Serbija në flakë/ Opozita kundërshton zgjedhjet, Vuçiç nis arrestimet

 

Presidenti serb, Aleksandër Vuçiq ka angazhuar edhe pjesëtarë të grupit terrorist të Banjskës, për të shkaktuar trazira në protestat e opozitës në Serbi, bëjnë të ditur burime të KosovaPress-it.

Burime të KosovaPress-it bëjnë të ditur se Gjorgje Balloviq, Nikolla Niciforoviq, Millan Ivanoviq dhe Zhivko Jakshiq, për disa ditë kanë qëndruar në Beograd për të marrë pjesë në protesta. Kjo pasi, sipas të njëjtit burim, për t’u infiltruar në turmë, pasi që konsiderohet se janë të panjohur në Beograd.

Ndërkaq në deklaratën e SPN-së thuhet se “autoritetet përdorën dhunë për t’i paraqitur protestat paqësore si të dhunshme”. Protestuesit në Serbi po kërkojnë përsëritjen e zgjedhjeve të 17 dhjetorit.

Sipas këtij koalicioni, në protestën e mbrëmshme u përdor forcë brutale nga regjimi. Në deklaratën e SPN-së thuhet se njësitë speciale kanë përdorur forcë brutale ndaj qytetarëve.

“E rrahën njërin nga demonstruesit dhe ia thyen këmbën, duke e goditur me shqelma përderisa ishte i shtrirë në tokë. Pas protestës, policia sulmoi edhe Radomir Lazoviqin nga Fronti i Gjelbër i Majtë”, thuhet në njoftimin e SPN-së.

Ky koalicion politik deklaroi se janë arrestuar një numër i madh i qytetarëve paqësorë, për të cilët paralajmëroi se do të sigurojë mbrojtje ligjore.

Ndryshe, gjatë protestës së mbrëmshme dera e Kuvendit të Serbisë është thyer dhe policia ka hedhur gaz lotsjellës ndaj protestuesve, të cilët vijuan për të shtatën herë demonstratën e tyre, që u thirr nga opozita.

Përfaqësuesit e listës opozitare “Serbia kundër dhunës” tentuan të hynin në Kuvend, në mënyrë që t’iu adresoheshin qytetarëve nga ballkoni i ndërtesës.

Ata shtyn derën, por nuk arritën të hynin, pasi u parandaluan nga policia. Një pjesë e protestuesve thyen xhamat e dyerve dhe dritave të ndërtesës, ndërsa policia e përgjigj me gaz lotsjellës.

Pas incidenteve, përmes një adresimi për publikun nga Presidenca e Serbisë, Aleksandar Vuçiq, iu drejtua qytetarëve serbë që të mos shqetësohen.

“Asnjë revolucion nuk është duke u zhvilluar, dhe ne po mundohemi që të mos lëndojmë asnjë nga demonstruesit përmes një reagimi të lehtë”, tha ai ndonëse videot e publikuara tregojnë se ndaj protestuesve u ushtrua dhunë.

Kujtojmë se, misioni vëzhgues i OSBE-së tha se zgjedhjet e 17 dhejtorit në Serbi u përshkruan me parregullsi serioze, keqpërdorim të fondeve shtetërore dhe përhapje të frikës. Eurodeputetët kanë kërkuar hetim të pavarur për parregullsitë në zgjedhje. SHBA po ashtu u kanë bërë thirrje autoriteteve serbe t’i hetojnë pretendimet për parregullsi.

Beogradi u përfshi të dielën nga protesta të forta ku demostruesit opozitarë u përpoqën të futen në godinën e bashkisë së qytetit. Policia reagoi me dhunë, me pasojë dhjetëra të arrestuar.

Forca të mëdha policore kanë shpërndarë mbrëmjen e 24 dhjetorit me dhunë shproporcionale demonstruesit e mbledhur në qendër të Beogradit, në protestën e shtatë të opozitës serbe, pas zgjedhjeve të fundit. Opozita pretendon se zgjedhjet në kryeqytet, ashtu si në gjithë vendin janë manipuluar nga partia në pushtet SNS e presidentit Aleksandar Vuçiç. Ajo kërkon anulimin dhe përsëritjen e tyre.

Në protestën e së dielës para godinës së bashkisë në Beograd, ku ka pasur edhe dhunë fizike dhe thyerje të dritareve, u arrestuan 35 persona. Opozita akuzoi qeverinë për dhunë gjatë shpërndarjes së demonstruesve.
Protestuesit bërtisnin “Hape derën” dhe “Hajdutë”, ndërsa goditën ndërtesën me vezë dhe gurë. Disa brohoritën “Vuçiç është Putin”, duke e krahasuar presidentin serb me liderin rus.

Nebojsha Zelenoviç, një nga udhëheqësit e aleancës opozitare Serbia kundër dhunës, tha se oficerët e policisë pushtuan të gjithë qendrën e Beogradit, duke përfshirë çatitë e ndërtesave. Zona ku është selia e parlamentit kombëtar dhe presidencës së bashku me qeverinë e qytetit u militarizua.

Policia fillimisht u barrikadua brenda ndërtesës së qeverisë së qytetit, duke hedhur gaz lotsjellës ndërsa qindra protestues të opozitës thyen xhamat në hyrje. Më pas, policia e shtyu turmën nga qendra e qytetit dhe bëri disa arrestime.

Incidentet filluan kur përfaqësuesit e listës opozitare “Serbia kundër dhunës” tentuan të hynin në ndërtesën e Bashkisë së Beogradit, në mënyrë që t’iu adresoheshin qytetarëve nga ballkoni i objektit. Ata shtynë derën, por nuk arritën të hynin, pasi u parandaluan me forcë nga policia.

Një pjesë e protestuesve thyen xhamat e dyerve dhe dritave të ndërtesës. Policia u përgjigj me gaz lotsjellës.

Presidenti serb Vuçiç iu drejtua mbrëmë opinionit me fjalët se është mbajtur edhe mbledhja e Këshillit të Sigurisë për të diskutuar situatën, duke theksuar se trazirat ishin nxitur nga jashtë. Vuçiç i quajti demonstruesit “banditë”, të cilët nuk do të kenë sukses në destabilizimin e shtetit dhe tha se “ky nuk është një revolucion”.

Unë kam qenë në Presidencë, në vendin tim të punës dhe nuk kam pasur fare frikë nga ju dhe nuk do t’ju ​​lë ta shkatërroni Serbinë”, ka theksuar Vuçiç në Instagram me një video-mesazh nga Presidenca e Serbisë.

Ai deklaroi se herë pas here i duket se kundërshtarët politikë, por edhe mentorët e tyre nga jashtë, mendojnë se të gjithë në këtë vend janë idiotë dhe se askush nuk ka sy e veshë dhe se askush nuk e kupton se çfarë ka ndodhur.

Vuçiç thote se protestat janë një përpjekje e organizuar nga jashtë për të rrëzuar qeverinë.

Mediat perendimore që pasqyruan këtë ngjarje rikujtuan se vëzhguesit ndërkombëtarë kanë konstatuar se gjatë zgjedhjeve ka pasur “parregullësi”  të dukshme. Ndërsa shtypi gjerman i bëri jehonë reagimit të Ministrisë së Jashtme të Gjermanisë ku thuhet se shkelje të rregullave në këto përmasa, gjatë zgjedhjeve nuk janë në përputhje me një vend kandiat për anëtarësim në BE. 

Negociatori i palës serbe në dialogun Kosovë-Serbi, Petar Petkoviç, ka fajësuar kryeministrin e Kosovës, Albin Kurti, për mbështetje të protestave opozitare në Beograd.

Pas protestave masive Petkoviç është shprehur në rrjetin social X se “tërbimi i opozitës së Gjilasit e ka kënaqur Kurtin dhe mediat në Prishtinë”.

“Është e qartë pse Kurti e ka përkrahur hapur opozitën e Gjilasit, ndërsa sulmon çdo ditë serbët në Kosovë”, ka thënë ai.

Për këtë të hënë janë paralajmëruar protestat e studentëve në Beograd, të cilët do të bllokojnë për dy orë trafikun në qendër të qytetit.

Historia e Papa Klementit XI- Albani dhe amanetit të tij: Mbi varr më shkruani që jam shqiptar

 

 “Papa Klementi XI Albani  ka mbetur e do të mbetet një papë në panteonin e ndritur të historisë shqiptare e asaj botërore” 

Gjon Françesk Albani, siç u thirr në Pagëzim, lindi më 23 korrik 1649 në Urbino të Italisë. Si kreu shkollimin e plotë në Romë, falë aftësive të tij, ngjiti shumë shpejt shkallët e karrierës kishtare: së pari si sekretar i kanonikëve (1687), më pas si kardinal (1690) e së fundi si i 261-ti pasardhës i Shën Pjetrit (23 nëntor 1700).

Pati një papni të trazuar nga konflikti i vazhdueshëm ndërmjet Francës e Perandorisë spanjolle, që krijoi rrezikun e një sulmi të armatosur kundër papatit. Përballoi me urtësi këtë konflikt e të tjerë, që u krijuan pas Traktateve të Utrehtit, të Ratsadit e të Badenit (1712- 1714) ku u caktuan normat për ndarjen e Evropës. Më pas iu desh të përballonte një rrezik tjetër: atë të pushtimit turk.

Dha një kontribut të shquar në fushën teologjike, duke luftuar herezitë e kohës; në fushën kanonike e liturgjike, duke kontribuar për përkryerjen e riteve lindore të kinezëve e malabaritëve; në fushën e misionit, duke dendësuar veprimtarinë misionare në Mesdheun Perëndimor, Persi, Indi e Kinë.

Krenar për prejardhjen e tij shqiptare, u interesua nga afër për fatet e vendit të të parëve. Emri i papës Albani mbeti në historinë e Shqipërisë si për organizimin e Kuvendit të Arbënit (1703) e për botimin e Akteve të tij në shqip e latinisht, vepër me rëndësi të dorës së parë për traditën tonë letrare, ashtu edhe për kontributin që dha në përhapjen e gjuhës e të kulturës në trojet shqiptare.

I dha kështu Dheut të të Parëve ndihmesën e tij të çmuar për të hedhur hapin e parë drejt rilindjes shpirtërore e kombëtare të popullit, që rënkonte në errësirën e thellë të pushtimit, një rreze drite, që t’ia ndriçonte shtegun drejt lirisë.

Në historinë shqiptare, si dhe në fusha të tjera studimore albanologjike, emri i Papa Klementit XI- Albani, përmendet si një Papë me “gjak shqiptar” dhe që ka pasur plot merita te tjera për çështjen shqiptare. Familja Albani e ka prejardhjen nga familja fisnike e Mikel Laçit, nga Laçi i Kurbinit. Nga kjo familje rrodhën, përveç Klementit XI, kardinalë të shquar, kontë, diplomatë të mëdhenj dhe burra shteti të nivelit të lartë.

Për Dom Nikë Ukgjinin përfaqësues i kishës katolike në Shqipëri, emri i Papa Klementit XI lidhet edhe me Mërqinë – kishën e Kuvendit të Arbrit, e cila ka një vlerë të pazakontë në të kaluarën dhe sot. “Papa Klementi XI ka mbetur e do të mbetet një papë në panteonin e ndritur të historisë shqiptare e asaj botërore” – e përshkruan atë akademik Shaban Sinani.

Papa Albani ka lënë gjurmë edhe në kujtesën kolektive, në kulturën humane dhe civilizimin e shoqërisë shqiptare. Për studiuesin arbëresh prof. Francesco Altimari, roli i Papa Klementit XI ka qenë i pazvëndësueshëm për kohën për zgjimin e kulturës dhe të identitetit në botën shqiptare. Në një nga librat më të çmuar për historinë tonë kombëtare “Illyricum Sacrum”, ilirët e shenjtë flitet sesi Papa Klementi XI dha kontribute të mëdha për mbledhjen e përpunimin e historisë së Shqipërisë.  /LAPSI.al

Pse SPAK po kërkon polici tek dera e banesës së prof.dr.Salih Berishës

 

SPAK po dëshmon se më shumë sesa hetimin e ish kryeministrit Bersha, po kërkon izolimin e liderit të opozitës. Pas rreth 1 ore debatesh mes prokurorëve dhe avokatëve, GJKKO vendosi që të shtyjë për ditën e mërkurënë orën 11:00 vendimin për ish-kryeministrin Berisha.

Kjo për shkak të kërkesës së përsëritur të 2 avokatëve, Genci Gjokutaj dhe Sokol Mëngjesi, për përjashtimin e gjyqtares Irena Gjoka, për njëanshmëri. Ata kanë dorëzuar prova që sipas tyre faktojnë shkarkimin e gjyqtares në shkurt të 1996 nga Këshilli i Lartë i Drejtësisë, kur kryetar ishte Sali Berisha.

Lexo më tej:

Arrestimi i Berishës/ Si po e politizon SPAK një dosje korrupsioni

Sali Berisha nuk ishte sot i pranishëm në gjykatë, madje gjatë kohës që u bë publike vendimi për shtyrjen e caktimit të masës së “arrestit në shtëpi” për të, ish-kryeministri po mbante fjalim me të rinjtë e Forumit Rinor të Partisë Demokratike, në selinë blu.

SPAK kërkoi jo vetëm rëndimin e masës në arrest shtëpiak, por edhe mbikqyrjen e Berishës me polici për 24 orë gjatë ditës si dhe kufizimin për të komunikuar vetëm me familjarët.

Pikërisht kjo kërkesë është interpretuar nga pala e prekur si një masë pilitike, e cila synon të kontrollojë aktivitetin e përditshëm dhe hyrje daljet e bashëpunëtorëve në vendin ku lideri i PD do të kryej masën ndëshkimore. Në një situatë, kur Berisha nuk është ende i akuzuar zyrtarisht, kur dihet publikisht se ai nuk ka ndërment as të arratiset, as nuk ka mundësi të prishi provat, një kërkesë e tillë duket jo vetëm e ekzagjeruar, por edhe me prapamendim.

“Në asnjë rast ligji nuk përcakton mbikëqyrje policore. Ajo bëhet për persona shoqërisht të rrezikshëm që iu kanë skaduar afatet tërësore të paraburgimit, janë vënë në arrest shtëpie se s’kanë pasur mundësi tjetër dhe kanë vënë mbrojtje policore me qëllim që të sigurojnë mosikjen e tyre, por kjo nuk mund të krahasohet me rastin e z. Berisha… Gjithmonë, kur kërkesa është joligjore, nuk ka argument’ sqaroi avokati Gjokutaj.

Vetë Berisha e mori lajmin gjatë një aktiviteti partiak dhe komentoi: “Tani, do venë policë? Unë e ftoj të vënë një batalion, ta rrethojnë atë rrugicën aty ku jam unë dhe unë nuk kam asnjë problem.”
Nisur nga ato që ai i konsideron si shkelje të motivuata politikisht Berisha ka deklaruar se çështjen e tij do ta ndjekë në çdo shkallë, madje paralajmëron se do ta çojë deri në Gjykatën e Strasburgut, pasi e konsideron këtë institucion si gardiane e të drejtave të njeriut.
Strasburgu është tjetër, patjetër që unë do i drejtohem. Është gjykata gardian i Konventës Europiane të të Drejtave të Njeriut”, tha Berisha.
Por deri sa kjo çështje të kalojë kufijtë e Shqipërisë Berisha do të jetë për një kohë të gjatë i izoluar, pa mundur të kryejë funksoinin e tij si lider i opozitës. Madje ai rrezikon që edhe brenda arrestit të jetë i kufizuar, pa mundësinë për të kontaktuar me të tretë.

Andi Bushati: A mund të kthehet SPAK në vrasës të demokracisë?

Po të bëhet një bilanc që nga tetori kur nisi kjo sagë, SPAK fillimisht i kufizoi lirinë Berishës pa i kërkuar leje parlamentit dhe si pasojë e mozbatimit e kësaj mase ligjërisht të diskutueshme, ai po kërkon ta izolojë politikisht atë.
Si për koincidencë, e mërkura kur do diskutohet për policin te dera e liderit të PD, do të zhvillohet në Gjykatën e Lartë edhe procesi qesharak se kujt i takon vula e kësaj partie.

Seanca për Berishën u caktua të mërkurën 27 dhjetorit në orën 11:00. Ai po hetohet nga SPAK për akuzën e “Korrupsionit pasiv i funksionarëve të lartë shtetërorë ose i të zgjedhurve vendorë”, kryer në bashkëpunim. Në dosjen e klubit sportiv “Partizani” pretenfohet se ish Kryeministri ndikoi që dhëndri i tij Jamarbër Malltezi, sot në arrest shtëpie, të privatizojë kompleksin dhe ndërtojë 19 kulla të cilat i sollën fitim prej 5.4 mln euro.

Rishfaqet Navalny me një postim ironik nga qelia e re në Arktik

Mesazhi i tij në rrjetin social X, dikur i njohur si Twitter, erdhi një ditë pasi anëtarët e ekipit të tij thanë se kishin arritur ta gjenin vendndodhjen e tij pas disa javësh humbje kontakti. Zoti Navalny mbahej më parë në rajonin Vladimir, në lindje të Moskës, ndërsa tani gjendet në Kharp, në rajonin Yamal-Nenets, një zonë e njohur për dimrat e ashpër.

Zoti Navalny shkruajti se ishte transportuar me masa kaq të shumta dhe përgjatë një trajektoreje aq të çuditshme, sa që nuk mendonte se do të bëhej e ditur vendndodhja e tij deri në janar. Kira Yarmysh, një zëdhënëse e zotit Navalny, tha të hënën se avokati i tij ishte lejuar ta takonte në objektin e ri. Ajo tha se largimi i zotit Navalny në vendndodhjen e re synon izolimin e tij.

“Alexei, megjithëse mbahet në burg, vazhdon të jetë kundërshtari kryesor i Vladimir Putinit. Ai është personi që i reziston më shumë se çdokush tjetër dhe kështu motivon të tjerët që të rezistojnë. Prandaj nuk është befasi që e transferuan tashmë në një tjetër burg, që të mos ia ndalojë dot Putinit të bëjë fushatën elektorale dhe në vazhdim të manipulojë edhe zgjedhjet”, tha zonja Yarmysh.

Zoti Navalny u arrestua në vitin 2021 pas kthimit nga Gjermania, ku u kurua pas helmimit me një agjent nervor, për të cilin ka fajësuar Kremlinin. Ai i ka refuzuar të gjitha akuzat ndaj tij si të motivuara politikisht.

Detajet/ Washington Post: McGonigal i zhytur deri në fyt në pakt sekret me Edvin Kristaq Ramën

 

Sa më shumë ditë kalojnë, aq me tepër gazetat më prestigjoze të globit po e rëndojnë gjuhën për lidhjen mes kryeministrit Edi Rama dhe agjentit të akuzuar të FBI, Charles McGonigal. Këtë të hënë ka qenë e përditshmja e famshme “The Washington Post”, e cila ka bërë një shkrim të gjatë me një grup autorësh, ky kryesorët janë gazetarët Shane Harris, Rosalind S. Helderman dhe Catherine Belton. Artikulli që zbret deri në detaje të aferës McGonigal, i kushton një pjesë të madhe edhe lidhjeve të tij shqiptare.

LEXO ME TEJ:

Kronologjia datë pas date/ Si u rekrutua McGonigal për të goditur PD-në 

Ai është në të njëjtën linjë të artikullit që publikoi pak ditë më parë New York Times, por ndryshe nga ai, ka nota më të errëta në përshkrimin e marrëdhënies së Edi Ramës dhe ish zyrtarit të FBI-së. “Charles McGonigal, ka marrë para për të çuar përpara interesat e kryeministrit shqiptar“, shkruan gazeta. Ajo vazhdon: “McGonigal ishte i zhytur deri në fyt në marrëveshje sekrete me kryeministrin e Shqipërisë“.

Paragraf nga shkrimi:

“Angazhimi i McGonigal në Shqipëri mendohet se filloi kur ai punonte ende për FBI-në, çka përbën shqetësim për ish-kolegët e tij. Prokurorët pretendojnë se deri në gusht 2017, McGonigal ishte lidhur me një person nga Nju Xhersi, i cili kishte lindur në Shqipëri dhe disa dekada më parë kishte punuar për inteligjencën shqiptare.

Aktakuza nuk e përmend emrin e këtij personi, por përshkrimi përputhet me Agron Nezën, për të cilin të dhënat e kompanive shqiptare tregojnë se hyri në biznes me McGonigal në vitin 2019, pasi McGonigal u largua nga FBI”, shkruan gazeta.

“Emri i Nezës, së bashku me të tjerë, u përfshi në një fletë-thirrje të jurisë së madhe të nëntorit 2021, të publikuar nga Business Insider në shtator dhe të konfirmuar nga ‘ëashington Post’ nga një person që ka njohuri për hetimin.

McGonigal i kërkoi Nezës para- dhe Neza pranoi, duke i premtuar se do t i’a paguante pak nga pak, sipas aktakuzës. Më pas, të dy burrat udhëtuan së bashku drejt Shqipërisë në shtator të vitit 2017, ku u takuan me kryeministrin Edi Rama.

McGonigal, i cili ishte duke punuar për FBI-në në atë kohë, i dhuroi kryeministrit simbole të FBI-së dhe e paralajmëroi atë kundër dhënies së licencave fitimprurëse për kompanitë ruse të naftës.

Ndërsa McGonigal dukej se po vepronte si oficer kundërzbulimi kundër ndikimit rus, prokurorët pretendojnë se në fakt, Neza dhe një tjetër shqiptar që punonte me McGonigal, i identifikuar nga prokurorët si një këshilltar informal i Ramës, kishin interesa financiare në fushat e naftës,” thekson gazeta e madhe amerikane.

New York Times: Si i shiti McGonigal shërbimet e tij në Shqipëri! 

Pasi shpjegon me detaje, tashmë të stërnjohura për publikun shqiptar, se si i kërkoi dhe si i mori ish zyrtari i FBI-së 225 mijë dollarët nga Agron Neza, pasi të dy takuan Edi Ramën në Tiranë, pasi precizon se si i mori ato, The Washington Post jep një tjetër detaj interesant. Në intervistën e saj për Euronews, Allison Guerreiro, ish e dashura e McGonigal, pohoi se ish zyrtari i FBI-së kishte ngrënë darkë me Ramën në një restorant luksoz në New York. Investigimi i The Washington Post përcakton datën dhe pjesmarrësit e panjohur të kësaj darke.

Paragraf nga shkrimi:

“Para se të tërhiqej nga FBI në vitin 2018, akuza pretendon se McGonigal dhe Neza u takuan vazhdimisht me Ramën në SHBA dhe Shqipëri, përfshi një herë për darkë në Uashington në mars 2018, kur atyre iu bashkua një ish-agjent i FBI-së, i cili nuk është identifikuar”.

Natyrisht në artikullin e The Washington Post zë një vend të rëndësishëm edhe përdorimi i ish agjentit nga kryeministri shqiptar për të goditur opozitën në këtë vend. Gazeta e thotë troç: “McGonigal akuzohet se ka marrë para për të çuar përpara interesat e Ramës“. Pra edhe e përditshmja amerikane bën të njëjtin vlerësim që bëri më parë homologia e saj njujorkeze e që kanë bërë edhe mediat shqiptare se Rama e përdori ish agjentin për të fabrikuar një fabul kundër PD-së.

Paragraf nga shkrimi:

McGonigal akuzohet se ka marrë para për të çuar përpara interesat e Ramës, ndërkohë që disa analistë po ngrinin shqetësimet për interesa ruse që po përpiqeshin të influenconin kundërshtarët e kryeministrit.

Sipas aktakuzës, McGonigal inkurajoi FBI-në që të hapte një hetim penal në vitin 2018 për një lobist amerikan që vepronte në emër të Partisë Demokratike të Shqipërisë, opozita kryesore e Partisë Socialiste të Ramës.

Një pjesë e informacioneve kundër lobistit, thanë prokurorët, kanë ardhur nga Neza dhe e kanë origjinën në zyrën e Ramës.

Individi nuk përmendet në aktakuzë, por duket se përputhet me lobistin dhe ish-punonjësin republikan të Kapitolit, Nick Muzin, që u vu nën vëzhgim në të njëjtën periudhë pas një artikulli të marsit 2018 në “Mother Jones”, ku ngriheshin pikëpyetje nëse tarifat e tij të këshillit mund të ishin paguar nga një kompani me interesa ruse, duke nxitur një hetim në Shqipëri. Për këtë rast, nuk u ngrit asnjë akuzë.

Në një email, Muzin tha: “Nuk kam asnjë arsye të besoj se kam qenë viktimë e këtij hetimi të rremë. Por nëse do të isha, kjo është për të ardhur keq dhe shpresoj se drejtësia do të vihet në vend”.

Alfred Lela, një zëdhënës i Partisë Demokratike të Shqipërisë, e quajti pretendimin se McGonigal inkurajoi FBI-në të hapte një hetim penal ndaj një shtetasi amerikan, i cili po vepronte si lobist për partinë e Lelës, ‘një nga zbulimet më brutale’.

“Ju keni FBI-në, një degë të nderuar të zbatimit të ligjit në SHBA, të përdorur për të kryer veprime të pista të politikës shqiptare,” tha ai, duke shtuar se partia nuk është kontaktuar nga FBI për këtë akuzë”.

ANDI BUSHATI: Pesë rrëfime që rrëzoi skandali McGonigal 

Interesant është të shikohet edhe reagimi që ka bërë qeveria shqiptare për të mohuar akuzat. Gazetës nuk i është përgjigjur vetë Edi Rama. madje as ai që bën zakonisht njeriun e tij të propagandës, Endri Fuga, por një zyrtare thuajse e panjohur me emrin Manjola Hasa. Duke qartë që një avokat i zoti i ka thënë kryeministrit të ekspozohet sa më pak me shpjegime…

Paragraf nga shkrimi:

“Një zëdhënëse e kryeministrit Edi Rama ka konfirmuar se ai është takuar disa herë më McGonigal. Gazeta shkruan se kjo histori korrupsioni e komplikon edhe narrativën e thjeshtë të dosjes ruse.

“Në një deklaratë, Manjola Hasa, një zëdhënëse e Ramës, tha se kryeministri u takua me McGonigal disa herë, por u prezantua me Nezën nga McGonigal dhe nuk kishte njohuri për marrdhëniet mes dy personave. “Sa i përket akuzave në aktakuzën e zotit McGonigal, ato nuk kanë asnjë lidhje me kryeministrin shqiptar apo ndonjë zyrtar shqiptar,” tha Hasa.

Shkrimi, i cili bën pasqyrën më të mirë të pjesës korruptive shqiptare dhe që i ka hyrë më thellë deri tani pistës Edi Rama, prek edhe efektin që një ngjarje e këtyre përmasave ka mbi reformën në drejtësi. Ajo e etiketon Shqipërinë si një shtet të “rrënuar nga korrupsioni endemik dhe krimi i organizuar“.

Paragraf nga shkrimi:

Shqipëria, një anëtare e NATO-s që nga viti 2009, është rrënuar nga korrupsioni endemik dhe krimi i organizuar, dhe zyrtarët amerikanë kanë inkurajuar reforma në sistemin gjyqësor për ta bërë ligjin penal të vendit më të ndershëm dhe më të drejtë.

Si rezultat, diplomatë të nivelit të lartë amerikanë dhe zyrtarë të sigurisë bëjnë udhëtime të shpeshta në Shqipëri, thotë Jasmin Mujanoviç, një ekspert i politikës ballkanike, duke treguar se ndërveprimet e McGonigal me kryeministrin do të ishin parë në vend si rutinë dhe jo befasuese.

Por, tha Mujanoviç, akuza se McGonigal po merrte para nga një aleat i Ramës, ndërsa takohej me kryeministrin dhe potencialisht po vepronte për të ndihmuar në avancimin e interesave të biznesit të njerëzve që e paguanin atë, mund të pengojë seriozisht përpjekjet e reformës së udhëhequr nga SHBA në Shqipëri.

“Ajo që shpesh ka qenë zhgënjyese për njerëzit në rajon është se, shpesh, kur shfaqen këta zyrtarë të lartë perëndimorë, në vend që të përdorin pozicionet e tyre për të ngritur lart luftën kundër korrupsionit dhe krimit të organizuar, duket sikur zbresin në nivelin tonë dhe bëhen pjesë e lojës”.

Edhe 24 orë të tjera liri për Gjigandin e Demokracisë -Heroin e gjallë shqiptar Prof.dr. Sali Berishën.

 

  

Edhe 24 orë të tjera liri për Sali Berishën.

Dy avokatët e ish-kryeministrit ia dolën mbanë të sigurojnë kohë shtesë në gjykatën antikorrupsion, mbasi insistuan se duhet të njiheshin me provat që e bindën SPAK për të ashpërsuar qëndrimin.

Në një seancë me dyer të mbyllura, SPAK relatoi shkaqet se përse kërkon arrest shtëpiak, që është argumenti i mos bindjes së Berishës për të respektuar vendimin e gjyqtares Irena Gjoka, e cila kishte shpallur detyrim paraqitje. Si prova sollën procesverbalët e oficeres së policisë gjyqësore, që ka provuar mungesat e Berishës.

Gjyqtarja e shtyu seancën për të mërkurën. Ndërsa mbrojtja e Berishës thotë se kërkoi përjashtimin e Irena Gjokës për shkak të një vendimi nga KLD e 1996, që drejtohej nga presidenti i asaj kohe, Sali Berisha. Por ndonëse avokatët thonë se Gjoka është larguar nga detyra në atë kohë, KLGJ e sotme deklaron se gjyqtarja u rikthye në detyrë nga e njëjta KLD. Kritika tjetër e avokatëve shkon për SPAK.

“Ajo që unë dua të denoncoj, ndryshimi i masës është kërkuar me mbikëqyrje policore, e pambështetur në ligj, çka tregon qëllimin e SPAK jo për të bërë një proces të ligjshëm, pro për t’u hakmarrë. Është e paparashikueshme në ligj kërkesa që kanë bërë për SPAK”, tha avokati Genc Gjokutaj.

Në orën 11, të mërkurën vijon takimi mes SPAK, avokatëve dhe gjykatës, që pasi të dëgjojë debatin do vendosë.

Por e mërkura e Berishës, është një ditë e rëndësishme për të gjitha palët e Partisë Demokratike. Jo vetëm për shkak të këtij procesi, por edhe për çështjen e shumëpritur në Gjykatën e Lartë, ku pritet vendimi për vulën. Rithemelimi i përfaqësuar nga zoti Berisha i kërkon Gjykatës së Lartë të zhbëjë vendimin e Gjykatës së Apelit. Deri tani, veç njoftimit se në dyert e Gjykatës së Lartë do të ketë protestë të thirrur nga Rithemelimi, nuk ka asnjë informacion sesi do të zhvillohet procesi i vulës. Por ligjërisht të gjitha opsionet janë të hapura.

Zbardhet kërkesa e SPAK për gjigandin dhe Heroin e demokracisë shqiptare prof.dr.Salih Berishën: I ndalohet komunikimi me persona të tjerë, veç atyre në banesë

 

Ditën e nesërme Gjykata e Posaçme pritet të shqyrtojë kërkesën për masën e sigurisë “arrest shtëpie” ndaj Sali Berishës, ndërsa në kërkesën e SPAK thuhet se ish-kryeministri nuk lejohet të komunikojë me persona të tjerë përveç atyre që banojnë me të.

Mbrojtja e tij thuhet në kërkesën e SPAK, do të bëhet me punonjës policie të shtetit.

“Me masën e sigurimit “arrest në shtëpi” parashikuar nga neni 237 i Kodit të Procedurës Penale, në adresën e vetëdeklaruar në akte nga personi nën hetim Sali Berisha duke e urdhëruar atë të mos largohet nga banesa e tij e ndodhur në adresën rruga “Mustafa Matohiti”, duke u siguruar mbrojtja e tij me punonjës policie të shtetit si dhe ndalimin e komunikimit me persona të tjerë përveç atyre që bashkëjetojnë në të njëjtën banesë me të”- thuhet në kërkesën e SPAK.

Vendimi i Gjykatës së Posaçme ndaj Sali Berishës pritet të merret ditën e nesërme (e mërkurë), pasi sot u shty për shkak se dy avokatët e ish-kryeministrit kërkuan kohë që të njihen me provat. Në një deklaratë për mediat pas mbylljes së seancës, avokati Gjokutaj tha se e dënon mbikëqyrjen policore, pasi sipas tij nuk e parashikon ligji.