“Kathimerini”: Pas PDIU-së fshihet Erdogan

Një parti e vogël…dhe pas saj Erdogani”. Ky është titulli i një artikulli të gazetës “Kathimerini” të së dielës, që analizon rolin e PDIU në Shqipëri, deklaratat e Komisionerit Hahn, gjendjen politike në vend para zgjedhjeve parlamentare dhe ato për Presidentin, si dhe minimin e marrëveshjes për kufirin detar midis Shqipërisë dhe Greqisë

“Është paradoks – shkruan “Kathimerini”, – që një parti e vogël me 5 deputetë, por që pas saj fshihet gishti i Erdoganit, jep tonin në marrëdhëniet shqiptaro-greke në vitet e fundit, duke u bërë aleate në disa qeveri”.

Artikulli përshkruan gjendjen e krijuar në Parlamentin shqiptar pas vizitës së kryeparlamentarit Meta në Athinë.

Gjithashtu theksohet se, edhe ministri i Jashtëm Bushati, në të njëjtën seancë ka deklaruar se qeveria shqiptare mban lart në agjendën e saj Çështjen Çame dhe vetëm disa deputetë, si Dade, Meta dhe Dule, u përpoqën të bindin Parlamentin shqiptar se çështjet e pazgjidhura midis dy vendeve kërkojnë edhe një klimë të mirë në marrëdhëniet dypalëshe, që do t’i shërbejë edhe ecurisë europiane të Shqipërisë.

“Kathimerini” përmend se, edhe ish-kryeministri Berisha ka lënë të nënkuptohet në Parlament se, pas prishjes së marrëveshjes së detit qëndron një forcë e tretë, e cila është Turqia. “Kathimerini” ka intervistuar edhe anëtarin tjetër të PDIU-së, Tahir Muhedinin, që ka folur me urrejtje për ushtarët e Zervës, për miqësinë me ortodoksët vendas para dëbimit, për organizimin e partisë prej viteve ’90 e deri më sot, kur numërohen mbi 320 mijë çamë në të gjithë vendin, pavarësisht se sipas historisë – siç thotë ai, – rreth 20 mijë kanë qenë ata që kanë ardhur në vititn 1944.

Duke iu përgjigjur pyetjes se ku i gjen fondet për aktivitete kaq të mëdha brenda dhe jashtë vendit, një parti e vogël si PDIU-ja, ai përgjigjet se “ajo mbështetet nga biznesmenë të fuqishëm”.

Nga Arben Llalla : Takimi sekret i Ilir Metës me ekstremistin grek Jorgos Surlas

Kryetari i LSI-së u takua me kryetarin e shoqatës “Dëshmorët e luftës së 1940”, të cilit i premtoi ngritjen e 8 mijë varreve greke në Shqipëri.

Kryetari i LSI-së, Ilir Meta, ka mbajtur të fshehtë një takim të rëndësishëm që ka kryer gjatë vizitës tre ditore në Greqi. Kryetari i Kuvendit është takuar në Athinë edhe me Jorgos Surlas, kryetarin e shoqatës “Dëshmorët e luftës së 1940” dhe përfaqësues të tjerë të kësaj shoqate. Por, kjo ndalesë greke e Metës nuk është publikuar dhe nuk është përcjellë asnjë e dhënë nga stafi i tij, për këtë takim jo pa rëndësi me kreun e një shoqate që larton ende Ligjin e Luftës mes dy vendeve.

Takimi i delegacionit të Ilir Metës me përfaqësuesit e shoqatës ekstremiste greke që pretendon të ndërtojë rreth 8.000 varre boshe të ushtarëve grekë të vrarë gjatë luftës italo-greke, u zhvillua në ambiente të mbyllura dhe larg mediave shqiptare. 27.al ka mësuar se kryetari i Kuvendit të Shqipërisë, Ilir Meta e ka garantuar përfaqësuesin e shoqatës greke se shumë shpejt ai do të ndikojë për marrjen e vendimit për nisjen e ndërtimit të varrezave të ushtarëve grekë në Shqipëri. Në këtë takim mësohet se Meta ka premtuar se më 28 tetor do vendosë lule tek varrezat greke në Bularat.

Kreu i kësaj shoqate, Jorgos Surlas ka qenë deputet i Kuvendit të Greqisë 1981-2007 me partinë e djathtë “Demokracia e Re”. Në vitin 1990-1992 ishte ministër në qeverinë e Konstandin Micotaqit, ndërsa në vitin 2007 ishte nënkryetar i Kuvendit të Greqisë. Sot është kryetar i shoqatës “Dëshmorët e luftës së 1940”.

Në fotografitë që 27.al publikon sot, duket edhe një detaj i rëndësishëm, në dhomën ku zhvillohet takimi mungon flamuri shqiptar përkrah atij të BE-së dhe Greqisë.

Një tjetër detaj i vizitës së Metës në Greqi është edhe një fjalim i munguar i tij në Kuvendin e Greqisë ashtu siç e do tradita demokratike. Me sa duket, Ilir Meta është pritur nga zyrtarët grekë më shumë si kryetar i LSI-së se sa kryetar i Kuvendit të Shqipërisë.

Në cilëndo cilësi që Meta ka zhvilluar vizitën në Greqi, do të ishte e udhës të japë sqarime rreth takimit sekret, çfarë i kërkuan dhe çfarë iu premtoi ekstremistëve grekë që vazhdojnë të mbajnë në fuqi Ligjin e Luftës mes dy vendeve.

Greqia shtet i shqiptarëve

Origjinat e shtetit helen. Kur Janina e populluar me shqiptarë rivalizonte Stambollin. Suliotët e pamposhtur në tokë dhe arvanitasit të pamposhtur në det

Sot ka shumë njerëz që besojnë se periudha e sundimit osman ishte vetëm një parantezë në historinë greke dhe që në thelb asgjë nuk kishte ndryshuar për 400 vjet, por në realitet në këtë periudhë ka pasur ndryshime të mëdha në nivele të ndryshme në shoqëri, ekonomi, demografi. Zhvillime që kanë ndikuar jo vetëm tek revolucioni kombëtar, çlirimtar grek i vitit 1821, por edhe në Greqi sot.

Ka pasur ndryshime të mëdha në historinë e shtetit grek duke nisur qysh në vitin 1821, pas katër shekujsh në skllavëri populli u zgjua kundër pushtuesit. Në të vërtetë origjina e ndryshimit është më herët. Në vitin 1570, defteri grek tregon se fshatra grekë si ai Panajasë, kishin kaluar mbi 100 vende, ndërsa shqiptarët kishin themeluar fshatra të reja. Shumë vite më vonë, Janina e vitit 1800 e populluar me shqiptarë rivalizonte me Stambollin dhe ishte e populluar me shqiptarë. Për të arritur në këtë përfundim janë kryer studime të hollësishme në varrezat greke nga arkeologët dhe janë studiuar edhe rregjistrat e kohës osmane.

Një dokumentar jep detaje historike të rëndësishme që flasin për drejtimin e shtetit grek nga shqiptarët. Ndiqni më poshtë të plotë këtë film dokumentar i përshtatur edhe në gjuhën shqipe.

Marin Mema: Tani që njohu Çështjen Çame, do ta shpallin grekët Non Grata BE-në?!

Reagon gazetari shqiptar që është shpallur person i padëshirueshëm në Greqi: 

E verteta historike vonon, por nuk harron!

“Po tani që edhe BE-ja e njohu Çështjen Çame do t’i shpallni edhe ata të padëshirueshëm (Non Grata)?”, është ironia e gazetarit Marin Mema, i shpallur si person i padëshirueshëm në Greqi për shkak se ka realizuar dokumentarë me temë të lidhur me Çështjen Çame. Përmes një mesazhi në facebook, Marin Mema thekson ndër të tjera: “E vërteta historike vonon, por nuk harron! #ÇameriaKerkonDrejtesi. Ja pra që e vërteta historike nuk është nacionalizëm qorr, siç kërkuan shpesh ta shisnin!! Historia është boshti që lidh të shkuarën me të ardhmen. Po tani çdo të thonë? Ahhh po harrova edhe BE-ja, ashtu si unë dikur, është e “sëmurë” nga mendimet revanshiste dhe jo të mbështetura në fakte.”

Letër nga Amerika:Shkruan Profesor.Dr.Eshref Ymeri

Bashkëbisedim me moderatorin e ,,Agjencionit Floripress "Zt.Flori Bruqi

Shkruan Prof.dr. Eshref Ymeri

I dashur Flori,

Në faqen e internetit "VOAL" të moderatorëve me emër në publicistikën atdhetare kombëtare, Skënder dhe Elida Buçpapaj, lexova artikullin e gazetarit të talentuar Marin Mema, me titull "Hesht Enverushkë! Unë jam shqiptar Kosove", të botuar më 17 tetor 2016.

Përmes Portalit tuaj, dëshiroj t'i drejtohem zotërisë Marin Mema me letrën e mëposhtme:

I dashur Marin,

Artikullin tuaj e lexova me një frymë dhe u emocionova tej mase.

Një artikull me një frymëzim të jashtëzakonshëm.

Ju përshëndes dhe ju shpreh përgëzimet e mia më të mira për formimin tuaj të shkëlqyer nacionalist.

Ju jeni një intelektual i ri që keni një brumosje shembullore për të gjithë brezin e ri të kombit shqiptar.

Dikur kam lexuar në internet për qëndrimin shovinist që kanë mbajtur ndaj jush autoritetet greke, kur ju, si gazetar i kanalit televiziv "Top Channel", donit të pasqyronit realitete nga hapësirat e Çamërisë.

Politika greke, i dashur Marin, ka qenë, është dhe do të vazhdojë të mbetet armike e betuar e kombit shqiptar, deri atëherë kur trojet tona etnike, që nga Tivari deri në Prevezë, të ribashkohen në një shtet kombëtar, me një stemë dhe me një flamur.

Ju jeni biri i Kolonjës, i asaj vatre të ndezur shqiptarie, ku lindën dhe u rritën figura të shquara të nacionalizmit shqiptar.

Prandaj edhe e ndieni veten bir të çdo treve shqiptare që ju e përmendni në artikullin tuaj.

Enverushkat që ju u çirrni maskat në artikullin tuaj, janë shërbëtorë besnikë të grekosllavizmit, para të cilit kanë shtruar kurrizin që më 08 nëntor 1941.

Prandaj edhe e braktisën Çështjen Çame, sollën në Tiranë guvernatorin grek Janullatos dhe Shqipërinë e Jugut na e ndotën me varreza dhe me memoriale për ushtarët agresorë grekë.

Madje, siç doli edhe nga fjala e Ilir Metës pas vizitës në Athinë, i shoqëruar tërësisht nga deputetë të minoritetit grek, pa asnjë deputet të komunitetit çam në përbërje të delegacionit, pritet që Shqipëria e Jugut të ndotet përsëri edhe me varreza të tjera ushtarësh agresorë grekë.

Ju përshëndes dhe ju shtrëngoj dorën për atdhetarizmin tuaj të kulluar.

Eshref Ymeri

Kolumbus, Ohajo

23 tetor 2016

Hesht Enverushkë! Unë jam shqiptar Kosove 

Nga Marin Mema 

Une jam shqiptar Kosove sepse stergjysherit e mi kane dhene shpirtin per kete vend . Une jam shqiptar kosove sepse stergjysherit e mij nuk shihnin kufij mes Shqiperise. Une jam shqiptar kosove sepse e kam njohur çdo element te masakrave te tmerrshme te bera mbi vellezerit e motrat e mija kosovare ! Une jam shqiptar kosove sepse respektoj Haxhi Zeken, Hasan Prishtinen, Isen e madh, Azem e Shote Galicen, Sulejman Vokshin, Idriiz Seferin, Bedri Pejanin, Ahmet Deline, Shaqir Smaken e shume te tjere. Ata jane heronj per mua !! Ata kane nje gjak me mua !!! Une jam shqiptar kosove sepse Adem Jashari, Zahir Pajaziti e shume te tjere, luftuan per te njejtin flamur, sepse ne shpirtin e tyre ishte i njejti vrull si burrat e qemoti !!!

Une jam shqiptar Kosove sepse kurre nuk do te pranoj qe historine te ma beje ndonje burracak Enver apo Enverush, sido u quajt, Albert , Hashim apo diçka tjeter. Une jam shqiptar kosove sepse gjaku nuk behet uje, sepse gjakun edhe pse une jam nga Kolonja e kam te njejte me çdo shqiptar kosove !! E kete nuk e ndalon askush !!

Nuk prishet e perçudnohet historia sepse disa tuafer ( me qellim) duan te ngrene pengesa e biles edhe”arme” moderne duke ndezur armiqesi mes te njejtit komb.!! Nuk dua te di nese ne pushtet eshte Edi apo Lulzimi (sepse per çeshtjen kombetare nuk ka te majte e te djathte, nuk ka as flamuj politike), por ate qe s’mundet ta ndaloje askush nga keta BURAT me nje R eshte te qenit shqiptar, te menduarit bashke, te ecurit bashke, drejt nje historie qe do apo s’do Enverushi eshte e perbashket !!

Historia nuk eshte loder, nuk eshte telekomande ku çdo kush mund te shtype stacionin qe deshiron, por eshte identitet, pasion, ndjenje, eshte gjak, eshte e mbetet HISTORI !! Ndaj shpesh eshte me mire te heshtesh se te broçkullisesh !! Hesht Enverushke eshte me burrerore se te hollosh zerin e te besh si burre ! Ti nuk behesh kurre burre duke mohuar historine !!

Une e kuptoj se te jesh pushtetar si keta, nuk te intereson identiteti kombetar, por kjo s’do te thote se ne, njerezit e thjeshte duhet te hapim rruge, e te lejojme keta pseudoshqiptare te hapin goje e te nxjerrin te vjella antikombetare !! Historine e bejne burrat e jo gjysme burrat !! Une jam shqiptar kosove dhe i tille do te mbetem !!! Ndaj Enverusherit dhe gjithe çeta pas tij duhet te kafshojne gjuhen nese nuk u pelqen, duhet ta bejne me zorr, sepse fatin e shqiptareve te Kosoves nuk e vendos askush tjeter perveç historise qe ka dritheruar çdo shtepi ne ate toke !! I ndjeni klithmat ? I ndjeni vuajtjet ? po masakrat , vrasjet, ndyrsite , i ndjeni ??? E pra ato jane shpirtera, shkuan per te qene te lire, e jo per tu drejtuar nga askush qe per interesa personale shpik, mohon, hedh poshte, shkel identitetin, siç po bejne ca nga pushtetaret xhepa plote e shpirt te boshatisur !!! Une jam shqiptar kosove e kete s’ma ndalon askush !! Historia eshte per burrat e jo per dallaveraxhinjte !!

PS : Kush u merzit le te kerkoje yjesine ne qiellin blu per hir te pushtetit te disave… Ne te tjeret nuk kemi ndasi , perkundrazi jemi shqiptare Kosove, Çamerie, Sanxhaku, Presheve, Plave e Gucie, Podgorice , Shkupi e keshtu me rradhe !! Jemi shqiptare!!!

Sondazhi i Artur Zhejit/ PD fiton 75 përqind të votave

Gazetari Artur Zheji, ka publikuar sot në faqen e tij online rezultatet e një sondazhi 7 ditor, i cili ka dhënë shifra befasuese.

Sipas sondazhit të Zhejit, nëse zgjedhjet do të zhvilloheshin sot, për Partinë Demokratike do të votonin 75 përqind e pjesmarrësve në sondazh. Ndërsa PS renditet e dyta, me 14 përqind, vetëm 2 përqind më shumë se LSI, e cila vjen e treta.

Mesa duket lexuesit e Artur Zhejit janë në sinkron me opozitarizmin e shfaqur së fundi nga vetë Zheji dhe faqja e tij online.

Më poshtë sondazhi i paraqitur grafikisht:

Berisha vlerëson Nanon dhe i kujton Ramës protestat e “Mjaft”

I pyetur për marrëdhëniet e tij me ish-kryeministrin Fatos Nano, ish-kryeministri Sali Berisha tha se i njihte atij disa merita.

“Fatos Nanos i njoh meritën e padiskutueshme të një reforme të Partisë Socialiste. PS deri në atë kohë ishte parti leniniste Ai nga anëtar i thjeshte u bë kryetar dhe me të PS u bë një parti tjetër.

Së dyti ai bëri rotacionin e pushtetit. Ai dha dorëheqjen. Pranoi humbjen dhe u largua. Nuk e kam bërë asnjëherë gjahun e tij. Nuk e kisha qëllim pasi erdha në pushtet” – tha Berisha.

Berisha pranoi edhe një fakt se në vitet 2004-2005 ka bashkëpunuar me Edi Ramën përmes organizatës “Mjaft” për të rrëzuar nga pushteti Kryeministrin e asaj kohe Fatos Nano.