Pikellimi i Pikellimes

Vera Istrefaj

Rrembimit te Lumes hapat e jetes tende Havzi Nela. Gremisjeve ia dole karshi Gjalices per te sjelle vrullin e lirise.

Pashtriku kundron me krenari per Ty.

Pikellima ka mbetur ne pikellim per Ty. Nuk po gjen qetesi.

Kush u var Havzi, fjala apo Ti?

Fjala jote mbetet ne lulezim, e ti Havzi ende frymezim Grykes se Vanave vjen vjen fllad bjeshkor per te freskuar shume koka te nxehta, shume çeshtje te prushta.

Ende ne rendje jane njerezit te flasin per Ty, te shkruajne per Ty, te perfitojne nga Ti.

A nuk eshte gjallimi ky? Ti je i gjalle Havzi!

Aty ne vendin e varjes tende, ka mbetur ne lekundje sot e asaj dite integriteti i vrasesve,i te heshturve.
Po aty ka mbetur edhe krenaria per qendresen tende. 

Madje, ka mbetur ne mendje e ne sy te minatoreve te minieres se Gjegjanit dhe punetoreve te ish-uzines ne Rexhepaj.

Ende e kam te gjalle fytyren e babait tim te ndjere kur u kthye nga turni i trete i punes. 

Ishte bere fytyre e mermerte. Biseda peshperitese qe pati me nenen time ende me ushton ne veshe.
-Mos i ler femijet te shkojne andej sot. 

Mbaji nen kujdes! Kane varur Havzi Nelen, kusheririn e Bajramit qe kemi ketu ne kat te pare!

Fundi i kesaj bisede u shoqerua me syte e shqyer te nenes time dhe kercellitjen e dhembeve te babait.

 Kaq, vetem kaq!

Une nuk te njihja atehere Havzi. Nuk kisha lexuar asgje nga Ti, por kisha nje respekt maksimal per kusheririn tend artist, i cili ne raste te vecanta te komshinjve, i binte firzamonikes aq bukur!

Nje dite tjeter, tek ndihmoja nenen time ne palosjen e letrave (i mblidhnim ne femijet per t’i shitur) , e degjova tek i thoshte babait:

- Kam pare Lavdien, gruan e Havzi Neles! Ishte sosur!

Asgje tjeter nuk mbaj mend nga ato vite deri ne vitin 1991, kur rastesisht, ne biblioteken e qytetit degjoj dy burra tek bisedonin:

-Do te takoj nipin e Havzi Neles. Kam shprese te gjej ndonje shkrim te tij.

Ende sot e kesaj dite nuk e di cilet ishin keta dy njerez, ama e kam nder sy imazhin e njerit me syze, plot rrudha mbi balle, kemishen e kalter te tij dhe tonin plot respekt per figuren e Havzi Neles.

Me pas, filluan bisedat e zakonshme neper qytet, ku mbizoteronte misteri, kurioziteti per veprimtarine e Havzi Neles. Ne qarqe letrare e politike perdorej shpesh Havzi Nela.

Nje dite, krejt rastesisht, ne vitin 1996 kur punonja ne Kukes Televizion , vjen nje zonje dhe me prezantohet: -Jam gruaja e Havzi Neles!

Nje atmosfere e pazakonte me perfshiu. Kurioziteti, respekti, interesimi me erdhen kaq natyrshem.
U ulem ne nje kend e po degjoja historikun e saj, aq sa u hutova dhe gati-gati harrova punen per te cilen isha aty.

Dhimbja jote, Havzi Nela, ishte e gjalle, e kishte Lavdija nder sy!

Me pas lexova shume artikuj apo shkrime te ndryshme per Ty. Madje dolen edhe libra, por ishin “gjera” shume te vogla krahasuar me Ty!

E une mbeta gjithmone “ e etur” per te lexuar rreth teje.

Kohet e fundit u ngrit busti Yt. Isha ne ceremoni dhe kuptova se jo vetem une isha kaq e vogel para teje, por gjithkush qe ishte aty.

Ishim te vegjel para bustit tend, edhe me te vegjel para veprimeve te tua.

Prezences se figurave te shquara u shtohej prarimi I rrezeve te diellit ate dite, por asgje nuk ndrinte sa ti.

Ti dritoje neper terr Havzi! Dikur dritoje territ te qelive, sot territ te “ rendjes per te te pervetesuar”.
Por ti mbetesh i yni, biri I Lumes .

Mbetesh i gjalle, sepse ne litar nuk u var as fjala, as Ti!

Je ende kalvarit te vuatjeve “per te dale ne drite” .

E Pikellima, ka mbetur ne pikellime per Ty!

******

Floripress(Flori Bruqi) 

Kush ishte Havzi Nela ?

Havzi Nela lindi më 20 shkurt 1934 në fshatin Kollovoz të rrethit të Kukësit. Ai mbaroi shkollën fillore dhe të mesme, ndërsa jetojnë në varfëri ekstreme.

 Qysh në shkollë të mesme u shfaqën kundërshtitë e tij të para ndaj padrejtësive të regjimit komunist. 

Më pas ai filloi studimet në Institutin e Lartë Pedagogjik të Shkodrës (sot Universiteti Luigj Gurakuqi), por u përjashtua si element destruktiv për bindjet e tij. Pas shumë vështirësish, ai gjeti një punë si mësues në shkollën fillore të Planit të Bardhë, një fshat i vogël në rrethin e Matit. 

Ai u dëbua edhe nga ky fshat për shkak të aktivitetit të dyshimtë - u lexonte nxënësve poemat e tij. 

Më pas ai arriti të përfundojë Institutin e Lartë Pedagogjik të Shkodrës me korrespondencë. 

Ai punoi si mësues në fshatra të ndryshme të tilla si Kruma, Lojma, dhe Shishtaveci deri në vitin 1967, kur ai u transferua në Topojan. Topojani ishte vendi ku filluan ngjarjet më dramatike të poetit dhe familjes së tij.

Havzi Nela kontrollohej vazhdimisht, u mor në paraburgim shumë herë, dhe kufizohej mbi llojin e punës që mund të bënte dhe se ku ai mund të jetonte.

 Pasi u lexoi nxënësve të tij poemën "Shko dallëndyshe" shkruar nga Filip Shiroka, Havzi Nela, me gruan e tij, Lavdie, rrezikuan jetët e tyre duke marrë rrugën për të kaluar kufirin në Kosovë më 26 prill, 1967. 

Ndërsa kalonte vijën kufitare, ai shkroi në një copë letre, "Lamtumirë, atdhe i dashtun, po të la, por zemërplasun ..." dhe e vendosi në degën e një peme lajthie që ta gjenin rojet e kufirit.

Një fat më tragjik do ta ndjekë atë në Kosovë. Ushtarët jugosllav i vunë në prangat Havzi Nelës dhe së bashku me gruan e tij, i burgosën në burgun e Prizrenit.

Më 6 maj, 1967, jugosllavët i kthyen Havziun dhe Lavdien në pikën kufitare të Morinës, në këmbim të atdhetarëve shqiptarë nga Kosova që qeveria komuniste e Enver Hoxhës ia dorëzonte policisë sekrete jugosllave, UDB.

Më 22 maj, 1967, poeti u dënua me pesëmbëdhjetë vjet burg për kalimin në Kosovë. E gjithë pasuria e tij u konfiskua. Gruaja e tij u dënua me dhjetë vjet burg. Poeti kurrë nuk u pajtua me diktaturën dhe marionetat e tij në burgje.

Më 8 gusht, 1975, atij iu shtuan edhe tetë vjet në burg, sepse konsiderohej një armik i zjarrtë i Partisë dhe popullit. 

Më 19 dhjetor, 1986, ai u lejua tën dalë nga burgu, por vetëm për një kohë të shkurtër. Më pak se një vit më vonë, më 12 tetor, 1987, ai u arrestua dhe u dërgoi internua në fshatin Arrën.

 Më 24 qershor 1988, Gjykata e Lartë e Shqipërisë të përbërë nga gjyqtarët komunistë Fehmi Abdiu, Vili Robo dhe Fatmira Laskaj e hodhi poshtë kërkesën Lavdie Nelës kundër dënimit burrit të saj me vdekje.

Gjykata vendosi që Havzi Nela të dënohej me varje. Miratimi përfundimtar i dënimit me vdekje nga anëtarët e Presidiumit të Kuvendit Popullor të drejtuar Ramiz Alia, çoi në ekzekutimin e Havzi Nelës.

Më 10 gusht 1988, në orën 02:00 të mëngjesit, ai u ekzekutua me varje në mes të qytetit të Kukësit.[3]

Pasi u ekspozua gjatë gjithë ditës më 10 gusht, 1988, në mesnatë terroristët komunistët e morën trupin e tij dhe e futën atë vertikalisht në një vrimë të krijuar nga heqja e një shtyllë druri.


Ai ishte i privuar nga mundësia për tu shtrirë si të gjithë të vdekurit. Ai qëndroi në këmbët e tij për pesë vjet dhe dhjetë ditë, deri më 20 gusht 1993.

 Pas përpjekjeve të shumta nga qeveria demokratike e Shqipërisë, kjo ishte dita që u bë e mundur që të gjendej vendi, i mbuluar me gurë dhe shkurre pranë fshatit Kolsh, dy kilometra larg nga Kukësi. 

Me dekretin presidencial të Presidentit të Republikës së Shqipërisë, Sali Berisha, Havzi Nelës i është dhënë titulli "Dëshmor i Demokracisë."

Në përkujtimin e 75 vjetorit të lindjes së Havzi Nelës shkrimtari i shquar Ismail Kadare shkruante: "Poeti Havzi Nela është një këmbanë që ende bije për shoqërinë shqiptare. Të mos e dëgjosh këtë këmbanë do të thotë të vazhdosh të shkelësh me këmbë lirinë e Shqipërisë".

Krijimtaria letrare

Në qelitë e burgut
Nuse më dhanë robninë
Eni të vajtojmë Shqipërinë
Nusja e flamurit

KUR TË VDES

Kur të mësoni se kam vdekë,
Kur të thoni: “Ndjesë pastë!”,
A e dini se çfarë kam hjekë,
Unë, poeti zemërzjarrtë?

Kur të pyesni: “Ku e ka vorrin?”,
Kur t’kërkoni me ma gjetë,
Thoni: “Ai urreu mizorin”,
Thoni: “Dheu s’ka me tretë!”.

Thoni: “Ai e deshi jetën,
Jeta n’vuejtje e dërmoi”,
Thoni se ka mbrojtë të drejtën,
Grusht tiranësh nuk duroi.

Thoni: “Desh, kërkoi lirinë,
Si skifter në fluturim,
Provoi prangat, t’errtë qelinë,
Për të mjerët lëshoi kushtrim”.

Thoni: “Dritën ai kërkoi,
E vetë dritë nuk pa me sy”,
Thoni: “Për njerëzinë këndoi
E për vete mbajti zi!”.

Thoni se e qorroi terri,
Thoni: “Dielli nuk e ngrohu”,
Thoni se e trishtoi tmerri,
Ai të shtypunit i tha: “Çohu!”.

Kur të vijë, të çelë pranvera,
Kur bilbili nis me këndue,
Mbi vorr tim me gur’e ferra
Nji tufë lule me ma lëshue.

Prekni vorrin, mos ngurroni,
Kush ka lindë, ai ka me vdekë,
Veten ju kur ta ngushlloni
Thoni: “Gjallë kërkush s’ka mbetë!”

(Qafë-Bar, me 5 shkurt 1983)

NË QELIT’ E BURGUT


Në qelit’ e burgut pa ajër e pa dritë,
Fryma po më merret, m’janë terrue sytë.
Po dergjem i mjeri, mbahem, rroj me shpresë,
Jeta m’u randue, dëshirë nuk kam të vdes.

Mishnat po shkallmohen, kockat më kërcasin,
Barkun gjithmonë unshëm, policët bërtasin.
Pres t’afrohet ora, pres të hapet dera,
Pres t’më sjellin ngranjen si kafsha e mjerë.

Unshëm ulem ha, ma unshëm kur çohem,
Nuk qahem pse soset, skamjes s’i nënshtrohem;
I nënshtrohem ligjit, jetoj me rregulloren,
Dhe po t’jesh lypsar s’ke kujt t’ia shtrish dorën.

Dit’ e net i mbyllun si zogu n’kuvli,
Për shtrojë e mbulojë me tri batani!
Batani të vjetra, as njena as tjetra,
Gjith pluhun e llum, janë ma trashë se letra.

Kur vjen orë e gjumit, kur shtrihem me fjetë,
Mendja m’arratiset, shpërndahet si retë,
Po merr fushat, malet, ikë më le mue t’zinë
Fluturon e s’ndalet, s’e duron robninë.

Sa n’nji krah në tjetrin, ikë nata, kalon,
Mpi e fort ligshtue, polici më zgjon!
Lind nji ditë e re krejt si ditët e tjera,
Unë shpend i ngujuem, pres të hapet dera.

Ah, kjo derë e randë, kjo qeli kobare!
Ma cfilitën trupin, zemra s’ndihet fare;
Me durim përgjoj kur do t’ma hapin derën,
Po e pres lirinë si zogu pranverën!



FRYMA E HELSINKIT

Kështjella feudale tundet e lëkundet
Si nji varkë e thyeme mbi valët përkundet;
Tirani mizor me detin sot po mundet
Thellë, gjithnji ma thellë n’mes dallgëve po futet.

Fryma e Helsinkit u derdh porsi era
Na përkëdheli zemrat, çeli si pranvera;
Këtu në votrat tona futi gaz e shpresë
Na zgjoi afsh e vrull, ndoshta nuk do vdesë!





Lexoni :

 https://www.blogger.com/blogger.gblogID=8422905568708046283#editor/target=post;postID=2536647033413176132

Një cikël me poezi mikste nga Përparim Hysi

1.Më tremb boshësia

Ta dini që më tremb boshësia

Qoftë dhe një ditë bosh,e quaj fare të kotë

Boshësia është vet neveria

Një jetë bosh, të kthen në idiot.

Dhe një dhomë bosh, pothuaj të tremb

Jetën e dua të gjallë dhe të kumbojë

Zbrazja e fshatrave nga banuesit më dhemb

Dhe shkaktarët e kësaj braktisje i mallkoj.

-Qemë tetëdhjetë shtëpi, tani veç tre

(Shoh një kronikë që më dhëmb)

Hamendësoj me veten dhe shtroj pyetjen:-Pse?

Askush nuk përgjigjet, boshësia më trëmb.

Mu në mes të ditës,- na sulmon ariu

(thotë një fshatar,i mbetur, në vetmi)

Bosh fshatra të tëra (mungon në to njeriu)

Dhe unë zë bërtas:-Ku je, qeveri?

2. Më tha dikush

- Sa më pe mua, dhe tak vure syzet

A nuk më thuaj:- Përse?

I vura,- i thashë,- se nuk dua të shoh sytë

Se je njeri i ndytë.

Takohemi dhe bën sikur qesh

Mbas shpine zë e nxjerr gjuhën

E ke në gjak:këdo e përqesh

Dhe troç po ta them: më kall krupën.

Iku me bishtin nën shalë

Dhe më nuk më del përballë.

3. Blerim në dimër

Dimër është. Është janar

Por unë e ti ndihemi valë

Dimrin e kemi kthyer në behar

Se aq duhemi dhe kemi mall.

4. Për të të besuar

Për të të besuar,nuk më duhen betime

As dhe prova,por as dhe kohë e gjatë

A je i zoti(e zonja) mos m'u shmangesh syve

Se sytë tregojnë në je ditë apo natë.

5. Një mikeje

Fytyra jote një trëndafil i madh dhe i bardhë

Se kaq e bardhë ishte fytyra jote,sa bora në mal

E kujtoj kështu fytyrën tënde dhe mbushem me mornica

Se jam i tëri si një det me batica e zbatica.

Zë e sjell fytyrën tënde në kujtesë

Dhe, pse mos ta them:-Kam debulesë.

Se plaga e vjetër rrjedh, kur i heq korën

Nëpër vargje sikur ma ndjen "oh-ën!".

6. Dashurinë dhe urrejtjen

Dashurinë e kam të madhe, të thellë, të përjetshme

Urrejtjen? Si piskamë a si një teshtitje

E nxjerr... dhe e harroj:

Si j a s h t ë q i t j e !!!

7. Plagjiati

"Ha-ha bëjnë krushqit

Ha-ha dhe nusja"

Këngë shpotitëse popullore

Pashë një plagjiat që kërkonte "siguri"

(se mos guxoni të prekni shkrimet e tij)

Se shkrimet që ka vjedhur janë me"bukë"

Si"bankë sigurie", kish zgjedhur fejsbuk.

E kanë bërë dhe të tjerë që janë krijues

Pas gjurmëve të tyre dhe ky "dejues".

Tërr s'ia bën syri që vjedh shkrime

Por që vjedh pa teklif, e quan legjitime.

Dikush larg e larg,i thotë me politesë

Të heqë dorë sa më parë nga ky ves

Po ku dëgjon nga ky vesh plagjiati

(Mua nuk më dëgjon, se jam nga fshati).

-Ku merr vesh ti,- më tha,- mor palofshatar

Unë jam poet,- tha,- por jam dhe shkrimtar

Tash të"siguruara" i kam të miat shkrime

(Sa përfitojmë me të tilla k o p j i m e!!!)

8. Sa vende të bukura ka në botë

Sa vende të bukura ka bota

Ku dora e njeriut ka bërë mrekullinë

Duket sa nuk të ikë mendja nga koka

Sikur para teje sheh "magjinë".

S'do mend që prekesh e mbushesh me shend

Sado negativist apo nihilist të jesh

Por mua më shkon mendja veç tek imi vend

Se them se më të bukur nuk ke ku të gjesh.

Ka fusha,kodra,shkëmbinj e male

Lumenj, liqej e det

Pyje që i japin një bukuri përralle

S'ka si vendi im; e kam shpallur "MBRET!"

Le ta braktisë këtë vend kush të dojë

Por unë këtu dua të jap frymë.

Me asgjë tjetër vendin tim s'e ndërroj

Mbi gjithë mrekullitë e botës, është vendi im.

9. Nuk shoh dot njeri të brengosur

Nuk shoh dot njeri të brengosur

Sa e shoh, më dhimbet dhe brengën dua t'ia heqë!

Me hallet e njerëzve shpesh herë jam nakatosur

Dhe, ndonjëherë, e kam pësuar keq.

Se kurrë nuk kam bërë sikur hallin nuk e shoh

Dhe kam bërë aq sa kam mundur

Nuk ka patur rëndësi: e njoh, nuk e njoh!

Por kurrë nuk e kam përbuzur.

Se gjasme ky nuk është halli im

Dhe ta lë hallexhinë apo ta braktis

E kam ndihmuar aq sa kam patur"fuqinë"

Qoftë dhe i panjohur si IKS...

10.Përpara një të bukure

Hiç nuk më vjen turp që përkulem par teje

Turpi? Në dreq! Është i paskrupull

Ende i nxehtë gjaku im në deje

Të falem , të përulem,se je e bukur.

Tiranë, 10 korrik 2018

******

Përparim Hysi ka lindur më 21 janar të vitit 1943, në fshatin Petovë të Fierit.
Për një periudhë të gjatë kohe ka punuar si mësues në fshatrat e Fierit dhe ne vitet 1996-2000 inspektor arësimi për gjuhë dhe letërsi shqipe pranë Drejtorisë Arësimore në Fier.

Ka kryer studimet pedagogjike në Elbasan dhe më vonë pa shkëputje nga puna ka përfunduar studimet e arësimit të lartë për gjuhë letërsi.

Ka botuar katër libra me poezi: 

“Rektimat e dashurisë”, 

“Prushi i dashurisë”,

 “Më piku dashuria”, 

““Luftë” me dashurinë”.

Është anëtar i Shoqatës së Shkrimtarëve Shqiptarë-Amerikanë.

Ka botuar librat në prozë:

"Tregime",

"Faji" i Isakovskit, 

"Një meshë për "Rrobaqepsin" e Konti Monte Kristos", 

"Lotët e Kumurisë" 

dhe librat me poezi:

"Eh,si qenka dashuria!",

"Kurthi i mallit",

"Kot s'jam i vdekshëm",

"Njerëz që dua"

dhe "Mbeta dashurive".

Etj.

Veç këtyre në "makzazinën" e tij krijuese janë në pritje për botim qindra poezi dhe dhjetra tregime.

Në pritje për botim është një libër me esse dhe përshtypje të autorit për libra të autorëve shqiptarë.

Në pirtmëni për një libër më vete, është dhe libri me përshtypjet e autorëve të tjerë për të.

Masakra e Srebrenicës kthehet në film, kërkohet mbështetje edhe nga Serbia

Producentët e filmit për masakrën e Srebrenicës më 1995, që po e përgatit regjisorja nga Bosnja e Hercegovina, Jasmila Zhbaniq, do të kërkojnë mbështetje financiare edhe nga Serbia, shkruan sot “Blic” i Beogradit.

Ajo planifikon t’i ofrojë Serbisë të bëhet bashkëproducente e projektit, i cili merret me njërën nga temat më të dhimbshme të historisë së saj më të re, protagonist i së cilës është komandanti i luftës së Ushtrisë së Republikës Serbe, Ratko Mlladiq, i dënuar në shkallën e parë nga Tribunali i Hagës me burgim të përjetshëm, ndër të tjera, për shkak të vrasjes së tetë mijë boshnjakëve në Srebrenicë.

Jasmila Zhbaniq (44), bashkë me fituesin e Oscarit Danis Tanoviq, i prin grupit të krijuesve filmikë nga BeH të formuar dhe të bërë publik pas luftës. Për filmin “Gërbavica” më 2006 ka marrë çmimin Ariu i Artë.

Ajo ka bërë të ditur se partnere në këtë projekt e ka Xhemile Taliq Gabrijel, e cila jeton në Australi, dhe e cila ka qenë producente në filmin e saj paraprak “Për ata që nuk mund të flasin”.

Ende nuk është publikuar se kush cilin rol do ta luajë, pra as rolin e Mlladiqit.

Sulmi mbi Srebrenicën kishte filluar më 6 korrik të vitit 1995 dhe ka përfunduar pesë ditë më vonë, pas hyrjes në qytet të ushtrisë së Republika Serpska nën komandën e gjeneralit Ratko Mlladiq, përcjell Koha.net. Sipas aktakuzës së Tribunalit të Hagës, ushtarët nën komandën e Ratko Mlladiqit deri më 19 korrik në mënyrë të organizuar dhe sistematike vranë rreth tetë mijë meshkuj e djem boshnjakë (myslimanë). Rreth 30 mijë gra e fëmijë u deportuan brenda dy ditësh.

Gjykata Ndërkombëtare e Drejtësisë në Hagë masakrën e Srebrenicës më 2007-ën e cilësoi si akt gjenocidi. Rezolutat me të cilat u vërtetua ky aktgjykim u morën në Parlamentin e vendeve të BE-së, Kanadasë, SHBA-së dhe të Australisë.

Kuvendi i Serbisë më 2010-ën miratoi Deklaratën me të cilën dënohen krimet në Srebrenicë, duke konfirmuar aktgjykimin e Gjykatës Ndërkombëtare të Drejtësisë, por në tekstin e Deklaratës nuk përmendej shprehja gjenocid.

"Kasapi i Ballkanit", Ratko Mladiq u denua në Tribunalin e Hagës me burg të përjetshëm. Gjykatësit konstatuan se ish-komandanti i forcave serbe është përgjegjës për veprat më të rënda gjatë luftës në Bosnje-Hercegovinë.


Ratko Mladiq, është fajtor për gjenocid në Srebrenicë dhe për krime të tjera që janë bërë në Bosnje-Hercegovinë. Trupi gjykues në Tribunalin e Hagës, në procesin e fundit që po zhvillohet atje, ishte i bindur me argumentet e prokurorisë dhe vendosi që ish-komantandi i forcave serbe në Bosnje - Hercegovinë të mbetet në burg të përjetshëm. Udhëheqësi i trupit gjykues, Alfons Ori, kontatoi se në Srebrenicë është kryer gjenocid kundër boshnjakëve të atjeshëm. Qëllimi i të akuzuarit ishte ndarja e burrave nga femrat dhe ekzekutimi i tyre, deportimi i popullatës tjetër dhe spastrimi nga myslimanët. Mladiqi ka dhënë urdhëra konkrete në lidhje me krimet dhe gjenocidin në Srebrenicë.

Mlladiqi bën kryq, por gjendja e tij përkeqësohet

Ratko Mladiq u fut në sallë në gjendje të mirë shëndetësore. Së pari bëri kryq, ngriti gishtin e madh dhe u ul. Gjatë fjalës së gjykatësit Ori, i cili lexonte argumentimin e vendimit, Mladiqi tundte kokën në shenjë mohimi dhe me buzëqeshje përcolli fjalinë e tij, se "pas një vendimi të nënshkruar nga Karaxhiqi dhe Mladiqi, ka qenë shumë i qartë qëllimi që territori i Srebrenicës të spastrohet nga boshnjakët dhe ajo të shndërrohet në territor serb".


Por ndërkohë gjatë leximit të vendimit, u përkeqësua gjendja e tij shëndetësore dhe seanca u ndërpre për më shumë se gjysmë ore. Mbrojtja kërkonte ndërprerjen e procesit. Mbrojtja kërkoi që vendimi të shqiptohet pa leximin e argumentimit. Por gjykata vendosi të vazhdojë leximin, ndërsa Mladiq u largua nga salla, për të ndjekur procesin përmes videos.

Gjykata ka konstatuar se forcat serbe kanë granatuar edhe objektiva civile në Sarajevë, ku banorët kanë jetuar në një gjendje të pandërprerë rreziku. "Çdo herë kur kanë dalur nga shtëpia kanë rrezikuar jetën nga mundësia e goditjes së snajperistëve". I akuzuari ka udhëhequr personalisht me granatimin e Sarajevës dhe ka urdhëruar ndërprerjen e furnizimit të qytetit. Ai ka drejtuar edhe fushatën e goditjeve me snajper të popullatës civile në Sarajevë.

Keqtrajtime, deportime, krime, dhunime

Në burgje ka pasur keqtrajtime të rënda fizike dhe psiqike. Të zënit robë janë detyruar të dhunojnë njëri-tjetrin. Shumë myslimane janë dhunuar, ndër to edhe fëmijë që kanë pasur vetëm 12 vjet. Në shumë rajonet të Bosnje-Hercegovinës (Banjalukë, Bijeljinë, Foçë, Ilixhe, Novi Grad, Pale, Prijedor, Rogaticë, Sanski Most, Sokolac, Vlasenicë), ka pasur deportime masive të myslimanëve. Gjakata ka konstatuar se në B-H janë bërë krime kundër njerëzisë dhe shfarosje masive të mylsimanëve. Pala kundërshtare ka treguar pak, apo aspak, sjellje njerëzore dhe humane.

Bosnien und Herzegowina Geschichte über einen Knochenjäger (DW/Z. Ljubas)
I akuzuari ka qenë në kontakt të përhershëm me Serbinë dhe krerët e ushtrisë serbe, me qëllim koordinimin dhe furnizimin e forcave serbe në B-H. Mladiqi kishte kufizuar edhe furnizimin e popullatës civile mysliamane. Ai kishte organizuar edhe një qendër propagande kundër kroatëve dhe myslimanëve dhe ka gënjyer bashkësinë ndërkombëtare. Veprat e tij kanë mundësuar kryerjen e krimeve në përmasat që kemi parë.

Qëllimi i të akuzuarit ka qenë largimi i përhershëm i myslimanëve dhe kroatëve nga territoret, për të cilat është pretenduar që atje të mbeten vetëm serbët. Mladiq ka qenë pjesë e grupit kriminal ku kanë qenë edhe Plavshiq, Krajishnik, Karaxhiq dhe të tjerë. Mladiq ishte përgjegjës edhe për marrjen peng të pjesëtarëve të forcave ndërkombëtare (Unprofor), të cilët janë dërguar në vendet strategjike, për të penguar bombardimet e forcave ndërkombëtare.

Vendimi

Pas trajtimit të të gjitha argumenteve, duke marrë parasysh të gjitha rrethanat dhe dokumentet, Ratko Mladiq, nuk shpallet fajtor për gjenocid në gjashtë komuna të Bosnje-Hercegovinës, që ishte pika e parë e atkakuzës. Por Mladiqi u shpall fajtor për 10 pikat tjera të aktakzës: për gjenocid në Srebrenicë, krime, deportime, dhunime, vrasje, krim kundër njerëzisë, terror dhe shkelje të parimeve të luftës, sulme ndaj civilëve, marrje të pengjeve... Këto janë krimet më të rënda që njeh njerëzia. Ndaj gjykata në shkallë të parë vendosi: Rako Mladiq denohet me burgim të përjetshëm.


Flori Bruqi

“Shqiptarët në shtypin britanik 1774-1856” si tablo për tetë dekada

Në historiografinë bashkëkohore gjithnjë e më tepër po vërehet trendi i studimit të informacioneve të ofruara nga mediat e shtypit për ta ri-konstruktuar të kaluarën apo për t’iu qasur një problemi të caktuar historik.

Studimi dhe analizimi i informacioneve të tilla çojnë në ndërtimin e një tabloje më të gjerë të një çështjeje historike, sepse mediat pasqyrojnë perceptimin e qëndrimeve të njerëzve të kohës, mentalitetit dhe botëkuptimit të tyre, përfshirë shtresa të ndryshme, qoftë gazetarë, politikanë, ushtarakë, tregtarë apo njerëz të rëndomtë; pastaj ofrojnë qasje shumëdimensionale ndaj një problemi, shpeshherë të përcjella me krahasime të zhvillimeve ndërkombëtare; përveç tjerash ofrojnë edhe perceptimin sociologjik e psikologjik përmes shkrimeve mbi mënyrën e jetës dhe të ushqimit, sjelljeve, kushteve të banimit, traditave, religjionit, etj., që për një historian modern ofrojnë lehtësi të dukshme në lidhjen logjike të ngjarjeve, shkruan Armend Mehmeti.

Prandaj, duke ndjekur një trend të tillë, studiuesi i historisë, prof.i asoc. dr. Memli Krasniqi na sjell studimin e titulluar “Shqiptarët në shtypin britanik (1774-1856)”. Në këtë studim, të shkruar në 407 faqe, autori bazohet plotësisht në të dhënat e gazetave britanike, pra angleze, skoceze, irlandeze dhe uellsiane, të vjela nga arkivat e Bibliotekës britanike, kur dihet se Britania njihet si njëra ndër vendet e para në botë ku lindi gazetaria moderne, sidomos kur kihet parasysh se ajo respektonte lirinë e shtypit dhe ishte jashtë ndërhyrjeve të politikës ditore, së paku në aspektin e shkrimeve me karakter ndërkombëtar. Për t’i dhënë studimit një karakter sa më shkencor dhe për të ofruar argumente sa më të pasura historike autori përdor edhe burime primare nga Arkivi Kombëtar Britanik, Arkivi Osman, Arkivi Kombëtar i ShBA-së, Koleksione nga Biblioteka Kombëtare Amerikane, Arkivi i Institutit të Historisë në Tiranë, etj. Po ashtu autori përdori një varg burimesh dokumentare të botuara, me theks të veçantë dokumente nga provenienca bullgare, serbe, maqedonase, turke, etj. Sigurisht që nuk mungoi analizimi i një literature të gjerë të gërshetuar me studimin e të dhënave nga interneti.

Këtë javë Samiti i NATO-s në Bruksel, Maqedonia pret ftesë

Gjatë javës në Bruksel do të duhet të mbahet Samiti i NATO-s ku Republika e Maqedonisë pret të marrë ftesë për anëtarësim në Aleancë.

Ministrja e Mbrojtjes, Radmilla Shekerinska sot bashkë me koordinatorin nacional të NATO-s, Stevo Pendarovski do të mbajnë brifing me gazetarë para mbajtjes së Samitit.

Pas marrjes së ftesës për anëtarësim në NATO, Maqedonia pret të ulet në tavolinë me Aleancën dhe procesi i anëtarësimit të mos zgjasë më shumë se gjashtë muaj. Zëvendëskryeministrja Shekerinska në intervistën e djeshme për REL tha se nuk pret të paraqiten probleme shtesë gjatë vijimit të procesit.

Ajo nuk ka precizuar nëse planifikohen masa konkrete kundër presidentit i cili refuzon të nënshkruajë dekretin e Ligjit për ratifikimin e marrëveshjes me Greqinë, që është një nga kushtet për anëtarësim në NATO, por ka thënë se ekzistojnë disa opsione. Por, tani për tani janë të koncentruar në referendumin.

Sekretari i përgjithshëm i NATO-s, Jens Stoltenberg në takimin që e kishte me kryeministrin Zoran Zaev nga fundi i qershorit, deklaroi se pret liderët e shteteve anëtarе të Aleancës në Samitin që do të mbahet më 11 dhe 12 korrik të miratojnë vendim për fillimin zyrtar të negociatave për anëtarësim të plotë të Maqedonisë në NATO.

Stoltenberg, mes tjerash ka thënë se nëse marrëveshja për emrin nuk kalon në referendum, vështirë Maqedonia të marrë ftesë për në NATO.

Erdogan - Sulltani i parë i Turqisë moderne

Pasi presidenti Erdogan të bëjë betimin në Ankara të hënën (09.07) Turqia kalon nga sistemi parlamentar në sistemin presidencial. Të dielën me dekret ai liroi nga detyra më shumë se 18.600 nëpunës të shtetit, mes tyre 9000 policë, rreth 6000 pjesëtarë të forcave të sigurisë dhe 199 akademikë. Ky është ndoshta dekreti i fundit para heqjes së gjendjes së jashtëzakonshme që pritet pas ngjitjes së tij në post.

Kanë kaluar 13 vjet që kur AKP dhe themeluesi i saj, Erdogan erdhën në pushtet. Fillimisht dukej sikur ishin vitet e demokracisë, lirisë së mendimit dhe paqes shoqërore. Por tani Turqia po i jep kompetenca të jashtëzakonshme një presidenti autoritar, me tendenca gjithnjë e më shumë islamiste dhe nacionaliste. Me shfuqizimin e funksionit kontrollues të parlamentit ai merr pushtetin e vetëm për të vendosur mbi ekzekutivin. E përmes kompetencës së përcaktimit të anëtarëve më të lartë të aparatit të drejtësisë, ai do mund të kontrollojë kështu edhe drejtësinë.

Pa krahasim me SHBA dhe Francën

Ersin Kalaycioglu nga Qendra Politike e Universitetit Sabançi të Stambollit thotë se nuk është ende e qartë, si do të ndryshohet sistemi. "Deri më tani sistemi i ri është diskutuar me ne vetëm në vija të trasha. As opinioni publik dhe as studiuesit nuk i njohin detajet."

Erdogan ka përsëritur shpesh se edhe demokraci të tjera kanë sistem presidencial. Por sistemi presidencial i Turqisë ndryshon nga ai francez apo amerikan. Kështu për shembull në SHBA presidenti nuk e ka kompetencën të shpërbëjë kongresin. Erdogan mund ta bëjë këtë dhe të shpallë zgjedhje të reja. Në Francë i përcakton parlamenti anëtarët e Gjykatës Kushtetuese, në Turqi përkundrazi i merr presidenti vendimet që prekin këtë gjykatë të rëndësishme.

Studiuesja Ersin Kalaycioglu kujton tiparet autokrate të sistemit presidencial në Turqi. "Si në sistemin amerikan ashtu edhe atë francez kemi një shoqëri të mirëformuar civile. Këtë ne nuk e kemi."

Po ashtu Erdogani në të ardhmen mund të operojë edhe me dekrete presidenciale. Deri më tani ai lejohej ta bënte këtë vetëm në kuadër të gjendjes së jashtëzakonshme. Por tani Erdogani mund ta minojë në çdo kohë judikativen. Duket e pamundur që të funksionojë një sistem i pavarur dhe jo partiak i drejtësisë. Sipas politologut turk, Dogu Ergil ndarja e pushteteve dhe pavarësia e drejtësisë, kaq të rëndësishme për demokracinë janë faktikisht të shfuqizuara me sistemin e ri.

Rreziku ultranacionalist

Ende nuk dihet, nëse aleanca që Erdogani mbylli me partinë nacionaliste, MHP do t'i shtojë tensionet në vend. Shumë vetë mendojnë, se qëndrimi i ashpër i MHP sidomos në çështjen kurde dhe refuzimi i disa vlerave demokratike, do të krijojë një atmosferë edhe më nacionaliste në Turqi. Erdogan ka nevojë për MHP për të siguruar shumicën në parlament. Kjo mund të kthehet në pengesën kryesore për zgjidhjen e problemit kurd dhe afrimin e Turqisë më Bashkimin Europian.

Interes të madh paraqet edhe e ardhmja e zhvillimit të marrëdhënieve me Perëndimin. Në vitin 1999 Turqia ka shtruar zyrtarisht kërkesën për anëtarësim në BE, në 3 tetor 2005 filluan negociatat. Por në 13 vitet e fundit nuk është arritur ndonjë progres për t'u shënuar. Dhe me shpalljen e gjendjes së jashtëzakonshme para dy vjetësh, ato faktikisht janë ndalur.

Kriza e re Turqi-SHBA

Kati Piri, raportuese e Parlamentit Europian për Turqinë është shprehur për një ndalimin zyrtar të negociatave të anëtarësimit. Në një kohë që marrëdhëniet BE-Turqi rrezikojnë të ngrijnë, një krizë tjetër është shfaqur edhe në marrëdhëniet me SHBA. Ka disa pika që i rëndojnë ato: Fetullah Gülen, që bëhet përgjegjës për puçin ushtarak nga Erdogan jeton në SHBA. Uashingtoni punon me krahun e armatosur kurd të Sirisë, YPG, por që nga Turqia shihet si organizatë terroriste. Turqia po ashtu kërkon të blejë raketa S-400 nga Rusia, megjithë anëtarësinë në NATO. Të gjitha këto çështje i kanë futur në qorrsokak marrëdhëniet SHBA-Turqi.

Politologu Dogu Ersil i referohet edhe një sondazhi të fundit në Turqi: Sipas tij, SHBA është në Turqi më e papëlqyer se në Iran. Në shoqëri po përhapet një qëndrim gjithnjë e më armiqësor ndaj SHBA dhe BE, thotë Ergil, pavarësisht politikës së Erdoganit.(DW)

*****


Floripress:

Kush është Rexhep Taip Erdogan?

Rexhep Taip Erdogan është lindur më 26 shkurt 1954 në Stamboll është politikan turk, kryetari i Partisë së Drejtësisë dhe Zhvillimit dhe presidenti i Turqisë.

Erdoani ishte futbollist gjysmë-profesionist dhe ka luajtur për Klubin Sportiv “Kasımpaşa”, në vitet 1969–1982.

Pas Grushtetit më 12 Shtator 1981, Erdogani u bë pjesë e Partisë Refah.

Në vitin 1994 Erdogani ishte kandidat për Kryetar Komune të Stambollit, ku në këto zgjedhje, u zgjodh Kryetar Komune të Stambollit.

Gjatë kohës së qeverisjes së tij si Kryetar Komune të Stambollit, ai luftoi për asgjësimin e kontrabandave në Stamboll.

Në vitin 1998, ai u shkarkua nga detyra dhe u dënua me 10 muaj burgim, pasi ai recitoi një poemë fetare në Sirt.

Duke braktisur politikën e hapur islame, Erdogani në vitin 2001 themeloi Partinë e Drejtësisë dhe Zhvillimit, me të cilën arriti që në zgjedhjet e përgjithshme të mbajtura pothuajse pas një viti, të fitoj afro dy të tretat e vendeve në parlamentin turk.

Ndërsa gjatë viteve 2003 -2014 ka shërbyer si kryeministër i Turqisë.

Me të ardhur në pushtet, Erdogan ka shprehur haptas Politikën e Turqisë për Bashkimin Evropian. Ka nënshkruar disa marrëveshje me Bashkimin Evropian, dhe ka bëre ndryshime ligjore në favor të bashkëjetesës sociale dhe kulturave. Insistimet e Turqisë për të anëtarësuar në BE, bëri një përshtypje të re që Turqia u orientua kah Perëndimi.

Marrëdhëniet e Qeverisë së Erdoganit me Izraelin ishin të tensionuara, mbasi Izraeli vazhdonte një politikë kundër Palestinezëve. Në Panelin e Davosit të mbajtur në vitin 2009, Shimon Peres, President i Izraelit duke u drejtuar Erdoganit tha “Çfarë do të bënit ju, në qoftë se çdo natë ne Stamboll do të bëhej sulm me raketa”.

SI NUK E KANË TURP?!?!

Sa ishte Visho Lika Drejtor kurrë ndikim rus nuk ka pasur në Shqipëri dhe në trevat shqiptare! Çdo pohim tjetër është dashakeq dhe antikombëtar.

Luan Hamiti

Në faqen e Internetit "Tellalli.com", gjithashtu në faqen Pamfleti është botuar një shkrim, i cili arrin kulmi i paturpësisë!



Shkrimi pohon se dy ish Drejtorët e fundit të Shërbimit Informativ të Shtetit, Bahri Shaqiri dhe Visho Ajazi Likën i kanë lehtësuar presidentit aktual Ilir Meta që një këshilltar i tij, me lidhje me shërbimin rus, të vazhdojë funksionet e tij dhe e kanë shantazhuar me këtë.

Nuk e njoh karakterin e Bahri Shaqirit, edhe pse besoj se për të është po ashtu të padrejtë të akuzohet për këto gjëra.

Por besoj fortësisht, duke njohur karakterin dhe personalitetin e ish Drejtorit Visho Ajazi Lika se këto pohime për të janë absolutisht të pavërteta! Ai është jo vetëm një njeri i karakterit dhe shumë i moralshëm, por edhe i mëson të tjerët të jenë ashtu dhe të duan Atdheun me gjithë shpirtin e tyre.

Në këtë kontekst, shtrohet pyetja: Si nuk e kanë turp gazetarucët e bulevardit të shpikin monstruozitete të tilla?



E dija se niveli i gazetarucëve është nivel i baltës, nivel i derrave që notojnë në këto baltë, por në këtë mënyrë nuk do të konceptojnë të veprojnë duke hedhur baltë ndaj një njeri i moralshëm dhe shumë atdhetar si Visho Ajazi Lika.

Jam shumë e bindur se, nëse SHISH do të zbulonte se një këshilltar i Ilir Metës është i lidhur me shërbimin rus FSB, jo vetëm se ish Drejtori i Shërbimit Informativ i Shtetit nuk do të toleronte këtë gjë, por edhe do ta procedonte atë para drejtësisë.

Sepse sa ishte Visho Lika Drejtor kurrë ndikim rus nuk ka pasur në Shqipëri dhe në trevat shqiptare! Çdo pohim tjetër është dashakeq dhe antikombëtar.

Tiranë, 7 korrik 2018


****


FLORIPRESS

Dy javë pasi dha dorëheqjen nga kreu i Shërbimit Informativ Shtetëror pa dhënë asnjë shpjegim publik, Visho Ajazi Lika propozohet nga Kryeministri Edi Rama për ambasador të Shqipërisë në NATO.

Lajmin e konfirmojnë burime pranë Qeverisë, që tregojnë se ky propozim i Kryeministrit është nisur drejt Presidencës dhe pritet tashmë dekreti i kreut të shtetit, Ilir Meta.

Ky zhvillim qartëson edhe dilemat mbi dakordësinë e Ramës me Ajazi Likën para se ai të jepte dorëheqjen nga kreu i shërbimit sekret shqiptar në fund të tetorit, edhe pse në media u hodhën shumë variante.

E ndërsa emri i Visho Ajazi Likës mbërrin në tryezën e kreut të shtetit për herë të dytë brenda dy javësh, një herë për shkarkimin si kreu i SHISH dhe një herë për emërimin si ambasador pranë Aleancë s se Atlantikut të Veriut në Bruksel, Ilir Meta nuk ka firmosur ende propozimin e Kryeministrit për emrin e ri në krye të shërbimit sekret, Helidon Bendon.

Ndërkohë, ambasadori aktual i Shqipërisë në NATO është Leonard Demi. Edhe Demi, ish-deputet i Partisë Demokratike dhe një nga njohësit e çështjeve euro-atlantike u dekretua 4 vjet më parë si ambasador i Shqipërisë në selinë e Aleancës në Bruksel.

Edhe emërimi i tij nga ish-rivalët e majtë ngjalli shumë bujë dhe hamëndje. Ai është në fund të mandatit dhe pas dekretit të Metës pritet të pasohet nga Visho Ajazi Lika, një tjetër propozim ky i Ramës, përtej gardhit të tij politik, por që ndryshe nga Demi, prek shumë linja, duke bërë që të pritet me interes momenti i shqyrtimit të tij, nga Presidenti Ilir Meta.

“Ndaj kreut të SHISH, Visho Ajazi Lika u bë presion nga Edi Rama për tu dorëhequr”. Kështu deklaroi kreu i PD, Lulzim Basha.

“Kam konstatuar të njëjtën gjë, mundësinë e presioneve ndaj kreut të dorëhequr të SHISH-it. Por një gjë është e sigurtë që një SHISH, që harton raporte për përfshirjen e Policisë në trafikun e drogës është halë në sytë e narkoshtetit. Nuk kam konkluzion tjetër veç presionit politiik.

Mendoj se po bëhet gjithçka për të fshehur aferën e Tahirit. Bota nuk do të lejojë që Shqipëria të kthehet në një shtet të dështuar të zotëruar nga bandat. Kjo çështje nuk do të mbyllet por do të hapet në ditët në vijim”, u shpreh lideri demokrat Lulzim Basha në një prononcim për mediat pas përfundimit të mbledhjes së grupit.

****

Presidenti Ilir Meta ka dekretuar sot emërimin e tre ambasadorëve të rinj, mes tyre edhe Visho Ajazi Lika.
Presidenti dekretoi zonjën Albana Dautllari, ambasadore në Misionin e Përhershëm të Republikës së Shqipërisë në Strasburg, Visho Ajazi Likën, ambasador në NATO dhe Igli Hasani, ambasador pranë Misionit të OSBE-së dhe Organizatave Ndërkombëtare në Vjenë.

Pak ditë më parë Meta liroi nga kjo detyra e ambasadorit të NATO-s, Leonard Demin. Kujtojmë se ky pozicion i ri për ish-kreun e SHISH u proozua nga kryeministri Edi Rama.

Por cili është Visho Ajazi-Lika?

Visho Ajazi Lika u lind më 12 mars 1956, në Shkodër. Përvoja e tij e gjatë si punonjës publik, administrator publik, akademik, software inxhinier dhe menaxher IT, diplomaci dhe inteligjencë, kombinuar me karakterin entuziast, motivim të lartë, ambicie e dinamizëm, background të fortë matematik dhe përvojë të gjerë në programim, është një pasuri e krijuar nga vite të gjata pune intensive.

Shtuar dhe rreth tre vitet e fundit në politikëbërje në fushën e shoqërisë së informacionit, si dhe në Qeverisje, i ka mundësuar z. Visho Ajazi Lika të ndërmarrë një hap të rëndësishëm, atë të pranimit të marrjes së drejtimit të një institucioni të rëndësisë së veçantë kombëtare, me besimin se kontributi i tij do të jetë në forcimin e kapaciteteve profesionale dhe menaxheriale të SHISH-it.

Përvoja e gjatë e punës në ekip dhe aftësitë drejtuese të tij, janë një garanci se drejtimi i ardhshëm i këtij institucioni do të jetë një vlerë e shtuar në detyrat e tij veçanërisht të rëndësishme në funksion të Sigurisë Kombëtare dhe detyrave të tjera kushtetuese dhe ligjore.

Z. Visho Ajazi Lika ishte drejtues i fokusuar në përmirësimin e vazhdueshëm të sistemit, në përmirësimin e punës në grup, promovimin e karrierës në institucion dhe në pengimin e çdo tentative për të dalë jashtë kuadrit ligjor, të cilit SHISH-i duhet t’i përmbahet me fanatizëm.

EDUKIMI DHE KUALIFIKIMET

UNIVERSITETI I TIRANËS, FAKULTETI I SHKENCAVE TË NATYRËS 1976-1981

PROGRAMI SPECIAL 5 VJECAR

DOKTORATURË NË SHKENCAT KOMPJUTERIKE 1991

HULUMTIME POST DOKTORATURËS MARS-KORRIK 1993

UNIVERSITETI POLITEKNIK I BARCELONËS

STRUKTURAT OCTREE NË KTHESAT DHE SIPERFAQET 3D

EKSPERIENCA PROFESIONALE DHE PUNËSIMI

SHËRBIMI INFORMATIV I SHTETIT GUSHT 2012

DREJTOR

KËSHILLI I MINISTRAVE I REPUBLIKËS SË SHQIPËRISË DHJETOR 2009- GUSHT 2012

ZËVENDËSMINISTËR PËR I-TIK

IQOR MARS 2007- NENTOR 2009

ZËVENDËS PRESIDENT PËR TEKNOLOGJINË E INFORMACIONIT;

EQUIFAX (IRMC) DHJETOR 1998- SHKURT 2007

SENIOR PROGRAMMER ANALIST

DREJTUES I PROJEKTIT GENERIC NBS PACKAGES

ORIFLAMME LTD KORRIK 1997 – PRILL 1998

ADMINISTRATOR I SISTEMIT KOMPJUTERIK TË KOMPANISË;

SHËRBIMI INFORMATIV KOMBËTAR SHTATOR 1994 – KORRIK 1997

DREJTOR I SHËRBIMIT TË JASHTËM;

MINISTRIA E PUNËVE TË JASHTME MAJ 1993 – GUSHT 1994

DIPLOMAT DHE SEKRETAR I PARË NË AMBASADËN SHQIPTARE NË RIAD, ARABI SAUDITE;

UNIVERSITETI POLITEKNIK I TIRANËS SHTATOR 1991 - MAJ 1993

PËRGJEGJËS I DEPARTAMENTIT TË INFORMATIKËS;

UNIVERSITETI I TIRANËS SHTATOR 1984-GUSHT 1991

PEDAGOG NË KATEDRËN E INFORMATIKËS;

NDËRMARRJA E KONSUMIT TË GJERË SHTATOR 1981-GUSHT 1984

MATEMATIKAN.

Njoftim për Dekoratën e Artë të Shqiponjës akorduar me 4 korrrik 2016 nga Presidenti i Republikës për SHISH

Dekorimi i SHISH 4 korrik 2016, Fjala e Presidentit Nishani

Fjala e Drejtorit të SHISH në Presidencë me rastin e dekorimit të SHISH