Aziri. Ndonëse, të shpërngulur shumë vite më parë në Shkup, nga fshati Brezë, në kufi me Kosovën, familjarët edhe më tutje vazhdojnë të jetojnë kryesisht prej blegtorisë dhe bujqësisë.

Familja Aziri, kishte koncesionuar 40 hektarë tokë nga shteti maqedonas, pikërisht tek Liqeni, ku kishte ndodhur vrasja.

Por, pas vrasjes së të rinjve maqedonas, ato toka më nuk iu lanë në shfrytëzim familjes Aziri. Me pretekstin se nuk kishin kryer obligimet ndaj shtetit, familjes iu revokua koncesionimi, megjithëse familjarët prisnin subvencionet e Qeverisë për të mbjellat, për të realizuar përmes tyre obligimet ndaj Qeverisë.

Kjo tokë e marrë me koncesion, familjarët besojnë se ishte thelbi i montimeve të shtetit, që rezultoi me arrestimin e më pas dënimin me burg të përjetshëm të tre familjarëve të tyre: Fejzi Azirit dhe Haki Azirit, si dhe nipit të tyre Halil Demiri, nga Haraqina e Shkupit.

“Gjatë jemi menduar pse pikërisht neve na ndodhi kjo. Në oborrin e tij ta bënte dikush këtë gjë dhe të rrinte rehat kjo nuk është e logjikshme. Këtë s’do ta bënte as kafsha”, rrëfen i vëllai i Fejzi Azirit, Bedri Ajdari.

Ai thotë se gjithë montimi është bërë duke bërë lidhjen përmes familjes tonë dhe duke u shfrytëzuar shoqëria e nipit tonë Halil Demirit me Agim Ismailin. “Ata kishin një internet kafe bashkë dhe nga ajo bëheshin idare”, thotë Ajdari.

Safet Aziri, babai i Haki Azirit, tregon se djali i tij ishte mbajtur i kidnapuar me ditë të tëra nga organet e sigurisë në Maqedoni. “Ne përmes avokatit e kuptuam se Hakiu nuk ishte në grupin e të arrestuarve”, thotë Safeti, rreth të shtatëdhjetave, invalid.

“Ne nuk dinim se ku është. Filluam të mendojmë ose që është rrahur aq rëndë sa nuk duan që djalin ta shohë as avokati apo dyshonim se e kishin zhdukur të tërin”, thotë Safeti.

Ai tregon se tek pasi kishin ndërhyrë përmes avokatit, një zyrtar i Sigurimit Shtetëror e kishte thirrur atë në telefon dhe i kishte thënë se Hakiu ishte mirë. “I njëjti më përmendi emrin e shoqes dhe të fëmijëve e të Hakiut dhe iu la përshëndetje edhe atyre. Por, na tha se atë moment nuk do të mund të komunikonim me të, derisa na porosiste që të mos bëheshim merak”.

E gjithë kjo, thotë Safet Aziri, ka ndodhur për gati një javë, kur organet janë përpjekur që djalin e tij ta bëjnë dëshmitar. “Por, ai nuk e ka pranuar një gjë të tillë, pasi nuk kishte çka të dëshmonte”, thotë babai i të dënuarit përjetë.

Proces i montuar në rrafshin politik, policor dhe gjyqësor

Rasti “Monstra” në Maqedoni ka ngjallur reagime të shumta tek faktori vendor dhe ndërkombëtar. Ekspertë të drejtës kushtetuese në Maqedoni, thonë se ky rast është një nga më drastikët, ku bëhet fjalë për një proces të montuar politik, gjyqësor dhe policor.

“Është proces i montuar politik për shkak se shtetit maqedonas urgjentisht dhe në mënyrë jetësore i duhet një vendim gjyqësor në të cilin shqiptarët do të dënohen dhe të gjykohen për terrorizëm, në mënyrë që këtë vendim gjyqësor ta përdorë në realizimin e qëllimeve të ndryshme politike, sidomos në integrimet në NATO dhe BE”, thotë Jeton Shasivari, profesor i të Drejtës Kushtetuese në Fakultetin Juridik në Universitetin e Evropës Juglindore. Sipas tij, Maqedonia ka një detyrim që ta zgjidhë problemin me emrin në Raport. “Dhe qëllimi është që të futet në NATO pa e zgjidhur çështjen e emrit, duke i treguar botës që po rrezikohet nga një terrorizëm fantom global”, thotë ai.

Sa i përket montimit policor sipas Shasivarit, gjithçka filloi në konferencën për media të ministres së Punëve të Brendshme, Gordana Jankulovska, e cila më 1 maj 2012, kur ishin arrestuar tashmë të dënuarit, kishte deklaruar pa rezerva se “kanë zbuluar vrasësit e krimit makabër”. Me këtë, sipas tij, është shkelur prezumimi i pafajësisë. “Prezumimi i pafajësisë është një e drejtë fundamentale e çdo personi, që arrestohet apo privohet nga liria”, thotë Shasivari, sipas të cilit, Policia i shpalli fajtorë që momentin që u arrestuan këta persona.

Procesi, sipas Shasivarit, është i montuar edhe në rrafshin gjyqësor. “Nuk janë gjetur armët, me të cilët është kryer vrasja. Nuk ka dëshmitarë, madje edhe dëshmitarët që i ka propozuar Prokuroria si dhe gjitha ekspertizat e kryera janë bërë nga Ministria e Punëve të Brendshme të Maqedonisë”, thotë Shasivari. Gjithashtu, ai thotë se nuk është marrë parasysh as alibia.