Paralajmëron presidenti iranian: Nuk do të mbetet asgjë nga Izraeli nëse Irani sulmohet sërish

Një sulm izraelit në territorin iranian do të kishte pasoja serioze dhe do të rezultojë në “asgjë të mbetur” nga Izraeli, tha presidenti iranian Ebrahim Raisi të martën, njoftoi agjencia shtetërore iraniane e lajmeve IRNA.

“Nuk do të mbetet asgjë nga ai entitet” nëse Izraeli sulmon përsëri Iranin, tha Raisi. 

 Komentet e Raisit u bënë në vizitën e dytë të tij zyrtare tre-ditore në Pakistan, në një universitet në provincën Punjab. 

 Raisi paralajmëroi se nëse Izraeli “bën një gabim tjetër dhe shkel sovranitetin e tokave të shenjta iraniane, situata do të jetë ndryshe”. 

 Paralajmërimi erdhi pasi Izraeli të premten kreu një sulm ushtarak brenda Iranit, tha një zyrtar amerikan për CNN, megjithëse Izraeli nuk e ka marrë zyrtarisht sulmin. 

 Zyrtarët në Teheran kanë kërkuar të zvogëlojnë sulmin e së premtes në mëngjes ndaj Iranit, teksa tensionet po ziejnë nga një përshkallëzim i rëndësishëm midis fuqive rajonale.

Kroacia mbështet hyrjen e Kosovës dhe Shqipërisë në BE

Kroacia mbështet hyrjen e Kosovës dhe Shqipërisë në Bashkimin Evropian. Kështu i tha presidenti kroat Zoran Milanoviq, ministrit të Jashtëm shqiptar Igli Hasanit, njoftoi zyra e presidentit. “Presidenti Zoran Milanoviq konfirmoi mbështetjen e vendosur të Kroacisë për hyrjen e Shqipërisë në Bashkimin Evropian dhe përsëriti besimin e tij se negociatat për anëtarësimin e Shqipërisë në BE duhet të kishin qenë tashmë në fazën përfundimtare, veçanërisht duke pasur parasysh faktin se vendi është anëtar i NATO-s për 15 vjet”, thuhet në komunikatë. “Është biseduar edhe për situatën në Evropën Juglindore, ku Milanoviq ka konfirmuar se Kosova mund të llogarisë në mbështetjen e Kroacisë për anëtarësim në Këshillin e Evropës”, thuhet tutje aty. Milanoviq dhe Hasani, ranë dakord se Kroacia dhe Shqipëria kanë marrëdhënie të shkëlqyera dypalëshe.

 

Në foto presidenti Kroat -Zoran Milanoviq 

Deputeti i Vetëvendosjes, Mefail Bajqinovci e kritikon BE-në për mosndëshkim të Serbisë

Deputeti i Vetëvendosjes, Mefail Bajqinovci, është shprehur optimist se Kosova do të kalojë në Këshillin e Ministrave dhe se dërgimi i draft-statutit të Asociacionit në Gjykatën Kushtetuese – para votimit në Këshill të Ministrave – nuk do të jetë kusht për anëtarësim në Këshill të Evropës (KiE).

 Ndërkaq, deputeti i VV-së ka kritikuar Bashkimin Evropian (BE) për mosndëshkim të duhur të Serbisë.

 Sipas tij, drita e gjelbër nga Asambleja Parlamentare e Këshillit të Evropës që i është dhënë Kosovës për anëtarësimin në këtë KiE është tregues që Kosova do të kalojë në Këshill të Ministrave.

 "Zakonisht raportuesi, ai që rekomandon, në këtë rasti Parlamenti Evropian që mori vendim.

 Zakonisht kjo nuk ka qenë asnjëherë standard që të mos të votohet nga Këshilli i Ministrave. Dhe nëse ndodh kjo do të ishte lajmi keq. Unë besoj që do të ishte keq.

 Por unë besoj shumë që kjo do të votohet, sepse deri më sot nuk ka ndihur të kemi raportim pozitiv, të votohet me 81 për qind të deputetëve të PE-së dhe të kthehet kundër këshilli i ministrave. Unë mendoj që edhe për liberalizim të vizave kemi pasur shtete të fuqishme që kanë thënë që në rast nuk bëhet ne do ta pengojmë procesin por nuk ka ndodhur dhe ka shkuar shumë mirë. 

Unë besoj që BE-ja t’i jetë besnik këtij raporti dhe të votojë fazën e fundit pas miratimi të Asamblenë Parlamentare. Nuk do të besoj se do të shkojë në Kushtetuese, por, do të votojmë dhe pastaj në marrëveshjen ndërkombëtare që duhet të bëhet e Serbia po i ik do të rregullohet kjo çështje…”, ka thënë deputeti i VV-së.

Ja pse Moska refuzon ankesën e Evan Gershkovichit

Një gjykatë në Moskë e ka refuzuar më 23 prill ankesën e gazetarit amerikan, Evan Gershkovich kundër zgjatjes së periudhës së paraburgimit deri më 30 qershor.

Gjyqtari i rastit ka thënë se vendimi i 26 marsit për zgjatjen e kohës së ndalimit, “nuk duhet të ndryshohet”.

Gershkovich, gazetar i të përditshmes amerikane, Wall Street Journal, është në paraburgim më shumë se një vit në Rusi, nën akuzat për spiunim.

Deri më tani, atij i janë refuzuar shumë ankesa tjera lidhur me masat e ndalimit.

Gershkovich, 32-vjeçar, shtetas amerikan, është arrestuar në fund të marsit të vitit 2023 në Jekaterinburg, teksa ka qenë në një udhëtim pune.

Autoritetet ruse nuk kanë ofruar të dhëna që mbështesin akuzat e tyre për spiunazh, të cilat Wall Street Journal dhe Qeveria amerikane, i kanë hedhur poshtë.

Ato deklarojnë se Gershkovich ka qenë duke e bërë punën e tij dhe ka qenë i akredituar si gazetar në kohën kur është arrestuar.

Një tjetër shtetase amerikane që po mbahet prej autoriteteve ruse të sigurisë është Alsu Kurmasheva, gazetare e Radios Evropa e Lirë, e cila është arrestuar në tetor të vitit të kaluar në Kazan, dhe akuzohet se ka dështuar që të regjistrohet si agjente e huaj, dhe që ka përhapur informacione të rreme për ushtrinë ruse.

Nëse dënohet, ajo përballet me 10 vjet burgim.

Radio Evropa e Lirë dhe Qeveria amerikane kanë thënë se akuzat ndaj saj janë hakmarrje për punën që e ka bërë.

Zyrtarët rusë nuk janë deklaruar për mundësinë e lirimit të dy gazetarëve.

Zëdhënësi i Kremlinit, Dmitry Peskov, ka thënë se ndonëse vazhdojnë “kontakte të caktuara” për këmbim të mundshëm, diçka e tillë duhet të kryhet “në heshtje të plotë”.

Rusia besohet se është duke kërkuar lirimin e Vadim Krasikovit, i cili është dënuar me burgim të përjetshëm në Gjermani, më 2021, për vrasjen e një shtetasi gjeorgjian me prejardhje çeçene, i cili ka luftuar me trupat ushtarake ruse në Çeçeni, dhe më vonë ka kërkuar azil në Gjermani.

Kur është pyetur për mundësinë e lirimit të Gershkovichit, presidenti rus, Vladimir Putin, e ka përshkruar Krasikovin si person të burgosur prej një vendi aleat të Shteteve të Bashkuara, për “likuidim të një banditi”, i cili supozohet se ka vrarë ushtarë rusë gjatë luftimeve në të kaluarën në Çeçeni. 

Snajperistët e ushtrisë së Kosovës bëhen gati për ta mbrojtur Kosovën nga çdo sulm barabar serb !

 “Kursin për Qitës i Mprehtë’’ me Snajper SigSauer të realizuar në bashkëpunim me Komandën e Doktrinës dhe Stërvitjes (KDS), e ka përfunduar Regjimenti i Tretë i Këmbësorisë (R3K) i Komandës  së Forcave Tokësore të FSK-së.

Trajnimi është zhvilluar nga Instruktor të R3K, dhe kishte për qëllim ngritjen e kapaciteteve ushtarake për “Qitës të Mprehtë” të skuadrës, për të aftësuar pjesëtarët në përdorimin e këtij lloji të armës dhe pajisjeve shtesë të cilat përdoren për realizim të qitjes.

Presidenti francez Emanuel Macron i telefonon premierit të Kosovës yt. Albin Kurtin

Të martën me presidentin e Francës Emmaul Macron, ka folur në telefon kryeministri i Kosovës, Albin Kurti.Kreu i Francës i ka kërkuar kreut që të veprojë shpejt për Asociacionin e komunave me shumicë serbe.Kjo në kontekst për anëtarësimin e Kosovës në Këshillin e Evropës.Për këtë bisedë ka treguar ambasadori francez në Kosovë, Olivier Guerot.“Presidenti i Republikës së Francës ka biseduar në telefon me Albin Kurtin, kryeministër i Kosovës, këtë të martë, më 23 prill 2024”, ka shkruar ai në “X”.

 

Bojkotimi i referendumit në katër komunat në veri është akt që tregon se Serbia po përgatitet ta sulmon ushtarakisht me armë Kosovën

Shkruan Ë Prof Dr.Muhamet Kelmendi 

 Në veri dhe në komunat tjera ku shumicë është minoriteti serb priten protesta dhe demonstrata të dhunshme. Edhe aksione kriminale, për serbët, çlirimtare, për shtetin tonë terroriste, do të bëhen në veri dhe në brendi të Kosovës, në komunat e ndryshme. Referendumi në katër komunat e veriut të Kosovës është organizuar konform ligjeve që i ka Republika e Kosovës. Më 21 prill u organizua Referendumi. Minoriteti serb i këtyre komunave nuk doli në votim. Me urdhër të klikës shovenoserbomadhe të Beogradit u bojkotua referendumi për ti shkarkuar kryetarët në komunat veriore. Mbeten kryeartët e zgjedhur me vota në prill të vitit 2023. Juridikisht s'ka mundësi brenda 1 viti të ndërmerret ndonjë veprim juridik. Zgjedhjet parlamentare dhe lokale mbahen në vitin e ardhshëm. Bojkotimi u bë nga serbët për të treguar se mbi minoritetin serb po bëhet presion nga organet e shtetit të Kosovës për të ikur në Serbi. Këtë e deklaroi edhe në KS të OKB-së krimineli Vuçiq. Madje shkoi deri atje, sa që e paraqiti gjendjen në katër komunat me shtypje dhe terrorizëm të ashpër. Me këtë u përpoq krimineli Vuçiq të provoj dhunën dhe terrorin. E tëra kjo shkon për të provuar politikën e ndarjes dhe të copëtimit të Kosovës. Tash juridikisht mbeten zgjedhjet e rregullta ose dorëheqja e kryetarëve aktual për të shkuar në zgjedhje. Dorëheqja është akt moral dhe varet kryesisht nga kryetarët. Atë nuk mund ta dikton askush, kuptohet as nga brenda dhe as nga jashtë. Kjo është çështja. Por, nuk mendoj se shteti serb,përkatësisht klika e Vuçiqit mbetet pa vepruar me mjete të dhunës. Në veri dhe në komunat tjera ku shumicë është minoriteti serb priten protesta dhe demonstrata të dhunshme. Edhe aksione kriminale, për serbët, çlirimtare, për shtetin tonë terroriste, do të bëhen në veri dhe në brendi të Kosovës, në komunat e ndryshme. Mbetet që të tregohet nga minoriteti serb dhe Serbia se kështu dhe me këta kryetar në veri të Kosovës, si dhe me këtë qeveri, nuk ka të ardhme dhe as paqe e qetësi. Gjendja do të keqësohet. Priten aksione të ashpra dhe me armë.