Ushtrimet serbe në kufi, Albin Kurti: Serbia paraqet kërcenim për Kosovën

 

• 
  

Kryeministri i Kosovës, Albin Kurti duke komentuar ushtrimet e ushtrisë serbe, ka thënë se vendi ku do të behën këto ushtrime me dron luftarak kamikaz është vetëm 30 kilometra larg Kosovës dhe vetën 3 kilometra larg kufirit më Malin e Zi, transmeton "Kosova Sot Online".

“Ata sot do të bëjnë ushtrime me dronë luftarakë kamikazë dhe vendi ku do të bëhen këto ushtrime përveç se është 30 km larg kufirit të Kosovës është vetëm 3 kilometra larg kufirit të Serbisë me Malin e Zi. Kjo është edhe një dëshmi që Serbia është autoriteti, instanca, faktori, aktori kryesor i përpjekjeve destabilizuese për rajonin e Ballkanit Perëndimor dhe paraqet kërcënim edhe për Republikën tonë të cilën nuk e njeh por edhe për sigurinë e të gjithë qytetarëve në rajonin tonë. Ushtrimi që po e bëhet në Pashter të Sanxhakut, pra paraqet kërcënim, ndërkaq në anë tjetër, paraqet edhe ndotjen më të madhe të ajrit e tokës në Sanxhak”, ka thënë ai.

Kurti është deklaruar për votimin e së dielës në veri të vendit. Ai ka theksuar se është vullneti nga ana e qeverisë që të mbahet ky votim.

“Në komunat të cilat 50% +1 të qytetarëve votojnë për t’ia ndërpre mandatin kryetarëve aktual, ne jemi garancion që kjo do të zbatohet me plotni e me shpejtësi. Këta kryetarë mund të dalin nga zyrat, por jo me banda fashiste që dhunojnë KFOR-in, gazetarët e policinë e Kosovës. Nuk hyhet ne zyrë as me bomba as me granata, me të cilat janë sulmuar personeli i sigurisë e gazetarët. Prandaj ftoj të gjithë qytetarët, pa dallim etnie që te dalin dhe te votojnë me 21 Prill për t’ia ndërprerë mandatin kryetarëve aktual, nëse mendojnë se nuk kanë qeverisur mirë, apo që mendojnë se ka njerëz me të mirë që një orë e më parë duhet të jenë në ato zyre. Por, kjo duhet të ndodhë me proces demokratik jo me banda të dhunshme, me banda të dhunshme nuk mund të hyhet në zyre, vetëm me proces zgjedhor”, ka theksuar Kurti.

Zëvëndësministri i Infrastrukturës, Hysen Durmishi njofton për një projekt të ri në rrugën Istog – Pejë – Deçan – Gjakovë – Prizren

Zëvëndësministri i Infrastrukturës, Hysen Dumishi ka bërë të ditur se është në hartim projekti për zgjerimin e rrugës Istog – Pejë – Deçan – Gjakovë – Prizren.

Durmishi tha se rruga po bëhet pa zvarritje dhe me cilësi në investime.

“Rruga Kijevë – Zahaq, po bëhet pa zvarritje dhe me cilësi në investime, planifikim e përgatitje gjithpërfshirëse, e me kursim të buxhetit nga 240 milionë euro sa ishte planfikuar në të kaluarën, sot do të kushtojë më pak se 90 milionë euro, pra po i kursejmë plot 150 milonë euro buxhetit të Kosovës. I kemi përfunduar shpronësimet për segmentin deri në Dollc dhe dje kemi marrë vendim në Qeveri për shpronësimin e segmenti nga Dollci e deri në Zahaq si parapërgatitje që në fillim të muajit maj të fillojmë procedurën e prokurimit edhe për segmentin nga Dollci deri në Zahaq”, ka shkruar Durmishi në “Facebook”.

Tutje, Durmishi ka bërë të ditur se rruga për në Pejë ka filluar me ritëm të shpejtë dhe me dinamikë të shtuar, ndërkohë që është në përfundim të projektit kryesor.

“Rruga për Pejë ka filluar me ritëm të shpejtë e dinamikë të shtuar në ndërkohë që jemi në përfundim të hartimit të projektit kryesor edhe për zgjerimin e rrugës Istog – Pejë – Deçan – Gjakovë – Prizren. Urime qytetarëve të Rajonit të Dukagjinit dhe gjithë Kosovës!”, ka shkruar Durmishi.

Ljubodrag Stojadinoviq : E ashtuquajtura zyra për Kosovën u hap për akuza false dhe glorifikim të Aleksandar Vuçiqit

 Ljubodrag Stojadinoviq, analist politik serb ka bërë një përmbledhje të vendimit të Serbisë për ta themeluar një zyrë, të cilën ata e quajtën “Zyra për Kosovë”.

Sipas analistit serb, kjo zyrë u shpik për të mbledhur e shpërndarë lajme që përmbajnë inate të vecanta politike.

Thelbi i tyre, sipas analistit është të ankohen për faktin se dikush po na bën vazhdimisht keq dhe padrejtësi, “edhe pse ne nuk e lejojmë me asnjë çmim”.

“Shefi i parë i asaj bote paralele për t’u marrë me të pazgjidhshmen ishte Marko Gjuriq, i krijuar posaçërisht për akuza false. Detyra e tij ishte të raportonte vetëm atë që nuk ndodhi dhe mund të ndodhte, ose çfarë ndodhi dhe ne e bëmë të pamundur. Kosovën e shpëton vepra heroike e A. Vuçiqit, burrëria e të cilit shumë kohë më parë e ka tejkaluar guximin personal. Ai mposht armiqtë që krijon vazhdimisht në distancë. Në Kosovë, Marko ishte tregimtar i fitoreve dhe baterist pa asnjë sens ritmi”, thotë Stojadinoviq.

Sipas analistit, më shumë se një herë, Marko bëri shpërthime të marra.

“Ai kishte pikturuar një tren ortodoks (maj 2017) dhe performoi me kërcime të furishme në atë vend të shenjtë lëvizës, duke synuar të çonte një kompozim të papërmbajtshëm Svetosava në Mitrovicë. Derisa e ndaluan në Fushë Kosovë. Marko kishte kërcyer disa ndalesa më parë dhe kishte ikur në kohë. Më vonë, thuajse nuk kishte asnjë lajm se çfarë ndodhi me atë faltore në hekurudhë, as çfarë po bëjnë sot piktorët dhe fanatikët e saj të ikonave që u nisën në atë udhëtim fatal”.

Analisti kujton edhe kohën kur Gjuriq u arrestua dhe bëri skena për t’u bërë hero në sytë e serbëve.

Ky është teksti i plotë i analistit Ljubodrag Stojadinoviq

Diku është një zyrë që në mungesë të ideve të mira është emërtuar Zyra për Kosovë. Ekzistenca e diçkaje që është vetëm një zyrë (zyrë, dhomë, sekretariat, degë, zyrë) është sigurisht një mesazh për tepricën e një vendi të tillë. Asgjë nuk ndodh në të, sepse nuk kishte asnjë qëllim që të ndodhte asgjë atje.

Zyra për Kosovë u shpik si një kornizë për mbledhjen e rrethanave të paqarta dhe të pazgjidhshme që heshtin, ose lajmet e këqija shpallen me një gazetë klerikësh Ezopianë të hijezuar me një lloj inati të veçantë patriotik.

Por në atë roje të inatosur për padrejtësitë e vazhdueshme ndaj të cilave jemi të ekspozuar, përveç thënieve të përgjithshme që nuk do të japim ose nuk do të lejojmë ose nuk do të pranojmë kurrë, nuk ka patriotizëm apo diçka të ngjashme. Zyra është një vend për mohimin e të gjitha ndjenjave, ajo ushqen përtej kufijve të tolerancës njoftime të mërzitshme të zbrazura nga kuptimi. Thelbi i tyre është të ankohemi për faktin se dikush po na bën vazhdimisht keq dhe padrejtësi, edhe pse ne nuk e lejojmë me asnjë çmim.

Shefi i parë i asaj bote paralele për t’u marrë me të pazgjidhshmen ishte Marko Gjuriq, i krijuar posaçërisht për një temë sykofantike. Detyra e tij ishte të raportonte vetëm atë që nuk ndodhi dhe mund të ndodhte, ose çfarë ndodhi dhe ne e bëmë të pamundur. Kosovën e shpëton vepra heroike e A. Vuçiqit, burrëria e të cilit shumë kohë më parë e ka tejkaluar guximin personal. Ai mposht armiqtë që krijon vazhdimisht në distancë. Në Kosovë, Marko ishte tregimtar i fitoreve dhe baterist pa asnjë sens ritmi.

Konsull i përhershëm i pathyeshmërisë së komandantit dhe burim mesazhesh se ne jemi më të fortë dhe më të zgjuar se vendasit inferiorë që përpiqen më kot të shkatërrojnë racën serbe.

Më shumë se një herë, Marko bëri shpërthime të marra. Ai kishte pikturuar një tren ortodoks (maj 2017) dhe performoi me kërcime të furishme në atë vend të shenjtë lëvizës, duke synuar të çonte një kompozim të papërmbajtshëm Svetosava në Mitrovicë. Derisa e ndaluan në Fushë Kosovë. Marko kishte kërcyer disa ndalesa më parë dhe kishte ikur në kohë. Më vonë, thuajse nuk kishte asnjë lajm se çfarë ndodhi me atë faltore në hekurudhë, as çfarë po bëjnë sot piktorët dhe fanatikët e saj të ikonave që u nisën në atë udhëtim fatal.

Një herë dyshohet se u arrestua Marko dhe ai bëri me dorë nga vrima e blinduar, duke treguar se nuk do të dorëzohej, edhe sikur të mbetej aty si serb i fundit.

E përzunë po atë ditë, edhe pse ai do të kthehet të paktën edhe një herë atje për të brohoritur për krijuesin e tij me Milan Radoiciq dhe tre famullitarë të tjerë, para se ta informojnë se kanë fituar diçka me 5:0 me klithma legjendare për nder të serbit të parë.

Pas një karriere torturuese si mjeshtri dhe oborrtari më i shquar, Marko mori një pozicion ekselence në Uashington.

Petar Petkoviq, një nëpunës pa buzëqeshje dhe shprehje, vjen në karrigen e tij të zyrës për të vazhduar punën në një dhomë aq të panevojshme si në kohën kur u themelua. Ajo (zyra) mbahej vetëm nga zakoni i kryerjes së detyrave, kotësia e të cilave ishte bërë rutinë.

Siç ishte, Markoja kishte një forcë shtytëse të paturpshme që e nxirrte përtej çdo logjike dhe në atë lëvizje dukej sikur diçka kishte një qëllim të vetin të errët. Marko e gjeti veten në persekutimin e serbëve të padisiplinuar, të atyre që e ndienin se ishte nën nderin e tyre ta ndiqnin atë ose Milan Radoiciqin.

Dhe për këtë, ata u nënshtruan dhunës ose humbën kokën. Mizoria tinëzare e Gjuriqit dukej si një tipar i fshehur i kllounit të oborrit, por ai i pëlqente veprimet në të cilat tregonte forcën e banditëve besnikë.

Kur të ikin nderimet që ka ende, ai do të duhej të thoshte se ku ishte dhe çfarë po bënte nga Zyra, e cila dalëngadalë po mbyllet nën Petar Petkoviq. Dhe ky është rezultati më i mirë për një çështje kaq të kotë.

Që nga dita e parë kur u nominua si pasardhës i Gjuriqit, Petkoviq ka dhënë deklarata dhe nuk është ndalur asnjëherë së bëri. Askush nuk do ta dinte nëse ekziston një njeri i tillë dhe çfarë bën ai, as nuk do t’i interesonte askujt, nëse nuk do të ishin tingujt këmbëngulës që tërheqin disi vëmendjen te folësi. Pra, për çfarë po flet Petar Petkoviq?

Asgjë, natyrisht, dhe aty qëndron zgjidhja e dyshimit për arsyet e ekzistencës së tij. U përpoqa të gjeja diçka nga deklarata e tij dje, por asgjë nuk doli. Prandaj fjalimet e tij publike janë të qepura në mënyrë që pa kuptim dhe rëndësi të zgjasin shumë pak. Në fakt, edhe sikur të bënte maksimumin dhe të kërkonte brenda vetes fjalë e fjali për t’i dhënë ndonjë kuptim asaj që thoshte, asgjë nuk do të ndryshonte. Petkoviq tashmë po bën më të mirën, kjo është më e mira që mund të bëjë.

Askujt nuk i intereson ajo gjuhë e tharë, sepse askush nuk e dëgjon Petkoviqin, as ai që e solli atje. Petkoviq as nuk flet që ta dëgjojë kush, ai thjesht vonon pjesën e dikujt tjetër në punën e tepërt. Ai është i ngarkuar t’u tregojë qytetarëve që nuk e dinë se për çfarë bëhet fjalë, për atë që nuk ekziston më. Për të lënë të paktën iluzionin, aty ku merret, se ka ende diçka për të folur. Ai fjalim pa përmbajtje është i vetmi tingull që ende e mban Zyrën në krye të lajmeve të fundit.

Kurti është deklaruar për votimin e së dielës në veri të vendit. Ai ka theksuar se është vullneti nga ana e qeverisë që të mbahet ky votim.

 Kryeministri i Kosovës, Albin Kurti duke komentuar ushtrimet e ushtrisë serbe, ka thënë se vendi ku do të behën këto ushtrime me dron luftarak kamikaz është vetëm 30 kilometra larg Kosovës dhe vetën 3 kilometra larg kufirit më Malin e Zi.

“Ata sot do të bëjnë ushtrime me dronë luftarakë kamikazë dhe vendi ku do të bëhen këto ushtrime përveç se është 30 km larg kufirit të Kosovës është vetëm 3 kilometra larg kufirit të Serbisë me Malin e Zi. Kjo është edhe një dëshmi që Serbia është autoriteti, instanca, faktori, aktori kryesor i përpjekjeve destabilizuese për rajonin e Ballkanit Perëndimor dhe paraqet kërcënim edhe për Republikën tonë të cilën nuk e njeh por edhe për sigurinë e të gjithë qytetarëve në rajonin tonë. Ushtrimi që po e bëhet në Pashter të Sanxhakut, pra paraqet kërcënim, ndërkaq në anë tjetër, paraqet edhe ndotjen më të madhe të ajrit e tokës në Sanxhak”, ka thënë ai.

Kurti është deklaruar për votimin e së dielës në veri të vendit. Ai ka theksuar se është vullneti nga ana e qeverisë që të mbahet ky votim.

“Në komunat të cilat 50% +1 të qytetarëve votojnë për t’ia ndërpre mandatin kryetarëve aktual, ne jemi garancion që kjo do të zbatohet me plotni e me shpejtësi. Këta kryetarë mund të dalin nga zyrat, por jo me banda fashiste që dhunojnë KFOR-in, gazetarët e policinë e Kosovës. Nuk hyhet ne zyrë as me bomba as me granata, me të cilat janë sulmuar personeli i sigurisë e gazetarët. Prandaj ftoj të gjithë qytetarët, pa dallim etnie që te dalin dhe te votojnë me 21 Prill për t’ia ndërprerë mandatin kryetarëve aktual, nëse mendojnë se nuk kanë qeverisur mirë, apo që mendojnë se ka njerëz me të mirë që një orë e më parë duhet të jenë në ato zyre. Por, kjo duhet të ndodhë me proces demokratik jo me banda të dhunshme, me banda të dhunshme nuk mund të hyhet në zyre, vetëm me proces zgjedhor”, ka theksuar Kurti.

Greg Delawie : Kur do të hiqet qafe fusnota në emrin e Kosovës.

 Ish-ambasadori i Shteteve të Bashkuara të Amerikës, Greg Delawie, ka komentuar përparimin e Kosovës drejt rrugës për anëtarësim në Këshill të Evropës.Ndonëse e vlerësoi si lajm të mirë për Kosovën, ish-ambasadori amerikan pyeti se kur do të hiqet qafe fusnota në emrin e Kosovës.

Albin Kurti përmendi Hashim Thaçin në 11 vjetorin e marrëveshjeve në Bruksel, reagon Vlora Çitaku: E di që po të mungon, duro dhe pak – dielli do të lind përsëri

Pasi kryeministri i vendit, Albin Kurti përkujtoi 11 vjetorin e arritjes së marrëveshjes së vitit 2013-2015 si dhe zotimin për siç tha Albin  Kurti “të njëanshëm” të ish kryeministrit Hashim Thaçi në Bruksel te sekretari i atëhershëm i përgjithshëm i NATO-s, Rasmussen, se FSK nuk do ta kalojë lumin Ibër pa lejen e KFOR-it ka reaguar nënkryetarja e PDK-së, Vlora Çitaku.

 Çitaku përmes një postimi në rrjetin social në Facebook ka shkruar se kryeministri Kurti iu paska rikthyer sot përsëri marrëveshjeve të vitit 2013 dhe vitit 2015 – ato që numri dy i partisë së tij, kryetari i Kuvendit, Glauk Konjufca, ka thënë se janë të mira dhe të dëshiruara. Ajo tha se Kurti ka marr pak “oksigjen ditor politik” është marrë edhe me Hashim Thaçin, për siç tha Çitaku “ani pse Thaçi po bën tri vjet e gjysmë i mbyllur në Hagë – në mbrojtje të luftës së shenjtë të popullit tonë për liri” Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë Lexo po ashtu Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë “Gjithsesi, në interes të tij dhe për pak oksigjen ditor politik, ai qenka mundu me u marrë prapë me Presidentin Thaçi, ani pse ai po bën tri vjet e gjysmë i mbyllur në Hagë – në mbrojtje të luftës së shenjtë të popullit tonë për liri. Është e pabesueshme se si një gjë Kryeministri Kurti nuk e ka kuptuar ende. Që Hashim Thaçi, edhe kundër vullnetit të tij, do të mbahet mend si Kryeminitsri i Pavarësisë së Kosovës”, ka shkruar ajo. Tutje Çitaku theksoi Kurti, sot ka mbushur 1,124 ditë si kryeministër dhe sipas saj i dyti më jetëgjatë në vend, do të mbahet mend vetëm si kryeministri i Autonomisë Politike për serbët e pjesës veriore të Kosovës. “Marrëveshja bazike të cilën ai e ka pranuar vitin e kaluar në Bruksel, i ka humbur njohjen e ndërsjellë Kosovës dhe i ka sjellë një sërë pasojash afatgjate dhe të patjetërsueshme vendit – që tkurrin sovranitetin e shtetit tonë. Ndërkaq, për këtë pjesën tjetër të qeverisjes, s’kemi çfarë të themi. Nëse Hashim Thaçi ka ndërtuar autostrada moderne, shkolla, i ka rritur pagat, ka ndërtuar institucionet dhe ka vënë në binar funksionimin e shtetit – trashëgimia e vetme që do t’i mbetet në CV-në e tij si Kryeministër Albin Kurtit, mbetet Ura tri metra e Saradranit. Kaq, rreth krahasimit tënd kaq të dëshiruar me Presidentin Thaçi, Kryeministër. E di që po të mungon, meqë po vazhdon ta përmendësh çdo ditë, por duro edhe pak. Dielli do të lind përsëri”, ka shkruar Çitaku në Facebook.

John Hodgson“E ardhmja në të kaluarën: Kujtime të Kosovës”.

Ambasada e Kosovës në Britani të Madhe ka bërë të ditur se të enjten në mbrëmje në ambientet e Ambasadës në Londër u bë promovimi i librit të shkrimtarit dhe mikut të madh të shqiptarëve, John Hodgson “E ardhmja në të kaluarën: Kujtime të Kosovës”.gson Në një postim në Facebook, Ambasada e Kosovës në Britani të Madhe tregon se në vitet 1980-1984 John Hodgson ishte lektor i Këshillit Britanik pranë Degës së Anglishtes në Universitetin e Prishtinës, ku mësoi shqipen dhe iu përkushtua thellësisht gjuhës shqipe. “Libri i tij ‘E ardhmja në të kaluarën: Kujtime të Kosovës’ shpalos historinë se si shkoi në Kosovë, si e njohu Kosovën, si e njohu gjuhën tonë, popullin, kulturën, e mbi të gjitha urën lidhëse që me anë të përkthimeve ka krijuar mes shqipes dhe anglishtes, me një shqipe të pastër e tejet të këndshme. Siç u cek nga të pranishmit, tregimet në libër janë një përshkrim i saktë dhe i detajuar i ngjarjeve e rrethanave të zhvilluara (edhe politike) në vitet e 80-ta”, thuhet në njoftim. Ambasadori i Kosovës, Ilir Kapiti falënderoi autorin dhe të pranishmit të cilët ishin në numër të konsiderueshëm në promovim të këtij libri, ku një pjesë e tyre komentuan edhe përshtypjet e tyre dhe vlerësimet për botimin e këtij libri të prof Hodgson. Hodgson ka përkthyer vepra të Ismail Kadaresë dhe të Fatos Lubonjës nga shqipja në anglisht.