“Frankfurter Allgemeine Zeitung” : “Nëse Kurti nuk bën tani gabime, ai herët apo vonë do të jetë sërish kryeministër.

“Frankfurter Allgemeine Zeitung”: Kjo është qeveria e Richard  Grenellit për një pazar të shpejtë

Gazeta konservatore gjermane shkruan në numrin e së enjtes se sipas një ankete qeveria Kurti në qeverisjen e saj të shkurtër kishte përkrahje rekorde nga qytetarët. 



Në rast të zgjedhjeve Vetëvendosje do të ishte dukshëm më e fuqishme në parlament se deri më tani. Qeveria e re me kryeministrin Avdullah Hoti pritet t’u shërbejë planeve të Grenellit, i cili dëshiron t’ia prezantojë sa më shpejt një marrëveshje “zotërisë në Washington”. Marrëveshjet e deritanishme që ka arritur Grenell për fluturimet dhe vijën hekurudhore mes Beogradit dhe Prishtinës kanë mbetur vetëm pikëpyetje.



Gazeta gjermane “Frankfurter Allgemeine Zeitung“ (FAZ) ka botuar një shkrim lidhur me zgjedhjen e qeverisë së re të Kosovës. 




Ajo njofton se kjo qeveri i detyrohet ekzistencës së saj falë një njeriu, i cili fare nuk ishte në garë për zgjedhje: Richard Grenellit, i cili deri së fundi ishte ambasador i SHBA-ve në Gjermani dhe konsiderohet si njeri i besueshëm i Donald Trumpit. Vitin e kaluar Trump e emëroi Grenellin emisar të posaçëm për “negociatat paqësore” mes Serbisë dhe Kosovës. Detyrë e Grenellit me gjasë që në emër të shefit të tij të negociojë një “deal” të shpejtë mes Prishtinës dhe Beogradit, në mënyrë që Trump së paku në Ballkan, ku ndikimi amerikan është i madh sidomos në Kosovë, të korrë një sukses në politikën e jashtme.


Sipas FAZ ambasadori Grenell pak javë pas emërimit emisar prezantoi disa gjoja suksese si fillimin e lidhjes ajrore mes Prishtinës dhe Beogradit, për herë të parë pas luftës së vitit 1999. E njëjta marrëveshje u arrit për hekurudhat. 



U tha se do të ketë edhe një lidhje të pandërprerë të autostradës Beograd-Prishtinë. Memorandumet e vagullta lidhur me këto çështje nga Trumpi dhe Grenelli u lavdëruan në Twitter sipas tabiatit të tyre, duke u quajtur suksese sensacionale, ndonëse pas tyre qëndronin shumë pikëpyetje. Ndërkohë nga këto marrëveshje kanë mbetur vetëm pikëpyetjet.



Në Kosovë Grenelli u përballë me kundërshtim. Kryeministri Albin Kurti u shpreh kundër planeve të Grenellit dhe sidomos kundër përpjekjes që ato plane t’u grahet me shpejtësi. Partia e Kurtit Vetëvendosje doli e para në zgjedhjet e tetorit 2019, por nuk fitoi shumicën e mandateve. 



Pas negociatave disajavore u arrit krijimi i një qeverie me forcën e dytë politike, Lidhjen Demokratike të Kosovës. Kurti u zgjodh para së gjithash për shkak se konsiderohet i pakorruptuar dhe sidomos për shkak se ngjalli besimin sidomos te elektorati i moshës së re se do të luftojë korrupsionin pa marrë parasysh reputacionin dhe pozitën e keqbërësve të mundshëm. 



Kurti vërtet e filloi këtë punë, shkruan FAZ, por atij i doli në rrugë Grenelli. Ai kërkoi që Kosova t’i heq tarifat ndëshkuese prej 100 për qind ndaj prodhimeve serbe, ndryshe nuk do të mund të realizoheshin marrëveshjet për fluturimet dhe për lidhjen me trena. Tarifat ishin miratuar më 2018 si reagim kundër Serbisë, e cila pengoi anëtarësimin e Kosovës në Unesco dhe Interpol. Kurti deklaroi se afrimi me Serbinë mund të ndodhë vetëm në baza të barabarta dhe kërkesave të Grenellit ia kundërvuri konceptin e “reciprocitetit”: Kosova do ta trajtojë Serbinë ashtu siç e trajton Serbia Kosovën.



Kurti e humbi luftën për pushtet me Grenellin. Kur Grenell e pa se Kurti ia zinte rrugën zbatimit të shpejtë të planeve të tij, ai nisi të ndikojë në rrëzimin e saj. Partneri i Kurtit në qeverisje, Lidhja Demokratike, u vu nën presion të madh. Me ndihmën e disa mediave në Kosovë u krijua përshtypja se Kurti po e dëmton dashamirësinë e fuqisë më të rëndësishme mbrojtëse të Kosovës. Kjo shkoi deri aty, saqë u tha se mund të mbyllet edhe kampi Bondsteel – një përfytyrim që i frikësoi shqiptarët e Kosovës. 



Në fund LDK e rrëzoi kryeministrin dhe e prishi koalicionin. Grenelli arriti qëllimin. Të mërkurën suksesi i tij u bë zyrtar: me shumicën më të ngushtë të mundshme (61 vota prej 120) parlamenti në Prishtinë zgjodhi qeverinë e cila gëzon bekimin e Grenellit. Kryeministër në të ardhmen do të jetë Avdullah Hoti nga LDK. Ai qe i shtyrë të lidhë një koalicion me një duzinë partish dhe përfaqësuesish të pakicave për të arritur mini-shumicën e tij. Hoti ka paralajmëruar se do t’i heq tarifat dhe barrierat e tjera tregtare bash ashtu siç kërkon Grenelli. Duke e ditur se politika e reciprocitetit është e popullarizuar te shumë kosovarë, Kurti në ditët e fundit në pushtet mori edhe vendime të tjera. Qeveria e tij dha urdhër që në letrat e transportit për mallra bujqësore dhe industriale, të cilat vijnë nga Serbia, në të ardhmen të shkruhet shprehimisht “Republika e Kosovës”. Nëse kryeministri i ri e heq ketë vendim, ai do të fitonte dashamirësinë e Grenellit, por jo të shumicës së elektoratit në Kosovë.


“Frankfurter Allgemeine Zeitung” shkruan se për Kurtin e shmangur nga pushteti punon koha. Këtë e sinjalizon një anketë e UNDP-së e publikuar ditë më parë. Sipas anketës qeveria Kurti në qeverisjen e saj të shkurtër kishte përkrahje rekorde. Në rast të zgjedhjeve Vetëvendosje do të ishte dukshëm më e fuqishme në parlament se deri më tani.




Nga rrethi i kryeministrit hëpërhë të dështuar mund të dëgjohet se Grenelli tani do ta urdhërojë qeverinë e nënshtruar ndaj tij që mundësisht shpejt të negociojë një “pazar” me Serbinë, në mënyrë që t’i prezantojë diçka zotërisë në Washington.



 Një marrëveshje e tillë mund të përmbajë madje edhe bashkimin e veriut të Kosovës të banuar nga serbët me Serbinë. Dëshmi të qarta për këtë natyrisht nuk ka, dhe meqë në Serbi në qershor zgjidhet një parlament i ri, para këtyre zgjedhjeve nuk do të ndodhë shumëçka. 


“Nëse Kurti nuk bën tani gabime, ai herët apo vonë do të jetë sërish kryeministër. 


Koha punon për të”, thotë një diplomat në Prishtinë që i njeh rrethanat. Tani, shton ai, virtyti më i rëndësishëm është durimi, përfundon “Frankfurter Allgemeine Zeitung“.

Ministri i Sëndetësisë Armend Ramë Zemaj merr vendime të reja për situatën e pandemisë në Kosovë

Vendime të reja lidhur me pandeminë e koronavirusit  COVID 19 janë marrë sot nga ministria e Shëndetësisë në Kosovë.

Këto vendime do të bëhen të ditura sot në orën 18:30.



https://www.youtube.com/watch?v=N36LzImfyiQ

Në këtë orë, është paralajmëruar një konferencë për media e ministrit të Shëndetësisë, Armend  Ramë Zemaj.

“Ministri i Shëndetësisë Armend  Ramë Zemaj, do të mbaj sot konferencë për media në të cilën do të flas lidhur me pandeminë Covid-19 dhe vendimet e reja rreth menaxhimit të situatës me virusin corona”, thuhet në komunikatë.

Nga krerët institucionalë, tash e disa ditë është paralajmëruar se nëse ka rritje të numrit të infektimeve me COVID-19, mund të ketë rivendosje të disa masave kufizuese.

Deri tani në Kosovë, numri i të infektuarve me COVID-19 ka arritur në 1 mijë e 147.

Ministri i Shëndetësisë, Armend Zemaj, ka njoftuar se prej ditës së hënë, me datë 8 qershor, do të hiqet edhe masa e lëvizjes së qytetarëve prej orës 21:00 deri në mëngjes.



Sipas Zemajt, MSH-ja bashkë me Institutin e Shëndetit Publik, ka vizituar edhe Vushtrrinë ku së fundmi pati shtim rastesh të të infektuarve, por siç tha ai, nga aktivitetet ditore, gjendja atje është stabile.



“Pati ngritje të lehtë të numrit të të infektuarve si rezultat i mospërfilljes së urdhrave”, tha ai.


Zemaj tha se virusi është akoma aktiv, porse kërkon nga qytetarët kujdes dhe angazhim në zbatimin e rekomandimeve nga MSH dhe IKSHPK.


Pas analizës së bërë në terren, me hapjen e kufijve, IKSHPK rekomandon si mëposhtë:



1. Kontrollin e detajuar për udhëtarët që hyjnë në Kosovë duke marrë shënime të sakta, adresën, numrin e telefonit, etj,


2. Kontroll i detajuar dhe marrje e temperaturës për të dyshuarit me COVID-19


3.Bazuar në rekomandime, prej ditës së hënë, qytetarët që hyjnë në Kosovë nuk do t’i nënshtrohen vetizolimit 7 ditor, por ata që hyjnë do të kontrollohen nga mjekët


4. Bazuar në situatën epidemiologjike, do të mundësohet lëvizja e lirë e qytetarëve


5. Nga dita e hënë hiqet masa/kufizimi i lëvizjes së lirë prej orës 21:00 deri në mëngjes



Zemaj tha se MSH-ja bashkë me IKSHPK-në do të vazhdojë të përcjellë situatën epidemiologjike, por kërkon të mbahet distanca nga qytetarët dhe të respektohen masat.



“Kërkojmë në mënyrë rigoroze të respektohen masat ndaj koronavirusit, të mbahen maskat, dhe distanca. Kërkojmë nga qytetarët, bizneset, gastronomia, të përmbahen strikt në rregullat tona. Shkeljet e rregullave konsiderohen rrezikim i shëndetit”, tha Zemaj.



Zemaj dhe drejtori i Institutit Kombëtar të Shëndetësisë Publike në Kosovë, Naser Ramadani, kanë thënë se institucionet janë të furnizuara mirë me teste.

Dje Bashkimi Evropian dorëzoi pjesën e tretë të ndihmës emergjente prej 5 milionë eurosh në mbështetje të sistemit shëndetësor të Kosovës


Zyra e Bashkimit Evropian në Kosovë/Përfaqësuesja e Posaçme e BE-së dorëzoi në Ministrinë e Shëndetësisë të Kosovës 10 autoambulanca, 100 shtretër spitalorë dhe pajisje të tjera mjekësore në mbështetje të sistemit shëndetësor. Kjo dërgesë përfshiu edhe 150 pompa infuzioni, 127 monitorë pacienti, dhe 7 mijë litra substancë dezinfektuese për duar.

Vlera totale e këtij donacioni është 1.17 milion euro, dhe është pjesë e ndihmës së BE-së për Kosovën për përballimin e pandemisë COVID-19. Furnizimet u prokuruan përmes Zyrës së Kombeve të Bashkuara për Shërbimet e Projekteve (UNOPS).

“Jam e kënaqur që kemi një furnizim tjetër me pajisje mjekësore për sektorin e shëndetësisë në Kosovë, të cilat ne jemi të sigurt se do t’i shërbejnë popullit të Kosovës si gjatë pandemisë COVID-19, ashtu edhe në vitet në vazhdim”, tha Nataliya Apostolova, Udhëheqëse e Zyrës së BE-së në Kosovë/Përfaqësuese e Posaçme e BE-së.

“Brenda pak javëve të ardhshme presim edhe dorëzimin e 30 ventilatorëve për njësi të kujdesit intensiv, pajisje të tjera mjekësore, më shumë shtretër spitalorë dhe 6,000 komplete të testimit për COVID-19, me çka do të përmbyllet shuma e planifikuar prej 5 milionë eurosh të pajisjeve dhe furnizimeve emergjente mjekësore të dhuruara nga Bashkimi Evropian.”

Ambasadorja Apostolova vlerësoi autoritetet e Kosovës, stafin mjekësor dhe laboratorik për punën e tyre shembullore gjatë pandemisë COVID-19. Ajo falënderoi popullin e Kosovës për respektimin e kufizimeve dhe u bëri thirrje të gjithëve që të vazhdojnë të jenë të kujdesshëm dhe të respektojnë rekomandimet e ekspertëve shëndetësorë.

Në prill dhe maj 2020 , BE-ja solli në Kosovë 1.6 milion doreza të ndryshme mbrojtëse mjekësore, 60 mijë maska FFP2, 60 mijë kominoshe njëpërdorimshe, 23 mijë mburoja për fytyrën, 3 mijë syze mbrojtëse, 19 mijë litra dezinfektues për duar, 10 shtroje njëpërdorimshe, dhe 50 kuti për transportimin e mostrave laboratorike, ndihmë e cila u soll me 10 kamionë përmes UNOPS-it.

Përveç kësaj ndihme direkte për sektorin e shëndetësisë, BE-ja po përgatit edhe rreth 63 milionë euro si masa afatmesme për ndihmë me grante socio-ekonomike, si dhe rreth 100 milionë euro kredi si ndihmë makro-ekonomike për Kosovën.

2020-ta vit i liberalizimit të vizave?

Qeveria e re e ka për obligim të krijojë kushte më të favorshme ekonomike në mënyrë që populli të mos fokusohet vetëm në mundësitë për të gjetur një jetë më të mirë jashtë vendit. Po ashtu, Qeveria Kurti, e në veçanti Ministria e Drejtësisë dhe punëve të brendshme, do ta çlirojnë drejtësinë, policinë dhe organet hetuese nga kapje prej mafiozëve, në mënyrë që ato ta luftojnë krimin dhe korrupsionin dhe kjo do të sjellë liberalizimin e vizave. Kështu kanë vlerësuar njohësit e çështjeve politike, dhe njohësit e integrimeve evropiane, ku sipas tyre liberalizimi i vizave është çështje sa e brendshme po aq e jashtme, sepse Kosova nuk njihet tërësisht nga vendet anëtare të BE-së.

Bulliqi: Qeveria e re, nuk ka çka të bëj më shumë se sa t`ua përkujtojë të gjithë aktereve evropianë se kjo është padrejtësi

Deputeti i Kuvendit të Kosovës, nga radhët e VV-së, Shpejtim Bulliqi ka thënë Bashkimi Evropian vendimet për liberalizim vizash për pothuajse të gjitha vendet jo anëtare i ka marr mbi bazën politike, pra kur gjeopolitika e tyre e ka kërkuar ata nuk janë mërzitur fare për kriteret kushtetuese.


Shpejtim Bulliqi



“Merreni rastet e fundit, Ukrainën dhe Gjeorgjinë, vende të cilat së fundi e kanë fituar lirinë e lëvizjes pa regjim vizash brenda zonësh Schengen, edhe Ukraina edhe Gjeorgjia e po ashtu edhe Moldavia , po të ndiqeshin kriteret e shpikura kushtetuese te BEsë, Komisionit Evropian, qytetaret e tyre vështirë se do ta kishin që të udhëtojnë pa viza. BE-ja vazhdimisht ka aplikuar standarde të dyfishta, andaj nuk mund të sugjeroj një datë të caktuar, sepse është kryekëput vendim politik i disa vendeve që po e bllokojnë Kosovën (Franca dhe Holanda). Imagjinojeni, fatkeqësisht edhe Ukraina edhe Gjeorgjia nuk kane kontrolle mbi tërë kufirin dhe territorin e tyre(një nga kriteret kryesore), madje kanë edhe luftë aktive(Ukraina ne Regjionin Donbas), nuk kane kontroll mbi hyrje dalje ne territorin e tyre por qe per BE-ne gjithçka OK, kurse ne na mbajnë te izoluar”, ka thënë deputeti i VV-së Shpejtim Bulliqi.


Ai tutje ka shtuar se qeveria e re, nuk ka çka të bëj më shume se sa t`ua përkujtoj të gjithë aktereve evropianë se kjo është padrejtësi, t`ua kujtoj po ashtu se na vjen mirë që të gjithë në Evropë e gëzojnë lirinë e lëvizjes, por nuk na vjen mirë që ne jemi diskriminuar padrejtësisht.

“Duhet tua kujtojmë aktereve Evropian se kjo politikë jo serioze e tyre, diskriminuese, vetëm sa e bën BE-në të duket organizate joserioze, jo kredibile. Qeveria në këtë drejtim nuk ka çka të bëj, sepse nuk vendosin kriteret apo kushtëzimet por politikanët evropian,”, ka thënë deputeti i VV-së Shpejtim Bulliqi.

Mehazi: Aftësia e kësaj qeveria do zgjidhë shumë probleme më të mëdha politike e jo më liberalizimin e vizave


Sulejman Mehazi


Njohësi i çështjeve politike, profesor Sulejman Mehazi, ka thënë se punën kryesore që duhet ta bënte Qeveria e re të jetë, liberalizimin e vizave, pasi është e patjetërsueshme që qytetarët e Kosovës të lirohen nga ky ngërç i stërzgjatur i ardhur pavetëdije apo me vetëdije nga qeveria e kaluar. Sipas tij, borxhi numër një, i parë i kësaj qeveria ndaj popullatës është Liberalizimi i vizave.

“E them këtë pasi edhe vetë, Kryeparlamentarja Vjosa Osmani, tha se të gjitha kushtet për Liberalizimin e vizave janë plotësuar dhe se fjalën e fundit duhet ta japin diplomatët evropianë. Besojmë se liberalizimi i vizave nuk do stërgjatet dhe se gjatë vitit të parë të qeverisjes Kurti do ta zgjidhë pozitivisht problemin e shumë folur të vizave. Kryeministri Kurti së bashku me Ministrin e Punëve të Jashtme, Konjufcën, do jenë shumë më konkret ndaj eliminimit të pengesave të fundit për liberalizimin e vizave. Aftësia e kësaj qeveria do zgjidh shumë probleme më të mëdha politike e jo më liberalizimin e vizave. Shpresojmë e besojmë se liberalizimi i vizave do të vij së shpejti”, ka thënë njohësi i çështjeve politike profesor Sulejman Mehazi.

Voca: Liberalizimi i vizave është çështje sa e brendshme po aq e jashtme, sepse Kosova nuk njihet tërësisht nga vendet anëtare të BE-së


Mirsad Voca


Kurse Mirsad Voca, doktor shkence dhe ligjërues i gjeopolitikës në Paris, ka thënë se mos liberalizimi i vizave për Kosovën mund të zgjas për aq sa Qeveria e Kosovës nuk do të luftoj korrupsionin, dhe nuk do të ndërtoj një sistem të ri drejtësie neutrale si dhe për aq sa nuk do të vihet në pah konsolidimi i një Shteti ligjor. Ai konsideron se Qeveria e re ka për obligim të krijojë kushte më të favorshme ekonomike në mënyrë që populli të mos fokusohet vetëm në mundësitë për të gjetur një jetë më të mirë jashtë vendit. “Për dallim nga kushtet që i kanë ofruar qytetarit qeveritë e mëparshme dhe në mënyrë që qytetari t’i kthehet shpresa dhe besimi për të projektuar ardhmërinë në Kosovë, Qeveria duhet t’i ofroj kushte tjera arsimore, shëndetësore, ekonomike e ligjore. Tani Kosova ka rastin ideal për të bërë kthesën e madhe me një Qeveri të re dhe me figura të reja që shprehnin plotë entuziazëm para se të vinin në pushtet duke premtuar se me ta në pushtet, Kosova do të marr kahje prosperiteti e progresi. Ajo që lë për të shpresuar e besuar se kjo Qeveri do të ketë sukses është se në njërën anë, kemi një parti politike e cila nuk ka qenë kurrë në pushtet qeverisës të vendit (LVV) dhe e cila do të bëjë çmos që ky mandat qeverisës të jap rezultate konkrete. Dhe në anën tjetër kemi LDK-në, e cila arriti të bëj reforma madhore sa i përket rikonfigurimit brenda partiak duke u lënë hapësirë e përgjegjësi figurave të reja politike, të cilët, besoj se do të bëjnë dallimin në rikonstruktimin dhe konsolidimin institucional të vendit”, ka thënë Voca.

Sipas tij, liberalizimi i vizave është çështje sa e brendshme po aq e jashtme, sepse Kosova nuk njihet tërësisht nga vendet anëtare të BEsë.

“Kjo çështje fatkeqësisht është politizuar për shkak të bisedimeve me Serbinë. Si do që të jetë. Qeveria aktuale duhet patjetër që të kryej obligimet e saj të lartcekura sepse vetëm në këtë mënyrë liberalizimi i shumëkërkuar e i shumë përmendur mund të realizohet madje edhe përgjatë vitit 2020. Kosova ka urgjentisht nevojë që fillimisht të ndihet brenda saj e çliruar nga korrupsioni, krimi i organizuar si dhe nga të gjitha keqpërdorimet e mëparshme. Kosova po ashtu duhet të jetë e siguruar se mund të krijoj kushte ku populli i saj sheh të ardhmen e tij brenda saj, e shëruar ku qytetari do të ketë trajtim shëndetësor të barabartë pa qenë i diskriminuar për shkaqe materiale. Po ashtu, duhet të jetë edhe e vetëdijesuar përmes një sistemi arsimor që reformohet në mënyrë konstante e krahas tregut të punës, dhe e drejtë ku secili qytetar pa dallim pozite, etnie e religjioze të jetë i barabartë para ligjit”, është shprehur Mirsad Voca, doktor shkence dhe ligjërues i gjeopolitikës në Paris.

Zogaj: Liberalizimi i vizave, i kushtëzuar nga funksionimi i shtetit ligjor


Skender Zogaj


Ndërsa, analisti politik Skender Zogaj, ka vlerësuar se liberalizimi i vizave nuk varet nga kërkesat e qytetarëve të Kosovës, por është i kushtëzuar nga funksionimi i shtetit ligjor dhe të organeve të hetuesisë, për të luftuar korrupsionit dhe i krimin e organizuar, që e kanë shkallmuar Kosovën.

Ai ka thënë se janë duke e mbajtur të hipotekuar të drejtën e qytetarëve të saj për t’u bërë pjesë e lëvizjes së lirë përtej kufijve të vendit, prandaj liberalizim të vizave nuk duhet të ketë pa plotësimin e standardeve elementare, siç është luftimi i korrupsionit dhe krimit të organizuar.

“Kosova nuk ka plotësuar këtë standard prandaj deri tash edhe nuk e ka merituar liberalizimin e vizave. Mirëpo, shpresat janë kjo çështje do të kuptohet më drejt dhe do të mirën masa konkrete. Shpresoj që Qeveria Kurti, sidomos ministria e drejtësisë dhe punëve të brendshme, do ta çlirojnë drejtësinë, policinë dhe organet hetuese nga kapje prej mafiozëve, në mënyrë që ato ta luftojnë krimin dhe korrupsionin dhe kjo do të sjellë liberalizimin e vizave. Qeverinë Kurti duhet ta mbështesin fuqishëm edhe të gjithë qytetarët duke u distancuar nga çdo lloj veprimtarie antiligjore, dhe duke denoncuar korrupsionin dhe çdo lloj dukurie negative, që na bëjnë të padëshiruar në shoqërinë e lirë të vendeve demokratike të BE-s, e më gjerë”, është shprehur analisti politik, Skender Zogaj.

Ahmeti: Institucionet e BE-së veprojnë e reflektojnë në bazë të interesave politike e gjeostrategjike


Hidajet Ahmeti


Kurse, analisti politik Hidajet Ahmeti, ka thënë se veprimet e njëpasnjëshme të qeverive të kaluara kanë zbehur imazhin në Kosovës në rendin ndërkombëtar, por edhe kanë zhgënjyer qytetarët e Republikës së Kosovës me instalimin e politikave të dëmshme.

“Të mendosh dështimin e sistemit të drejtësisë si jashtë mungesës së vullnetit politik është hipokrizi, pasi sistemi i drejtësisë është i kapur thellë nga politika dhe para politika. Qeveria Kurti e ka obligim qytetar, por edhe moral që në sistemin e drejtësisë t’i bëj disa reforma substanciale , e jo vetëm reforma formale për të ndërtuar percepcion publik pozitiv, por impakti i këtyre reformave substanciale të jetë i prekshëm në jetën praktike të përditshme. Komisioni Evropian në Raportin e tij për Kosovën kishte vendosur edhe kushtin për luftimin e krimit dhe korrupsionit për liberalizim vizash”, ka thënë analisti politik Ahmeti.

Sipas tij, institucionet e BE-së veprojnë e reflektojnë në bazë të interesave politike e gjeostrategjike, edhe pse kriteret janë shumë të qarta për shtetet të cilat janë pretendente për integrim në BE. “ N ë s e m b ë s h t e t e m i n ë retrospektivë shohim se BE-ja ka vepruar në logjikën dhe frymën e interesave reciproke në mes shteteve, e posaçërisht Komisioni Evropian që përfaqësohet nga ministrat përkatës të shteteve anëtare të BE-së. Me këtë elaborim të shkurtër nuk po dua të them se Kosova ka përmbushur kriterin për luftimin e krimit dhe korrupsionit, por po dua të them se edhe me rastin e Kosovës mund të veprohet, por edhe të reflektojnë me raport pozitiv për liberalizim vizash, pasi është shteti i vetëm që ka mbetur i izoluar dhe nuk mund të mbetën peng qytetarët shkaku i një grushti njerëzish të korruptuar e kriminalizuar. Uroj që qytetarët të marrin një lajm të gëzueshëm, pasi liberalizimi i vizave do të një shpresë dhe mundësi, por jo garanci për mirëqenie socio-ekonomike. Por qytetarët të cilat do të kenë mundësi të shohin shtetet perëndimore, do të ngrisin vetëdijen kolektive, e cila do të jetë një garanci më e madhe për reflektim të udhëheqësve të institucioneve të rëndësishme, pasi do të kërkohet llogaridhënie dhe transparencë më e madhe në shpenzimin e parasë publike”, ka thënë analisti politik Hidajet Ahmeti.

Ndoshta ju pëlqen!

Akademik Prof.Dr.Abdulla Mehmeti: Nga Covid 19 ndërruan jetë:Shqipëria 33, Kosova 30, Maqedonia 145!Kush na e ka fajin?

Për përkeqësimin e situatës nga pandemia aktuale në Maqedoninë Veriore

PSE NË MAQEDONI SITUATA AKTUALE NGA PANDEMIA ËSHTË MË E RËNDUAR SE NË SHTETET TJERA PËRRETH?

Jo se qytetarët e këtij shteti janë më të pakujdesshëm dhe të papërgjegjshëm, se nuk i respektojnë rekomandimet e organeve të pushtetit dhe të shëndetësisë, por kjo situatë është rezultat i politikave të gabueshme të pushteteve të derisotëm.

Për shkak të politikave të gabuara ekonomike dhe sociale;

– të politikave demografike johumane dhe tepër diskriminuese, meqë në 10% të territorit, në Shkup dhe Pollog jetojnë mbi gjysma e banorëve të shtetit;

– për shkak të shkatërrimit të natyrës dhe degradimit të tmerrshëm të mjedisit jetësor;

– për shkak të importimit të plehrave nga jashtë, prej disa milionë tonelata për çdo vit, me këtë duke e rrënuar shëndetin e banorëve dhe krijuar parakushteve për përhapjen e sëmundjeve dhe epidemive, si në rastin e pandemisë aktuale.

– për mungesë të investimeve të nevojshme në sistemin shëndetësor, infrastrukturë, hulumtime shkencore dhe specializimin e kuadrit;

– nga mungesa e lirisë së fjalës dhe mendimit ndryshe, me medie kryesisht të kapura dhe kontrolluara, në shërbim të pushtetit dhe jo të qytetarëve;

– për shkak të vjedhjes së pasurisë së shtetit, buxhetit, fondeve të veçanta dhe ndihmave të jashtme nga nëntoka kriminale dhe bandat partiake në pushtet;

– sepse shteti nuk është në shërbim të qytetarëve, por në shërbim të nëntokës kriminale, partive politike dhe klaneve partiake në pushtet.

Përderisa askush deri më sot nuk është përgjigjur para organeve të drejtësisë, nuk ka dhënë llogari nga drejtuesit e pushteteve të mëparshëm, për vjedhjet e mëdha nga privatizimi kriminal i pronës shoqërore dhe uzurpimi i saj nga klanet mafioze, për vjedhjet në shuma prej disa miliardë dollarë të parave të shtetit dhe qytetarëve dhe as për politikat e gabuara.

Ne mbetet të shpresojmë, që në të ardhmen, me vetëdijesimin e duhur të qytetarëve, për kërkim të llogaridhënies nga organet e pushtetit për të gjitha çështjet dhe sidomos për mbrojtjen shëndetësore të qytetarëve, për transparencë më të madhe nga organet e pushtetit ndaj qytetarëve dhe informim të drejtë nga mediet e vendit, si dhe rritje të kontrollit shoqëror në vend dhe nga institucionet ndërkombëtare,

Grenell, fatkeqësisht je i vetmi diplomat amerikan që urrehesh nga e gjithë popullata shqiptare!

I nderuar Grenell edhe pse nuk të ka shkarkuar Administrata Amerikane për misionin tuaj të gabuar kundrejt Kosovës, po ju megjithatë, brendësisht, shpirtrisht e mendërisht jeni të shkarkuar nga popullata shqiptare e Kosovës. 

I nderuar Grenell, fatkeqësisht je i vetmi diplomat amerikan që urrehesh nga gjithë popullata shqiptare.

Edhe nëse nuk është deklaruar Lobi Shqiptarë për shkarkimin tuaj, s’ka problem, problemi është se heshturazi jeni diplomati amerikan më i papërshtatshëm për Kosovën, e pasi je i papëlqyeshëm atëherë sinqerisht e moralisht je i shkarkuar nga shqiptarët. 

I nderuar Grenell, ktheu kah Kosova e shqiptarët që ju duan si prindër, e jo nga Serbia që se duan kurrë SHBA-në tuaj, si mund të ju duan juve kur serbet janë fëmijë të lazdruar rusë.

Prof.Sylejman Mehazi

Prof.Sulejman Mehazi : Kujdes i nderuar Haradinaj, lakmia për pushtet të ka dëmkosur e të ka turpëruar rëndë

Profesori i njohur ka një pyetje publike për Ramush Haradinajn

Profesori e opinionisti , Sulejman Mehazi, përmes një shkrimi të dërguar medieve , ka bërë një pyetje publike për ish-kryeministrin  Ramush Haradinaj.

Sylejman Mehazi pyet  Ramush Haradinajn se çfarë u bë me zotimin e taksave serbe.


Ai në shkrimin e tij thotë se për  Ramush Haradinajn më e vlefshme paska qenë pjesëmarrja e partisë së tij në Qeverinë e  Abdullah Hotit, sesa taksat serbe.


Ja shkrimi i tij:

Sulejman Mehazi

Pyetje Haradinajt!

Pyesim Haradinajn çfarë u bë me zotimin e taksave serbe?, shihet se për ju më e vlefshme paskërka qenë pjesëmarrja e partisë suaj në Qeverinë e Hotit sesa taksat serbe.

Ke humbur fare e zëri nuk të dëgjohet për taksat serbe e reciprocitetin?

Kujdes i nderuar Haradinaj, lakmia për pushtet të ka dëmkosur e të ka turpëruar rëndë, me Çakorrin, me taksat serbe e gjatë dialogut me Serbinë do jeni pjesëmarrës i humbjes së Mitrovicës së Veriut.

Dr.Profesor Binak Maxharraj, përmes një postimi në facebok ka reaguar në lidhje me largimin e reciprocitetit ndaj Serbisë duke u shprehur që përveq kësaj Hoti I dha të drejtën Thaçit të udhëheqë dialogun duke u frikësuar ta marr vetë këtë detyrë.

Kjo qeveri e hajdutëve ia mundësoi që në qeverin e Kosovës të ketë veto, që do të thotë se asnjë vendim nuk mund te merret pa pelqimin e Serbisë, shkroi më tej profesori.



“Marioneta e Hashim Thaçit Avdullah Hoti për dy ditë në qeverinë e kontrabanduar ka nisë te bejë ”mrekullira” alla Thaçiste.Dje kjo qeveri marionet kontrabande ia dha shefit te vete te gjitha prerogativat qe edhe zyrtarisht ta udheheqë dialogun me Serbin,edhe pëkundrejtë asaj qe trumbetuar se dialogun do ta udheheq qevria siçthotë kushtetuta.


Por si duket Avdullah Hoti u firkësua nga ky dialog dhe ia la në dorë Kosovën tuxharit për kuusrtje me Serbinë kriminele. Ky është vendimi i parë i turpit i Avdullah Hotit ne qeverin e turpit,në qeverin e kontrabanduar nga hajdutet dhe cubat e llojit te Hashim Thaçit dhe Ramush Hrajdinaj,te cilët ia qellen deren Serbisë qe te qeverisë,jo më vetem me Veriun e zapuem,por edhe më krejtë Kosovën,sepse kjo qeveri e hajduteve ia mundesoi qe ne qeverin e Kosovës te këtë veto,qe do te thotë se asnjë vendim nuk mund te merret pa pelqimin e Serbisë qe do ta realizoi përmes kriminelit,qetnikut Goran Rakiç te cilin marionetat e Kosovës e ulën si te dytin ne qeverin e Kosovës. Por,sot kjo qeveri marionete mori edhe një vendim kunëdr vetëvehtës,kunëdr mvehtesis dhe sovranitetit te Kosovës duke e hqur turpshëm elementin e shtetësisë reciprocitetin te cilin e kanë te gjitha vendet e botes.Bile as Amerika nuk mundet pa reciprocitet”, u shpreh profesori.

Më tej, Maxharraj thotë që heqja e reciprociteti është paligjëshme dhe se kur një qeveri e tillë vepron kundër shtetit të vet atëhere se çka pritet nga ajo. Asgjë tjetër pos finalës të projektuar nga Hashim Thaçi e cila të qon drejtë coptimit të Kosovës.

“Heqja e reciprocitetit është e paligjëshme dhe jo kushtetuese,sepse reciprociteti eshtë një element mbrojtës i shtetesisë se Kosovës.Më këtë gjest te turpit i doli zot Serbisë qe ajo te mos detyrohet qe ne dokumente me tutje “Republika e Kosovës”,kjo do te thotë se marioneta e Hashim Thaçit dhe Isa Mustafës Avdullah Hoti tashti na doli edhe kundër pavarsëisë se Kosovës duke ia heq Serbisë ne dokumentet e saj qe te shkruhet”Republika e Kosovës”,qe do te thotë se edhe vete këta qyqanat,huta,cubat e Kosovës na qenkan kundë pavaresisë së Kosovës.Kur një qeveri e till vepron kundër shtetit te vetë atehere se çka pritet nga ajo.Asgje tjetër pos finalës të projektuar nga Hashim Thaçi e cila te qonë drejtë coptimit të Kosovës. Dhe kësaj punë do ti deë tyme se shpejti,por se di se Avdullah Hoti ku po mbetet,nuk e mbron as Thaqi as Mustafa,nuk e lanë as Drini e as Ibri dhe Bistrica”, përfundoi Maxharraj.