SPECIALE E DITËS : CIKËL POETIK NGA SHERIFE BERISHA – THAÇI

            Sherife Berisha Thaçi -  nga  Suhareka - (22.04.1955).Punon dhe vepron  në Gjykatën Themelore - Prizren – Dega në  Suharekë .

            Është anëtare e Lidhjes së Shkrimtarëve të Kosovës, anëtare e Shoqatës për Kulturë dhe Art “Elena Gjika” në Suharekë, anëtare e Lidhjes Ndërkombëtare të Shkrimtarëve dhe Artistëve Shqipëtar – “Pegasi -Albania“ - Tiranë.

             Ka të botuar dy libra  me poezi :

              Librin me poezi me titull "Ngjyra Jete", dhe librin e dytë me poezi “Shtigjet e Skuqura” i përkthyer në dy gjuhë – në gjuhën angleze dhe atë italiane botuar në Tiranë.

               Me krijimtari letrare ka filluar të merret që nga bankat e shkollës fillore. Punimet e para të krijimtarisë së saj kanë parë dritën që nga viti 1974,  ku janë  botuar në Revistën Letrare  “Jehona” dhe në Gazetën  “Flaka e Vllaznimit”, të cilat aso kohe botoheshin në Shkup.

            Gjithashtu, krijimet e poetes Sherife Berisha - Thaçi,  kanë parë dritën edhe në të gjithë rrjetin mediatik dhe revista të tilla si : “Rilindja”, “Bota e Re”, “Zëri i Rinisë”, “Fjala”, “Shkëndija”, në Revistën “Pioneri” si dhe në  Revistën “Fidani”.

            Punimet e saj  janë të botuara në disa libra të Antologjisë në Shqipëri  dhe në Kosovë. Punime të botuara ka edhe në Revista të ndryshme  Shqiptare .

             Punimet e saja  si materiale nga masakra suharekase e vitit 1999, si dhe poezi e prozë janë botuar në Gazetën “Bota Sot”, pastaj në Bota Press – poezi  dhe në Revistën “Fidani” – poezi për fëmijë.

             Pjesë nga krijimtaria e saj – poezi dhe prozë, ka të botuar edhe në librin me titull “Brerore Lirie” të cilin çdo vit e boton Shoqata për Kulturë dhe Art  “Elena Gjika” nga Suhareka.

            Gjatë veprimtarisë së saj letrare, është stimuluar e shpërblyer disa herë në konkurse letrare.

  

MARTESË NËN HIJE

Kushtuar vajzave që patën fatin të martohen gjatë periodikut të dëbimit me dhunë nga Kosova – Shqipëri-Maqedoni etj.– (Mars – Qershor - 1999).

Jam Lule Vjollcë – Jam në kërkim të stinës që i thonë Pranverë !

Jam bijë kosovare.

Pas humbjes së shpresave për të mbetur në Kosovë,

Mu desh të bëhem nuse nga Durrësi,

Shumë larg teje –

Por…afër

Nuse pa duvak, pa fustan nusërie.

Nga derë e shtëpisë dola me petka të zeza korb

Për TY Kosovë,

Për bijtë e ashtit tim

Që ranë për TY, e mbetën mbi dhe.

Ashtu të pavarrosur i lashë unë,

E nuk pata mundësi as t`ua mbyllja sytë,

Dhe t`ua  përshpëritja fjalët:

Flini të qetë – Liria nuk është larg –

Oh… ç`dhembje mbeti në zemrën  time

Në ato ditë kur vërshuan lumenjtë e gjakut e të lotëve,

Për gjithë atë ferr e tmerr,

Që të kishte rënduar trupin tëndë Kosovë.

Ta këtheva shpinën

Duke të lënë  TY, mbretëreshë të robëruar.

Plagët ti mora me vete dhe i barta brigjeve të detit.

Duke u dallgëzuar me to, lutesha për fatin tënd dhe timin,

Që të mos na  ndjekë hija e orëligës.

Lutesha – Kosovë -  A do të më sheh të vdekur,

Apo do të të shoh të gjallë

Shpresat  i kisha  gjithëherë, 

Se një ditë do të të shoh të lulëzuar.

Sot në Kosovë vie erë lirie…

E unë lutem :

Merrëm edhe njëherë në krahët tu Kosovë

Se më ke gjak, me ke asht…

Se këtu retë ma ndalin frymën.

Unë jam këtu veq si një hije e natës së pikëlluar.

Unë dua të jem atje ku bukës i thonë bukë e ujit ujë.

Unë dua lirshëm të frymoj aty ku qesha dhe qava njëkohësisht.

Unë dua të jem në mesin e njerëzve të ashtit tim

Më merr në krahët Tu Kosovë – Gjaku im,

Kënga ime, Lulja ime, Dielli im Kosovë.

PENA NUK NDALET PËR TY

(Gongje Bojaxhiut – Shenjëtores - Nënë Terezës)

TY  -  Nënë  jetike mbi mite

Yjet  e derdhura në horizont

Të tërhiqnin udhëkryqeve të jetës.

Rrugëtimi Yt, përtej rrufesë  kishte  daljen

Në njërën dorë mbaje  th`negla shpirti

Në dorën tjetër mbaje Diellin

Për  t`i ngrohur  zemrat  e  ngrira

Nga  akulli i skamjes.

Në kërkim të shtigjeve të dritës

Udhëtove  ishujve  pa  emër

Deri në Kalkutë,

Ti Shpirt-Bardha Shqipëtare

Shenjëtorja – Nëna Terezë

E Madhe do  mbetesh në Lapidar

Nënë e Botës-zemër zjarrtë e gojë-mjaltë

Ishe dhe mbete – Bardhësi,  me shpirt-Engjëllor

Gjithmonë  vepra Jote - Shkëlqen  si  Meteor.

    28 – NËNTORI

(Kushtuar Flamurit Kombëtar)

Sot buzëqesh me krenari

Anë e kënd ke pamjen ndryshe

Petku festiv sa mirë të rri

Qëndron krahë-hapur - si dallëndyshe

S`jam dallëndyshe, jam Shqiponjë

Këtu kam zgjedhur më t`bukurin vend

Shqiptaria më thërrasin Zonjë

N`Flamurin e Vlorës, e kam Folenë

Nuk jam veq  shtizë e pëlhurë

Në mua ka vlerë të vërtetë

Jam i fuqishëm Flamur

Për mua njerëzit, kanë dhënë jetë

Në këtë vend veq shkëmb e gur

Në shqiptarinë me Plisa t`Bardhë

Marigona më vuri n`Flamur

Që të jem gjithmonë krenar

I shtrenjti ynë - Simbol Kombëtar

U ngrite lartë më 28 Nëntor - 1912-të

E ne s`do ndalemi gjer n`piedestal

Gjer sa t`arrijmë – Nëntorin e Tretë

 TI  -  DHEMBJE KUQ E ZI

(Poezi  kushtuar  Atdhetarit  – Ukshin Hotit)

 TY  Kalorës, me fuqinë e Gjergj Elez Alisë,

Djajt aq shumë ta kishin frikën

Të zhdukën pa shenjë pa dokë.

Në ditën e zhdukjes Sate

Dielli ndali flakën e nxehtësisë, largoi  rrezet

Hëna  u  zhduk nga vendi, netët u errësuan

Ditët e vitet u vruknuan nga dhembja për TY.

Retë sillen, rrotullohen, ecin,

Edhe ne ecim e nuk ndalemi së kërkuari,

Deri sa ta arrijmë cakun e takimit me TY.

Asnjëherë nuk ndalim kërkimin

Sipër  rrjedhës së ujit të kërkuam  ag   e   terr,

Në thellësi të krojeve të kërkuam

Edhe sytë na janë shëndërruar në kroje lotësh,

Për TY Atdhetar i devotshem - Ukshin  Hoti,

Lumenjtë përvajshëm ulërinjë,

Malet lëshojnë oshëtimë

Ishte kohë e mbështjellë me fjongo të zezë

Nga ofshamat  zjarmuese pëlcisnin guri e druri.

Sot  në  bronz  skalitet  Figura Jote

TI, gjithëmonë hapërove nëpër dritaret e jetës,

 Si valët e Drinit kur bashkohen

Emri Yt  mbanë  të  bashkuar  Shqiptarinë

Kalëron nëpër  krahët  e  këngës  në  lahutë  e  çifteli

Djal  me  nam  e  djal  i  Zoti - Atdhetar si Ukshin Hoti

Pak  si Ti Trima  lindin

Nuk kanë lind as s`kanë me le,

Dritë e Diell  je  për Atdhe

Vdekja, pak të dukej  për LIRI

Çdo fjalë e shkruar për TY - Zgjon dhembjen Kuq e Zi.

 POEZI - KUSHTUAR FEMRËS

A  S  A  J

Të jesh Femer, do të thotë

Të jesh Emër – të kesh zemër

Ajo udhëtoi nëpër kotësi

Dikur jeta Ia ngulfatti gëzimet

Pranverën e kishte të leckosur

E diellin  të ngrirë në akullnajë

Sa herë iu gremis zemra në honë zemrimi

Durimin e shëndërroi në lulë-pikëllim

Që vrullshëm  do t`i  shpërthej si vullkan

 Erdhi një ditë që priste me shekuj

Bota femërore po zbardhëllinë

Dhe AJO po ngre zërin me fuqi planeti

Fatin e saj mos ta dikton Ai – tjetri

Kerkon barazi – emri i saj të jetë  në histori

Ngre zërin për punën e gjykon  dhunën

Puna  hijeshon qdo gjë - lindjen e vdekjen

Puna na bënë të lumtur dhe krenare

Puna na jepë njerëzi, na ep emër

Jo vetëm emër në letër

Emër që lëshon hijezim në qdo cep të jetës

Për ta ndryshuar historinë e vjetër

Aty ku prehen jeta dhe vdekja

Ajo din të qesh dhe të qajë

Dijnë të këndon dhe të vajton

Nëpër secilën dallgë jete

Ajo është breg që i valët i qetëson

Ajo në zemër ka  bujarinë, trimërinë

Dashurinë,

Femra përherë ishte dhe mbeti

E zëshme – sypatrembur

Siq ishte Teuta, Shota e shumë të tjera

Ajo sot ec krah për krah  me Diellin,

ATO  përherë sjellin – Të gjelbruarat Pranvera

RIPËRTËRIHEN PLAGËT

(Në përvjetor të atyre që u masakruan,

dhe shtëpitë iu mbyllën me dry)

Vitet ecin

E dhëmbje është pllakosur me shpirtin

Festat   kanë humbur shkëlqimin

që kishin dikur.

Oborret nuk janë  më si përpara,

Bari është rritur,

E lulet janë  me gjemba

S`kanë aromë

Fotografitë në mur nuk flasin, dhembshëm shikojnë

O Zot, shpirti dhemb

Toka gjëmon për ata që ikën pa faj?!

Për filizat që sapo u takuan me Dritën e Diellin

Gjëmët e kësaj Toke s`kanë shërim

Shumë sofra u shuan

E dyert u mbyllën me dry

Larg do të ndihen gjëmët  e kësaj Toke.

O Zott !

HUMBJA JUAJ - MAL ME DHEMBJE

        (Poezi për të zhdukurit )

Në një mot  të  vruknuar

Kur  vendin e mbuloi brymë e trishtimit

Shumë të pabëme u bënë mbi këtë vend

Atëherë kur  trupat  notonin  nëpër  gjak

Bashkë me momentet fatkeqe e skena trishtuese

Kur na ra një hije e orëligës

Edhe  gurët  pëlcisnin nga dhembja

Ishte natë ogurzezë,

Kur gjarpërinjtë  kafshonin  për  vdekje

Ju  të pafajshëm u zhdukët dhe nuk jeni në mesin tonë,

Pesha e mallit të ndarjes me Ju

Është  bërë  mal  me  dhembje

Dhembja lëshon  valle  trishtimi

Duke na  bërë  krushkë  të vargut vajtues

Në  këtë  botë  të  q`mendur veq shpresa  na mbanë

Që  të gjallë apo të vdekur

Një ditë të keni një adresë në Tokën Tuaj

Ku mund të iu sjellim lule të ujitura me pika loti

Ajo ditë do të jetë diell hareje për familje

Këngët për Ju do të marrin hov

Dhe të rriten në djepin e vargut tim.

ME VARGJE E BRUSHË

Në mëngjes si rregull 

Bëjë gjimnastikë

Pasdite kap lapsin

N`letër shkarravis

Herë shkruaj vargje

Herë herë vizatoj

Poetët e mëdhenjë

Me mjeshtri i pikturoj

Pikturoj Naimin

Me Bukurinë e Fushës

Me Flakën e Qiririt

N`zërin e ëmbël t`Tufës

Shkëlqimin pikturës ia shton

Besë e Rozafasë

Kur e shoh të murosur

N`themele t`kalasë

Në vazhdim letrën

Mundohem t`a qëndis

Duke i shëruar plagët

Gjergj Elez Alisë

Me vargje e pikturë

Historia shkruhet drejt

Ç`më mbeti pos të lutem

                                              PËR NËNTORIN E TRETË

POET ME VARGJE MARGARITAR

(Kushtuar Shkrimtarit – Gani Xhavollit)

Poet  i  thinjur me flokët e gjata

Ishte i shenjtë me dashurinë e tij

Vargjet e tij ishin dhurata

Që i mirëpriste çdo fëmijë

Poet i shenjtë me mjekërr të bardhë

Nuk pushoi kurrë për t`dhuruar dashuri

I fali Kosovës dhe fëmijve mbarë

Vargjet e tija – Margaritar

Në vargjet e tij gjenim frymëzim

Diellin e sjell edhe në kohët me shi

Zemër nostalgjie me plotë zgjim

Dallgët e shpirtit gjenin qetësi

Gani Xhafolli – Piktor e Poet

Ti ike papritur në përjetësi

Me shpirtin prej artisti në histori ke mbet

Do jetosh në zemrat e secilit njeri

Gani Xhafolli – Emër plotë vlerë

Artistikisht  ishe plotë nostalgji

Sot  veprat Tuaja flasin vetë

Do të kujtohesh me nder e krenari.

 P A S Q Y R A

Ti  më don  mua

Unë  të  dua  Ty

Ne  kur  jem bashkë

Bëjmë njësoj  të  dy

Përse  më  emiton

Apo,  don  t`më  provokosh

Një  gjë  dua  ta kupton

Nuk  do  më  nervozosh

Unë  të  dua  Ty

Tek  Ti  e shoh vetëvehten

I  shoh  vijat  në  ball e sy

Ti  ma  tregon  të  vërtetën

Edhe kur  i shoh vijat e ballit

Unë  ndjehem e dashuruar

Dashurija u lind nga engjujt, e jo nga djalli

Pasqyrë  moj  e  uruar

Koha po ecën, nuk ndal

E  unë  kam  një  dëshirë

Mos  mi  shpeshto  vijat  në  ball

Të  më  dukesh  më  e  mirë !

FOTOGRAFIJA

A E SHIHNI  OJ  MIQËSI

I  NJIHNI  KËTA NË  FOTOGRAFI

JAM  UNË  EDHE  AI

DIKUR  E DESHTA  SHUMË

EDHE  SOT  ASHTU  E DU

POR  DIQKA  KA NDRYSHU

RRUDHAT  NË  BALL  NA  JANË  SHTU

BARRA  E  JETËS  ËSHTË  NGARKU

NGANJËHERË  PRISHEMI  E  PËRLAHEMI

POR  ASNJËHERË  NUK  NDAHEMI

AFËR QËNDROJMË, TË URTË E TË HESHTUR

NJERËZ  TË  QETË,  E  RRALLË  TË  QESHUR

NGA  HALLET  E  JETËS  SI  GJITHË  SHQIPTARIA

VITET  ECIN - OFROHET  PLEQËRIA

KATËR   STINËT

Në pranverë lulëzon çdo lulë

Poeti merr vrull,

Në verë gruri piqet 

Poeti digjet,

Në vjeshtë zbehet gjelbrimi 

Poetit shpirtin ia kaplon mjerimi,

Në dimër çarçafi çdo gjë mbulon

Vargu i poetit, nga gjumi më zgjon.

Konfrontim ose dialog?

Nga Aurel Dasareti, USA, ekspert i shkencave ushtarake-psikologjike (dasaretiaurel@yahoo.com.au)

Terroristët e VMRO-DPMNE të katrahurës FYROM, me urdhër të Kryekriminelit NikolaGruevski, dhunuan Kuvendin duke masakruar deputetë dhe gazetarë shqiptarë. Këta nazistë, që me vite kërcënojnë jetën e shqiptarëve autokton me dëshirën përvëluese: “Digjni shqiptarët në kamerat e gazit”,vuajnë nga pabarazitë gjenetike, mendore dhe emocionale. Britmat barbare të tyre janë saktësisht identike dhe të huazuara nga idhulli i tyreAdolfHitler, nazistët e të cilit gjatë Luftës së Dytë Botërore dogjën 5 milion hebrenj të pafajshëm në Kamerat e Gazit në Auschwitz; krim i tmerrshëm i njohur në histori si Holocaust.

***
Armiqtë e etshëm për gjak shqiptari kanë harruar se shqiptaria akoma nuk ka vdekur dhe se në realitet urrejtjet e tyre patologjike ndaj nesh janë impotente. Ne do të riorganizohemi dhe do të mbijetojmë. Njeriu nuk mund të bëjë një omëletë pa thyer disa vezë.
***
Urrejtja patologjike, e pabazë, nuk udhëhiqet nga mendja e shëndoshë e logjikshme. Urrejtjet e tilla mund të jenë personale ose kolektive dhe janë shtysë për një sërë veprimesh joracionale dhe konflikteve, duke përfshirë dhunën, racizmin dhe terrorizmin. Urrejtja e pabazë është gjithashtu një element i rëndësishëm i propagandës, për shembull, kur forcat politike ekstremiste dhe terroriste ndërtojnë imazhe armiqsh dhe motivojnë për luftë. Gjuetari i nazistëve, hebreu SimonWiesenthal (1908-2005) ka thënë se e kundërta e dashurisë nuk është urrejtja, por indiferenca.
***
Shtet multietnik ose shtet shumëkombësh është emri për vendet ku popullsia është e përbërë nga dy ose më shumë kombe ose grupe etnike me kultura dhe gjuhë të ndryshme. Shtet multietnik është e kundërta e shtetit-komb etnikisht homogjen si Shqipëria dhe Kosova, ku shqiptarët autokton përbëjnë 99% të popullsisë.
Shembuj të ish shteteve multietnike: Perandoria Austro-Hungareze, Bashkimi Sovjetik dhe Jugosllavia. Kurse tani: Mbretëria e Bashkuar, Rusia, Turqia, Irani, Indonezia, India, Serbia, Greqia, FYROM etj. Pra, vende multi-etnike ku historikisht jetojnë kombe të ndryshme dhe numerikisht përafërsisht të njëjtë.
Në rastin e rrëmujës FYROM, shtet multi-etnik i përbërë nga 45% shqiptarë, ka pasoja të drejtpërdrejta politike. Kjo katrahurë domosdoshmërish të respekton ligjet ndërkombëtare dhe shqiptarët autokton të mos mbeten qytetarë të dorës së tretë por të barazohen100% në të gjitha aspektet me ardhacakët, duke mos pranuar asnjë miligram më pak se kjo, ose ndarja. Pasi ardhacakët janë gënjeshtarë të ndritshëm përpiqen të na paraqesin si minoritet, prandaj artificialisht e zvogëlojnë numrin e shqiptarëve në 25%, kurse shqipfolësit kryelakra indiferent brenda dhe jashtë murit të arbrit, nuk reagojnë aspak kundër kësaj gënjeshtre të pistë, përkundrazi, e pranojnë si të vërtetë. Në një shtet multi-etnik është edhe një barazi absolute mes statusit të gjuhëve rajonale, duke përfshirë komunikimin administrativ në nivel kombëtar, një simbol themelor për barazinë e plotë të të gjithë banorëve.
***
Ne të botës pellazge/ilire/shqiptare akoma nuk e kemi pastruar oborrin tonë nga plehrat tona dhe nuk e njohim as veten as armikun tonë. Për sa kohë që kjo vazhdon, ne nuk mund të fitojmë, pa marrë parasysh se çfarë lloji të teknologjisë së armëve vetëmbrojtëse që kemi. Ne kemi harruar kush ishim dikur dhe çfarë ishte ajo që krijoi qytetërimin tonë qysh nga kohërat e lashta kur armiqtë shekullor strehoheshin diku larg këtij civilizimi. Ne gjithashtu dështojmë për të njohur një armik, madje edhe kur ai haptazi, me shekuj e deklaron veten se është armiku jonë.
Nëse ti e njohësh armikun tënd dhe veten tënde, ti nuk do të vihesh në rrezik, madje edhe në njëqind beteja. Nëse ti vetëm e njohësh veten, por jo armikun tënd, ti mund të fitosh apo të humbasësh. Nëse ti nuk e njohësh as veten as armikun tënd, ti gjithmonë e vënë veten në rrezik.
***
Vetë-disiplina nënkupton aftësinë për të përqendruar dhe motivuar veten për të kryer qëllimet dhe veprimet nën drejtimin e të tjerëve ose vetvetes. Ne të gjithë e kemi fuqinë për të marrë vendimet tona. Ne mund të kontrollojmë jetën tonë në drejtimin që ne duam. Për ta bërë këtë, ne duhet të përqendrohemi dhe të paktën të kemi një motivim për të kryer veprimet që janë të nevojshme për të arritur atje ku dëshirojmë. Askush prej nesh nuk arrin çdo gjë që duam, por ne mund të vendosim që të kemi një përqasje (veprim) që na sjell objektiva më të afërta. Për të mbajtur një përqasje të tillë, ne duhet vazhdimisht të kujtojmë veten për atë se çfarë duam në të vërtetë, dhe sa të rëndësishme janë qëllimet (objektivat) për ne.
***
Nuk është populli dhe votuesit për të cilët janë duke punuar politikanët shqipfolës! Ata vetëm i përdorin për të ardhur në pozitë dhe për të fituar pushtetin. Këta kriminelë antikombëtarë janë shkaktarët kryesor të tragjedisë tonë. Me bashkëfajtorët: pseudo-intelektualë, pseudo-gazetarë dhe pseudo-gjeneralë, e shitën tokën, e shitën ujin, e shitën ajrin, e shitën qiellin, e shitën diellin.
***
“Njeriu i pistë e josh të afërmin e vet dhe e çon nëpër një rrugë të rrezikshme”- thoshte gjyshi im (oficer i lartë).
Ka disa njerëz që unë i admiroj më shumë se të tjerët, për shkak se ata janë të ditur, atdhetarë, kanë integritet të fortë dhe qëndrojnë për vlerat dhe pikëpamjet shoqërore që unë i mbështes.

Pesë krimet më misterioze dhe më të çuditshme

Çdo krim në vetvete është i frikshëm. 

Por, përpos frikës, disa krime vazhdojnë që të shoqërohen edhe me mistere të mëdha....

Tmerri në dhomën 1046

Ky krim i mistershëm është plot me ngjarje jo të rëndomta dhe mbetet i pashpjegueshëm. Gati është e sigurt se kurrë nuk do ta dimë të vërtetën. Hetimi rreth vrasjes së personit me emrin Ogletree u rihap shkurtazi në vitin 1937, pasi detektivët vërejtën një ngjashmëri midis vrasjes së tij dhe të një të riu në Nju-Jork, por as këto hetime nuk çuan askund. Ky rast mbeti i pazgjidhur dhe në errësirë deri më tani, me përjashtim të një incidenti të çuditshëm dhjetë vjet më parë. Bëhet fjalë për vrasjen e vitit 2012 nga John Horner, një bibliotekist në Kanzas Siti, i cili kishte bërë hetime të mëdha rreth misterit Ogletree. 

Vrasja e Joe Elwellit 

Joe Elwell ishte autoriteti kryesor në lojën me letra dhe vrasja e tij e çuditshme mbetet e pazgjidhur. Në fakt, kurrë nuk ka pasur asnjë njeri të dyshimtë. Nëse ju pëlqejnë krimet në dhomat e mbyllura, atëherë ky do të jetë krimi juaj i preferuar.

Vrasjet e çuditshme të kutive të akullit 

Ku dhe kur: Hjuston, në qershor të vitit 1965. Çka: Fred dhe Edwina Rodgers, 81 dhe 79 vjeç, u vranë, e më pas u vendosën në frigoriferin e tyre, në Ditën e babait të vitit 1965. Pse është aq e frikshme? Fred dhe Edwina në fakt ishin vrarë një javë para se të vendoseshin në frigoriferë. Edwina ishte rrahur dhe ishte vrarë me armë, kurse Fredit i ishte shtypur koka dhe i ishin nxjerrë organet jashtë. Djali i tyre, Charles 43 vjeçar, është i dyshuari kryesor, por ai u zhduk pas këtij akti. 

Rastet tmerruese të vrasjeve të kryera nga familja Bender

Familja Bender dukej e rëndomtë në Kanzasin juglindor në pranverën e vitit 1872. Pjesëtarët e saj nuk dukeshin të ishin të jashtëzakonshëm në asnjë aspekt. Thjesht, vetëm edhe një familje imigrantësh që ishte larguar nga qytetet lindore, për ta provuar fatin në perëndim. Sikur edhe shumë të tjerë, ata vetëm donin një jetë të re. Por, metodat e tyre për realizimin e këtyre gjërave, ishin shumë të ndryshme nga ato të të tjerëve. 

Vrasjet në Snoutaun 

Vrasjet në Snoutaun (të njohura edhe me emrin vrasjet e kufomave në fuqi) ishin një seri vrasjesh të bëra nga John Bunting, Robert Wagner dhe James Vlassakis midis gushtit të vitit 1992 dhe majit të vitit 1999, në Australinë jugore. 

The Independent: Mund të jemi shfarosur deri në 2050-ën

Sipas studimeve rreth të ardhmes së Inteligjencës Artificiale, raca njerëzore mund të zhduket brenda jetës sonë.

Jeff Nesbit, ish-drejtor i çështjeve legjislative dhe publike në Fondacionin Kombëtar të Shkencës dhe autor i më shumë se 24 librave, ka shqyrtuar mendimet më të fundit mbi aftësitë e Inteligjencës Artificiale.

Ai konkludon se raca njerëzore mund të pushojë së ekzistuari deri në vitin 2050 – ose që ne të bëhemi të pavdekshëm.

Nesbit shpjegon teorinë e njohur si SAI, ose ‘super-inteligjencë artificiale’, e cila tregon se IA do të zhvillohet në një super kompjuter, i cili mëson kaq shpejt, sa e tejkalon inteligjencën njerëzore dhe zgjidh të gjitha problemet.

Teoritë kundërthënëse

Nga njëra anë, janë shpresëplotët si Ray Kurzveil që na luten të mos i frikësohemi inteligjencës artificiale, duke theksuar kërcënime më të vjetra dhe më të ngutshme, si bioterrorizmi apo lufta bërthamore. Në fakt, Kurzveil argumenton se aftësitë mendore janë rritur nga IA dhe ai thekson se normat globale të dhunës, luftës dhe vrasjeve, kanë rënë në mënyrë dramatike.

Ai gjithashtu argumenton se IA ka ndihmuar për të gjetur shërime për sëmundjet, për të zhvilluar burimet e ripërtëritshme të energjisë dhe për t’u kujdesur për të paaftët, por duke sjellë edhe dobi të tjera.

Kurzveil e vendos datën e ‘Inteligjencës artificiale në nivelin njerëzor’ në vitin 2029, gjë që na jep kohë të mjaftueshme për të “hartuar standarde etike”. Pastaj është Rollo Carpenter, krijues i softuerit Cleverbot, i cili ka fituar rezultate të larta në testin Turing – që do të thotë, shumë njerëz e kanë ngatërruar me një njeri, kur komunikojnë me të.

“Unë besoj se ne do të mbetemi në kontroll të teknologjisë për një kohë të gjatë, dhe do të çlirojmë potencialin e saj, dhe do të kuptojmë potencialin e saj për të zgjidhur shumë porbleme të botës.

Ai shpjegon se aftësia për të zhvilluar algoritmet e nevojshme për të arritur inteligjencën e plotë artificiale është ende disa dekada larg, dhe shpjegon: “Ne nuk mund ta dimë atë që do të ndodhë nëse një makinë e kalon inteligjencën tonë, kështu që nuk e dimë nëse në fund do të ndihmohemi prej saj, apo injorohemi, lihemi mënjanë. Ose edhe shkatërrohemi prej saj.

Sipërmarrësi miliarder Elon Musk, pionier i parave digjitale dhe makinave elektrike, u ka thënë studentëve në një intervistë, se ne po “thërrasim demonin” me IA.

Duke folur në Simpoziumin AeroAstro Centennial në Institutin e Teknologjisë në Masaçusets (MIT), Musk bëri këto komente:

“Nëse më duhej të gjeja se cili është kërcënimi ynë më i madh ekzistencial, do të thoja ndoshta inteligjenca artificiale. Pra, duhet të jemi shumë të kujdesshëm. Me inteligjencën artificiale ne po e thërrasim demonin”.

Në një letër të hapur të vitit 2015, Musk dhe Profesor Stephen Hauking shkruajtën mbi idenë se IA mund të lejonte zhvillimin e armëve autonome, të cilat do të revolucionarizonin luftën – dhe jo për më mirë.

Armët autonome janë ideale për detyra të tilla si vrasjet, destabilizimin e shteteve, nënshtrimin e popullatave dhe vrasjen në mënyrë selektive të një grupi etnik të caktuar.

Fillimi i një gare armatimi të IA është një ide e keqe dhe duhet të parandalohet.

Hauking, i cili është në gjendje të komunikojë nëpërmjet një teknologjie që përdor një formë bazë të inteligjencës artificiale, gjithashtu kishte këtë deklaratë për BBC:

“Zhvillimi i inteligjencës së plotë artificiale mund të sjellë fundin e racës njerëzore”.

Ai gjithashtu e konsideron mundësinë dhe rreziqet potenciale të ISA, duke shpjeguar se IA mund të shkëputet dhe të vetëprojektohet me një ritëm gjithnjë në rritje. Njerëzit, të cilët janë të kufizuar nga evolucioni i ngadalshëm biologjik, nuk mund të konkurrojnë dhe do të zëvendësohen. Por të gjithë ata bien dakord për një gjë – diku në 30 vitet e ardhshme apo më shumë, një super kompjuter do të replikojë trurin e njeriut dhe do të zhvillohet në super-inteligjencë, ose ASI.

Tim Urban, autor i blogut ‘Prit, por pse?’ e përshkruan kështu të ardhmen: “Ndërsa shumica e shkencëtarëve që unë kam takuar e pranojnë se ISA do të kishte aftësinë për të dërguar njerëzit drejt zhdukjes, shumë besojnë gjithashtu se aftësitë e ISA, nëse përdoren në mënyrë të dobishme, mund të shpien njerëzit dhe gjithë specien drejt… pavdekësisë.

Tradhtia

“Në kundërshtim me atë që ana juaj mashkullore mund të mendojë, ju mbase nuk jeni në qendër të universit të saj”

Tradhtia ndodh. A ndodh ajo shpesh? Mbase jo. A do t’ju tradhtojë partnerja juaj? Shpresojmë që jo. Në një studim të bërë në 2016-n, mbi 35% e grave treguan se do t’i tradhtonin partnerët e tyre nëse ata nuk do ta zbulonin kurrë.

Është një fakt i trishtë, por marrëdhënia perfekte nuk ekziston. Kështu, edhe nëse ju dashuroni gjysmën tjetër tuaj, ekziston një shans që ajo mund të jetë duke ju tradhtuar. Në kundërshtim me atë që ana juaj mashkullore mund të mendojë, ju mbase nuk jeni në qendër të universit të saj.Ne kemi bërë një listë të 10 shenjave që tregojnë se partnerja po ju tradhton. Secila shenjë është një lloj paralajmërimi që diçka nuk po funksionon në lidhjen tuaj.Në varësi të rrethanave, mbase do t’ju duhet të shikoni për të tjera shenja tradhtie.

1. Bëheni i parëndësishëm për të

Çfarë mund të jetë më keq se sa një e dashur që ju anashkalon për pothuajse çdo gjë? Po për dikë që as nuk e vë më re që ju jetoni? Asaj nuk i bën më përshtypje nëse nuk doni të shkoni në një mbrëmje baleti me të, ajo do të gjejë dikë tjetër me të cilin do të shkojë. Dhe pavarësisht mendimit që ju mund të keni për pamjen ose ndjenjat e saj, ajo i kthehet me një përgjigje të vakët. Me fjalë të tjera, ju nuk ju kushton të njëjtën rëndësi se çfarë mendoni ose bëni.

2. Ajo mban të fshehtë orarin e saj

Ajo mund të deklarojë se nuk ka më kohë për takime mbas mësimit me ju. Kur ju jeni i fundit që dini vendndodhjen e saj kjo tregon se diçka nuk shkon. Zbulimi i planeve të saj në minutën e fundit kjo nuk do të thotë se po ju harron, por që po ju lë jashtë axhendës së saj.


3. Nuk ka interes të kryejë marrëdhënie seksuale me ju

Kur marrëdhënia juaj ishte në fillimet e veta, të dy ishit plot pasion dhe të hapur ndaj dashurisë spontane. Kurse tani është ndryshe, ju bëni dashuri me partnere tuaj vetëm kur do ajo. Ajo papritur mund të ndjehet e mërzitur nga performance juaj dhe fillon të mendojë për dikë tjetër kur ju bëni dashuri. Pra nëse ju nuk jeni në gjendje ta kënaqni atë seksualisht, atëherë dikush tjetër po jua “rrëmben” atë.


4. Ajo bëhet e pavarur

Një nga shenjat më të mëdha që ajo po ju tradhton, është pavarësia e saj. Ajo nxjerr nga fjalori i saj fjalën “ne” në këmbim të fjalës “unë”. Për më tepër, ajo fillon të bëjë më shumë gjëra për vete, dhe ndalon së diskutuari me ju për planet e së ardhmes. Ajo sillet në mënyrë që t’ju tregojë juve se nuk jua ka më nevojën. Fillon të shpresojë që ju do të largoheni nga jeta e saj sepse nuk ka nerva të merret me ju.


5. Ajo bën sa më shumë përpjekje që të duket seksi

Ju e pëlqeni atë ashtu siç është, por kjo nuk do ta ndalojë atë të përmirësojë pamjen. Ashtu siç ju u përpoqët t’i bënit përshtypje asaj në fillim të marrëdhënies suaj, ajo do përpiqet sa më shumë të përmirësojë stilin e saj, të ndryshojë makeup-in dhe pamjen e saj fizike për një mashkull të ri në jetën e saj. Kështu, ndërsa dëshira e saj për t’u dukur më seksi është njëra anë e medaljes, të mos kushtuarit vëmendje të opinionit tuaj, është ana tjetër.


6. Ajo ju largon nga prioritetet e saj

Nëse ajo është e përfshirë në një lidhje me dikë tjetër, ju do të ndjeni një largim nga prioritetet e saj ditore. Papritur nuk ka më të diela të përkushtuara ndaj njëri-tjetrit sepse del gjithnjë diçka që do të hyjë në mes. Ato kanë një tendencë të planifikojnë sa më shumë takime që të munden, që më vonë sjell mospërfillje të angazhimeve të mëparshme.


7. Ajo i shmanget pyetjeve të thjeshta

Duhet të filloni të dyshoni për të dashurën tuaj kur ajo refuzon t’i përgjigjet edhe pyetjeve më të drejta dhe më të thjeshta ose kur përsërit pyetjen që ju i keni bërë. Zakonisht kjo shenjë tregon se ajo po mendon një gënjeshtër gjatë kësaj kohe të shkurtër. Kini kujdes kur ajo kthehet në shtëpi në mesnatë dhe ju kërkon: “Pse do ta dish se në çfarë ore u largova nga dyqani i kafesë?”. Nëse ajo merr natyrë defensive atëherë me siguri do të jetë duke fshehur diçka ose dikë.

8. Ajo ka një shok misteriozSipas gojëdhënave një shenjë që femra juaj po ju tradhton lind kur në mes futet një “shok i ri misterioz”. Nëse është dikush për të cilën ajo thotë se është shok pune ose një mik i vjetër, ajo e mban të fshehur këtë miqësi dhe heziton të japë hollësira mbi të, e aq më pak t’jua prezantojë.

9. Ajo ju “sulmon” vazhdimisht

Ditët që ju komunikonit në harmoni të plotë tanimë kanë ikur. Tani, çdo ndjenjë ose mendim që ju shprehni ajo gjen një arsye për t’a kthyer kundra jush. Duke ju sulmuar juve e ndihmon atë të justifikohet për gabimet e veta. Kështu, nëse ajo fillon të diskutojë çdo të metë tuajën, atëherë me siguri do të pyesni veten se çfarë po ndodh realisht. Kjo është një shenjë që ajo po ju tradhton.

10. Ajo qëndron larg familjes tuaj

Fakti që ajo kërkon të mos jetë më pjesë e funksioneve të familjes tuaj ose të qëndrojë me miqtë tuaj është një nga shenjat që po ju tradhton. Kjo shenjë mund të jetë tregues i pendesës së saj, gjë që mund ta bëjë të ndjehet fajtore për tradhtinë. Sa më pak të ballafaqohet me njerëzit e rrethit tënd që të kujtojnë vazhdimisht gabimet e saj, është një dhimbje mendore më pak për të.

Prof.Dr.Sali Berisha tregon se ku kanë ngecur negociatat: Edi Rama nuk pranon të…

Ish  presidenti dhe kryeministri shqiptar Profesor Dr.Sali Berisha ka reaguar ne rrjetet sociale pas takimit mes Rames dhe Bashes, duke treguar se ku kane ngecur negociatat. Ai thote se Rama po e shtyn vendin drejt humneres pasi nuk pranon nje kryeminister teknik.

STATUSI I BERISHES:

Karrigia e Norieges se Shqiperise, Edi Rames, po shtyn vendin drejt humneres!
Ne vend te nje zgjidhje politike, zgjedh mbrojtjen me cdo çmim te karriges se tij!

Te dashur miq, Noriega i Shqiperise pranon cdo gje tjeter por jo nje kryeminister teknik sepse nuk i njeh vetes asnje pergjegjesi per Narko-Republiken qe ndertoi.

Ne kater vite ai nuk iu tregon dot shqiptareve nje veper publike, rruge, shkolle, spital, ujesjelles, kanalizim apo premtim te mbajtur por vetem narko- polici, narko-deputete, narko-pushtetare, narko-fermere, ara te pafundme kanabisi, tunele, magazina shteterore me kanabis dhe laboratore nder me te sofistikuarit per drogen dhe, njelloj si Noriega, banken e tij per larjen e parave te droges!

Narko-Republika eshte mjedisi qe vret voten e lire te shqiptareve dhe ushqen me gjakun e tyre pushtetin e krimit te Edi Rames.

Ai nuk ndjen asnje pergjegjesi per lirimin nga burgjet per qellime elektorale te vrasesve serial, bandave terroriste dhe bllokimin e dekriminalizimit.

Vetem ne administrate shteterore ai ka sot mbi 400 vete me rekorde kriminale dhe ne grupin parlamentar zevendesoi nje grup vrasesish e trafikantesh me nje grup tjeter, po te markes se tyre. Krimi dhe vetem krimi eshte garantuesi kryesor i pushtetit te tij dhe vrasjen e votes se lire. Ai per karrigen e tij ka shnderruar te gjithe rrogtaret e administrates, ushtrise, policise, gardes, ndermarrjeve publike ne trupe elektorale te partise shtet!

Pra Edi Rama nuk do zgjidhje politike. Ai per karrigen e tij do me çdo kusht t’iu rrembeje voten dhe te ardhmen tuaj. Revolucioni demokratik do ta hedhe Noriegen e Shqiperise ne vendin qe ai meriton!