Nga Flori Bruqi : Rikthehet makthi i Luftës së Ftohtë: Ja me çfarë karte po luan tani Rusia

Presidenti i SHBA-së Barack Obama ka paralajmëruar  se NATO është e gatshme t'i kundërpërgjigjet çdo kërcënimi që mund të vijë nga Rusia.

"Ne jemi duke u organizuar në mënyrë intensive që të ketë plane emergjence dhe të gjitha aleatët kanë garancinë tonë. Ne do të veprojmë në mbrojtje të tyre pa marrë parasysh se çfarë ndodh, kjo është NATO. Çdo aleat i NATO-s ka mbështetjen e të gjithëve ne, përfshirë Shtetet e Bashkuara, dhe ripërsëritim mbështetjen tonë të plotë në konceptin e mbrojtjes kolektive sipas Nenit 5 të Traktatit të Atlantikut të Veriut ." tha presidenti Obama.

Presidenti i SHBA shtoi më tej duke thënë se sanksionet ndaj Rusisë do të shtohen dhe do të prekin edhe fusha të ekonomisë, tregtisë dhe energjitikës.

"Ne jemi të shqetësuar se mund të ketë shkelje të mëtejshme nga ana e Russë në territorin e Ukrainës. Varet nga Rusia nëse do të provojë të jetë përgjegjëse. Nëse Rusia do të vazhdojë më tej, janë gati sanksione që do të prekin sektorë si energjia, ekonomia dhe tregtia.” tha më tej presidenti i SHBA.

Obama duke u përqendruar tek çështja e Ukrainës, tha se është e nevojshme që gjërat të zgjidhen në mënyrë diplomatike dhe se do të dërgohen vëzhgues për të monitoruar zgjedhjet që do të zhvillohen në muajin maj.

Obama theksoi se krahasimi i krizës në Ukrainë, me atë çka ndodhi në Kosovë, është absurde.

"Krahasimi mes krizës në Ukrainë dhe Kosovës është absurd. Në Kosovë u masakruan me mijëra persona dhe nuk mund të krahasohet me atë çka ndodhi në Krime. Aneksimi i Krimesë në Federatën Ruse, nuk u pranua nga pjesa më e madhe e botës dhe nëse Putin do të bëjë zgjedhje të gabuara do të ketë pasoja." tha presidenti amerikan.

Obama shtoi gjithashtu se Komuniteti Ndërkombëtar nuk e njeh aneksimin e Krimesë në Rusi dhe se po organizohen plane emergjence që të gjithë aleatët të kenë garanci për sigurinë, duke vepruar në mbrojtje të tyre, pasi kjo është NATO”, tha Obama.

Gjatë konferencës për shtyp, Obama u rikthye edhe tek tema e Samitit për Sigurinë Bërthamore që u zhvillua në Hagë, duke iu referuar rrezikut që armët bërthamore mund të përfundojnë në duart e terroristëve.

“Më preokupon më shumë shpërthimi i një bombe atomike në Manhatan, në New York, se Rusia”, vijoi Obama.



Ndërsa kryeministri holandez Mark Rutte foli për sanksionet ndaj Rusisë, pas aneksimit të Krimesë në Federatën Ruse, duke nënvizuar se këto sanksione, vendosen për të “goditur” ekonominë e Rusisë dhe jo të vendeve te tjera.

Mikhail Ulyanov i përgjigjet ministrit të jashtëm ukrainas: “Jemi gati të dërgojmë armët bërthamore në cilëndo pjesë të territorit rus”

“Rusia ka të drejtën të vendosë armë bërthamore, nëse është e nevojshme, në cilëndo pjesë të territorit të saj, përfshirë gadishullin e Krimesë, që u aneksua “ilegalisht” sipas BE dhe SHBA vitin që kaloi”.

E ka pohuar në një intervistë të dhënë për agjencinë e informacionit Ria Novosti drejtori i Departamentit të mospërhapjes dhe kontrollit të armëve bërthamore, të ministrisë së Jashtme ruse, Mikhail Ulyanov, në përgjigje të deklaratave të ministrit të Jashtëm ukrainas, Pavlo Klimkin, sipas të cilit dërgimi i armëve bërthamore ruse në Krime do të ishte shkelje e traktatit të mospërhapjes bërthamore.

Më herët, ministri i Mbrojtjes i Rusisë kishte paralajmëruar dërgimin e mundshëm në gadishullin në Detin e Zi të 10 bombarduesve TU-22M3, në gjendje të transportojnë armë bërthamore, por nuk ishte përmendur askund mundësia e armatimit të tyre me mbushje bërthamore. “Dërgimi i armëve bërthamore në Krime, kishte deklaruar Kimkini, do të ishte shkelje e rëndë e angazhimeve ndërkombëtare të Moskës”.

Ulyanovi ka kujtuar se programi i mbrojtjes raketore të SHBA “ndikon negativisht” në marrëdhëniet mes Moskës dhe Uashingtonit, dhe diskutimet mes dy vendeve sa i përket armëve bërthamore nuk po japin rezultate pozitive.

“Pozicioni ynë për këtë temë është shprehur disa herë. Kemi nevojë për garanci të besueshme, që ky sistem nuk ka si synim frenimin e Rusisë. Por deri tani na kanë thënë se garanci të tilla nuk mund të jepen me shkrim në letër, dhe që sistemi do të krijohet me apo pa mbështetjen e Rusisë”.

Një politikë që për funksionarin e lartë rus nuk “favorizon reduktim të mëtejshëm të armëve bërthamore, por përbën një pengesë për carmatimin”.IlGiornale-

 Rusia kërcënon haptas Danimarkën se do ta sulmojë me armë bërthamore

​Rusia vazhdon të ngrejë shqetësime tek Perëndimi. Këtë herë Moska ka kërcënuar Danimarkën se do ta sulmojë me armë bërthamore nëse vendi skandinav do të pranojë të bëhet anëtar i sistemit të mbrojtjes raketore të NATO-s.

Gjatë një takimi në Kopenhagen, ambasadori rus në Danimarkë deklaroi se një lëvizje e tillë, e cila do të shihej si diçka me prosperitet për aleancën perendimore, do të përbënte një kërcënim për Rusinë, ndaj vendi duhet të marrë masa paraprake.

“Nëse kjo ndodh, luftanijet daneze do të kthehen në shënjestër për raketat bërthamore ruse“, e mbylli Mikail Vanin fjalën e tij.

Menjëherë pas Vanin erdhi edhe reagimi i ministrit të Jashtëm danez, Martin Lidegaard, i cili dënoi deklaratën e hapur të diplomatit rus.

Polonia dhe vendet e tjera të Evropës Lindore kanë shprehur shqetësimin lidhur me një arsenal të armëve bërthamore, që besohet të ekzistojë në enklavën ruse të Kaliningradit.

Këto shqetësime vijnë pak ditë pasi Shtetet e Bashkuara dhe Rusia kanë vënë në fuqi marrëveshjen e re START, e cila parasheh reduktimin e armëve atomike.


Kryenegociatori amerikan për START-in e ri, Rose Gottemoeller, e cili ka vizituar Poloninë, Ukrainën dhe tre vende baltike, tha se ka dëgjuar shqetësimet e të gjithë rajonit në lidhje me kërcënimet ruse për të ndërtuar stokun e saj të armëve në Kaliningrad.

Kërcënimi vjen në sfondin e një situate të tensionuar jo vetëm në Europën lindore, për shkak të konfliktit të Ukrainës, por në një klimë të rënduar në gjithë kontinentin e vjetër.

Kjo, pasi Rusia i ka zgjeruar ambiciet e saj ushtarake, duke bërë herë pas here edhe parada ajrore me avionë ushtarakë, të cilët jo pak herë kanë hyrë në hapësirën ajrore britanike, franceze, si edhe në disa vende të tjera të Europës lindore.

Më herët kryeministri britanik David Cameron dhe udhëheqës të tjerë të lartë të BE ranë dakord të zgjerojnë sanksionet kundër Moskës, për shkak të veprimtarisë së saj ushtarake.

Britania e Madhe është ndër të parat vende që ka hartuar një plan mbrojtjeje, me kryeministrin Cameron që miratoi një fond prej 20 milionë paund për t’i ardhur në ndihmë forcimit të institucioneve demokratike në të gjitha shtetet që janë nën kërcënimin e vazhdueshëm të Kremlinit.

Sipas britanikëve, ky fond është një investim afatgjatë që me shumë gjasa do të parandalojë skenarin e një Ukraine të ardhshme.

Lufta bërthamore: Cilët përbëjnë kërcënim?

«Mundësia e shfarosjes si pasojë e një katastrofe bërthamore është reale. Ajo ekziston sot, . . . pavarësisht se Lufta e Ftohtë ka mbaruar më shumë se dhjetë vjet më parë.»—Robert. S. Meknamara, ish-sekretar i mbrojtjes për SHBA-në, dhe Xhejms G. Blajti, profesor i marrëdhënieve ndërkombëtare në Institutin Uotson për Studimet Ndërkombëtare.

NË VITIN 1991 kur mbaroi Lufta e Ftohtë, akrepi i minutave në orën e famshme të fundit të botës u çua prapa, deri në 17 minuta para ‘mesnate’. Ora e fundit të botës paraqitet në kapakun e revistës Buletini i shkencëtarëve bërthamorë (anglisht) dhe simbolizon se sa afër luftës bërthamore (mesnatës) është bota, siç mendojnë ata. Në vitin e përmendur më sipër, akrepi i minutave u vendos më larg mesnatës se ç’kishte qenë ndonjëherë që kur nisi të përdorej kjo orë në vitin 1947. Megjithatë, që nga ajo kohë, akrepi i minutave ka filluar të lëvizë përsëri përpara. Për shembull, në shkurt të vitit 2002 ora u vu shtatë minuta para mesnate, dhe kjo ishte hera e tretë që çohej përpara, që nga përfundimi i Luftës së Ftohtë.

Pse botuesit e kësaj reviste shkencore e shohin të nevojshme ta çojnë përpara orën? Pse mendojnë se lufta bërthamore përbën ende një kërcënim? Veç kësaj, cilët po e kërcënojnë paqen?

Sekreti i «pakësimit»

Buletini i shkencëtarëve bërthamorë shpjegon: «Më se 31.000 armë bërthamore janë ende në gjendje përdorimi. Nëntëdhjetë e nëntë për qind e këtyre armëve gjenden në Shtetet e Bashkuara e në Rusi, dhe më shumë se 16.000 janë gati për sulm.» Disa mund të vënë re se ka një kontradiktë të dukshme në numrin ekzistues të mbushjeve bërthamore. A nuk shpallën këto dy superfuqi bërthamore se i kishin pakësuar mbushjet bërthamore deri në 6.000 secila?

Këtu gjendet sekreti i «pakësimit». Në një raport nga organizata Carnegie Endowment for International Peace shpjegohet: «Shifra 6.000 mbushje bërthamore llogaritet sipas rregullave specifike për regjistrimin dhe inventarin, të pranuara në traktatin START [Bisedime për Pakësimin e Armëve Strategjike]. Të dyja kombet do të kenë ende me mijëra armë të tjera taktike dhe rezervë.» (Kursivi është yni.) Sipas Buletinit të shkencëtarëve bërthamorë, «shumë mbushje bërthamore amerikane të hequra nga arsenali aktiv nuk do të çmontohen, por do të lihen rezervë (bashkë me rreth 5.000 mbushjet bërthamore që tashmë janë rezervë).»

Kështu, përveç mijëra armëve bërthamore strategjike rezervë që janë gati për sulm, të cilat mund të lëshohen drejtpërdrejt nga njëri kontinent në tjetrin, ka me mijëra mbushje të tjera bërthamore, si edhe armë të tjera taktike bërthamore, të projektuara për të sulmuar objektiva më të afërt. Pa dyshim, dy superfuqitë bërthamore kanë ende mjaft arsenal bërthamor sa ta shfarosin gjithë popullsinë e botës disa herë me radhë. Mbajtja e një numri kaq të madh armësh të rrezikshme e rrit mundësinë e një kërcënimi tjetër, domethënë lëshimit aksidental të raketave bërthamore.

Luftë bërthamore aksidentale

«Armët bërthamore të SHBA-së janë të kontrolluara nga strategjia ‘lëshim me t’u dhënë alarmi’»,—sipas Robert S. Meknamarës dhe Xhejms G. Blajtit, të cituar më sipër. Çfarë do të thotë kjo? «Mbushjet tona bërthamore janë gati për t’u lëshuar ndërkohë që mbushjet bërthamore ruse janë në ajër»,—shpjegojnë ata. Pastaj shtojnë: «Në bazë të kësaj strategjie, nuk duhet të kalojnë më shumë se 15 minuta që nga paralajmërimi i parë për një sulm nga rusët e deri te lëshimi i raketave tona.» Sipas një ish-oficeri të lëshimit të raketave bërthamore strategjike amerikane, «pothuajse të gjitha raketat tokësore janë gati për t’u lëshuar brenda dy minutave».

Kjo gjendje gatishmërie e lartë paraqet rrezikun e një lëshimi aksidental të raketave, të shkaktuar nga një alarm i rremë. «Ka pasur disa raste,—shpjegon një artikull në revistën U.S.News & World Report,—kur janë dhënë gabimisht urdhra të vërtetë lëshimi gjatë seancave stërvitore bërthamore amerikane.» Alarme të tilla të rreme janë dhënë edhe në Rusi. Kur një raketë kërkimore norvegjeze shkaktoi një alarm të rremë në vitin 1995, presidenti rus filloi procesin e aktivizimit të kodeve të lëshimit të raketave bërthamore.

Kjo strategji e mbajtjes së armëve në gjendje gatishmërie i vë para një presioni të madh ata që janë përgjegjës për të marrë vendimet. Lumturisht, në të kaluarën, oficerët përgjegjës e kanë kuptuar se alarmet ishin të rreme e deri tani lufta bërthamore është shmangur. Lidhur me një incident të ndodhur në vitin 1979, një studiues shpjegoi: «Ajo që ndali [lëshimin e] raketave amerikane ishin satelitët tanë të sinjalizimit të hershëm, të cilët tregonin se nuk kishte raketa sovjetike në ajër.» Mirëpo, me kalimin e kohës, këto sisteme satelitore të sinjalizimit të hershëm amortizohen. Kërkuesit dhe analistët janë të shqetësuar pasi «shumica e satelitëve rusë për sinjalizimin e hershëm ose s’funksionojnë më ose janë larguar nga orbitat e tyre të përcaktuara». Prandaj, siç e tha disa vjet më parë një zëvendësadmiral amerikan në pension, «sot është po aq e madhe, sa edhe në të kaluarën mundësia e një goditjeje para se pala tjetër të sulmojë ose e lëshimit të raketave si pasojë e një keqkuptimi, si pasojë e autoritetit të dhënë personave të gabuar ose si pasojë e ndonjë aksidenti».

Anëtarë të rinj të «klubit bërthamor»

Ndonëse arsenalet kryesore u përkasin dy superfuqive bërthamore, ka edhe fuqi të tjera bërthamore, si Britania e Madhe, Franca dhe Kina. Kohët e fundit, me këto fuqi bërthamore të njohura botërisht, të quajtura «klubi bërthamor», u bashkuan edhe India e Pakistani. Përveç këtyre vendeve, ka edhe disa të tjera, ku përfshihet edhe Izraeli, që shpesh përmenden si vende që përpiqen të kenë (ose ndoshta tashmë kanë) armë bërthamore.

Konfliktet politike ku përfshihet qoftë edhe një anëtar i «klubit bërthamor», madje edhe ndonjë nga anëtarët e rinj, mund të shkaktojnë luftëra ku të përdoren armët bërthamore. «Kriza ndërmjet Indisë dhe Pakistanit . . . përbën rastin kur dy shtete iu afruan më shumë se kurrë luftës bërthamore, që nga Kriza Kubane e Raketave»,—shpjegon Buletini i shkencëtarëve bërthamorë. Gjatë fillimit të vitit 2002, duke parë situatën e rënduar, frika për një sulm bërthamor u bë shumë reale për një numër të madh njerëzish.

Veç kësaj, zhvillimi i armëve të tjera të shkatërrimit në masë ka sjellë më tepër mundësi për të përdorur bombat bërthamore. Duke analizuar një raport sekret të Pentagonit, The New York Times tha se «përdorimi i mundshëm i armëve bërthamore për t’u shkatërruar vendeve armike arsenale me armë biologjike, kimike dhe armë të tjera të shkatërrimit në masë» ndoshta është bërë pjesë e politikës bërthamore amerikane.

Sulmet terroriste në Shtetet e Bashkuara më 11 shtator 2001 i kujtuan botës edhe një burim tjetër të kërcënimit bërthamor. Shumë veta tani mendojnë se organizatat terroriste po përpiqen të prodhojnë, ose tashmë kanë në duar, armë bërthamore. Si ka mundësi?

Terroristët dhe bombat me mbetje bërthamore

A është e mundur të ndërtohet një bombë bërthamore duke përdorur material që shitet në tregun e zi? Sipas revistës Time, përgjigjja është po. Kjo revistë fliste për një skuadër që u ngrit për të parandaluar terrorizmin bërthamor. Deri tani, skuadra «ka montuar më shumë se një duzinë» bomba artizanale duke përdorur «pajisje teknologjike që i blen në dyqanet e zakonshme me gjëra elektronike dhe llojin e karburantit bërthamor që shitet në tregun e zi».

Çarmatimi bërthamor dhe zbërthimi i armëve bërthamore e ka shtuar mundësinë për të vjedhur pajisje bërthamore. «Heqja e mijëra armëve bërthamore ruse nga raketat, aeroplanët bombardues dhe nëndetëset e ruajtura mirë, e grumbullimi i tyre në depo më pak të sigurta, do t’i bëjnë shënjestra tunduese për terroristët e vendosur për t’i vjedhur ato»,—thotë revista Time. Në qoftë se pjesë nga armët bërthamore të zbërthyera i bien në dorë një grupi të vogël njerëzish dhe montohen përsëri së bashku, shumë shpejt ky grup mund të bëhet anëtar i «klubit bërthamor».

Revista Peace thotë madje se nuk ka nevojë as ta montosh një bombë për t’u bërë pjesë e «klubit bërthamor». Gjithçka që nevojitet është të kesh një sasi të mjaftueshme uraniumi ose plutoniumi të llojit të duhur. Revista thotë: «Terroristët që kanë në dorë uranium i cili mund të përdoret për të bërë armë do të arrinin me shumë lehtësi të shkaktonin një shpërthim thjesht duke e hedhur gjysmën e sasisë së atij uraniumi në gjysmën tjetër.» Sa nga ky material bërthamor i pasuruar nevojitet? Sipas asaj reviste, «do të mjaftonin tre kilogramë». Kjo është pothuajse e njëjta sasi materiali bërthamor, i cili mund të përdoret për të bërë armë, me atë që iu konfiskua kontrabandistëve të arrestuar në vitin 1994 në Republikën Çeke.

Një mënyrë tjetër për të krijuar armë bërthamore mund të jenë edhe mbetjet bërthamore. «Ajo që i shqetëson seriozisht specialistët është kombinimi vdekjeprurës i mbetjeve radioaktive dhe i eksplozivëve të zakonshëm»,—thotë The American Spectator. Armët e këtij lloji, pajisje për shpërndarje radioaktive, njihen në disa vende si ‘bomba të pista’. Sa të rrezikshme janë? Në këto lloj bombash përdoren «eksploziva të fuqishëm tradicionalë për të shpërndarë materiale shumë radioaktive, me qëllimin jo për t’i hedhur në erë ose për t’i djegur objektivat, por për t’i helmuar»,—shpjegon gazeta IHT Asahi Shimbun. Ajo vazhdon: «Pasojat që kanë këto bomba te njerëzit shkojnë nga sëmundjet si pasojë e rrezatimit, deri në një vdekje agonike e të ngadaltë.» Ndonëse disa thonë se përdorimi i mbetjeve bërthamore që gjenden me lehtësi nuk do të shkaktonte shumë dëme, fakti që në tregun e zi gjenden materiale bërthamore të pasuruara i shqetëson shumë veta. Sipas një ankete mbarëbotërore të bërë kohët e fundit, më se 60 për qind e të anketuarve mendonin se në dhjetë vitet e ardhshme do të ketë terrorizëm bërthamor.

S’ka asnjë dyshim se kërcënimi bërthamor është ende real për botën. Guardian Weekly e Britanisë, me datë 16-22 janar 2003, komentonte: «Mundësia që SHBA-ja t’u drejtohet armëve bërthamore tani është më e madhe se në çdo kohë tjetër që nga ditët e errëta të luftës së ftohtë. . . . SHBA-ja po e afron gjithnjë e më shumë kufirin e luftës bërthamore.» Prandaj, lind natyrshëm pyetja: A mund të shmanget lufta bërthamore? A ka ndonjë shpresë për një botë ku të mos ekzistojë kërcënimi bërthamor? Këto pyetje do të trajtohen në artikullin vijues.

Një epokë e dytë bërthamore?

Duke shkruar në The New York Times Magazine, gazetari Bill Keller (tani kryeredaktor i The New York Times) shprehu mendimin se kombet kanë hyrë në një epokë të dytë bërthamore. Epoka e parë mbaroi në janar të vitit 1994, kur Ukraina pranoi t’i dorëzonte armët që kishte trashëguar nga ish-Bashkimi Sovjetik. Përse ai tani flet për një epokë të dytë bërthamore?

Kelleri shkruan: «Epokën e dytë bërthamore e sinjalizoi një gjëmim i mbytur nëntokësor në shkretëtirën e Raxhastanit në vitin 1998, kur qeveria e re e Indisë, një qeveri nacionaliste hinduiste, shpërtheu pesë bomba bërthamore për provë. Dy javë më vonë, Pakistani bëri të njëjtën gjë.» Pse këto prova ndryshonin nga ato të epokës së mëparshme bërthamore? «Këto armë bërthamore ishin projektuar duke pasur në mendje një rajon të veçantë.»

Pra, a mund të ndihet më e sigurt bota tani që ka dy anëtarë të tjerë aktivë në «klubin bërthamor»? Kelleri vazhdon: «Çdo komb të ri që ka armë bërthamore bën të shumëfishohet mundësia që nëse fillon një luftë, njëri nga shtetet të jetë fuqi bërthamore.»—The New York Times Magazine, 4 maj 2003, faqja 50.

Situatën e ndërlikon më tej edhe lajmi se Koreja e Veriut mund të ketë «sasi të mjaftueshme plutoniumi për të qenë afër krijimit të gjashtë bombave bërthamore. . . . Çdo ditë shtohet më tej rreziku se Koreja e Veriut do t’ia dalë mbanë të prodhojë armë të reja bërthamore e ndoshta edhe t’i vërë në provë për të treguar suksesin e saj»

Vetëm armët bërthamore na mbajnë superiorë ndaj Perëndimit

Gjenerali më i lartë i Forcave të Armatosura të Rusisë ka bërë të ditur gjatë së premtes se vetëm një arsenal i fuqishëm armësh bërthamore do të siguronin superioritetin ushtarak të Moskës ndaj Perëndimit, në një kohë që zyrtarë të Kremlinit kanë avancuar më tej me një plan disa miliardë dollarësh për të modernizuar ushtrinë e saj deri në 2020-n.

Rusia, e cila me shumë mundësi do të përballet me recesionin për shkak të rënies së çmimit të naftës dhe sanksioneve të vendosura nga Perëndimi prej ndikimit në krizën e Ukrainës, duhet të përballet gjithashtu edhe me format e reja të agresionit nga Perëndimi, përfshi edhe konfrontimin ekonomik, bëri të ditur shefi i Shtabit të Përgjithshëm, Gjeneral Valery Gerasimov.

Por, pavarësisht problemeve të mëdha e të thella ekonomike, ai tha se ushtria ruse do të marrë më shumë se 50 raketa të reja bërthamore ndërkontinentale, gjatë këtij viti.

“Mbështetja për forcat tona strategjike bërthamore, për të siguruar aftësitë e larta ushtarake të tyre, e kombinuar me rritjen e potencialit ushtarak të forcave të përgjithshme të armatosura, do të na sigurojë neve se Shtetet e Bashkuara dhe NATO nuk do të marrin superioritetin ushtarak ndaj vendit tonë”, tha Gerasimov.

Tensionet mes Rusisë dhe Perëndimit janë rritur së tepërmi që prej konfliktit në lindje të Ukrainës, ku Shtetet e Bashkuara dhe Europa akuzojnë Moskën si mbështetëse të kryengritjes, duke i furnizuar rebelët edhe me armatime e trupa ushtarake, akuza këto që rusët i mohojnë.

Rusia ka kritikuar zgjerimin e NATO-s në lindje të Europës, ndërsa Presidenti Vladimir Putin akuzon gjithashtu ushtrinë ukrainase, e cila po lufton kundër separatistëve prorusë në lindje të Ukrainës, se është bërë marionetë e NATO-s me politikën për të “frenuar” Rusinë.

Avionët luftarakë rusë po kapen gjithnjë e më shumë nëpër qiejt e Europës gjatë muajve të fundit. Britania mori në pyetje ambasadorin rus gjatë së enjtes, për t’i lëshuar një notë proteste në lidhje me dy bombarduesit e rrezes së gjatë rusë që fluturuan gjatë së enjtes mbi “kanalin anglez” (ngushticën e La Manshit), duke detyruar autoritetet britanike të aviacionit civil të ndryshonin kurset.

Rusia premton se do të avancojë më tej deri në vitin 2020, një plan modernizimi të ushtrisë ruse prej më shumë se 20 trilionë rubla (286 miliardë dollarë) të hartuar nga Putin, ndërkohë që shpenzimet ushtarake do të mbeten të pandryshuara, edhe në prag të përballjes me krizën gjithnjë e në rritje ekonomike, gjë që ka bërë të shkurtohen buxhetet e shumë Ministrive të tjera.

Projekti i modernizimit synon të riorganizojë sistemet ruse të armatimeve, për të siguruar se 70-100 përqind e armatimeve të Forcave të Armatosura dhe mjeteve të tyre do të jenë nga më modernet deri në fund të dekadës, një plan i konfirmuar nga ministri i Mbrojtjes, Sergei Shoigu.

“Kemi planifikuar të përmbushim programin e armatimit të sjellë nga qeveria dhe të arrijmë deri në vitin 2020 sasinë e kërkuar të sistemeve moderne të armatimeve”, tha ai gjatë takimit.

Rusia vazhdon të mbajë aftësitë bërthamore të mbuluara me fshehtësi, por ushtria e saj me përafërsi 8500 raketa bërthamore në total, përfshi edhe ato të padislokuara (rreth 1000 më shumë se ç’posedojnë Shtetet e Bashkuara), sipas një studimi të vitit të kaluar nga Qendra për Kontrollin e Armëve dhe Ndalimin e atyre Bërthamore.

Duke folur kundër sfondit të rritjes së çmimeve të ndikuar prej dobësimit të rublës, Gerasimov tha se Rusia do të duhet të përballet edhe me të tilla forma agresioni të Perëndimit. “Vendet perëndimore janë duke përdorur aktivisht forma të reja agresioni, duke kombinuar çdo mundësi ushtarake dhe joushtarake. Metoda politike, ekonomike dhe ato të informacionit janë duke u përdorur gjithashtu”, është cituar të ketë thënë ai prej agjencisë së lajmeve Interfax

“Rrezja e vdekjes”, arma më e re e Rusisë


Një armë e re është zbuluar nga zyrtarët rusë, e cila është ndërtuar për të çaktivizuar avionët pa pilotë, madje edhe raketat deri në një kilometër larg.

Mostra e parë e kësaj arme është zbuluar nga Ministria e Mbrojtjes së Rusisë, e cila thotë se “Rrezja e vdekjes” do të përdoret për të çaktivizuar dronët e armikut, duke i shkaktuar atyre humbje të kontrollit.

Arma e re është ndërtuar nga Rusia në bashkëpunim me kompaninë UIMC. “Tashmë efektiviteti i kësaj arme është provuar dhe ka dhënë rezultat. Kjo është një armë krejtësisht e re, e cila nuk është krijuar nga asnjë shtet tjetër megjithëse ka pasur tentativa”, tha një zyrtar, i cili shtoi se “Rrezja e vdekjes” përdor impulse me frekuencë të ulët për të bllokuar avionët e telekomanduar.

Lexoni gjithësesi : 

http://www.mod.gov.al/images/mbrojtja/pdf/mbrojtja_nr11_2013.pdf

Shqipëria integrohet plotësisht në NATO - Ministria e Mbrojtje

http://www.kipred.org/repository/docs/Kosova_n%C3%AB_Kontekstin_e_Siguris%C3%AB_dhe_t%C3%AB_Mbrojtjes_t%C3%AB_Ballkanit_Per%C3%ABndimor_460651.pdf

Kosova në kontekstin e sigurisë dhe të mbrojtjes të Ballkanit ...

http://www.nato.int/nato_static/assets/pdf/pdf_publications/20120117_21st_alb.pdf

NATO në shekullin e XXI

Ish Gjenerali i KGB-së,presidenti rus Vladimir Putin, zyrtarëve rusë: Sillni të afërmit tuaj në “mëmëdhe”!

Shkruan :Flori Bruqi

NATO dhe Rusia po përgatiten për konflikt


Intensiteti në rritje i ushtrimeve ushtarake, të kryera nga Rusia dhe NATO-ja, po i rrit gjasat e një konflikti të armatosur në Evropë, ka paralajmëruar Instituti Rrjeti i Lidershipit Evropian, me seli në Londër.

Drejtori i Institutit, Ian Kearns, ka thënë se lojërat paralajmëruese “po i kontribuojnë klimës së mosbesimit”.

Kearns është bashkautor i studimit, i cili ka analizuar në detaje stërvitjet ushtarake të mbajtura këtë vit nga Rusia dhe NATO-ja, të cilat janë në mosmarrëveshje të thella për shkak të ndërhyrjes së Moskës në Ukrainë.

Ai ka thënë se, transmeton rel, ka shenja se “Rusia është duke u përgatitur për konflikt me NATO-n dhe se NATO-ja është duke u përgatitur për konfrontim të mundshëm me Rusinë”.

Ushtrimet “mund të ushqejnë pasigurinë” dhe të rrisin “rrezikun e përplasjeve ushtarake”, thuhet në studim.

Po sipas tij, NATO planifikon rreth 270 ushtrime këtë vit, ndërsa Rusia ka njoftuar për 4,000 stërvitje në të gjitha nivelet.

NATO-ja ka kritikuar raportin duke thënë se ai “gabimisht i vë ushtrimet e Rusisë dhe të NATO-s në të njëjtin nivel”.

Rreth 25 vjet nga përfundimi i Luftës së Ftohtë, Rusia dhe Shtetet e Bashkuara duket se janë angazhuar sërish në një garë armatimesh bërthamore, që mund të ketë pasoja shkatërrimtare.

Armët e reja bërthamore të Rusisë nuk mund të ndalen nga sistemet mbrojtëse amerikane në rast se shpërthen lufta.

 Moska ka zhvilluar një teknologji të re që mund të tejkalojë fare lehtë sistemet mbrojtëse amerikane.

Gjeneral shtabi i ushtrisë ruse  mbikëqyr modernizimin e arsenalit bërthamor të vendit, një proces që sipas presidentit Vladimir Putin do të përfundojë në vitin 2020, me një kosto prej 700 miliardë dollarësh.

Ndërkohë, një fakt tjetër është se kapacitetet bërthamore të pozicionuara nga Rusia ua kanë kaluar atyre amerikane, për herë të parë që prej vitit 2000, sipas të dhënave të Departamentit të Shtetit.


Në 1 shtator 2014, Rusia kishte 1.643 raketa bërthamore gati për t’i lëshuar, ndërsa Shtetet e Bashkuara kishin 1.642, të gjitha të pozicionuara drejt Rusisë.

Të dyja vendet kanë nisur përshkallëzimin e aktivitetit të tyre bërthamor që nga fillimi i konfliktit në Ukrainë dhe Shtetet e Bashkuara duket se nuk kanë ndërmend të mbeten mbrapa në këtë garë.

Administrata amerikane është gjithashtu e angazhuar në implementimin e një plani për modernizimin e arsenalit të saj bërthamor.

Në shtator 2014, qeveria amerikane hapi një impiant të ri në Kansas Siti pikërisht për modernizimin e kokave bërthamore që u montohen raketave.

Plani amerikan i modernizimit parashikon shpenzimin e mbi 355 miliardë dollarëve në 10 vitet e ardhshme për rinovimin e impianteve të armëve bërthamore dhe laboratorët e tyre.

Administrata Obama i ka kërkuar Pentagonit implementimin e një plani që përfshin 100 bomba të reja bërthamore, 12 nëndetëse të reja bërthamore dhe 400 raketa bërthamore që pozicionohen në tokë. Sipas llogaritjeve të një agjencie, i gjithë procesi do të arrijë në 1 trilion dollarë.

Por a kanë kuptim gjithë këto procese kur dy vendet kanë arsenal bërthamor të mjaftueshëm për të shkatërruar gjithë botën?

A munden Shtetet e Bashkuara dhe Rusia t’i zgjidhin përplasjet e tyre në mënyrë paqësore dhe të avancojnë përpara me procesin e çarmatimit bërthamor?

SHBA-ja nuk shqetësohet nga armatimi rus

Shtëpia e Bardhë dhe Pentagoni kanë vlerësuar se paralajmërimi i presidentit rus,  për forcimin e madh të forcave të armatosura nuk paraqet shkas për shqetësim.



Departamenti amerikan për siguri kombëtare , ka vlerësuar se premtimi për forcimin ushtarak është bërë për nevoja të brendshme, pa qëllim për ta shqetësuar Uashingtonin.


Pentagoni poashtu ka vlerësuar se ripërtëritja e arsenalit ushtarak dhe bërthamor rus nuk paraqet arsye për shqetësim.

Kondoliza Rajs: Armatimi rus nuk do ta prishë barazpeshën e fuqisë

Zgjerimi rus i sistemit bërthamor mbrojtës nuk do të ndikojë në barazpeshën e fuqisë në botë, tha ish sekretarja amerikane e Shtetit, Kondoliza Rajs.

"Barazpesha e fuqisë në fushën e sistemit bërthamor mbrojtës nuk do të prishet me këto masa", tha Rajs, duke theksuar se sistemi amerikan i mbrojtjes bërthamore është "i fuqishëm" dhe "i fortë".

Premieri  rus Dmitrij Medvedev kohë më parë publikoi plan për ndërtim të një sistemi të avancuar bërthamor mbrojtës në Rusi deri në vitin 2020, duke përfshirë edhe sistem mbrojtës kozmik dhe nëndetëse të reja bërthamore.

Rusia është duke zhvilluar një sërë armësh bërthamore e konvencionale si përgjigje ndaj protezave të ardhshëm të SHBA-ve e NATO-s, por me maturi do të llogarisë çmimin, në mënyrë që të mos e ngarkojë tepër ekonominë, deklaroi presidenti rus Vlladimir Putin.


Në fjalimin e mbajtur në Kremlin lidhru me planin për modernizimin e armatimit, Putini tha se Perëndimi nuk do të duhej të befasohej me tentimet e Moskës, pasi që ekziston plani i mbrojtjes anti-raketore të SHBA-ve dhe vendime të tjera që, sipas tij, kërcënojnë sigurinë e Rusisë.

Ai shtoi se modernizimi i armëve në periudhën 2016-2025 do të përqendrohet në ndërtimin e armëve ofensive që do të “garantonte përgjigje ndaj armëve bërthamore”.

Shefi i shtetit rus nuk paraqiti detaje për armën e re, por ai dhe zyrtarë të tjerë në kohët e fundit shpesh janë lavdëruar me raketat e re ruse, që janë të afta të thyejnë çdo “mbrojtje anti-raketore”.

Washington Post: Bota duhet ta dijë se armatimi i kujt e shkatërroi aeroplanin

​Gjatë ditëve të fundit ka pasur dëshmi të mjaftueshme se Rusia po e shton furnizimin e kryengritësve në pjesën lindore të Ukrainës me armatim të rëndë, përfshirë sistemet kundërajrore, shkruan në fillim të artikullit e përditshmja Washington Post.

Sipas artikullit, qeveria në Kiev ka raportuar se dy aeroplanë luftarakë të saj janë qëlluar javën e kaluar, nga separatistët apo nga aeroplanët ose bateritë ruse, që operojnë matanë kufirit.

Kohë më parë siç raportuan mediet botërore  ndodhi tragjedia e madhe: shkatërrimi i aeroplanit të Malajzisë ,ku humbën jetë hiq më pak se  295 njerëz në të.

Autoritetet e Ukrainës akuzojnë se ai ishte goditur nga raketa e lansuar nga bateria e prodhimit rus tokë - ajër, me të cilën janë furnizuar përfaqësuesit e Moskës në Ukrainë.

Nëse raportet konfirmohen, separatistët në Ukrainë dhe sponsorët e tyre në Moskë, do të jenë përgjegjës për krimin e tmerrshëm. Shtetet e Bashkuara dhe aleatët e vet duhet të insistojnë që ata që janë përgjegjës të japin llogari, përfshirë edhe ata në Kremlin, shkruan Washington Post.

Mund të parashikohet se kryengritësit kanë bërë çdo gjë të mundshme të enjten për ta fshehur atë që ka ndodhur. Ata i kanë hedhur poshtë pohimet se e kanë goditur aeroplanin, megjithëqë mbetjet e aeroplanit u rrëzuan në territorin që ata e kontrollojnë afër kufirit me Rusinë.

Komandanti i tyre, shtetas rus dhe ish-oficer ushtarak me emrin, Igor Strelkov, ka pretenduar, një një shkrim të publikuar të entjen, se e ka rrëzuar një aeroplan transportues ushtarak të Ukrainës, e pastaj e ka larguar tekstin.

Mediat ruse të kontrolluara nga shteti, i janë bashkuar mistifikimit, duke e hedhur fajësinë në forcat ushtarake të Ukrainës dhe madje kanë sugjeruar se aeroplani i Malajzisë ishte goditur nga raketa, që ishte hedhur për ta goditur aeroplanin, në të cilin ndodhej presidenti i Rusisë, Vladimir Putin.

Nga ana e tij, zoti Putin në mënyrë të pasinqertë pretendoi se faji është i Ukrainës, meqë kishte ndërmarrë operacione ushtarake kundër kryengritësve, duke e injoruar furnizimin e Rusisë me armatim të rëndë për kryengritësit.

Washington Post, më tutje, shkruan se Shtetet e Bashkuara dhe aleatët e vet nuk duhet të lejojnë që Rusia dhe agjentët e vet të kryejnë fshehje. Ata duhet të këmbëngulin për hetime ndërkombëtare, të sponsorizuara nga Këshilli i Sigurimit i Kombeve të Bashkuara, për të përcaktuar se si aeroplani ishte rrëzuar dhe ku e ka origjinën armatimi i përdorur kundër tij. Qeveria e Putinit duhet të sfidohet për ta mbështetur një hetim të tillë ose duhet të shihet nga bota se e bllokon atë.

Njëherësh, qeveritë perëndimore duhet t’i ndalin interesat speciale dhe kujdesin e tyre të tepruar për të imponuar sanksione më të ashpra kundër Rusisë, për sjelljen e saj në Ukrainë.

Shpallja e administratës Obama të sanksioneve të reja, të mërkurën në mbrëmje, paraqet nder për të.

Duke i marrë në shënjestër dy banka ruse, dy kompani energjetike dhe një numër të firmave të mbrojtjes, sanksionet ishin më të fuqishmet që janë ndërmarrë deri tash. Por, administrata veproi vetëm pas disa javësh të debatit të brendshëm dhe negociatave me qeveritë evropiane, që dështuan të prodhojnë aksion të krahasueshëm të Bashkimit Evropian, shkruan Washington Post.

Shtëpia e Bardhë vazhdon t’u shmanget masave që do të shkaktonin dëme shkatërruese në sistemin financiar rus dhe do ta detyronin zotin Putin dhe elitat ruse rreth tij, të zgjedhin ndërmjet agresionit në Ukrainë dhe ardhmërisë ekonomike të Rusisë.

Masat e së mërkurës i ndalin dy banka që të marrin financime afatgjate në tregjet e Shteteve të Bashkuara, por Thesari nuk i ka përjashtuar ato banka nga sistemi financiar, e as që ka marrë masa kundër bankave më të mëdha.

Megjithëqë banka e vet është sanksionuar, gjiganti rus energjetik, Gazprom, mbetet i paprekur.

Madje edhe para humbjes tragjike të aeroplanit të Malajzisë, duhet të ishte e qartë për perëndimin se agresioni i Rusisë në Ukrainë nuk mund të neglizhohet ose të mbetet anash. Është kriminale dhe e patolerueshme dhe duhet të trajtohet në mënyrë përkatëse, shkruan në fund të artikullit e përditshmja Washington Post.

Rusia është duke urdhëruar të gjithë zyrtarët e saj që familjarët e tyre që jetojnë jashtë vendit t’i kthejnë në shtëpi, deklarata këto që vijnë në mes të tensioneve mbi perspektivën e luftës globale.

Siç shkruajnë mediat ndërkombëtare ,  politikanë dhe personalitete të larta thuhet se kanë marrë një paralajmërim nga Presidenti, Vladimir Putin, për të sjellë të dashurit e tyre në “mëmëdhe”, sipas mediave lokale.

Një lajm i tillë vjen pasi Putini kishte anuluar një vizitë të planifikuar në Francë, në mes të zemërimit rreth rolit të Moskës në konfliktin sirian.

Ish-lideri sovjetik Mikhail Gorbachev ka paralajmëruar gjithashtu se bota është në një “pikë të rrezikshme” për shkak të tensioneve në rritje në mes Rusisë dhe SHBA.

Sipas Daily Star,  stafi i administratës, administratorët rajonalë, ligjvënësit e të gjitha niveleve dhe punonjësit e korporatave publike janë urdhëruar për të marrë fëmijët e tyre nga shkollat e huaja menjëherë.

Gjithsesi mediat botërore shkruajnë se arsyeja e saktë e këtij urdhri ende nuk është e qartë.

Por analisti politik rus Stanislav Belkovsky është cituar nga Daily Star të ketë thënë: “Kjo është e gjitha pjesë e pakos së masave për përgatitjen e elitave për një “luftë të madhe”.

Mburoja antiraketore në Rumani, Vladimir Putin: Do të neutralizojmë kërcënimet amerikane

Vlerësohet se marrëdhëniet mes Rusisë dhe SHBA janë në nivelin më të ulët të tyre që nga Lufta e Ftohtë dhe janë përkeqësuar ditët e fundit.

Aktivizimi i mburojës antiraketore në Europë nga Shtetet e Bashkuara përbën një garë të re armatimi, ka bërë të ditur Presidenti rus Vladimir Putin këtë të premte, duke u angazhuar se do të rishikojë buxhetin e shpenzimeve të mbrojtjes për të neutralizuar “kërcënimet e lindur rishtazi” ndaj Rusisë.

Shtetet e Bashkuara publikuan një ditë më parë planin për aktivizimin e bazës së periudhës sovjetike antiraketore në Rumani, duke e argumentuar se ky veprim ndiqej si pasojë embrojtjes kundër raketave të Iranit apo të shteteve të tjera të papërgjegjshme.

Por duke iu drejtuar zyrtarëve më të lartë të Mbrojtjes dhe të industrisë së armatimeve, Putin tha se, sistemi nuk ka qëllim tjetër veçse të sfumojnë arsenalin bërthamor rus.

“Ky nuk është një sistem mbrojtjeje, por është pjesë e potencialit strategjik bërthamor të Shteteve të Bashkuara të sjellë deri në periferi. Në këtë rast, Europa Lindore është thjesht një periferi e planeve strategjike amerikane”,- tha Putin.

“Deri më sot, ata që kanë ndërmarrë vendime të këtilla kanë jetuar në qetësi dhe siguri. Por, teksa të tilla elemente të mbrojtjes nga raketat balistike janë sjellë deri në këtë pikë, ne jemi të detyruar të mendojmë sesi të neutralizojmë kërcënimet në rritje ndaj Federatës Ruse”,- tha ai.

Ai shtoi se, shoqëruar dërgimin në Mesdhe të luftanijeve amerikane që mbajnë raketa “Aegis” dhe elementë të tjerë antiraketorë në Poloni, baza në Rumani ishte “thjesht një tjetër hap për të kërcënuar sigurinë ndërkombëtare dhe për të rinisur një tjetër garë armatimi”.

Rusia gjithsesi, – garantoi Putin, – nuk do të përfshihet në këtë garë. Por, ajo do të vazhdojë armatosjen e ushtrisë dhe marinës së saj dhe të shpenzojë të gjitha fondet e miratuara në këtë fushë, në mënyrë që “ruhet balanca aktuale e forcave strategjike”.

Zëvendëssekretari amerikan i Mbrojtjes, Robert Work deklaroi gjatë së enjtes se mburoja antiraketore nuk do të përdorej kundër ndonjë kërcënimi të ardhshëm raketor rus. Frank Rose, zëvendësndihmës i Sekretarit të Shtetit për kontrollin e armëve, paralajmëroi gjatë kësaj kohe se raketat balistike të Iranit mund të godasin edhe pjesë të Europës, përfshi Rumaninë.

Ndërkohë, Putin i është kundërpërgjigjur duke thënë se, perspektiva e një kërcënimi bërthamor nga Irani nuk duhet të merret më në konsideratë, pasi një gjë e tillë po përdoret nga Uashingtoni si një shfajësim për të zhvilluar mburojat e saj antiraketore në Europë.

Tentuan të futen në Zonën 51, shihni si reaguan baza sekrete në SHBA

Njerëz të armatosur me uniformë kamuflazhi u shfaqën menjëherë, sapo dy persona me motor u afruan, në atë që mendonin të ishte një hyrje e pazbuluar më parë e Zonës 51 në Shtetet e Bashkuara.

Motoçiklistët, të terrorizuar, u detyruan t’i nënshtrohen kontrollit, teksa dy njerëzit e armatosur ju kërkuan të ngrenë duart lart.

Motoçiklistët po udhëtonin në një rrugë malore në Nevada, pranë perimetrit të Bazës Ushtarake Ajrore, ku mendohet se ndodhet edhe Zona 51, kur ata u ndalën dhe u kontrolluan.

Shumë teori konspirative besojnë se Zona 51, një cep i largët në Nevada, mban brenda saj teknologji të UFO-ve.

Megjithatë këto teori disa herë janë hedhur poshtë dhe vendi është deklaruar se përdoret për të testuar avionët më modernë të ushtrisë amerikane, si “U2” dhe “SR-71”.

Edi Rama, : Nuk po flasim për historinë, nuk po flasim çfarë pëlqen kryeministri, presidenti apo patriarku

Dy kryeministrat, ai i Shqipërisë, Edi Rama, si dhe ai i Serbisë, Aleksandar Vuçiq kanë shkëmbyer mendimet e tyre rreth çështjeve aktuale që kanë të bëjnë edhe me Kosovën, në forumin për siguri të mbajtur në Beograd.

Dy temat të cilat kanë qenë kyçe në dialogun e shoqëruar edhe me replika, kanë qenë çështja e Trepçës dhe ajo e arrestimit të zyrtarit të Policisë së Kosovës në Serbi, Nehat Thaçi, përcjell Telegrafi.

“Kosova është aty ku ne nuk biem dakord komplet. Pikëpamja ime është që sa më parë që Serbia ta njoh Kosovën, më mirë është për të gjithë. Ka një proces, që është dialogu edhe që është shumë i rëndësishëm”, ka thënë Edi Rama, gjë për të cilën ka shtuar se përshëndet edhe qëndrimin e Vuçiqit për mbështetjen e këtij procesi.

Në këtë drejtim ai ka shtuar se nuk duhet të harrojmë se kur flasim për dialog, flasim për njerëz.

“Nuk po flasim për historinë, nuk po flasim çfarë pëlqen kryeministri, presidenti apo patriarku”, ka thënë Rama.

Ajo që ka karakterizuar replikat ndërmjet Ramës e Vuçiq ka qenë çështja e Trepçës.

Sa për Trepçën, ka thënë Rama, nuk e kupton se si një ndërmarrje që është në tokën e Kosovës, duhet të jetë çështje që i takon edhe Serbisë.

“Çfarë do të bëni me Trepçën, do ta transportoni në Beograd?”, e ka pyetur Rama, Vuçiqin.

“Është në tokën e Kosovës”, ka shtuar më tej Rama.

“Kur mendojmë për njëri-tjetrin, duhet të mendojmë që t’i bëjmë serbët e lumtur në Kosovë, duhet t’i bëjmë të lumtur shqiptarët në jug të Serbisë. Të dy vendet kanë premtuar për të ecur përpara, për të lënë pas të kaluarën. Unë do të vij prapë këtu, nuk më intereson çfarë thonë njerëzit. Jam një person që mendoj se shqiptarët dhe serbët mund të bëjnë diçka për rajonin. Ne jemi këtu dhe e ardhmja është në dorën tonë”, ka thënë ndër tjerash kryeministri Rama.

E pasi Rama ka përmendur çështjen e Trepçës, Vuçiq ka thënë se ai me këto deklarata po bën politikën ditore.

“Kur vura re prezencën e medieve kosovare e vura re që Edi do të bënte politikën ditore. Ai është një politikan më i mirë se unë, por guxoj të them se di më shumë se Edi për Trepçën”, ka thënë Vuçiq.

Në këtë drejtim, sipas tij, “kur thuhet që duhet të mendohet për serbët dhe shqiptarët, a mund ta gjesh që një serb do të pajtohej me këtë”, duke aluduar në vendimin e fundit të Kuvendit të Kosovës, miratimin e Ligjit për Trepçën.

“Ata as nuk folën me serbët, ata vazhduan procedurat, i shmangen ato”, ka shtuar më tej Vuçiq.

Ndërkaq, rreth arrestimit të Nehat Thaçit, kryeministri Vuçiq ka thënë se nuk i di detajet, duke shtuar se bëhej fjalë për një mandat arresti të vitit 1997.

Sipas tij, edhe pretendimet se pas arrestimit të Thaçit do të duhej të ndërpriteshin negociatat janë tepërta, duke shtuar se Serbia nuk e ka bërë një gjë të tillë, edhe pse autoritetet në Kosovë e kanë bërë arrestimin e Oliver Ivanoviqit.

Dr. Bernard Kouchner: Kam punuar 2 vjet në Kosovë, por kurrë nuk më ka ftuar në shtëpi një familje kosovare

Bernard Kouchner është një politikan francez, në të shkuarën ka qenë ministër shëndetësie dhe ministër i punëve të jashtme. Në vitet 1999-2000, ka pasur postin e kryeadministratorit të Kosovës.

Desada Metaj: Megjithatë, ju u kthyet përsëri në rajon, por kësaj radhe në Kosovë. Cila ishte përshtypja juaj e parë me të mbërritur në atë vend dhe takimi i parë me kosovarët?

Kouchner: Kosova është një tjetër histori. Unë në Kosovë kam qenë i dërguar nga Kombet e Bashkuara për 2 vjet. Ajo ishte një lufte për çlirim sigurisht, por shumë e veçantë, sepse shqiptarët e Kosovës donin të ishin të lirë, të mbronin kulturën e tyre, të kishin akses në botën moderne, në edukimin modern dhe kjo qe mjaft e vështirë, sepse në Bosnjë flitej e njëjta gjuhë, flitej serbisht. Të dyja komunitetet serbo-kroate dhe myslimane në Bosnjë njiheshin, shkonin në shkollë bashkë. Ndërsa në Kosovë ishte një ndarje e plotë, njerëzit nuk flisnin serbisht, flisnin shqip dhe jetonin në anën e tyre. Vetëm në Beograd kur ndiqnin studimet, vetëm aty bashkoheshin, ndërsa në Kosovë jetonin të ndarë. Ne jemi përpjekur që të krijojmë shkolla mikse ku të mësohej shqip dhe serbisht. Kjo ka qenë një betejë e vështirë dhe e pamundur. Vetëm një shkollë e fshehur dukej sikur funksiononte dhe ne nuk e vizitonim, kështu kisha vendosur, por i lamë të bashkëjetonin të dyja komunitetet. Ishte vërtet e vështirë dhe në atë kohë ishte UÇK. UÇK luftonte për çlirimin e Kosovës që përshkruhej në perëndim si një grup njerëzish të egër. Duhet kuptuar që Franca kishte një marrëdhënie të veçantë me Serbinë. Franca dhe Serbia ishin shumë të lidhura, ushtria franceze kishte një numër të konsiderueshëm serbësh, jugosllavësh në atë epokë. Dhe jugosllavët për Francën ishin njerëz të hapur ndaj botës, ishte një komunizëm më i butë dhe më i hapur, më të lirë. Unë kam qenë me studentë komunistë dhe sikurse jua thashë kam qenë anti-stalinistë. E pata vizituar Jugosllavinë në vitet ’60 dhe më dukej mirë.

Nuk mund ta mendoja kurrë që serbët dhe kroatët do të luftonin me njëri-tjetrin, i përkisnin republikës socialiste jugosllave. Më pas pamë që realiteti ishte ndryshe. Në Kosovë lufta qe e ashpër, në Kosovë lufta ishte më e egër. Ishin milicët serbë që vrisnin dhe ushtria e kosovarëve dhe 1 milion njerëz që largoheshin nga vendi i tyre për të ardhur tek ju, disa shkuan në Maqedoni apo në Mal të Zi për t’u strehuar pasi i shpëtuan barbarizmave dhe vrasjeve të milicisë serbe. Pra, kishte dy zgjidhje, ose do të arrinim njëfarë marrëveshjeve dhe t’i linim të bashkëjetonin kosovarët dhe serbët ose duheshin ndarë nga njëri-tjetri. lufta qe e mizore dhe urrejtja mjaft e egër. Pas disa vitesh tentativash, unë personalisht, brenda një muaji apo dy u binda që nuk ishte e mundur bashkëjetesa. Ndryshimet kulturore, kulturore ishte një emër për të maskuar divergjencat familjare, luftërat, përplasja qe shumë e fortë. Kosovarët nuk donin t’i lejonin që serbët të ktheheshin. Racizëm të theksuar i karakterizonte ta dyja palët. Duhet përmendur edhe influenca e Perandorisë osmane, për 4 shekuj. Me pak fjalë komuniteti ndërkombëtar vendosi se ndarja qe zgjidhja më e mirë, por aspak e thjeshtë. Unë kam qenë më afër kulturës serbe sesa për kosovarët.

Kam punuar 2 vjet në Kosovë, por kurrë nuk më ka ftuar një familje kosovarësh. Vetëm një herë ndodhi, ajo quhej Mimoza, ishte dentiste, edhe i shoqi po ashtu.

Edhe një herë më ka ftuar Hashim Thaçi. Nuk ka qenë aspak e lehtë. Ne vendosëm se ishte më mirë që t’i ndanim nga njëri-tjetri. Bashkimi evropian është zgjeruar goxha dhe në bashkimin evropian ka një Serbi, një Kroaci dhe Kosova mund të krijonte federatat që donte, ky ishte vizioni ynë i bukur. Krocia është tashmë pjesë e Evropës së bashkuar. Serbia duhet të hynte. Kosova ndoshta, ju gjithashtu, por Evropa nuk po shkon mirë.