Komandanti Fatmir Sopi në Hagë: Salih Mustafa nuk ka ushtruar dhunë ndaj askujt, ai ka përjetuar tortura nga pushteti serb

  

Ish-pjesëtari i Ushtrisë Çlirimtare të Kosovës(UÇK), Fatmir Sopi i cili po dëshmon në gjykimin ndaj Salih Mustafës në Hagë, ka thënë se në shtëpitë në Zllash ku kanë qëndruar ushtarët e UÇK-së nuk është maltretuar askush.

Ai ka thënë se Salih Mustafa nuk ka trajtuar asnjë njëri mizorisht dhe se nuk ka dëgjuar diçka të tillë për ish-bashkëluftëtarin e tij.

Në ditën e dytë të dëshmisë së tij para Dhomave të Specializuara të Kosovës në Hagë, Sopi ka thënë se gjatë luftës nuk ka qenë asnjëherë pengesë orientimi politik i ushtarëve të UÇK-së.

“Nuk ka mundur të ndodh kjo kurrë. E njoh edhe para luftës, e kam njohur si ish i burgosur politik dhe njëri i cili i ka përjetuar torturat më çnjerëzore nga pushteti serb dhe nuk e besoj kurrë që i njëjti mund të ushtrojë dhunë ndaj dikujt për asnjë arsye dhe për asnjë rast[…] Kurrë në jetën time nuk kam dëgjuar diçka të tillë për bashkëluftëtarin tim zotëri Salih Mustafa”, ka thënë Sopi.

Sopi ka thënë se qëllimi i luftës së UÇK-së ka qenë vetëm çlirimi i vendit nga forcat serbe.

“Në asnjë rrethanë dhe në asnjë formë nuk ka qenë pengesë orientimi politik i ushtarit të UÇK-së, qëllimi i luftës ka enë çlirimi i vendit ndërsa për bindjet politike neve në atë kohë nuk na ka interesuar”, ka thënë ai.

Sopi është përgjigjur në pyetjet e avokatit mbrojtës së Salih Mustafës, Julius Von Bone, të cilit i ka thënë se UÇK nuk ka qenë ushtri e rregullt andaj edhe nuk ka pasur uniforma për të gjithë ushtarët.

Por, ai ka shtuar se uniforma e UÇK-së është keqpërdorur nga forcat paramilitare serbe.

“Uniforma e UÇK-së në shumë raste edhe është keqpërdorur, është keqpërdorur sidomos nga forcat ushtarake paramilitare dhe militare serbe të cilët nën uniformën e UÇK-së kanë kryer masakra të llahtarshme. Po ua përmend vetëm një rast të cilin e kam në mendje kur pjesëtarët e njësiteve serbe në uniform të UÇK-së në Pejë hynë në një lokal të të rinjve dhe i vrasin që të gjithë ata pjesëtarë të kombit të vet, pjesëtar serb, në mënyrë që të fajësohej UÇK-ja dhe opinion ndërkombëtar ta dënonte si organizatë terroriste sepse po kryen terror, krime. Ndërsa sa i përket uniformës që ne kemi mbajtur nuk kemi qenë krejt të kompletuar”, ka thënë Sopi.

Gjatë dëshmisë tij, Sopi ka thënë ushtarët e UÇK-së kanë bërë roje para ndërtesave në të cilat vendoseshin shtabe apo njësi të UÇK-së dhe se u kërkoheshin mjete identifikimi apo prezantim personave të panjohur që mund të hynin aty.

Derisa është pyetur për periudhën e prillit të vitit 1999. Sopi ka thënë se as ai dhe as Salih Mustafa nuk kanë mundur të qëndrojnë në një vend meqë sipas tij është dashur të merren me pozicionimet dhe përgatitjet për operacionet luftarake.

Ai ka thënë se nuk i kujtohet që Mustafa të ketë dërguar staf mjekësor në Zllash në prill të vitit 1999.

Sopi ka thënë se që prej 7 prillit 1999 ka qenë i angazhuar me detyrën e komandantit të operacioneve luftarake në Zonën e Prapashticës dhe se deri në ofensivën e dytë që ishte më 18 prill ai rrallë herë është kthyer në fshatin Zllash.

Fatmir Sopi është dëshmitari i 11 i cili po dëgjohet në procesin gjyqësor ndaj Salih Mustafës dhe seanca po zhvillohet e hapur për publikun.

Ai ka thënë se i ishte bashkuar UÇK-së që prej fillimeve të saj në vitin 1998 dhe ka kryer detyrën e organizatorit në rajonin e Gollakut ndërsa sot është kryetari i Organizatës së Veteranëve të Luftës së UÇK-së në Prishtinë.

Gjykimi i cili ka filluar më 15 shtator 2021 është i pari në Dhomat e Specializuara të Kosovës në Hagë, ndërsa deri tani janë dëgjuar dhjetë dëshmitarë të mbrojtur të Zyrës së Prokurorit të Specializuar.

Aktakuza ndaj Mustafës, i cili është i arrestuari i parë nga Specialja, është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte.

Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.

Presidenti i shtetit shqiptar,zt. Ilir Meta konsultohet vetëm me socialistët për zgjedhjte e 6 marsit 2022

  

E diela e  parë e marsit pritet të jetë ditë zgjedhjesh në gjashtë  Bashki të vendit.

Socialisti Taulant Balla dekonsipiroi datën e preferuar të Ilir Metës sapo kaloi pragun e Presidencës.

“Për ne nuk ka asnjë datë. Data është e përcaktuar nga ligji dhe Kushtetuta dhe nga presidenti jemi informuar dhe presidenti mendon që zgjedhjet e pjesshme të zhvillohen në 6 mars”, tha Balla.

Data 6 Mars u zbulua se ishte  kërkesë edhe e kreut të  KQZ-së, Ilirjan Celibashi,  i cili duhet te përgatisë zgjedhjet sa më parë, por  lëvizja e Ilir Metës  për t’i marrë mendim Taulant Ballës befasoi jo pak.

“E di unë ku doni të kaloni ju, zoti Taulant është i madhërishëm, është përfaqësues i shumicës, i cakton vendin edhe pakicës”, tha Meta.

Dashuria e re për socialistet dhe anashkalimi i opozitës  nuk kaloi pa rënë në sy.

“Nuk kemi pse të spekulojmë, po të kishte takime me partitë, do t’i bëja ftesë kryetarit ose Sekretarit të Partisë. Nuk ishte ndonjë gjë e rëndësishme për të pasur në takim kryetarin e Kuvendit. Kisha dyshime mos bojkotonte shumica”, tha Meta.

Qëndrimi i  Presidentit nuk habiti demokratët. Sekretari  i  Përgjithshëm Gazmend Bardhi e  etiketoi  takimin Balla-Meta  si teatrin e radhës së trekëndëshit të Bermudës.

Vala e omikron do të qetësohet/ Ekspertët e ISHP: Ka ritme të larta infektimi tek fëmijët

  

Kurba e infektimeve të mutacionit Omicron në Shqipëri është në ngjitje  ndërkohë që pas dy javësh ekspertët të Institutit të Shëndetit Publik janë optimistë  se situata do të qetësohet.

Aktualisht Omicron është i përhapur në të gjithë Shqipërinë, por ritmet më të larta të infektimit  ka grupmosha pediatrike  0 deri në 14 vjeç.

Ndryshe nga të rriturit Omicron dhe Delta ka rritur numrin e moshave pediatrike që kërkojnë të trajtohen në spitale. Nga të dhënat  laboratorike sipas Rovena Dajës në vendin tonë po mbizotëron Omicron ndonëse qarkullon edhe Delta.

Por Daja thekson se për dy javë edhe në Shqipëri pritet të qetësohet.

Ky mbetet thjesht një parashikim pasi nëse do t’i referoheshim kurbës të përhapjes së virusit të gripit edhe vite të kaluara gjithmonë piku  është shënuar në fundin e muajit janar deri në mesin e muajit shkurt.

Pirja e kafës mund të zvogëlojë rrezikun nga kanceri

 

  

Ngrënia e një diete të shëndetshme ul rrezikun e shfaqjes së kancerit.

Sipas hulumtimit të publikuar në American Journal of Epidemiology, disa pije, si kafeja, mund të ofrojnë mbrojtje ushqimore kundër kancerit për shkak të aktivitetit të tyre antioksidues.

Janet Hildebrand, një epidemiologe në Shoqatën Amerikane të Kancerit, shpjegoi se studimi shqyrtoi zakonet e pirjes së kafesë në gati një milion burra dhe gra.

“Ata që raportuan se pinin të paktën katër filxhanë kafe në ditë me kafeinë, kishin rreth gjysmën e rrezikut të vdekjes nga kanceri i gojës dhe fytit në krahasim me njerëzit që nuk pinin kafe me kafeinë çdo ditë ose e pinin herë pas here”.

Zvogëlimi i rrezikut me gati gjysmën ishte i qëndrueshëm për ata që pinin katër, pesë, gjashtë filxhanë kafe në ditë. Gjithashtu ishte e njëjtë për të dy ata që pinin kafe me kafeinë dhe pa kafeinë.

Studiuesit shikuan konsumimin e kafesë nga burrat dhe gratë që ishin pa kancer në fillim të studimit. Gjetjet, të publikuara në Gazetën Amerikane të Epidemiologjisë, u mbajtën edhe pasi studiuesit llogaritën për pirjen dhe duhanin.

Instituti Amerikan për Kërkimin e Kancerit (AICR), shpjegoi se “fitokimikatet e kafesë janë përgjegjëse të mundshme për rrezikun më të ulët të disa formave të kancerit”.

Megjithatë, trupi shëndetësor shtoi se efektet e kafesë korren kur pija konsumohet pa krem ​​dhe sheqer të shtuar.

Faktori i ri që rrit rrezikun e sëmundjeve të zemrës

 

  

Nëse do ta përfytyronit trupin tuaj si një makinë, zemra do të ishte motori. Zemra, një organ muskulor që ndahet në katër dhoma dhe me madhësinë e një grushti, pompom gjakun, oksigjenin dhe lëndët ushqyese nëpër të gjithë trupin. Sipas të dhënave vetëm gjatë vitit 2019 kanë humbur jetën rreth 18 milion njerëz në të gjithë botën për shkak të sëmundjeve kardiovaksulare.

Duke pasur parasysh faktin që sëmundjet e zemrës janë shkaku numër një i vdekjeve në botë, ju duhet t’i kushtoni asaj kujdesin e duhur. Me kujdesin e duhur nënkuptohet të ushqyerit shëndetshëm dhe kryerja e aktivitetit fizik. Por ka ende diçka që mund të bëni për të mbrojur zemrën tuaj! Ju njoh më poshtë me një tjetër faktor që ndikon në shëndetin e zemrës, i cili është pjesë e mënyrës tuaj të jetesës.

Roli i stresit në shëndetin e zemrës
Sipas një studimi në shkallë të gjerë, sa më shumë stres të keni në përditshmëri, aq më shumë të rrezikuar jeni ndaj sëmundjeve kardiovaskulare dhe sulmit në zemër. Njerëzit e përfshirë në studim, që raportuan se përballeshin me nivele të larta të stresit në përditshmëri, u zbulua se kishin 22% më shumë gjasa për të zhvilluar sëmundje kardiovaskulare. Gjithashtu ata ishin 24% më shumë të rrezikuar nga një atak në zemër dhe kishin plot 30% më shumë mundësi të pësonin një goditje në tru.

Jeta në thelb është stresuese dhe është e pamundur të shmangni çdo gjë që shkakton stres Prandaj të gjeni mënyrën e duhur që ju ndihmon për të larguar stresin është diçka e rëndësishme për shëndetin e zemrës. Kjo mund të mos jetë e lehtë dhe ka të ngjarë të kërkojë një periudhë prove dhe dështimesh. Studim vlerësoi gjithashtu edhe nivelet e stresit tek individët përpara se të ndodhte ndonjë problem me zemrën.

“Nuk dihet saktësisht se çfarë e shkakton rritjen e rrezikut të sëmundjeve kardiovaskulare tek njerëzit që përjetojnë stres në nivele të larta. Por shumë procese të ndryshme në trup, si ateroskleroza dhe mpiksja e gjakut, mund të ndikohen nga stresi,” thotë udhëheqësja e studimit Annika Rosengren, profesoreshë mjekësie në Universitetin e Gothenburg, Suedi.

“Nëse duam të zvogëlojmë rrezikun e sëmundjeve kardiovaskulare në shkallë globale, duhet të konsiderojmë stresin si një tjetër faktor rreziku.” përfundon ajo. Si përmbledhje, autorët e studimit besojnë se menaxhimi i stresit është një mënyrë e parandalimit të sëmundjeve të zemrës dhe forcimit të shëndetit kardiovaskular. 

Drogonte gratë dhe kërkonte orgji 5 herë në javë, skandali me themeluesin e “Playboy”, Hugh Hefner!

 

  

Hugh Hefner, themeluesi i ‘Playboy’, drogonte dhjetëra vajza të reja për orgji me orë të tëra, ndërsa hiqej si një person që mbështeste lirinë seksuale, sipas një dokumentari të ri tronditës.

‘Secrets of Playboy’, një serial dokumentar me 10 pjesë që do të shfaqet premierë në A&E më 24 janar, do zbulojë disa anë të errëta të Playboy. Aty thuhet se Playboy u shndërrua në një shesh lojërash të fëlliqura për përdorimin e drogës dhe abuzimin seksual.

Seriali gërmon në të vërtetat e fshehura pas Playboy me intervista ekskluzive me persona të brendshëm, duke përfshirë ish të dashurat e Hugh Hefner, Holly Madison dhe Sondra Theodore, si dhe PJ Masten. Theodore, tani 65 vjeçe, tregon sesi kishte bërë seks në grup për pesë ditë në javë.

Gjithashtu, ai mezi priste të përjavshmen ‘Pig Nights’, kur merrte disa prostituta për të bërë seks me miqtë e tij. Anëtarët VIP të klubeve të natës Playboy mund të bënin si të donin, duke përfshirë prezantuesin e njohur të Soul Train, Don Cornelius, i cili dyshohet se mbajti peng dy modele të Playboy dhe përdhunoi njërën prej tyre, sipas dokumentacionit.

Rikujtojmë se Hugh Hefner u nda nga jeta në moshën 91-vjeçare në vitin 2017. Hefner lindi më 9 prill 1926 në Chicago dhe u shndërrua në një milioner pasi themeloi revistën e burrave më me influencë në vitin 1953. Në jetën e tij, themeluesi i “Playboy”-t, preferonte të rrethohej nga një harem femrash të reja, në vilën e tij të famshme “Playboy Mansion”.

FOTO GALERI

1/13

Antony Blinken shkon në Ukrainë/ Sekretari amerikan i shtetit bisedime për krizën

  

“Dua të falënderoj personalisht Presidentin Joe Biden dhe administratën amerikane për mbështetjen ushtarake që po i japin Ukrainës”.

Me këto fjalë presidenti Volodymyr Zelensky priti sekretarin e shtetit. Antony Blinken zbriti mëngjesin e të mërkurës në Kiev me një avion që fluturoi direkt nga shtetet e bashkuara. Qëllimi i SHBA është që të mbështesë Ukrainën e cila rrezikohet të pushtohet nga Rusia.

Më këtë vizitë Sekretari i shtetit synon të ulë tensionet mes Moskës dhe Ukrainës. Blinken i dërgoi një mesazh dhe presidentit rus Vladimir putin që të zgjedhë rrugën e paqes dhe të dialogut.

Të premten Blinken e do të marrë pjesë në një samit me ministrin e jashtëm rus Sergeji Lavrov, me të cilin pak ditë më parë pati një bisedë telefonike ku u ra dakord se një takim kokë më kokë do të ishte zgjidhja më e përshtatshme për të nisur dialogun dhe ulur tensionin mes palëve.

Ndërkohë nga shtete e bashkuara erdhi konfirmimi për ndihmë ushtarake ndaj Ukrainës.

Sipas agjencisë AFP, administrata e presidentit amerikan Joe Biden ” miratoi dhënien e 200 milionë dollarëve.

Një lojë shahu mund të quhet ndryshe përballja mes Ukrainës dhe Rusisë. burime zyrtare të cituara nga mediat amerikane thanë se ushtarët rus mund të hyjnë në Ukrainë në çdo moment gjatë muajve janar dhe shkurt.

Rreth 100 mijë ushtarë rus janë në kufi me Ukrainën. ditët e fundit sekretari amerikan i shteti Blinken paralajmëroi Rusinë se një sulm ndaj Ukrainës do të kishte pasoja të jashtëzakonshme për Rusinë.