Vendim i duhur : Fifi i Big brother-it vendos të largohet përfundimisht nga shtëpia e “BBV”

 

Pas ngjarjes së ndodhur gjatë spektaklit të së martës për Fifin është marrë një vendim.

Një gjendje e rënduar emocionale u bë shkak që ajo të mendonte dy herë qëndrimin brenda shtëpisë.

Pikërisht drekën e sotme ajo ka vendosur që të tërhiqet përfundimisht nga loja dhe t’i përkushtohet shëndetit të saj.

“Dua t’ju informoj se unë duhet të lë sot shtëpinë. Kjo eksperiencë nuk po më bën mirë dhe për këtë duhet të merrem pak me veten. Duhet të kujdesem për veten dhe nuk mund të vazhdoj më. Nuk po marr dot frymë këtu brenda”,- tha ajo.

Menjëherë pas këtij lajmi, banorët e përlotur nisën të përshendeten me këngëtaren.

“Jam banore shumë e fortë, ta dini që po jua bëj lojën më të lehtë meqe po iki”,- shtoi ajo.

1/11

Zgjidhet Presidenti i ri i Policisë së Interpolit, Ahmed Nasser Al-Raisi, më parë mbante postin e Sekretarit mbi Sigurinë në Policinë e Emirateve të Bashkuara Arabe

 

Në datat 22-25 nëntor, në Stamboll u zhvillua Asambleja e Përgjithshme e Interpolit, Sesioni i 89 i saj, në të cilën po merr pjesë një delegacion i Policisë shqiptare, i kryesuar nga Drejtori i Përgjithshëm i Policisë së Shtetit, Drejtues Madhor Gledis Nano.

Në ditën e fundit të punimeve, Asambleja zgjodhi Presidentin e ri të Interpolit, Ahmed Nasser Al-Raisi.

Pas zgjedhjes së tij si President i Interpolit, ai zhvilloi një takim disa minuta me Drejtorin e Përgjithshëm të Policisë së Shtetit Gledis Nano, gjatë të cilit kanë konfirmuar vijimin e bashkëpunimit dhe përmirësimin akoma më tej të marrëdhënieve mes Interpolit dhe Policisë së Shtetit.

Nano ka siguruar Presidentin e ri të Interpolit se Policia e Shtetit është e fokusuar në drejtim të zbatimit të ligjit dhe është e angazhuar maksimalisht për të bashkëpunuar ngushtësisht me partnerët dhe agjencitë ligjzbatuese ndërkombëtare.

Presidenti Al-Raisi ka përgëzuar Drejtor Nanon, për filozofinë që ka në drejtimin e Policisë së Shtetit, si dhe për angazhimin e tij personal për të punuar bashkërisht, me qëllim goditjen e krimit të organizuar, terrorizmit dhe ekstremizmit të dhunshëm.

Drejtor Nano, gjatë Asamblesë zhvilloi një sërë takimesh të rëndësishme, me homologët, në interes të forcimit të bashkëpunimit të Policisë së Shtetit me partnerët dhe agjencitë ligjzbatuese ndërkombëtare.

 

  

Që pas tërmetit të 26 nëntorit 2019 Shqipëria ka një rritje të aktiviteti fizik për shkak të lëvizjeve të pllakave tektonike të cilat kanë rritur rrezikun edhe në zona të tjera që më parë nuk ishin shquar si zona sizmike.

Një thyerje e pllakës tektonike në mënyre të tërthortë ka nxjerrë në pah si zonë rreziku edhe Vlorën.

Sizmiologu Dushi tregon cilat janë zona me rrezik të shtuar dhe që janë ende aktive.

Tanimë kanë përfunduar harta e zonave sizmike dhe që pas tërmetit të 26 nëntorit ku shemben shumë objekte ndërtuesi nuk i anashkalojnë më ato duke u njohur me detaje me strukturën e tokës ku do të ndërtojnë.

Në 113-vjet nga Kongresi i Manastirit,

                            Nga Flori Bruqi,PHD.

• Kongresi i Manastirit i filloi punimet, më 14 nëntor 1908 dhe vazhdoi deri më 22 nëntor
• 
  
• Kongresi kishte 32 delegatë me të drejtë vote, që përfaqësonin 23 qytete, shoqëri dhe klube
• 
  
• Kongresi kishte 18 delegatë të tjerë, pa të drejtë vote
• 
  

Data 22 nëntor përbën tashmë një ditë përkujtimuese në Shqipëri, Kosovë, Maqedoninë e Veriut dhe në diasporën shqiptare, e njohur si Dita e Alfabetit. Përpara kongresit, gjuha shqipe përfaqësohej prej gjashtë ose më shumë alfabetesh (Elifba), pa llogaritur nënvariantet.

Në 113-vjetorin e Kongresit të Manastirit, ku u vendos përfundimisht që shqipja të shkruhet me germa latine, shqiptarët e Maqedonisë së Veriut kanë pasur edhe arsye të tjera për të festuar. Udhëheqës qeveritarë e studiues kanë vlerësuar se alfabeti i dha një tjetër hov shkrimit të shqipes dhe krejt kulturës shqiptare. Po ashtu, është përmendur edhe fakti se për shqiptarët e Maqedonisë së Veriut është hapur një tjetër epokë pas miratimit të Ligjit për gjuhën shqipe dhe atij për përdorimin e gjuhëve.

Kongresi u mbajt prej shoqërisë "Bashkimi" në shtëpinë e Fehim Zavalanit, ku ishte edhe selia e shoqërisë. Pjesëmarrësit në kongres ishin figura të dalluara të jetës kulturore e politike mbarëshqiptare. U thirrën 50 delegatë, përfaqësues të njëzet e tre qyteteve të banuara nga shqiptarët, shoqërive kulturore e patriotike, tridhjet e dy nga të cilët kishin të drejtë vote dhe tetëmbëdhjetë vëzhgues. Ndër delegatët më të shquar qenë Gjergj Fishta, Mid'hat Frashëri, Sotir Peci, Ndre Mjeda, Shahin Kolonja, Bajo Topulli, Parashqevi Qiriazi, Fehim Zavalani. Delegat tjetër nga familja Zavalani ishte Izet Zavalani, përfaqësues i Follorinës. I zoti i shtëpisë, Fehim Zavalani, mbajti fjalën hyrëse.

Fjalimet e bëra dy ditët e para ishin të përgjithshme dhe ndihën për të krijuar atmosferën që duhej për të trajtuar çështjen serioze.

Çka thuhet për Kosovën në programin e Qeverisë së re gjermane?

 

Tri parti gjermane (socialdemokratët, të gjelbrit dhe liberalët) prezantuan të mërkurën marrëveshjen e koalicionit qeveritar. Krerët e partive dhe kandidati për kancelar Olaf Scholz dolën para mediave në orën 15:00 për të folur mbi detajet e marrëveshjes. Shkurtimisht këto janë pikat kryesore të marrëveshjes: investime masive në prodhimin e energjisë së ripërtritshme. Deri në vitin 2030 rreth 80 për qind e energjisë elektrike në Gjermani pritet të prodhohet nga era dhe dielli. Po më 2030 Gjermania synon të heq dorë përfundimisht nga qymyri. Në vitin e parë të qeverisjes rroga për një orë punë pritet të rritet në 12 euro. Mosha për pjesëmarrje në zgjedhjet nacionale dhe europiane do të ulet nga 18 në 16 vjet. Përjashtohet shkurtimi i pensioneve dhe ngritja e moshës së pensionimit. Planifikohet që çdo vit të ndërtohen nga 400 mijë

Shkollohuni pastaj merruni me politikë!

 

NGA: FATON MEHMETI 

• 
  

  
  
  
  
  •  

  Politika është shndërruar në biznes të shpejtë nga ku njerëz krejtësisht anonim, brenda natës bëhën të famshëm, të pasur, shëndrrohën në VIP. Politika ka prodhuar këtë mendësi të mbrapshtë, nga ku të rinjtë nuk kanë synim të emancipohen, shkollohen, të ngritën në karrierë. Faktikisht ngritjen në karrierë e bëjnë përmes politikës, totalisht e mbrapshtë nga vendet perëndimore.

  

  Zakonisht në perëndim merren me politikë njerëz që kanë një karierë politike. Për të ardhrur direkt në një pozitë në politikë duhet të lexosh dy apo tri faqe me punët që ka kryer me herët, shkollimin, ngritjen në karrierë, teksa në punën e parë që e bën është deputet. Kemi pasur kryeministër, zv.kryeministër, deputetë e ministra, të cilët kanë kryer fakultetin pasi kanë marrë pozita shtetërore.

  Paramendo, një kryministër diplomon tek profesori që është pjesë e partisë së tij, shefi merr diplomën nga vartësi i tij. Krejt mbrapshtë shkon tek ne, kjo politikë e mbrapshtë ka prodhuar situatë krejt anormale, fatkeqësisht të shëndrruar në normale dhe të pranuar edhe nga shoqëria. Është trishtuese të shohësh të rinjtë, 19-20 vjeç, në moshën më të mirë të tyre të mos merren me shkollim, ngritje në karrierë, politikën e shohin si mundësi të vetme përmes të cilës i arrijnë të gjitha më lehtë, më shpejt.

  Dëmi është i madh për qytetarët, të cilët gjoja se i përfaqësojnë, janë po ata që pësojnë nga kjo “ ushtri’ e tërë e përgatiur për tu bërë të pasur, të famshëm e për ironi, të konsideruar nga shoqëria edhe “akademikë”. Njerëz të tillë kanë degraduar këtë shoqëri aq sa s`ka ku vete më keq, ata janë pasuruar, qytetarët janë ata që janë dëmtuar më së shumti.

  Një politikë që prodhon analfabetë, fati i nj populli bie në duart e tyre, janë dëshmi më e qartë e dështimit dhe degradimit të shtetit për këto 21 vjet pas lufte. Fatkeqësisht, kjo dukuri vazhdon të përhapet me të madhe. Në zgjedhjet lokale të tetorit të këtij viti, kanë konkurruar vajza dhe djemë të rinj, akoma në shkollë të mesme, pjesa më e madhe e tyre akoma pa ide për të ardhën e tyre. Disa nga ata janë bërë deputet me ndihëm e babait, të farefisit, të mundësisë së tyre ekonomike për dreka e darka. Ata do të jenë njerëz që gjoja do përfaqësojnë interesat e qytetarëve, të atyre që presin akoma ujë dhe kanalizime të rregullohen.

  A ka më turp për një shtet dhe shoqëri që akoma 21 vjet pas lufte ka prioritet ujin e pijshëm, vetëm një shoqëri si kjo e jona pranon një gjendje të tillë, akoma duartroket dikë që premton ujë dhe kanalizime, mjerim për një shoqëri me nivel të tillë të dijes. Që nga paslufta politika është nisur mbrapshtë, ka prodhuar vetbesim tek analfabetët, ata për një jetë më të mirë, ata treguan veten e tyre, ata bënë ata që iu interesonte atyre për interesat e tyre përsonale. Edhe sot, fatkeqësisht po vazhdon e njejta gjë.

  Shqetësuese është orientimi i shoqërisë, i të rinjve, të cilët nuk e shohin politikën si një mundësi për t’i shërbyer popullit, këtë mundësi e shohin vetëm për veten e tyre, interes puro personal. Të shohësh vajza të reja 19 vjeçare duke u marr me politikë, duke qenë deputetë në një kuvend komunal, kur ajo s`ka orientim as për jetën e saj, është tmerruese dhe treguese se kjo shoqëri spo shkon drejt hapave të duhur.

Artan Grubi paska thënë se, nuk do të lëmë gurë pa rrokollisur deri sa të gjendet fajtori i tragjedisë ku vdiqën 45 udhëtarë që po ktheheshin nga Stambolli për në Shkup!

Zv/kryeministri i Maqedonisë së Veriut, ky bre i pari, ai më i madhi në vend, ai që një jetë të tërë e ka bredhur rrugëve duke ju prirë "Shfercerave"; me fjalorë nga më të ndytët e mundshëm ndërsa në karrierë ngjitet duke vetëbrohoritur UÇK-UÇK, edhe pse trimat e UÇK-së i nguli në Lagjen e Trimave, ky farë Artan Grubi i katapultuar nga nëntoka politike drejt e në kierarkinë më të lartë të BDI-së, qenka prononcuar në një tv kosovare për rastin e "Besa Trans!

U bënë si shumë "transet" e tilla për Grubin ndërsa këtij nuk i luan as qimja e b... Artan Grubi paska thënë se do të formohet urgjentisht një "komision qeveritar" për ta gjetur përgjegjësin e atij që e shkaktoi tragjedinë duke lënë të shkrumbuar në autobusin e djegur 45 qytetarë që kanë udhëtuar nga Shkupi për në Stamboll! Botërisht dihet që në Ballkan, e sidomos në Maqedoninë e Veriut, komisionet formohen për të mjegulluar situatën dhe për të hedhur fajin tek "subjekti" inegzistent! Dhe për mjegullnaja të tilla Artan Grubi është ekspert, sepse vetë i krijon vetë i shpërndanë! A ka këtu përgjegjësi morale Artan Grubi imoral?

Besa Tursi është kompani që është regjistruar nga strukturat e partisë të cilën e fëlliqi fare, agjenci kjo që "po lulëzon" në territorin që është bastion i BDI- së dhe të cilës ia paguan të gjitha "tatimet" si haraç! Duke u munduar që ta mjegullojë edhe këtë fakt, Artan Grubi që për kënaqësinë e tij kanë krijuar post fiktiv "zv/kryeministër i parë", "karamele" kjo për të kompleksuarit, ky farë mjegullshitësi paska zbuluar fajtorin te tri shtetet Maqedoni-Bullgari-Turqi organet e të cilave mbase i ka korruptuar Besa Transi, e cila i paska kaluar kufijtë pa licencë! Pra, fajtor na qenkan edhe dy shtete të tjera po aq sa edhe organet e shtetit të Maqedonisë së Veriut në të cilat ngatërrohet edhe ky fare zv/ministër i parë!

Kjo do me thënë se, pa pranuar përgjegjësi Turqia dhe Bullgaria, nuk ka se çka të kërkohet përgjegjësi prej RMV-së! Pastaj do të kërkojmë përgjegjësi sidomos nga Bullgaria që nuk i ka rrugët e mira dhe që nuk i ka pastruar nga ngrica! Po që Besa Tursi brenda vitit 2021 paska pasur katër padi penale prej të cilave paska shpëtuar pa therrë në këmbë! Ku e ka gjyqësorin ky farë "zv/kryeministër i parë? Si ka pasur mundësi që të funksionojë pa licencë? Kush i ka ofruar "garanci qeveritare", apo, nën ombrellën e cilës parti paska qenë saqë edhe organet gjegjëse qeveritare nuk paskan pasur mundësi t`i bëjnë gjë e as ta pengojnë që të qarkullojë pa licencë! Fare në fund, Artan Grubi, në stilin e vet prej mafiashit nëntokësor, paska thënë se, nuk do të lëmë gurë pa rrokollisur deri sa të gjendet fajtori i kësaj tragjedie! A thua nën cilin gurë gjendet fajtori?