Presidenti i Kosovës, Hashim Thaçi: Serbia kreu gjenocid në Kosovë....

Nga Flori Bruqi 

Vitet e luftës 1998-1999, në Kosovë, janë regjistruar me një numër ta madh viktimash. Mijëra shqiptarë të Kosovës, mbetën të vrarë dhe të masakruar nga trupat paramilitare por dhe ato të rregullta të ushtrisë serbe.

Nga kjo luftë u dëbuan mbi 1 milion  shqiptarë dhe u vranë 15 mijë persona, nga të cilët 2,400 luftëtarë të UÇK-së e të tjerët civilë. Gjatë luftës janë zhdukur rreth 5 mijë njerëz, fati i shumicës prej tyre është zbardhur deri në vitin 2007, por ende shumë prej tyre vijojnë të kërkohen nga të afërmit.

Por, edhe pse ka me qindra dëshmi që vërtetojnë gjenocidin serb në Kosovë, ende nuk është ndërmarrë ndonjë hap për paditjen e Serbisë, e nga ana tjetër po trumbetohet Gjykata Speciale, kinse për krimet që ka ktyer UÇK –ja.
Është fakt, se njësitë kriminale dhe artileria e rëndë serbe shkatërruan dhe dogjën rreth 1.100 vendbanime shqiptare, kanë plaçkitur, djegur e shkatërruar mbi 200 mijë shtëpi, banesa, lokale, biznese, punishte zejtarie, fabrika, shkolla, biblioteka, monumente kulturore-historike, objekte kulturore, shkencore, fetare etj. Faktet për gjenocid në Kosovë, çdo ditë e më shumë po shtohen.

Kështu, Fondi për të Drejtën Humanitare e ka publikuar një dosje të titulluar “Fshehja e dëshmive të krimeve gjatë luftës në Kosovë.“Dëshmitë e pohojnë se vendimi për fshehjen e provave të krimeve të kryera është marrë prej marsit të vitit 1999 në nivelet më të larta të qeverisë, dhe lë të kupton se pjesëtarë të‘MUP-it’ serb (Departamenteve të Sigurimit të Shtetit dhe Departamentit të Sigurisë Publike) dhe departamenteve të Ushtrisë Jugosllave që kanë qenë në krye të ‘pastrimit të terrenit’, kanë qenë të përfshirë në të”, thuhet në kuadër të përmbledhjes së publikuar nga FDH.

Presidenti i Kosovës, Hashim Thaçi ka thënë se Kuvendi i Kosovës ka bërë mirë që ka miratuar Rezolutën e dialogut me Serbinë si dhe ekipin negociator.

Ka thënë se me këtë ekip do të përmbyllin kapitullin e errët të gjenocidit serb në Kosovë.

“Andaj, edhe në këtë fazë kam besim se vendimi i Kuvendit do t’ia dalim me sukses dhe do të përmbyllim kapitullin e errët të gjenocidit serb në Kosovë”, ka thënë Thaçi, në një konferencë në aeroport, para nisjes për New York.


“Dje ka qenë edhe votimi në Kuvendin e Kosovës, nga deputetët e pozitës dhe opoizitës të një rezoluta për një ekip gjithëpërfshirës, duke i krijuar hapësirë edhe shoqërisë civile. Ky dialog do të jetë final me mundësi të një marrëveshjeje të përhershme, me njohje reciproke”, ka shtuar ai.

Terrori dhe gjenocidi serb në Kosovë, i janë faktuar OKB-së

Kriminelët serbë gjatë masakrave në KosovëSerbia duhet të nxirret para përgjegjësisë për krimet makabre.

Të shikohen të gjitha mundësitë për të paditur Serbinë

“Fjala është për vrasje dhe zhdukjet e mbi 13 mijë shqiptarëve brenda një kohe disa muajshe. Po ashtu vrasjen e 1500 fëmijëve nën moshën 14 vjet, përdhunime seksuale të 20 mijë femrave shqiptare.


 Shkatërrimin e mbi 120 mijë objektëve dhe dëbimi me masa gjenodiciale të 70 për qind të popullit. Dhe tani mbi këto fakte paraqitet padia dhe fare nuk mund ti ndalojë shteti serb. 


Pavarësisht deklaratave të autoriteteve serbe, të cilat e kanë cilësuar si të pamundur padinë e Kosovës ndaj Serbisë për gjenocid, njohës të çështjeve juridike dhe politike në vend, thonë se ka disa mundësi të cilat Kosova mund t`i shfrytëzojë për ta paditur Serbinë për gjenocid.



Një gjë të tillë e ka paralajmëruar edhe Presidenti i Kosovës Hashim Thaçi, i cili ka thënë, se po i shqyrtojnë mundësitë që Kosova të ushtroj padi ndaj Serbisë për gjenocid.



Kjo deklaratë ka nxitur reagimin e autoriteteve serbe. Ndërsa, njohës të çështjeve kushtetuese, e politike kanë vlerësuar se pa legjitimacion nuk ka reparacion, megjithatë sipas tyre, Kosova ka të drejtë të kërkojë drejtësi.



Sipas tyre, Kosova ka mundësi të shfrytëzojë të gjitha mundësitë që ja njohin ligjet ndërkombëtare dhe të ngrij padinë ndaj Serbisë për krimet dhe gjenocidin e bërë. 


Ata kanë vlerësuar se koha që Kosova, më në fund duhet ti përdorë të gjitha mekanizmat e mundshëm dhe ta padisë Serbinë për krimet njerëzore gjatë luftës së fundit në Kosovë.

Drejtori i Forumit për Marrëdhënie Ndëretnike në Beograd, Dushan Janjiç: Formimi i Ushtrisë së Kosovës nuk mund të ndalet nga Rusia

Drejtori i Forumit për Marrëdhënie Ndëretnike në Beograd, Dushan Janjiç ka thënë se Serbia nuk mund ta ndalë procesin e krijimit të ushtrisë së Kosovës, as fuqitë botërore siç janë Rusia dhe Kina, dhe ky proces, sipas tij, vetëm mund të ngadalësohet apo të shtyhet.

Janjiç tha për agjencinë e lajmeve Beta se pritet që vetëm Rusia në mbledhjen e ardhshme të Këshillit të Sigurimit të OKB mund të flasë për krijimin e ushtrisë dhe largimin e UNMIK-ut nga Kosova, si një akt i njëanshëm i Perëndimit, “gjë që do të jetë edhe maksimumi i mospajtimeve diplomatike. Interesave të Rusisë nuk i konvenon, sepse është e qartë se ushtria e Kosovës do të jetë pjesë e NATO-s, sepse ajo qysh tash bashkëpunon si forcë e sigurisë”, shpjegoi ai Janjiç.


Janjic ka thënë se fillimi i krijimit të ushtrisë së Kosovës nuk është diçka e re për Serbinë, por se momenti politik dhe i sigurisë ka qene vendimtar për SHBA-në dhe Kosovën për të filluar këtë proces.

Janjiç tha se për momentin formimi i forcave në Kosovë mund të çmilitarizohet më tej nga UÇK-ja dhe transformimi i parashikuar nga Rezoluta 1244.

“Është krijuar një situatë të favorshme të cilën amerikanët e kanë shfrytëzuar së bashku me Prishtinën, e këto janë tensionet e sigurisë që nga vrasja e Oliver Ivanoviq, arrestimi i Gjuriqit, shëtitjet në Ujman të dy presidentëve dhe tensionet që lindën më pas”, shpjegoi Janjiç.

Ai rikujtoi se Lista e Serbisë deri vonë ka marrë pjesë në diskutimet mbi Projektligjin për formimin e ushtrisë së Kosovës, por votimin e saj e kushtëzuar me kërkesat, siç është formimi i Asociacionit të Komunave Serbe dhe me kërkesa të tjera politike dhe financiare.

“Për Beogradin ky është një ngushtim i hapësirës së saj politike dhe të sigurisë dhe ndikimit në Kosovë, në veçanti te komuniteti serb”, tha Janjiç.

Sipas tij, për formimin e përfundimtar të ushtrisë së Kosovës do të duhen dy deri në pesë vjet.

“Serbia tani mund të bëjë një zhurmë të madhe politike, diplomatike dhe të sigurisë, të ankohet dhe të ftojë paqeruajtësit rusë, duke proklamuar pushtimin, por objektivisht kjo zhurmë kërcënon destabilizimin e Serbisë dhe tërheqjen e një pjese të saj në aktivitetet e armatosura, që është kufiri të cilin askush nuk guxon ta kalojë”, tha Janjiç.

Ai vuri në dukje se Zëvendës Ndihmës Sekretari i Shtetit të SHBA për çështjet e Evropës dhe Euroazisë, Methju Palmer, ka zbuluar se çështja e sigurisë do të përfshihet në agjendën e Brukselit, duke shtuar se ky është “përparim të madh”.

“Fli engjëlli im”, letra prekëse e një babai për vajzën që ia mori kanceri

Babai i Lucy Moroney, e cila vuante nga një tumor agresiv, ka ndarë lajmin shkatërrues se vajza e tij është ndarë nga jeta. Humbja e vajzës, atij i vjen gjashtë vjet pas vdekjes së nënës së saj, Nicola, nga një arrest i papritur kardiak i shkaktuar nga një gjendje e padiagnostikuar e zemrës.

Nicola ishte 24 javë shtatzënë me motrën e Lucy-t, Ruby, e cila jetoi vetëm 14 orë pas një seksioni cezarian në kushte emergjence.

Sikur të mos mjaftonte kjo, në korrik të vitit të kaluar 11-vjeçarja, u diagnostikua me Diffuse Intrinse Pontine Glioma (DIPG) – një kancer agresiv në tru me një normë mbijetese prej 0% në Britani të Madhe.

E dëshpëruar për ndihmë, familja e saj nisi një fushatë për ngritjen e fondeve dhe pas marrjes së një shume prej 400,000 dollarësh vajza u nis në Monterrey, Meksikë, vitin e kaluar për trajtim.

Përkundër shfaqjes së shenjave fillestare të përmirësimit, gjendja e Lucy u përkeqësua me shpejtësi këtë javë dhe ajo u nda nga jeta.

Lajmin e hidhur, babai zemërthyer i vajzës e njofton me anë të një dedikimi prekës në Facebook.

Ai shkruan:
“Lucy, kur linde 11 vite më parë, unë dhe mami zgjodhëm emrin tënd duke e ditur që do të thoshte “dritë”. Drita jote ka ndriçuar gjithmonë shumë, thesari im. Kam qenë i pranishëm kur nëna dhe motra jote Ruby (që vdiq pak orë pas lindjes) dhanë frymën e fundit, por ishte traumatike të bëja edhe njëherë të njëjtën gjë, edhe pse e dija që do të ndodhte që 16 muaj më parë. Sado e dhimbshme që ishte kjo eksperiencë, nuk do të kisha zgjedhur kurrë të isha në vendin e dikujt tjetër pa vogëlushen time. Ishe vajza e ëndrrave, perfeksioni absolut. Ishe e mirë si ari, kaq e dashur, e bukur dhe me zemrën më të pastër. Duhet ta kesh marrë nga nëna jote. Nuk u ankove për asgjë gjatë gjithë trajtimit dhe më ke çuditur me forcën, guximin dhe mirësinë tënde. Ishe e bukur brenda dhe jashtë dhe do të më mungojë buzëqeshja jote rrëzëllitëse, sensi fantastik i humorit dhe shpirti yt i ndjeshëm dhe perfekt. Bota është një vend shumë herë më i keq pa ty dhe shpresoj që mami dhe Ruby të kujdesen tani për ty. Gjumë të ëlbël engjëlli im. Të dua shumë. Babi X.”

“I dashur Babagjysh, dua një veshkë për vëllain”, letra që po përlot botën

Një vajzë e vogël ka shtruar një kërkesë kudrejt Babagjyshit që ka prekur këdo që e ka lexuar. Vogëlushja me emrin Kaitlyn, ka kërkuar si dhuratë për fundvit, vetëm një veshkë për vëllain e saj të sëmurë.

Një vogëlushe ka shlkruar një letër drejt Babagjyshit, ku i kërkon t’i realizojë vetëm një dëshirë. Vajza me emrin Kaitlyn ka kërkuar vetëm një veshkë për vëllain e saj të sëmurë. Kjo kërkesë po bën xhiron e botës dhe i ka prekur të gjithë ata që e kanë lexuar. “Foxnews” shkruan se vajza e kishte lënë një zarf disa ditë më parë në dyqanin Loëe’s Home Improvement në Franklin të SHBA-së.

Sipas medias ndërkombëtare çdo vit mijëra fëmijë vijnë në këtë vend për të treguar “sa mirë e kanë kaluar vitin” dhe gjithashtu për të lënë dëshirat rreth dhuratave të reja për Babagjyshin. Mes letrave të shumta, ata gjetën një që tërhoqi vëmendjen.

“I dashur Babagjysh, disa mund të mos besojnë tek ju, por unë po. Një gjë që me të vërtetë dua për Krishtlindjen për vëllain tim të madh është një veshkë e re për transplantim. Ju lutem!”- shlkruante vajza e cila kishtë përdorur edhe lapsa me ngjyra mjaft të ndezura.

Në letër ishte shkruar vetëm emri: Kaitlyn, dhe asgjë tjetër. Në këtë mënyrë pronarët e dyqanit nxituan ta shpërndanin letrën e njohur në të gjitha mediat e mundhsme për të kërkuar vogëlushen, dhe për ta ndihmuar të realizonte dëshirën e saj gjithashtu.

“Gjëja e parë që ne u përpoqëm të bënim ishte mbikëqyrja e kamerave, për të gjetur prindërit e fëmijës, por nuk patëm fat,”- tha menaxheri i dyqanit.

Libri i Michelle Obama, libri “Becoming” më i shitur i vitit 2018 vetëm 15 ditë pas publikimit

“Becoming” libri i Mishel Obamës, ish-zonjës së parë të Shteteve të Bashkuara të Amerikës është ndër librat më të shitur në shumë vende të botës, vetëm 15 ditë pas publikimit të tij. Libri i ish-zonjës së parë së Shteteve të Bashkuara të Amerikës, Michelle Obama, është një bestseller vetëm 15 ditë pas publikimit të tij.



Deri tani janë shitur 2 milionë kopje të tij. “Becoming” është një nga librat më të shitur në Shtetet e Bashkuara të Amerikës dhe në Kanada sipas të dhënave të NPD BookScan.

Lajmi është konfirmuar dhe nga BBC online. Shtëpia botuese Penguin Random House, e cila përditëson të dhënat e shitjeve të librit, theksoi ndër të tjera se “Becoming” e Michelle Obama është libri më i shitur në këtë periudhë dhe në shumë vende të tjera si Australi, Mbretëri e Bashkuar, Francë, Gjermani, Kore e Jugut dhe Afrikë.

Ka vetëm një rrugëzgjidhje

Akademik Prof.dr. Eshref Ymeri,Ph.D

Në kushtet e reja që janë krijuar në vend, pas ngritjes së studentëve të universiteteve në protesta të fuqishme kundër një sistemi arsimor të degraduar fund e krye, kundër një reforme arsimore të dështuar, kundër varfërimit të pandalshëm të rinisë studentore përmes tarifave të larta, kundër korrupsionit të disa pedagogëve faqezinj që rrjepin studentët, me siguri që edhe shtresat e gjera të qytetarëve shqiptarë nuk mund të rrinë pa reaguar kundër çmimit të lartë të karburantit, kundër çmimit të lartë të energjisë elektrike, kundër rritjes së taksave, të cilat ndikojnë drejtpërsëdrejti në varfërimine tyre dhe çojnë në falimentimin e shumë bizneseve në mbarë vendin.

       Pushteti i të ashtuquajturës “Rilindje”, rezultoi pushtet i “Rivdekjes” ekonomikepër shumicën dërrmuese të popullit shqiptar. Dhe fajtori kryesor i “Rivdekjes” ekonomiketë kësaj shumice, pa dyshim, është kryeministri Rama, i cili ka përqendruar të gjitha pushtetet në duart e veta dhe, përmes ligjit zgjedhor, të aprovuar që në vitin 2008, deputetët socialistë i ka katandisur në kukulla, në gur shahu, çka ka sjellë si pasojë që shumica parlamentare të shndërrohet në një vegël të verbër, në një turmë kokulur që zbaton vetëm tekat e tij.

       Pasojat e politikës ekonomike të“Rilindjes” socialiste që prej shtatorit të vitit 2013 dhe deri tani, janë me të vërtetë katastrofike. I vetmi “sukses” i një politike të tillë, është vetëm kanabizimi i vendit. Dëshmia më shembullore e dështimit të kësaj politike,është braktisja e vendit prej qindra e qindra mijë qytetarëve, të cilët kanë marrë rrugët e botës. Një politikë e tillë u ka shërbyer vetëm interesave personale të kryeministrit Rama dhe një grushti oligarkësh rreth tij dhe nuk mund të vlerësohet ndryshe, përveçse si politikë antikombëtare.

       Me qëllim që gjendja të mos rëndohet edhe shumë më tepër, në këndvështrimin tim, ka vetëm një rrugëzgjidhje: kryeministri Rama të pranojë dështimin burrërisht dhe të japë dorëheqjen, në mënyrë që të krijohet një qeveri teknike, e cila duhet të plotësojë të gjitha kërkesat e lëvizjes studentore dhe të përgatitë truallin për zgjedhje të parakohshme. Këto pesë vjet vërtetuan në praktikë se kryeministri Rama nuk ka aftësi qeverisëse. Kjo për arsye se ai nuk e njeh absolutisht artin e komunikimit me njerëzit dhe aq më tepër me studentët.

       Në bindjen time, populli shqiptar ka nevojë për daljen në skenë të një tjetër formacioni politik me vetëdije të lartë kombëtare, që të ndërtojë një tjetër politikë ekonomike në të mirë të interesave jetësore të rinisë studentore dhe të mbarë qytetarëve dhe të vendosë në vend autoritetin e shtetit tonë, autoritet që partitë politike që kanë qeverisur gjatë këtyre 28 vjetëve, e kanë nëpërkëmbur keq, sidomos në marrëdhëniet me shtetin grek, i cili Shqipërinë e vlerëson si një vend pa zot, sidomos pas ngjarjes në Bularat.

       Tiranë, 10 dhjetor 2018

-------------------------

       Reagime

---------- Forwarded message ---------
From: Hafiz <hafizshala@aol.com>
Date: Mon, Dec 10, 2018 at 1:45 PM
Subject: Ka vetëm një rrugëzgjidhje - Bota Sot
To: ymerieshref@gmail.com

Shume i respektuari Profesor,

Une dote thosha: ja,nji udhezim,thirrje dhe perkrahje per studentet shqiptar qe gjithnji kur e deshi vendi,kur deshtoje klasa politike,kur e katandisen vendin dhe kur jau mjegulluan shoresen deri ne zhberje,tani linde shoresa per ta dhe Shqioerine.

Pergezime per kete shkrim edukativ,nxites kah e mbara dhe vleresim i gjenerates se re e neperkembur nga mbeturinat enveriane dhe korruptive.

Nji intelektual i ndershem i sinqerte dhe i guximshem per ta thene teverteten,eshte gjithmone i mireseardhur dhe me se i nevojshem.

Pershendetje,

Hafiz Shala 

New York

10 dhjetor 2018.

---------- Forwarded message ---------
From: Eshref Ymeri <ymerieshref@gmail.com>
Date: Wed, Dec 121 2018 at 9:03 AM
Subject: Re: Ka vetëm një rrugëzgjidhje - Bota Sot
To: Hafiz <hafizshala@aol.com>

I dashur Hafiz,

Më lejoni t'ju përcjell falënderimet e mia të përzemërta dhe mirënjohjen time të thellë për mbështetjen tuaj.

Ju uroj shëndet dhe mbarësi familjare.

Eshrefi

Tiranë, 11 dhjetor 2018

Fjala e Lirë

Dhimbja e madhe Popull on 11/12/2018  01:23:43

       Kryefjalë e tërë këtij shkrimi të të nderuarit prof.dr. Eshref Ymeri janë frazat e fundit të përmbylljes:

       “…të vendosë në vend autoritetin e shtetit tonë, autoritet që partitë politike që kanë qeverisur gjatë këtyre 28 vjetëve, e kanë nëpërkëmbur keq, sidomos në marrëdhëniet me shtetin grek, i cili Shqipërinë e vlerëson si një vend pa zot, sidomos pas ngjarjes në Bularat.

       Vërtet, kjo është kryefjala e këtij shkrimi, pas çështjes së studentëve që fatkeqësisht shfrytëzohet nga partitë politike.

       Dhimbja e madhe popull

Fjala e Lirë

                I dashur Dhimbja e madhe Populli on,

       Ju falënderoj nga zemra për formimin tuaj prej nacionalisti të shkëlqyer, rezultat i edukatës shembullore atdhetare që keni marrë në familjen tuaj të nderuar. Por, ju lutem, prezantojuni lexuesit me emrin dhe me mbiemrin tuaj se ju, me reagimin tuaj ndaj artikullit tim, nuk po bëni ndonjë krim. Ju pohoni vetëm një të vërtetë. Megjithatë, dëshiroj të theksoj se në qoftë se jetoni dhe punoni në Greqi, ju kuptoj plotësisht që prezantoheni me pseudonim. Sepse Greqia ka qenë, është dhe do të jetë vazhdimisht një vend racist në qëndrimin ndaj shqiptarëve, për faj të klasës politike shqiptare, të kësaj klase mercenare, servile të shtetit grek dhe të kishës shoviniste gtreke, të kësaj klase tradhtare të interesave tona kombëtare.

       Me respekt dhe mirënjohje.

       Eshref Ymeri

       Tiranë, 12 dhjetor 2018

Sa për kujtesë lëvizjes studentore

Akademik Prof.dr. Eshref Ymeri,Ph.D

E kam ndjekur dhe po vazhdoj ta ndjekë me shumë kujdes lëvizjen studentore, e cila, në pamje të parë, nisur nga pjesëmarrja e madhe e studentëve në të, të kujton ngjarjet e dhjetorit të vitit 1990. Mes thirrjeve të studentëve, më bëri përshtypje të veçantë pikërisht ajo e dhjetorit të asaj kohe të stuhishme:

“E duam Shqipërinë si gjithë Evropa!”

Ajet Nuro, publicist i njohur dhe moderator i portalit “Tribuna Shqiptare”, më 10 tetor të vitit 2015 pati botuar në portalin në fjalë një analizë interesante me titull “Shqipëria ka nevojë për një valë të dytë demokratizimi”, në të cilën nxirrte në pah me shumë të drejtë se, pas një çerek shekulli, Shqipëria kishte mbetur larg arritjes së atyre objektivave që pati caktuar lëvizja studentore e dhjetorit të vitit 1990. Prandaj ai e quante të arsyeshme të theksonte se ishte e domosdoshme “njëvalë e dytë demokratizimi”.

       Si njëri nga përfaqësuesit e mirënjohur të diasporës shqiptare në Kanada, zotëria Ajet Nuro shprehte me shumë të drejtë shqetësimin e vet intelektual për gjendjen e demokracisë në Shqipëri gjatë atyre 25 vjetëve. Është e vërtetë se në Shqipëri qenë bërë shumë ndryshime, por megjithatë ne ishim ende shumë larg standardeve demokratike në ndërtimin dhe në funksionimin e shtetit ligjor. 

Ndaj analizës së zotërisë Ajet Nuro unë reagova asokohe në internet me një artikull me titull “Kush ta bëjë demokratizimin e dytë?”, të botuar po në portalin në fjalë dhe në  disa portale të tjera më datën 12 tetor 2015. Ndër të tjera, theksoja:

       Mirë do të ishte vërtet që të kishim një valë të dytë demokratizimi. Por problemi është se kush duhet ta ngrejë një valë të tillë. Normalisht, në rastet e nxjerrjes së çdo vendi nga amullia politike, rolin kryesor e merr dhe duhet ta marrë përsipër inteligjencia, sidomos inteligjencia dhe rinia universitare. Në vendin tonë inteligjencia dhe rinia universitare vazhdojnë të bëjnë një gjumë të rëndë letargjik, duke i lejuar klanet politike të tallen me fatet e popullit si t’ua dojë mideja”.

       Studentët e lëvizjes së dhjetorit të vitit 1990, tani janë në një moshëtë tillë që po u afrohet të pesëdhjetave. Çuditërisht, pas asaj lëvizjeje studentore të atij viti të largët kur u bë ndërrimi i sistemit komunist me një sistem neokomunist, kur pushtetin e morën në dorë neokomunistë apo trashëgimtarë të veteranëve të komunizmit, brezat pasardhës të rinisë universitare ranë në një letargji të paimagjinueshme. Gjatë këtyre 28 vjetëve, në vendin tonë klanet politike që e kanë ndërruar pushtetin sipas radhës, kanë bërë prapësira shumë të rënda në dëm të interesave tona kombëtare dhe për varfërimin e pandalshëm të pjesës dërrmuese të popullit shqiptar. Por ndonjë lëvizje studentore nuk është ndier absolutisht për e gjallë, pa folur për inteligjencien universitare, e cila ka qenë përherë një servile shembullore e klaneve politike në pushtet dhe as që e ka çarë kokën fare për varfërimin e pandalshëm të shtresave të gjëra të popullsisë qëiështë imponuar gjatë gjithë kësaj periudhe nga klanet në fjalë. Madje pranohet haptas se pedagogë të universiteteve publike notojnë në batakun e korrupsionit. Ky është një turp kaq i rëndë, saqë nuk e ngre as dheu as qielli Në një material, të bërë publik para do kohësh, thuhet:

“Studentët në universitetet publike pranojnë se korrupsioni është një plagë e përhapur mes stafit akademik ku ata studiojnë, ndërsa janë të shqetësuar se ky fenomen sjell mungesë merite dhe i dekurajon ata nga studimet” (Citohet sipas:“Studimi: Studentët “nën presion” nga korrupsioni në universitete”. Faqja e internetit“Reporter.al”. 10 janar 2018).

        Unë i përkas brezit të pedagogëve veteranë të universitetit, të cilët nuk mund ta imagjinojnë dot absolutisht se si është e mundur që të ketë sot pedagogë të tillë të degjeneruar deri në atë shkallë, saqë të marrin para nga studentët!!!

       Rinia studentore e universiteteve publike, e cila tani është hedhur në një lëvizje mbresëlënëse në mbrojtje të të drejtave të veta, gjatë këtyre 28 vjetëve ka pasur shumë raste për t’u ngritur në protesta të fuqishme kundër qeverisjes së vendit, e cila, sidomos gjatë këtyre më shumë se pesë vjetëve të fundit, e ka katandisur varfërimin e popullit shqiptar deri në atë shkallë, saqë një numër i konsiderueshëm njerëzish të të gjitha moshave, që llogariten në mijëra e mijëra, janë detyruar të braktisin vendin dhe të marrin rrugët e Evropës.

       Rinia studentore ka heshtur kur Tirana zyrtare i ka bërë lëshime pas lëshimesh shtetit grek, lëshime këto që bien era tradhti kombëtare dhe e kanë ulur autoritetin e vendit tonë deri në nivele të pabesueshme.

       Rinia studentore ka heshtur kur Tirana zyrtare iu nënshtrua shtetit grek në një mënyrë poshtëruese dhe lejoi që kisha ortodokse fanoliane të pushtohet nga një kryepeshkop grek. Kjo është fyerja më e rëndë që u është bërë personaliteteve të shquara të ortodoksisë shqiptare, duke filluar nga papa Kristo Negovani, Naum Veqil Harxhi, Koto Hoxhi, Anastas Kullurioti, Petro Nini Luarasi, Atë Stath Melani, etj., të cilët na i vrau helmi, thika dhe pushka e kishës shoviniste greke.

       Rinia studentore ka heshtur kur Tirana zyrtare lejoi që Janullatosi të shndërrohej në Shqipëri në një guvernator faktik të kishës shoviniste greke dhe të shtetit shovinist grek, duke urdhëruar që të bëheshin zhvarrime të eshtrave të shqiptarëve të vdekur në varrezën e fshatit Kosinë të Përmetit, me qëllim që eshtrat e tyre t’i reklamonte si eshtra ushtarësh grekë, të vrarë gjatë luftës italo-greke.

       Rinia studentore ka heshtur kur Tirana zyrtare kreu një akt tradhtie të lartë në kohën që e lejoi kishën shoviniste greke dhe shtetin shovinist grek të ngrejë në Shqipërinë e Jugut varreza, memoriale, dhe përmendore në nderim të ushtarëve agresorë grekë, të cilët patën hyrë në territorin shqiptar si pushtues dhe shumë objekte kulti na i patën shndërruar në stalla kuajsh.

       Rinia studentore ka heshtur kur Janullatosi, në rolin e guvernatorit grek në vendin tonë, pati pushtuar Shtëpinë e Kulturës “Naim Frashëri” në Përmet dhe Tirana zyrtare zvarritej para tij, pa guxuar të zbatonte vendimin e të trija shkallëve të gjyqësorit për kthimin e saj qytetarëve të Përmetit.

Rinia studentore ka heshtur kur Janullatosi, për çdo problem që i lindte në Shqipëri, siç ishte rasti i zhvarrimeve në Përmet apo i prishjes së kishë-gërmadhës në Dhërmi, nisej urgjent për në Athinë për t’u konsultuar me kryeministrat grekë, duke injoruar tërësisht kryeministrat shqiptarë.

Rinia studentore ka heshtur kur Presidenti Ilir Meta i dha shtetësinë shqiptare Janullatosit me një dekret të posaçëm të datës 24 janar 2017, pikërisht në atë datë kur 100 vjet më parë, më 24 janar 1917, kisha shoviniste greke na masakroi një figurë të shquar të ortodoksisë shqiptare dhe të nacionalizmit shqiptar, Atë Stath Melanin. Ky dekret ishte një fyerje e rëndë jo vetëm  për këtë atdhetar të madh, por edhe për të gjithë martirët e lartpërmendur të ortodoksisë shqiptare, për Fan Nolin, si themeluesin e pavarësisë së kishës sonë ortodokse, dhe kryepeshkopët Visarion Xhuvani dhe Kristofor Kisi, të persekutuar nga terrori komunist i kriminelit Enver Hoxha.

Rinia studentore ka heshtur për qëndrimin antikombëtar të Tiranës zyrtare ndaj Çështjes Kombëtare të Çamërisë, duke iu nënshtruar tërësisht diktatit të shtetit grek, i cili ka deklaruar dhe vazhdon të deklarojë pambarimisht se Çështja Çame nuk ekziston!!!

       Rinia studentore ka heshtur, duke soditur me gjakftohtësi ardhjen nga Greqiatë më shumë se 150 arkivoleve me kufoma shqiptarësh të vrarë në territorin e saj.

       Rinia studentore ka heshtur kur rreth 1000 grekë organizuan skenat e Bularatit, duke valëvitur qindra e qindra flamuj të tyre, me të vetmin qëllim poshtërimin  publik të shtetit tonë, ndërkohë që Tirana zyrtare kishte rënë në bark para egërsisë shoviniste greke, çka dëshmonte më së miri se Shqipëria është katandisur në një vend pa zot.

       Rinia studentore ka heshtur kur Partia Socialiste, në kuadrin e premtimeve në fushatën zgjedhore të vitit 2013, pati hedhur në qarkullim një fletëpalosje me disa premtime, në njërin pret të cilëve thuhej se taksa e vlerës së shtuar për energjinë elektrike do të zbriste nga 20% në 06%. Por qeveria Rama mashtroi hapur fare, këtë premtim nuk e mbajti. E la po 20%. Madje qeveria Rama, më 01 shkurt të vitit 2015, taksën e energjisë elektrike e ngriti nga 7,5 lekë në 9,5 lekë për kw, duke hequr edhe tavanin prej 300 kw me një çmim më të reduktuar.

       Rinia studentore ka heshtur për shtrenjtimin e çmimit të karburantit, i cili është më i lartë se në vendet e rajonit rreth nesh dhe në vendet e tjera evropiane. Qeveria është bërë palë me oligarkët e tregtimit të karburantit, me qëllim që të vjelë shuma të majme parash nga qytetarët shqiptarë. Lëvizja studentore le të nxjerrë mësim nga protestat e fuqishme të qytetarëve francezë kundër ngritjes së çmimit të karburantit vetëm me disa centë.

       Rinia studentore e kryeqytetit ka heshtur kur kryebashkiaku Veliaj, me lloj-lloj marifetesh, e ngriti 40% çmimin e ujit për qytetin e Tiranës, duke përkeqësuar rëndë nivelin ekonomik të familjeve të varfëra tiranase dhe sidomos të pensionistëve.

       Jeta e rinisë studentore, për vetë natyrën e moshës së saj, është dhe duhet të jetë dinamike, në lëvizje të vazhdueshme.Albert Ajnshtajni (Albert Einstein - 1879-1955) thotë:

       “Jeta është si puna e biçikletës. Për të ruajtur drejtpeshimin, njeriu duhet të jetë në lëvizje të përhershme”.

Rinia studentore është shpresa më frymëzuese e një vendi në jetën e përditshme dhe në perspektivë. Ajo është e pastër si uji që gurgullon në burim. Ajo është e tanishmja dhe e ardhmja e vendit. Por, fatkeqësisht, brezat pasardhës të rinisë universitare, pas dhjetorit të vitit 1990, i pushtoi amullia kokë e këmbë. Rinia universitare ra në një qetësi të formatit letargjik, duke mos u interesuar absolutisht për pasojat e rënda të politikës antikombëtare që Tirana zyrtare ka ndjekur dhe vazhdon të ndjekë në marrëdhënhiet me fqinjët dhe sidomos me fqinjin jugor, në raport me  shumicën dërrmuese të qytetarëve të vendit, të cilët i ka çuar në zgrip të varfërisë. Në vend të jetës dinamike dhe të interesimit të drejtpërdrejtë për fatet e vendit, ajo zgjodhi qetësinë tërësore. Personaliteti i shquar francez Blez Paskal (Blaise Pascal - 1623-1662)u ka lënë bashkëkombasve të vet një aforizëm të shkëlqyer:

“Thelbin e natyrës njerëzore e përbën lëvizja. Qetësia e plotë paralajmëron vdekjen”.

Një aforizëm po kaq të shkëlqyer, me të njëjtën përmbajtje, ka lënë një shekull më pas edhe Volteri (François Marie ArouetVoltaire - 1694-1778):

“Njeriu është krijuar për të vepruar. Të mos veprosh dhe të mos ekzistosh është e njëjta gjë”.

Në lëvizjen e tanishme studentore janë dëgjuar thirrje, si kjo:

“Qeverisja dhe politika qëndrojnë më poshtë se populli”.

Një thirrje e tillë bëhet publike për shkak të qeverisjes skandaloze të klasës politike në pushtet, qeverisje kjo, e cila e ka katandisur rininë studentore në një derexhe të tillë, saqë ajo është detyruar të ngrihet në një lëvizje të fuqishme kundër saj. Por këtu lind një pyetje mjaft domethënëse:

Rinia studentore organizuaka protesta masive kundër qeverisjes së keqe të vendit vetëm atëherë kur asaj i preken interesat e veta ekonomike dhe kushtet e jetesës nëpër konvikte? Me sa duket, po, përderisa, siç u theksua më lart, gjatë këtyre 28 vjetëve rinia studentore ka heshtur plotësisht për prapësitë e qeverisjes së vendit. Pra, rinia studentore e ditëve tona udhëhiqet nga parimi:

“Të mos preket gardhi im, kurse matanë gardhit tim le të bëhet kiameti”.

Një qëndrim i tillë nxjerr në pah një dukuri tepër tragjike në historinë shumëshekullore të kombit shqiptar, duke filluar që nga pararendësit tanëpellazgoilir - përçarjen fatale. Pikërisht kjo përçarje fatale ka qenë arsyeja kryesore që Shqipëria, e populluar me popullin më të vjetër të kontinentit tonë, me popullsinë më të madhe të gadishullit tonë, të katandiset në njëterritor gati sa një “fushë tenisi”.

Lëvizjes së tanishme studentore nuk i pëlqen të ketë politikanë në radhët e veta. Por çudia në këtë mes qëndron në arsyen se studentët janë viktimë pikërisht e politikës. Prandaj e kam të vështirë ta kuptoj lëvizjen studentore, e cila nuk ka dëshirë të ketë të bëjë me politikën. Unë mendoj se pikërisht politika qeverisëse e partisë socialiste është fajtorja kryesore për gjendjen ku janë katandisur studentët e universiteteve publike. Kjo lëvizje jo vetëm që duhet të merret seriozisht me qeverisjen antikombëtare të partisë socialiste, por ajo duhet të ngulë këmbë për krijimin e një qeverie teknike, deri në zhvillimin e zgjedhjeve të parakohshme. Nëse lëvizja studentore e shikon veten jashtë kësaj kërkese, atëherë mua më lind dyshimi se kjo lëvizje është e organizuar nga vetë partia socialiste dhe personalisht nga kryeministri Rama, me qëllim largimin e vëmendjes së opinionit publik nga protestat e banorëve të unazës së re dhe çfaktorizimin përfundimtar të opozitës, prej së cilës atij nuk i bëhet vonë fare, sepse kryetarin e saj Lulzim Basha ai e ka rekrutuar për interesat e veta që në takimin e fshehtë prej pesë orësh që zhvilloi me të më 18 maj 2017 dhe që, pas atij takimi, të dy, nuk i thanë asgjë opinionit publik. Partinë Demokratike,si partia kryesore e opozitës, e çfaktorizoi i pari vetë Lulzim Basha, i cili, në Çadrën e famshme të pranverës së vitit 2017, bëri teatër për tre muaj rresht me simpatizantët e sajpër të ngritur aksionet e vetvetes dhe pastaj i preu në besë: në Çadër deklaronte se nuk shkojmë në zgjedhje me Ramën kryeministër, mandej, pas takimit të fshehtë me Ramën, u tërhoq si lepuri në ferrë, shtroi kurrizin dhe pranoi ta çonte në zgjedhje partinë, çka solli si pasojë një “zbaticë politike” të paimagjinueshme të elektoratit të saj, të shoqëruar me humbjen e më shumë se 200 mijë votave në zgjedhjet e 25 qershorit.

Unë, si një qytetar i thjeshtë i Republikës së Shqipërisë, si ish-pegagog i Universitetit të Tiranës dhe pensionist që prej 01 shtatorit të vitit 2003, i rekomandoj lëvizjes studentore të mos tërhiqet absolutisht nga kërkesat e veta: të kërkojë arsim publik falas, shkurtimin në maksimum të të gjitha trifave për studentët, krijimin e një qeverie teknike, sepse me Ramën kryeministër studentët përsëri kanë për të rënë pre e mashtrimit të zakonshëm të tij dhe shtimin në perspektivë të buxhetit të shtetit për arsimin deri në 20%. Për dijeninë e lëvizjes studentore, dëshiroj të theksoj se katër gjigantët e Azisë (Malajzia, Singapori, Tajvani dhe Koreja e Jugut) u bënë modele të zhvillimit ekonomik pikërisht në saje të buxhetit të lartë për arsimin, i cili arrinte në shifrën 40%.

Në mbyllje dëshiroj që lëvizja studentore të ketë parasysh dy gjëra të rëndësishme për ruajtjen e dinjitetit të vet.

Së pari:

“Studentët janë dhe duhet të jetë përherë shpuza e kombit dhe nuk duhet t’i lejojnë vetes të mbulohen nga hiri i politikës”.

Së dyti:

Studentët duhet të zotërojnë përherë artin e vetorganizimit dhe të mos pranojnë kurrë të bien pre e bajraktarëve të politikës”.

Lëvizja studentore duhet të jetë e vetëdijshme se protestat duhet të zhvillohen para Kryeministrisë, jo para ministrisë së arsimit. Kjo për arsye se ministrja Lindita Nikolla është thjesht një rrip transmisioni i kryeministrit Rama, i cili, që kur ka hipur në këtë post, është bërë vetë zot vetë shkop, se anëtarët e qeverisë i konsideron thjesht si gurë shahu në tryezë dhe vetë ka vendosur të bëjë shiun dhe diellin.

Pedagogët e universiteteve duhet që, krahas mësimdhënies, të përpiqen me të gjitha mundësitë që studentët t’i edukojnë me vetëdije të lartë kombëtare. Sepse pikërisht studentët me vetëdije të lartë kombëtare do të bëhen mbartës të saj deri në ndërgjegjen e mbarë popullit tonë.

Tiranë, 07 dhjetor 2018

-------------------------

                Reagime

---------- Forwarded message ---------
From: Vilhelme Haxhiraj <haxhirajvilhelme@gmail.com>
Date: Tue, Dec 11, 2018 at 8:06 AM
Subject: Re: Sa për kujtesë lëvizjes studentore
To: Eshref Ymeri ymerieshref@gmail.com

Profesor, sot lexova shkrimin tuaj analitik dhe këshillimor “Sa për kujtesë lëvizjes studentore”. Ju përgëzojmë si unë dhe Fitimi. Sa keq që nuk jeni Ju,  Zotëri i Nderuar, Kryetar i Akademisë së Shkencave në Shqipëri. Mbase do më bëhej ndonjë analizë  e njërit prej librave të mi që i kam punuar me aq kujdes dhe me dashuri. Por ajo punë e lodhshme do të trokasë në portë të shurdhët.

I bëni të fala Havasë!

Natën e mirë!

Vilhelme e Fitim

Vlorë, 11 dhjetor 2018

---------- Forwarded message ---------
From: Eshref Ymeri <ymerieshref@gmail.com>
Date: Wed, Dec 12, 2018 at 10:08 AM
Subject: Re: Sa për kujtesë lëvizjes studentore
To: Vilhelme Haxhiraj <haxhirajvilhelme@gmail.com>

E Nderuar dhe e Respektuar Zonjë,

    Ju keni të drejtë të ëndërroni, por, ju lutem, me ëndërrimet tuaja mos shkoni deri në cakun e të pamundurës. Sepse sikur të kisha qenë unë kryetar akedemie, ju do të ishit jo vetëm deputete, por, më e pakta, edhe Kryetare e Kuvendit. Kriminelët komunistë, me kryekriminelin Enver Hoxha në krye, ua varrosën ëndrrat atyre që prejardhjen e kanë nga familje të nderuara fisnike. Dhe, domosdo, të njëjtin qëndrim mbajnë ndaj tyre edhe neokomunistët, trashëgimtarët e bëmave të atij krimineli.

      Ju uroj shëndet dhe mbarësi familjare. 

      Eshrefi

      Tiranë, 12 dhjetor 2018