Johnson: Veprimet barbare të Putinit po testojnë gjithë njerëzimin

 

• 
  

Kryeministri i Mbretërisë së Bashkuar, Boris Johnson ka fol këtë pasdite me presidentin ukrainas, Zelensky.

Një zëdhënës i kryeministrit tha se “Johnson lavdëroi presidentin dhe popullin ukrainas për qëndrueshmërinë e tyre. Kryeministri tha se veprimet barbare të Putinit po testonin jo vetëm Ukrainën, por gjithë njerëzimin”.

Udhëheqësit dënuan vrasjet e Brent Reynaud dhe ukrainasve të panumërt të pafajshëm, si dhe rrëmbimin e kryebashkiakëve të Dniprorudne dhe Melitopol, raporton skynews.

Held talks with 🇬🇧 PM @BorisJohnson and 🇨🇿 PM @P_Fiala. Talked about 🇺🇦 people's struggle against Russian aggression, about Russia's criminal attacks on civilians. Thanked the partners for their important support. We appreciate it. #StopRussia

— Володимир Зеленський (@ZelenskyyUa) March 13, 2022

“Ai tha se Mbretëria e Bashkuar do të vazhdojë të ndjekë më shumë opsione për të forcuar vetëmbrojtjen e Ukrainës, duke punuar me partnerët, përfshirë takimin e së martës së Forcave të Përbashkëta Ekspeditore në Londër”, tha i.

Mbretëria e Bashkuar do të vazhdojë të qëndrojë prapa Ukrainës në të gjitha përpjekjet e saj për t’i dhënë fund këtij konflikti katastrofik.

Ndryshe, Zelensky ka pasur një bisedë telefonike me kryeministrin çek, Petr Fiala.

Zelensky: Mos heshtni – sepse nëse Ukraina nuk mbijeton, e gjithë Evropa nuk do të mbijetojë

 

Presidenti i Ukrainës, Volodymyr Zelensky, ka mbajtur një fjalim me video për protestuesit kundër luftës në disa qytete evropiane.

Ai filloi duke i kushtuar dy momente të veçanta heshtjeje – për ushtarët dhe civilët e rënë në konflikt.

Duke kërkuar mbështetjen për kauzën ukrainase, ai u kërkoi evropianëve të dalin në rrugë dhe të mbështesin Ukrainën

Zelensky paralajmëron Rusinë se nuk do të ketë falje – përkundrazi, do të ketë “një ditë gjykimi”

 

Presidenti ukrainas Volodymyr Zelensky ka paralajmëruar Rusinë se nuk do të ketë falje për atë që po ndodh me vendin e tij – përkundrazi, do të ketë “një ditë gjykimi”.

Deklarata e fundit e Zelensky erdhi të dielën në mbrëmje pasi forcat ruse shtuan granatimet e tyre anembanë Ukrainës dhe përpjekjet për të evakuuar 200,000 njerëz nga qyteti i rrethuar i Mariupolit u bllokuan për të dytën ditë radhazi, përcjell Telegrafi.

Në qytetin Irpin, në periferinë veriperëndimore të kryeqytetit Kiev, rreth tetë civilë – duke përfshirë katër anëtarë të një familjeje – u vranë kur raketat goditën atë pjesë, sipas kryebashkiakut lokal.

Moska ka mohuar vazhdimisht se ka sulmuar zonat civile.

Nëse nuk e dinit ‘se sa i shqetësuar këto ditë’ është një lider evropian, këtë ua tregon fotografja e presidentit Macron

Derisa bota po përballet me një agresion të egër të Rusisë mbi Ukrainë, liderët botërorë po mundohen të gjejnë mënyra për të ndaluar presidentin Vladimir Putin.

Dhe njeriu që së fundmi është më aktiv në kontaktet me presidentin rus – dhe jo vetëm – është homologu i tij francez, Emmanuel Macron.

Pas Ukrainës, Evropa ‘shtron pyetjen’ se kush është caku i ardhshëm i Rusisë – ndoshta Ballkani?

 

10.03.2022 • 11:35

Për disa vende evropiane që janë dëshmitare të agresionit brutal të Rusisë në Ukrainë, ekziston frika se ato mund të jenë caku i radhës.

Zyrtarët perëndimorë thonë se më të rrezikuarit mund të jenë ata që nuk janë anëtarë të NATO-s ose të Bashkimit Evropian, dhe kështu të vetëm dhe të pambrojtur – duke përfshirë fqinjin e Ukrainës, Moldavinë dhe fqinjin e Rusisë, Gjeorgjinë, që të dyja dikur pjesë e Bashkimit Sovjetik – së bashku me Ballkanin me shtetet e Bosnjës dhe Kosovës.

Por analistët paralajmërojnë se edhe anëtarët e NATO-s mund të jenë në rrezik, si Estonia, Letonia dhe Lituania në pragun e Rusisë, si dhe Mali i Zi, qoftë nga ndërhyrja e drejtpërdrejtë ushtarake e Moskës ose nga përpjekjet për destabilizimin politik, përcjell Telegrafi.

Presidenti rus Vladimir Putin “ka thënë që në fillim se kjo nuk ka të bëjë vetëm me Ukrainën”, kujton Michal Baranowski, drejtor i zyrës së Fondit Gjerman Marshall në Varshavë.

Gjermania i kërkon Serbisë t’i bashkohet sanksioneve të BE-së kundër Rusisë – nëse dëshiron të bashkohet me bllokun

11.03.2022 • 18:16

Ministrja e Jashtme e Gjermanisë i ka kërkuar Serbisë, e cila nuk ka vendosur sanksione ndaj aleatit tradicional Rusisë për luftën në Ukrainë, të përafojë politikat me Bashkimin Evropian nëse dëshiron të bashkohet me bllokun.

Sipas Euronews, përcjell Telegrafi, Annalena Baerbock tha të premten në kryeqytetin e Serbisë në Beograd se “ne të gjithë duhet të kemi një pozicion të qartë” mbi agresionin rus të Ukrainës.

Presidenti rus Vladimir Putin, tha Baerbock, filloi një “fushatë të paturpshme shkatërrimi” që synon “maternitetet, shkollat, shtëpitë (njerëzit)”.

Eurodeputetët, Von der Leyenit dhe Borrellit: Ngrini negociatat me Serbinë derisa të “shkëputet” prej Rusisë

12.03.2022 • 20:19

Nëntë eurodeputetë nga grupi liberal “Renew Europe” i kanë dërguar një letër Presidentes së Komisionit Evropian, Ursula von der Leyen dhe Përfaqësuesit të Lartë, Joseph Borrell duke kërkuar një ngrirje të përkohshme të negociatave me Serbinë dhe një ndalim të ndihmës financiare të BE-së deri në përputhje me pozicionin e BE-së ndaj Rusisë.

Letra, në të cilën kishte qasje “Ballkani Perëndimor Evropian”, u nënshkrua, ndër të tjera, nga Nikola Behr, nënkryetar i Parlamentit Evropian dhe një anëtar i Partisë së Lirë Demokrate të Gjermanisë në pushtet. Nënshkrues të tjerë përfshijnë Klemen Groseljin e Sllovenisë, Ilhan Kyuchukun e Bullgarisë, Petras Austeviciusin nga Lituania, Urmas Paetin e Estonisë dhe Bart Grotiusin e Holandës.

“Ne jemi plotësisht të bindur se Serbia po tregon një zhvendosje të rrezikshme drejt autoritarizmit, që është në kontrast të fortë me aspiratën e saj paralele për t’u bashkuar me Bashkimin Evropian dhe kjo paqartësi kulmoi me refuzimin për të vendosur sanksione ndaj Rusisë në përgjigje të agresionit të saj kundër Ukrainës. Prandaj i bëjmë thirrje Komisionit që të ftojë edhe një herë autoritetet serbe që t’i bashkohen qëndrimit të përbashkët të BE-së për Rusinë. Nëse Serbia vendos edhe një herë të injorojë këtë thirrje, ne kërkojmë një ngrirje të përkohshme të bisedimeve të anëtarësimit në BE me qeverinë serbe dhe mohojmë mbështetjen financiare të BE-së për vendin derisa ajo të ndërmarrë veprime të besueshme, të prekshme dhe të paqarta për të pajtuar deklaratat, politikat dhe vlerat e saj me Bashkimin Evropian”, thuhet në letër.