Zëri i Amerikës habitet me Bujar Nishanin

Takimi i kësaj të diele i presidentit të Shqipërisë tek shkallët e avionit, mund të jetë më i çuditshmi që ndonjë kryetar shteti i ka lejuar vetes.

Në agjendën e takimeve zyrtare të sekretarit amerikan të Shtetit John Kerry gjatë ditës së djeshme në Tiranë, ishin fiksuar vetëm takimet me kryeministrin Edi Rama dhe me kreun e opozitës Lulzim Basha. Por presidenti i Republikës Bujar Nishani, i surprizoi të gjithë kur u shfaq në shkallët e avionit në Rinas. Gazeta Tema raporton se Zëri i Amerikës e ka konsideruar si “një gjest i pazakontë nga pikëpamja protokollare”.

Kerry dhe Nishani biseduan në këmbë për rreth 5 minuta, ku i pranishëm ishte edhe ambasadori Donald Lu. Më pas, Kerry i dha dorën e “ndarjes” presidentit, çka do të thotë se takimi i tyre përfundonte aty. Pas kësaj, eskorta e shefit të diplomacisë amerikane u nis drejt Tiranës.

Këto janë masakrat greke ndaj popullit shqiptar të Çamërisë

Nehat SHAQIRI

Duke shfletuar literaturë rreth tragjedisë së shqiptarëve pas shpalljes së Pavarësisë së Shqipërisë me 28 Nëntor 1912, kësaj radhe, me pak fjalë do të ndalëm rreth tragjedisë së Çamëve, të cilët, sikurse edhe populli shqiptar i Kosovës, që kishte përjetuar të njëjtat vuajtje; u dogjën dhe u pjekën në të njëjtin zjarr.

Ashtu edhe populli shqiptar i Çamërisë u përdorë nga të huajt si dhuratë për këlyshët e fuqive të mëdha të kohës. “U sunduan, u robëruan dhe u persekutuan, si në të kaluarën, ashtu edhe sot. Se loti i Çamit është i njëjtë me lotin e kosovarit, me ç’rast Çamët përjetuan të zitë e ullirit nga bishat greke (lë të më falin bishat e malit për nënçmim) dhe ato serbo-sllave”, thekson sociologu Agim Curri.
Menjëherë pas shpalljes së Pavarësisë së Shqipërisë, njëjtë sikurse sllavët, ashtu edhe grekët iu përveshën punës për shkombëtarizimin e krahinës së Çamërisë.

I masakruan dhe i djegën në furrë

“Që nga fillimi i Luftës së Parë Botërore dhe në vazhdimësi; grekët dogjën, grabitën pasuri dhe vranë e masakruan popullatën e pafajshme Çame, vetëm pse ishin shqiptarë. Në Prill të vitit 1913 Fuad Prronjua, Subhi Dinua dhe Alush Gjyseli ishin djegur në furrë të druve për së gjalli; kurse në Dhjetor të po këtij viti, kinse të kërkuar nga Guvernatori i Janinës, 75 Çamë nga Paria e Çamërisë u masakruan pabesisht në një prua të fshatit Selan. Midis viktimave të asaj masakre ishin edhe Mehmet Kasiqani, Resul Ceno, Sadush Dino, Adem Bedeleni, Fejzo Neziri, Isuf Bezhani, Malo Kasemi dhe vëllezërit Refik e Hajro Tahiri. Gjatë kësaj periudhe kohore ka pasur me mijëra masakra të tilla të cilat urdhëroheshin nga koloneli i atëhershëm grek – Evitis dhe ekzekutoheshin nga xhelatët Delijanaqi dhe Harillagoj”, thotë Curri.
Ai pohon se, kjo masakër mbi popullatën Çame ishte vetëm njëra nga masat e grekëve që u përdorën për shkombëtarizimin e Çamërisë. Kjo masakër aplikohej vetëm mbi popullatën myslimanë. Mënyrë tjetër e shkombëtarizimit të Çamëve aplikohej mbi popullatën Çame me fe ortodokse.

Dëbimi i shqiptarëve nga Çamëria

“Numri i këtyre me fe ortodokse ishte rreth 60 mijë. Për arsye së ishin ortodoksë, duhej që patjetër të quhen grekë. Për të ia arritur këtij qëllimi u mobilizua propaganda më e madhe fetare e kishës greke e përcjellë edhe me persekutime për ata që nuk u bindeshin urdhrave të kishës dhe të qeverisë. Më vonë, pra pas një periudhe kohore, grekët duke e shfrytëzuar Traktatin e Lozanës që bënte fjalë për shkëmbim të popujve turko-grekë; u vërsulën mbi popullatën myslimane të Çamërisë dhe me dhunë sistematike i dëbuan rreth 62 mijë Çamë myslimanë duke i depërtuar në brigjet e Anadollit. Pasi që edhe me aplikimin e këtyre masave nuk u arrit qëllimi, atëherë grekët vuan në veprim masën e persekutimeve prej më të ndryshmeve, duke filluar me grabitje të pasurisë dhe burgime e deri të likuidimet fizike. Këto metoda barbare i detyruan shumë Çamë që të arratiseshin për në Shqipëri, apo edhe të emigrojnë në vende të ndryshme të Evropës dhe të Amerikës”, pohon ai.
Ai thekson se, Qeveria greke në atë kohë, (por edhe sot) Çamëve nuk u lejonte as shkolla shqipe dhe kurrë nuk i trajtojë si qytetarë të barabartë, ata që mbetën të jetojnë në krahinën e Çamërisë. Sipas ligjeve greke, Çamët nuk kishin kombësi dhe prejardhje dhe si të tillë duheshin zhdukur nga faqja e dheut.

Masakrimet vazhdojnë…

“Rasti më i volitshëm për eliminimin e Çamëve, u erdhi grekëve kah mbarimi i LDB-s. Me të përfunduar LDB-ja grekët u sulën si bisha mbi popullatën e Çamërisë. Më këtë rast, krimineli i famëkeq grek – ZERVAS i urdhëroj bandat që ai i komandonte, që të masakronin pa fije mëshire popullatën myslimanë të Çamërisë. Në vitin 1939 grekët vranë dhe torturuan hoxhë Mehën i cili në atë kohë ishte myfti i Filatit. Ky masakrim më vonë vazhdojë me vrasjen e Idriz Dulës dhe dy djemve të tij, të cilët qenë të detyruar që të hapin më parë varrin e tyre dhe pastaj i ekzekutuan duke i varrosur njërin mbi tjetrin; kurse myftiu i Paramithisë ishte djegur brenda në shtëpi së bashku me djalin dhe vajzën e tij. Më vonë, në Parga ishin ekzekutuar 64 burra në të njëjtën kohë duke i varrosur në një gropë të përbashkëte. Kjo masakër ishte bërë në krahinën e Çamërisë dhe me mijëra e mijëra Çamë tjerë gjejnë vdekjen e tyre tragjikisht brenda një kohe shumë të shkurtër”, thotë sociologu.
Sociologu Agim Curri, thekson se ajo tragjedi dhe ajo masakër që bënë grekët në Çamëri është një nga tragjeditë dhe masakrat e më të papërshkruara dhe më të pashembullta në botë. Mënyra me të cilën grekët bën për shfarosjen e popullatës Çame, ka si shembull vetëm krimet që bënë nazistët.

Gratë të veja, fëmijët jetim

“Sot, grekët rrahin gjoks duke pretenduar së bota ka marrë qytetërimin nga ata. Mirëpo, duke folur kështu, grekët harrojnë së janë të zhytur deri në gjunjë në gjakun e derdhur nga popullata Çame e martirizuar me metodat dhe mjetet me barbare, që ndonjë herë ka njohur historiografia njerëzore. Gjithashtu edhe vajtimet e nënave Çame që kishin humbur djemtë e tyre, të qarat e motrave që kishin humbur vëllezërit e tyre, lebetitjet e grave që kishin mbetur të veja dhe thirrjet e fëmijëve që kishin mbetur jetim; ngritën gjërë në qiell, duke u thënë grekëve: JOOO! Ju nuk jeni të qytetëruar as për vete! Ju jeni barbarë e gjakatarë! Është Çamëria ajo që tregon veprën tuaj mizore. Si përfundim mund të nxjerrim këtë konkludim: Sikur që Helenët e vjetër të ngritëshin nga varri e të shihnin dhe dëgjonin mbi tragjedinë e Çamërisë; ata do të turpëroheshin dhe do të mohonin së janë stërgjyshërit e tyre prej mijëra vjetësh”, thotë Curri.

Lidhjet e famshme romantike që ndryshuan historinë

A mundet dashuria të ndryshojë botën? Mundet! Në të mirë a në të keq, me dhunë apo me shkencë, me ligj apo me fe, këto lidhje romantike ndryshuan rrjedhën e historisë.

1 – Kleopatra dhe Mark Antoni

Kleopatra e Egjiptit është e njohur për fuqitë e saj legjendare të joshjes dhe ndërtimit të aleancave.

Lidhja e saj e fundit, romantike dhe politike me gjeneralin romak Mark Antoni solli vdekjen e të dyve dhe rrëzimin e dinastisë së Ptolemeut së cilës ajo i përkiste.

Pas luftës që i shpallën Oktavianit, ishte ky i fundit që e mposhti Antonin në Betejën e Aktiumit në Aleksandri. Mark Antoni pasi e keqinformuan se Kleopatra kishte vdekur, qëlloi veten me shpatën e tij dhe kreu vetëvrasje.

Të njëjtën gjë bëri edhe Kleopatra në dhomën e saj të gjumit duke e lënë Oktavianin të shijonte pushtimin e Egjiptit.

2 – Henri VIII dhe Anne Boleyn

Ndërsa historianët e pranojnë që ishin një sërë faktorësh ata që e transformuan Anglinë në një shtet protestant, pasioni intensiv i Henrit VIII dhe gruas së tij karizmatike Anne Bolyen në mënyrë fare të qartë kishin gisht në këtë punë.

Pas ndarjes nga bashkëshortja e parë e njohur Katerina e Aragonit pasi nuk arriti t’i jepte një trashëgimtar mashkull, u martua në fshehtësi në vitin 1533 duke thyer rregullat e Kishës Katolike Romake dhe duke e shpallur veten kreun e Kishës së Anglisë menjëherë pas kësaj.

Po ashtu si me gruan e parë, edhe dashuria për Anne filloi t’i zbehej mbretit, pasi edhe ajo nuk po i jepte një trashëgimtar mashkull, kështu që ai e arrestoi dhe e dënoi me prerje koke.

Martesat e mëvonshme të Mbretit Henri VIII ishin ato që e dobësuan mbretërinë derisa në krye erdhi Elisabeta I, vajza e Henrit me Anne, kur u themelua dhe kisha protestante.

3 – Pierre dhe Marie Curie

Kur Marie Sklodovska u martua me Pierre Curie në vitin 1895, çifti formoi një partneritet të jashtëzakonshëm që mori famë dhe ndikim në brezat ndërkombëtare të shkencëtarëve.

E lindur në Poloni, brilantja Marie u diplomua në fizikë e matematikë, në Paris ku takoi Pierre Curie, një fizikant e kimist të njohur francez, 8 vjet më të madh se ajo.

Çifti menjëherë shprehu interesin e përbashkët për magnetizmin, dhe një vit më vonë ata u martuan.

Për temën e saj të doktoraturës, Marie Curis filloi të studionte mbi rrezet e uraniumit. Pierre iu bashkua në kërkim. Një vit pas ardhjes në jetë të vajzës së tyre Irene, çifti zbuloi poloniumin dhe radiumin. Në vitin 1902 ata arritën me sukses të izolojnë kripërat radiokative të radiumit nga mineralet. Vitin që pasoi, çifti fitoi çmim Nobel në fizikë.

4 – Car Nikolla II dhe Aliks

Në mes të trazirave revolucionare, përralla e tyre i kishte të gjitha elementët melodramatikë për t’u bërë një operë e bujshme.

Mbesa e Mbretëreshës së Anglisë, Viktoria, Alix Helena Lousise Beatrice, nuk pranoi të martohej me kushëririn e saj të parë, Princin Albert, pasi ra në dashuri me Nikolasin, trashëgimtarin e fronit rus, kur ishte adoleshente në vitin 1889.

Çifti u martua në nëntor 1894, pak javë pas vdekjes së carit dhe kurorëzimit të Nikolas. Nga martesa erdhën në jetë 4 vajza dhe një djalë, Alexei, i cili trashëgoi fronin nga i ati, Por nga e ëma, ai mori një çrregullim shëndetësor, të quajtur hemofili. Të shokuar nga humbja e djalit të tyre, çifti përfundoi në çmendinë. /Tirana Observer/

Azem Vllasi: Lufta për marrjen e pushtetit...

Njohësi i proceseve aktuale, Azem Vllasi, në një prononcim për Telegrafin tha se e gjithë kriza politike në vend ka vetëm një emër “luftë për pushtet”.

Ai tha se zgjidhja e kësaj situate politike do të ishte që koalicioni qeverisës të zgjerohet dhe në këtë koalicion të hyjë edhe partia e Ramush Haradinaj, AAK-ja.

“Ndoshta, do të ishte mirë që koalicioni qeverisës qysh sot apo më vonë nesër t’i bëj disa konsultime dhe t’ia jap një ofertë AAK-së për koalicion, që Ramush Haradinaj të zë vendin e Hashim Thaçit, ndërsa ky i fundit kryetar. Kjo do ishte zgjidhja të dalim nga kjo situatë, dhe të gjithë në qetësi të bisedojnë a ka nevojë për rirreshtime politikë të parakohshme apo do ta shtyjnë mandatin deri në 2018. Pa e futur Ramush Haradinaj në koalicion s’besoj që do të kenë ndonjë rehati”, tha Vllasi.

Ndërsa, sa i përket protestave në ditën e Pavarësisë, Vllasi tha se i gjithë ky skenar për Ditën e Pavarësisë duket pak grotesk- primitiv.

“Kjo gjendje manifeston gjendjen e skenës politike e cila është krejtësisht e çoroditur. 17 shkurti është ditë feste dhe duhet të dominoj skenari i shënimit të Ditës së Pavarësisë, jo vetëm në Prishtinë me ngjarje kryesore por edhe në të gjithë komunat e Republikës së Kosovës. Ndërsa protesta ka mundur të planifikohet për një ditë tjetër, p.sh të shtunën”, tha tutje ai.

Po ashtu, Vllasi tha se protesta ka rrezik të eskalojë.

“Ata po premtojnë që do të jetë më masovike se protesta e nëntë janarit, dhe premtimet janë për protestë paqësore. Por në një protestë aq të madhe zor që të kontrollohet rendi publik dhe ka rrezik që të kalohet në dhunë”, u shpreh Vllasi.

Eliot Engel“Ta mbajmë Kosovën në rrugën e demokracisë”

Në një shkrim të botuar në Huffington Post, me titull “Ta mbajmë Kosovën në rrugën e demokracisë”, anëtari i Dhomës së Përfaqësuesve, Eliot Engel, kritikon opozitën në Kosovë se i ka tejkaluar të drejtat e saj të shprehjes së lirë.

Engel, siç transmeton Zëri i Amerikës, thotë se ai ka qenë dëshmitar i ecjes së Kosovës nga lufta drejt paqes dhe nga tirania drejt lirisë.

Për fat të keq, shkruan ai, mosmarrëveshjet i kanë kaluar kufijtë e një debati të gjallë demokratik. Të hedhësh vezë kundër ministrave, të hedhësh gaz lotsjellës në Parlament, ose t’u vësh zjarrin një ndërtese qeveritare, këto nuk janë pjesë e shprehjes së lirë. Ato nuk janë pjesë e të drejtave të garantuara të një opozite, shkruan zoti Engel.

Në prag të 9 vjetorit të pavarësisë së Kosovës, Kongresmeni Engel u bën thirrje udhëheqësve të saj të kalojnë nga konfrontimi në negociata. Ai u bën thirrje me forcë të gjithë njerëzve në Kosovë të dënojnë dhunën, të përqafojnë dialogun paqësor dhe të fuqizojnë parimet e demokracisë.

Engel thotë gjithashtu se ekziston një tabllo më pozitive dhe arsye për optimizëm në Kosovë. Ai përmend një sërë projektesh në Kosovë, mes të cilave edhe faktin që Kosova ka nënshkruar tashmë një marrëveshje të Stabilizim-Asociimit me Bashkimin Evropian.

Deputetët e opozitës z. Albin Kurti, Albulena Haxhiu, Donika Kadaj- Bujupi dhe Faton Topalli, dalin nesër para gjyqit

Deputetët e opozitës të cilët akuzohen për hedhjen e gazit në Kuvendin e Kosovës, Albin Kurti, Albulena Haxhiu, Donika Kadaj- Bujupi dhe Faton Topalli do të paraqiten nesër në Gjykatën Themelore të Prishtinës.

Për nesër në orën 9 të mëngjesit është planifikuar të mbahet seanca e radhës ndaj deputetëve të opozitës ku avokatët mbrojtës do të paraqesin kundërshtimet e tyre ndaj aktakuzës.

Prokuroria akuzon deputetët e opozitës për hedhjen e gazit në Kuvendin e Kosovës, ndërsa seanca fillestare lidhur me këtë rast ishte mbajtur më 6 janar të këtij viti.

Deputetja e Aleancës për Ardhmërinë e Kosovës, Donika Kadaj-Bujupi, e cila sot bashkë me deputetët Faton Topalli dhe Albulena Haxhiun, kishin të caktuar seancën gjyqësore, ka thënë se drejtësia e vonuar është drejtësi e mohuar.

Ajo në një postim në Facebook ka shkruar se vonesa e gjyqtarit, i cili u vonua sikurse në seancën e kaluar, tregon papërgjegjësinë e kësaj drejtësie.

Lexoni postimin e plotë të Kadaj-Bujupit:

Drejtësi e vonuar është drejtësi e mohuar!

Sot, ne ju përgjigjëm ftesës së Gjykatës me kohë, por gjyqtari i cili vetë na kishte ftuar për në seancë në ora 9:00, sikur edhe herën e kaluar, që është vonuar me tepër se një orë, as sot nuk ishte prezent në kohën e caktuar.
Kjo tregon papërgjegjësinë e kësaj drejtësie!

Është koha që kjo mënyrë e të bërit drejtësi dhe mendësia e këtij sistemi të degraduar të ndryshojë.

Gjykata Themelore e Prishtinës ka lëshuar urdhër arrest për 4 deputetët e opozitës

Albin Kurti, Albulena Haxhiu, Faton Topalli dhe Donika Kadaj – Bujupi do të sillen me forcë më 23 shkurt kur është caktuar seanca e dytë për shqyrtimin fillestar, ka vendosur gjyqtari Beqir Kalludra.

Kjo është bërë për shkak se deputetët e opozitës janë larguar nga seanca 15 minuta pasi ishte dashur të niste ajo.

Haxhiu, Topalli dhe Kadaj – Bujupi kanë pritur deri në orën 9 e 15 minuta që në sallën e gjykimit të vijë gjyqtari dhe kur kjo nuk ka ndodhur ata janë larguar.

Albin Kurti nuk ka qenë fare i pranishëm.

“Edhe herën e kaluar ne është dashur të presim 1 orë gjyqtarin dhe kjo është papërgjegjësi e tyre. 17 Shkurti është afër prandaj ne po largohemi sepse kemi shumë punë dhe nuk kemi kohë të presim”, ka thënë deputetja e Vetëvendosjes, Albulena Haxhiu. E pyetur për mungesën e kolegut të saj Albin Kurti, ajo ka thënë se nuk e di pse ai nuk ka ardhur në seancë. Të brengosur me këtë gjendje të sistemit të drejtësisë janë shprehur edhe deputetja e AAK-së dhe ai VV-së. Por, kur ata janë larguar gjyqtari ka ardhur në seancë dhe ka konstatuar mos praninë e të pandehurve për çka e ka lëshuar urdhër arrestin.

Gjyqtari Kalludra megjithatë nuk ka dhënë sqarim pse seanca nuk ka nisur në orën 9. Kjo është seanca e dytë ndaj deputetëve të opozitës që akuzohen për rrezik të përgjithshëm dhe përdorim i armës, vepra që lidhen me gjuajtjen e gazit lotsjellës në Kuvend

 

Gjenerali Fatmir Limaj ndyshe prej Vetëvendosjes, kërkon nga protestuesit të bashkëpunojnë me policinë në protestën e 17 shkurtit 2016

Nisma për Kosovën sot ka mbajtur takim me strukturat e saj në Lipjan.

Kryetari Fatmir Limaj ka kërkuar nga strukturat në Lipjan që ditën e protestës sa më shumë të bashkëpunojnë me organet e rendit, me qëllim që mbarëvajtja e protestës të jetë sa më paqësore dhe dinjitoze, e po ashtu ka kërkuar që të distancohen nga çdo akt i mundshëm dhune që mund të vijë nga persona që dëshirojnë ta prishin imazhin e mirë të protestës më 17 shkurt.

Sipas njoftimit për media të kësaj partie, Limaj ka kërkuar nga strukturat e partisë në Lipjan që të mobilizohen sa më shumë për këtë protestë, në të cilën do të kërkohet dorëheqja e koalicionit qeverisës që po refuzon të japë përgjegjësi për shkeljen që i ka bërë Kushtetutës së vendin, me nënshkrimin e dy marrëveshjeve të dëmshme për vendin, atë me Serbinë dhe marrëveshjen tjetër me Malin e Zi, përcjell koha.net.

Limaj ka folur më gjerësisht rreth situatës aktuale politike në vend, e në veçanti për protestën e opozitës që do të mbahet këtë të mërkurë, më 17 shkurt në Prishtinë.

Në këtë takim i pranishëm ishte kryetari i saj Fatmir Limaj, shefja e Grupit Parlamentar Valdete Bajrami, deputetë dhe anëtarë tjerë të kryesisë së partisë, si dhe kryetari i degës së Nismës në Lipjan, Heset Sahiti.