Nuk ka indikacione se Rusia po planifikon përdorimin e armëve bërthamore

 

  

Departamenti amerikan i Mbrojtjes tha se nuk ka indikacione se Rusia po përgatitet të përdorë armë bërthamore, pasi Moska njoftoi se do të dislokojë armë bërthamore taktike në Bjellorusi.

“Kemi parë raportime për njoftimin e Rusisë dhe do të vazhdojmë të monitorojmë këtë situatë”, tha Departamenti amerikan i Mbrojtjes përmes një deklarate.

“Ne nuk kemi parë asnjë arsye për të ndryshuar qëndrimin tonë strategjik bërthamor, apo ndonjë indikacion se Rusia po përgatitet të përdorë armë bërthamore. Ne vazhdojmë të jemi të përkushtuar në mbrojtjen kolektive të aleancës së NATO-s”, tha SHBA-ja.

Më 25 mars presidenti rus, Vladimir Putin, njoftoi se ka arritur marrëveshje për të vendosur armë bërthamore taktike në territorin e aleates së ngushtë, Bjellorusisë, e cila kufizohet edhe me Rusinë, edhe me Ukrainën.

Zyrtarët ukrainas kanë thënë se me këtë marrëveshje, Bjellorusia është bërë “peng bërthamor” i Moskës.

Rusia ka nisur pushtimin e Ukrainës më 24 shkurt 2022, duke përdorur territorin bjellorus për të dërguar trupa në Ukrainë. Bjellorusia, aleatja e Rusisë, mohon se është palë në konflikt.

Kina aleancë ushtarake me Rusinë? Putin e thotë hapur: Po bashkëpunojmë, s’mbajmë asgjë sekret!

  

Udhëheqësi rus Vladimir Putin ka pranuar bashkëpunimin ruso-kinez sa i përket aspektit ushtarako-teknik, sidoqoftë ka mohuar që të ketë një aleancë ushtarake mes Moskës dhe Pekinit.

Përmes një interviste mediatike, Putin u shpreh se: “Rusia dhe Kina po zhvillojnë bashkëpunim, duke përfshirë bashkëpunimin ushtarak-teknik, por kjo nuk është një aleancë ushtarake”.

Sipas shefit të Kremlinit, bashkëpunimi mes Rusisë dhe Kinës nuk përbën kërcënim për Perëndimin.

“Ne nuk po krijojmë asnjë aleancë ushtarake me Kinën. Po, kemi bashkëpunim edhe në fushën e bashkëpunimit ushtarak-teknik, nuk po e fshehim, por është transparente, nuk ka asgjë sekrete“, tha Putin.

Vlen të theksohet se, thellimi i raporteve mes Putin dhe Xi Jinping vjen pak pas vizitës 3-ditore të udhëheqësit kinez në Moskë, ku ndër të tjera u fol edhe për një plan paqe të propozuar nga Pekini për ti dhënë fund agresionit rus në Ukrainë. Putin ra dakord me propozimin e Xi, por shprehu shqetësimin se Perëndimi nuk do ta pranonte. Nga ana tjetër Pentagoni e bëri të qartë që nuk ka marrëveshje Rusi-Ukrainë në kushtet në të cilat ndodhen dy vendet. Sipas SHBA, Rusia duhet të tërhiqet nga territoret e pushtuara.

Kryekrimineli botëror Vladimir Putin krahason NATO-n me Fuqitë e Boshtit gjatë Luftës së Dytë Botërore: Po krijojnë më shumë aleanca

  

Presidenti rus Vladimir Putin e ka krahasuar planin e NATO-s për zhvillimin e vendeve të Paqësorit me Fuqitë e Boshtit gjatë Luftës së Dytë Botërore.

Përmes një interviste për “Rossiya-1”, shefi i Kremlinit është shprehur i bindur se Perëndimi po i kalon të gjitha linjat e kuqe.

“Çfarë po bëjnë Shtetet e Bashkuara? Ata po krijojnë gjithnjë e më shumë aleanca. Dhe kjo i bën analistët perëndimorë të thonë, jo ne, se Perëndimi po fillon të ndërtojë një “bosht” të ri , të ngjashëm me atë të krijuar në vitet 1930 nga regjimet fashiste nga Gjermania, Italia dhe nga Japonia”- tha Putin duke iu referuar faktit se në vitin 2022, NATO ra dakord për një koncept të ri strategjik për zhvillimin e bllokut.

“NATO ka shkruar se do të zhvillojë marrëdhëniet me vendet e rajonit të Azi-Paqësorit dhe këto vende janë renditur: Zelanda e Re, Australia dhe Koreja e Jugut. Dhe ata njoftuan se do të krijonin një NATO globale. Britania e Madhe dhe Japonia në fillim të këtij viti, në janar, nënshkruan një marrëveshje për zhvillimin e marrëdhënieve në sferën ushtarake”, tha Putin.

Udhëheqësi rus i konsideron vendet perëndimore si nxitës të konfliktit në Ukrainë.

“Ata e kanë bërë furnizimin që nga fillimi në vitin 2014. Një grusht shteti, këtu filloi gjithçka. Ne u detyruam të mbronim popullin e Krimesë. Ata pretendojnë se nuk kanë asnjë lidhje me të. Ata janë nxitësit e këtij konflikti. Dhe sot po shpërndahet më shumë municion, pajisje e kështu me radhë po shpërndahen”, tha ai.

Kryeministri i Kosovës, Albin Kurti u prit sot në takim nga Presidenti i Shqipërisë, Bajram Begaj.

Kryeministri i Kosovës, Albin Kurti u prit sot në takim nga Presidenti i Shqipërisë, Bajram Begaj. 

 Duke e falënderuar për mikpritjen dhe bashkëpunimin e afërt, siç u bë e ditur në komunikatë, Kurti e njoftoi Begajn për qeverisjen dyvjeçare dhe progresin e Kosovës, me theks në sundim të ligjit, luftimit të korrupsionit dhe avancimin demokratik të vendit. Kurti dhe Begaj diskutuan për takimin e lartë politik në kuadër të dialogut ndërmjet Kosovës dhe Serbisë të datës 18 mars në Ohër. Me këtë rast, kryeministri Kurti e njoftoi presidentin Behaj për marrëveshjen e arritur, elementet e saj, dhe për qasjen e konstruktive që Kosova ka ndjekur në këtë takim, por edhe gjatë gjithë procesit. “Presidenti Begaj falënderoi kryeministrin Kurti për vizitën, teksa dha vlerësimin e tij për arritjet e qeverisjes dhe mbështetjen për qëndrimin dhe lidershipin e treguar në arritjen e marrëveshjes mbi aneksin e zbatimit të Propozimit Evropian, tashmë Marrëveshje Bazë”, u bë e ditur në komunikatë. Begaj, gjithashtu theksoi mbështetjen e tij dhe të Shqipërisë ndaj Kosovës për anëtarësimin e saj në NATO. Ndryshe, kryeministri Albin Kurti ka zhvilluar gjatë ditës me presidentin e Shqipërisë, Bajram Begajn dhe me kryetaren e Kuvendit, Lindita Nikollën.

Juristi Kreshnik Spahiu, është shprehur se kreu i qeverisë së Kosovës Albun Kurti ka ardhur në Tiranë për të marrë një mbështetje pas marrëveshjes që nënshkroi në Ohër me presidentin serb Aleksandar Vuçiq.

Juristi vjen me një thirrje: Kurti dhe Rama duhet të heqin kufirin Shqipëri-Kosovë Albun Kurti dhe Edi Rama Juristi Kreshnik Spahiu, është shprehur se kreu i qeverisë së Kosovës Albun Kurti ka ardhur në Tiranë për të marrë një mbështetje pas marrëveshjes që nënshkroi në Ohër me presidentin serb Aleksandar Vuçiq. Në një intervistë për Euronews Albania, Spahiu ka bërë një thirrje për kreun qeverisë Edi Rama dhe për Albin Kurtin. Ai tha se duhet të ketë një marrëveshje mes Kosovës dhe Shqipërisë që të hiqn kufijtë mes dy shteteve. “Gjykoj se Kurti ka ardhur në Tiranë për të siguruar një mbështetje pas Vuçiq. Mendoj se qëllimi i viztës së Kurtit është për të rikuperuar kritikat e ashpra që ka në Prishtinë në lidhje me marrëveshjen në Ohër. Kurti ka nevojë për këtë mbështetje sepse arriti të bëjë një marrëveshje kundër vetes së tij. Kurti erdhi në pushtet me kushtin që nuk do të firmos për asociacionin. Në njëfarë mënyre erdhi të kërkoj një lloj mbështetje për të rikuperuar votat e humbura në Kosovë. SHBA dhe BE kanë rënë dakord që marrëveshja e Ohërit të mos nënshkruhet. Ajo çfarë unë do i bëja Kurtit dhe Ramës në këtë takim përveç gatimit mitë dhe verës që kanë shoqëruar sot drekën e tyre, është mirë që të kenë një marrëveshje të mirë mes Kosovës dhe Shqipërisë. Albin Kurti dhe Edi Rama duhet të hapin kufijtë Shqipëri-Kosovë. Ata të dy duhet të heqin kufijtë mes Shqipërisë dhe Kosovës në “Open Albania” sepse heqja e kufijve e të dy shteteve është ekskluzivisht e drejta e dy qeverive”, u shpreh Spahiu.

Poetja Prof.Dr.Alisa Velaj ka hyrë në shortlistën e çmimit prestigjoz të poezisë “Erbacce Prize Poetry Award” në Angli

Nga Flori Bruqi,PHD

Alisa  Velaj ka lindur në nëntor të vitit 1982 në qytetin e Vlorës. Është autore e katër vëllimeve me poezi: “Përanash Flakës”, “Tej kthellës së epërme”, “Shtjellë reje, shtjellë zjarri” dhe “Hareja në ajrin e një kocke fyelli”. “Shtjellë reje, shtjellë zjarri” është vlerësuar nga Ministria e Kulturës si vëllimi më i mirë poetik i vitit 2019.

Poezitë e Velajt botohen gjerësisht në gazeta dhe revista në gjuhën angleze, por jo vetëm. Në vitin 2014, Alisa Velaj ka hyrë në shortlistën e çmimit prestigjoz të poezisë “Erbacce Prize Poetry Award” në Angli. Në fushën e studimeve letrare, Velaj mban titullin shkencor “Doktore e Shkencave Filologjike”.

“Këngë e verdhë zogu në mesnatë” vjen si antologji e poezive të saj përgjatë 20 viteve.

I 

HEROJI ISMET AVDI QORRAJ, NGA CARRABREGU I DEÇANIT I CILI RA NË ALTARIN E LIRISË MË 28 MARS 1989 NUK VDESË KURRË!

 

Trimëria jote është e ngulitur thellë në dejtë e Tokës ilire!

Shkove në përjetësi si dëshmor, ashtu si jetove, i nderuar, bujar, i urtë dhe trim ISMET AVDI QORRAJ .

Kulturë 5 - MARS I PËRFLAKUR

	Përgatiti: Flori BRUQI
	MARS I PËRFLAKUR Antologji poetike kushtuar dëshmorit Ismet Avdi Qorraj       Librin e përgatitur nga Flori Bruqi "Marsi i përflakur"  mund ta shkarkoni falas në sektorin   „Literaturë“
Kjo Antologji poetike kushtuar dëshmorit të atdheut Ismet A. Qorraj përfshin gjithë poezitë që u paraqiten në konkursin e organizuar me këtë qëllim nga Axhensioni Floripres – Prishtinë, në pranverë 2015.             Vendin e pare në këtë konkurs e mori poezia "Pranverë", e poetit Gentian Banaj. Vendin e dytë e mori poezia "Balada për zogjtë e valsit diellor", e poetit Skënder Zogaj. Vendin e tretë e mori poezia "Krenohemi me ju n’altarin Dardan", e poetit Engjëll Koliqi.             Poezitë botohen sipas alfabetit, përjashto tre poezitë fituese qe çelin librin.             Ky libër botohet në nderim të dëshmorit dhe në shenjë falenderimi për pjesëmarrësit në konkurs.             AXHENSIONI FLORIPRES PRISHTINË         Gentjan BANAJ   PRANVERË   Nga kreshta e një mali, si shqipe drejt lirisë Gjaku i Kosovës vërshon ndër dej Pranverës së Ismetit vdekja i del pritë Tokën amë plagos, si një lot ndë` qiej Pranverë e përhumbur në logun tënd Deçan I mbledh gjymtyrët prej dhimbjes gjer në palcë Gjaku i rinisë vërshon si lumë dalështratit Nga plumbat pashpirt që rendin turravrap Nëpër asht të stinës bleron pikëllimi E shpërthen bimëza të vogla loti Pranverë e përgjunjur në tokë t`Deçanit Me sytë drejt qiellit i luten zotit S`mund të shkelë më livadheve rioshi Ismet Me hapin prej dreri dhe prushin në sy Shtatëqind vjet do vajtojnë tash kullat Shtatëqind vjet Ajkunat do të mbajnë zi Gaz e vaj do të vijnë e do të ikin stinët Lugjeve do lodrojnë të tjerë Omerë Lojë e tyre në kundërmim lirie Moteve e brezave, t`ju sjellë pranverë       Skënder ZOGAJ   BALADA PËR ZOGJTË E VALSIT DIELLOR   Imja është piktura me sytë e përlotur Edhe qielli ngjyrë ulliri sipër Deçanit Plot zogj gjoks shpërthekuar, Të zjarrtë dhe kryengritës Si meteorë vezullues plot avaz Që shpirtin e vet e bëjnë kurban Se nuk e durojnë jetën në kafaz. Zogj drite me flatra trëndafili Përhapës magjik të valsit diellor Ndër shtatë palë toke e qielli me dashurinë hyjnore për Liri Kundër ujqve të mallkuar e dinak Gjithmonë të etur për gjak... Në këngë është trimëria e zogjve Prandaj gjithmonë vdesin duke kënduar Si n’atë ag pranvere kur zaret u hodhën Dhe n’pikturë u shprushën lulëkuqet Që kurrë më t’mos kishte strehë për korba As për këlyshë të zinj bushtre Që i ulërijnë Hënës… Nata ofshau zemërplasur nëpër konaqe Por agimi u rilind me dritë zemre, o mik - Shih zogjtë e valsit diellor që puthin qiellin Në Carrabreg, në Voksh e në Maznikë...       Engjëll KOLIQI   KRENOHEMI ME JU N’ALTARIN DARDAN   Duke dëgjuar kushtrimin Nga Gjergji i Madh i Kastriotëve Nga Mic Sokoli e Hasan Prishtina Nga Bajram Curri e Idriz Seferi Vrapuat mbas Nënëlokes Dardani Ta merrni në mbrojtje e ta shpëtoni O i dashuri ynë Ismet Avdi Qorraj Ti djaloshi i Dardanisë Ishe i Madh Dhe nuk e duroje më gjakatarin Të lodrojë e të shkarkojë në trojet tona Jo Kur e pe Se shkjau u tërbua Ti Ismet i dashur U ngrite në këmbë Në mbrojtje të Kushtetutës Dardane Në Deçanin heroik Bashkë me Selimin, Mujën e Agimin Ratë nën plumbat bum-bum Të shkijeve fashisto-komunistë Jetën tokësore e mbyllët O dëshmorët e kombit tonë Por nuk keni vdekur Jo Dhjetë vite mbas Nënëlokja Kosovë U çlirua nga kriminelët serbianë Amaneti juaj shkoi në vend Gjaku juaj ujiti lule lirie e dashurie Ne kemi qarë shumë Për ju Sot krenarë Kremtojmë E këndojmë Me mburrje Që ju patëm të tillë Lavdi ju këndojmë N’altarin dardan Sot e përgjithmonë   Poezi nga libri "Marsi i përflakur"