Edvin Rama: Përplasjet në rajon i shkojnë për shtat vetëm Rusisë

 

TIRANË, 23 qershor/ATSH/ Kryeministri Edi Rama deklaroi sot se përplasjet në rajon i shkojnë për shtat vetëm një fuqie, që është Rusia, nuk i shkojnë për shtat asnjë tjetri.

“Nga këto përplasje dhe nga kjo paaftësi për t’u ulur me durim dhe për të çuar përpara një proces që është shumë i vështirë dhe rruga e vetme e mundshme nuk përfiton as Europa, në kuptimin Europa mes nesh, jo Europa e madhe, as ajo nuk fiton, fiton vetëm Rusia”, theksoi Rama në konferencën për shtyp.

Kryeministri Rama u shpreh se “ndërkohë ka një marrëveshje bazë, e cila u dakordësua dhe të dyja vendet sillen sikur ajo marrëveshje nuk ka ndodhur, kjo është e vërteta. Kjo është e vërteta dhe ky është fakti”.

“Kjo status quo nuk mund të vazhdojë më, prandaj duhet të dalim patjetër nga kjo lojë politike “Tomy and Jerry”, duhet të evitojmë po ashtu edhe skenarin e përkeqësimit të pozicionit të Kosovës, por edhe skenarin e izolimit të Serbisë, sepse nuk janë skenarë të mirë për ne, për interesin kombëtar të Shqipërisë si një vend që do të përparojë”, tha Rama.

Kryeministri Rama vuri në dukje së “ky rajon ka vuajtur boll nga nacionalistët, nga nacionalfolkloristët dhe përplasjet e vazhdueshme të cilat edhe mund të kenë pasur justifikimet e tyre në kohë të tjera, por nuk i kanë më sot, kur sot jemi në mes të një Europe që kërkon me çdo kusht të mbështesë paqen”.

Më tej Rama tha se “është shumë e rëndësishme ta kuptojnë këtë që nga ata që flasin për vëllezër të mëdhenj e të vegjël, tek ata që kërkojnë arsye të mosarsyes në vazhdimësi për të shtyrë zvarrë këtë proces se interesi ynë kombëtar, interesi i Shqipërisë si shtet kërcënohet nga kjo situatë. Ky rajon nuk është as i Albinit, as i Aleksandrit, është i popujve, i shteteve që e popullojnë dhe administrojnë”.

Mbi 45 000 të infektuar nga COVID-19, 2 465 viktima

 

OTAVA, 26 prill /ATSH-ANSA/ – Numri i infeksioneve me koronavirus në Kanada ka tejkaluar shifrën 45 000 (45 354), njoftuan autoritetet shëndetësore të vendit.

”Gjatë 24 orëve të fundit ka patur 1 466 raste”, sipas Ministrisë kanadeze të Shëndetësisë.

Sidoqoftë, kjo shifër është më pak në krahasim me të premten, kur u regjistruan 1 778 infeksione.

Shumica e rasteve kanë ndodhur në provincat e Kebekut, 23 267, Ontarios 13 995 dhe Albertas 4 233.

Tamponët janë kryer te 684 200 persona.

Rreth 16 400 pacientë janë shëruar dhe 2 465 kanë vdekur.

Kryeministri kanadez, Justin Trudeau tha se, sipas parashikimeve të qeverisë, epidemia në Kanada do të arrijë kulmin e saj në fund të majit dhe se vala e parë e infeksionit do të përfundojë në fund të verës

KIEV – Zelensky: Putin i rrethuar nga ata që i armatosi vetë

 

KIEV, 24 qershor /ATSH-AA/ – Presidenti ukrainas Volodymyr Zelensky, në lidhje me rebelimin e grupit paraushtarak Wagner kundër administratës ruse, tha se presidenti i Rusisë Vladimir Putin është nën rrethim nga grupet që ai armatosi vetë.

Në një deklaratë në rrjetet sociale, Zelensky tha se propaganda ruse nuk do të mund t’i fshehë gënjeshtrat.

“Dobësia e Rusisë është e dukshme. Për sa kohë që Rusia i mban ushtarët dhe mercenarët e saj në tokën tonë, e gjithë kjo do të kthehet si më shumë kaos, dhimbje dhe telashe më vonë. Kjo është e qartë. Ukraina mund ta mbrojë Evropën nga e keqja ruse dhe përhapja e kaosit”, tha Zelenskyy.

“Ne ruajmë qëndrueshmërinë, unitetin dhe forcën tonë. Të gjithë komandantët tanë, të gjithë ushtarët tanë e dinë se çfarë të bëjnë. Lavdi Ukrainës”, u shpreh ai.

Ai vuri në dukje se Putin është i rrethuar nga grupe që i ka armatosur vetë.

“Putin, i cili përçmon njerëzit dhe dërgon qindra mijëra në luftë, është nën rrethim në rajonin e Moskës nga ata që i armatosi vetë”, shtoi presidenti ukrainas.

FSB heton shefin e “Wagner” për tentativë për grusht shteti ushtarak

MOSKË, 24 qershor /ATSH-DPA/ – Shërbimi sekret rus (FSB) po heton shefin e “Wagner”, Yevgeny Prigozhin pas dyshimeve për një tentativë për grusht shteti ushtarak, raportoi agjencia e lajmeve “Interfax”.

“Kreu i ushtrisë private bëri thirrje dje në mbrëmje për një luftë kundër udhëheqjes ushtarake të Moskës”, sipas agjencisë së lajmeve.

Zëdhënësi i Kremlinit, Dmitry Peskov tha se presidenti Vladimir Putin ishte informuar për çështjen.

BERLIN- Zëdhënësi i qeverisë: Scholz i formuar vazhdimisht për situatën në Rusi

BERLIN, 24 qershor /ATSH-DPA/ – Kancelari gjerman Olaf Scholz është i informuar vazhdimisht për zhvillimet në Rusi pas kryengritjes nga forca mercenare Wagner, sipas një zëdhënësi të qeverisë.

“Situata mbetet mjaft dinamike. Në këtë drejtim, ne po e monitorojmë atë shumë nga afër dhe po koordinojmë gjithashtu me aleatët tanë më të afërt”, deklaroi zëdhënësi.

Pas muajsh ngacmimesh dhe më pas edhe kritikash publike, shefi i Wagner-it Yevgeny Prigozhin tani ka kundërshtuar hapur udhëheqjen ushtarake në Moskë.

Presidenti rus Putin e ka quajtur veprimin e Prigozhin një “tradhti”.

Vlladimir Putin: Rebelët do të përballen me dënim të pashmangshëm

 

MOSKË, 24 qershor /ATSH-DPA/ – Presidenti rus, Vladimir Putin ka mbajtur një fjalim pas kryengritjes së armatosur të liderit mercenar rus, Yevgeny Prigozhin.

Ai u bëri thirrje luftëtarëve të “Wagner” që t’i japin fund menjëherë pjesëmarrjes së tyre në akte kriminale.

Putin bëri thirrje për ndëshkimin e organizatorëve pas “marrëveshjes së armatosur” që ai e përshkroi si një “tradhti” ndaj Rusisë.

“Rebelët do të përballen me dënim të pashmangshëm”, tha Putin në një fjalim televiziv drejtuar kombit.

Ai konfirmoi se Prigozhin kishte pushtuar instalimet ushtarake në qytetin jugor rus të Rostov-on-Don.

“Rusia do të mbrojë popullin tonë dhe shtetësinë tonë nga çdo kërcënim, duke përfshirë tradhtinë e brendshme”, tha Putin ndërsa ai u zotua të mposht kryengritjen e grupit ushtarak “Wagner”.

“Ajo me të cilën jemi përballur mund të quhet saktësisht tradhti. Ambiciet e pakufizuara dhe interesat personale kanë çuar në një tradhti dhe një tradhti ndaj vendit dhe popullit të tij”, tha ai.

‘Kjo ka çuar në tradhtinë e kauzës për të cilën luftëtarët dhe komandantët e grupit “Wagner” kishin luftuar dhe humbën jetën krah për krah me formacionet dhe njësitë e tjera”, shtoi Putin.
​

Presidenti rus e përshkroi kryengritjen e grupit mercenar, të udhëhequr nga Yevgeny Prigozhin, si një thikë pas shpine për vendin dhe popullin.

“Fati i Rusisë po vendoset tani dhe të gjitha forcat duhet të bashkohen. Kjo betejë, në të cilën vendoset fati i popullit tonë, kërkon bashkim të të gjitha forcave, bashkim, konsolidim dhe përgjegjësi”, tha ai.

Prigozhin, i cili konsiderohet një aleat i ngushtë i Putinit, ka pushtuar objekte të rëndësishme ushtarake në Rostov-on-Don, në Rusinë jugore me ushtrinë e tij private “Wagner”, sipas deklaratave të tij.

Kreu i ushtrisë private ruse “Wagner”, i cili luan një rol qendror në luftën e Moskës kundër Ukrainës, ka kundërshtuar hapur udhëheqjen ushtarake.

Prigozhin po hetohet nga autoritetet në Moskë për thirrje për tentativë për grusht shteti ushtarak.

Shërbimi sekret rus, (FSB) u bëri thirrje mercenarëve të “Wagner” të arrestonin Prigozhin.

Kremlini tha se Putini po mbahej vazhdimisht i informuar për situatën.

Masat paraprake të sigurisë u zgjeruan ndjeshëm në kryeqytetin rus.

Gjatë natës, automjetet ushtarake ishin në lëvizje në qendër të qytetit. 

Rebelimi i Wagner në Rusi, reagimet e liderëve botërorë! “Kremlini po korr atë që mbolli”

 

  

Krerët botërorë po reagojnë pas situatës së tensionuar në Rusi, ku kreu i grupit ushtarak Wagner nisi atë që presidenti rus, Vladimir Putin e quan një “kryengritje të armatosur”.

Presidenti i Kazakistanit, Kassym-Jomart Tokayev bëri thirrje për rivendosjen e rendit dhe ligjit në Rusi.

“Rendi kushtetues dhe sundimi i ligjit janë një parakusht për ruajtjen e ligjit dhe rendit në vend. Kjo është baza për sigurinë e shoqërisë dhe zhvillimin e saj të suksesshëm”, njoftoi shërbimi për shtyp i presidentit kazak.

Kryediplomati i Bashkimit Evropian, Josep Borrell, në Twitter theksoi se mbështetja e BE-së për Ukrainën “vazhdon pa pushim”.

Letonia ka rritur sigurinë përgjatë kufirit të saj me Rusinë dhe ka ndaluar rusët të hyjnë, sipas ministrit të Jashtëm të Letonisë, Edgars Rinkēvičs. Ai tha në Twitter se nuk ka “asnjë kërcënim të drejtpërdrejtë për Letoninë” dhe shtoi se zyrtarët po shkëmbejnë informacione me aleatët.

Gjeorgjia po “monitoron nga afër” ngjarjet që po ndodhin në Rusi, tha të shtunën presidentja Salome Zourabichvili.

“Kufiri ynë duhet të kontrollohet fort në funksion të valëve të reja të mundshme të migrimit”,  shkroi ajo në Twitter .

Gjermania gjithashtu ka monitoruar zhvillimet që nga mbrëmja e djeshme dhe është në kontakt të ngushtë me partnerët e saj ndërkombëtarë, tha të shtunën Ministrja e Jashtme e vendit, Annalena Baerbock.

“Qytetarët gjermanë në Rusi këshillohen të ndjekin këshillat tona të përshtatura të udhëtimit dhe sigurisë”, tha ajo.

Kryeministrja italiane Giorgia Meloni tha se “po ndjek nga afër ngjarjet që po zhvillohen në Rusi, të cilat dëshmojnë se si agresioni kundër Ukrainës po shkakton gjithashtu destabilitet brenda Federatës Ruse”, tha zyra e saj në një deklaratë.

Ambasada italiane në Moskë u ka bërë thirrje qytetarëve italianë në rajonet e Rostovit dhe Voronezhit të Rusisë që të qëndrojnë “të fshehur” dhe të jenë “të informuar për zhvillimet”.

Presidenti i Lituanisë, Gitanas Nauseda tha se ngjarjet aktuale tregojnë se lufta e Rusisë kundër Ukrainës ka “dështuar”.

“Duke ndjekur nga afër ngjarjet. Regjimi i Kremlinit korr atë që mbjell. E gjithë dhuna e drejtuar ndaj Ukrainës ka dështuar”,  shkroi ai në Twitter.

“Samiti i NATO-s në Vilnius do të vlerësojë rrethanat e reja. Situata komplekse e sigurisë kërkon masa shtesë. Ne duhet të përgatitemi për çdo skenar!”

Sekretari i Jashtëm i Mbretërisë së Bashkuar zhvilloi një takim të grupit të punës të qeverisë COBR (Dhomat e Informimit të Zyrës së Kabinetit). Këto takime thirren nga qeveria për të diskutuar reagimin e Mbretërisë së Bashkuar ndaj situatave emergjente. Më herët, kryeministri i Mbretërisë së Bashkuar, Rishi Sunak i kërkoi Kremlinit dhe Wagnerit “të jenë përgjegjës dhe të mbrojnë civilët”.

Ministrja e Francës për Evropën dhe Punët e Jashtme, Catherine Colonna së bashku me Ambasadën Franceze në Moskë tha se “po ndjek nga afër ngjarjet në vijim në Rusi dhe është plotësisht e mobilizuar për të garantuar sigurinë e qytetarëve francezë në vend, si dhe atë të personelit konsullor dhe diplomatik”.