40 vrasës anonimë

Dyzet vrasësit

Të vrasin pa vrarë. Të vrasin me të vërtetë. Të vrasin për 40 aspra, ose për 40 milionë. Janë anonimë ose kanë emër, me kollare ose me tuta sporti. E mbi të gjitha, po lënë pas pasardhës që nuk dinë gjë tjetër, veç vrasjes

Nga Koloreto Cukali, 11 Korrik 2012

Vrasja e parkut nga ana e Rrugës së Elbasanit, më detyron edhe një herë t’i kthehem Ali Babës me 40 hajdutë, që në të vërtetë ishin po aq hajna sa dhe vrasës.

Nuk më intereson Ali Baba, se ai nuk ka asgjë për të fshehur. E kam me të 40-tët anonimë, që në fakt janë më të rrezikshëm se vetë Aliu. Sepse, Ali Babën dhe mund ta vrasin, burgosin, mallkojnë ose më e pakta ta tregojnë me gisht, por, të 40-tët, ata që e bëjnë Ali Babën të ndjehet e të jetë Ali, janë ata që kalojnë gjithmonë pa lagur. Ata janë 40 kalorësit e zinj të Apokalipsit. Do thoni që, kalorësit e zinj janë katër. Eh… sa janë shtuar.

40 të pandëshkueshmit

Disa muaj më parë gjeta sinjalet e motorit të thyera. Sipas një roje parkingu aty pranë, mi kishte thyer një gjyqtar me fuoristradë, i cili banonte në pallatin luksoz aty pranë. Gjyqtari na qenkësh bezdisur që unë kisha parkuar pranë hyrjes së tij, dhe pasi kishte nxjerrë makinën në rrugë ishte kthyer që të më thyente sinjalet me shkelm.

Tentova të marr vesh kush është, por rezultonte anonim, pa emër në hyrje të pallatit, nuk i fliste askujt, mbante syze të errëta. Dihej vetëm që është gjyqtar dhe i vetmi informacion që mblodha ishte për makinën e tij luksoze. Është e vështirë të gjesh kush mund të ketë qenë, përderisa pjesa më e madhe e gjyqtarëve mbajnë makina të tilla. Njerëzit e varfër të gjyqësorit shqiptar.

Gjëja që më bëri përshtypje është që nga ky njeri e sëra e tij, ne presim që të vërë në funksionim peshoren e drejtësisë, që të dëgjojë të tëra palët, të jetë i duruar e mbi të gjitha, të krijojë besim te ligji e të pengojë vetëgjyqësinë, duke na krijuar besimin se sistemi është i drejtë e i barabartë për të gjithë.

Ky gjyqtar bëri atë për të cilën paguhet të mos e lejojë, një vetëgjyqësi, madje theu pronën e tjetër kujt, e gjitha kjo, sepse vetë ndjehet mbi ligjin. Dhe nuk është një, janë shumë.

Problemi im nuk është pse gjyqtarët janë të korruptuar. Problemi im, është që ata ndjehen të pandëshkueshëm në korrupsionin e tyre sepse janë anonimë. Nuk e kanë provuar të dalin me emër e mbiemër e foto në media e të tregohen me gisht.

Gjyqtarët që kanë dhënë vendime të përlyera mbi çështjet më të bujshme në vend, kanë një emër e një fytyrë, por që ne nuk e dimë. Ata mbajnë syze të errëta, të qetë në anonimitet. Emrat e tyre lakohen pak e harrohen shpejt. Përsa kohë kushdo që ka ankesë në këtë vend ngre gishtin ndaj Kryeministrit, ata janë të qetë. Vetë Kryeministri është mësuar me gishtat që e akuzojnë dhe di t’i përballojë. Të tërë merren me disa kokrra të politikës, ndërsa ata, të pandëshkueshmit e gjyqësorit do të vazhdojnë të jetojnë të qetë në moçalin e drejtësisë kushdo që të vijë kryeministër.

Në fakt, ata janë vrasës.

Ata janë 40 vrasësit e Ali Babës. Ata kanë vrarë e vazhdojnë të vrasin përditë shpirtin tonë njerëzor, duke dënuar njerëz me nga 20 vjet për një celular të vjedhur e duke falur kriminelët, hajnat e vrasësit e mëdhenj.

Ata që të vrasin për 40 aspra

Kjo është armata e të egjërve. Tek ‘Njeriu i Egër i Qendrës së Tiranës’, botuar disa muaj më parë po te kjo revistë, kam folur pikërisht për këta. Të huaj deri në palcë e të abuzuar deri në dhimbje. ‘Anës Lanës të palarë’, këta janë kategoria e atyre që Tiranën nuk e ndjejnë, e as e duan. Tirana për ta është tokë e pushtuar. Njësoj si azapët, ata nuk shohin përpara kur Sulltani i thërret për sulm.

Edhe këta janë vrasës. Këta të vrasin vërtet. Me plumb. Ose të vrasin me ‘vetëvrasje’. Me uniforma garde ose jo, ata zbatojnë urdhrin.

Ata që vrasin për 40 milionë aspra

Kjo është një tjetër kategori me kollare, nga ata që kanë kapur shtetin. Ajo çfarë ata kanë bërë është që kanë ndërtuar përmes duarve të pista të politikës një sistem ku vetë ata bëhen përherë e më të pasur, ndërsa të varfrit përherë e më të varfër. Ligjet, organizmat e mekanizmat e sistemit janë sjellë të tilla që të përfitojnë vetëm një grup i vogël. Por nuk dua t’i quaj vrasës thjesht sepse kanë krijuar një bombë sociale.

Ata janë vrasës, sepse, koncepti i tyre i ndërtimit të një biznesi, thuajse gjithmonë ngrihet mbi vrasjen e diçkaje. Ata nuk mësuan kurrë të ndërtojnë e të bëjnë biznes pa vrarë diçka.

Ndërtuan media, duke vrarë të vërtetën, ndërtuan pallate duke vrarë urbanistikën, ndërtuan argëtim duke vrarë kulturën, ndërtojnë shkolla duke vrarë arsimin, ndërtojnë katedrale duke vrarë lulishte, po ndërtojnë një rrugë duke vrarë parqe. Ky është biznesi shqiptar i post-diktaturës: një diktaturë e re, vdis ti, që të fitoj unë, vdisni të tërë ju, që të ndjehem i pushtetshëm unë.

40 vrasësit me kollare

Po lexoja te ‘Përpjekja’ shkrimin e Lubonjës “Masakra mbi Tiranën vazhdon”, si letër e hapur intelektualëve të “Nisma për Tiranën”, çka më kujtoi pjesën e intelektualëve të Ali Babës. E kisha harruar (a nuk ndodh kështu me anonimët?) grupin për Tiranën, që nuk po i shoh më… sidomos për Tiranën!

Sigurisht, fjala intelektual tek ne është ca e ekzagjeruar. Ne jemi të prirur të quajmë intelektualë (për forcë zakoni, apo sepse jemi bujarë me titujt) ata që janë thjesht tipa të shkathët me shkollë të lartë. Ata nuk mund të jenë intelektualë vetëm ngaqë mbajnë poste intelektualësh. Ata nuk luajnë asnjë rol intelektual në këtë vend.

Ndërsa rri e mendohem më vijnë një sërë fytyrash, tashmë të konsoliduara në ekrane, përfaqësues të lloj-lloj bordesh, fondacionesh, forumesh e ombrellash me emra joshës, organizma që janë ngritur për mbrojtje të lirisë së fjalës, shtypit, konsumatorit, votës, e çdo gjëje që realisht është në rrezik zhdukjeje në këtë vend e që praktikisht mund të nxjerrë fonde pa fund.

Rikujtoj emrat e tyre dhe pyes veten çfarë kanë bërë për median, lirinë, mbrojtjen e konsumatorit, votës, e tërë atyre kauzave të tjera në këto 20 vjet? Kanë bërë ca vila, ca para, ca rrugë jashtë shtetit, dhe kanë varrosur me ceremoni shoqërinë civile.

Sepse, dhe këta, janë vrasës. Vrasës me projekte. Këta kanë vrarë shoqërinë civile (që në djep) por mbi të gjitha, kanë vrarë intelektualin, atë që duhej të ngrihej i pari ndaj padrejtësive e të ishte i fundit në konformim. Këta janë pudra e sistemit tonë të kalbur. Pudra e Ledi Makbethit është po aq fajtore në krim.

40 fëmijët e krimit

Kategoritë e vrasësve nuk mbarojnë: ata që dizenjuan monstrat ku ne jetojmë, ata që vranë ajrin e ujin, ata që votojnë vendimet kriminale, që vranë publiken për të ushqyer privaten, që vrasin me të tëra format shëndetin tonë, që vrasin librin e shqipen, historinë e artin, pronën e të drejtën. 40-shet e vrasësve janë pa fund, dhe top 40-tat mund t’i bëni dhe vetë.

Por, ajo që më intereson më shumë, është kategoria më e re, fëmijët.

Më ka rënë rasti të njoh që fundmi të birin adoleshent të një gjyqtareje e një biznesmeni province, i cili kishte sjellje gangsteri. I rritur në një mjedis ku arroganca e drejtësisë ishte martuar me atë të parasë, ai kishte qëndrimin, mentalitetin dhe shprehjet e atij që të ka në dorë, e atij që mund të të zhdukte. Nuk e kishte për gjë të të kërcënonte me nënën ose të të përbuzte me babanë. Ishte një pinjoll i denjë i 2 kategorive vrasësish. Ky adoleshent më pikëlloi pa masë.

Ai është trashëgimia e 40 vrasësve. Është e kotë të shpresojmë që Ali Baba do vdesë nga pleqëria e 40 vrasësit do përfundojnë në azil. Pas tyre, po vijnë ca më të pashpirt. Një specie e re, që ndryshe nga etërit e tyre që i detyroi të bëhen vrasës shkolla e jetës, ata po bëhen vrasës se nuk njohin gjë tjetër. Ashtu po i rrisin.

40 vrasës anonimë

Ali Baba kishte 40 hajdutë, por në të vërtetë ishin dhe vrasës. Eleganca e Sheherazades i veshi të 40-tët me sharmin e hajnit që përralla të mos e shqetësonte shahun.

Problemi me 40 vrasësit anonimë të Ali Babës, qofshin këta intelektualë, njerëz të egjër të qendrës së Tiranës apo biznesmenë, nuk është nëse janë 40 a 400, nëse janë shumë apo pak. Problemi është që ata janë anonimë. 40 vrasësit, do të vazhdojnë ta dominojnë sistemin me ose pa Ali Babën. Për sa kohë që janë anonimë, për sa kohë askush nuk del t’i përmendë me emër e me vepra, dhe jo një herë, por njëqind herë, vazhdimisht, sa emrat e tyre të bëhen sinonimet e së ligës, ata do të jenë të qetë.

Njësoj si të 40-tët e Ali Babës do të vazhdojnë duke vrarë në mënyrat e tyre, për të mbushur një shpellë me pasuri aq të madhe që ndoshta nuk do arrijnë ta shpenzojnë kurrë, por që si tërë vrasësve tashmë u pëlqen më shumë procesi i të vrarit, sesa shijimi i presë.

Marksi pat pas thënë diçka për këtë, por meqë jemi kohë vere, mund ta shtyjmë rrëfimin për në numrin tjetër.

*Revista KLAN

SHISH PËRGJON RRJETËT SOCIALE

Ndryshimi i kreut të Shërbimit Informativ Shtetëror duket se ka sjellë rezultatet e para në një prej sektorëve më të rëndësishëm të shërbimeve sekrete, siç janë përgjimet.

Kjo strukturë nuk do të quhet më sektor, por një autoritet përgjegjës për përgjimet e ligjshme elektronike, çka reflekton rolin që do të marrë tashmë zyra e përgjimeve që funksionon pranë shërbimeve sekrete.



Një fakt i tillë theksohet në vendimin e djeshëm të qeverisë për miratimin e ndryshimeve në ligjin për përgjimet, por edhe në relacionin e firmosur nga ministri i Inovacionit, Genc Pollo.

Sipas vendimit të qeverisë thuhet se, përveç emërtimit të ligjit për përgjimet, ndryshon edhe emri i strukturës përgjegjëse. “Sektori i përgjimeve në SHISH”, zëvendësohet me “Struktura Përgjegjëse e Përgjimeve në SHISH”, – thuhet në VKM. Ky ndryshim i emërtimit, sipas relacionit bashkangjitur propozimeve, lidhet me ndryshimet strukturore të Shërbimit Informativ Shtetëror, por pa dhënë shpjegime të detajuara. Më tej sqarohet se këto ndryshime pasojnë një proces të gjerë konsultimi, ku janë diskutuar amendimet e propozuara dhe qëndrimet ndaj kërkesave të institucioneve implementuese si SHISH dhe ato të operatorëve.

Ndryshimet e fundit ligjore, përveç përgjimeve të telefonatave përfshijnë edhe komunikimet elektronike, si e-mailet, apo komunikimet në rrjetet e ndryshme sociale si Skype apo Facebook. Për të realizuar këtë proces, institucionet përgjegjëse për kryerjen e përgjimeve të ligjshme kërkojnë ndihmën e operatorëve që ofrojnë shërbime elektronike, të tilla si kompanitë e shpërndarjes së internetit, të cilat kanë detyrimin ligjor për të bashkëpunuar.

SHISH

“Sipërmarrësit e komunikimeve elektronike realizojnë me shpenzimet e tyre infrastrukturën e nevojshme në rrjetin e tyre të komunikimeve elektronike, për të siguruar brenda 180 ditëve nga marrja e kërkesës nga institucionet që administrojnë sisteme përgjimi sipas këtij ligji, aftësinë përgjuese ndaj përdoruesve që shfrytëzojnë shërbimet e komunikimeve elektronike të ofruara prej tyre”, – thuhet në një prej pikave që i shtohet ligjit për përgjimet e ligjshme.

SHIU

Në rast se kompanitë nuk do të ofrojnë bashkëpunim dhe informacionin e kërkuar nga autoritetet përgjegjëse, atëherë Autoriteti i Komunikimit Elektronik dhe Postar do të marrë masa sikundër parashikohet në ligj. Po ashtu, ndryshimet e fundit ligjore në ligjin për përgjimet e komunikimit elektronik parashikojnë shtimin e institucioneve që kanë kompetenca ligjore të kryejnë përgjime. Krahas Shërbimit të Kontrollit në Ministrinë e Brendshme, ligji i ri i jep kompetenca edhe SHKB-së së Burgjeve të kryejë përgjime.

Në relacionin e ministrit Pollo thuhet se ky ndryshim është propozuar nga Ministria e Drejtësisë, si nevojë e ndryshimeve të fundit ligjore. “Në nenin 4 të projektligjit është parashikuar që në nenin 10 të ligjit ekzistues të përfshihet dhe Shërbimi i Kontrollit të Brendshëm të Burgjeve në Ministrinë e Drejtësisë, përkrah seksionit të përgjimeve të Policisë së Shtetit dhe të Shërbimit të Kontrollit të Brendshëm në Ministrinë e Brendshme. Ky ndryshim është propozuar nga Ministria e Drejtësisë”, – thuhet në relacion.



Më tej ndryshimet e fundit ligjore i japin kompetencë Prokurorit të Përgjithshëm që, për shkak të nevojave të hetimit në çështje të veçanta të urdhërojë realizimin teknik të procesit të përgjimit nga prokuroritë pranë gjykatave të Shkallës së Parë dhe nga prokuroria pranë Gjykatës së Shkallës së Parë për Krime të Rënda. Në Prokurorinë e Krimeve të Rënda tashmë është ndërtuar një zyrë e posaçme përgjimi, për shkak të specifikës që ka kjo prokurori në hetimin e veprave penale, si trafiku i drogës apo grupet e organizuara kriminale.

Përgjimet, tashmë edhe nga SHKB e Burgjeve

Në nenin 4 të projektligjit është parashikuar që të përfshihet dhe Shërbimi i Kontrollit të Brendshëm të Burgjeve në Ministrinë e Drejtësisë, përkrah seksionit të përgjimeve të Policisë së Shtetit dhe të Shërbimit të Kontrollit të Brendshëm në Ministrinë e Brendshme.



Ky ndryshim është propozuar nga Ministria e Drejtësisë, si nevojë plotësimi pas ndryshimeve të bëra në ligjin 9157 dt. 4.12.2003, me ligjin 10172 dt. 22.10.2009. Nga ana tjetër, projektligji ridimensionon sektorin e përgjimeve në Shërbimin Informativ Shtetëror dhe i jep më shumë akses prokurorisë të kryejë përgjime në raste të hetimit të krimit të organizuar apo veprave penale që lidhen me korrupsionin.

Projektligji i përgjimeve

1- Sipërmarrësit e komunikimeve elektronike realizojnë, me shpenzimet e tyre, infrastrukturën e nevojshme në rrjetin e tyre të komunikimeve elektronike, për të siguruar, brenda 180 ditëve nga marrja e kërkesës nga institucionet që administrojnë sisteme përgjimi sipas këtij ligji, aftësinë përgjuese ndaj përdoruesve që shfrytëzojnë shërbimet e komunikimeve elektronike të ofruara prej tyre.”.

2- Kur sipërmarrësit e komunikimeve elektronike bëjnë çdolloj ndryshimi teknologjik ose zgjerim kapaciteti, detyrohen të mbulojnë me shpenzimet e veta vazhdueshmërinë e funksionimit të procesit të përgjimit.”.

3- Prokurori i Përgjithshëm, për çështje të veçanta, për nevoja të hetimeve paraprake, sipas procedurave të përcaktuara në nenet 221 deri 226, të Kodit të Procedurës Penale, urdhëron realizimin teknik të procesit të përgjimit nga prokuroritë pranë gjykatave të shkallës së parë dhe nga prokuroria pranë gjykatës së shkallës së parë për krime të rënda.”.

Ish-kryetari i Shërbimit Informativ Shtetëror (SHISH), Fatos Klosi, deklaroi , se ish lideri i Serbisë, Sllobodan Millosheviç ka rekrutuar me dhjetëra agjentë në Shqipëri të niveleve të ndryshme, deri tek zyrtarët e lartë. 

Duke mos preferuar të lakojë emra, ish-kryeagjenti i Shqipërisë, Fatos Klosi, pohoi gjithashtu se ish-Jugosllavia ka pasur një forcë dhe ndikim të padiskutueshëm në Ballkan, e cila i ka krijuar mundësitë për të rekrutuar një numrë të madh agjentësh.

Ai këto komente i bëri pas lajmit të publikuar nga një e përditshme bullgare, se ish-presidenti serb Sllobodan Millosheviç, ka pasur rreth 2100 agjentë në të gjithë vendet e Ballkanit, përfshirë këtu edhe Shqipërinë.

"Ish-Jugosllavia ka patur një ndikim të padiskutueshëm në Ballkan. Sigurisht që regjimi i diktatorit të Serbisë, ka pasur agjentë edhe në Shqipëri. Madje, mund të them se ishin me dhjetëra. Duke pasur një pushtet të madh ekonomik dhe politik, Millosheviçi ka rekrutuar agjentë në të gjitha vendet e Ballkanit, përfshi edhe Shqipërinë. Sigurisht që agjentët e Stij në Shqipëri kanë qenë të niveleve të ndryshe, pa përjashtuar as zyrtarë të niveleve të larta. Shërbimi Informativ Kombëtar, sot Shërbimi Informativ i Shtetëror, ka vëzhguar një pjesë të këtyre personave", dekalroi ish Shefi i Shrëbimit Informativ Shtetëror, Fatos Klosi. 

Në atë që u publikua dje nga e përditshmja bullgare, thuhej se agjentët e ish-Jugosllavisë në Ballkan kishin qënë të shumtë, ku Kosova përbënte numrin më të madh me 700 të tillë.

Kush e bën tregtinë me serbë? Imami dhe Damir Fazlliç vjet gjatë një takimi miqësor

Kush e bën tregtinë me serbë? Imami dhe Damir Fazlliç vjet gjatë një takimi miqësor

Ministri i Mbrojtjes tha se nuk ka mundësi trafiku në një vend të NATO-s. Ai madje e akuzoi opozitën se është amatore që bën të tilla akuza

Duket si një lojë fjalësh, por nuk është tamam kështu. Tanimë për këtë qeveri nuk ka asnjë përgjigje tjetër për aferat përveçse duke fajësuar opozitën se janë njësoj. “Jam i korruptuar? Edhe ti”, “jam kriminel, po pse ti jo?”.

Në këtë mënyrë ka reaguar edhe ministri i Mbrojtjes, Arben Imami kur u akuzua për tregti armësh me serbë. Tha se opozita vetë ka interesa tek biznesi serb i tregtisë së armëve.

Kurse sot doli në piskun e vapës përpara medias, dhe kur u pyet se a ka përgjuar opozitën, tha se është kjo e fundit që po i përgjon, duke marrë informacione për Ministrinë e Mbrojtjes në mënyrë të paligjshme.…

Qeveria nis dhe një kontroll fiskal.…

Gjithçka si më parë. Qeveria e 2012 vazhdon të sillet ndaj shtypit të lirë si ajo e 20 viteve më parë. Ose më mirë, për të qenë më të saktë, mund të themi se tani është më keq. Pas vetëm shtatë muajsh nga lindja gazeta jonë, Shqiptarja. com po përballet me sulmin e drejtpërdrejtë të Shtetit. Nuk mjafton bojkotimi i reklamave shtetërore, që institucionet e kontrolluara nga Qeveria Berisha vendosin të publikojnë vetëm në gazetat proqeveritare, pra jo në tonën. Nuk mjaftojnë as favoret me konçensione liçencash, tendera publikë, që shteti… u jep pa asnjë skuqje faqeje botuesve që i shërbejnë Qeverisë. Pas tentativave për të mbytur ekonomikisht shtypin e lirë duke hequr çdo lloj financimi, Qeveria nis dhe një kontroll fiskal. Vetëm 7 muaj nga lindja, sot inspektorët tatimorë po kontrollojnë bilancet e Shqiptarja.com.

Mbërritën dje paradite, të dërguar nga Lulzim Basha (në muajt e parë të saj gazeta ishte biznes i vogël dhe bën pjesë në kompetencat fiskale të Bashkisë). Basha është një kryebashkiak mik me disa botues, mik i veçantë deri në atë pikë sa këta botues pas zgjedhjes së Lulit, janë vetëshpallur “padronët e vërtetë të Bashkisë”. Aq miq, saqë, kur Shqiptarja.com i kërkoi një intervistë, u përgjigj me buzëqeshjen e zakonshme të ngrirë se “nuk mund të pranonte, pasi botuesi tjetër mund të inatosej”. Pra, ky urdhër i Bashës nuk është vetëm një kontroll politik: Eshtë një veprim konkurrence të pandershme. Shteti ndërhyn në tregun e lirë duke tentuar të penalizojë një biznes, për të favorizuar një tjetër.

Inspektorët e Bashës mbërritën në zyrat tona me kërkesën për të paraqitur një listë të gjatë dokumentash: dokumenti i blerjes, dokumenti i shitjes, libri i blerjeve, libri i shitjeve, libri i inventarit, libri i shpenzimeve dhe të ardhurave, libri i aktiviteteve, faturat, kuponat, dëftesat tatimore etj. etj. Deri dhe kërkesa qesharake për të verifikuar nëse kemi vendosur tavolina në tokë publike dhe sa tavolina kemi vendosur. Sikur gazeta të ishte një kafene.

Nuk është gjë e çuditshme që një biznes t’i nënshtrohet kontrollit fiskal; zakonisht kontrollet bëhen për 5 vitet e fundit të aktivitetit. Çudia qëndron në faktin se kontrolli tatimor bëhet në një biznes të sapolindur, pa i dhënë as kohën të mbushë vitin e parë të jetës. Basha vë në lëvizje dy inspektorë për të kontrolluar 7 muajt e parë të aktivitetit tonë. Nëse një investitor është i pavarur, i japin mirëseardhjen me një kontroll fiskal: Një armë e pandershme për të goditur mediat e lira dhe bizneset konkurruese.

Këto javë ekspertët e Bashkimit Europian po shkruajnë raportin mbi Shqipërinë dhe mbi hapat që ka bërë drejt integrimit. Një nga kapitujt më të nxehtë, i nënvizuar nga Brukseli, është pikërisht respektimi i lirisë së shtypit. Edhe OSBE po ndjek me interes të madh gjendjen e mediave shqiptare dhe veçanërisht sjelljen e Qeverisë dhe të institucioneve publike ndaj mediave të pavarura. Shtetet e Bashkuara dhe ambasada e saj në Tiranë, janë gjithashtu gjithmonë të vëmendshëm ndaj këtij problemi.

Nuk janë të shumta mediat e pavarura në Shqipëri dhe me krenari e themi se ne jemi mes pak mediave të pavarura që kanë mbetur. Do t’i mbajmë të informuar mbi mbarëvajtjen e peripecive tona, jo sepse kemi frikë (i paguajmë taksat deri në qindarkën e fundit dhe respektojmë ligjin), por sepse kërkojmë që principi universal i lirisë së shtypit të vlejë konkretisht edhe në Shqipëri si një e drejtë elementare për të qëndruar një shtyp i lirë. I lirë nga presionet, nga kërcënimet e shantazhet.

Një kompani private shqiptare e cila është e specializuar në tregtimin e paisjeve të sigurisë ka ndërmjetësuar blerjen e aparaturës së përgjimit për SHIU-n në vitin 2010. Burime nga Ministria e Mbrojtjes thanë se Shërbimi Informativ Ushtarak ka pajtuar këtë kompani shqiptare me një kontratë të drejtëpërdrejtë për blerjen jashtë vendit të një aparature përgjimi të tipit “CDMA Interceptor”. Kompania shqiptare mësohet se ka ofruar më pare aftësitë e saj për të siguruar në tregjet ndërkombëtare aparatura me përdorim të kufi zuar edhe për institucione të tjera shtetërore, si prokuroria apo policia.

Në rastin konkret kjo kompani e ka bërë blerjen tek një kompani partnere amerikane e cila quhet “Verint Technologies”. Kjo e fundit ka disa filiale nëpër botë dhe kompania shqiptare lidhjet e saj i ka me filialin izraelit të kompanisë “Verint”. Aparatura e përgjimit “CDMA interceptor” është blerë në Izrael, ajo madje edhe është prodhuar në Izrael nën logon e “Verint”. Aparatura bën pjesë në formatin e teknologjisë së lëvizshme të përgjimit me rreze të kufizuar. Kjo aparaturë në thelb është një kompjuter I cili ka të instaluar një sërë programesh që mundësojnë dekodimin dhe regjistrimin zanor të bisedave telefonike në një rreze prej 300 metrash.

Aparatura qëndron e mbyllur në një valixhe ndërsa pjesë e valixhes janë edhe dy antenat, hyrëse dhe dalëse të cilat bëjnë të mundur kapjen e sinjalit të telefonit të përzgjedhur si dhe më pas lëshimin e sinjalit të këtij telefoni në antenat e kompanisë celulare pasi është kryer regjistrimi. Aparatura në fjalë është e pajisur edhe me një program që mundëson dekriptimin e sms-ve të dërguar ose të marrë nga telefoni I përzgjedhur dhe nën survejim, ndërsa edhe për telefonatat por edhe për sms-të regjistrimi dhe dekriptimi bëhet në kohë reale dhe me një shpejtësi shumë të lartë dhe të dhënat ruhen në memorien e aparaturës nga ku më pas mund edhe të dëgjohen ose të lexohen. (r.d/shqiptarja.com)

Shkrimin e plotë “Përgjimi 400 mijë USD për ambasadat dhe opozitën” e gjeni sot në Shqiptarja.com (varianti i printuar)

An overview of features and usage of Albanian verbs The art of conjugation

Titulli: An overview of features and usage of Albanian verbs
The art of conjugation

A modern Reference For Students, Teachers & Scholars
(With Exercises and answers to exercises)
Data CD is included in the price of the book

Autoret: Batjar H. Bega & Sokol B. Bega
Printuar ne Shqiperi nga: "Pegi"
Tirana, 2007
Pesha: 0.41 Kg.
Introduction
The Albanian verb is arguably the most difficult part of the language to master for foreign students. Until now, a practical, clear, and succinct explanation of verbs in Albanian hasn't existed.

Books already in existence were far too complicated for the average language learner, or had no practical features, such as tables and especially exercises.

The aim, then, of this book is to fill the gap and provide students and language researchers with such a book, at once useful as well as easy to understand.

Part One deals with all particular features of verbs in Albanian.

Part Two goes into more detail regarding Albanian verbal conjugation patterns. In addition, you will find a list of the most common Albanian verbs and 101 verb patterns.

Part Three includes a list of verbs with reference to their group classification, and referred to verb pattern number.

Part Four consists of Exercises for the language student; the Answers to which are in Part Five.

This book is, to some degree, a continuation and an integral part of the text-book "Let's Learn Albanian" (A Modern Reference Grammar for Students), printed by "Pegi", 2005, Tirana/Albania, which we recommend as a text-book for self-study of Albanian.

Again, we express our wish that this book might be a useful tool for all who are learning Albanian, and especially, for those who think that the Albanian verbs seem "Greek".

This book is not error-free, and we take the responsibility for all errors. Corrections will follow in the next edition.

Please, don't hesitate to let us know your comments and suggestions in regarding this book.

Thanks!

Batjar H. Bega
&
Sokol B. Bega March, 2007

Shënim: Ky titull bën pjesë në listën me librat & autorët më të shitur për vitin 2009.

Harry Potter dhe kupa e zjarrit

Titulli: Harry Potter dhe kupa e zjarrit
Roman për fëmijë
Autori: J.K. Rowlling
Shqipëroi: Amik Kasoruho
Shtëpia botuese: Dituria
Viti: 2006
f. 560
Pesha: 0.69 kg
ISBN: 99927-59-26-7




Në Turneun e Kupës së Tri Magjistarëve, Harrit i duhet të luftojë kundër dragonjve, kundër kafshëve të ujit dhe më në fund të bjerë në duart e Fluronvdekjes.
Seria "Harry Potter"
Në verën e vitit 1990, gjatë një ndalese në një stacion treni, përgjatë rrugës nga Mançesteri në Londër, asaj i lindi ideja e krijimit të një djali, i cili zbulon papritur aftësi të çuditshme. Por u deshën shtatë vjet që ideja të bëhej libër. Librat e Harri Poterit janë bërë një fenomen letrar ndërkombëtar. Harri ka pushtuar faqet e para të gazetave dhe ka zgjuar dashurinë për leximin në një brez të tërë. Ritmi i shpejtë, personazhet e paharrueshme, drama e përsosur, i bëjnë këta libra kryevepra absolute, të dashura për fëmijët dhe për të rriturit. Tashmë, librat e Harri Poterit kanë hyrë në histori. Cili është sekreti i tyre? Ai u ofron fëmijëve të mijëvjeçarit të ri, shpesh të vetmuar, të pasigurt, plot e përplot me frikëra, një derë të magjepsur, përmes së cilës mund të parafytyrosh një të ardhme të mundshme ku të zhvillosh cilësitë e tua të papritura. Në ndeshjen midis të mirës dhe të keqes, Harri fiton mbi të keqen sepse është i zgjuar, por, mbi të gjitha, fiton sepse është njerëzor.

Libri i parë: Harry Potter dhe Guri Filozofal
Libri i dytë: Harry Potter dhe dhoma e të fshehtave
Libri i tretë: Harry Potter dhe i burgosuri i Azkabanit
Libri i katërt: Harry Potter dhe kupa e zjarrit
Libri i pestë: Harry Potter dhe urdhri i feniksit
Libri i gjashtë: Harry Potter dhe princi gjakpërzier
Libri i shtatë: Harry Potter dhe dhuratat e vdekjes

Mbi autoren
Joane K. Rowling, ka lindur më 1965 në Chipping Sodbury, Angli, nga prindër londinezë. Shkrimtarja është diplomuar për letërsi dhe filologji franceze. Në moshën 6-vjeçare filloi të shkruajë një histori të quajtur Lepuri të cilën nuk e përfundoi asnjëherë. Në tetor të vitit 1992 ajo u martua me një gazetar të televizionit portugez, Jorges Arantes. Nga kjo martesë lindi vajza e saj, Xhesika. Tashmë ajo bashkë me të bijën jeton në Edinburg dhe është një nga gratë më të pasura në Mbretërinë e Bashkuar.

Shënim: Ky titull bën pjesë në librat & autorët më të shitur për vitin 2009.

Let's learn Albanian, A comprehensive Course of Albanian Language

Titulli: Let's learn Albanian, A comprehensive Course of Albanian Language (Edicioni i trete)
A modern reference for Students, Teachers and Scholars
With answers to selected exercises
Edicioni i tretë - 2011
Autoret: Batjar Bega & Sokol Bega
Printuar në Shqipëri nga: MediaPrint
Viti: 2011
Fq. 488
Pesha: 0.94 Kg.
ISBN: 978-9928-08-029-5
Note: Audio CD included in the price of the book
SAPO KA DALË EDICIONI MË I RI!


Preface by the authors
Writing such a book has been a long intention of ours. It has also been a great desire of some of our friends who have continuously urged us to start and finish this work.
"Let's Learn Albanian" is designed to give practical knowledge of both spoken and written standard Albanian. The course is ideal for beginners and for those who want to deepen and consolidate their language knowledge. This course can be used for self-study or by those learning with a class. It is hopped that by the end of this course, the students have the confidence to effectively communicate in Albanian. This book may be a useful resource to Albanians that live and work abroad, who wish to keep Albanian alive, or to study and learn Albanian as a second language.
This one is a new revised and updated edition. As you may notice, there are big changes, if compared with the first edition ("Pegi", 2005, Tirana/Albania). Emphasis is given to nouns (indefinite and definite, singular and plural), in which area, students find difficulties, to cases, to usage and features of i, e, të, së proclitic articles, etc. Because of these big changes, this edition cannot be used alongside with the edition of 2005.

This course contains 52 lessons. Clear and comprehensive explanations of grammatical aspects of Albanian, and a wide variety of exercises
with answer keys, make this course a very useful tool for students having different levels of education.

First of all, the students will be introduced to the Albanian alphabet, to phonetic features of Albanian sounds (vowels, consonants, diphthongs), stress, intonation, etc.

Particular attention has been given to the explanations of grammatical categories, such as, noun, verb, adjective, adverb, preposition, etc.

"Albanian Grammar at a Glance", as a special section, will help students learn the grammar of the Albanian language, and become familiar with grammatical categories, terms and grammar explanations of Albanian used in this course. On the other hand, it will help the students remember all what they have learned in school regarding grammar. After the grammar section, the students is given a verb list according to the verb conjugation groups.

A list of more than 800 most frequently used words is placed just after the grammatical terms. The students will get a list of antonyms (Albanian-English), and a list of some common idiomatic expressions (Albanian-English).

Answers to selected exercises can be found at the back of the book.
Finally, the students is given an up-to-date vocabulary (about 1,200 words), regarding words which appear in every new lesson, and words used throughout this course.

We also recommend students to refer to "Albanian Verbs" (The art of conjugation: An overview of features and usage of Albanian verbs),
printed by "Pegi", 2007, Tirana/Albania, which, to our opinion, might be very helpful for students, teachers and scholars who study and make researches regarding the Albanian language.
This book is not error-free, and we take responsibility for the errors. For further information and comments, please contact us.

Batjar H. Bega & Sokol B. Bega
December, 2007

Shënim: Ky titull bën pjesë në listën me librat & autorët më të shitur për vitin 2009.

Sleeping arrangement

Titulli: Pushime në vilë
Origjinali: Sleeping arrangement
Gjinia: Roman
Autori: Sophie Kinsella
Shqipëroi: Erblina Kërçishta
Shtëpia botuese: Dituria
Viti: 2012
Fq. 248
Pesha: 0.31 kg
ISBN: 978-9928-103-42-0

Kloja ka me të vërtetë nevojë për pushime. Nuk mund të vazhdojë të stilojë më fustane nusërie, aq më tepër që vetë nuk është martuar. Dhe, është në një moment shumë delikat, sepse Filipi, me të cilin bashkëjeton, po kalon një periudhë të vështirë në punë dhe nuk mendon për asgjë tjetër. Dhe ja më në fund një rreze drite: një nga më të afërmit miq të saj, Gerardi, i ofron vilën e tij të mrekullueshme në Spanjë, ku mund të kalojë disa ditë në paqe...

Hjuja nuk është i lumtur. Amanda, gruaja e tij që s'ka të sharë, duket më tepër e interesuar për ngjyrën e mureve të apartamentit të tyre luksoz sesa për atë vetë, ndjaj Hjusë s'i mbetet tjetër veçse të punojë nga mëngjesi në mbrëmje. Por Gerardi, një shok i vjetër shkolle, të cilin e ka ritakuar rastësisht, i jep mundësinë ta thyejë këtë rutinë të mërzitshme duke i ofruar disa ditë pushime në shtëpinë e tij në Spanë...

Ideale! Dhe kështu Kloja dhe Hjuja, së bashku me familjet e tyre, gjenden në të njëjtën kohë, në të njëjtin vend, duke zbuluar shumë të zhgënjyer se Gerardi i ka ftuar në vilë njëkohësisht. Fillimisht habiten, pro pastaj janë të detyruar t'i kalojnë ditët mes shqetësimesh të vogla, por mbi të gjitha mes tensonesh të fshehta. Sepse Kloja dhe Hjuja kanë një të shkuar të përbashkët, një e shkuar që zbulohet befas gjatë pushimeve që do të nxjerrin në pah mjaft të papritura dhe surpriza.

Tropic of Cancer

Titulli: Tropiku i Kancerit
Origjinali: Tropic of Cancer
Gjinia: Roman
Autori: Henri Miller
Shqipëroi: Shpëtim Myshketa
Shtëpia botuese: Globus R.
Viti: 2011
Fq. 320
Pesha: 0.40 kg
ISBN: 978-99956-90-44-1

"Kur u shfaq romani i Henri Millerit "Tropiku i Kancerit", pati vetëm pritje përgëzuese të përkora, pa mëdyshje të kushtëzuara nga frika e dukjes së tyre si dashurues të pornografisë. Ndër ata që e lavdëruan ishin T. S. Eliot, Herbert Read, Aldous Huxly, John Dos Passos, Ezra Paund. Nxehtësisht ia rekomandoj cilitdo që të lexojë, të paktën, romanin "Tropiku i Kancerit". Edhe pse disa nga pjesët e tij do t'ju skandalizojnë, ai do të mbetet i ngulitur në kujtesën tuaj."

George Orwell

"Tropiku i Kancerit" është një ngjarje e rëndësishme në historinë e letërsisë moderne."

Samuel Beckett