Do plasë lufta? – Biden thërret urgjent në telefon krerët e BE dhe NATO

Një samit telefonik është thirrur mes liderëve perëndimorë për të analizuar zhvillimet e fundit në krizën në Ukrainë.

Kjo raportohet nga ANSA që citon burime të qeverisë gjermane. Në konferencën telefonike marrin pjesë presidenti i Shteteve të Bashkuara të Amerikës Joe Biden, kancelari gjerman Olaf Scholz, kryeministri italian Mario Draghi, presidenti francez Emmanuel Macron, kryeministri britanik Boris Johnson dhe presidenti polak Andrzej Duda. Në bisedime do të marrin pjesë edhe krerët e BE-së dhe NATO-s.

Në mëngjes, Sekretari i Përgjithshëm i NATO-s, Jens Stoltenberg përsëriti se ekziston një rrezik real i një konflikti të armatosur në Evropë, duke pasur parasysh se numri i trupave në kufijtë e Ukrainës “rritet” dhe koha e reagimit të një sulmi të mundshëm “zbret”.

Ai paralajmëroi gjithashtu për rrezikun e “veprimeve hibride”, duke përfshirë ato “kibernetike”, ose një përpjekje për “përmbysjen e qeverisë së Kievit”, duke nënvizuar numrin e madh të agjentëve të inteligjencës ruse të pranishëm në Ukrainë.

Për Sekretarin Amerikan të Shtetit, Antony Blinken pushtimi i Ukrainës nga Rusia mund të ndodhë “në çdo kohë”, edhe gjatë Lojërave Olimpike Dimërore, që po zhvillohen në Pekin. Ndërsa presidenti Biden në një intervistë për NBC deklaroi se “qytetarët amerikanë duhet të largohen nga Ukraina tani”.

“Nuk është si të kemi të bëjmë me një organizatë terroriste, kemi të bëjmë me një nga ushtritë më të mëdha në botë, është një situatë shumë e ndryshme dhe gjërat mund të çmenden shpejt”, – paralajmëroi ai duke iu referuar kërcënimit rus, ndërsa ambasada amerikane në Kiev lëshoi një alarm të ngjashëm.

Ministri rus i Mbrojtjes Serghiei Shoigu, duke takuar homologun e tij britanik Ben Wallace në Moskë, deklaroi se “situata ushtarake dhe politike në Evropë po bëhet gjithnjë e më e tensionuar” dhe se “nuk është faji i Rusisë”, raporton agjencia e shtypit shtetëror rus TASS.

Vetë Rusia i ka kërkuar personelit jo thelbësor në ambasadën e saj në Ukrainë që të largohen përkohësisht nga vendi.

Vladimir Putin po kërkon një marrëveshje me Ukrainën

Zhvillime të papritura nga lufta në Ukrainë. Së fundmi po jepen sinjale se presidenti i Rusisë Vladimir Putin po kërkon një marrëveshje me Ukrainën.

Sekretari amerikan i Mbrojtjes Lloyd J. Austin zhvilloi ditën e djeshme një bisedë telefonike me ministrin rus të Mbrojtjes Sergei Shoigu. Menjëherë pas kësaj telefonate ai kontaktoi ministrin ukrainas të Mbrojtjes Oleksii Reznikov. “Më 21 tetor, Sekretari i Mbrojtjes Lloyd J. Austin III foli me telefon me ministrin rus të Mbrojtjes Sergey Shoigu. Sekretari Austin theksoi rëndësinë e mbajtjes së linjave të komunikimit në mes të luftës së vazhdueshme kundër Ukrainës”, thuhet në njoftim. Shoigu dhe Austin folën për herë të fundit më 13 maj dhe sipas Ministrisë së Mbrojtjes, të dy ministrat “diskutuan çështje aktuale të sigurisë ndërkombëtare, duke përfshirë situatën në Ukrainë”. Por nga ana tjetër, presidenti rus Vladimir Putin nuk ka në plan të flasë me homologun e tij amerikan Joe Biden pas bisedimeve midis ministrit rus të Mbrojtjes Sergei Shoigu dhe sekretarit amerikan të mbrojtjes Lloyd Austin . Këtë lajm e konfirmoi Dmitry Peskov.

SHBA: Angazhim i palëkundur ndaj Ukrainës

Menjëherë pas telefonatës me Rusinë, Shtetet e Bashkuara premtojnë “angazhim të palëkundur” ndaj Ukrainës përballë agresionit rus. Sekretari i shtypit i Pentagonit, Pat Ryder, tha se sekretari amerikan i mbrojtjes Lloyd Austin foli me ministrin ukrainas të mbrojtjes Oleksii Reznikov për të përsëritur “angazhimin e palëkundur të Shteteve të Bashkuara për të mbështetur aftësinë e Ukrainës për të kundërshtuar agresionin rus”. Sekretari Austin theksoi gjithashtu mbështetjen e vazhdueshme të komunitetit ndërkombëtar në ndërtimin e forcës së qëndrueshme të Ukrainës dhe ruajtjen e aftësisë së saj për të mbrojtur veten në të ardhmen, siç tregohet nga angazhimet e asistencës së sigurisë të marra nga aleatët dhe partnerët në takimin e fundit të grupit të kontaktit për mbrojtjen e Ukrainë më 12 tetor.

Zhvillime të papritura

Edhe pse nuk do të ketë një takim mes Biden-Putin, pozicioni i Moskës për negociatat me Kievin nuk ka ndryshuar, Vladimir Putin është tashmë i hapur për negociata, tha zëdhënësi i Kremlinit, Dmitry Peskov, pasi presidenti turk Rexhep Tajip Erdogan zbuloi dje një përpjekje të re ndërmjetësimi, me bisedime si me Putinin ashtu edhe me Volodimir Zelensky, dhe pretendoi se Presidenti rus ishte zbutur. “Ndoshta vetëm pozicioni i Ukrainës ka ndryshuar,” shtoi Peskov, duke kujtuar ligjin e ri të prezantuar në Kiev për të bllokuar negociatat me Putinin. Rexhep Tajip Erdogan parashikoi se së shpejti do të fliste në telefon me Vladimir Putin dhe Zelenskyn, njoftoi agjencia Ria Novosti. Presidenti rus “është shumë më i hapur për negociata me Kievin sesa në të kaluarën. Do të shohim se ku mund të çojë kjo përpjekje diplomatike”, shtoi Erdogan, duke folur para gazetarëve në kthimin e tij në Turqi nga Azerbajxhani.

Marrëveshje e re me grurin

Nga ana tjetër Erdogan e sheh në rënie mundësinë e rinovimit të marrëveshjes për eksportin e grurit nga Ukraina, që do të përfundojë muajin e ardhshëm. “Nuk ka asnjë pengesë për vazhdimin e marrëveshjes së eksportit. E kuptova këtë nga bisedimet që pata me Zelensky dhe gjithashtu nga bisedimet me Putinin”, u tha Erdogan gazetarëve. Udhëheqësi turk tha gjithashtu se mbi 8 milionë tonë drithëra dhe ushqime të tjera u eksportuan sipas marrëveshjes së nënshkruar në korrik me ndërmjetësimin e Kombeve të Bashkuara dhe Ankarasë. Turqia ka qenë në kontakt të ngushtë me Rusinë dhe Ukrainën që nga fillimi i luftës. Presidenti Erdogan vazhdimisht ka theksuar dëshirën e tij për t’i sjellë së bashku presidentët Putin dhe Zelenskyy në tryezën e bisedimeve në Turqi për t’i dhënë fund luftës. “Ne nuk jemi të pashpresë. Është shpresa jonë se do të vazhdojmë në rrugën e paqes duke sjellë së bashku të dy liderët”, shtoi ai.

“Kjo është lëvizja që duhet bërë për t’i dhënë fund luftës mes Ukrainës dhe Rusisë”. – Kina del me propozimin e rëndësishëm, tregon rolin ‘kyç’ të Presidentit Biden

 

“Kjo është lëvizja që duhet bërë për t’i dhënë fund luftës mes Ukrainës dhe Rusisë”. –  Kina del me propozimin e rëndësishëm, tregon rolin ‘kyç’ të Presidentit Biden

Një diplomat kinez ka folur për median ‘Açoiated Press’ dhe ka sugjeruar disa lëvizje që duhen bërë për t’i dhënë fund luftës mes Ukrainës dhe Rusisë.

Diplomati kinez në fjalë është Wang Lutong, drejtor i përgjithshëm i Departamentit të Çështjeve Evropiane të Ministrisë së Jashtme kineze thotë se: “Presidenti amerikan, Joe Biden, duhet të telefonojë presidentin rus, Vladimir Putin, dhe të premtojë se nuk do të ketë më zgjerim të NATO-s, se Ukraina do të mbetet neutrale dhe nuk do të mbajë armë strategjike.  Vetëm në këtë pikë, ndoshta, çështja do të zgjidhet.”

Ai gjithashu u shpreh se: “Cili është qëllimi i amerikanëve? A po kërkojnë një armëpushim në Ukrainë apo duan të dobësojnë Rusinë? Disa flasin për imponimin e ndryshimit të regjimit në Moskë”, tha ai, duke iu referuar qartë fjalëve të Bidenit (“Për hir të Zotit, Putini nuk mund të qëndrojë në pushtet”).

“Nëse ata kërkojnë një armëpushim, unë mendoj se çështja mund të zgjidhet shumë lehtë”, tha ai.

Presidenti dhe presioni ndërkombëtar detyrojnë kryeministrin të tërhiqet nga censura

   

Partia Socialiste ka bërë një lëvizje taktike për paketën e ligjeve “anti-shpifje” që pritej të votohej dje në Parlament. Dy ligjet që janë cilësuar si rikthim i censurës në Shqipëri dhe nuk u dekretuan nga Presidenti Ilir Meta, ishin planifikuar të kalonin për votim pas asnjë ndryshim nga ana e mazhorancës. Në momentet e fundit, socialistët vendosën që të shtyjnë votimin e tyre duke argumentuar se do të pritej opinioni i Komisionit të Venecias, i cili do të vendosë nëse këto ligje cenojnë standardet demokratike apo jo. Lëvizja që duket si një respektim i Komisionit të Venecias në fakt është zbythje e mazhorancës dhe kryeministrit Edi Rama përballë presionit të fortë ndërkombëtar. Pak orë para se PS-ja të merrte vendimin për shtyrjen e ligjeve, raporteri për Shqipërinë në Grupin Partive Popullore Europian në Parlamentit Europian, David Lega, bëri një deklaratë të fortë kundër qeverisë “Rama”. Lega paralajmëroi kryeministrin Edi Rama, se nëse ligjet e kthyera nga Presidenti Ilir Meta do të rivotoheshin pa asnjë ndryshim nga ana e qeverisë, Shqipëria rrezikonte hapjen e negociatave. Deklarata e David Lega nuk është vetëm qëndrimi i një euordeputeti nga 751 të tillë që nga Parlamenti Europian. Partitë Popullore Europane që përfaqëson Davil Lega janë grupimi më i madh polik në BE dhe qeveritë kryesore të vendeve të BE i përkasin pikërisht këtij kampi politik. Praktikisht deputetët e PE-së nuk e këshilluan, por e kërcënuan qeverinë “Rama” duke i vendosur kushtin e bllokimit të negociatave, nëse ligjet rivotoheshin pa marrë rekomandimet e Presidentit Ilir Meta. Mesazhi i PPE-së në adresë të kreut të qeverisë për ligjet problematike nuk është i vetmi. Pak ditë më parë Zyra e OSBE për Lirinë e Medias në Vjenë doli kundër projektit të Edi Ramës për censurën ndaj mediave. Aq antiligjore ishte paketa “anti-shpifje” e Edi Ramës, sa i njëjti zyrtar i OSBE që e mbështeti, pasi pa draftin e miratuar u detyrua të dalë hapur kundër saj. Në këtë reagim edhe më i rëndë është fakti që OSBE doli kundër shefit të saj të radhës Edi Rama duke ja përplasur hapur faktin që ligjet janë dhunuese dhe modeli më i keq që përdoret në një vend që kërkon të hyjë në Bashkimin Europian.

Si rrallë herë, projekti i qeverisë “Rama” për median ngriti në këmbë shoqatat në Tiranë. Pavarësisht se ku financiohen, shumica e organizatave të shoqërisë civile këtë herë ranë në një mendje që ligjet për mediat nuk ishin reformë, por një formë e re censure e rrezikshme për të gjithë. Përveç deputetëve që votuan në rresht këtë paketë, për herë të parë përfaqësues të mediave, të cilët dihet se janë shumë afër qëndrimeve të Edi Ramës u detyruan, në mos të dilnin kundër të paktën të heshtin dhe të pranonin nën zë se ligjet ishin një pavçavure juridike që të kujtonte kohën e komunizmit. Zhurma që më të drejtë u bë në Tiranë për këto ligje vuri në lëvizje dhe organizatat ndërkombëtare të gazetarëve, të cilët reaguan disa herë për anulimin e ligjit. Qëndrimet në masë kundër ligjit, si dhe dekreti i anulimit të tyre nga ana e Presidentit Ilir Meta, i cili argumentonte dhe shkeljet kushtetuese të këtij projekti, vunë në lëvizje dhe institucione ndërkombëtare. Këshilli i Europës, dy javë më parë, mori përsipër të ndërhyjë duke dërguar paketën ligjore në Komisionin e Venecias për interpretim. Një akt të tillë Këshilli i Europës e ka bërë vetëm për burgosjen e gazetarëve në Turqi apo për shtete ku nuk ekziston demokracia. Vetë akti i ankesës së Këshillit të Europës tregon se qëndrimi i Edi Ramës ndaj medias tashmë është bërë një shqetësim serioz ndërkombëtar. Në mënyrë ironike, vetëm Ambasada e BE në Tiranë u kujtua që ligjet për mediat kishin probleme serioze, pasi Taulant Balla deklaroi se nuk do t’i votonin pa pritur qëndrimin e Venecias. Nëse PS do vazhdonte marrëzinë dhe do t’i votonte siç janë aktualisht, ka mundësi që kjo ambasadë të përshëndeste votimin si një hap përpara në lirinë e medias. Presidenca e OSBE dihet që mendon njëlloj si Edi Rama, ndaj nuk pret njeri që të flasë ambasadori. Pavarësisht qëndrimeve të munguara ose të vonuara nga diplomatëve të veçuar në Tiranë, fakti është se Edi Rama u tërhoq taktikisht nga votimi i ligjeve. Nuk e bëri këtë se ka ndryshuar mendim për censurën dhe kontrollin mbi mediat, por sepse si asnjëherë më parë institucionet ndërkombëtare e kanë goditur qëndrimin e tij dhe paketën anti-shpifje. Është një sinjal që ndërkombëtarët kanë nisur të kuptojnë problemet reale që Shqipëria me qeverisjen “Rama”. Pas këtij presioni të fortë ndaj kryeministrit që e detyroi të tërhiqet, socialistët duhet të mendohen dy herë para se të thonë se kanë mbështetjen e ndërkombëtarëve.

BE del kundër inceneratorëve:– Nuk përputhen me ligjet tona për riciklimin e mbetjeve, të shmangen sa më shumë

Inceneratorët duhet të jenë zgjidhja e fundit për menaxhimin e mbetjeve. Ky është sugjerimi që vjen nga përfaqësuesi i delegacionit të Parlamentit Europian, Ciaran Cuffe.

Në Komisionin Parlamentar për Stabilizim- Asociimin, mbështetur nga deputetja e Partisë Demokratike Jorida Tabaku, përfaqësuesi i Delegacionit të Parlamentit Europian, Ciaran Cuffe në fjalën e tij mbi çështjet e mjedisit dhe potencialin e tranzicionit në ekonomi të gjelbër theksoi qëndrimin e BE-duke thënë se incenerimi nuk përputhet me ligjet e BE për riciklimin. Ai theksoi, se ndërtimi i inceneratorëve të tjerë duhet që të shmanget. “Incenerimi duhet të mbetet zgjidhja e fundit në menaxhimin e qëndrueshëm të mbetjeve në vendet e Bashkimit Europian dhe sipas acquis të BE, sepse tranzicioni për ekonomi të gjelbër prioritizon një qasje ndaj riciklimit dhe ripërdorimit”, tha ai. Ndër të tjera, ai u shpreh se vendi ynë duhet që të bëjë më shumë sa i përket çështjeve mjedisore.

Cuffe theksoi, se ka shqetësime të shumta sa i përket cilësisë së ajrit. “Shqipëria do të duhet të bëjë më shumë për çështjet e ndotjes mjedisore për shkak të shqetësime rreth cilësisë së ajrit dhe emetimit të CO2 në ajër e cila është në shifra të mëdha. Kam parë debate të mëdha lidhur me incineratorin, por gjithë ky debat është i lidhur me politikën se sa me aspektet mjedisore”, tha ai.

Tabaku flet për inceneratorët

Ndërkohë, edhe për deputeten e Partisë Demokratike, Jorida Tabaku Shqipëria duhet të stimulojë parandalimin dhe riciklimin për të reduktuar depozitimin e mbetjeve. Tabaku në fjalën e saj në mbledhjen e Komisionit Parlamentar për Stabilizim- Asociimin tha se, ka pasur mungesë të transparencës nga ana e qeverisë lidhur me inceneratorët. “Ndërtimi i një inceneratori të ri, përveç dy atyre ekzistues në Elbasan dhe Fier, paraqet shqetësime në rritje për sa i përket përputhshmërisë me Acquis të BE-së për mbetjet, duke përfshirë parimin e hierarkisë së mbetjeve dhe objektivave të riciklimit. Në këtë kontekst, politika e qeverisë bazuar tek inceneratorët, nisur nga përvoja e deritanishme ka pasur mungesë të transparencës dhe llogaridhënies.

Kjo ka çuar në shndërrimin e një afere të vërtetë korruptive, e cila kërkon zbardhje nga ana e drejtësisë para opinionit publik, por dhe vetë partnerëve tanë evropianë. Inceneratorët nuk kanë zgjidhur në mënyrë të qëndrueshme problemin e menaxhimit të mbetjeve”, tha ajo. Tabaku, u shpreh se duhet të përshpejtojë zbatimi i legjislacionit për mbetjet e papërpunueshme.

“Qartësisht kjo politikë nuk ka adresuar dhe prioritizuar rekomandimet e vazhdueshme nga Komisioni Evropian mbi nevojën e një strategjie të qëndrueshme që garanton ndarjen e mbetjeve në burim, reduktimin e varësisë së landfilleve, riciklimin dhe ripërdorimin ku mundet. Shqipëria duhet të promovojë ekonominë qarkulluese dhe duhet të stimulojë parandalimin, reduktimin dhe riciklimin e mbetjeve për të reduktuar depozitimin e mbetjeve. Duhet të përshpejtojë zbatimi i legjislacionit për mbetjet e papërpunueshme”, tha Tabaku.

“Koncesioni 400 mln euro për inceneratorët”- Tabaku i nxjerr videon Ramës: – Frikacak, gënjeve edhe për dorëheqjen

 “Nëse janë 400 milionë euro për impiantet e përpunimit  dhe trajtimit të mbetjeve, unë jap dorëheqjen”, referuar kësaj deklarate të kryeministrit Edi Rama bërë disa kohë më parë në parlament në një nga debatet me PD, ish-deputetja demokrate Jorida Tabaku e quan atë një frikacak që u shmanget përgjegjësive dhe që sa herë flet, ka një gënjeshtër.

 “Përditë nga një gënjeshtër me shpresën se ne dhe shqiptarët do t’i harrojmë apo do t’ia falim paratë e vjedhura. Ta harrojë ai dhe gjithë bashkëpunëtorët e tij”, shkruan ndër të tjera ish-deputetja.

Në videon e publikuar nga Jorida Tabaku, bazohet tek nje investigim i BIRN, ku u faktua me dokumente se totali i kostove shkon në 430 milionë euro per inceneratoret.

Deklarata e plotë:

I vendosur përpara fakteve nga PD për koncesionin 400 mln euro, gënjeshtari mohoi shifrën dhe u betua se, nëse e provonim, atëherë do të dorëhiqej. Përditë nga një gënjeshtër me shpresën se ne dhe shqiptarët do t’i harrojmë apo do t’ia falim paratë e vjedhura. Ta harrojë ai dhe gjithë bashkëpunëtorët e tij.

Dëgjojeni dhe shiheni edhe një herë si është zotuar dhe mos harroni që sa herë që flet ka një gënjeshtër. Fshihet pas të tjerëve kur vjen fjala tek përgjegjësia, frikacaku që i shmanget përgjegjësisë së premtimit të bërë publikisht.

Anëtari i Kryesisë së PD-së, Grigels Muçollari : – PD do të bëjë denoncim bombë për Inceneratorët, përfshihen edhe amerikanët e FBI

Anëtari i Kryesisë së PD-së, Grigels Muçollari i ftuar në emisionin ‘’Ora e Betit’’ në Ora News u shpreh se PD ditën e premte do bëj një denoncim për inceneratorët ku përfshihen edhe shtetas amerikanë dhe FBI.

Muçollari: Është krim i madh të godasësh opozitën. Berisha është faktor dominant në opozitë.

Këllici qenka në hetim pasuror nga SPAK. Pas një denoncimi që do dalë ditën e premte ku përfshin edhe shtetas amerikanë edhe FBI ku përfshin inceneratorët.

Do ketë denoncim nga PD për inceneratorët ku përfshihen amerikanë dhe FBI që e ka hetuar këtë cështje.