Gjykatësja bullgare Prof.Dr. Ekaterina Trendafilova, Kryetare e Dhomave të Specializuara të Kosovës, do të mbajë konferencë për shtyp në ndërtesën e Dhomave të Specializuara në Hagë ditën e mërkurë më 4 maj.

Gjatë takimit të saj të parë me mediat, Trendafilova do të japë një deklaratë në lidhje me ecurinë e punës së Dhomave të Specializuara të Kosovës, veçanërisht në lidhje me Rregulloren e Procedurës dhe të Provave.

Konferenca për shtyp do të mbahet në anglisht. Njëkohësisht do të vihet në dispozicion një deklaratë me shkrim në anglisht, shqip dhe serbisht. Videofilmimi mund t’u jepet mediave, me kërkesë të tyre, në një fazë të mëvonshme. "Presheva jonë” nga Haga ka mësuar se gjatë kësaj konference shtypi, të dytën me radhë zyrtarët e Speciales do të bëhet fjalë për aktivitetin e Gjykatës, hetimeve, punës se gjyqtarëve dhe prokurorëve ku do të shpalosen dosjet e krimeve në Kosovë.

Pritja për Ramush Haradinajn në Prishtinë: Më keni nderuar lart me pritjen që më keni bërë

Ish kryeministri i Kosovës, Ramush Haradinaj, një ditë pas kthimit në Kosovë, ku nga 4 janari ishte ndalur nga autoritetet franceze me akuzë të Serbisë, ka falënderuar të gjithë shqiptarët që e kanë përkrahur dhe e kanë vizituar.

Shkrimi i plotë i Haradinjat në Facebook:

Të dashur shqiptarë,

Kam marrë dhjetëra mijëra mesazhe urimi nga ju dhe nuk kam patur mundësi t'i kthej. I kam lexuar me vëmendjen më të madhe secilin veç e veç.

Kam pritur mijëra prej jush, por shumë të tjerëve nuk kam qenë në situatë tu takoj!

Keni qenë qindra mijëra, në të gjitha anët e Globit, që jeni vënë në krahun tim, duke më mbrojtur mua dhe të drejtën shqiptare!

Duke qenë në rrethana të jashtëzakonshme, nuk kam mundur tu takoj e tu flas sy më sy.

Më keni nderuar lart me pritjen që m'keni bërë.

Të gjithë Ju, më keni prekur thellë dhe më keni bërë më të fortë se kurrë!

Ju falëndëroj nga zemra!

Do të jemi bashkë edhe sot edhe gjithmonë, e në shërbim të vendit. Krenar me Ju!

Juaji Ramush Haradinaj

Presidenti amerikan zt.Donald Trump dhe James Mattis janë informuar për zhvillimet në Kosovë, nga Senatori John Mccain

Senatori amerikan John McCain ka njoftuar sekretarin e Shtetit të SHBA-vë James Mattis dhe këshilltarin për Siguri Kombëtare të presidentit Donald Trump, rreth situatës në Kosovë.

McCain, i cili vizitoi Kosovën gjatë muajit prill të këtij viti, në një intervistë me portalin amerikan Politico ka thënë se Ballkani rrezikon të destabilizohet dhe për këtë duhet që Shtetet e Bashkuara të Amerikës të luajnë rol konstruktiv në këtë rajon.

Senatori McCain tha se zyrtarët e lartë të shtetit amerikan i kanë kuptuar rreziqet të cilat i ka parashtruar ai, rreth Ballkanit.

“Ai [presidenti Trump v.j] i dëgjon  James Mattisin dhe gjeneralin  John McMaster. Ai me të vërtetë i beson atyre”, ka thënë John McCain.

McCain po ashtu ka bërë të ditur se nga vizita e tij në shtetet ballkanike gjatë këtij muaji, liderët e këtyre shteteve kanë qenë të interesuara për qasjen e presidentit Donald Trump ndaj rajonit.

“Ka shumë pasiguri atje. Pyetja e parë që secili nga at liderë më bënë, ishte se cilat do të jenë politikat dhe strategjitë amerikane”, ka thënë John  McCain.

Senatori republikan ka thënë se për tu zgjidhur problemet në Ballkan, duhet “Lidershipi Amerikan”.

Tetovari i njësitit special Afrim Zulfiu nga Siniçani u sulmua mbrëmë nga huliganët maqedonas

Në mesin e 25 policëve të lënduar nga dhuna e huliganëve maqedonas në Kuvend, e ka pësuar edhe shqiptari i njësitit special të policisë, Afrim Zulfiu nga Siniçani.

Familjarët e Afrimit falenderojnë të gjithë qytetarët e interesuar për gjendjen e tij dhe u shprehën se gjendja e tij është jashtë rrezikut për jetë dhe se është lëshuar për shërim shtëpiak.

I vetmi hero shqiptar nga njesia speciale që u lëndua është Afrim Z nga rrethina e Tetovës.

Forumi i shoqërisë civile në Tiranë(FSHC): : Thellë jemi të shqetësuar për situatën në Maqedoni

Pjesëmarrësit në Forumin e shoqërisë civile në Tiranë shprehën sot shqetësim për shkak të ndjekjes së anëtarëve të shoqërisë civile në Maqedoni.

“Pengimi i punës së organizatave dhe shoqërisë civile vetëm e dobëson kapacitetin demokratik të Maqedonisë, sepse ata janë pjesë integrale e proceseve demokratike dhe duhet ta respektojnë të drejtën e tyre të shprehjes së lirë dhe punës”, theksohet në kumtesë.


Në konkluzion, Forumi i shoqërisë civile në Tiranë shpreh mbështetje për të gjithë organizatat e shoqërisë civile në Maqedoni dhe tërë rajonin e Ballkanit Perëndimor.

Identifikohet sulmuesi i deputetes së LSDM-së,Radmilla Shekerinskës, ja si quhet!

Është identifikuar personi i cili tërhoqi zvarrë për flokë deputeten e LSDM-së, Radmilla Shekerinska.

Sipas dëshmitarëve që e njohin, bëhet fjalë për  kriminelin Dimitar Pecov nga Strumica.

Në rrjetet sociale janë paraqitur edhe fotografi të huliganit që sulmonte deputetët në Parlament, i veshur me bluzë ku kishte simbole të HOS-it kroat.

Huliganët kanë menduar se Ziadin Sela ka vdekur, kanë tërhequr trupin e tij zvarë

Nëpërmjetë një konference për media, sekretari i LR PDSH, Arben Tanavari ka thënë se huliganët kanë menduar se Ziadin Sela ka ndruar jetë dhe kanë tërhequr trupin e tij zvarë si kanibal në mënyrë triumfaliste, raporton Tetova1.
Ai ka thënë se fal Zotit, Ziadin Sela ka shpëtuar dhe se gjendja e tij mbrëmë ka qenë mjaft kritike.

Sela është në gjendje stabile dhe për momentin kurohet në spitalin shtetëror të Shkupit.