Ramiz Alia si e mori pushtetin

CIA i ka kushtuar një rëndësi të madhe situatës politike në vendin tonë pas vdekjes së Enver Hoxhës. Përmes një dokumenti të deklasifikuar, tregohet situata që ndodhi pasi Ramiz Alia mori pushtetin. Sipas CIA, vetëm 9 anëtarë të Byrosë Politike nisën të lulëzonin, duke u piketuar si mbështetës së tij.

Mars 1985

Byroja politike me Alian

Rreth një vit pasi Ramiz Alia erdhi në pushtet, mediat shqiptare po japin sinjalet për rëndësinë se cilit nga nëntë anëtarët e plotë të byrosë politike. Renditjet tregojnë se cilët janë emëruar për politika në fushat e caktuara dhe ata te të cilët Alia mbështetet për të forcuar pozitën e tij. Alia e ka konsoliduar veten si njeriu më i fuqishëm në Shqipëri, por ende nuk ka autoritetin e padiskutueshëm që kishte Hoxha. Ai ka tentuar disa ndryshime në qeverinë e trashëguar nga epoka e Hoxhës, çka sugjeron se po lëviz me kujdes. Në fund të 1985 ka dhënë deklarata të bollshme në fjalimet e tij mbi politikat ekonomike dhe të jashtme të administratës, ku theksohet vazhdimi i linjës së pararendësit të tij. Zyrtarë të tjerë gjithnjë e më shumë po i referohet deklaratave të Alias si pikënisje të diskutimeve, edhe pse jo me të njëjtin adhurim që tregoheshin për citatet e Hoxhës. Pesë nga nëntë anëtarët e Byrosë duket se po lulëzojnë dhe me liderin e ri. Kryeministri Adil Çarçani është anëtar që prej vitit 1961. Ai dhe Alia janë të vetmit që japin udhëzime gjatë shfaqjeve publike dhe identifikohen si krerët e partisë e të shtetit, ndërsa të tjerët quhen thjeshte anëtarë të byrosë politike. Çarçani ka dhënë fjalimin kryesor në një nga dy plenumet e komiteti qendror partisë pas vdekjes së Hoxhës, ndërsa tjetri u dha nga Alia. Çarçani flet zakonisht për çështje ekonomike, por dhe për politikën e jashtme. Zëvendës-presidenti Rita Marko është ndoshta numri tre i partisë. Ai është pjesë e gardës së vjetër të Hoxhës dhe ka shërbyer në Byro prej vitit 1956. Edhe aktivitetet e tij raportohet shpesh dhe shfaqjet në publik konsiderohen të profilit të lartë. Marko shoqëroi Alian në udhëtimin në jug gushtin e kaluar, ku Alia dha një nga fjalimet më të rëndësishme të politikës së jashtme deri tani. Në tetor Marko i dha medaljen kombëtare kandidatit për në byro Foto Çami, i cili kohët e fundit është bërë sekretar i partisë dhe është i preferuar i Alias. Në lajmet e mediave shqiptare Marko renditet gjithmonë pas Alias dhe Çarçanit, përveç rasteve kur për anëtarët e byrosë përdoret rendi alfabetik. Marko i ka dhënë gjithashtu medaljen Alias në ditëlindjen e 60-të. Manush Myftiu është ngritur gjithashtu në byronë politike në 1956 dhe shfaqet shpesh nëpër forume. Tetorin e kaluar ai u zgjodh në krye të komisionit të komitetit qendror për krijimin e muzeut të Enver Hoxhës. Në komision merrnin pjesë anëtarët më të rëndësishëm të byrosë së Alia, Çarçani, Cami, dhe e veja e Hoxhës, Nexhmije. Myftiu shoqëroi Alian në vizitën në vendlindjen e Hoxhës verën e kaluar dhe komentet e tij përmenden shpesh për politikën e jashtme. Sekretarja e partisë Lenka Çuko është e vetmja anëtare femër e Byrosë. Ajo është pranuar në 1983. Çuko është emëruar në komisionin e muzeut të Hoxhës dhe bashkë me Alian ka vendosur kurora në emër të partisë dhe byrosë. Verën e kaluar ajo duket se mori përsipër punën e byrosë për të rinjtë. Çuko duket se përfiton mbështetjen e saj nga performanca ekonomike e Lushnjes, nga ajo vjen, që ishte i vetmi qytet që plotësoi planin ekonomik të vitit 1985. Sekretari i partisë Simon Stefani është pranuar në Byro në 1981. Ai shfaqet shpesh në publik dhe ka dhënë një numër fjalimesh të rëndësishme. Nga paraqitjet e Stefanit duket se ai ka përgjegjësi për çështjet ushtarake.

Humbësit

Humbësit kryesore të administratës së Alias ishin disa në krye të posteve kritike të qeverisë. Ministri i Brendshëm Hekuran Isai, anëtar i byrosë që prej vitit 1975, nuk ka marrë më vëmendjen e shtypit megjithëse trashëgoi postin e rëndësishëm dhe statusin si një nga gjashtë sekretarët e partisë. E përditshmja zyrtare Zëri i Popullit në fillim të dhjetorit sulmoi zbutjen e rendit dhe ligjit në vend, duke iu referuar tërthorazi ministrisë së Isait. Në fund të vitit të kaluar ndodhi incidenti i gjashtë shqiptarëve që arritën të kalonin personelin e sigurisë të Isait dhe u futën në ambasadën italiane për të kërkuar azil. Kjo shkaktoi konfrontime me Italinë dhe dëmtoi statusin e Isait, prandaj ai mund të jetë i pari që do të shkarkohet nga Alia, i cili me siguri do të vendosë njeriun e tij. Ministri i Industrisë e minierave Hajredin Çeliku ka hyrë në Byro në 1981. Ai mban një nga postet më të rëndësishme të qeverisë por është një nga figurat më pak të dukshme. Çeliku ka drejtuar këtë dikaster gjatë disa viteve performancë të dobët, aq sa dhe qeveria nuk ka raportuar më masën e rritjes së industrisë. Ky sektor pritet të këtë rendiment të njëjtë dhe për 1986 dhe Çeliku pritet të shkarkohet nga ministria e ndoshta dhe nga Byroja Politike. Anëtarët e Byrosë Muho Asllani e Pali Miska kanë mbetur në pozitë të errët e të parëndësishme. Asllani për shembull gjatë një paraqitjeje në tetor dukej në plan të dytë pas Nexhmije Hoxhës, si anëtar i komitetit qendror. Shtypi shqiptar thotë se Asllani në fillim të vitit humbi postin si sekretar i parë i Durrësit dhe shkoi të drejtojë partinë në Shkodër, por edhe atje nuk është paraqitur në publik. Ndërsa Pali Miska ka qenë rival i Çelikut në adhurimin publik ndaj Alias. Në botën e errët të politikës shqiptare nuk dihen qartë lidhjet e politikave kombëtare me manovrat e udhëheqjes. Ministri Isai mund të ketë kundërshtuar Alian mbi hapat që ai ka marrë për zbutjen e shtypjes së brendshme politike. Janarin e shkuar pushteti shpalli amnisti për të burgosurit politikë të kualifikuar, dhe disa komentatorë perëndimorë thonë se regjimi i Alias ka lejuar disa shqiptarë të moshuar të vizitojë të afërmit në Perëndim. Kreu i industrisë Çeliku mund të ketë kundërshtuar nisjen e reformave në sektorin e tij, me të cilat Alia e Çarçani kërkojnë të riparojnë ngërçin ekonomik. Një gazetar kinez raportonte se në sektorin bujqësor, që është konfirmuar pjesërisht dhe nga autoritetet shqiptare, pushteti po inkurajon fshatarët të mbjellin prodhimet e tyre dhe kafshët e tyre, duke ndryshuar politikat e dekadave të mëparshme. Raporti i planit për vitin 1986 sugjeron se ministria e ndërtimit ka nisur nxitjen e ndërtimit të shtëpive private dhe asistencë financiare të qeverisë, me qëllim reduktimin e mangësive në strehim. Por nuk ka shenja se ministria e industrisë e minierave po inkurajon qasje të reja në kundërpërgjigje të performancës së dobët. Nga ana tjetër lëvizjet në çështjet e të rinjve tregojnë se qeveria trembet se me rritjen e kontakteve tregtare me perëndimin, do të përhapen në vend vlerat ekonomike e kulturore anti-komuniste. Mediat shqiptare shpesh ankohen për zbutjen e disiplinës ideologjike dhe rritjen e materializimit të të rinjtë. Alia duket se po formon një “byro Politike” të brendshme me pesë anëtarët kryesorë dhe Foto Çamin. Nëse ky i fundit bëhet anëtar i plotë i Byrosë në kongresin e këtij viti, Alia do të ketë maxhorancën e grupit të tij në Byro dhe në sekretariatin e partisë. Nëse besnikët e vjetër të Hoxhës Marko e Myftiu do të pranojnë eksperimentimet e vogla ekonomike dhe politike, ata gjithsesi do të mbështetësin Alinë prej besnikërisë ndaj kreut të partisë. Gjithsesi nuk kemi prova se Alia apo Çarçani mund të nisin ndryshime madhore që mund të sjellin pakënaqësi te garda e vjetër. Alia supozohet se është i sigurtë nga sfidat brenda partisë dhe mund të bëjë kokë turku Çelikun deh Isain për mungesën e progresit ekonomik.

11 mars 1988

Departamenti i Drejtësisë

Konsolidimi i pushtetit nga sekretari i parë i partisë Ramiz Alia dhe rrjedhimisht vendosja e marrëdhënieve diplomatike me vendet perëndimore. Burimi ynë që është një studiues dhe njohë si mirë i çështjeve shqiptare, ka informacion të dorës së parë mbi liderët politikë shqiptarë, përfshi dhe liderin aktual Ramiz Alia, me të cilin ka qenë në një shkollë. Në disa raste në të kaluarën ai i ka dhënë FBI informacione të besueshme, ndërsa informacioni i mëposhtëm është dhënë prej tij më 25 shkurt 1988: Ramiz Alia, sekretari i parë i Partisë Komuniste të Shqipërisë, president dhe komandant i forcave të armatosura, po konsolidon me sukses pushtetin e tij në Shqipëri. Përveç mbajtjes së postit të parë në vend ai ka mbushur tre postet e tjera më të rëndësishme me të besuarit e tij. Këta njerëz kanë qenë miq të ngushtë që prej viteve 1944-1945, teksa kanë shërbyer së bashku në Brigadën e Shtatë Partizane gjatë luftës së Dytë Botërore, ku Alia ishte komisar politik.

Njerëzit e Ramiz Alisë

Adil Çarçani, kryeministri shqiptar (posti numër dy në vend) ka qenë komandant i Brigadës së Shtatë Partizane. Hekuran Isai, ministër i brendshëm e zëvendës krye-ministër (posti numër tre në vend) ka qenë oficer në Brigadën e Shtatë. Ndër përgjegjësitë e Isait është drejtimi i policisë dhe shërbimeve të inteligjencës, të njohura si Sigurimi. Prokop Murra, ministri i drejtësisë (posti numër katër në vend) ka qenë gjithashtu oficer në Brigadën e Shtatë partizane. Të gjithë këta njerëz u ngritën në pushtet nga ish-lideri Enver Hoxha përpara vdekjes së tij. Hoxha dëshironte të mbante këtë klikë për të ruajtur hegjemoninë e tij dhe atë të të vesë së tij Nexhmije Hoxha.

Kuanti i Ramiz Alisë

Pas ardhjes në fuqi, Ramiz Alia ngriti edhe kunatin e tij Reiz Malile në postin e fuqishëm të ministrit të jashtëm. Malile përshkruhej si njeri inteligjent, serioz dhe besnik ndaj Alias, dhe që postin e mori jo vetëm për aftësitë e tij por edhe prej marrëdhënies mes tyre. Diku para vitit 1973, Malile ishte ambasador në Kinë, kur gruaja e tij (motra e Alias) bashkë me dy fëmijët u vranë në një aksident ajror teksa po udhëtonin nga Pekini drejt Moskës. Malile pas kësaj pësoi një tronditje të rëndë psikologjike dhe humbi mendjen për disa kohë. Por megjithëse u rekuperua dhe u rimartua, ende vuan kriza të herëpashershme. Rreth vitit 1981 apo 1982 trupat e familjes së tij erdhën në Shqipëri dhe Malile i izolua për rreth dy javë duke mos folur e mos takuar askënd.

Me konsolidimin e pushtetit të Alias, kanë nisur zhurmat e një prishjeje mes tij dhe të vesë së Hoxhës. Nexhmija dhe fraksioni i saj kërkojnë të ruajnë politikat izolacioniste të ish-diktatorit, kurse Alia kërkon një hapje më të madhe ndaj Perëndimit. Për momentin Alia raportohet se nuk kërkon hapje ndaj Shteteve të Bashkuara apo Bashkimit Sovietik. Në javët e fundit Ramiz Alia ka bërë disa gjeste pozitive ndaj Britanisë, duke përfshirë dhe një citim në shtypin vendas, ku ka thënë: “Nëse ne dhe Britania e Madhe ulemi për të diskutuar, ne mund të zgjidhim problemet tona”. Alia ka njoftuar gjithashtu se një skuadër futbolli shqiptare do të udhëtojë drejt Britanisë për disa ndeshje në vjeshtën 1988 apo në 1989.

Marrëdhëniet me Britaninë

Burimi ynë mendon se këto zhvillime janë pararendëse të vendosjes së marrëdhënieve diplomatike me Britaninë e Madhe. Gjatë vitit të fundit Shqipëria ka vendosur marrëdhënie me Kanadanë, Gjermaninë Perëndimore dhe Greqinë. Për arsye të problemeve urgjente të brendshme, burimi ynë mendon se qeveria shqiptare e pranon nevojën e zhvillimit të ekonomisë me anë të tregtisë me Perëndimin, veçanërisht me Gjermaninë Perëndimore. Këta të fundit kanë ngritur gjatë bisedimeve çështjen e të drejtave të njeriut, dhe për herë të parë qeveria shqiptare po pranon njëfarë ndjeshmërie ndaj opinionit botëror për të dhënat e saj mbi të drejtat e njeriut. Në një fjalim të kohëve të fundit të raportuar nga shtypi i brendshëm, Foto Çami, sekretari i komitetit qendror të partisë komuniste (një tjetër njeri zgjedhur nga Ramiz Alia) përmendi faktin se Shqipëria po detyrohet të përmirësojë të dhënat e saj për të drejtat e njeriut. Çami mohoi të ishte probleme për këtë temë, duke përmendur se Shqipëria kishte liri shtypi dhe fjale dhe se Shqipëria i kishte bërë një shërbim të madh popullit të saj duke e çliruar atë nga paragjykimet e fesë. Megjithëse fjalimi i Çamit mohonte problemet dhe abuzimet e qeverisë, ishte i pari që diskutonte në një nivel të lartë dhe publikisht për punët e të drejtave të njeriut. Përveç ndryshimeve të personelit të rangut të lartë, Ramiz Alia soli gjithashtu njerëz më të rinj, më të arsimuar në të gjitha strukturat e administratës, të cilët rrjedhimisht do të ishin besnikë ndaj tij. Ka pasur rezistencë për këtë nga anëtarët e vjetër të partisë, dhe veçanërisht nga besnikët e Hoxhës, por raportohet se këta janë duke u reduktuar në numër. Burimi ynë parashikon se në tre apo kaur vjet të gjtihë besnikët e vjetër të regjimit do të kalohen mënjanë, teksa Alia po krahasohet me një figurë të tipit Gorbaçov, pra të moderuar.

Shkurt 65

Më 1 shkurt Shqipëria publikoi 5 dokumente gjatë këmbimeve me komisionin politik të Paktit të Varshavës, në lidhje me takimin e janarit në Varshavë. Dokumentet nënkuptonin se polakët i kishin ftuar në mënyrë unilaterale Shqipërinë të merrte pjesë , ndërsa shqiptarët ishin përgjigjur në një letër me rreth 7000 fjalë ku kërkonin që polakët t’ia shpërndanin të gjithë pjesëmarrësve në sesion. Letra ishte një denoncim i ashpër i “akteve shumë armiqësore të Bashkimit Sovjetik ndaj Shqipërisë” që prej vitit 1961, duke përfshirë dhe akuzat se BRSS i vodhi Shqipërisë tetë nëndetëse ... si dhe anije shqiptare të cilat ishin në riparim në portin sovjetik të Sevastopol. Në të thuhej se letra sovjetike e vitit 1961 e cila prishi përfundimisht marrëdhëniet, ishte e nënshkruar nga kryeministri aktual sovjetik Kosigin, dhe se qeveria shqiptare ka dokumente që provojnë se “një grup njerëzish, të cilët ishin dhe janë në krye të qeverive socialiste të Paktit të Varshavës, kanë bashkëpunuar me renegatë të regjimti të Titos, me monarko-fashistët grekë dhe me flotën e 6-të të SHBA, që me ndihmën e agjentëve të tyre të brendshëm në Shqipëri të përmbysin pushtetin e popullit me një sulm të dhunshëm të armatosur”. Letra më tej cakton kushtet e Shqipërisë për pjesëmarrje në këto takime, mes të cilave përfshihen kthimi i pronave të vjedhura, kompensimi dëmeve nga BRSS, distancim nga shkeljet arbitrare si dhe ndalim të menjëhershëm të dërgesave të armëve për titistët jugosllavë dhe reaksionarët indianë. Pakti i Varshavës u përgjigj se kishte marrë letrën shqiptare dhe theksonte se çështja e pjesëmarrjes së Shqipërisë varet nga vetë qeveria e saj.

Enver Hoxha luftoi fuqishëm fraksionet e krijuara në Partinë Komuniste.

Enver Hoxha luftoi fuqishëm fraksionet e krijuara në Partinë Komuniste. CIA ka zbardhur detaje nga situata në parti dhe ish-diktatori nuk pranoi të lejonte asnjë zë kundër. Nga ana tjetër CIA ka treguar me detaje Kongresin e 1976. Aty thuhet se Hoxha mbajti një fjalim për 14 orë ku foli për marrëdhëniet brenda dhe jashtë vendit. Një tjetër detaj i nxjerrë nga CIA është kur Lenka Çunko u përzgjodh si kandidate për në Byronë e Partisë Komuniste. Po ashtu, tregohet situata në ushtri dhe roli që kishte partia aty.

Dhjetor 1947

Taktika komuniste në Ballkan

E ashtuquajtura Lëvizje e Çlirimit Kombëtar, e krijuar në Jugosllavi gjatë luftës, u organizua në Moskë sipas planit të Leninit për të ndihmuar lëvizjet kombëtare çlirimtare në të gjithë botën.

Ato kërkojnë përmbysjen e rendit kapitalist në vendet e dobëta, në vendet koloniale e gjysmë-koloniale me aprovimin e qeverisë së Moskës, Jugosllavia konsiderohet një vend gjysmë-kolonial. Per të konsoliduar pushtetin në Jugosllavi, komunistët duhet të nisin sekuestrimin e ndërmarrjeve private me anë të gjyqeve të “kolaboracionistëve”, shtetëzimeve etj. Në Shqipëri partia komuniste nuk kishte instruktorë të trajnuar në Moskë menjëherë pas luftës, pse ata nuk mund të bezdiseshin me çështje të vogla. Qeveria shqiptare kishte nevojë për doktorë, inxhinierë dhe profesionistë të tjerë, prandaj në 1946 mori seriozisht në konsideratë pajtimin e këshilltarëve italianë, por Moska vendosi të mbushte këtë hapësirë me teknikë jugosllavë.

Tetor 1950

Organet e partisë në ushtri

Organizatat e partisë komuniste në ushtrinë shqiptare janë të ngjashme me sistemin e organizmit civil të partisë, me diferencën e vetme se ushtarët nuk kanë të drejtë të bëjnë kritika gjatë takimeve apo të kontrollojnë oficerët. Prej Ministrisë së Luftës deri në njësitë më të vogla, ushtria është e gjitha e organizuar në seksione partiake. Drejtoria politike e ushtrisë ushtron influencën e saj me anë të degëve në divizione, regjimente e batalione. Drejtoria është e lidhur drejtpërdrejt me komitetin qendror të partisë. Ajo drejtohet nga gjenerali Hysni Kapo dhe nëndrejtori, kolonel Beqir Ndou. Drejtoria ka si degë kryesore nën-drejtorinë e kulturës, të agjitacion-propagandës, nën-drejtorinë e rinisë, dhe degët e organizimit dhe financave.

Organizata dhe të gjitha degët e saj gjenden në çdo divizion. Ato drejtohen nga shefi i degës politike dhe nga komisari i cili kryen mbikëqyrjen e përgjithshme të organizatës deri në nivel të kompanive. Komisari politik zgjidhet nga njerëzit më të besuar të partisë dhe përgjigjen direkt te drejtoria politike e ushtrisë, e drejtuar nga gjenerali Hysni Kapo. Seksioni politik i regjimentit përbëhet nga tre nën-seksione: zyra politike, zyra e shtypit dhe propagandës dhe zyra e të rinjve. Përveç shefit të seksionit politik është dhe në komisar, i cili varet nga komisari i divizionit. Detyrat e komisarit të regjimentit janë të ngjashme me komisarin e divizionit por në shkallë më të vogël. Ndërsa batalionet nuk e kanë këtë organizëm, por kanë Byronë e Batalionit. Më poshtë në nivel kompanie puna politike bëhet vetëm nga instruktori politik i cili mbikëqyr skuadrat ushtarake me anë të njerëzve të tij të besuar. Roli i instruktorëve politikë në ushtri ka të bëjë me zhvillimin e linjës politike të partisë me anë të propagandës mes ushtarëve. Këta instruktorë kanë çdo ditë dy orë në dispozicion programe trajnimi, ndërsa mbikëqyrja kryhet në bashkëpunim me njerëzit e Sigurimit, të cilët shtojnë dozën e terrorit mes individëve. Organizata e të rinjve drejtohet nga seksionet korrespondente të zyrave politike, dhe punon me ushtarët e moshave nga 20 deri në 25 vjeç, të cilët duhet të regjistrohen në organizatën e rinisë komuniste, edhe nëse nuk janë anëtarë të partisë.

Maj 1951

Situata e ushqimit

Sipas informacioneve nga elementë të rezistencës shqiptare në Romë situata e ushqimit në Shqipëri po bëhet e dëshpëruar si rezultat i thatësirave dhe kërkesave të qeverisë për grurë. Në të gjithë vendin popullata është e dobësuar dhe e pafuqishme, megjithëse njerëzit janë të nervozuar nga mungesa e ushqimit dhe veshjeve, ata janë të pafuqishëm të veprojnë kundër masave të ashpra që qeveria po merr për të ruajtur pushtetin. Megjithëse mund të kemi ekzagjerime në raportimet e refugjatëve shqiptarë, dihet tashmë se çështja e fermave kolektive bujqësore është kthyer në një bumerang për zyrtarët rusë pasi tani duhet të dërgojnë grurë në Shqipëri prej rënies së ndjeshme të prodhimit ushqimor. Tashmë raportohet se ushqimi mungon dhe në zonat më produktive të Shqipërisë dhe se asnjë ushqim nuk jepet për të internuarit politikë. Gjendja e rëndë e ushqimit ishte ndoshta arsyeja e vendimit të 13 marsit 1951 për reduktimin e kuotave të dorëzimit të prodhimeve bujqësore me 25 për qind.

Qershor 1951

Departamenti Amerikan i Shtetit ka paralajmëruar ambasadorin e tij në Beograd se krijimi i kohëve të fundit i komitetit të refugjatëve shqiptarë në Jugosllavi, është në kundërshtim me interesat bazë të Shteteve të Bashkuara në këtë rajon. Departamenti trembet se veprime të tilla mund të sjellin konflikt të drejtpërdrejtë interesi mes Jugosllavisë dhe SHBA, prandaj ambasadori Allen është instruktuar të bëjë të qartë për qeverinë jugosllave se aktivitetet e shqiptarëve të emigracionit në Perëndim, si ato në Jugosllavi, mund të provokojnë lëvizje direkte të Bashkimit Sovjetik kundër Jugosllavisë, dhe rreziku bëhet edhe më i madh kur aktivitete të tilla sponsorizohen nga vetë jugosllavët. Qeveria e SHBA është e shqetësuar për mundësinë që krijimi i një organizata të shqiptarëve në emigracion mund të shtojë tensionet në rajon.

Në 12 qershor një zyrtar i ministrisë së jashtme jugosllave i përsëriti ambasadorin Allen shqetësimin e qeverisë në lidhje me mbështetjen perëndimore të aktiviteteve të rezistencës në Shqipëri, me argumentimin se aktivitetet e rezistencës në Shqipëri mund të japin një justifikim për Bullgarinë të ndërhyjë, sipas Paktit të Asistencës reciproke Shqipëri-Bullgari.

Ministri i brendshëm jugosllav Rankoviç ka nisur një udhëtim pushimesh në Evropë. Ambasadori Allen sugjeron se ministrit i është këshilluar të bëjë udhëtimin nga Byroja Politike për t’u njohur më mirë me jetën evropiane dhe perëndimore. Prej vitit 1951 ka pasur shumë vizita nga zyrtar të lartë jugosllavë në vendet perëndimore me objektiv kryesor mbledhjen e mbështetjes për regjimin e tyre he promovimin e lidhjeve mes Jugosllavisë komuniste dhe socializimit perëndimor.

Dhjetor 1956

Situata e brendshme politike

Komiteti ekzekutiv i ushtrisë së rrethit të Sarandës u transferua në Delvinë në prill 1956, së bashku me zyrën e rekrutimit. Në janar 1956 persona të panjohur thyen dyqanin ushqimor të Kooperativës në Lukovë dhe morën gjithçka gjetën brenda, përfshi dhe 50 000 lekë të cilat ishin në një kuti. Fajtorët raportohet se janë zbuluar. Në Gjermen raportohet se ka rreth 10 fshatarë të armatosur, por ashtu edhe në Shalës. Prej fillimit të 1956 urrejtja e banorëve të zonave fshatare ndaj regjimit është shtuar ndjeshëm, sidomos në zonat kufitare Sarandë, Leskovik e Ersekë. Kjo për arsye se qeveria ka anuluar triskat e racioneve për fshatarët e varfër, si dhe dyqanet “reciproke” ku fshatarët shkëmbenin mallrat. Fushata qeveritare e kolektivizimit i jep fund ndjesisë së pronësisë që është goditja më e rëndë për fshatarët. Gjatë fushatës qeveritare për kolektivizimin e detyrueshëm fshatrat e mëposhtëm u shpallën armiq: Tac, Starje, Leshnje, Borova, Fratar, Varibob, Pacomit, Kuqar, Corogun, Potgoran. Gjatë kohës së luftës këto fshatra ishin bastione të Ballit Kombëtar. Fshatrat e zonës së Ersekës janë vendosur rrëzë një mali, maja e të cilit ndan territorin grek me atë shqiptar. Drithërat kryesore të kultivuara këtu janë gruri e misri dhe banorët jetojnë gjithashtu me prerjen e druve, me të cilët bëjnë qymyr druri, ose japin kafshët e punës me qera. Fshatrat e zonës së Ersekës prodhojnë drithëra që popullatës i zgjasin vetëm për 8 muaj, prandaj për të plotësuar nevojat e tjera ata shkojnë për të punuar si punëtorë në Korçë ose japin kafshët e tyre me qera. Fshatrat e Nivicës dhe Shënvasilit prodhojnë mjaftueshëm ushqime si grurë, misër, ulli, duhan sa për mbajtur popullsinë e tyre. Fshatrat e zonës së Këlcyrës prodhojnë grurë, misër dhe rrush, por burimi thotë se prodhimi furnizon popullsinë vendase vetëm për rreth 7 muaj prandaj banorët duhet të kryejnë punë të tjera.

Në pranverën e vitit 1956 fshatarët e zonës së Këlcyrës pas presionit të autoriteteve iu bashkuan kooperativës shtetërore, së bashku me fshatrat e zonës së Ersekës. Kishte fshatra të tjera që nuk iu përulën presionit të autoriteteve për t’u bashkuar në Kooperativë. Pas presionit të komunistëve banorët e fshatit Gjatë u bashkuan në kooperativë, por në mars 1956 ata e braktisën kooperativën pasi drejtuesit refuzuan të shpërndanin prodhimin sipas numrit të anëtarëve të familjeve, por ë bënë sipas numrit të ditëve të punuara nga çdo familje.

Qershor 1966

Vazhdojnë spastrimet e rotacionet e brendshme në Shqipëri

Udhëheqja në Shqipëri duket se po përgatit skenën për të eliminuar një tjetër valë fraksionesh brenda partisë që u evidentua pranverën e shkuar. Megjithëse ende nuk janë identifikuar elementët opozitarë, lideri Hoxha dhe Shehu në fjalimet e fundit i janë referuar “elementëve armiqësorë” brenda Shqipërisë dhe kanë sinjalizuar se disa prej tyre janë fajtorë për “revizionizëm”. Fraksionalizimi në Shqipëri doli në dritë për herë të parë në fillim të vitit kur regjimi mori pasa për të eliminuar “ekseset burokratike”. Rreth 8000 punonjës të qeverisë raportohet se janë caktuar të punojnë në brigadat e bujqësisë dhe industrisë. Në mars Shehu njoftoi se administrata shtetërore ishte reduktuar me rreth 50 për qind, në ndryshimet që kanë si qëllim forcimin e kontrollit të partisë në organet qendrore e lokale. Më pas në fjalimin e 4 korrikut Shehu paralajmëroi përsëri mbeturinat e klasave “shtypëse” të përmbysura po veprojnë për të rivendosur rendin kapitalist, dhe shtoi se masat e marra deri tani ishin vetëm fillimi i një programi të gjerë të revolucionarizimit të jetës në Shqipëri. Këto komente sugjerojnë se ndryshimet në administratë do të vazhdojnë, por me sa duket pushteti ende nuk është i gatshëm të lëvizë. Zgjedhjet kombëtare të 10 korrikut rikthyen në parlament të gjithë zyrtarët e lartë të partisë dhe qeverisë.

Në një plenum të komitetit qendror të partisë në 12-13 korrik, u njoftua se kongresi i pestë i Partisë Komuniste do të mbahet në nëntor. Kongresi ishte planifikuar në gjysmën e parë të 1966 dhe është tashmë gati një vit me vonesë. Shtyrjet mund të jenë një sinjal i problemeve të brendshme politike, zgjidhja e të cilave mund të vijë pikërisht në nëntor. Një draft i direktivave të Kongresit i publikuar javën e kaluar, bënte thirrje për “ndjekje pa mëshirë” dhe përpjekje të vendosur kundër armiqve të brendshëm. Fraksionet e përmendura mund të jetë në strukturat e ushtrisë, kryesisht prej kundërshtimeve të fundit ndaj qasjes së komunizimit kinez që po aplikohet në ushtri. Besohet se ushtarakët nuk janë të kënaqur me dekretin e fundit për zbulimin e gradave dhe simboleve ushtarake dhe oficerët shqiptarë duket të gjithë të pakënaqur me rikthimin te komisarët politikë në të gjitha njësitë ushtarake. Shqetësimi i qeverisë për pakënaqësitë në ushtri reflektohet në zëvendësimet e kreut dhe zv. Kreut të drejtorisë politike të ushtrisë.

Nëntor 1976

Lideri komunist Hoxha dha javën e kaluar në Kongresin e shtatë të partisë, një fjalim ku u përcaktua kursi izolacionist i vetë-mjaftueshëm i Shqipërisë. Por problemet serioze ekonomike të vendit me sa duket po diktojnë ndryshime të shumta personeli dhe gjithashtu po detyrojnë autoritetet të bëjnë kontakte të kujdesshme tregtare me botën e jashtme. Në nivel kombëtar udhëheqja e Hoxhës dhe Shehut duket më e sigurt se kurrë dhe masa e Byrosë Politike mbetet në 12 anëtarë të plotë. Numri i kandidatëve për në Byro është shtuar në pesë dhe mes tyre dy janë fytyra të reja. Kandidatët e rinj janë Lenka Çuko dhe Simon Stefani, të cilët tipizojnë liderin e ri partiak me eksperiencë teknike dhe aftësi të provuara administrative në nivel lokal, siç është promovuar nga Hoxha gjatë viteve. Stefani ka eksperiencë të fortë ekonomike. Anëtarët e rinj në komitetin qendror përfshijnë ministra të rinj, siç është ai i arsimit dhe bujqësisë, të cilët kanë marrë pjesë në përpjekjet e Hoxhës gjatë viteve të fundit për futjen e figurave të reja në hierarkinë e partisë. Fjalimi i Hoxhës ishte një maratonë 14 orëshe e shtrirë gjatë dy ditëve të kongresit. Aty ai mbrojti me energji udhëheqjen e tij, duke i bërë apel nacionalizmit të thellë te shqiptarët dhe duke argumentuar se izolimi i Shqipërisë e mbron vendin nga pushtimi i kredive të huaja skllavëruese, nga turistët, spiunët dhe kultura dekadente e degjenerimit. Por gjatë pohimeve ai nuk mohoi mundësinë e lidhjeve tregtare me Perëndimin. Duke pranuar rolin e rëndësishëm të luajtur nga Kina në zhvillimin ekonomik të Shqipërisë, Hoxha u treguar gjithsesi i rezervuar dhe komentet e tij tregonin për njëfarë pasigurie në zhvillimet e fundit me Pekinin.

Komentet e tij për politikën e jashtme përfshinin denoncimin e pritshëm ndaj politikave të Shteteve të Bashkuara dhe çdo gjë të lidhur me to, dhe ngriti lart avancimet në marrëdhëniet Francë –Shqipëri. Në komentet mbi vendet e Ballkanit ai nuk solli lajme të reja, duke vazhduar mbrojtjen e paanësisë, për kundër rekomandimeve të Kinës e cila i ka kërkuar Shqipërisë të mbajë një linjë më të hapur e më pranuese.

Gjergj Fishta: 28 Nanduer 1913

Oh váj! Oh kob! Oh marre e turp per né!

Sot sheklli mbarë prír synin prej Shqyptarvet,

Me pá si perkujdesmi per Atdhé;

E si u dishmojm me punë na kundershtarvet

Se jemi t’zott me u lidhë me besë e fé

Edhè vetë me sundue vendin e t’Parvet:

E na, harû e si polipa deti,

Veç hapim syt me shkye ndo ‘i send per veti!...

Përgatiti Adem Avdia 

Paralajmrimet nga LDK-ja e dhe LVV -ja për rrëzimin e Qeverisë Haradinaj,tash për tash janë të kota.

Nga Flori Bruqi 

Unë ju ruaj shpinën, e ju më gjakosëni në ballë. Kur e zbatoj ligjin më quani kriminel, e kur nuk e zbatoj më pushoni nga puna. Unë jam biri juaj, vëlla i juaj, unë ju ruaj juve, edhe kur më përgjakëni, sepse une vetëm zbatoj urdhërat në pajtim me ligjin.(Major Amir Gërguri)

Tre muaj pas përfundimit të zgjedhjeve, Kosova ka qeverinë e saj. Qeveria e kryeministrit Ramush Haradinaj, mori shumicën e thjeshtë me 61 vota, përballë saj një opozitë e fortë e 58 deputetëve nga Vetëvendosja dhe LDK.

Me 61 vota pro, asnjë kundër, një abstenim, pa prezencën e opozitës në sallë, Kuvendi i Kosovës zgjodhi qeverinë e re të Kosovës me kryeministër, Ramush Haradinajn. Votimit të qeverisë Haradinaj i parapriu një situatë jo e këndshme, vonesa e deputetëve të Listës Serbe, të cilët nuk gjendeshin në Kosovë, por në Serbi në takim me Presidentin serb Aleksandër Vuçiq.

Kjo bëri që dy subjektet politike, lëvizja Vetëvendosja dhe LDK, të shpërthejnë me akuza kundër koalicionit qeveritar, i cili sipas tyre "qeverisjen në Kosovë e var nga disponimi i Beogradit”. Megjithatë, pa zhvillim debati, dhe vetëm me betimin e kabinetit qeveritar, kuvendi votoi qeverinë Haradinaj.

Haradinaj premton zhvillim dhe anëtarësim në NATO

Kryeministri tashmë i ri i Kosovës, Ramush Haradinaj, paradeputetëve shpalosi në pika të shkurtra disa vija programore, duke premtuar se më vonë në muajt në vazhdim do të shpalosë në detaje planin e tij qeverisës, katër vjeçar. "Në planin e brendshëm dhe të jashtëm gjendja e përgjithshme në Kosovë është e keqe, me një korrupsion endemik gjithandej, dhe një situatë tepër të ndjeshme në besimin në institucione të Kosovës. Prandaj do të punojmë që ta zhdukim korrupsionin dhe ta kthejmë besimin në institucione”, tha Haradinaj, duke bërë thirrje për zbatim të rendit dhe ligjit. "Kosova do të ndihet e sigurt vetëm si anëtare e NATO-s. Do të punojmë në kohë rekord për zbatimin e MSA-së në mënyrë që ta fitojmë statusin e kandidatit për anëtarësim në BE.

Ndërprerja e seancës

Dialogun me Serbinë, duhet ta zhvillojmë, sepse Serbinë e kemi fqinjë. Duhet edhe një dialog i brendshëm me serbët e Kosovës në mënyrë që ata ta ndjejnë veten qytetar të Kosovës”, u shpreh Ramush Haradinaj duke iu dejtuar serbëve të Kosovës për disa momente në gjuhën e tyre.
Për disa orë rresht, Kuvendi i Kosovës ndërpreu seancën në pritje të deputetëve serb, të cilët ishin rrugës së kthimit nga Beogradi në Prishtinë. Deputetët e listës "Srpska”, para se ta votonin qeverinë Haradinaj, ishin në Beograd ku takuan Presidentin e Serbisë, Aleksandër Vuçiq, që "ta merrnin përkrahjen e tij për ta votuar ose jo qeverinë Haradinaj”. Mediet serbe citojnë Presidentin Vuçiq të ketë thënë se "deputetët serb të Kosovës vet vendosin ta mbështesin ose jo zotin Haradinaj”, ndërkaq, nuk u durua pa thënë se "më mirë më Ramush Haradinajn sesa me Albin Kurtin, i cili pretendon Shqipërinë e madhe”, citojnë mediet serbe Presidentin e Serbisë, Aleksandër Vuçiq.

Kritika të ashpra nga opozita

Prezantimi i kabinetit qeveritar i kryesuar nga Ramush Haradinaj, u kritikua ashpër nga dy subjektet politike që tashmë me 58 deputet do ta bëjnë opozitën në Kosovë, lëvizja Vetëvendosja dhe Lidhja Demokratike e Kosovës. Kreu i LDK-së Isa Mustafa, u shpreh se "ajo çfarë ndodhi në Kuvendin e Kosovës është e tmerrshme”. "Zgjidhja e vetme është në shumicën shqiptare në Kuvend, prandaj sot do të duhej të tërhiqet apo të rrëzohet ky koalicion dhe të themelohet koalicioni i madh pa PDK-në dhe pa ndikim të Listës Serbe. Nuk duhet të lejojmë këtë masakër të Serbisë në institucionet shtetërore të Kosovës”, u shpreh Isa Mustafa.



"Mendoj se varësia e vërtetë është nga Lista Serbe. Për gjithçka tash e tutje do të presim kështu, Qeveria jonë me kokën e kthyer nga Beogradi. Do të varemi tërësisht nga Gjuriqi e Vuçiqi”, tha nga ana tjetër shefi i grupit parlamentar të Vetëvendosjes, Glauk Konjufca.

Qeveria e Kosovës e cila me shumicën e thjeshtë u votua në kuvendin e Kosovës ka mandat katër vjeçar dhe është qeveria e katërt pas shpalljes së pavarësisë së Kosovës. Dy mandate jo të plota qeverisëse, ku kryeministër ishte, Hashim Thaçi, aktualisht President i Kosovës. Një mandat të lënë përgjysmë pas një mosbesimi në parlament, ku kryeministër ishte, kryetari i LDK-së, Isa Mustafa, ndërsa tani në krye të qeverisë së Kosovës është Ramush Haradinaj, kryetar i AAK-së.

Ramush Haradinaj, 49 vjeçar në vitin 2005 ishte për tre muaj kryeministër i Kosovës. Ai në atë kohë dha dorëheqje pas 100 ditësh qeverisjeje, pasi u akuzua nga Tribunali i Hagës për krime lufte. Në dy procese gjyqësore në Hagë, Haradinaj u shpall i pafajshëm. Pas 12 vjetësh, ish-komandanti i UÇK-së për rajonin e Dukagjinit, Ramush Haradinaj, bëhet sërish kryeministër i Kosovës. Edhe dy figura tjera të larta të ish-UÇK-së, tashmë janë në postet më të larta drejtuese të shtetit të Kosovës, Hashim Thaçi, President i Kosovës dhe Kadri Veseli, kryetar i Kuvendit.

Përbërja e qeverisë së Kosovës

Kabineti qeveritar me kryeministër Ramush Haradinaj, ka 21 ministri dhe pesë zëvëndës-kryeministra, qeveri kjo që analistët politik e quajnë "megaqeveri”, në një vend të vogël siç është Kosova me 1.8 milion banorë.
Kryeministër: Ramush Haradinaj
Zëvendëskryeministra:
Enver Hoxhaj
Fatmir Limaj
Behgjet Pacolli
Dalibor Jevtiq
Dardan Gashi
Ministrat:
Ministria e Financave: Bedri Hamza
Ministria e Inovacionit dhe Ndërrmarrësisë: Besim Beqaj
Ministria e Drejtësisë : Abelard Tahiri
Ministria e Shëndetësisë: Uran Ismajli
Ministria e Integrimeve Evropiane: Dhurata Hoxha
Ministria e Kulturës: Kujtim Gashi
Ministria e Infrastrukturës: Pal Lekaj
Ministra e FSK-së: Rrustem Berisha
Ministria e Arsimit: Shyqeri Bytyqi
Ministria e Tregtisë: Bajram Hasani
Ministër i Punës: Skender Recica
Ministër i Punëve të Jashtme: Behgjet Pacolli
Ministria e Mjedisit: Albena Reshitaj
Ministria e Punëve të Brendshme: Flamur Sefaj
Ministria e Zhvillimit Ekonomik: Valdrin Lluka
Ministria e Diasporës: Dardan Gashi
Ministria e Pushtetit Lokal: Ivan Todosijeviq
Ministria për Kthim: Dalibor Jevtiq
Ministria e Bujqësisë: Nenad Rikalo
Ministria e Administratës Publike: Mahir Jagcilar
Ministria e Zhvillimit Rural: Rasim Demiri

Paralajmrimet  nga LDK-ja e dhe LVV -ja  për rrëzimin e Qeverisë Haradinaj,tash për tash janë të kota.

Ngritja e një mocioni të mosbesimit për qeverinë “Ramush Haradinaj” e paralajmëruar nga LDK-ja e dhe LVV -ja  nuk po i brengos fare pozitën, ndërsa edhe analistët janë skeptik se do realizohet qëllimi i opozitës.nuk do të ketë sukses, sipas partitive që janë në pushtet.




Iniciativa të tilla nuk janë aspak serioze nga opozita, ndërsa paralajmërimet e tilla .

Këto iniciativa ishin  kryesisht në frymën e fushatës zgjedhore të 19 nëntorit , e sidomos tani kur është kryer numrimi i votave të balotazhit, sesa që është një iniciativë serioze.



Sidoqoftë, e drejta për mocion ekziston dhe mund ta provojnë kur të dëshirojnë partitë opozitare. Por, qeveria  e Ramush Haradinaj po vazhdon të punojë mirë dhe është e qëndrueshme sa i përket numrave në kuvend dhe në skenën kombëtare dhe ndërkombëtare është më e mirë se sa Qeveria paraprake.


Dihet së  qeveria aktuale duhet të kryejë shumë procese, dhe rrëzimi i saj do të krijonte një cikël të ri bllokade të paktën edhe për dy vite të tjera.



Të gjitha vonesat që janë shkaktuar gjatë qeverisjes së  brishtë  të  Hashim Thaçit  dhe Isa Mustafës, siç është ratifikimi i demarkacionit, ngecja e bisedimeve me Serbinë, ngecja totale me serbët e veriut dhe të gjitha këto dosje të mëdha që na kanë bllokuar në Kosovës, do të futen në një cikël të ri bllokimi për ndoshta një vit apo dy vite.



Tani për tani nuk e ka asnjë interes as LDK e as LVV -ja e as  Kosova në përgjithësi që të shkohet në zgjedhje të reja kur dihet 100-ditshi i Ramush Haradinajt është më i mirë se i të gjitha Qeverive paraprake të 18-të vjetëve që ishin Qeveri korrupcioni,nepotizmi dhe dallavereve  për pushtet.

Letër nga New York-u

Shfrytëzohet për intriga personale autoriteti i gazetës "Dielli"

Nga organizata "Shpresë & Paqe"

Pak kohë më parë në postën elektronike të njërës prej anëtareve të organizatës "Shpresë & Paqe", në disa emaile personale por edhe gazetash, përfshi edhe gazetën "Bota Sot" ishte dërguar një shkrim pa emër, pa autor, pa titull, por në emër të gazetës "Dielli". Kërkojmë që ky shkrim të botohet si replikë tek gazeta "Dielli" online edhe e shtypur, pasi është dërguar direkt nga adresa e emailit të gazetës "Dielli".

E lexuam me kujdes atë lloj materiali Anonim dhe u çuditëm. Sa kurajo kanë këta njerëz, që marrin inisitiva të tilla kaq të rrezikshme që nesër mund të përballen edhe me ligjet amerikane, për shpifje dhe intriga, pasi një incident i tille ka ndodhur pikërisht në Amerikë! Ku të drejtat e liritë e njeriut janë prioritet e mbrohen me ligj. Dhe nga kush, pikërisht nga "Vatra" e gazeta "Dielli".

Se çfarë ka dashur të thotë autori Anonim në atë letër Anonime, në emër të gazetës "Dielli" e di ai, por që të shfrytëzohet gazeta "Dielli" nga një apo disa individë ordiner të pandërgjegjshëm në këtë mënyrë është e pafalshme. Ky është një veprim mafjoz e aspak serioz, si dhe tepër shqetësues për mbarë opinionin publik. 

Aty me nota fyese, denigruese, shprehje vulgare, imorale dhe të ulta, kërkohet ti hidhet baltë njerëzve që rrjedhin nga shtresa ish e persekutuar politike. Ndërkohë që bota mbarë po ndërgjegjësohet duke thënë se viktimat e komunizmit duhen trajtuar me kujdes, respektuar për hallet e vuajtjet e tyre që pësuan padrejtësisht në diktaturë, e ndjerë falje publike për çfarë atyre i ndodhi në jetë nga komunizmi!

Veprimi Anonimat e këtyre "gazetarëve" të gazetës "Dielli" duket se është një strategji e menduar mirë nga ish sigurimsat e shtetit diktatorial të enver hoxhës, të cilët kanë penetruar bukur në "Vatër" e tek gazeta "Dielli" dhe i vërdallisin këto institucione sipas dëshirës së tyre. 

Duke vepruar në këtë mënyrë shihet qartë se, janë aty për të shkatërruar imazhin "Vatrës", "Diellit" me skandale të tilla publike dhe Anonimate, por aspak të atyre personave të cilëve ata mundohen ti bëjnë keq. 

Meqë ajo letër vjen nga gazeta "Dielli" ishim të interesuara të dinim, është personale apo e përpiluar në bazë të një takimi të Vatranëve, gjë të cilën nuk duam ta pranojmë, se besojmë kanë mbetur akoma në "Vatër" njerëz të arsyeshëm, të kulturuar, korrektë e Zotërinj të mirëfilltë, që nuk duan të përlyejnë vehten pisilliqet që nxjerr në publik editori i "Diellit" apo dikush tjetër. 

Ky lloj llumi që ka punuar dhe vazhdon të punojnë nën rrogoz kundër demokracisë, kundër shtresës së persekutuar politike, pasi nuk ka se si të shpjegohet ndryshe gjithë ajo urrejtje, por në Anonimitet. Artikull pa titull, frikacak, njerëz të fshehur nën emrin "Vatër" e "Diell" pa pikë dinjiteti e kurajo civile, personale e familjare. Karaktere të padenja për një shoqëri të hapur e civilizuar siç e kërkon koha. 

Vepër kriminale që tregon se, ata janë akoma për të bërë luftë kundër kësaj shtrese, pasi tinzërisht hedhin shashka në ajër për të tymosur opinionin. Shikoni sa të rrezikshëm që janë, hedhin gurin e fshehin dorën. 

Në atë shkrim autori Anonim përmend fjalën uriahip, xhelozi ndaj tij, por si duket e njeh vehten si të tillë dhe i ka shkuar gjuha atje tek i dhëmb dhembi. Apo për shenja xhelozie, kush mbeti të bëhet xheloz për ju, për intrigat e shpifjet tuaja? Por edhe pse fjala uriahip nuk shkruhet ashtu, por Uriah Heep, qofsha e gabur por kjo që po ndodh në "Vatër" e tek "Dielli" është "lojë" sigurimsash që po trashëgojnë komunizmin edhe në SHBA, e rrugën e tyre denigruese njësoj si bashkë- editorët e gazetave komuniste që kanë qenë në Shqipëri "Shkedija" etj, apo atyre që i kanë kënduar diktatorit hoxha deri në rrëzimin e bustit, e kushedi sa kanë qarë e qajnë me oji, se ju larguan përfitimet e i shkuan dëm këngët e thurura. Dhe kjo është e qëllimshe, pasi faktikisht ata njerëz janë afruar sot në "Vatër".

Si është e mundur që këta njerëz që i thonë vehtes "intelektualë", "gazetarë" por që vetëm të tillë nuk janë, po e shfrytëzojnë Federatën Pan Shqiptare "Vatra" dhe gazetën "Dielli" për intriga personale, duke përdorur një fjalor të ndyrë, dashakeqës për individë pa emër e në adresa të ndryshme e-mail-i deri tek gazeta "Bota Sot". Me çfarë kurajo morale, ndërrmarin veprime të tilla donkishoteske e të fshehuara, si në kohën e diktaturës komuniste në Shqipëri, ku me një copë letër anonime më parë pushkatoheshin njerëz të pafajshëm, arrestoheshin per agjitacion e propagandë kundër pushtetit popullor - njerëzit me dinjitet e paqësor, apo internoheshin pa asnjë nëpër kampet shfarrosëse pa asnjë faji familje të tëra shqiptare. E njëjta metodë pune dhe eksperience po vazhdon edhe në "Vatër" e pikërisht tek gazeta "Dielli" nga elementi negativ, duke përdorur këto Institucione si "mburrojë", faqe personale apo webiste personale banale.

Qofsha përsëri e gabur por pergjegjësia i bie direkt atij që është kryeredaktor sot i gazetës "Dielli" pasi nga korrespondenca e patur vazhdimisht me gazetën "Dielli", emailet që i janë dërguar antares tonë, kanë qenë nga e njejta adresë. Dhe dikush duhet të përgjigjet për këtë...

Ky zotëri pse nuk del hapur në e-mail-in e tij personal, por shfrytëzon "Vatrën", "Diellin", apo e ka siguruar tashmë vehten si "i paprekshëm" aty, duke i shtrirë mirë këmbët në "Vatër" e gazetën "Dielli" dhe ndihet i pagoditur nga rrezet demokratike e paqedashëse të "Diellit". Por më duket se dielli i kësaj vere ju ka ngrohur e ngopur si shumë, e kujdes mos digjeni, e ndoshta ju duhet pak flladitje, se siç duket jeni duke parë edhe ëndrra në sirtar, sikur e nesërmja mund t'ju gjejë edhe Kryetarë të "Vatrës". 

Mesa kam dijeni, kryeredaktori i sotëm i gazetës "Dielli" ka fituar statusin e azilantit politik në SHBA, punë e tij sigurisht, por meqe kërkon të dijë biografinë e të tjerëve me letra Anonime, por për persekucionin politik të tij a di kush!!! Apo vetëm ai/këta duhet të informohen mbi jetën e të tjerëve. Aha apo  çdo gjë bën vaki, mos janë zyrë e fshehtë emigracioni dhe duhet ti jepet edhe atyre llogari!!!

Pyesin, kërkojnë të dinë njësoj si hetuesit e kohës së hoxhës se çfarë persekucioni kanë njerëz të ndryshëm, që u drejtohen me emaile Anonim atyre!!! Si dhe duke hedhur baltë padrejtësisht në atë letër deri në ndërhyrje ofendimesh të renda si prej adolishentësh ordiner e rrugeçërish deri në jetën private të seicilit. Nëse ka diçka që i shqetëson lirisht të pyesin  Zyrat e Emigracionit, ata e dinë më mirë historikun e atyre familjeve (kërkojmë ndjesë pasi juve si zyrë ilegale e ish sigurimit komunist shqiptar që jeni s'paskeni dijeni). 

Pse nuk dilni hapur morre burra, nëse jeni të tille!! Pse akoma nën maskën e gazetës "Shkëndia-s" kuqe prapaveproni edhe pse jeni sot në "Vatër". Frikacakë e njerëz të vegjël në shpirt e karakter, që shfrytëzoni gazetën "Dielli" për shpifje, intriga e duke dashur të denigroni shtresën ish të persekutuar politike. 

Leksionet e partisë së punës që keni pas marrë në Shqipëri nga shefat tuaj të atij sigurimi famëkeq po vazhdoini ti zbatoni edhe këtu me së miri. Turp! Duke qenë se ai e-mail dashakeqës është dërguar nëpër shumë adresa nga zyra e gazetës "Dielli" lind pyetja po editori i gazetës "Dielli" a ka deklaruar në Zyren e Emigracionit Politik në SHBA, se ka pas qenë Kryeredaktor i gazetës komuniste "Shkëndija" në Shqipëri dhe flamurtar i flaktë i saj, si dhe a e kanë pyetur atë në "Vatër" se pse eshtë larguar nga gazeta "Illyria"? 

Se këtu të paktën në Amerikë, nëse do të shkeputesh nga një punë e të fillosh një punë të re, duan të dinë arsyen pse je larguar nga puna e mëparshme. 

"Dielli" të Federatës Pan Shqiptare "Vatra" në SHBA. Ku me shkrime anonime fyen e ofendon pa shkak indvidë të ndryshëm. njeh akoma" persekucionin tim politik e më datë 23 shtator 2017, ora 10: 08 AM dërgon nga adresa elektronike e gazetës "Dielli" por pa autor tek adersa ime elektronike dhe tek adresat e; lekpervizi@hotmail.com, editorialrrenjet@hotmail.com, nacionalalbania@yahoo.com, info@gazeta-shqip.com, gazeta Bota Sot etj një letër anonime, ku vë në dyshim e do të dijë mbi persekucionin tim politk!!!! (ai apo ndonjë mik i tij nuk mund të them) por përsëris se: personalisht kam përjetuar persekucion politik nga im atë, si ish i burgosur politik Grupi A1- nga torturat në burg, dhe im xhaxha i pushkatuar politik pa gjyq nga forcat sllavo komuniste me në krye Shefqet Peçin, pranova me kënaqësi ftesën për të marë pjesë në këtë takim jubilar për të drejtat e shtresës së persekutuar politike nga rregjimi komunist. 

Edhe pse kam jetuar në Tiranë, ku mijra shqiptarë u internuan e kanë përjetuar tmerre e vuajtje pa fund edhe unë kam kaluar një fëmijëri e rini të vështirë si nga ana politike, ekonomike, sociale, punësimi, strehimi etj. Ndjeja diskriminimin si delja e zezë mes të bardhave. Shkallët e pallatit ku banoja edhe pse ende fëmijë sa herë i hypja e zbrisja, nuk më përshëndesnin komshinjtë me gojë, më përçmonin, etj. Për ta isha e padukshme. Çështje biografie...

Pra nga lufta e klasave prekej dhe kishte pasoja çdo inidvid fëmijë apo i rritur që kishte prindërit apo një pjesëtar tjetër të familjes në burg politik të internuar politik dhe pavarësisht se ku jetonte. 

Ndoshta edhe mund të kisha heshtur, por përderisa ai e-mail është shpërndarë edhe në media të tjera publike jam e detyruar ta ndërrmar këtë nismë që nuk me shkon për shtat aspak e ndihem vërtetë jo komfort me veten. Pasi nuk jam Uriah Heep, nuk kam shkruar ndonjëherë letra anonime, nuk merrem me shpifje, intriga, thashetheme, vese këto që ti mi ngjesh mua, por që janë totalisht 100 % jashtë natyrës, ndërgjegjes, karakterit e Genit tim. Si duket autori i asaj letre anonime ato ngjyra ka dashur t'ja vendosë vetes por "pa dashur" ka ngatërruar adresë. 

Çudi, por burgu ordiner i asaj kohe ishte lule, qeveria,  "fronti demokratik" i lagjes nuk i trajtonte armiq  të popullit vjedhësit e pasurisë së përbashkët, shpifesit e intrigantet!!!! Mbi ata nuk zhvillohej luftë klasash!!! 

Sipas të drejtave ndërkombëtare e Qeverisë së Danimarkës dhe të gjitha shteteve demokratike në botë, ti shoku dalip grerza fëmijët e ish të burgosurve politikë do ti apo nuk do ti apo miqtë e tu të dashur, ata janë quajtur, përfshi edhe mua -  automatikisht viktima të komunizmit dhe ish të persekutuar politikë - Grupi C. 

Siç e di apo bën sikur se di, im atë është DIREKT GJAK i familjes Boletini, ku i janë vrarë, masakruar, burgosur për patriotizëm e politikë dhe çështje kombëtare me fis e soj njerëzit e tij të familijes. Ku përveç armiqve serbo - malezezë edhe diktatura komuniste ka burgosur, vrarë edhe njerëz nga familja ime, si Adem Boletinin, Adile Boletinin, Ismet Boletini, Rasim Dajçi, tim atë etj. Pra, çfarë persekucionini politik vë në dyshim e kërkon më shumë nga unë ti more shoku grerza?? akoma s'je ngopur, por zaten ku ngopen ish Shkëndi-istat e partisë punës ndonjëherë! Duan akoma me çdo kusht të dënojnë, të ulin, denigrojnë, përçmojnë, fyejnë, rëndojnë, përçajnë, ofendojnë, hedhin baltë e po të kenë mundësi edhe të vrasin njeriun  e drejtë, patriot, të persekutuar politik, e veprimtar të njohur shqiptarë. 

Ndërkohë që në një nga Panelet e 100 vjetorit kundër komunizmit bolshevik rus në Washington, DC. - Dr. Niall Ferguson nënvizoi dhe theksoi se mbi viktimat e komunizmit duhet të tregohet kujdes, tu kërkohet falje, keqardhje dhe respekt, njësoj sikurse edhe për viktimat e Holokaustit. 

Shoku Dalip Grerza, as të kam hyrë në hak, hise dhe as e kam patur ndërmend dhe as e kam, as kur ishe tek gazeta "Illyria", as edhe tani tek gazeta "Dielli" për të zënë vendin e postin tënd, pikërisht sepse desha të qëndroja larg intrigave të njerëzve si natyra juaj, përfshirë edhe pasionin tim për të dhënë diçka për komunitetin bashkëthemelova me Znj. Merita Shkupi - Organizatën e Gruas "Hope & Peace" dhe si një amanet të gruas ish të burgosur e persekutuar politike të Shqipërisë. 

Nuk desha as të varem nga ty e as nga kush tjetër si karakteri yt. Uriah-Heep je ti që fyen padrejtësisht të tjerët deri në emaile anonime që më ke dërguar mua në postën time elektronike, por pa autor në emër të gazetës "Dielli", këto janë fakte që tregojnë veprimet e tua të fshehta e tinzare si ish sigurimsat e diktarës komuniste. Por edhe nuk e di se për çfarë arsye e përmend epitetin Uriah Heep që nuk di as ta shkruash!! 

Unë i dal përballë fjalës time e nuk fshihem si struci, si ty që në emër të gazetës "Dielli" më fyen mua apo dikë tjetër me letra anonime, pa emër. 

Shfrytëzon padrejtësisht autoritetin e gazetës "Dielli" organ i Federatës Pan Shqipare "Vatra" me letra anonime, pa autor duke më sharë e diskritituar mua, gazetarin ish të persekutuar politik Beqir Sina apo dikë tjetër. Ku e gjen e kush ta jep ty këtë të drejtë!!!???

Si kam hyrë njeriut në hak, seicili ka jetën e tij dhe e di vetë se si e ndërton, por ti shiko Sekretaren e Vatrës që e ke vënë aty për të dhënë votën pro teje, e cila ndau burrin e huj për ta marë për vete. Unë s'kam ndarë askënd nga bashkëshorti, e as kam ndërmend të bëj një vepër të tillë. Ja pra ku është morali juaj që keni mësyer "Vatrën" sëbashku me ty si ish editor i gazetës "Shkëndia" - s kuqe!!!

Mua më rrofshin shpatullat e mija, se nuk pres të mar poste askund, mjafton të bëj gjumin të qetë, pa intriga ndaj askujt e pa përfituar nga askush as edhe një dekoratë të pamerituar e asnjë kacidhe.   

Ti shoku Dalip, ishe ai që kur vdiq im atë, ndjesë pastë shkruajte: ish i burgosur politik, vital i palëkundur në çështjen e Kosovës, patriot etj, sepse ashtu është e vërteta, tani më kërkon mua llogari edhe në media, e vë në dyshim biografinë e persekucionit tim politik bashkë me miqtë e tu. Po kush je ti mor, mos të duket vetja se je zyrë emigracioni që duhet të jap ty llogari, apo je ndoshta ndonjë zyrë e fshehtë gestapoje?. 

Edhe nëse nuk do te isha e persekutuar politike çfarë të intereson ty, a të kam zënë gjë vendin tënd në gazetën "Dielli" në "Vater" apo në Parlament? 

Të lutem shumë, shiko hallet e familjes tënde e mos u merr me gratë e botës. Oh, tjetri më është qepur mbrapa si pullë poste e s'më shqitet pa pikë turpi. Nëse je burrë me dy RR shiko hallet e tua e mos u përzi në punë grash sikur të jesh grua. Siç ndërhyre edhe tek aktiviteti i 100 Vjetorit të Lindjes së Heroinës Musine Kokalari, që mbajtëm në "Vatër" me inisiativën time personale, Organizatës së Gruas "Hope & Peace" e mbështetjen e Kryetarit Dr. Gjon Buçaj. 

Nëse ndihmove ti apo dikush tjetër në atë veprimtari, faleminderit, e vlerësoj, u jemi mirënjohëse, por jo të mernit ju frenat e drejtimit e menaxhimit të atij simpoziumi që ne kishim 6 muaj që pregatiteshim deri me conference call së bashku me Znj. Rita Saliu ish të persekutuarin politik gazetarin Beqir Sina e shumë të tjerë, për gruan ish të burgosur e persekutuar politike. Falë qetësisë time, e sime bije prezente aty në sallë, se aty ti me shokët e tu gati sa nuk e shkatërruat aktivitetin duke shfryrë, prishur qetësinë, duke folur me zë të lartë, ecur e parakaluar kaluar disa herë para podiumit për të tërhequr vëmendjen e folësve, etj.  

Organizata jonë erdhi aty për nder të figurës shumë dimesionale të Musine Kokalarit, erdhëm në "Vatër" sepse edhe herë të tjera kur Kryetar në "Vatër" ka qenë i nderuari Z. Agim Karagjozi na ka mbështetur për tubime të tilla për gruan në përgjithësi dhe për gruan e persekutuar politike në veçanti. Me Z. Karagjozi, të atin e tij e patriotë të tjerë ka pas qenë arratisur në të njëjtën datë nga Shqipëria edhe atdhetari Bilal Topulli, nip i heroit Cerciz Tipulli - anëtar i familjes sime nga nëna, për të cilin kam biseduar me Z. Karagjozi që ditën e parë të mbritjes sime në Amerikë, pasi e kisha ëndërr të takoja nga afër Z. Karagjozi, Z. Musli Mulosmani, Z. Elez Biberaj, Z. Mërgim Korça, Z. Beqir Sina, të vizitoja Selinë e "Vatrës" etj. Kemi mbajtur në "Vatër" veprimtari për gruan me zonjat Merita Bajraktari McCormack, Merita Shkupi, Rita Saliu etj, e kurrë s'na është përzier njeri në punët tona, sa zure ti qoshe në "Vatër" filluan avazet e vjetra. 

Sa e sa herë edhe në Shqipëri së bashku me zonjat Yllka Plangarica, Kozara Kati, Marie Dvorani, Jolanda Tahmizi, Vera Dema, Rukie Ndreun, Drita Çarçani, Kate Cima, Abdyl Kerluku, Agim Musta e të tjerë kemi përkujtuar figurën e Musine Kokalarit e grave ish të persekutuara politike nga rregjimi komunist në Shqipëri, rregjimi shovinist grek në Çamëri dhe nga makineria serbe në Kosovē. 

Salla kishim sa të donim e ku të donim ne këtu në New York. Se e sa herë Profesori i Universitetit "Monroe" në New York patrioti Haxhi Berisha na ka rezervuar ambjente të shkëlqyera me aparatura moderne për veprimtaritë tona, që me këtë rast edhe e falenderoj publikisht. Erdhëm aty jo për show, jo për dekorata, jo për të marr postin ty apo të dikujt tjetër, por për respekt të historisë, vuajtjeve të shtresës së persekutuar politike e figurave kombëtare. 

Organizata jonë është një subjekt jo qeveritar e sigurisht i pavarur nga meshkujt, por kur ka gjëra që na bashkojnë pse mos të bëhemi bashkë. Ku qëndron e keqja, mendon ti se e bëjmë për të xhelozuar ty apo dikë tjetër. Jo more mik jo, gabohesh. Lexo, pyet e njihu pak më tepër (meqë vetë ke treguar interes publikisht për të ditur më shumë rreth personit tim!!!). 

Tani me humorin e Estradave Shqiptare, po të pyes: A do më për Belulin?

 Ti shoku Dalip Grerza vazhdo hyr e dil në "Vatër", publikoi fotot e filmimet e tua sa herë të duash në internet që të bëjnë kolegët e tu, se ajo të ka mbetur për tu mbushur mendjen të tjerëve se sa patriot i madh je, se sa për shkrime aha, ato i ke shumë të pakta që kur ke futur thembrat në "Vatër" apo jo. E nëse do ta dish mua ky lloj "spektakli" yti online nuk më impresion fare. Nuk më duhet gjë, por qëndro serioz, se je familjar, je gjysh, e të këshilloj të vesh arsyen në punë, se je duke më besdisur si shumë, e jo sot por ke vite që më shqetëson.

Se ku e ke "hallin" nuk e di. Por di që më ke persekutuar ti e dikush tjetër si ty.  Si duket prezenca ime ju verbon sytë e ju turbullon shikim, s'keni çbëni do duroni. Por ja që jam krenare që kam gjak e gen kosovar e rrjedh nga familje patriotësh!

Sa e sa shkrime të mijat nuk mi ke botuar tek gazeta "Dielli" duke mi çensuruar, pse nuk e botove shkrimin me pjesëmarjen time në Samitet e C 20 dhe Presidencialin Botëror të G 20 në Hamburg të Gjermanisë, etj, etj. Kush del këtu xhelozia ime ndaj jush apo juaja ndaj meje?

Elbete e ke përvojë komuniste, "të falet" se nuk del dot nga indoktrinimi leninisto stalinist si në kohën e diktaturës kur punoje si editor i gazetës komuniste "Shkëndija" në Lushnjë. Boton ato çfarë do ti tek gazeta "Dielli" të tjerat në kosh të plehrave...paçka se të gjitha shkrimet e mija kanë qenë dhe janë me përmbajtje pro Paqes e Demokracisë e të Drejtave Humane. Por vetëm sapo shikon që emri im është përbri tyre ose brenda artikullit shkrimi nuk botohet automatikisht, e këto janë fakte të pamohueshme. 

Sa herë kemi zhvilluar aktivitete si organizatë gruaje "Hope & Peace" ti gjithmonë ke dalë në shtyp duke thënë nuk kishte pjesëmarrje, pse si e quan ti ardhjen në veprimtaritë tona të grave e vajzave shqiptare në Bronx, Presidentit Bashkisë Bronx Ruben Diaz Jr, Senatorëve Ruth Hasell Thompson e Jeff Klein, Avokatit Steven Kaufman, Liderit të Policisë Nr. 49 në Bronx Joseph Thompson, Ambasadoreve të Republikës së Kosovës nga New Yorku e Washington, DC, pjesemarrjen nga larg të Znj. Rita Saliu së bashku me të shoqin - Ing nuklear Adem Saliu, gazetarit Beqir Sina, veprimtarëve të njohur të komunitetit zotërinjve Sejdi Hysenaj, Marjan Cubi, Zef Balaj me bashkëshorte, Zef Perleshi me bashkëshorte, Esad Rizai, Mark Gjonaj, Haxhi Berisha, Tom Mriaj, Astrit Tota, artistëve e muzikantëve shqiptarë etj, apo nuk i mbledh dot lapsi yt këta njerëz. 

Më akuzon se merrem me thashememe, me lista, unë nuk kam FB, më kërcënon e fyen me fjalë nëpër emaile. Por unë nuk kam marë askënd nëpër gojë, nuk kam fyer askënd përfshi edhe ty, çfarë kam patur ta kam thënë hapur e në sy.

Më ke detyruar të bëj publike këtë letër me emrin tim direkt dhe jo anonim edhe tek gazeta "Bota Sot" e tek të gjitha ato adresa ku ti ke përfolur emrin tim me atë "shaka pa kripë" pasi edhe ti shoku Dalip apo miqtë tuaj kohë më parë dërguat edhe tek gazeta "Bota Sot" etj një letër anonime nga adresa elektronike e gazetës "Dielli" por pa autor si dhe në postën time elektronike, material pra që u është shpërndarë edhe shumë adresave të tjera private, ku nuk ishte lënë gjë pa thënë për mua, gazetarin e palodhur të çështjes kombëtare dhe ish të persekutuarin politik i dekoruar nga Presidenti Nishani - Z. Beqir Sina apo dikë tjetër. Mbiemrin ta kam shkruar grerza se edhe ti dalip sa e sa herë ma ke shkruar mbiemrin gabim - siç të ka "pëlqyer" ty. Turp!! E nëse ti apo ndonjë miku juaj nuk më kërkoni të falur publike tek ato adresa e-maili që më keni lënduar si tek gazeta "Bota Sot" , media të tjera apo njerëz që e di ti shumë mirë që keni folur negativisht kundër meje duke shfrytëzuar pa pikë morali e dinjiteti profesional autoritetin e gazetës "Dielli" dije se do i kemi punët ndryshe. 

Qofsha e gabuar nëse nuk je ti autor i këtij krimi ordiner, por email-e nga adresa e gazetës "Dielli" më kanë ardhur vazhdimisht vetëm nga komunikimi me ty e askush tjetër. Prandaj e ritheksoj qofsha e gabuar, por përgjegjësia kryesore bie mbi ty.

Për këtë veprim të ulët e FLAGRANT tëndin apo dikujt tjetër kam mendimin se duhet të mbajë qëndrim edhe Federata "Vatra" drejtuesit e saj, sepse në rastin konkret është shfrytëzuar autoriteti i "Vatrës", gazetës "Dielli" duke denigruar personalitetet e individëve të ndryshëm, cilët do qofshin.

Mimoza Dajçi

Dora vetë