Deputeti i CDU-së, Johann Wadephul:Ministri i Brendshëm, Fatmir Xhafaj duhet të ikë, ka akuza të forta

Deputeti i CDU-së, Johann Wadephul për DW: 

Kushtet që nuk ka plotësuar Edi Rama

Deputeti i CDU-së, Johann Wadephul në një intervistë për “Deutche Welle”, teksa ka folur për negociatat e Shqipërisë me BE-në, është shprehur se qeveria shqiptare nuk ka plotësuar disa kushte.

Sipas Johann Wadephul, duhet një luftë akoma më e ashpër kundër korrupsionit, vijim i reformave në drejtësi e reformë zgjedhore.

“Ne kemi nevojë për një orientim më të qartë ndaj vlerave europiane në disa fusha, marrëveshja e koalicionit e thotë qartë, se kriteret duhet të plotësohen edhe në fillimin e negociatave, jo vetëm në anëtarësim. Kjo nënkupton një luftë më të ashpër kundër korrupsionit se deri më tani, se reforma në drejtësi duhet të vazhdohet më me vendosmëri se deri më tani, se duhet të ketë një reformë zgjedhore që kërkohet prej kohësh si nga KE por edhe nga OSBE” , është shprehur deputeti i CDU-së, Johann Wadephul për DW.

Më tej ai ka folur dhe për implikimin e Agron Xhafajt në çështjet e drogës duke ngritur dhe pikëpyetjet nëse Fatmir Xhafajt duhet të mbajë akoma postin e Ministrit të Brendshëm.

 Deputeti i CDU-së, Johann Wadephul:

Ministri  i  Brendshëm, Fatmir Xhafaj duhet të ikë, ka akuza të forta

Deputeti i CDU-së, Johann Wadephul, në një interviste për Deutsche Welle nuk ka ndryshuar qëndrim për vendosjen në qendër të kritikave të ministrit të Brendshëm, Fatmir Xhafaj pas publikimit të skandalit për përfishrjen e të vëllait në trafikun e drogës.

Wadephul ka kërkuar edhe më parë në disa intervista që ministri Xhafaj duhet të përballet me akuzat, deri dhe dorëheqjen e tij.

Por, i pyetur nga DW pikërisht për këto deklarata, deputeti i CDU-së u shpreh se ministri i Brendshëm i Shqipërisë duhet të pyesë vetën, nëse mund t’a përmbushë detyrën plotësisht i pavarur. Duke risjellë edhe një herë tjetër në kujtesë se i vëllai i tij është ekspozuar ndaj akuzave.

“Unë mendoj, se një person me një përgjegjësi të tillë duhet vetë të verifikojë, nëse mund t’a kryejë detyrën i pavarur, nëse mund të drejtojë me përgjegjësi një proces në shtetin e së drejtës, kur ka akuza të forta, dhe kur vëllai i tij është përballur me procese në Itali”,- tha Wadephul.

Sipas tij, qeveria duhet të vendosë vetë nëse ai është personi i duhur që e vazhdon këtë detyrë.

Ndërsa, thekson se edhe ambasadori amerikan që ka qenë mjaft miqësor ndaj qeverisë, në këtë rast ka ushtruar kritikë të fortë.

Pjesa e shkëputur nga intervista e dhënë për Deutsche Welle

Pyetja e DW: Një person që u vendos në qendër të kritikave është ministri i Brendshëm i Shqipërisë, zoti Fatmir Xhafaj. Ju keni kërkuar në disa intervista shumë konkretisht, që ai duhet të përballet me akuzat, deri edhe dorëheqjen e tij. Të enjten zoti Xhafaj u takua me ministrin e Brendshëm gjerman, zotin Horst Seehofer. Më pas ai shkroi se gjithçka u zhvillua në konsesus të plotë. U vendos paqja?

Wadephul: Unë besoj se ministri i Brendshëm i Shqipërisë duhet të pyesë veten, nëse mund ta përmbushë detyrën plotësisht i pavarur. Vëllai i tij është ekspozuar ndaj akuzave. Dhe unë mendoj, se një person me një përgjegjësi të tillë duhet vetë të verifikojë, nëse mund ta kryejë detyrën i pavarur, nëse mund të drejtojë me përgjegjësi një proces në shtetin e së drejtës, kur ka akuza të forta, dhe kur vëllai i tij është përballur me procese në Itali. Qeveria duhet të vendosë vetë, nëse ai është personi i duhur që e vazhdon këtë detyrë. Unë kujtoj, se edhe ambasadori amerikan,që ka qenë mjaft miqësor ndaj qeverisë, në këtë rast ka ushtruar kritikë të fortë.

Rita Ora, nostalgjike dhe krenare për origjinën

Pak minuta pasi shënuan golat kundër Serbisë, dy futbollistet shqiptarë Granit Xhaka e Xherdan Shaqiri morën një ‘shpërblim’ nga këngëtarja me famë botërore, Rita Ora.

Këngëtarja me famë botërore me prejardhje shqiptare ka filluar ti ndjek në Instagram Granit Xhakën e Xherdan Shaqirin.

Rita Ora siç shihet në foton që sjellë Floripress nga Fokus  , u ka bërë follow dy lojtarëve shqiptarë të kombëtares së Zvicrës pasi ata shënuan gola në ndeshjen kundër Serbisë në kampionatin Botërorë në Rusi.

Golat që dy futbollistët shqiptare shënuan në ndeshjen e sotme kundër Serbisë, veç pikëve që i shtuan Zvicrës ngjallën reagime pozitive mes shqiptareve.

Të dy pas golave festuan me shqiponjë pasi flamuri shqiptar ishte i ndaluar të futet në stadium.

Këngëtarja me origjinë shqiptare Rita Ora shpreh nostalgjinë nga koha kur u emërua Ambasadore nderi në Kosovë. Me anë të një postimi në Instagram ylli i muzikës u shpreh se ky ka qenë një moment shumë i veçantë për të.

“Unë gjithmonë do të jem e përulur dhe e privilegjuar që mbaj titullin si këngëtarja e parë që del nga Kosova dhe ta vendos vendin tonë të bukur, plot dashuri, me të qeshura dhe talent, në hartë”, shkruan Ora.

Këngëtarja tha se do ta mbajë titullin gjithmonë me krenari dhe se do të vijojë të kontribuojë që ta zhvillojë Kosovën për të mbërritur aty ku e ka merituar gjithmonë.

“Ju mbaj mend të gjithë juve që erdhët në caktimin tim si ambasadore ditën kur presidentja Atifete Jahjaga, kryeministri Tony Blair dhe Cherie Blair, ambasadori i Kosovës, Lirim Greiçevci, ambasadori i Shqipërisë, Mal Berisha, lordi George Robertson dhe të gjithë muzikantët e tjerë nga Kosova, u mblodhën në një moment historik. Që atëherë kemi pasur plane mbresëlënëse që tashmë i kemi realizuar dhe të tjerë që do të vijnë me organizatat më të mëdha bamirëse në botë. Mezi pres të vazhdoj ta mbaj me krenari titullin ambasadore dhe të vazhdoj ta dërgoj Kosovën atje ku gjithmonë ka merituar të jetë KUDO! (Më falni, por jam në makinë me orë të tëra dhe jam sentimentale e krenare!) Ju dua. Krenare. Jini krenarë për origjinën tuaj. Mos harroni kurrë”, është mesazhi emocional i artistes me famë botërore.

“Rusia 2018” – Titujt e medieve pas ndeshjes Zvicra – Serbia?

Me golin e shënuar në ndeshjen e mbrëmshme Zvicra – Serbia, futbollisti shqiptar Xherdan Shaqiri, ka vendosur rekord të ri. Në fakt janë vetëm 3 futbollistët që kanë shënuar radhazi në Kupën e Botës 2014, Euro 2016 dhe Kupën e Botës 2018, mes tyre është edhe një futbollist shqiptar, Xherdan Shaqiri. Së bashku me sulmuesin e Zvicrës një arritje të tillë kanë portugezi Kristiano Ronaldo dhe Romelu Lukaku me Belgjikën, që ka shënuar gola në të tre aktivitetet e mëdha të futbollit. Xherdan Shaqiri, në vitin 2014 shënoi 3 gola në fitoren me Hondurasin në grup. Në Euro 2016, ai shënoi golin e barazimit 1-1 me Poloninë. Golin e vendosjes së rekordit të ri e shënoi në përballjen me Serbinë në botërorin e Rusia 2018, ku Zvicra shënoi fitore me 2:1.

Zvicra arriti të mposhtë Serbinë me përmbysje në ndeshjen e dytë të grupit E dhe t’i bashkohet Brazilit në krye të renditjes, në kuotën e 4 pikëve. Golat e fitores për Zvicrën i shënuan futbollistët shqiptar me prejardhje nga Kosova, Xhaka e Shaqiri. Si para ashtu edhe pas kjo ndeshje ishte në qendër të mediave botërore dhe atyre rajonale. Për dallim nga mediat serbe ato në Zvicër kanë shpërthyer në delir për ndeshjen e mbrëmshme me Serbinë. Telegrafi serb, ka dalë me titullin – Arbitri dhe shqiptarët e Zvicrës na mundën.



Arkitekti i fitores së Zvicrës kundër Serbisë, Xherdan Shaqiri, nënvizoi përparimin që ekipi i tij kombëtar i Zvicrës ka bërë në vitet e fundit. Sulmuesi i “Stoke City” Shaqiri, u shpall si lojtari më i mirë në ndeshjen e dytë në Grupin E, kundër përfaqësueses së Serbisë. “Lojtarët që ne kemi, kanë luajtur në ekipet më në zë të Europës“, – u deklaroi Shaqiri gazetarëve pas ndeshjes. “Pavarësisht se po ecim para në tabelën e rezultateve, kemi ruajtur qetësinë dhe kjo është diçka që nuk e kishim arritur dy vjet më parë. Kemi treguar se jemi rritur, jemi bashkuar dhe luajtëm si një ekip që po shkon drejt të njëjtit drejtim”.

Ndërsa portali B92, ka dalë me titullin Shaqiri në minutën e 90-të rrezoi skifterat dhe sh transmeton deklaratën futbollistit Kolarov i cili ka thënë – vendosën gjermanin të referojë sikurse neve të na e kishin deleguar malazezin.

Gazeta prestigjioze “The Guardian” ka kritikuar Granit Xhakën dhe Xherdan Shaqirin për festimet e tyre me shqiponjë. Kjo gazetë, një ditë pas ndeshjes të cilën Zvicra e fitoi 2 me 1 kundër Serbisë, ka shkruar se dy shqiptarët kanë rrezikuar në ngritjen e tensioneve politike në Ballkan kur përdorën simbolin kombëtar të Shqipërisë për të festuar golat kundër Serbisë. Xhaka e Shaqiri me festime sjellin politikën në Botëror.

E përditshmja zvicerane, Blick ka lavdëruar paraqitjen fantastike të dyshes shqiptare te kombëtarja e Zvicrës, Granit Xhaka e Xherdan Shaqiri pas fitores ndaj Serbisë. Në titullin e lajmit Blick ka shkruar, “Falë shqiponjave Xhaka e Shaqiri ëndërrojmë të fluturojmë lartë”

Pas kësaj ndeshje Zvicra së bashku me Brazilin kanë nga 4 pikë, ashtu që në ndeshjet e fundit në grupe brazilianëve dhe zviceranëve iu mjaft edhe një barazim, ndërsa Serbia për të kaluar këtë fazë të garave e ka patjetër pas pesë ditëve ta fitojë Brazilin.

*****

Mbrëmja e djeshme ishte shumë emocionuese 

për miliona shqiptarë.

Fitorja e Zvicrës ndaj Serbisë në rezultat 2-1, falë dy golave spektakolarë të shënuar nga Granit Xhaka dhe Xherdan Shaqiri.

Pas kësaj fitore, statuset dhe komentet e shumta shpërthyen gjithandej në rrjetet sociale me fjalë nga më të mirët për djemtë shqiptarë.

Ishte këngëtarja Rita Ora ajo e cila filloi t’i ndjekë të dy sportistët në rrjetin social Instagram.

Ndërkohë sot reperi Capital T publikoi një fotografi në InstaStory, ku ka shfaqur momentin teksa ka biseduar me Shaqirin pak pas përfundimit të ndeshjes.

‘Bisha që terrorizoi serbo-rusë’, ka shkruar Kapo në mbishkrimin e fotografisë, duke iu referuar kështu faktit që Shaqiri dha një gol të mrekullueshëm në ndeshjen e mbrëmshme.

Xherdani dhe Capital T kanë një miqësi prej vitesh dhe shpesh takohen gjatë udhëtimeve të Kapos në Zvicër.

Mposhti Serbinë, Shaqirit i vjen një propozim për martesë

Ndeshja e zhvilluar mbrëmë mes Zvicrës dhe Serbisë ka rrëmbyer vëmendjen e të gjithëve.

Ishte shkëlqimi i dy shqiptarëve Xherdan Shaqiri e Granit Xhaka, ai që bëri krenarë të gjithë shqiptarët anë e mbanë globit.

Urime të përzemërta dhe falënderime për dy futbollistët kanë shprehur edhe shumë prej figurave publike përmes rrjeteve sociale.

Madje, një nga modelet më të njohura në vend, nuk është përmbajtur aspak as për simpatinë e treguar haptazi ndaj Xherdan Shaqiri.

Është kjo Besa Istrefi nga Mitrovica, e cila ka qenë shumë e përfolur në media për fotografitë e saj artistike nudo.

Në një imazh të hedhur në InstaStory, Besa shfaq momentin kur Shaqiri ka shënuar gol, teksa shkruan në mbishkrimin e fotografisë se ka dëshirë të martohet me të.

Mbrojtësi që aktivizohet me Juventusin ishte një ndër lojtarët më të mirë të takimit së bashku me katërshen shqiptare: Valon Behrmain, Granit Xhakën, Blerim Xhemailin dhe Xherdan Shaqirin.

Takimi u mbyll me rezultatin 2:1 për ekipin ‘helvetik’, i cili kryeson grupin E së bashku me Brazilin; secili ekip ka 4 pikë, ndërsa në vendin e tretë renditet Serbia me 3 pikë dhe më pas Kosta Rika me 0 pikë.

Cikël poetik nga Leonora Bruçaj

Leonora Bruçaj, është autore e dy përmbledhjeve poetike 

 “Vdekja e Balozit” dhe “Dhembja e harresës”.

Leonora Bruçaj, gjithashtu është në përgatitje të përmbledhjes së tretë poetike.

Më poshtë Redaksia e Agjencionit " Floripress " boton disa  nga  poezitë  e  Leonora Bruçaj.

KOHA QË NUK FLET

Koha na rëndon

Kujtimet po vdesin

Ne presim kaltërsinë

e qiellit të errësuar

Dielli ngop zemrat

nën pozitat vertikale horizontale

Sot

Ç’ mbetëm 

Ne dëshmitarët 

e kohës që nuk flet

MALLI PËR JU

Dhe malli për ju

m’është zbehur si vdekja

Vetëm në ëndërrime

Udhëtoj me ju

po ec me nënën e babanë

matanë hijeve

as në lindje

as në veri

jo në jug

jo në perëndim

po ik po ik

t’ju takoj vetëm

kur sonte shkruaj

PRITJA E NAMATISUR

Për ty ngërtheva në vete

Mijëra vargje

Vaje këngë

Mijëra herë për ty lashë

Vetveten pa shpresë

Pa emër

Por kur me namatisje

rrëfeve

Për jetën vetën

Dhe dashurinë

“Heloizën e re” thashë

Mijëra vargje më përgjakën

MAKROBOTA

Të aderuarit

Nuk vdesin për bukë

As për ujë nuk kërkojnë

lëmoshë

Gjaku ynë të vraftë

Në pëshpëritje zanash

Flakërohen vatrat

në djegurishte bie zëri

I vdekur i fëmijëve

Makrobota në dritare

të luftës

sheh plagët e fëmijëve

Nuk vdesin

se leshojnë rrënjë

edhe n’gurë

IKJE

Pabesueshëm thure gjerdanin

e harresës

Në ty u bëra piedestal i kohës

Në atë pikëmbërritje

Arrite vrullshëm me dhembje

Ike bashkë me njollën e shpresës

dhe të akuzova gjithmonë

për mosbesim

Ditën qielli vreroset

Dhe nata mbetet e varfër

pa yje

Sikur unë pa ty

Oh kënga ime e kahmotshme

Sonte dogja vargjet

Që mbeten këngë e së kaluarës

Dhe gjallova drejt shtegut

Të pikëgrumbullimit të ëndrrave të unit tim…

Që ikën në sfondin

E kësaj kohe

Si u fundose në atë xingone të errësirës

dhe më lë përherë të nostalgjuar

për kthimin

IKE

Ti ike, unë prapë të pres

Të pres në mos pritje

Unë ika, ti kurrë njëherë

S’vrapove pas meje

As unë kurrë njëherë s’ika pa ty

Ne ikëm së bashku,

Ikëm nga njeri-tjetri

Prapë ishim të bashkuar

Ikëm të bashkuar së ndari

Aty ku u ndamë së bashkuari

PSE PENA MË MASHTROI

Në mbiftë mbi mua njollë

Shkëlqimi

Dhe fati vrerë le të vjellë

Këtë herë

Sikur të mos kam ditur

Provuar ç’është vreri i zi

Dhe në mua gjasimi vrerë

Ëndërr mbiu

Nxirosur palë palë

Herë herë psherëtiu

Dhe asgjë s’u vërtetua

Në dorë më mbeti dokumenti

I zbrazur

Lartohem e zvarrisem

Si shelgu i ul gishtërinjtë

Dhe vrragëroj asgjësinë

Kohë duhet kaluar

Ta forcosh betejën

E emrit tënd ritmor

Prapë mbeta nën hijen e

penës…

Aty ku fillova luftën

Pa ushtarët e penës sime

Ndër duar e gishtërinj më mbyti

Rrufeja

Por komandanti më tha betohu

Se do të forcohesh

Dhe shtyllë bëju luftës sate

Të verbohësh njëherë para tmerrit

Që nesër drita të jetë

Roje e natës

E kur ta mbarojë luftën

Do vjell vrerë a dritë

Tash luftën do ta lidh

Për dhe e për qiell

Në mos bëfsha kurrë më

Lutje për mugëtirë…

MBAS RIPËRTRITJES SË VRRAGËVE

Largohem kur

Kohës ia shoh qetësinë

Dhe ripërtritjes se vrragëve

Askush s’i buzëqesh hidhërueshëm

Se moti kemi shqelmosur tingullin

E këngëve të vetmisë

E kitara ku mbeti

Në ëndrrën e kahmotshme

Po këngën që e kemi shkruar

Sot kush ka për ta kënduar

VERA

E dua Verën,

Si pijen më të mirë

E dua Verën,

Si stinën më të mirë

E dua Verën,

Si miken më të mirë

Kur Verën e pi,

Nuk dehem, por kënaqem

Kur vjen Vera,

Malli poetik vrullshëm lulëzon

Kur e takoj Verën,

E kuptoj që ka nuhatje të thella mediatike

Prapë Verën e kërkoj,

Se netëve të gjata

Vera më shoqëron bashkë me antisonetin tim

Prapë e kërkoj Verën ,

Se dimri na ngriu shpirtin e acartë

Prapë e kërkoj Verën ,

Të flasim për poezinë dhe vargun e thyer

Vera u ndal!

Në këtë muaj të shenjtë, nuk dua ta provoj

Vera u ndal!

Të jetoj me mua deri në shtator

Vera u ndal!

Të më tregojë për ” Heloizën e re të Zhan Zhak Rusos”

Vera po pret !

Mbi tavolinën time duke me shoqëruar netët e gjata pa gjumë

Vera po pret !

T’jetojë bashkë me të dhe në të, me lulet që puhia i përkund butësisht

Vera po pret!

T’më rrefejë per diskursin e Podrimjes së ikur dikur

Vera iku ,

Gabimisht e theva shishen mbi tavolinë dhe mbeta pa të

Vera iku,

Tani vjeshta i lag poezitë e mia sikur shiu i ngrohtë

Vera iku ,

Po asnjëherë nuk iku pa miken e saj “mua”, Verë!

Ti je e mirë për t’u dehur, andaj të ruaj

Verë!

Ti je stinë e mirë, n’ty dua t’jetoj dhjetë muaj

Verë!

Ti je mike e mirë

Të mbaj afër motrës madhe

Vera,

Vera,

Vera,

E shijshme

E ngrohtë

E dashur…

LARG

Ëndrrës m’ju bëre vitor

dhe shpëtimin

ma ngatërrove për këmbë

Talmudizmit i ngrite

piramidë

dhe varrose

Doruntinën e shtëpisë

Pse për ty ëndrrat

nuk perëndojnë shpejt

Nuk lindi kalimthi

Gjithherë nguruar

vrava veten

Para agimit

Para mbrëmjes

Deri në vdekje

NË SYRIN E DITËS

Shumë herë vrave ëndrra

Vajzërie

Dhe ngurove

Padiktueshëm

Vetveten prore e ndeze

të gjallërosh

Dhe në syrin e ditës

Vizatove dasmën

Kënga kur t’i rrënojë muret

Mua do të më varrosin a thua

Lulet e ngushëllimit

kush do t’i sjell nesër

NE

U fishkëm për dalje nga kjo botë

njëherë të shkojmë

në atë impiant lashtësor

si pjellë e mendjes sonë

e ne kurrën e kurrës

s’e kemi kërkuar veten aty

aty ku mund ta gjejmë

po këmbacinkthi kemi kaluar

deri në imagjinatën e rrejshme....,

NË DOSJE TË RE

Telikosem kur fjalës

ia gjej përfundimin

dhe komedisë s’ia kuptoj domethënien

E nëna s’mund të harrojë emrin

përtej kohës së kaluar

SONTE

Nata thyen heshtjen time

në një milion ofshamje

bëj roje nate

roje e netëve të rënduara

viteve të mbrapme

Hapëroj me kohën

mbi heshtjen

heshtja mbi dëshirën

ç’më bën frikë në shpirt...

LIBRI IM

Libri im

Ka dy kopërtina

heshtjen dhe fjalën

E mësimi ku mbeti

në mes kopërtinave

të librit

PËSHPËRITJE

Kur më vrisje

më lidhje me vdekje

a ka vdekje më të madhe sikur të mbes unë pa ty

Në vrragë kohe

mbeta e etur për dhimbje

për dhimbje që m'i solle ti

koha dëshmitare

e plagëve tona

tani as dhimbja as fryma

s'kanë më fuqi

në vete ruaj gjithëherë

kujtimin e hidhur

LETËR 

Të shkrova me vargun e thyer

Të shkrova në gjuhën e pakuptuar

Të shkrova me penën pa ngjyrë

Të shkrova me dorën e lënduar

Të shkrova një letër pa shkronja

Ti për ta lexuar

Ti letrën e lexove

Me zërin e pa dëgjuar

PIKTURA ME KORNIZË TË RRËMBYER

Syngjyrosur del n'oborr princeshash

një varg antisoneti

e ngërthen me rimën

Në epruvetë derdh një pikë uji

peshën tënde

s'mund ta bart ashensori

n'katin e lartë

E ti lutesh e lutesh

prapë mbete në ashensor

ke gabuar hyrjen

kjo është pronë shteti

banesat e bardha

Çka mbeti njollë e pashlyer

N'pikturën me kornizë të rrëmbyer

RRUGË PA SHTEG

Vështirë...

Kthim mbrapa nuk ka

Njerëzit presin

Megamoloni shkatërruat

Mund të shkatërroni cdo gjë

Ju jeni një

Mos ju frikësoni kohës por...

Në përgjunime ulet nata

dhe terri vreros rrugën e të humburit

mos te lutem gabon nuk je i humbur

je anije në rrugën e Zotit

edhe pse nuk ka dalje kjo është rrugë e drejtë

këtu do të ndihmojnë shpëtimtarët e kohës

Por mos harro

Jeni dëshmitar i venitjes

Në dhembje kohore...

Kjo nuk quhet rrugë pa shteg

Kjo është e kryqëzuar...

Në udhëkryq

vetmitarët i ndërrojmë

ËNDËRR  E MUROSUR

Ç'bërë që murose kaq shpejt ëndrrën

Lules vendin ja ke zënë

nënës bijen ia more

Vatrës gëzimin ja ndeze

Unë nuk qesha asnjëherë

Pa zemër

As sytë s'i pastrova

me lotin tënd

Vetminë e ndjeka prore

Nga trualli im

Sonte këmbazbathur kërkoj

ëndrrën time,

ëndrrën e kohës së shkuar

për atë këngën ...

NOSTALGJI

Pse bredh tani

në atë botë të larme

vazhdimi i kokëqarjes

se me duket dielli

paska perënduar me lindje

Hëna gjurmët ç'm'i plandosi

në gjithësinë

e pashpirtshne për lutje

Në trotuar mbeta

me sy kah dielli

e autobusi bartte

njerëzit në pafundësi

ËNDRRA E SHTEFTARËS 

Në ëndrrën e kahmotshme

Qava gurin e urrejtjes për ty

Për ty

Mbledha lulet me te bukura

Që të thuri gjerdan mallkimi

Kurorën ta qëndisja me vaj

Për ty

Shpirtin e pastrova me lot

Te jem enigmë jotja

Kalova botën vajzërore

Unë mbeta e varfër ndër to pa ty

Për ty

Lexova librin prapë e mbylla

Të jesh kujtim imi "Ti".

TRAKTATI I BUKURISË

U bëra plagjiatë e estetikës

Duke kërkuar etikën në poezinë time

U ndala, dikush bërtiti:

“Liria e shpirtit tënd, për ne është e shenjtë”

Ktheva kokën prapa,

Schilleri, në letrën e tij të parë

Mbi edukimin estetik më vrau,

Diktimet e Kantit,

Unë thashë me vete çfarë humba,

Më tha që mekanizmi i gjallë i orës së shtetit duhet të ndreqet.

A thua, ku jam unë?!

Në cilin shtet jetoj unë?

Apo edhe koha u ndal,

Ku unë në sheshin e stralltë

Duke e kërkuar Lyk Ferrin

Për Epokën Demokrate

Ç’u bë tektonikë në poezinë time

I ndoqa nga trualli im

Laibnicin, Hegelin, Kantin

Tek debatonin për “Estetikën moderne”

A thua ç’janë,

Zemra dhe arsyeja,

A thua çfarë quhet “vdekje e njeriut”?

Ndoshta,

Niçe, do t’më tregonte,

Duke gërrysur estetikën,

Këngën vajzërore e gjeta,

Në ideologjinë e Hegelit,

Kush flet për Modernet e Bashkëkohorët

Vet e bukura,

E bukura në estetikën moderne,

Duke u zvarritur te Crousazi dhe Montesquien,

Për t’u thelluar në

“Traktatin e së bukurës”.

GABIMISHT 

Ku mbeti burimi i së bukurës,

Apo u ndala unë,

Gabimisht

Duke e kërkuar

Estetikën moderne në

Klasicizmin e Dekartit,

Kush tha që poetja

Është “ideja e botës”,

“imitimi i natyrës”?

M’u duk u ringjall

Kanti, apo një botëvështrim

Për “përceptim të botës”

Kemi ne, poetët,piktorët,muzikantët, filozofët...

Duke u fundosur në të kaluarën e humbur,

Te Spenglerit, Hajdegerit, Leo Shtrausit

Në theqafje na u mbytën,

Të tërët filozofët,

E poetët,

Duke ikur vals ne u ndeshëm,

Në “metafizikën e subjektivitetit”,

Për “historinë” bashkë me “shijen”,

Duke ikur nga “shkencat e sakta”, Për “universin”,

Për të “vërtetën”,

Mbi “humanizmin modern”,

Mbi ”ndjenjën” për t’u përballur,

Me Hobsin dhe Rusoin,

Duke na ndjekur me “ subjektin politikë”,

Dhe “doktrinën e së drejtës”.

PEIZAZHET  E BUKRA

A thua, ku mbeta unë të Antikët apo Modernët,

Duke notuar në,

“peizazhet e bukura”

Të Homeri e Shekspirit,

Apo “nga Makiaveli te Sartri”,

Për ta gjetur një

Shatërkaz që ta rrënoj

“pas vdekjes së njeriut”,

Gëten,Bërkun, Lesingun,

Solgerin,Adornosin,Benjaminin,

Apo Lambertin dhe Buhurin,

Për ta rrënjosur

Romantizmin gjerman

Mbi “revolucionin e shijes”.

Dhe, kush tha që,

“pikturoj sipas natyrës”?

LINDJA

Unë linda bashkë me poezinë

Dhe Filanti, më tha:

“zemra është më e zgjuar”,

Se sa mendja.

Thashë më vete, paskam

Lindur para poezisë.

Dhe, Buhuri tha se:

“arti poetik” ku të mbeti?

Unë mbeta duke e

Zbuluar thelbin e natyrës

Në “Refleksionet e Dybosë”,

Apo duke lexuar për

Bukurinë dhe vlerën,

Për “Fenomenologjinë e Lambertit”,

Apo “E vërteta estetike”.

Kush tha që e vetmja rrugë,

E drejtë,

Dhe e mundimshme,

Është arti.

E tani ç’bëjmë ne poetët?

Vdesim urie,

Duke shkruar për

“Lindjen e tragjedisë”,

Duke mos e pyetur

Niçen, u dënuam

Me filozofinë e Kantit.

Ne nuk jemi “egoistë individual”.

Nuk jemi”njerëz të izoluar”,

“Kundër kolektivitetit”,

Ne “duam lirinë”.

Duam të jemi të barabartë,

Të pakrahasueshëm!

E di që nuk jam,

“Agripina heroina e Bretecherit”,

Por, poeteshë e estetikës,

Mbi estetikën e kohërave ”VAJE”.

Dhe, në fund them: “Unë mendoj, siç unë dua”,

Ngase, jam Kantiane!

KUR ARRIJMË NË KOLIK

Moti ndryshoi

nëpër rrugë njerëzit oratorë belbëzojnë

thyejnë qetësinë e qytetit

Ngrihen mendimet në akullnaja

Mjegulla na kafshoi të gjithëve

të gjithë na shikojnë

kohët rendohen

E ne prapë hedhim vallen

me faculeta të përgjakura

me këngë të kobshme

të arrijmë në kolik

NDOSHTA

Ty, sot ndoshta s’të bie ndërmend për “atë”

As për bijën tënde “Vuajtje “

As për birin tënd “Trishtim”

As për “atë” ,gruan tënde ‘’Dëborë e bardhë’’

Që për ty gjithmonë mbolli lumturi,dashuri

korri vuajtje dhe trishtim

Ty ,që theve të gjitha dyert e jetës,,,,

A thua kush do t’marrë pjesë sot

Në varrimin e Vuajtjes dhe Trishtimit

Vetëm lotët dhe dhimbjet

E nënës se tyre “vajzë’’…

E tani “atë “ mund ta vrasësh se gjalli,

A thua është kjo ëndërr?

Përgatiti :Flori Bruqi