Personalitete dhe anëtarë të Akademisë së Shkencave të Shqipërisë kanë reaguar dje publikisht ndaj sulmeve mediatike që kanë vijuar këto ditë të Kryetarit të Akademisë së Shkencave dhe Arteve të Kosovës, kundër akademikut Rexhep Qosja. Në kumtesën e nënshkruar nga 31 personalitete në fushën akademikë shkruhet: “Publiku shqiptar është bërë këto ditë dëshmitar i një sulmi mediatik të Kryetarit të Akademisë së Shkencave dhe Arteve të Kosovës, akademik Hivzi Islami, kundër akademikut Rexhep Qosja, çka ka provokuar një debat dhe në rrjetet sociale, duke marrë trajta të ekzagjeruara, të papranueshme për kulturën e komunikimit intelektual. Si pjesë e komunitetit shkencor dhe kulturor shqiptar, nuk mund të mos shprehim keqardhjen tonë për degradimin e lirisë së shprehjes në një agresion të hapur verbal, me insinuata dhe akuza personale, që dalin nga korniza e një debati normal shkencor, me një gjuhë dhe fjalor të papajtueshëm me normat e etikës profesionale dhe të moralit akademik. Ne gjykojmë se “debate” të tilla zhgënjejnë gjithë shqiptarët dhe zhvleftësojnë në sytë e publikut rolin e komunitetit shkencor në proceset e emancipimit dhe demokratizimit të shoqërisë shqiptare; se ato nuk u shërbejnë proceseve të integrimeve kombëtare, dhe nuk i përgjigjen kërkesës urdhëruese të kohës për bashkimin e gjithë institucioneve dhe forcave të gjalla të kombit për të përballur sfidat e mëdha që qëndrojnë përpara dy shteteve shqiptare dhe gjithë shqiptarëve kudo që jetojnë, duke na paraqitur keq edhe në sy të botës. Duke qenë të hapur për një debat normal, që respekton lirinë e mendimit dhe të drejtën e kujtdo për të shprehur opinionin e vet, ne e shohim me shqetësim transferimin e gjuhës së urrejtjes e të përbaltjes nga politika në debatin shkencor intelektual, si dhe të frymës konfliktuale, që na përçan, në vend që të na bashkojë në këtë epokë të re integrimesh. Akuzat joparimore kundër personaliteteve të jetës sonë kombëtare dhe kulturore, nga çdo anë qoftë, nuk mund të jenë veçse një model i mjerimit intelektual, që nuk e meriton as klasa intelektuale, as publiku.”- shkruajnë akademikët. Deklarata e tyre mbyllet në fund me një skicë të shkurtër të veprimtarisë së akademikut nga Kosova, Rexhep Qosja.
Nënshkruesit
1. Akademik Arben Puto
2. Akademik Luan Omari
3. Prof. Dr. Rexhep Meidani
4. Akademik Jorgo Bulo
5. Akademik Besim Elezi
6. Akademike Floresha Dado
7. Akademik Petraq Petro
8. Akademik Muzafer Korkuti
9. Akademik Ethem Likaj
10. Akademik Salvator Bushati
11. Akademik Vasil Tole
12. Akademik Asoc. Anesti Kondili
13. Akademike Asoc. Efigjeni Kongjika
14. Akademik Asoc. Kosta Barjaba
15. Prof. Dr. Paskal Milo
16. Prof. Dr. Pëllumb Xhufi
17. Prof. Dr. Nasho Jorgaqi
18. Prof. Dr. Petrit Malaj
19. Prof. Dr. Ksenofon Krisafi
20. Prof. Dr. Sabit Brokaj
21. Prof. Dr. Ago Nezha
22. Prof. Dr. Afërdita Onuzi
23. Prof. Dr. Enver Hysa
24. Prof. Dr. Bardhosh Gaçe
25. Prof. Dr. Ali Xhiku
26. Prof. Dr. Aleksandër Dhima
27. Prof. Dr. Zana Shuteriqi
28. Prof. Dr. Klara Kodra
29. Prof. Dr. Hajri Shehu
30. Prof. Dr. Xhelal Gjeçovi
31. Dr. Moikom Zeqo
32. Dr. Ndue Zef Toma
33. Daut Gumeni
34. Limos Dizdari
35. Skënder Minxhozi
36. Agim Mero
37. Shpëtim Çuçka
Ka reaguar edhe Kryetari i Akademisë së Shkencave dhe arteve Shqiptaro-Amerikane nga New Yorku,Prishtina,Tirana dhe Shkupi Akademik Skender Kodra,PHD.
Kryetari i Akademisë së Shkencave dhe të Arteve të Kosovës, Mehmet Kraja, ka reaguar pas konstatimin nga ana e Seksionit të Shkencave Shoqërore të ASHAK rreth tekstit të analizës “Synimet destabilizuese të Serbisë në Kosovë dhe në Ballkanin Perëndimor”, i cili theksoi se se teksti është i kryetarit të Akademisë, Mehmet Kraja, dhe i njëjti ishte i paautorizuar për publikim.
Kraja ka theksuar se lidhur me deklaratën e Seksionit të Shkencave Shoqërore të ASHAK rreth tekstit të analizës “Synimet destabilizuese të Serbisë në Kosovë dhe në Ballkanin Perëndimor” e sheh të nevojshme të ofroi disa sqarime.
Reagimi i plotë i Mehmet Krajës:
E para, si kryetar i ASHAK nuk jam në pozitë të imponoj, e as nuk kam imponuar asnjë sjellje arbitrare, përveç se kam kërkuar të shtohet aktiviteti i seksionit dhe të vendoset ligjshmëri për mbarëvajtjen e punëve në Akademi.
E dyta, lidhur me reagimin rreth analizës “Synimet destabilizuese në Kosovë dhe në Ballkanin Perëndimor”, duhet të saktësoj se me datë 17 janar 2022, në mbledhjen e Kryesisë së Akademisë është diskutuar teksti i analizës dhe, mbështetur në procesverbalin e mbledhjes (nuk mund ta bëj publik pa vendim Kryesie, prandaj duhet ta parafrazoj) është diskutuar teksti i analizës dhe sipas radhës, janë shprehur këto qëndrime:
1. Justina Shiroka-Pula, nënkryetare, e përkrah si iniciativë dhe thotë se ia ka përcjellë kryetarit disa sugjerime;2. Luan Mulliqi, sekretar shkencor, e mbështet analizën dhe kërkon që ajo të publikohet menjëherë;
3. Sabri Hamiti, sekretar i seksionit të Gjuhësisë dhe Letërsisë, analizën e quan politike dhe shprehet i rezervuar për shpërndarjen e saj;
5. Fetah Podvorica, sekretar i Seksionit të Shkencave të Natyrës, e përkrah iniciativën dhe analizën, duke sugjeruar që ajo të plotësohet me referenca;
6. Rauf Dhomi, sekretar i Seksionit të Arteve, e mbështet analizën dhe sugjeron që ajo të publikohet menjëherë;
7. Mehmet Kraja, kryetar, e mbështet analizën dhe publikimin e saj.
4. Gjylieta Mushkolaj, sekretare e Seksionit të Shkencave Shoqërore, e përkrah iniciativën dhe analizën, duke sugjeruar që ajo të plotësohet me referenca;
nuk kishte obligim statutor (për çfarëdo publikimi është kompetente Kryesia), me propozimin e kryetarit, Kryesia vendosi që teksti i analizës t’u vihet në dispozicion të gjithë anëtarëve të Akademisë dhe me mesazhin e bashkëlidhur iu kërkua anëtarëve që për vërejtjet eventuale të shprehen me shkrim në një afat prej 10 ditësh (24 janar 2022).
Nga të gjithë anëtarët e Akademisë (38 anëtarë), janë përgjigjur me shkrim dy anëtarë: akademik Isa Mustafa dhe anëtari korrespodent Arsim Bajrami. Ndërkaq, gjatë publikimit në ueb-faqen e Akademisë, për ndonjë arsye teknike, mund të jetë shfaqur edhe versioni im i paredaktuar i tekstit, por së fundi në ueb qëndron teksti i përfundimtar, i autorizuar.
Në fund, edhe përkundër koncensusit të gjerë mes anëtarëve të Akademisë dhe mbështetjes nga anëtarët e Kryesisë, duke marrë parasysh rrethanat e krijuara, me qëllim të ruajtjes së institucionit, sot kam kërkuar nga shërbimet teknike që të vihet emri im në krye të tekstit analizës në ueb-faqen e Akademisë, që domethënë se unë marr përgjegjësinë për çdo shkronjë të këtij teksti.
Si rrallëherë, Akademia e Shkencave dhe e Arteve e Kosovës (AShAK) ka publikuarnjë analizë të gjatë me 39 faqe, me të cilën synon që tatërheqvëmendjen e opinionit për politikat destabilizuese të Serbisë. Ndonësepa autor të përveçëm, analiza merret me marrëdhëniet mes shqiptarëve e të serbëve, duke u përpjekur që të ofrojë një histori të përgjithshme, që nga koha e Betejës së Kosovës e deri te situata më e re në veriun e Kosovës.Përveç pa autor, raporti i AShAK-ut nuk ka as fusnota dhe gjuha e përdorur shpesh është politikisht jokorrekte, duke i ngjarë më shumë njëfletërrufejesesa analizës së mirëfilltë. Për më shumë, dokumenti ka edhe gabime të shumta drejtshkrimore e çalime të fakteve, por edhe gjuhë paranojake e paragjykuese ndaj Shqipërisë, Maqedonisë së Veriut, Partisë Socialiste e Partisë Demokratike të Shiqipërisë dhe fesë islame, transmeton Nacionale.
Në analizën e gjatë, institucioni më i lartë i shkencës dhe i arteve, që udhëhiqet nga akademik Mehmet Kraja, i cili e ka botuar analizën edhe në profilin e tij në Facebook, ka lëshuar akuza të shumta ndaj ish-pushteteve në Kosovë, duke i akuzuar ato për keqqeverisje, korrupsion e krim. Për më shumë, nëpërmjet një gjuhe aspak korrekte, AShAK-u e “godet” edhe ish-presidentin Hashim Thaçi, duke e akuzuar se e ka futur ndarjen e Kosovës në agjendë për ta shpëtuar veten nga Gjykata Speciale. Në fakt, gjuha e përdorur nga AShAK-u përputhet me narrativën e LV-së kundrejt fenomeneve politike e shoqërore në Kosovë e në Ballkanin Perëndimor.
I titulluar “Synimet destabilizuese të Serbisë në Kosovë dhe në Ballkanin Perëndimor”, në tekstin me 39 faqe, AShAK-u i komenton edhe Serbinë, Kishën Ortodokse, BE-në,Planin e Ahtisarit, Shqipërinë, Maqedoninë e Veriut, Edi Ramën, Vetëvendosjen, Ali Ahmetin, BIK-un, Turqinë, fundamentalizmin islamik, Gjykatën Speciale e shumë çështje të tjera.
Për më tepër, AShAK-u e akuzon edhe shtetin e Kosovës se "pranoi" njohje të sponsorizuara të shtetësisë në mënyrë korruptive.
"Kosova bëri gabim të madh që pranoi njohje të sponsorizuara në mënyrë korruptive, sepse Serbia, po me korrupsion, njohjet e tilla i bëri pothuajse të papërdorshme etj." - thuhet në analizën e këtij institucioni.
Serbia, lufta, konteksti dhe miti
AShAK-u ka shkruar gjatë për përvojën e hidhur të shqiptarëve me pushtetet e ndryshme serbe. Institucioni i udhëhequr nga Kraja thekson se Serbia është e “përqendruar në gatishmërinë e saj për të rindezur një komflikt të ri me Kosovën”. AShAK-u vlerëson se Serbia është e interesuar për konflikt në Kosovë.
“Në këtë rrethanë, nuk ka shumë rëndësi nëse do të ndodhte "çështja e tabelave" ose jo, nëse do të ndodhte ky "veprim provokues" i Kosovës, sepse Serbia do ta krijonte pa më të voglën mëdyshje një situatë të këtillë tensionimi, qoftë duke përdorur kalimet kufitare, zgjedhjet lokale, komunitetin serb në Kosovë, kishat serbe, pronat ose rrugën pranë Manastirit të Deçanit, apo diçka tjetër të kësaj natyre” – shkruan AShAK-u.
Tutje, Akademia e Shkencave dhe e Arteve e Kosovës i rendit edhe synimet e Serbisë:
“Të gjitha kërcënimet e Serbisë, qoftë me retorikë nacionaliste apo me vringëllimë armësh, kanë synim të arrijnë disa efekte të njëhershme: i) t'i sigurojnë mbështetje në Serbi një klase politike nacionalistësh të korruptuar; ii) të krijojnë pasiguri në rajonin e Ballkanit Perëndimor, në favor Rusisë dhe Kinës, në politikat e tyre kundër NATO-s dhe BE-së; iii) të nxisë elementin nacionalist serb në Bosnje, Mal të Zi dhe Kosovë për destabilizim të shteteve përkatëse; iv) të shtrijë ndikimin e Serbisë në shtetet që dikur kanë qenë sferë e saj e interesit; v) të faktorizojë Serbinë në të gjitha agjendat ndërkombëtare, duke i siguruar asaj primatin e dhunshëm në krye të shteteve të Ballkanit Perëndimor” – theksohet në analizë.
Pasi shkruan disa faqe për kërcënimin e Serbisë, AShAK-u i futet një analizeje historike, duke e shpjeguar mitin serb mbi Kosovën dhe kontekstin e marrëdhënieve mes shqiptarëve e serbëve.
Goditja ndaj Hashim Thaçit
Institucioni më i lartë i shkencës dhe i arteve në Kosovë e ka komentuar edhe figurën e Thaçit, njëri nga politikanët më të rëndësishëm të Kosovës në dy dekadat e kaluara. Përveç akuzave për korrupsion e krim, AShAK-u ka dhënë edhe një interpretim krejtësisht konspiracionist e skandaloz.
Në nëntitullin “Ideja për ndarjen e Kosovës”, AShAK-u vlerëson se ideja e ndarjes së Kosovës është ide e nacionalizmit serb dhe e dishepujve të saj më të spikatur, si Çubriloviqi dhe Qosiqi. Në një formë të tërthortë, AShAK-u e akuzon Thaçin se e "brendësoi" idenë serbe të ndarjes së Kosovës, duke shkruar se Thaçi, herë si kryeminsitër e herë si president, e futi “në agjendë opsionin e ndarjes së Kosovës, si mjet kryesor për të shpëtuar veten nga Gjykata Speciale”.
“Por, pas themelimit të Gjykatës Speciale më 1 shtator 2016 dhe pas përfshirjes në mandatin e saj të krimeve të kryera gjatë periudhës së Qeverisë së Përkohshme, në dialogun me Serbinë dhe në raportet e Kosovës me bashkësinë ndërkomëbtare, u krijua një rrethanë krejtësisht ndryshe: Hashim Thaçi, herë si kryeministër dhe herë si president, futi në agjendë opsionin e ndarjes së Kosovës, si mjet kryesor për të shpëtuar veten nga Gjykata Speciale, qoftë duke bërë marrëveshje të fshehta me Serbinë, qoftë duke pretenduar një amnisti si “mirënjohje botërore”, për arritjet e tij në promovimin e paqes midis dy popujve” – shkruan AShAK-u, në një gjuhë që i ngjan shumë narracionit të kryeministrit Albin Kurti dhe Lëvizjes Vetëvendosje.
Duke e cilësuar si qeverisje autokratike, AShAK-u vlerëson se shumë “kancelari diplomatike perëndimore” u munduan ta zgjidhnin shpejt “çështjen e Kosovës”.
“Pra, pasi u kuptua se Thaçi mund të ishte objekt i Gjykatës Speciale, u intensifikuan edhe ecejaket emisarëve “diplomatikë”, të cilët filluan të lëviznin me një shpejtësi të jashtëzakonshme në prapaskenat e qendrave politike vendimmarrëse, pothuajse në të gjitha shtetet që mund të kishin ndikim në këtë zhvillim. Impenjimin e madh të Thaçit dhe natyrën e tij autokratike të sundimit në Kosovë, disa kancelari diplomatike perëndimore e panë si “mundësi të artë” për një zgjidhje të shpejtë të “çështjes së Kosovës”, kështu që në prapaskena i dhanë mbështetje idesë së tij, duke përdorur një frazë të këtillë: nëse palët pajtohen për një zgjidhje qoftë edhe përmes ndarjes, ne nuk kemi arsye të mos e mbështesim një zgjidhje të tillë” – shkruhet në analizën e AShAK-ut.
Fantazmagoria e fundamentalizmit islamik
Por AShAK-u e përçudnon edhe historinë rreth islamit dhe të konfliktit mes Kosovës dhe Serbisë. Në një fragment hyrës, te nëntitulli “Manipulimet me fundamentalizmin islamik”, AShAK-u shkruan se shqiptarët e krishterë u konvertuan në myslimanë me dhunë sistematike nga ana e Perandorisë Osmane.
Madje, në analizën e AShAK-it ka edhe gabime faktike, duke shkruar se kosovarët dhe shqiptarët në përgjithësi “përqafuan bektashizmin”, ndonëse ky sekt nuk është dominant për nga numri në trojet shqiptare. Në përgjithësi, myslimanët shqiptarë janë sunitë dhe një pjesë e tyre edhe anëtarë të tarikateve të ndryshme.
“Të paktë janë ata nga bashkësia ndërkombëtare që arrijnë të kuptojnë se rreth 98% e kosovarëve janë popullsi myslimane, jo pse ata e zgjodhën myslimanizmin si besim dhe bindje fetare të kohëve moderne, por nga një trashëgimi e kohëve të errëta të historisë. Konvertimi i kosovarëve nga të krishterë në myslimanë ka qenë një proces i gjatë i pushtimit, i detyrimit dhe i dhunës sistematike të Perandorisë Otomane, në njërën anë, kurse më anë tjetër ka ardhur si rezultat i luftës së gjatë mes kishës të Lindjes dhe të Perëndimit, të cilat shpesh i lanë besimtarët e tyre pa udhëheqës shpirtëror. Konvertimi i vonë dhe i paqëndrueshëm mund të ketë qenë një arsye, pse kosovarët dhe shqiptarët në përgjithësi përqafuan bektashizmin, si varianti më liberal i myslimanizmit” – vlerësohet në analizë.
Tutje, vlerësohet se Serbia ka synuar që të ofrojë një imazh aspak pozitiv të shqiptarëve në Perëndim, duke i shpërfaqur ata si fundamentalistë islamikë.
“Por edhe përkundër kësaj, që pas demonstratave të vitit 1981 në Kosovë, Serbia filloi një propagandë intensive, duke afishuar para bashkësisë ndërkombëtare në të gjitha rastet, se popullsia e Kosovës përbëhej nga një popullsi myslimane e prapambetur dhe nga një shoqëri patriarkale e paarsimuar. Pamjet e Kosovës në televizionet jugosllave, por edhe në ato të huaja, veçmas ne "Euroneës", shoqëroheshin rregullisht me minaret e xhamive dhe me ezanin e hoxhallarëve në sfond. Kosova nuk kishte qenë kurrë aq fetare sa ç'donte ta paraqiste Serbia dhe një pjesë e bashkësisë ndërkombëtare. Me një insistim këmbëngulës dhe me një propagandë intensive shumëvjeçare, nga viti 1981 dhe më pas Serbia arriti që çështjet fetare në Kosovë t'i deformojë ndjeshëm, duke e instrumentalizuar fenë dhe besimin fetar në funksion të problemeve e pazgjidhura politike” – theksohet aty.
Sipas AShAK-ut, Serbia është munduar që ta paraqesë veten si “mbrojtëse të domosdoshme” të Evropës së krishterë nga fundamentalizmi islamik i Kosovës, Bosnjës dhe Sanxhakut.
“Por, në të vërtetë, Serbia nuk shërbeu asnjëherë si “mur mbrojtës" i Europës kundër fundamentalizmit islamik, por ajo e keqpërdori këtë paranojë të Europës së krishterë, duke futur në veprim shërbimet e saj sekrete, për të nxitur rrymat radikale islamike në Bosnjë dhe në Kosovë, në mënyrë që më pas ta përdorë veprimtarinë e tyre për të tërhequr mbështetjen e SHBA-së dhe të BE-së. Marrëveshja e Dejtonit për Bosnjën dhe "Pakoja e Ahtisarit" për Kosovën janë hartuar në atë mënyrë që nuk lejojnë funksionim normal të këtyre dy shteteve, teksa në prapavijë i japin Serbisë rolin e kujdestarit dhe të mbikëqyrësit, për të monitoruar islamizmin radikal, në një kohë që vetë Serbia këto prerogativa i keqpërdor për t'i bërë obstruksion dhe për të defunksionalizuar në çdo rrethanë jetën normale të vendeve të rajonit” – shkruhet në analizën e botuar më 23 nëntor të këtij viti.
Shqipëria, "Vetëvendosje"
AShAK-u merret edhe me Shqipërinë, më saktësisht me përkrahjen që Shqipëria zyrtare e shfaq ndaj “Ballkanit të Hapur” dhe “Mini-Schengenit”, të cilat ky institucion i cilëson si projekte serbe. Por aty ka edhe një gjuhë aspak korrekte ndaj Shqipërisë, duke akuzuar se shoqëria shqiptare është “shoqëri pa ideologji”, që ka recidivizëm ideologjik që shfaqet si refuzim ndaj Kosovës.
“Pavarësisht se shoqëria shqiptare gjatë këtyre tridhjetë viteve të fundit është shoqëri pa ideologji, recidivizmi ideologjik herë pas here rishfaqet në disa forma: si nostalgji, si majtizëm, si lidhje klanesh, si dominim jugor, si refuzim ndaj Kosovës dhe, herë pas here, si lidhje e ngushtë botëkuptimore me sllavizmin dhe me proveniencën lindore… Partia Socialiste e Shqipërisë, por jo vetëm ajo, pothuajse rregullisht i kthen në agjendën e saj politike recidivizmat e vjetra antikosovare, sa herë që këtë e sheh të përshtatshme, për të larguar vëmendjen nga ndonjë krizë e brendshme politike. Këtë e ka bërë herë pas here edhe Partia Demokratike, për shkak të “djathizimit të majtë" të saj. Më anë tjetër, në Shqipëri tashmë është ngulitur ideja se Kosova paraqet pengesë të bezdisshme për idilin e marrëdhënieve miqësore me Serbinë dhe me shtetet” – shkruan AShAK-u.
Por AShAK-u e përmend edhe Lëvizjen "Vetëvendosje", të cilën e “paraqet” si rrezik ndaj “oligarkëve” të Shqipërisë.
“Por, mbi të gjitha, një "dalje emergjente" nga raporti sadopak i ngushtë Shqipëri- Kosovë, së fundi ka një prapavijë tjetër: evitimin me çdo kusht i ndikimit politik të Kosovës në Shqipëri. Nuk është vetëm ideja e bashkimit kombëtar ajo që e trondit klasën politike të Shqipërisë (bashkimi kombëtar për pikëpamjen e shumicës në Tiranë do të prishte balancën e brendshme veri-jug), siç supozohet ndonjëherë, por më shumë idetë e vendosjes së një pushteti të llogaridhënies, ashtu siç pretendon të jetë pushteti i "Vetëvendosjes” në Kosovë. Kjo nuk ka të bëjë me ndonjë përmbysje eventuale të pushtetit aktual në Tiranë, sepse shtrirja politike e “Vetëvendosjes” në Shqipëri është e papëpërfillshme, por me frikën e gjithë spektrit politik të Shqipërisë për një trend të mundshëm, i cili në një të ardhme të afër do të rrezikonte pasurinë kriminale dhe pozitën shoqërore të oligarkëve të Shqipërisë. Prandaj, para se të futet ky trend i ndëshkueshmërisë në Shqipëri, ndikimi politik i Kosovës duhet të neutralizohet maksimalisht dhe kjo mund të bëhet në një mënyrë më të përshtatshme përmes koalicioneve formale dhe joformale me Serbinë” – shkruhet tutje.
AShAK-u e kritikon edhe Ali Ahmetin, udhëheqësin e shqiptarëve të Maqedonisë së Veriut, si përkrahës të ndarjes së Kosovës. Natyrisht, AShAK-u shkruan edhe për Gjykatën Speciale dhe politikat e BE-së ndaj Kosovës.
Seksioni i Shkencave Shoqërore së Akademisë së Arteve dhe Shkencave të Kosovës, ka reaguar ndaj publikimit të analizës “Synimet destabilizuese të Serbisë në Kosovë dhe në Ballkanin Perëndimor”, në emër të kësaj akademie.
Kjo analizë është publikuar në nëntor të këtij viti në ueb faqen e ASHK-ut.
Në kumtesën e tij, Seksioni i Shkencave Shoqëror të ASHAK-ut, thotë se ka kundërshtuar botimin e analizës qysh janar të këtij viti, duke thwnw se analiza është tekst i kryetarit të ASHAK-ut dhe nuk e kishte autorizim për publikim.
Përmes kësaj kumtese Seksioni i Shkencave Shoqërore thotë me sjelljen e tij, kryetari Kraja po dëmton ASHAK-un, duke i bërë thirrje për reflektim në të kundërtën paralajmëron edhe inicimin e veprimeve të tjera statutore ndaj tij.
“Me qasjen e tij jo-akademike dhe veçanërisht me publikimin e këtij dokument jo- shkencor, të hartuar nga vet ai, si drejtues i një institucioni prestigjioz shkencor, artistik e kulturor, sjellë pasoja të rënda për vetë akademinë” – thuhet në kumtesën e Seksionit të Shkencave Shoqërore.
Ndaj kumtesës së Sesionit të Shkencave Shoqërore ka reaguar edhe kryetari i ASHAK-ut, Mehmet Kraja.
Në reagimin e tij ndaj kumtesës së Seksionit të Shkencave, akademik Kraja thotë se analiza “Synimet destabilizuese të Serbisë në Kosovë dhe në Ballkanin Perëndimor” është publikuar, pasi është diskutuar në kryesinë e Akademisë dhe qëndrimeve të dhënë nga nënkryetarja dhe sekretarët e seksioneve të ASHAK-ut.
Në reagimin e tij, Kraja thotë se ka urdhëruar shërbime teknike që në krye të analizës të vihet emri i tij si autori i saj.
“Ndonëse nuk kishte obligim statutor (për çfarëdo publikimi është kompetente Kryesia), me propozimin e kryetarit, Kryesia vendosi që teksti i analizës t’u vihet në dispozicion të gjithë anëtarëve të Akademisë dhe me mesazhin e bashkëlidhur iu kërkua anëtarëve që për vërejtjet eventuale të shprehen me shkrim në një afat prej 10 ditësh (24 janar 2022). Nga të gjithë anëtarët e Akademisë (38 anëtarë), janë përgjigjur me shkrim dy anëtarë: akademik Isa Mustafa dhe anëtari korrespodent Arsim Bajrami”-ka shkruar ndër të tjerash Kraja në Facebook.
Akademikët Jusuf Bajraktari, Hivzi Islami dhe Frashër Demaj kanë akuzuar kryetarin e Akademisë së Shkencave dhe Arteve të Kosovës, Mehmet Kraja, për keqpërdorim të ueb-faqes së ASHAK-ut.
Përmes një reagimi, këta akademikë kanë bërë me dije se Kraja ka kohë që keqpërdor faqen e këtij institucioni.
Sipas tyre, publikimi i analizës “Synimet destabilizuese të Serbisë në Kosovë dhe Ballkanin Perëndimor”, e cila nxiti reagime të shumta është vetëm një rast që Kraja ka keqpërdorur këtë institucion.
Bajraktari, Islami dhe Demaj kanë bërë me dije së Kraja urgjentisht duhet të japë dorëheqje nga pozita e kryetarit të ASHAK-ut.
Tre akademikët kanë treguar se keqpërdorimet e kryeakademikut filluan me heqjen e disa “In Memoriame” nga faqja e institucionit.
“Para skandaleve lidhur me dokumentin megaloman të Kryetarit të Akademisë, M. Kraja, i cili ka një kohë që po e keqpërdor edhe faqen zyrtare të saj. Së pari kjo ndodhi me disa “In Memoriame” për miqtë e tij jashtë Akademisë, të cilët pasi qëndruan gjatë, me ridizajnimin e faqes, u hoqën, por në arkiv ruhen! Pastaj vazhdon avazin me tekst-pamfletin e tij, të publikuar disa herë dhe në disa vende brenda 11 muajve, por në vëllim të ndryshëm dhe në versione të retushuara: hiq e fut tekste, njëherë në emër të Akademisë, herën tjetër në emrin e tij personal”, është thënë në reagim.
Me tej, ata kanë përmendur rastin e publikimit të analizë “Synimet destabilizuese të Serbisë në Kosovë dhe Ballkanin Perëndimor”.
Sipas tre akademikëve, kjo analizë në ueb-faqen është futur me 21 dhjetor të këtij viti dhe jo më 23 dhjetor.
“Në versionin e “23 nëntorit 2022”, në 36 faqe, në faqen zyrtare të Akademisë, në fund të tekstit figuron data e 24 janarit 2022. Në të vërtetë, sipas hulumtimeve tona, ky tekst nuk është futur më 23 nëntor 2022, por më 21 dhjetor 2022, atë ditë kur është publikuar në “facebookun” e tij, në ora 2:52, ku akuzohen H. Thaçi, E. Rama, A. Ahmeti, D. Abazoviqi, B. Pacolli dhe riredaktohen tekstet për ngjarje të ndryshme historike dhe aktuale, nga “Beteja e Kosovës” deri më sot etj.! Ndërkaq, në faqen zyrtare të Akademisë të “23 nëntorit” (në fakt të 21 dhjetorit) hiqen emrat dhe denoncimet ndaj personave të përmendur, por ka edhe ndryshime të tjera esenciale”, thuhet në reagim, duke shtuar se këto fakte flasin për qëndrimet labile të kryeakademikut.
Veprimi i Krajës për të hequr analizën krejtësisht nga qafja e akademisë, sipas tyre, është i turpshëm.
“Edhe ky fakt flet për një veprim perfid, manipulativ dhe për qëndrimin e tij labil. Gjithë opinioni e pa se bëhet fjalë për një keqpërdorim dhe falsifikim flagrant të z Kraja! Ndërhyrja e drejtuesit të institucionit në faqen zyrtare të tij është shkelje e rëndë institucionale dhe morale! Për të qenë turpi edhe më i madh, dje (e hënë, 26 dhjetor 2022, pas dite), e ka hequr krejtësisht nga ueb-faqja e Akademisë vegëzën “Synimet destabilizuese të Serbisë në Kosovë dhe Ballkanin Perëndimor”, të cilën vet e ka vënë më 21 dhjetor 2022!”, kanë vlerësuar akademikët.
Me tej, ata kanë bërë me dije se akademikët analizën e Krajës e kanë marrë pas 11 muajve.
“Të gjithë anëtarët e Akademisë e morën zyrtarisht një material prej 42 faqeve, i cili është publikuar në “facebookun” e Kryetarit pas plot 11 muajve. Materiali nuk është miratuar nga anëtarësia dhe as nga ndonjë organ i Akademisë, ndërsa Seksioni i Shkencave Shoqërore më 26 janar 2022 e ka hedhur poshtë në tërësi. Sipas deklarimit të vet Kryetarit, që u bë edhe publik me dt. 21 dhjetor 2022 nga Demokracia.com, versionin e gjatë prej 42 faqeve e kishte reduktuar në 7 faqe dhe u jep ultimatum anëtarëve të Kryesisë së ASHAK-ut që të përgjigjen brenda dy ditëve! Çka ka ndodhur pastaj ne nuk jemi në dijeni, por Kryetari deklaroi se më 23 nëntor (datë manipuluese e tij!) Kryesia e ka aprovuar një tekst, ndërkaq Sekretari shkencor, anëtar i Kryesisë dhe numri tre i Akademisë, Luan Mulliqi, thotë publikisht (në koha.net, më 23 dhjetor, në ora 23:17) se “nuk është e vërtetë që ai tekst ka marrë miratimin e Kryesisë për t’u publikuar. Përkundrazi, është kundërshtuar. Është e vërtetë që sjelljet e Krajës janë imponuese dhe arbitrare, me theks të veçantë të arrogancës””, është thënë në reagim.
Akademikët të parti të ASHAK-ut ia kanë përmendur edhe çështjen e “Big Brother”.
“Më 21 dhjetor 2022 del një tekst në “facebookun” e Krajës, pra me emrin e tij, e kjo ndodhi katër ditë pas skandalit me “Big Brother” dhe kritikës që i bënte drejtuesi i Klan Kosovës, Adriatik Kelmendi, por edhe reagimeve të opinionit të gjerë. Duket që Kraja këtë e bëri për ta mbuluar turpin me shpërndarjen e tekstit të një mësuesi italian që e fyen “Big Brotherin”. Për manipulimet e sipërpërmendura, kërkojmë që Mehmet Kraja urgjentisht të japë dorëheqje nga pozita e Kryetarit të ASHAK-ut. Ky akt do të shërbejë si veprim i duhur akademik dhe institucional i ruajtjes së dinjitetit të Akademisë dhe anëtarëve të saj.”, përfundon reagimi i tre akademikëve.
