Lufta midis Rusisë dhe Ukrainës është një konflikt botëror. Lufta e Tretë Botërore ka plasur, Rusia dhe ekspertët amerikanë japin alarmin, Putin vë në lëvizje armën e “apokalipsit”, NATO bëhet gati të ndërhyjë

 Rusia vë në lëvizje nëndetësen bërthamore

Lufta midis Rusisë dhe Ukrainës është një konflikt botëror. Ekspertja e Moskës, Fiona Hill, duke folur në një intervistë për New Yorker, solli të vërtetën e zymtë për përplasjen që filloi shkurtin e kaluar: “Ne po luftojmë tashmë Luftën e Tretë Botërore, edhe pa e thënë atë. Ne kemi qenë në të për një kohë të gjatë, por nuk kemi mundur ta njohim atë. Megjithatë, kjo rrit nevojën që Perëndimi të qëndrojë i bashkuar në vazhdimin e strategjisë së miratuar deri më tani, e cila qartazi ka arritur të vërë në telashe të rënda Vladimir Putin. Ka të ngjarë që ai të vazhdojë të ndjekë rrugën e përshkallëzimit, duke përfshirë përdorimin e armëve bërthamore, por të menduarit për ta bindur atë për të ndryshuar vijën me dialogun diplomatik deri më tani ka rezultuar iluzion”. Ekspertë dhe analistë të tjerë amerikanë, raporton Repubblica, shpresonin se pas referendumit dhe aneksimit të territoreve të pushtuara (pa marrë parasysh plotësisht kundërsulmin e Kievit) do të arrihej një pikë kthese, e përbërë nga negociata, por nuk ndodhi kështu. Në të kundërtën, sipas ekspertëve, Putini parashikon një luftë të gjatë dhe këtë e ka treguar duke rritur buxhetin e shpenzimeve ushtarake për periudhën trevjeçare nga 2023 në 2025 nga 3500 në 5000 miliardë rubla. I vetmi dyshim i vërtetë është se sa e ndjekin deri në fund pjesa tjetër e pushtetit, veçanërisht aparatet shtetërore dhe ushtarake, si dhe popullsia dhe cilat do të ishin zhvillimet në rast të një sulmi bërthamor.ka që Rusia mund të përdorë armë atomike në luftën e saj në Ukrainë sa vjen e shtohet. Nëndetësja ruse me energji bërthamore “Belgorod”, e njohur ndryshe si arma “e apokalipsit” po lëviz në detet e Arktikut dhe ekziston dyshimi se misioni i saj është të testojë raketën silurë “Poseidon”, e aftë të mbajë koka bërthamore. Fuqia e tij e zjarrit e bën të gjithë Perëndimin të dridhet: ai është i aftë të gjenerojë një valë radioaktive që mund të asgjësojë metropolet si Los Anxhelosi dhe Nju Jorku . Rrezja e goditjes është dhjetë mijë kilometra. Kështu thuhet në një raport të NATO-s, sipas të cilit Aleanca është në gatishmëri dhe po monitoron çdo lëshim të mundshëm të raketave nga nëndetësja. Mjeti luftarak i Rusisë “Belgorod”, 184 metra i gjatë dhe 15 metra i gjerë, mund të lundrojë nën ujë me rreth gjashtëdhjetë kilome tra në orë dhe me një autonomi praktikisht të pakufizuar. Besohet se mund të qëndrojë 120 ditë pa u kthyer në sipërfaqe. Kjo vjen pasi lideri çeçen dhe aleati i linjës së ashpër të Moskës, Ramzan Kadyrov, i kërkoi presidentit Vladimir Putin, të merrte në konsideratë përdorimin e armëve bërthamore me rendiment të ulët, si kundërpërgjigje për humbjet që po pëson ushtria ruse në lindje të Ukrainës. Në orët e fundit raportohet se trupat e Putin janë tërhequr nga qyteti strategjik i Limanit në Donjeck, një nga katër rajonet pjesërisht të okupuara të Ukrainës, të cilat Rusia pretendon se po i anekson. Presidenti Volodymyr Zelensky, tha se pas vendosjes së flamurit në atë territor, do të çlirojë dhe gjithë Donbasin. Ai paralajmëroi ushtarët rusë duke u thënë: largohuni nga Putin dhe kundërshtoni urdhrat e tij, ose do të vriteni të gjithë, një e nga një.

Frika për luftë bërthamore

Edhe nëse Putin nuk do të përdorë kurrë armët bërthamore në Ukrainë, ai ka prishur kështu rendin bërthamor. Pas kërcënimeve të tij, NATO kufizoi mbështetjen që ishte përgatitur të ofronte, me dy implikime që janë edhe më shqetësuese. Njëra është se shtetet e cenueshme që e shohin botën me sytë e Ukrainës do të mendojnë se mbrojtja më e mirë kundër një agresori që ka armë bërthamore është të kenë vetë armët e tyre. Tjetra është se shtetet e tjera të armatosura me armë bërthamore do të besojnë se mund të fitojnë duke kopjuar taktikat e Putin. Nëse po, dikush diku me siguri do ta kthejë kërcënimin e tij në realitet. Kjo nuk duhet të jetë trashëgimia shkatërruese e kësaj lufte. Ndërsa kujtimet e Hiroshimës dhe Nagasakit zbehen, njerëzit nuk arrijnë të kuptojnë se si shpërthimi i një arme të vogël në fushëbetejë, të llojit që mund të përdorte Putin, mund të përshkallëzohej në asgjësimin e qyteteve të tjera.

Tre nëndetëse bërthamore ruse kanë dalë në sipërfaqe pranë njëra-tjetrës, duke thyer akullin pranë Polit të Veriut, si pjesë e manovrave ushtarake madhore të Rusisë në Arktik.

Kreu i marinës ruse tha se kjo ishte hera e parë që flota e tij e bënte këtë, duke shënuar vendosmërinë në konkurrencën gjeopolitike për rajonin strategjik.

Më 26 mars 2021, ministria ruse e mbrojtjes publikoi imazhet e rralla si pjesë e manovrave Umka-2021 (Umka do të thotë ‘ari polar’) edhe pse deri tani Kremlini nuk kishte njoftuar pjesëmarrje të nëndetëseve në manovrat e nisura prej datës 20 mars.

Në pamje shihet gjithashtu një prej nëndetëseve që lëshon një silur nga poshtë akullit.

Në pamje duket se shihen nëndetëset ruse të kategorisë Delta IV dhe një tjetër tip i njohur si 667BDRM Delfins.

Të dy tipet janë të armatosura me raketa RSM-56 Bulava dhe deri në 16 raketa R-29RMU Sineva.

Dy gjuajtës të rëndë MiG-31A të mbështetur nga një çisternë ajrore Il-78 fluturonin në manovrat e Polit të Veriut, së bashku me trupa në terren që praktikoheshin në kushtet ekstreme të zgjedhura për manovrat Umka-2021.

“Tre nëndetëset bërthamore dolën njëkohësisht në sipërfaqe në një distancë prej rreth 300 metra për herë të parë në historinë e marinës ruse”, tha Admiral Nikolai Yevmenov për presidentin Vladimir Putin më 26 mars.

1/7

Flori Bruqi

Rizgjohet zgjebja! Mjekja: Është e çuditshme…! Adoleshentët më të prekur, shkak bëhen marrëdhëniet seksuale e dhënia e dorës

 

Erjona Shehu, një mjeke dermatologe e ftuar në “Wake Up”, në Top Channel, ka treguar se zgjebja është rizgjuar dhe janë shtuar rastet me këtë sëmundje e cila është tepër ngjitëse.

Kjo sëmundje prek më shumë adoleshentët dhe se pacientët shkojë të vizitohen të gjithë si familje.

“Pas pandemisë ne shohim një rritje të rasteve me zgjebe. Moshat e reja preken më shumë, adoleshentët. Pacienti vjen për vizitë me gjithë familjen pas, pra kemi një grup të tërë, apo një rreth familjar sepse është ngjitëse, shumë e transmetueshme dhe kjo sjell për pasojë përhapjen në popullatë”, u shpreh Erjona Shehu.

Mjekja tregon se dikur kjo sëmundje ngjitëse vinte nga higjiena e ulët personale, por tani shihet tek shtresa e mesme dhe e lartë.

“Por tashmë ajo që na bën më shumë çudi e shohim në shtresat e mesme dhe lart. Shohim që ka një përhapje, nuk është më diferencuese apo vetëm tek masat higjienike, që ne marrim në ambientet tona. Gjëja e parë që mendohet dhe që ka të bëjë me periudhën post pandemisë ka qenë shumë të mbyllur dhe të izoluar njerëzit me njëri-tjetrin dhe zgjebja e ka specifikën e vetë që gjatë periudhës së dimrit që ne rrimë të mbyllur, ka një përhapje më të madhe, rrobat ndërrohen më pak, ka më pak efekte të diellit. Po pastaj një tjetër faktor që mendohet se ka të bëjë me zgjebën është edhe fakti që ne po shohim rezistencë karshi mjekimit tek pacientët me zgjebe. Kanë filluar të mos jenë në efikase siç kanë qenë më parë. Përgjithësisht është kontakti drejtpërdrejt fizik, një dhënie dore e zgjatur, jo dhënie dore çkemi, çfarë bërë, përqafimi, marrëdhënie seksuale, përdorimi i rrobave të një individit që është infektuar nga zgjebja, mund të jetë përdorimi i shtretërve, peshqirët, sendet personale etj. Të gjitha këto duhet të izolohen për 96 orë, të futen në një qese të zezë dhe të qëndrojnë në errësirë për 96 orë”, u shpreh mjekja Erjona Shehu.

Rriten shanset për mbijetesë, zhvillohet testi i parë i gjakut në botë për tumorin në tru

  

Kirurgët dhe shkencëtarët kanë zhvilluar testin e parë të gjakut në botë për tumorin në tru që sipas ekspertëve mund të revolucionarizojë diagnozën, të përshpejtojë trajtimin dhe të rrisë normat e mbijetesës.

Tumoret e trurit prekin qindra mijëra njerëz në mbarë botën çdo vit dhe vrasin më shumë fëmijë dhe të rritur nën moshën 40-vjeç. Së fundmi një ekip hulumtues ka krijuar një test të thjeshtë gjaku që mund të ndihmojë në diagnostikimin e pacientëve edhe në format më vdekjeprurëse të kancerit të trurit shumë më shpejt, duke i kursyer ata nga biopsi kirurgjikale invazive dhe me rrezik të lartë.

Ekspertët thonë se diçka e tillë mund të çojë gjithashtu në diagnozë më të hershme, e cila nga ana tjetër do të përshpejtonte trajtimin dhe potencialisht do të rriste normat e mbijetesës. Testi do të ishte veçanërisht i dobishëm për pacientët me tumore të trurit që janë të vështirë për tu zbuluar, të cilët mund të përfitojnë nga fillimi i trajtimit sa më shpejt të jetë e mundur.

Studiuesit zbuluan se testi mund të diagnostikonte me saktësi një sërë tumoresh të trurit, duke përfshirë glioblastoma, lloji më i zakonshëm i diagnostikuar i trurit të shkallës së lartë, tumor tek të rriturit, astrocitoma dhe oligodendroglioma. Testi kishte ndjeshmëri, specifikë dhe saktësi të lartë analitike. Shkencëtarët tanimë po planifikojnë studime të mëtejshme për të vërtetuar rezultatet dhe nëse janë të suksesshme, testi do të jetë gati në 2 vite.

Analizat e gjakut duhet të bëhen një ose dy herë në vit. Kur kemi të ftohur, bëjmë analizat e gjakut për të përcaktuar nëse është një infeksion viral apo bakterial, por kjo nuk duhet të jetë arsyeja e vetme për të bërë analizat. Një pasqyrë e plotë e gjakut, nënkupton përcaktimin e numrit të leukociteve, përqendrimit të hemoglobinës dhe trombociteve. Gjithashtu, pacientëve shpesh u rekomandohet të bëjnë disa analiza bazë biokimike që mund t’i bëjnë në secilën prej ambulancave tona. Hematologjia merret me diagnostikimin dhe trajtimin e sëmundjeve malinje dhe jo malinje.

Izraeli të ndalë aktet e gjenocidit! GJND nuk urdhëron armëpushim në Gaz

Gjykata Ndërkombëtare e Drejtësisë nuk ka urdhëruar të premten armëpushim në Gazë, por i ka kërkuar Izraelit që të marrë masa për të parandaluar akte të gjenocidit. 

Gjykata tha se ka juridiksion për të vendosur për masa urgjente, të kërkuara nga Afrika e Jugut, në rastin kundër Izraelit, në luftën e tij kundër Hamasit në Gazë. 

Sipas gjykatës Izraeli duhet të sigurohet që forcat e tij nuk kryejnë gjenocid dhe marrin masa për të përmirësuar situatën humanitare në Gazë dhe duhet ti raportojë gjykatës brenda një muaji, për të treguar se çfarë po bën për të zbatuar urdhrin.

“E hëna blu”, sot është dita më e trishtuar e vitit! Shkencëtarët tregojnë arsyen

   

Nëse keni rrëmuar nëpër mediat sociale, pa diskutim që mund të jeni përballur me termin ‘E hëna blu’.

Por çfarë do të thotë kjo?

Sipas teorisë së shkencëtarëve nga Britania e Madhe, ndjenjat janë të zymta pas festave të Krishtlindjeve, për shkak të problemeve financiare.

Me shpenzimet e shtuara të festave të fundvitit që na kanë lënë një boshllëk edhe në xhepa që kombinohet me natën e gjatë dhe motit gri, nuk bën aspak habi fakti, që kjo e hënë të jetë dita më e trishtueshme e vitit.

Por cila është historia e të Hënës blu? Nëse kthehemi në 2005-ën, Sky Travel, përdori një ekuacion në përpjekje për të përllogaritur se cila ishte dita më e trishtuar e vitit, duke përdorur elementë të tillë si moti, niveli i borxheve, koha e kaluar nga festat dhe motivimi. Dhe data që rezultoi ishte e hëna e tretë e janarit, që këtë vit ra më 17 janar.

Por ndërkohë, edhe psikologët shtojnë ndonjë argument. Janari mund të jetë një kohë depresive për shumëkënd pasi historikisht regjistrohet rritje e numrit të divorceve apo njerëzve që braktisin punën. Në anën tjetër, ekspertët ofrojnë edhe këshilla se si mund të bëhet e hëna blu, më pak e trishtueshme. Mes tyre, pak stërvitje, shëtitje në natyrë, takime me miq e familjarë, etj.

Raporti i Artë (i njohur gjithashtu si Phi,, ose numri Fibonaçi) 8 femrat më të bukura në botë për momentin, sipas shkencës

  

Raporti i Artë i bukurisë vlerëson bukurinë e disa nga vajzave më të famshme të Hollywood. 

Raporti i Artë (i njohur gjithashtu si Phi, ose numri Fibonaçi) është algoritmi matematikor i simetrisë që qëndron në themel të perceptimit tonë për atraktivitetin. Sipas këtij raporti, nëse vlerësohet me rezultat 1.62.

Le të hedhim një vështrim në disa nga femrat më të bukura që planeti ynë ofron, sipas këtij raporti.

Blake Lively

Aktorja amerikane dhe gruaja e Ryan Reynolds nuk ka asgjë për të vërtetuar kur bëhet fjalë për bukurinë e saj natyrale. Rezultati i saj në Raportin e Artë është një mbresëlënës 8.85 nga 10.

Kim Kardashian

Kim Kardashian është konsideruar gjithmonë si një nga njerëzit më tërheqëse në planet. Rezultati i saj në Raportin e Artë është 9,12 nga 10. Me gjithë operacionet estetike që kanë bërë Kardashians, ndoshta duhet të konsiderohet si mashtrim.

Priyanka Chopra

Kjo aktore dhe ish-fituese e Miss World njihet më së shumti për pamjen e saj unike. Priyanka vlerësohet me 8.13 nga 10 në shkallën e Raportit të Artë. Nuk mund të fajësojmë Nick Jonas që u martua me të.

Taylor Swift

Një nga yjet më të suksesshme të popit të gjeneratës së saj, Taylor Sëift gjithashtu rezulton si një nga njerëzit objektivisht më tërheqës në planet. Rezultati i saj në raportin e artë është jo më pak se 9,16 nga 10!

Beyonce

Jo vetëm një nga femrat më tërheqëse në botë, por edhe një nga ato më të suksesshmet. Karriera e saj flet plotësisht vetë në këtë pikë, dhe rezultati i saj në Raportin e Artë është 8,9 nga 10.

Scarlett Johansson

Në përgjithësi konsiderohet si një nga femrat më të bukura në planet, dhe shkenca është plotësisht dakord me ne! Rezultati i saj në raportin e artë është jo më pak se 8,99 nga 10.

Zendaya

Një tjetër yll i ri që tashmë ka bërë bujë të madhe në fushën e saj pas performancës së saj në filmat Spider-Man dhe Euphoria. Zendaya shënon një rezultat të madh 8,73 nga 10 në shkallën e Raportit të Artë.

Angelina Jolie

Angelina Jolie është konsideruar gjithmonë një grua jashtëzakonisht tërheqëse, megjithatë Raporti i Artë nuk pajtohet aspak me këtë. Fytyra e saj merr vetëm pak më shumë se 7 pikë nga 10 në shkallë, që është ndoshta prova më e mirë se bukuria është më shumë se përmasat e fytyrës suaj.

“Situata në Ballkan e brishtë”, Jens Stoltenberg: Ka potencial për tensione në Kosovë dhe Bosnje Hercegovinë

 

  

NATO-ja beson se situata e sigurisë në Ballkanin Perëndimor është ende shumë e brishtë, dhe ka potencial për tensione në Kosovë dhe Bosnje – Hercegovinë.

Kështu ka thënë të premten prej Brukselit, Sekretari i Përgjithshëm i NATO-s, Jens Stoltenberg, duke folur pas takimit me kryeministrin e Malit të Zi, Millojko Spajiq.

Ai ka thënë se NATO-ja është e gatshme të kryejë mandatin e saj në Kosovë për të garantuar stabilitet, ashtu sikurse në Bosnje e Hercegovinë.

Ballkani Perëndimor, forcimi i NATO-s, dhe përgatitjet për samitin e Uashingtonit, kanë qenë temat kryesore të këtij takimi.

“Situata në rajonin e Ballkanit Perëndimor mbetet e brishtë. Dhuna që ka shpërthyer në Kosovë ishte e papranueshme. Kjo ka bërë që NATO-ja menjëherë të angazhojë forca shtesë në Kosovë“, ka thënë Stoltemberg.

Ai ka paralajmëruar se javën që vjen, Këshilli i Atlantikut të Veriut, trupi më i lartë politik i aleancës, do të vizitojë Bosnje – Hercegovinën, për të dëshmuar në këtë mënyrë edhe mbështetjen e parezervë për integritetin territorial dhe sovranitetin e Bosnje e Hercegovinës.

Stoltenberg e ka falënderuar Malin e Zi për kontributin në misionin e NATO-s në Kosovë, KFOR, por edhe për rolin konstruktiv për paqe dhe stabilitet në rajonin e Ballkanit.

Kryeministri i Malit të Zi, Spajiq, ka thënë se për vendin e tij, stabiliteti në Kosovë ka rëndësi të veçantë dhe, në rast nevoje Mali i Zi është i gatshëm për të rritur praninë e ushtarëve të saj në misionin e KFOR-it.

Spajiq ka thënë se Mali i Zi mbetet anëtar besnik i aleancës së NATO-s, dhe i përkushtuar për të avancuar në procesin e integrimeve në BE.

Ai ka thënë se për vitin 2024, Mali i Zi ka ndarë më shumë se 2 për qind të Bruto Prodhimit Vendor për mbrojtje, që është në përputhje me kërkesat e NATO-s ndaj të gjitha vendeve anëtare.

Shefi i aleancës ka thënë se NATO-ja ka bashkëpunim të ngushtë me BE-në, kur janë në pyetje vendet e Ballkanit Perëndimor,

Ai e ka nënvizuar sidomos rëndësinë e mbështetjes së dialogut mes Kosovës dhe Serbisë për normalizimin e raporteve, që zhvillohet nën ndërmjetësimin e Bashkimit Evropian.

Pas sulmeve të armatosura kundër Policisë së Kosovës në Banjskë të Zveçanit, në shtator të vitit të kaluar – ku është vrarë rreshteri Afrim Bunjaku – NATO-ja e ka përforcuar misionin e vet KFOR-in në Kosovë, dhe tani numëron 4.500 pjesëtarë.

Kosova e ka fajësuar shtetin e Serbisë për sulmin, ndonëse kjo e fundit ka mohuar gjithçka.

Përgjegjësinë për sulmin e ka marrë Millan Radoiçiq, ish-nënkryetar i Listës Serbe, partisë më të madhe të serbëve në Kosovë.

Agjencia Ndërkombëtare e Policisë (INTERPOL) tashmë ka lëshuar fletarrestim për të.