AAK: Nuk e dimë pse Nulandi s’e takoi opozitën

Zyrtarët e AAKsë nuk kanë asnjë një informacion se pse zyrtarja amerikane, Victoria Nuland s’e takoi Ramush Haradinajn. Mirëpo, thonë se është shenjë e mirë se ajo kërkoi luftë kundër krimit e korrupsionit. Pavarësisht premtimit të Kryeministrit Isa Mustafa se do ta çojnë përpara demarkacionin, AAK thotë se kështu siç është s’do të ketë ratifikim të vijës kufitare me malazezët.

Nënkryetari i AAKsë, Ahmet Isufi, ka thënë për Express se s’e nuk e di pse Ndihmës Sekretarja Amerikane, Vicotria Nuland s’e takoi Ramush Haradinajn, Visar Ymerin e Fatmir Limajn.

Isufi ka thënë se me rëndësi ishte që Nuland në takimet me zyrtarët e lartë kishte kërkesa të qarta për luftë kundër krimit e korrupsionit.

“Nuk kemi ndonjë informatë (pse nuk pati takim me Haradinajn), por, është me rëndësi shumë përkrahja e SHBA’së për stabilitet në Kosovë dhe Ballkan. Është e sigurt se në takimet e Nuland me zyrtarët e Kosovës krye temë ishte lufta kundër krimit të organizuar e korrupsionit që i është bërë edhe vërejtje Qeverisë”, ka thënë Isufi.

Victoria Nuland do t’i kushtojë kujdes dialogut të Kosovës me Serbinë dhe zbatimit të marërveshjeve të arritura në Bruksel.

Marrëveshjet e Brukseli: Nuland nis vizitën në Kosovë


Ndihmës sekretarja amerikane e shtetit, Voctoria Nuland ka nisur takimet në Prishitnë me përfaqësuesit e institucioneve të Kosovës, fillimisht me Presidentin Hashim Thaci dhe mëpastaj edhe me kryetarin e Kuvendit, Kadri Veseli.

Nuland do të takojë edhe përfaqësuesit e tjerë të institucioneve të Kosovës si dhe ata të shoqërisë cvile.

Nuland me zyratrët në Prishitnë do të bisedojë për përparimin në zbatimin e marrëveshjeve të arritura në Bruksel në kuadër të dialogut ndërmjet Kosovës dhe Serbisë, si dhe për procesin e integrimeve evropiane dhe luftën kundër korrupsionit dhe krimit të organizuar, ka thënë në njoftimin e tij Departamenti Amerikan i Shtetit.

Ndihmës sekretarja amerikane e shtetit me takimet në Prishitnë ka nisur vizitën e saj në rajonin e Balkanit dhe gjatë ditës do të udhëtojë për në Tiranë, dhe më 11 Korrik do të vazhdojë edhe në Beograd e Shkup.

Vizita e Nuland në rajonin e Balkanit bëhet për t’i dhënë mbështetje proceseve integruese dhe në vecanti bashkëpunimi rajonal, në kohën problemet e brendshme të pothuaj secilit shtet vec e vec, kanë ndikuar mbi këtë process.

Posacërisht thuhet se Nuland do t’i kushtojë kujdes dialogut të Kosovës me Serbinë dhe zbatimit të marërveshjeve të arritura në Bruksel.

Në fund të vizitës së saj në Balkan, Victoria Nuland do të udhëtojë për në Qipro.



***********

Kryeministri i Kosovës, Mustafa, priti në takim zëvendës- sekretaren amerikane të Shtetit, Victoria Nuland, ku diskutuan për zhvillimet në Kosovë

PRISHTINË- Kryeministri i Republikës së Kosovës, Isa Mustafa, priti në takim zëvendës- sekretaren amerikane të Shtetit për Çështje të Evropës dhe Euroazisë, Victoria Nuland, ku diskutuan për zhvillimet në Kosovë, për bashkëpunimin dhe përkrahjen e mëtejme të SHBA-ve për Kosovën.

Në një njoftim nga zyra e kryeministrit thuhet se në takim Mustafa njoftoi Nuland për përkushtimin e institucioneve të Kosovës dhe progresin e arritur në proceset eurointegruese, në zhvillimin ekonomik dhe në fuqizimin e shtetit ligjor.

Duke folur drejt së ardhmes euro-atlantike të Kosovës, kryeministri Mustafa u shpreh se së bashku me përkrahjen e SHBA-ve, do të adresojnë çështjen e demarkacionit të kufirit ndërmjet Kosovës dhe Malit të Zi, për ta hapur udhën e lëvizjes së lirë të qytetarëve të Kosovës në vendet e BE-së.

Mustafa, gjithashtu shprehu interesimin që të punohet në riformatimin e Qeverisë, ku përfshihet zvogëlimi i kabinetit, pjesëmarrja e njerëzve të rinj si dhe rritja e efikasitetit dhe të përshpejtimit të proceseve reformuese.

Ndërkohë, zëvendës- sekretarja Nuland, duke përcjellë përshëndetjet e presidentit Obama nga Samiti Varshavës, shprehu përkrahjen e mëtejme të SHBA-ve për proceset në Kosovë.

Nuland bëri të ditur se zgjidhja e çështjes së demarkacionit të kufirit ndërmjet Kosovës dhe Malit të Zi është një proces shumë i rëndësishëm për hapjen e perspektivës eurointegruese të Kosovës.

Duke vlerësuar progresin e arritur në zhvillimin ekonomik dhe në luftën kundër terrorizmit, Nuland shprehu përkrahjen edhe për ndërtimin e Termocentralit “Kosova e Re”, si dhe inkurajoi që të vazhdohet me luftën kundër korrupsionit dhe krimit të organizuar.

Në takim të pranishëm ishin edhe zëvendëskryeministri i parë, njëherësh ministër i Drejtësisë, Hajredin Kuçi dhe ministri i Punëve të Jashtme, Enver Hoxhaj, zëvendës asistenti i sekretarit të Mbrojtjes së SHBA-ve, Michael Carpenter si dhe ambasadori i Shteteve të Bashkuara të Amerikës në Kosovë, Greg Delawie.


*********


Zëvendës sekretarja amerikane e Shtetit Victoria Nuland ashtu siç ishte paralajmëruar do të vizitojë nesër Shqipërinë ku do të zhvillojë takime me liderët politikë dhe krerët e shtetit.

Kryeministri Edi Rama e ka quajtur një sinjal shumë të rëndësishëm për shqiptarët vizitën e Nuland në Tiranë. Ai tha se kjo tregon rëndësinë që i kushtojnë SHBA-të reformës.

“Ardhja e Nuland, sinjal shumë i rëndësishëm për shqiptarët. Vizita tregon rëndësinë që i kushton Amerika reformës. Tregon se çfarë humbim duke mos e votuar reformë në drejtësi”, është shprehur kreu i qeverisë.Gjithashtu ai ka folur për një plan B të reformës. “Jemi në zhvillim të planit B. Plani B, ecja përpara me draftin në parlament”, tha kryeministri Edi Rama.

AXHENDA

Mësohet se Nuland do të takojë kreun e Partisë Demokratike Lulzim Basha rreth orës 15:30 të ditës së nesërme. Takimi do të mbahet në hotel Rogner, ndërsa Basha do të jetë i shoqëruar nga deputetët Oerd Bylykbashi si dhe Aldo Bumçi.

Gjithashtu Nuland do të takohet edhe me kryeministrin Edi Rama por ora e takimit nuk dihet ende.

Vizita e zv.sekretares amerikane është në kuadër të intensifikimit të përpjekjeve për gjetjen e dakordësisë mes palëve për reformën në drejtësi. 21 korriku është dita kur ndryshimet kushtetuese do të votohen në parlament, çështje për të cilën edhe ambasadori amerikan, Donald Lu iu ka bërë thirrje disa herë deputetëve që ta votojnë.


********

Reforma në Drejtësi dhe mungesa e konsensusit mes palëve politike do të sjellë sot në Tiranë për vizitë zyrtare ndihmëssekretaren amerikane të Shtetit për Europën dhe Euroazinë, Viktoria Nuland.

Zyrtarja e Lartë e Departamentit Amerikan të Shtetit do të zhvillojë sot takime me dy krerët e partive kryesore në vend, fillimisht më Lulzim Bashën si kryetar i opozitës dhe takimet përmbyllen me Kryeministrin Edi Rama.

Reforma në Drejtësi është përfshirë në kalendarin e punimeve të Kuvendit për t’u votuar më datë 21 korrik, por ende palët janë larg konsensusit dhe shkak është bërë formula e emërimit të anëtarëve të institucioneve që do të kryejnë rivlerësimin e gjyqtarëve, ose siç është quajtur ndryshe, procesi i vetingut.

TAKIMET

Takimet e ndihmëssekretares amerikane të Shtetit do të nisin me ministrin e Jashtëm, Ditmir Bushati. Takimi është programuar të realizohet në orën 14:00, në ambientet e Ministrisë së Jashtme. Sipas axhendës, takimi do të jetë vetëm diskutim mes palëve.

Më tej, Viktoria Nuland ka programuar të takohet me kreun e opozitës, Lulzim Bashën. Sipas axhendës, takimi do të realizohet në ambientet e një prej hoteleve të njohura në kryeqytet, dhe jo në selinë e Partisë Demokratike.

Axhenda e zyrtares së lartë të Departamentit të Shtetit përfundon me Kryeministrin Rama, ndërsa në orën 18:00, Viktoria Nuland parashikohet të përmbyllë vizitën në vendin tonë.

LETRA E LU-SË

Disa ditë më parë, për shkak të dështimit të konsensusit, ambasadori amerikan në Tiranë, Donald Lu, u është drejtuar të gjithë deputetëve të Kuvendit me një letër, në të cilën u kërkonte që të votonin Reformën në Drejtësi, pavarësisht qëndrimeve politike të krerëve të partive.

“Ka ende kohë që udhëheqësit politikë të gjejnë një kompromis që të mund të mbështetet si nga opozita, ashtu edhe nga maxhoranca.

Duhet ta mbështesim të gjithë kërkimin për kompromis. Megjithatë, nëse udhëheqësit politikë nuk e duan kompromisin dhe nuk bien dakord për një tekst të përbashkët, ju bëjmë thirrje që ju ta votoni reformën.

Shtetet e Bashkuara besojnë se kjo reformë është jetike për të ardhmen e vendit tuaj. Ju bëjmë thirrje që më 21 korrik të votoni pro Reformës në Drejtësi”, shkruhej në letrën e Donald Lu drejtuar deputetëve të Kuvendit.

Agonia e George W. Bush pas 11 Shtatorit

Ndërkohë që George W. Bush është kritikuar gjerësisht për reagimin e tij pas sulmeve të 11 Shtatorit 2011, një seri me foto tregojnë reagimin e tij pas atij mëngjesi të tmerrshëm.

Fotot janë bërë nga fotografi personal, Eric Draper.

Presidenti amerikan ishte për vizitë në një shkollë fillore në Florida kur ndodhi sulmi.

Pavarësisht një videoje të publikuar nga Michael Moore, ku Bush dukej i qetë, këto foto tregojnë krejt të kundërtën.

Kush e kreu sulmin e 11 Shtatorit? Videoja e re rindez teoritë!

Pesëmbëdhjetë vite pas 11 shtatorit 2001, një video e hedhur në rrjetet sociale ka rindezur diskutimin për këtë ngjarje të rëndë.

Video tregon momentin kur avioni i dytë godet Qendrën Tregtare Botërore.

“Sauditët do të paguajnë për këtë,” thotë një komentues.

Një tjetër shton se Bushi e ka inskenuar të gjithën për të nisur sulmet në Irak.

Fakt është se pamjet e kësaj ngjarje vazhdojnë të irritojnë njerëzit.

Video në fjalë është bërë nga Caroline Dries, në atë kohë studente.

Ajo kishte blerë një kamera të re dhe donte të fiksonte pamjet e qytetit të Nju Jorkut.

Aktualisht Dries është një producente e suksesshme televizive në SHBA.

Atë mëngjes, ajo dhe shoqja e saj, Megan, u zgjuan në orën 8:46, pikërisht kur avioni i parë kishte goditur kullën veriore.

Vajzat e reja nuk e dinin se çfarë kishte ndodhur, ndërsa nisën të filmojnë.

Pikërisht këtu vjen goditja e avionit të dytë, çka shkakton një shok tek vajzat, përcjell mapo.al një shkrim të BILD.

“Nuk e dija se çfarë duhet të bëja”, thotë Dries.

Ndërkohë presioni ndaj presidentit amerikan, Barack Obama është në rritje.

Atij i kërkohet që të publikojë dokumentet sekrete të 11 Shtatorit.

Ato mbahen akoma të pahapura nga qeveria amerikane.

Mendohet se në dokumente ka të dhëna interesante për përfshirjen e Arabisë Saudite në këto sulme terroriste.

Mbretëria saudite është një aleate e ngushtë e SHBA.

15 nga 19 atentatorët ishin nga Arabisa Saudite, njësoj si ideatori i sulmeve, Osama bin Laden.

Politikani amerikan, Bob Graham, anëtar i një komisioni që do të hetonte për këto sulme, gjatë një interviste për CBS, dha disa detaje pikante.

Ish-senatori, edhe pse nuk duhet të flasë, iu përgjigj kështu pyetjes së gazetarit, nëse atentatorët janë ndihmuar në punën e tyre: “Po, nga sauditët”.

Kapitulli sekret për sulmet e 11 shtatorit mund të hapet

Vetëm një numër i vogël zyrtarësh amerikanë e kanë lexuar dokumetin tepër sekret. Teksti ndodhet në një zonë të sigurtë të kongresit amerikan që kur ai u hartua nga një komision i posaçëm i Kongresit në vitin 2002. Si në Dhomën e Përfaqësuesve edhe në Senat janë paraqitur projekt-ligje që kërkojnë bërjen e tij publike.

Gati 15 vjet nga sulmet terroriste të 11 shtatorit, kur 4 aeroplanë të rrëmbyer u përplasën në dy kullat binjake në Nju Jork, në ndërtesën e Pentagonit në Uashington dhe i fundit, në një fermë në Pensilvani, rreth 28 faqe nga raporti që përmbajnë hollësi nga mbështetja e vendeve të tjera për autorët e sulmit, mund të bëhet së shpejti publike.

Megjithë klasifikimin si tepër sekret, ata që e kanë parë këtë pjesë të raportit, kanë bërë mjaft aludime rreth lidhjeve të Arabisë Saudite me rrëmbyesit, sa shumë po kërkojnë të dinë se për çfarë lidhje konkrete bëhet fjalë.

Ish seantori Bob Graham, i cili ka qënë pjesë e komisiont, tha të djelën se kjo pjesë e raportit duhet botuar për t’i dhënë fund debatit rreth saj dhe që populli amerikan të vendosë vetë për ato që do të shohë në të. I pyetur në se botimi i 28 faqeve do të kishte ndikim negativ në nivel të lartë, ai u përgjigj PO.

Ish Senatori Graham po ashtu tha se çështja më e rëndësishme e mbetur e pa sqaruar nga sulmet e 11 shtatorit, nga të cilat humbën jetën 3 mijë persona, është në se 19 rrëmbyesit, 15 prej të cilëve ishin nga Arabia Saudite, kishin apo jo ndihmë nga vende të tjera.

“Mendoj se është e paimagjinueshme të mendosh se njerëz që nuk flisnin anglisht, nuk kishin qënë kurrë në Shtetet e Bashkuara, dhe si grup nuk ishin të mirë-shkolluar, mund ta bënon sulmin vetë.Pra kush mund t’i ketë ndihmuar ata? Mendoj se të gjitha të dhënat të çojnë tek Arabia Saudite”, tha zoti Graham.

Ish Presidenti Goerge Bush dha urdhër që 28 faqet e dokumentit të klasifikoheshin si “sekret” dhe të mos përfshiheshin në raportin prej 828 faqesh të Kongresit, që u bë publik. Pasuesi i tij, presidenti Obama, i ka kërkuar ekipit të tij të sigurisë kombëtare ta rishikojë këtë kapitull dhe ish senatori Graham tha se ai shpreson që ai do të bëhet publik kur të merret vendimi në qershor.

Ben Rhodes, ndihmës këshilltari i presidentit për sigurinë kombëtare, tha javën e kaluar se “do të ketë një shkallë publikimi që do të ofrojë më shumë informacion”. Por ai nuk përmendi afat kohor dhe shtoi se komisioni i posaçëm i kongresit ka bërë “një deklaratë përfundimtare” ku përcaktohet se Arabia Saudite nuk ka patur synim të mbështesë al-Kaidën.

Marrëdhëniet amerikano-saudite kanë tërhequr vëmendje të shtuar pas vizitës së presidentit Obama atje javën e kaluar dhe pas kritikave të tij publike se mbretëria saudite nuk po bën sa duhet për të luftuar terrorizmin në rajonin e saj.

Një anëtar tjetër i komisionit të 11 shtatorit, ish ligjvenësi Tim Roemer, tha javën e kaluar se komisioni “nuk e ka shpallur të pafajshme Arabinë Saudite” dhe se këto faqe të raportit duhen të bëhen publike.

Raporti i komisionit të 11 shtatorit që u botua në vitin 2004 e cilëson Arabinë Saudite si “një aleat problematik në luftën kundër ekstremizmit islamik”. Po ashtu ai jep shpjegime të ndryshme se përse shumica e rrëmbyesve ishin nga Arabia Saudite. Në raport thuhet se Remzi Binalshibh, një prej të burgosurve në Guantanamo, i cilësuar si “bashkërenduesi” i sulmeve, ka shpjeguar se përzgjedhja e rrëmbyesve ishte e qëllimshme për t’i dërguar një mesazh qeverisë saudite rreth marrëdhënieve të saj me Shtetet e Bashkuara.

Por paragrafi tjetër i raportit, citon arkitektin e 11 shtatorit, Khalid Shaikh Mohammed, ta ketë hedhur poshtë këtë teori. Ai thotë se numri i sauditëve të përfshirë në sulme ishte një pasqyrim i përqindjes së lartë të rekrutëve në kampet e al-Kaidës që vinin nga Arabia Saudite. 

Xhirimi i papublikuar deri sot, nga tmerri i sulmeve në Kullat Binjake!

  

Një kalimtar rastësisht ka kapur momentin kur një aeroplan godet Kullat Binjake në New York.

Ai thjeshtë nuk mund të besojë çfarë po sheh, ndërsa e kap paniku bashkë me shumë të tjerë në rrugë, transmeton Telegrafi.

Nuk dihet pse ky xhirim nuk është publikuar deri sot, nga sulmi i tmerrshëm terrorist, më 11 shtator 2001 në New York të SHBA-ve.

Për më shumë, shikojeni videon.

Kryetari i Kuvendit, Kadri Veseli: Orientimi gjeostrategjik i Skënderbeut, mësim dhe amanet që do ta mbrojmë më fanatizë

Kryetari i Kuvendit, Kadri Veseli, ka kujtuar heroin kombëtarë, Gjergj Kastrioti Skënderbeu.

Ai përmes një postimi në llogarinë e tij në Facebook ka shkruar se Vepra e tij ka qenë burim frymëzimi për çdo luftëtar shqiptar.


Veseli, po ashtu, shkruan se orientimi i tij gjeostrategjik drejt perëndimit, është një mësim dhe amanet që do ne do të vazhdojmë ta ndjekim dhe mbrojmë me fanatizëm.

“Më 6 maj 1405, lindi heroi ynë kombëtar, Gjergj Kastrioti Skënderbeu. Vepra e tij ka qenë burim frymëzimi për çdo luftëtar shqiptar në përpjekjet shekullore për liri e barazi. Orientimi i tij gjeostrategjik drejt perëndimit, është një mësim dhe amanet që do ne do të vazhdojmë ta ndjekim dhe mbrojmë me fanatizëm”, shkruan ai.