Ramush Haradinaj: Ju bëjmë thirrje shpirtrave të shitur që mos të guxojnë ta shesin Kosovën

Limaj Ftojmë deputetët e Kuvendit që ti thonë jo demarkacionit

Ramush Haradinaj: Ju bëjmë thirrje shpirtrave të shitur që mos të guxojnë ta shesin Kosovën
Dy krerët e partive opozitare në koalicion, Nismës për Kosovën dhe Aleancës për Ardhmërinë Kosovës, ju kanë bërë thirrje deputetëve të Kuvendit të Kosovës , që nesër t’i thonë jo këtij versioni të demarkacionit me Malin e Zi. Kryetari i Aleancës për Ardhmërinë Kosovës, Ramush Haradinaj, ka porositur krerët më të lartë të shtetit që nesër mos të guxojnë të shesin Kosovën. Haradinaj ndër të tjera i ka quajtur Isa Mustafën e Kadri Veselin shpirtra të këqinjë.
Ai ka kërkuar nga ata, që mos të fshehën parapa votës së fshehtë dhe miqësisë ndërkombëtare. Ndërsa, Fatmir Limaj, kryetar i Nismës për Kosovën, pret që nesër deputetë e Kuvendit do të veprojnë komfor Kushtetutës dhe betimit të deputetit duke i thënë jo marrëveshjes për demarkacionin.
Të dy krerët e opozitës në një konferencë të organizuar sot për këtë çështje kanë konfirmuar edhe një herë se ata nuk do të jenë pjesë e protestave të Vetëvendosjes por ata kanë thënë se do të marrin pjesë në seancën e nesërme.
Haradinaj: Ju bëjmë thirrje shpirtrave të shitur që mos të guxojnë ta shesin Kosovën
“Ju bëjmë thirrje shpirtrave të shitur , Hashim Thaçit, Kadri Veselit , Isa Mustafës , të shitur e të prishtë, shpirtrave që janë edhe hajna që mos të guxojnë me e shitë një pjesë të Kosovës . Mos të guxojnë me shitë Rugovën , gjysmën e Rugovës edhe mos të guxojnë me ja bërë këtë të keqe vendit . Është gabimi më i madh që mundem me e bërë . Kjo thirrje është për shkak se kemi ardhur në fund . Ne s’kemi lënë gurë pa lëviz për të shpjeguar se nuk është luftë për pushtet , se nuk është provincializëm , se s’ka të bëjë me asgjë të agjendave kush bijën e kush qohet nga qeverisja por është për tokën e shenjtë për Kosovën , për Rugovën . Nuk mund me u fsheh këta shpirtra të shitur , këta shpirte të prishtë , këta hajna që e kanë vjedhur Kosovën deri në palcë . Nuk munden me u fsheh as prapa miqësisë me Amerikën , as prapa përcaktimit pro Evropë e in tegrim euroatlantik të Kosovës. Kjo është ai kulmi i shpirtrave të tyre të shitur i shpirtrave të tyre hajna edhe i shpirtrave të tyre të prishtë”, tha Hradinaj.
Limaj ndër tjerash, ju ka bërë thirrje deputetëve të Kuvendit të Kosovës, që të veprojnë sipas betimit të deputetit.
Limaj: Ftojmë deputetët e Kuvendit që ti thonë jo demarkacionit

“Aleanca dhe Nisma, nesër do të shkojnë në Parlamentin e Kosovës , do të votoj kundër këtij varianti të demarkacionit dhe i ftojmë , të gjithë deputetët e Parlamentit të Kosovës , që nesër ti kalojnë shabllonet partiake , bindjet partiak dhe të jenë në nivelin e detyrës ashtu siç e kërkon , ligji, kushtetuta si dhe deputeti i Parlamentit. Ne presim që deputete do të jenë në përputhje me betimin , që ata e kanë dhënë kur janë bërë deputet dhe të mbrojnë interesin nacional . Nesër përmes votës tona ta unifikojmë Kosovën . Ta heqim një herë e mirë këtë problem nga rendi i ditës problematik të krijuar të pa nevojshëm nga ky pushtet. Dhe kjo është ftesa jonë . Ftojmë të gjithë deputete e Parlamentit të Kosovës që nesër fuqishëm të votojnë kundër këtë variant5ë të demarkacionit”, tha Limaj.
Haradinaj e Limaj kanë thënë se deri nesër ka kohë që të vetëdijesohen deputetët dhe pushteti, që t’i thonë jo këtij versioni të demarkacionit. /P.Musa/
***
Dy liderët opozitarë, Ramush Haradinaj e Fatmir Limaj, kanë dalë në një konferencë të përbashkët për media, duke u bërë thirrje deputetëve që t mos e votojnë propozimin e Qeverisë së Kosovës për kufirin me Malin e Zi.
Lideri i NISMA për Kosovën, Fatmir Limaj, ka ritheksuar se qëndrimi i AAK dhe NISMA është i qartë dhe ata do të shkojë në kuvend që të votojnë kundër pikës për demarkacionin. Dy liderët opozitarë I kanë ftuar edhe deputetët tjerë që ta kundërshtojnë përmes votës së tyre, vijën e re kufitare me Malin e Zi.
Lideri I AAK-së, Ramush Haradinaj, u ka bërë thirrje shqiptarëve të shitur, Kadri Veselit, Hashim Thaçit e Isa Mustafës, që mos të guxojnë ta shesin asnjë pëllëmbë të Kosovës. Ata përmes votës së fshehur po provojnë ta shesin Kosovën”, ka thënë Haradinaj. Dy liderët thanë se mënyra e fshehtë e votimit është kontrabandim.
“Shpirtrat e shitur e të prishtë, Mustafa e Thaçi, këta hajna, mos të guxojnë ta shesin Kosovën e Rugovën. Kjo nuk është për agjenda politike, por për tokë të Kosovës. Këta shpirtra të prishtë nuk guxojnë të shiten e nuk munden t’u fshihen pas ndërkombëtarëve”, tha Haradinaj.
Haradinaj tha se Qeveria ka kohë deri nesër ta tërheq vendimin për ta vënë në votim çështjen e demarkacionit.
“Ne nuk mundemi ta mashtrojmë askënd. Ne kemi qenë të gatshëm dhe jemi të punojmë me deputetë. I përkulemi deputetëve që janë tërhequr nga ai mendim i partisë. Kush voton pro, mos të harrojë se po voton me nda Rugovën për gjysmë”, deklaroi Haradinaj.
Ndërkohë ata kanë thënë edhe njëherë se nuk do të jenë pjesë e protestës së nesërme jashtë Kuvendit të Kosovës

Beogradi kerkon paqe nga shqiptaret, por nuk jep paqen per Kosoven.

Dr.sci.Enver Bytyçi

Banoret e Mishtishtit ne Komunen e Suharekes ne Kosove kane kthyer sot mbrapsht dy autobuze me qytetare te etnise serbe, te cilet do te vinin ketu per here te pare pas luftes per te marre pjese ne ceremonine e rindertimit te kishes ortodokse.
Shqiptaret e Mushtiishtit jane perleshur me policine dhe nuk i kane lejuar serbet te behen pjese e kesaj ceremonie. Kjo ka ngjall debate e diskutime dhe Serbia e perfaqesuesit serbe ne qeverine e Kosoves po thone se "Kjo ndodh vetem ne Kosove ne shekullin e XXI".
E megjithate po ne shekullin e XXI Serbia ne Beograd e serbet ne Kosove ende nuk kane kerkuar ndjese per krimet e shemtuara kunder Kosoves dhe shqiptareve banore shumice te saj. Te dy palet po e bllokojne shtetesine e Kosoves dhe nuk po e njohin ate shtet te pavarur e sovran.
Pasi e vrane dhe e dogjen Kosoven, pa i dhene askujt denimin qe meriton e pa iu skuqur askujt faqja, akuzojne shqiptaret. Vetem ne fshatin e Mushtishtit me 1999 serbet vrane17 banore te saj, plagosen me dhjetra te tjere, dogjen 1061 shtepi, shkaktuan dhjetra milione euro deme materiale dhe Kosova sot ende nuk i di eshtrat e viktimave te shumta qe Serbia shkaktoi ne kete vend.
Tash, mbas ketij genocidi kerkojne paqe. Por nuk japin paqe. Ate e kerkojne vetem nga shqiptaret, ndersa per vete rrijne me arme te Ura e Ibrit e kudo neper Kosove.
Ne keto kushte banoret shqiptare te fshatit ne fjale une do t'i quaj njerez qe me guxim mbrojne vlerat e tyre si shqiptare dhe si qytetare te civilizuar. Vrasesit duhen denuar e ndeshkuar. Nese nuk e ben kete Serbia dhe bashkesia nderkombetare, me e pakta mbetet qe populli i Kosoves te mos pajtohet me padrejtesine. Prandaj dhe policia e Kosoves duhet te jete e kujdeshme. Per hater te Serbise e ne shenje servilizmi te politikes se Prishtines ndaj nderkombetareve policia nuk duhet te deshmoje dhune e te sjelle hijet e Miloshevicit ne Kosove. Arrestimet e policise ne Mishtisht jane arbirtrare. Banoret e ketij fshati nuk kane kryer asnje krim. Thjesht kane bllokuar perfaqesuesit e vrasesve e zjarrvenesve per te marre pjese ne nje ceremoni te nje kishe qe eshte deshmuar si strehe dhe ushqim shpirteror per kriminelet e Milosheviçit. Keto jane fakte qe i di gjithe bota, por ne Beograd nuk duan t'i pranojne.
Por jane fakte tronditese, te cilat as Thaçit e Isa Mustafes nuk po ju pelqen shume t'i permendin. Prandaj qytetaret e Kosoves detyrohen t'i dalin zot vetes. Nese beheshin vertet zoter te Kosoves institucionet legjitime te saj, nuk do te kishte nevoje per protesta e bllokada te tilla nga qytetaret e ketij vendi.
Por eshte ne doren e Beogradit pajtimi i shqiptareve te Kosoves me serbet e Kosoves ne radhe te pare e me pas me ata te Serbise. Beogradi ka per detyrim ta njohe shtetin e Kosoves, te kerkoje falje per krimet qe ka kryer kunder shqiptareve ne Kosove dhe bjere ne gjunje me garanci se kurre me nuk do te perseritet historia tragjike e shekullit XIX e te XX. Atehere autobuzet me serbe e kane udhen te lire ne Kosove. Por jo duke shkelur mbi varret, mbi te sotmen dhe te ardhmen e Kosoves.
Ne Beograd duhet heç dore nga manovrat. Dielli me shoshe nuk mbulohet. Beogradin e Serbine nuk e shpeton askush, as diplomacia e saj e shkathet nga pergjegjesia qe ata kane per genocidin e kryer ne Kosove. Nuk i shpeton as miqesia me Edi Ramen.

__________________

"Filozofia polike dhe nacionale e Dr.Ibrahim Rugovës" me autor z. Enver Bytyqi

Enver Bytyçi na  dhuron të plotë figurën e  Ibrahim Rugovës dhe se njerëz si  akedemik Ibrahim Rugova fatkeqësisht lindin rrallë, por fatmirësisht nuk vdesin kurrë.Libri "Filozofia polike dhe nacionale e Dr.Ibrahim Rugovës" i publicistit  Enver Bytyçi është një hulumtim i thuktë i veprës së Akademik prof.dr.Ibrahim Rugovës. Autori në veprën e tij i shërben kujtesës historike.


Autori  Bytyçi në 291 faqe, sa i ka libri, na jep një pikëpamje të filozofisë, të cilat afirmuan vlerat më sublime të popullit të Kosovës. Nga shqyrtimi i librit konstatojmë se ai paraqet interes të veçantë për opinionin.Autori  Enver Bytyçi është njeri ndër  njohësit  e shkëlqyer të historisë nacionale shqiptare. Në  librin "Filozofia polike dhe nacionale e Dr.Ibrahim Rugovës"  autori  Bytyç i konstaton se kurrë ndonjëherë më parë nuk ishte konstruktuar një vizion i qartë e me një profil aq dinamik sikur ai që kishte dizajnuar Ibrahim  Rugova për vendin e tij. Libri jep shumë përgjigje për shumë pyetje dhe jep analizë të thuktë...



Enver Bytyqi është autor  i  disa librave të tjerë: “Shqipëria peng i një diplomacie të manipuluar”,  “Shqiptarët, serbët dhe grekët”, “E drejta e vetëvendosjes, rasti i Kosovës” dhe libri “Rikthimi i Marti Ahtisaarit”. Etj.

Kryetari i degës së AAK-së në Prishtinë Avni Arifi:Presioni i orëve të fundit nga partitë dhe ambasadat mbi deputetët, është antinjerëzor

Kryetari i degës së AAK-së në Prishtinë Avni Arifi thotë se kundërshtimi i ratifikimit të marrëveshjes së shënjimit të kufirit në mes Kosovës dhe Malit të Zi, nuk është luftë për pushtet, por është bindje se ky version i demarkacionit është I gabuar.

Arifi e ka quajtur antidemokratik dhe antinjerëor, presionin që sipas tij po bëjnë partitë politike dhe ambasadat mbi deputetët për votimin e kësaj marrëveshje.

“Nuk është luftë për pushtet nëse ke pasiguri e edhe më shumë kur je i bindur se demarkacioni është i gabuar. Shumica e popullit të Kosovës, pavarësisht përkatësisë partiake, e din se ky version i demarkacionit, është i pasaktë. Presioni që po bëjnë partitë në pushtet dhe ambasadat, këto orët e fundit te deputetët, është antidemokratik dhe antinjerëzor dhe në tërësi nuk është në funksion, as të stabilitetit në rajon e as të stabilitetit të brendshëm”, ka thënë Arifi.

Arifi ka shtuar se si qytetar i thjeshtë i Kosovës, dhe si njeri që një pjesë të jetës akademike e ka kaluar në një vend demokratik dhe perëndimor, kjo çfarë po ndodh me këtë presion ndaj deputetëve s’ka të bëjë asgjë me vlera, as evropiane e as perëndimore.

Forcat serbe ushtarake, xhandarmeria dhe policia serbe janë ne gjendje gatishmërie.

Jo vetem shqiptarët në Kosovë po edhe ushtritë e vendeve fqinje po e presin 1 shtatorin, se si do të rrjedh situata. Kështu, Forcat sllave rrethojnë Kosoven. Pas malazezeve, forcat serbe zbarkojnë me shefin e armatës gjeneral Ljubisha Dikovic i cili po viziton bazat ushtarake në kufi me Kosovën dhe Maqedoninë.

Shefi i Shtabit të Përgjithshëm të Forcave të Armatosura serbe gjen. Lubisha sot ka vizituar pjesë të njësive të Forcave të Përbashkëta të ushtrisë dhe policisë të vendosur ne Luginën e Preshevës.

Në një deklaratë Ministria e Mbrojtjes e Serbisë deklaron se Dikovic ka thënë se “forcat serbe ushtarake, xhandarmeria dhe policia serbe janë ne gjendje gatishmërie. Ushtria serbe me forca dhe mjete shtesë për sigurinë kufitare, nëse është e nevojshme’, ka thënë ai.

Ambasadori Donald Lu: “Reformen ne drejtesi nuk e duan ministrat dhe deputetet kriminele”

Ambasadori amerikan Donald Lu ka theksuar  nevojen per nje reforme rrenjesore ne sistemin e drejtesise ne Shqiperise, si e vetmja menyre per te larguar qeveritaret e korruptuar dhe minimizuar gjyqtaret e prokuroret “qe mbushin xhepat me para”, kurse ambasadorja e BE-se, Romana Vlahutin, paralajmeroi se reforma edhe mund te deshtoje, por nuk eshte politiken e vendeve te BE-se te heqe dore nga reformat duke nenkuptuar se politikanet duhen nxituar per ta realizuar patjeter ate ne drejtesi.

Ambasadoret e disa shteteve ishin te ftuar ne konferencen per reformen ne drejtesi, organizuar nga Ministria e Drejtesise ne Tirane.

Ambasadori Lu tha ne fjalen e tij:

“Kush i trembet me shume reformes ne drejtesi? Ministrat e korruptuar, deputetet kriminele, gjykatesit e paafte dhe prokuroret qe marrin parate tuaja e kurre nuk ndiqen penalisht. Keta persona duan te vazhdojne te mbushin xhepat me parate e popullit shqiptar.

Nxis si shqiptaret dhe partneret nderkombetare qe jane ne diskutime per kete reforme, se SHBA i mbeshtesin plotesisht.

Kjo eshte nje reforme rrenjesore qe per here te pare duhet te marre masa per te minimizuar gjyqtaret e dhe prokuroret e korruptuar nga sistemi i drejtesise se Shqiperise.

Pr.ligji vuri ne diskutim se ndryshimet kushtetuese do te kompromentonin pavaresine e gjyqesorit. Po te gjithe shqiptaret e dine se sistemi i drejtesise nuk eshte i pavarur.

Kjo reforme do t’i jape Shqiperise shansin e vertete per te bere sistemin e drejtesise te pavarur per here te pare,” theksoi ambasadori amerikan.

NGA FJALA E AMBASADORES SE BE, ROMANA VLAHUTIN:

“Ne rastin e reformes, çeshtja e dyte eshte midis llogaridhenies dhe pavaresise… Idealisht, kjo nuk duhet te ekzistoje fare sepse nje sistem e merr te mireqene qe vetem gjyqtare dhe prokurore te pakorruptuar marrin pjese, ndaj do te duhet te merret parasysh se kush gjyqtar e prokuror e meriton te marre pjese. Pyetja eshte kush do te largohet? Do qendrojne me te miret!

Çeshtja e trete: Ju lutem, mos hiqni dore. eshte e qarte prej nesh qe kjo reforme mund te me deshtoje, mund te mos jete aq e thelle per hir te atyre grupeve te interesit qe nuk jane te interesuar, por per BE-ne nuk eshte ne politiken e saj te heqe dore. eshte e drejta juaj qe t’ua beni te qarte atyre qe ju zgjidhni se kerkoni gjithperfshirje te plote dhe radikale.”

Kryetari i Lëvizjes Vetëvendosje Visar Ymeri : Nëse keni respekt e dashuri për vendin, votoni kundër

Kryetari i Lëvizjes Vetëvendosje Visar Ymeri thotë se kundërshtimi i ratifikimit të këtij versioni të demarkacionit në mes Kosovës dhe Malit të Zi, është domosdoshmëri.

Ymeri thotë se çdo gjë do të kërkohet nesër në protestën e 1 shtatorit, është një proces I drejt dhe transparent I demarkacionit, sipas ligjeve vendore dhe ndërkombëtare.

Ymeri ka shkruar në Facebook se u bënë thirrje të gjithë deputetëve që në emër të respektit dhe dashurisë për vendin, të votojnë kundër ratifikimit të marrëveshjes për shënjimin në mes Kosovës dhe Malit të Zi.

“Gjithçka që ne kërkojmë është një proces i drejtë dhe transparent i demarkacionit, në respekt të ligjeve vendore e ndërkombëtare. Sot i bëj thirrje gjithë deputetëve që e kanë një fije respekti e dashurie për vendin, ta ndajnë mendjen kundër këtij procesi që është faktuar e argumentuar gjerësisht si i padrejtë”, ka shkruar Ymeri.

Nga ana tjetër, ai thotë se është i sigurt se qytetarët do t'i përgjigjen ftesës së VV-së, për protestë paqësore, por me vendosmërinë maksimale.

“Politika e frikës, e kërcënimeve, e shantazheve dhe e inskenimeve nuk mund t'i shpëtojë kriminelët e "Prontos" dhe hyzmeqarët e tyre. Protesta e nesërme është mundësia më e mirë për t'i thënë jo kësaj qeverie shtet-kapëse. Pa i hequr këta kriminelë prej pushteti kurrë s'do të kemi zgjedhje të lira, marrëdhënie të mira ndërkombëtare, luftë ndaj korrupsionit, zhvillim ekonomik e mirëqenie. Ndaj, shihemi aty ku ka nisur demokracia, në shesh”, ka shkruar ndër të tjerash Ymeri.

Kryetari i Lëvizjes Vetëvendosje Visar Ymeri : Nëse keni respekt e dashuri për vendin, votoni kundër

Kryetari i Lëvizjes Vetëvendosje Visar Ymeri thotë se kundërshtimi i ratifikimit të këtij versioni të demarkacionit në mes Kosovës dhe Malit të Zi, është domosdoshmëri.

Ymeri thotë se çdo gjë do të kërkohet nesër në protestën e 1 shtatorit, është një proces I drejt dhe transparent I demarkacionit, sipas ligjeve vendore dhe ndërkombëtare.

Ymeri ka shkruar në Facebook se u bënë thirrje të gjithë deputetëve që në emër të respektit dhe dashurisë për vendin, të votojnë kundër ratifikimit të marrëveshjes për shënjimin në mes Kosovës dhe Malit të Zi.

“Gjithçka që ne kërkojmë është një proces i drejtë dhe transparent i demarkacionit, në respekt të ligjeve vendore e ndërkombëtare. Sot i bëj thirrje gjithë deputetëve që e kanë një fije respekti e dashurie për vendin, ta ndajnë mendjen kundër këtij procesi që është faktuar e argumentuar gjerësisht si i padrejtë”, ka shkruar Ymeri.

Nga ana tjetër, ai thotë se është i sigurt se qytetarët do t'i përgjigjen ftesës së VV-së, për protestë paqësore, por me vendosmërinë maksimale.

“Politika e frikës, e kërcënimeve, e shantazheve dhe e inskenimeve nuk mund t'i shpëtojë kriminelët e "Prontos" dhe hyzmeqarët e tyre. Protesta e nesërme është mundësia më e mirë për t'i thënë jo kësaj qeverie shtet-kapëse. Pa i hequr këta kriminelë prej pushteti kurrë s'do të kemi zgjedhje të lira, marrëdhënie të mira ndërkombëtare, luftë ndaj korrupsionit, zhvillim ekonomik e mirëqenie. Ndaj, shihemi aty ku ka nisur demokracia, në shesh”, ka shkruar ndër të tjerash Ymeri.