Albin Kurti kërkon falje për deklaratat antisemite të Visar Korenicës

Ish-kryetari Lëvizjes Vetëvendosje, Albin Kurti, ka treguar se partia e tij e ka qortuar kandidatin e VV’së për kryetar të Rahovecit, Visar Korenica, për deklaratat e tij antisemite. “Ne e qortuam kandidatin tonë në Rahovec, kurrë nuk do ta përsërisë një gjë të tillë”, ka thënë Kurti.

Deklaratat e kandidatit të Lëvizjes Vetëvendosje për kryetar të Rahovecit, Visar Korenica, për zhdukjen e Izraelit, i ka komentuar deputeti i Vetëvendosjes, Albin Kurti.Ish-lideri i VV’së ka thënë se deklarata e Korenicës është e gabuar dhe e padrejtë.

“Kjo deklaratë është e gabuar dhe e pa drejtë, nuk është dashur të thuhet. Ne e kemi qortuar për deklarata e tij dhe kjo nuk do të përsëritët më. Ne këtë qortim e kemi bërë në takime me të. Ai ka treguar qëndrimin e tij dhe është penduar. Ai ka thënë se ketë deklaratë e ka bërë nga zemërimi dhe se tash nuk e ka këtë qëndrim. Unë besoj në ndryshimin e njeriut”, ka thënë Kurti në KTV.

Kurti ka kërkuar edhe falje për deklaratat që i ka bërë Korenica.

Fatos Lubonja: Rama po bën masakër urbane, pushtetin e blen me paratë e krimit

Fatos Lubonja , lindi në Tiranë në vitin 1951, është humanist dhe shkrimtar shqiptar.

Mbaroi studimet për fizikë në vitin 1974 në Universitetin e Tiranës.

U akuzua dhe arrestua për shkrimet që iu gjetën të fshehura, për agjitacion dhe propagandë kundër regjimit dhe për to u dënua 7 vite burgim.

Në vitin 1979 u arrestua sërish dhe u dënua sërish edhe 16 vite të tjera burgim, me akuzën si pjesëtar i një organizate kundër revolucionare. Nga burgu u lirua në vitin 1991, pas shtatëmbëdhjetë vitesh burgim.

Nga koha e lirimit gjer në vitin 1993 punoi si sekretar i Përgjithshëm i Komitetit Shqiptar të Helsinkit. Në vitin 1994 themeloi revistën "Përpjekja". Në vitin 1997 u zgjodh lider i Forumit për Demokraci.

Botime

"Në vitin e shtatëmbëdhjetë", 1994
"Ploja e mbrame", 1994
"Ridënimi", 1996
"Liri e kërcënuar"
"Trashëgimia kulturore e Shqipërisë në rrezik", 1999

*****

Lubonja është ngacmuar për këtë analizë nga një shkrim i para ca ditëve te revista Monitor, sipas së cilës Shqipëria ka 235 metra katrorë sipërfaqe qemdrash tregtare për çdo 1000 banorë, duke kaluar vende të zhvilluara si Gjermania, Spanja, Italia e Franca.

Në shkrim theksohej fakti se dyshja Rama-Veliaj po japin një bum lejesh ndërtimi për kulla dhe qendra të reja tregtare dhe kjo mund të rezultonte në flluska piramidale të rrezikshme për ekonominë shqiptare, kur disa qendra tregtare duket se kanë falimentuar, ndërsa për lejet e banimit risilleshin deklaratat e Veliajt për asnjë ndërtim të ri në qytet.

Lubonja e çon më tej analizën e tij kur shkruan se ky është një projekt paradoksal dhe duhet analizaur thellë.

‘Si ka mundësi që në një kohë që shqipëria sa vjen e boshatiset e varfërohet në blerje, ndërton gjithnjë e më shumë sipërfaqe shërbimi për njerëzit. Kaq budallenj qenkan të ashtuquajturit investitorë sa i kthejnë para kot në çimento?’ – shkruan Lubonja për Panorama.

Sipas Lubonjës nëse thellohesh në hipoteza të besueshme të cilat janë dy, ato janë, njëra më e rrezikshme së tjetra.

‘Hipoteza e parë është se këto qendra tregtare e kulla ndërtohen nga aventurierë që marrin para të madhe borxh nga bankat, një pjesë të të cilave e përdorin për ndërtimin e objekteve, kurse pjesën tjetër e fusin në xhepat e tyre. Pas kësaj, ata mund të shpallin falimentim duke ua lënë bankave objektin që kurrsesi s’do të mund ta shesin me një çmim që të kompensojë shumat që kanë lëvruar. Rreziku në këtë rast është që këtë diferencë ta paguajnë qytetarët nëpërmjet shtetit apo, edhe më keq, nëpërmjet kursimeve të klientëve. Në këtë rast jemi më afër konceptit të piramidave financiare të ‘97-s.’ – shkruan Lubonja.

Lidhur me hipotezën e dytë, Lubonja argumenton se paratë me të cilat po ndërtohen këto kulla e qendra tregtare vijnë nga krimi i organizuar.

‘Hipoteza e dytë është se paratë me të cilat po ndërtohen këtë qendra e kulla nuk vijnë nga bankat, por nga krimi i organizuar, shkurt nga trafikantët e drogës që s’kanë se ku t’i investojnë dhe pastrojnë paratë e pista më lehtë se në Shqipëri.’ – thekson Lubonja më tej.

Lubonja shton se mund të jetë edhe një kombinim i dy hipotezave, por sipas tij peshën më të madhe e ka e dyta, pra paratë për këto ndërtime vijnë nga krimi i organizuar në vend.

‘Mund të kemi të bëjmë edhe me një kombinim të të dyjave, por personalisht besoj se peshën më të madhe në bumin e fundit e ka kjo e dyta. Kjo, së pari duke parë se kanabizimi i Shqipërisë ka arritur nivele rekord dhe, së dyti, pasi bankat, sipas ç’kemi lexuar, janë më të kujdesshme për të dhënë kredi me rrezikun që të kthehen në kredi të këqija.’

Lubonja e vë theksin te fakti se problemi i problemeve është se të dyja variantet nuk mund të realizohen pa bashkëpunim me qeverinë, pasi ajo i jep lejet e ndërtimit pa u shqetësuar as për burimin e parave, as për faktin se kjo është një rrugë zhvillimi e ekonomisë krejt e gabuar.

‘Këta po japin leje ndërtimi gjithandej, edhe në vende nga më të pabesueshmet që dukshëm shëmtojnë peizazhin urban, përveçse shkatërrojnë tokën e bukës dhe zhvleftësojnë vlerën e banesave ekzistuese. Pra, pyetja shtrohet: pse kupola e Partisë Socialiste, pasi na premtoi zero ndërtime në Tiranë është lëshuar në këtë masakër urbane?’

Sipas Lubonjës kjo shpjegohet me faktin se kupola e krimit dhe njerëzit e krimit rreth saj, janë të paaftë që të ndërtojnë një ekonomi të shëndoshë dhe duan të qëndrojnë në pushtet në sajë të parave të krimit.

‘Për Edi Ramën & Co nuk ka rëndësi se kjo e ashtuquajtur “rritje” nuk është gjë tjetër, veçse rritja e një tumori që po pushton gjithnjë e më shumë trupin e shëndoshë të vendit, as se po u hapin gjithnjë e më shumë dyert e ekonomisë dhe të pushtetit njerëzve të krimit me rreziqe të jashtëzakonshme për demokracinë. Ata kanë llogaritur se kjo para e pisët do të vërë sidokudo në qarkullim ekonominë, do të punësojë ca njerëz, do të shpërndajë ca para. Sigurisht, pa harruar paratë që fusin vetë në xhep, si dhe ato që duhen për propagandën brenda dhe jashtë vendit për të mbuluar krimin që po kryhet.’

Në fund Lubonja kritikon opozitën që nuk reagon për këto projekte të Ramës duke i lënë “dorë të lirë” për të bërë gjithçka ka planifikuar.

‘Çuditërisht, opozita që deri dje ulërinte për njerëzit e krimit në Parlament, nuk është dukur të reagojë për këtë projekt, i cili qëndron në thelb të asaj se pse u mbush Parlamenti me njerëz të krimit. Duket sikur shqiptarët kanë shtypur butonin që i kalon në gjendjen e nënshtrimit total ndaj së keqes, si në kohën e diktaturës, dhe po presin Mesinë të vijë t’i shpëtojë. Kjo është një ëndërr nga e cila duhet të zgjohen sa më parë’.

THANI NAQO : PLAKUSHI U BËRI ME BAHÇE E VRESHTA

(mesazh për bahçevanët e botës)


Hej, mos harroni të famëshmin Miçurin,1)


Në bahçet tuaja bustin t’ia ngrini.


Mrekullira bëri ai me shartim,


Belica e kumbulla e fruta si gjinj!
Mjaft i shtrënguat paraçkat e shkreta,


Bustin e tij porositeni menjëherë.


Plakushi u bëri me bahçe e vreshta,


Damixhanat ua mbush me raki e verë!


Hiqni kapelen dhe pershendeteni:


-Tungjatjeta, mbreti ynë, në shekuj rrofsh.


Nga moll’e kuqe e gjer tek pjepri,


Në çdo tavolinë i madhërishëm qofsh!


Hajt, mjaft i shtrënguat paraçkat e shkreta,


Mos u mërzitni kur të bini në pleqëri.


Miçurini u bëri me bahçe dhe vreshta,


Damixhanat ua mbush me verë e raki!



2008-2017


1)Ivan V.Miçurin (1855-1935)= seleksionist dhe ortokulist rus me famë botërore në prodhimin e më shumë se 300 llojeve hibride te pemeve
frutore.

Prostitucioni online, konfuzioni i organeve proceduese dhe historia e studentes që u kap dy herë

Vajza me inicialet B.D, studente e Ekonomikut pasditen e 5 shtatorit 2017 ishte duke shkuar në punë. Një apartament në Tiranë, në të cilin përmes një kompjuteri e një kamere ajo edhe vajza të tjera ofrojnë shfaqe seksuale për klientët në krahun tjetër të linjës.

Studentja kishte pak muaj që ishte punësuar në këtë sallon, pasi braktisi të njëjtën punë diku tjetër, kur vendi dhe puna u bënë publike nga një emision televiziv dhe u mbyll nga policia e Tiranës. Ajo që B.D nuk e dinte ishte se disa agjentë policie po e ndiqnin sërish prej kohësh.

Atë ditë policia ndërhyri në apartamentin ku vajza trokiti të hynte, duke ushtruar kontroll dhe shoqëruar vajzat që u gjetën në punë, mes kamerave për web dhe lodrave seksuale, dhe një çift bashkëshortësh të akuzuar se drejtonin biznesin. Çifti i bashkëshortëve Artur B. dhe Dafina T., janë arrestuar nga policia për akuzën e “Shfrytëzimit të prostitucionit” dhe “Mbajtjes së lokaleve dhe ambjenteve për prostitucion”, ndërsa 6 vajzat përfshi B.D u proceduan në gjendje të lirë për akuzën e “ushtrimit të prostitucionit”.

Por ndërsa vetëm në dy vitet e fundit janë ndaluar dhe arrestuar më shumë se 20 persona, kryesisht vajza rreth të 20-tave, që punojnë në dhomat që ofrojnë shfaqe seksuale, policia dhe prokuroria nuk janë të qarta se çfarë akuzash mund të ngrenë, apo nëse kjo punë përbën realisht vepër penale.

Megjithëse, në raportin për gjendjen e kriminalitetit për vitin 2016, Prokuroria e Përgjithshme evidenton se veprat penale “kundër moralit dhe dinjitetit” ku janë klasifikuar edhe këto raste, kanë një rritje të ndjeshme në krahasim me vitin 2015, dhe policia dyshon se numri i qendrave të ngjashme në vend është më i madh se sa rastet e identifikuara, mungesa e legjislacionit e bën të paqartë se çfarë mund bëjë dhe a duhet të ndërhyjë ajo në këto raste.

Dy prokurorë që folën për BIRN, në kushte anonimiteti, thanë se ishte e pasaktë që çështja të referohej si prostitucion.

“Këto raste nuk mund të hyjnë në këtë kategori veprash penale. Mendoj se mund të diskutohet deri diku vepra e “Pornografisë”, por dhe kjo kërkon diskutim, pasi kjo dispozitë parashikohet (vetëm) kur kemi të bëjmë me të mitur”-tha një prej prokurorëve për BIRN.

Ai shtoi se “prostitucioni virtual”, që do të thotë zhveshja apo veprime të ndryshme intime para kamerës nuk janë parashikuar në Kodin Penal të Shqiëpërisë.

Vetë policia që ka ndërhyrë në disa raste i ka referuar çështjet në forma të ndryshme, duke lënë të kuptohet konfuzionin ligjor rreth tyre.

Në një operacion të ngjashëm të koduar “Hot Line“ kryer në 29 prill 2016, ku policia arrestoi dhe më pas la të lira 5 vajza që punonin në dy prej këtyre “salloneve të seksit virtual”, materialet janë referuar në prokurori për akuzën e “Pornografisë” dhe “Mbajtjes së ambjenteve për prostitucion”.

Ndërkohë BIRN mëson se në një tjetër operacion të koduar “Chat Line 2” kryer në qershor të 2017, policia ka arrestuar 6 vajza (tashmë të gjitha të liruara), ndaj të cilave ka referuar materialin në prokurori për veprat penale “Prostitucion”, “Shfrytëzim për prostitucion”, “Punësimi i paligjshëm” dhe “Fshehja e të ardhurave”.

Avokati Nexhdet Kambo, të cilit BIRN i kërkoi mendim juridik rreth këtyre çështjeve tha se në këto raste mungon ana objektive e veprës penale të “prostitucionit” dhe “shfrytëzimit të prostitucionit”. Sipas tij “nëse s’ka objekt, që të përmbushë elementet e veprës penale, s’mund të akuzosh dikë që si ka kryer elementët e veprës”. Ai thotë se i sheh këto raste si biznese të ligjshme dhe se detyra e shtetit është t’i kontrollojë në aspektin e detyrimit financiar dhe kontributeve shoqërore.

E gjendur për para një situate të tillë, gjykata e Tiranës kryesisht i ka lënë të lirë të arrestuarit në pritje të proceseve gjyqësore. Po kështu edhe në rastin e 5 shtatorit gjykata vendosi të lirojë nga qelia dhe të caktojë masën e “arrestit në shtëpi” për administratoren Dafina T. Për bashkëshortin e saj, që shërbente si taksist i këtyre vajzave, gjykata caktoi masën e sigurisë “arrest me burg”, ndërsa i liroi të gjitha vajzat.

Vetë të ndaluarit thanë se nuk kishin dijeni se ajo që po bënin ishte e paligjshme. “…Nuk kam detyruar asnjë vajzë të bëjë një punë të tillë. Çdo veprim kryhej me dëshirën e tyre dhe mund t’i pyesni këto në gjykatë…”-ka deklaruar Dafina T. gjatë seancës për caktimin e masës së sigurisë.

Avokati i saj Stefan Topalli, i tha BIRN se akuzat e ngritura nga policia janë të ekzagjeruara, pasi juridikisht nuk ka “Shfrytëzim prostitucioni” dhe “Prostitucion”. “Juridikisht këto raste janë shumë të diskutueshme. Në gjykimin tim, nuk ka vepër penale nga ato që pretendohet. Mund të hyjë tek pornografia, por dhe kjo ka shumë diskutim,” tha avokati për BIRN.

Por sociologia Marsida Simo i tha BIRN se kjo punë gjatë të cilës vajzat flasin, e zhvishen në dhoma chati me të tjerë përmes internetit, mund të quhet prostitucion virtual dhe është thjeshtë një vijim i prostitucionit i ndryshuar me zhvillimin e teknologjisë duke përshtatur ofertën me kohën.

Simo tha se shqetësimi në këtë rast ishte mundësia që në aktivitet të përfshiheshin të fëmijë. “Mos të mendojmë që prostitucion do konsiderojmë vetëm aktin fizik sepse i gjithë procesi që ndiqet për të përfituar këtë shërbim është ilegal…”-thotë për BIRN sociologia Simo.

Megjithatë për prokurorët për sa kohë kjo vepër nuk përshkruhet në Kodin Penal dhe sa kohë asnjë nga pjesëmarrëset nuk është e mitur, është e pamundur të merren dënime në gjykatë. Një prej tyre i tha BIRN se i shikon këto raste më tepër si koopetencë e Drejtorisë së Tatimeve, ndërsa tha se ato duhet të licensohen dhe të paguajnë detyrime financiare ndaj shtetit.

Prokurori bëri një paralelizëm të këtyre rasteve në të cilat ka ndërhyrë policia, me komunikimin virtual telfonik që u bë i njohur si “0900-ta”, të cilat reklamohen lirshëm në televizon dhe faqe gazetash./birn/

Letër publike nga Rexhep Shahu

REXHEP SHAHU

TELEGRAM PËRGJIGJE NEBIL ÇIKËS

Para një jave, me 19 shtator 2017, Nebil Çika shkruante për mua “mikut tim botuesit, shkrimtarit dhe gazetarit te shquar kuksian Rexhep Shahu”.

Dje, me 25 shtator 2017, për mua po ky njeri shkruan e me quan “botuesi i çetnikëve serbë”, botimet që bëj unë i quajti “biznes antishqiptar”, më quan “demokrat i vonuar”, më bën “punonjës të Gjykatës së Kukësit” etj.

Në fund të shkrimit tim e gjeni shkrimin e Nebilit.

Me shkelë Nebil të vjen era gjatë e larg dhe ndotet ambienti keq. Unë shkela pa dashje dhe u kërkoj ndjesë miqve, por tani më është ngjitë Ndebili për këpuce.

Në një poezi timen tek Qyteti i Lutjeve, kam shkruar për të burgosurit politikë:

“VAJTIM PËR ISH – BURGOSURIT POLITIK

Si korba sqepuam përditë,

Ua sosëm zemra e mushkëri.

Tash po ua thithim palcën e kockave

E shojet e këpucëve të burgut,

Gjë tjetër s’u ka mbetë.”

Nebil Çika thith shojet e këpucëve të të burgosurve politikë. Më vjen keq sa poshtë ka rënë pazari. Të burgosurit politikë kanë patur e kanë dinjitarë mes tyre dhe drejtohen nga ky Ndebil gjobvënës.

Unë, Rexhep Shahu, “botuesi i çetnikëve serbë”, pa lejën e NDebilit si shef i naltë i antikomunizmës që është, dhe në fshehtësi të plotë prej tij, për shkak të injorancës së tij lapidare që të bën me vjellë troska, kam botuar këta “çetnikë serbë”:

“Shqiptarët e Fuqitë e Mëdha” të Vlladan Gjorgjeviqit, ish kryeministër i Serbisë, përkthyer nga Mustafa Kruja ish kryeministër i Shqipërisë; “Shpërngulja e shqiptarëve” të Vaso Çubrilloviqit; “Përgjuesi serb i Ismail Qemalit” i Zhijovin Ballukgjiqit; “Katër muaj nëpër Shqipëri” i Kosta Novakoviqit; “Serbia e Shqipëria” të Dimitrije Tucoviqit; Shitësit e mjegullës” të Aleksandar Qotriqit; “Shqipëria në 1921” të Justin Godart që polemizon me Vlladan Gjorgjeviqin; “Unë i kam shumë borxh Shqipërisë” të D’Estournelles de Constant, nobelist i Paqes, senator i Francës, ish sekretar i caktimit të kufijve në Veri të Shqipërisë, që tregon pendesën e tij për caktimin e kufirit të padrejtë.

Do të shtoj këtu si fond të artë të Albanologjisë (Ndebili nuk e di ç’është) edhe librat e profesor Shefqet Hoxhës Balada Popullore; Proza Popullore; Epika Historike dhe Lirika, monumente këto që i kam botuar pa lejen e Ndebilit.

Këto libra i ka financuar Flamur Hoxha, ndaj të cilit NDebili shpifi në mënyrë bastarde. NDebil Çika dëshpërohet se pse Flamuri ka financuar këto libra dhe nuk i jep lekë Debilit për projektet e tij për bustet e tij se Ndebili është tashmë krietar dhe i duhen krietarit ca lekë e ai nuk ka ku ti marrë vecse nga biznesmenët që janë ish të përndjekur politikë por ama, kujdes, antikomunistë.

Ndebil, është shumë e poshtër kjo gjë. Nuk ke fare fisnikëri as sa lopa. Inati të vërbon. E di se lekët të duhen, ke nevojë për lekë, ke shumë nevojë, bëhesh zorragji për lekë. Unë nuk të gjeja dot njerëz për intervista që të të paguanin ty ndonjë kafe, ndonjë 100 a 200 euro. Ti më thoje por unë nuk të ndihmoja dot për të tilla gjëra. Ç’të të thom. Nuk të ndihmova dot që të fitoje ndonjë lek nga ato intervista me të përndjekur politikë që mund të kenë lekë. Biznesi yt me intervistat duket i pasukseshshëm dhe ndaj gjuan ish të përndjekurit politikë që kanë lekë dhe u vë gjoba si gjambaz në emër të antikomunizmës si antikomunisti më i madh.

Ndebil, sa për Havzi Nelën po të them se është gjynah me ia fut edhe ti thonjtë e tu të pistë, është gjynah të kërkosh lekë ti për bust për Havzi Nelën e të marrësh ti 50 përqind të fondeve.

Ndebil, si shef i naltë i antikomunizmës që je, gjeje sheshin për Havzi Nelën në Tiranë dhe e ke të siguruar fondin por nuk e bën ti bustin, nuk e miraton ti, nuk futet hunda jote e flliqtë në ato punë se Havzi Nela nuk është pronë e jotja, nuk eshte prone e asnje shoqate, është i gjithë shqiptarëve dhe ka shumë të tjerë para teje që merren e pyetën për atë figurë. Ti je çiban i huaj Ndebil per Havzine.

Ndebil, nazistet a shkojne tu bejne buste hebrejve... Kupton dot ti Ndebil ç'po them...

Ndebil, unë kam bërë shumë shkrime për Havzi Nelën që ti nuk i bën dot në dy jetë sepse nuk e ndjen Havziun, nuk e do, nuk e njeh, por e do vetëm për biznes bustin e tij, që t’ia vjedhësh edhe bronxin. Ta kam thene, ti je gati t'ia marresh edhe ato 910 leke te vjetra qe Havziu ia la amanet nenes se tij, ti je i paskrupullt per leke... Me këto shkrime do botoj një libër, nëse më jep leje ti, si thua.

Thua se shkrimi yt, fletëgjoba jote si fletërrufe, drejtuar mua dhe Flamur Hoxhës, duke m’u jargavitur mua, ka ra “ndesh me biznesin tim antishqiptar”.

Ndebil, si botues kam botuar rreth 20 libra të mirë, ky eshte biznesi im "antishqiptar", ato libra që jo idiotët i quajnë libra biblioteke, ndërsa idiotët si ti i quajnë antishqiptarë. Gjobite me 200 euro ndonje biznesmen dhe eja merri me 100 euro 20 libra dhe ftillohu mos rri vec me pace e pilaf dhe fiton edhe 100 euro. Lexuesi le t’i çmojë titujt që përmenda. Librat që botoj unë nuk shiten bash se janë antishqiparë, sic thua ti Ndebil. PO kam botuar edhe 101 poete turq ne nje antologji, te jashtezakonshem, por ti nuk e di ç'eshet poezia o Ndebil. Por kaq është gjithë biznesi im.

Pa harruar natyrisht revistën Illz, Revistë letrare e Tiranës, revistë ballkanike, që botoj unë me financimin po të Flamur Hoxhës, por kjo nuk të hyn në punë ty Debil se është përtej aftësive e mundësive të tua intelektuale, nuk është punë lopësh kjo revistë elitash.

Më kishe quajtur “demokrat i vonuar”. Nuk konkuroj Ndebil në këto gjëra. Kam patur post te larte ne qeverine Berisha, keshilltar i Ministrit - zedhenes shtypi, shef kam qene, a te kujtohet kur pije kafe e raki pa leke dhe me kerkoje qofte...

Më kishe bërë ish punonjës të Gjykatës së Kukësit. Ani, mirë do të ishte, nuk është trup. Por se je kaq i trashë, kaq shumë ndebil dhe nuk e verifikon dot një të vërtetë të thjeshtë këtë nuk e dija dhe më vjen shumë turp për miqësinë më shumë se njëdekatore që kemi bashkë dhe paftesine tende. Ke të paktën mbi 10 vjet që më ndjek pas si rrodhe, si morr, më këkon të të ndihmoj për gazetën, për biznesin e intervistave, si ke lejuar të ndjekësh një ish punonjës gjykate.

Ndebil, CV ime ka qenë prej shumë vitesh e botuar. Kam botuar 12 libra si autor Ndebil libra qe do i enderroje, dhe e gjen lehtë CV time.

Ndebil, po ti kishe ti librat e mi, do të kërkoje të bëheshe kryetar i antikomunizmës në Europë. Por ti nuk i ke këto libra se ti merresh me vënie gjobash. Dhe merresh me shëmtimin e të përndjekurve politikë, i shëmton përditë me qenien tënde, me praninë tënde aty, me trashësinë tënde trunore.

Librat e mi janë: Mali i Hënës; Bregu i Brengës; Bllaca monografi; Misioni për Paqen; Marsi i Minave; Lis i vetem në fushë; Apologji për Udhën e Kombit” Sytë e Lirisë monografi; Qyteti i Lutjeve; Kjo verë mërzie; Ku ishe ti Hero; Bukën tonë të përditshme.

Kam punuar një vit në Prokurori si sekretar Ndebil dy vjet para se të varej Havzi Nela.Po të kisha qenë aty edhe mund ta kisha zbardhë vendimin për Havzi Nelën. Se unë nuk jam trim dragua si ti, por nuk kam qëlluar të jem në punë aty Ndebil. Kerkoj ndjese qe nuk eshte sic thua ti, por c'te bej une, me fal. Shiko or budalla, kur të shpifësh, duhet t’i ngjajë pak te vertetes, mos ia fut si kau pelës.

Ndebil, që nga viti 1986, por sidomos që nga viti 1996, unë jam cfarë kam shkruar. Janë qindra e qindra shkrime Ndebil në Tiranë e Prishtinë, janë mijëra orë transmetimi Ndebil në Radio Kukësi, Radio Tirana, Top Albania Radio e në media të tjera, janë qindra dalje televizive Ndebil që mund të më kontrollosh biografinë. S'kam patur kurre emision gjobveniesh, emision me leke.

Ti je i pazoti që të më bësh edhe reklamë budalla, unë kisha shpresë tek ti.

Ik, nuk meriton asnje lekë. I paafte, te kesh turp.

Je i pazoti. Ik fshihu mos u bëj lopë.

***************************

Nebil Çika shkruan sa me poshte per mua:

("Të nderuar miq ! Kam mare shume mesazhe nga nje pjesë e mirë nga ju qe me kerkojnë ti pergjigjem nje botuesi te cetnikve serbë dhe atyre komunist serbo- shqipatr që ka ndermare ne fb e rrejete sociale ca sulme ordinere ndaj meje duke kepërdorur edhe emrin e figuren e poetit martir Havzi Nela , per shkak se nje shkrimi im, shkon ndesh me bizenesin e tij antishqipatr . Duke ju falenderuar per mbeshtetjen ,po ju them se nuk kam ndermend te merrem me te. Por sa për informacion mendoj se duhet ta dini që ky "demokrati i vonuar" ishte punonjës i Gjykatës në Kukës kur kjo gjykate komuniste denoi me varje në litar Hvzi Nelën , Ndoshta edhe vendimin e ka zbardhur me doren e vet ky "shahisti" si i besuar i partise ne ate dhe ne kete kohë. Kaq besoj se mjafton per të kuptuar se njera nga arsyet kryesore pse demokracia shqipatre po shkon "per lesh" eshte fakti se ajo nisi keq ,pasi qe ne fillimet e sajë e deri sot janë ,"hajdutët që po bërtasin: kapeni hajdutin". ! Por siç ka porosit partia : qente le te lehin, karvani të ec perpra . Kaq !")

Selim Pacolli zotohet për rregullimin e varrezave të dëshmorëve

Pas vizitës së tij tek varri i Presidentit Historik të Republikës së Kosovës, z. Ibrahim Rugova, kandidati i AKR-së për Kryetar të Prishtinës, Selim Pacolli ka vizituar varrezat e dëshmorëve.

Në rrugëtimin e tij të përbashkët me qytetarët e Prishtinës, Selim Pacolli ka parë nga afër varrezat e dëshmorëve në fshatrat Llukarë, Mramor, Prapashticë dhe Marec, të cilët janë në gjendje të rëndë dhe të pa rregulluara nga autoritetet komunale.Nga vizitat e tij në varrezat e dëshmorëve, Selim Pacolli është ndalur për të nderuar Deshmorët e Kombit Ismet Asllani dhe Shpend Canolli.
Selim Pacolli e ka pasur rastin që nga afër të shohë gjendjen e varrezave, të cilat janë tërësisht pa kujdes institucional, gjë të cilën ai është zotuar se do ta ndryshojë menjëherë pas ardhjes së tij në pozitën e të parit të Prishtinës.

“Fillimisht, si një qytetar i Prishtinës, unë ndjehem keq për gjendjen e këtyre varrezave dhe mungesa e kujdesit që u bëhet atyre, përkundër faktit se në këto vende pushon shpirti i disa prej njerëzve më të dalluar të këtij vendi. Unë zotohem këtu para jush, se me marrjen e pushtetit në Prishtinë, unë do ta ndryshojë këtë pamje.

Sepse shtyllat e kombit ndërtohen nga njerëz që flijohen për të, prandaj ne e kemi për detyrë që veprën dhe jetën e tyre ta nderojmë me përgjegjësinë më të lartë, ndërsa rregullimi i këtyre varrezave është gjëja më e vogël që ne mund të bëjmë si qytetarë të Prishtinës” ka thënë Pacolli.Për më shumë, Selim Pacolli është zotuar se me ardhjen e tij në pozitën e Kryetarit të Prishtinës, ai do të rindërtojë shtëpitë ku ishin të vendosura shtabet e UÇK-së në Gollak dhe ato do të shndërrohen në muze, për ta lartësuar historinë e heronjve të kryeqytetit, dhe për ta pasuruar kujtesën qytetare për jetën dhe veprën e tyre.

Uragani Maria shkatërron lagjen te videoklipi i Despacitos

“La Perla”, një lagje në San Juan të Porto Rikos u bë e njohur në të gjithë botën për shkak të këngës së Luis Fonsi që arriti klikime maksimale në rrjetin Youtube. Uragani “Maria” që godit zonën e thuajse e ka shkatërruar plotësisht lagjen e “famshme”.




Kur “Despacito” u bë kënga më e klikuar e të gjitha kohërave, me plot 3.8 miliardë shikime vetëm në platformën “Youtube”, ajo i solli famë jo vetëm krijuesit të saj, Luis Fonsi, por edhe lagjes “La Perla” në San Juan të Porto Rikos, ku u xhirua pjesa më e madhe e videoklipit.

Videoja hapet me plazhet e “La Perla”-s, duke treguar më pas godinat shumëngjyrëshe, shkrimet në mure dhe kulturën për të cilën shquhet Porto Riko.

Por uragani “Maria” e ktheu në rrënoja lagjen e “La Perla”-s, ashtu siç bëri me pjesën tjetër të ishullit amerikan dhe Karaibeve, më herët gjatë javës.

Fotot që qarkullojnë në rrjet tregojnë shkatërrimin në “La Perla” e kudo tjetër. Godinat kanë mbetur pa çati, e muret e shumë shtëpive janë shembur.

Këngëtari i suksesshëm portorikan, Fonsi nxitoi të postonte fillimisht një video me përmbytjet masive në lagje. Më pas publikoi dy foto krah njëra-tjetrës, në të cilat zona që u bë e famshme në videoklipin e hitit të tij, shfaqej para dhe pas uraganit.

“Kjo pamje më copëton zemrën në 3 pjesë”, shkruan Fonsi, duke shprehur besimin se ishulli do të rikthehet shumë shpejt siç ka qenë.


*****