Bedri Tahiri : Heronjtë vdesin duke kënduar

NGA  ROZENHAJMI NË LOXHË TË PEJËS

Në kilometrin e njëmbëdhjetë, në lindje të Vushtrrisë së lashtë, në një luginë rrethuar më kodrina gjysmë të zhveshura, shtrihet një vendbanim i lashtë, i cili që nga viti 1893 njihet me emrin Samadrexhë (sot Lumkuq, sipas lumthit që e përshkon). Ai përbëhet nga lagjet: Bunjakët, Surdullët, Shala, Bashollët, Malokët, Selacët, Sopjanët, Zabërgjët, Merovcët, Rashanët, Krasniqët, Tikollët, Bajgorët (Musa), Kaçanollët (Hyseni) etj.

Përmbi fshat gjenden gjurmë të një vendbanimi të vjetër iliro-dardan me emrin Gradina- Gjyteti. Gjatë LDB shumë burra të këtij fshati iu bashkuan radhëve të luftëtarëve të Shaban Polluzhës e të Mehmet Gradicës. Më të njohurit ishin Hashim Basholli dhe Osman e Shaban Bunjaku. Edhe në luftën e fundit çlirimtare lumkuqasit nuk ngelën prapa. Ai që bëri emër në histori qe oficeri  dhe luftëtari i UÇK-së, Lumni Musë Surdulli.

Kadeti shembullor

Ndër familjet më të njohura të Lumkuqit janë edhe ato me mbiemrin Surdulli. Edhe Musë Surdulli me të shoqen Hatemen nga Skroma përbënin një familje që dallohej për të mirë. Ata patën këta fëmijë: Aliun, Lutfiun, Lumniun, Ferkiun, Ismetin, Sanijen dhe Bahrijen.

Lumniu ishte djali i tretë i këtyre dy bashkëshortëve. Ai erdhi në këtë botë më 24 janar 1969, atëbotë kur veçse ishte shuar zjarri i demonstratave të 68-së dhe në trojet tona kishte zënë të shkëlqente një fije shprese për ditë të bardhë. 

Djaloshi hafif, por shumë i zgjuar dhe mendjemprehtë, herët u godit nga jeta hileqare. Që në klasën e tretë të shkollës fillore në vendlindje, mbeti pa dashurinë e ngrohtë të nënës. Si fëmijë, këtë zbrazëti, u përpoq ta mbushte me dashurinë ndaj librit, ndaj mësimeve, ndaj shokëve, ndaj  mësuesit. 

Lexonte shumë dhe çka i binte në dorë, por më së shumti i pëlqenin krijimet e zjarrta e përplot patriotizëm të rilindëseve tanë dhe rrëfimet për të bëmat e heronjve tanë. Pasi kreu shkollën fillore me sukses të shkëlqyeshëm u regjistrua në Gjimnazin e Vushtrrisë- drejtimi gjuhësor.

Dhe, pasi përfundoi klasën e parë, gjendja e ekonomike e ngushtoi së tepërmi. Për të vazhduar më tutje u shtrëngua të kërkonte ndihmë tek organet komunale. 

Për çudi, në vend të një burse, ata i propozuan dhe ia afruan mundësinë për t’u regjistruar në shkollë ushtarake. Ai, pa hezituar fare, pranoi të bëhej kadet dhe ta mësonte artin luftarak, për të cilin kishte më së shumti nevojë Kosova.

 Kështu, më 1984 regjistrohet në shkollën ushtarake-teknik i aviacionit në Rajllovc të Bosnjës, të cilën e mbaroi me sukses të lartë në afat, në vitin 1988. Fill pas diplomimit, mori gradën e rreshterit dhe u caktua të punonte në aeroportin ushtarak të Batajnicës së Beogradit.

Në frontet kroate

Jeta ushtarake e kaliti edhe më shpirtin liridashës të oficerit të ri me ëndrra të mëdha. Aty, nga afër, pa dhe përjetoi padrejtësitë që bëheshin nga eprorët zemërkatil serbë ndaj të tjerëve, veçan ndaj ushtarëve shqiptarë. Ishte kohë mjaft e vështirë, kur shumë të rinj shqiptarë që shërbenin në ushtrinë jugosllave ktheheshin në arkivole ose përfundonin prapa grilash me gjyqe të montuara.
Këtë barbari mesjetare serbe më së miri e vërtetoi kur plasi lufta në Kroaci. Gjatë luftës serbo-kroate ai u gjend në detyrën e eprorit ushtarak. 

Aty përjetoi atë që ndoshta kurrë as që e kishte menduar. Në pabesi, në një komplot të organizuar me finokëri, ia vranë shokun e ngushtë, kroatin Franjo. 

Që nga moment u bind se asgjë nuk kishte të vërtetë në ato frazat boshe që reklamoheshin në të ashtuquajturën ushtri jugosllave. Dhe, me mish e me shpirt, duke bërë edhe të pamundurën, i ndihmoi ushtarët shqiptarë për të dezertuar nga ajo ushtri mizore. 

Vetë, duke rrezikuar edhe jetën, ua mësoi shtigjet e labirinthet dalëse përtej telave, i dërgonte në banesën e një hasjani, i cili ua siguronte rrobat civile dhe i niste për rrugë, qoftë për Kosovë, qoftë për mërgatë. 

Kur nga ajo kazermë u largua edhe ushtari i fundit shqiptar, edhe vetë ia mbathi, duke ua lënë kurthin e ngrehur për likuidim gjakpirësve...

Nga Rozenhajmi në Loxhë të Pejës

Lumni Surdulli vetëm gjatë vitit 1991 qëndroi në Kosovë, sepse policia serbe e nuhaste kudo. Thënë të drejtën edhe ato ditë më shumë i kaloi në Strofc, tek e motra, Sanija, e cila ishte e martuar me Adem Aliun. 

Aty gjeti strehim të sigurt dhe, pos tjerash, edhe  Qyqavicën legjendare e kishte më afër. Në kërkim të tij, edhe familja pësoi, shumë herë u keqtrajtua ati, Musa, të cilin e donte shumë.

 Njëherë, kur ia pati përmend fejesën ai ia kishte kthyer: “Babush (ashtu e quante) njëherë t’ia marrim Kosovës nusen LIRI e pastaj mua”!

 Pra, koha që kaloi në Strofc paraqet një kaptinë të veçantë në jetën e këtij dëshmori. Për këtë më së miri flet vetë Adem Aliu, njëri nga luftëtarët e shquar të kësaj ane, sot epror në TMK:

...Ishte viti1992 kur Lumniu dezertoi nga ushtria sllave. 

E shfrytëzoi rastin kur sollën trupin e pajetë të pilotit shqiptar, Raif Miftarit nga Prishtina. Tre muaj (maj, qershor e korrik), qëndroi në shtëpinë tonë, në Strofc, rrezë Qyqavicës. 

Me vete kishte revolen me 500 copë fishekë dhe e kishte ndarë mendjen të mos dorëzohej për të gjallë. Për fat edhe rrethi ynë qe i mirë dhe i sigurt, kurrë askush asnjë fjalë për të.

 Një natë qe mërzitur shumë për shtëpinë dhe për babë Musën, të cilin e donte pa masë.U nisëm këmbë, nëpër ara e kodrina, dhe  arritëm në Lumkuq, ku gjithë natën u çmall duke llafosur me të afërmit e vet. I ati, nga frika se mos po na rrethonin policët, gjithë natën nuk vuri gjumë në sy.

 Më 7 korrik 1992, vdiq babai ynë, Hazir Aliu. Në varrim erdhi vëllai im, Musa, që përkohësisht gjendej në Gjermani. Ai, me dokumente falso e mori Lumniun dhe e kaloi në Gjermani, ku qëndroi derisa hyri në Kosovë për të luftuar ku  dhe ra për të mos vdekur kurrë...

 Më 22 korrik të  vitit 1992, ilegalisht arrin të depërtojë në Gjermani, ku e fitoi azilin politik. Kur qe nisur për andej u kishte thënë në shtëpi: Mos u bëni merak se e para pushkë që kërcet në Kosovë, unë do të jem këtu!

Tashmë ai ishte burrëruar dhe ishte i përgatitur shpirtërisht e fizikisht për t’u përballur me të gjitha sfidat e jetës. 

Personaliteti i tij ishte brumosur me të gjitha vetitë e një atdhetari të flaktë e sypatrembur. Në damarët e tij rridhte gjaku i gjyshit, Ali Surdulli, bashkëluftëtar i dalluar i Shaban Polluzhës. Me një luftë të organizuar mirë shkaun e zi mund ta shporrim jashtë trojeve tona!- thoshte me optimizëm dhe kurrë nuk ndalej së vepruar për çështjen madhore kombëtare. 

Kontaktet me atdhetarë të ndryshëm që vepronin në mërgatë e sidomos në Gjermani, si: Sami Berisha, Gëzim Behrami, Besim Rama, Bashkim Demolli, Suzanë Kadriu, Sokol Halili, Ruzhdi Bajrami etj. ia sforconin  deri në ideal të pashuar ndjenjën liridashëse. Ata, vetëm fizikisht ishin atje, sepse me mendje e me zemër ishin në Kosovë, ishin në frontet e luftës, ku po mbëltohej L I R I A...Edhe Lumniu ishte i tillë. Familjen e kishte lënë mënjanë, për të kujdesej i vëllai, Aliu, që gjithashtu ishte në Gjermani.
“Unë jam i vetëdijshëm se familjen po e lë keq, por unë kam vendosur të kthehem. 

Ju e shihni se serbët vijnë nga Vojvodina, Serbia dhe luftojnë në Kosovë në emër të gjoja disa kishave të tyre të shenjta. Po ne shqiptarët, ne ku po mbesim? 

Pse të mos jemi të gatshëm për me i dalë Zot vendit tonë, pse mos me qenë të gatshëm me vdek për tokën tonë, për varret e të parëve tanë, për LIRINË tonë.   
 
Çdo  njeri që ka lind ka me vdek. Nuk ka njeri të pavdekshëm e për mua nuk ka gjë më të shenjtë dhe më mirë se njeriu kur vdes duke i dalë në mbrojtje Popullit dhe Atdheut të vet.

Ju e dini mirë se unë kam shërbyer disa vite në APJ dhe kur filloi lufta në Slloveni, Kroaci e sidomos në Bosnjë e Hercegovinë kam pasur provokime dhe e kam pas jetën në rrezik, kam mundur me vdek në uniformë të vrasësve tanë, por duke  ju falënderuar Zotit e gjakftohtësisë, sot unë jam gjallë.

Jam i lumtur nëse arrij edhe njëherë i gjallë ta shkelë Tokën e Kosovës, për t’u bërë ushtar i popullit tim... 

Shkolla ushtarake e kryer do të  kishte vlerën zero po nuk i dola ndihmë Popullit të Kosovës. Unë për këtë ditë kam jetuar!

Këto ishin fjalët e Lumniut, thënë shokëve, para se të nisej për në  Kosovë..

Falë punës dhe angazhimit të Lumniut, shumë të rinj braktisën luksin perëndimor, jetën e rehatshme në Gjermani dhe ia mësynë fronteve të luftës në Kosovë. 

Ata, pasi ushtronin nëpër poligonet ushtarake shqiptare të Shqipërisë mëmë, kapërcenin kufirin e mallkuar dhe kacafyteshin me bishat serbe. Nuk vonoi, dhe një ditë, edhe vetë u vu në krye të një grupi vullnetarësh dhe u nis drejt Alpeve Shqiptare, ku qëndronin shqipet e lirisë. 

O Zot, sa ishte i gëzuar, sa nuk fluturonte! Kjo qe dita më e gëzuar në jetën e tij. Përkrah kishte edhe trimin e Isniqit, Rrustem Bruçin, i cili la gruan dhe fëmijët, sepse e grishte zëri i atdheut të gjymtuar. Me ta ishin edhe Rrustem Berisha, Agim Ramadani etj. 

Pas përgatitjeve dhe ushtrimeve të nevojshme në Burrel,  kaluan gjarprin e mallkuar që kishte ndarë trupin tonë përmes dhe u futën në tokën që po digjej flakë. Një tufë rrezesh u lëshua mbi Dukagjin. Fillimisht u sistemua në Jasiq, paskëtaj në Prapaçan.

Edhe falangat serbe vinin duke u tërbuar. Betejat nuk kishin të ndalur.

Erdhi edhe 6 korriku i vitit 1998. Vapa përcëllonte si saç i skuqur. Re të zeza vërshuan mbi Loxhë, katund afër Pejës, i cili po mbrohej me plot sukses nga UÇK-ja trime. 

Çlirimtarët tanë kishin bërë benë: o sot, o kurrë! Dhe, bam-bum e bam-bum. Lufta nisi ashpër, gjoks më gjoks e fyt më fyt. Pozicionet e UÇK-së ishin kthyer në bedena të pamposhtur kalaje dhe u përballonin sulmeve të të gjitha armëve të armikut. 

Lumniu ishte komandant Batalioni, në kuadër të të cilit vepronte edhe Njësiti “Komandosët” të Brigadës 134 të Zonës Operative të Dukagjinit. Sakaq, rreth orës 14 e 30 minuta, edhe gjaku i lirisë skuqi tokën mëmë.

 Ra bashkëluftëtari i tij më i ngushtë, Rrustem Bruçi! Pa të nuk më duhet jeta!-tha trimi i Lumkuqit dhe u turr andej nga shtëpia ku kishte ngelur trupi i tij i pajetë. Dhe, pas pak, edhe vetë e fitoi përjetësinë...

Tutje edhe trimi tjetër, Enver Alaj i Drenocit të Deçanit...Tri lule shkëlqenin atë ditë të nxehtë korriku në Loxhën heroike...

Varrimi, rivarrimi, përjetësimi

Rënia e dëshmorit Lumni Surdulli që një humbje madhe për forcën tonë çlirimtare, për familjen, për kosovën, për shqiptarinë.

“Lumniu e deshi Kosovën më shumë se vetveten, dhe nga kjo rrugë askush nuk e ndau, u nis për t’u bërë rreze dielli, lule në pranverë, u nis për të mos u kthyer kurrë më. Kur u fut në Kosovë, u gjunjëzua, e puthi dheun dhe tha: Shokë tash edhe nëse vdes nuk më dhimbset jeta, po e shkeli tokën e Kosovës pas gjashtë viteve”- shkruan Sherif Doda në “Zërin e Kosovës” të datës 6. 07. 1999.
Trupat e  pajetë të dëshmorëve Lumni Surdulli, Rrustem Bruçi dhe Enver Alajt me nderime të larta ushtarake  u varrosën  në fshatin Isniq.

Më 1 shtator 1999, dëshmori Lumni Surdulli, është rivarrosur në  Varrezat e Dëshmorëve në Bletajë të Vushtrrisë

Lavdi për jetë e mot!

Shpëtoni Shqipërinë nga Sorosi dhe Edi Rama !

Nga Flori Bruqi 

Paraditen e sotme, para Shtëpisë së Bardhë në Washington D.C. një grup shoqatash nga komuniteti shqiptar në Amerikë, protestuan kundër instalimit të diktaturës dhe shtetit monist në Shqipëri ku një parti e vetme, ajo socialiste, ka uzurpuar të gjithë institucionet, përfshirë dhe Drejtësinë. Protestojnë edhe për ndonjë zyrtar sporadik që po punon për kryeministrin në Shqipëri.

Ata i kanë bërë thirrje presidentit amerikan  Donald Trump të shpëtojë Shqipërinë nga “spiralja e frikshme e kaosit ku është futur si dhe të mos lejojë segmente të Fondacionit  George Soros që të rikthejë komunizmin në Shqipëri.”

Zhvillimi i votimeve nga kryeministri pa dekret dhe me një parti si në kohën e komunizmit, ka alarmuar shqiptarët e Amerikës. Nuk mund të konceptohet në demokraci të mbështetësh një qeveri e cila uzurpon të gjitha pushtetet derisa arrin të zhvillojë votime pa opozitën përballë.

George Soros, PS dhe Edi Rama peng të spekulantit të tregjeve

Nuk ka më asnjë mëdyshje se Partia Socialiste dhe qeveria e saj është e mbërthyer kokë e këmbë nga George Soros. Pas deklaratës së pak kohëve më parë të këshilltarit të tij, që tregonte se Rama ishte pinjoll i miliarderit, tani dalin në dritë të tjera fakte. Wikileaks ditët e fundit ka publikuar një numër të madh mesazhesh elektronike të shkëmbyera mes George Soros dhe kandidates për Presidente në SHBA, Hillary Clinton, e cila në atë kohë ishte Sekretare e Shtetit. 

Sipas këtyre e-maileve që po i publikon gazeta, Soros tregon lobimet që ka bërë te SHBA dhe BE për Partinë Socialiste si dhe asistencën që ka dhënë gjatë zgjedhjeve të 2009 dhe të 2011. Ai ka treguar se sa thellë i ka shtrirë kthetrat në PS dhe duket s e kjo është arsyeja që sot ai bën ligjin aty. “Fondacioni Shoqëria e Hapur (OSF) ka bërë përpjekje të vazhdueshme për të nxitur politik-bërësit amerikanë dhe të BE që t’i kushtojnë vëmendje krizës politike të viteve 2009 deri 2012, kur partia opozitare socialiste e Edi Rama bojkotoi parlamentin. Ajo që në fillim ishte konsulencë për krizën, u bë më tej një fushatë, teksa tensionet politike vazhduan gjatë asaj periudhe. OSF ishte aktive në tri pika: në situatën pas zgjedhjeve të 2009, kur opozita e atëhershme pretendoi për manipulime, bojkotoi parlamentin dhe nisi grevën e urisë; në vitin 2011, pas zgjedhjeve lokale dhe rezultateve të kontestuara për Tiranën; pas dhunës në demonstratën e vitit 2012”, thuhet në dokument, ku përshkruhet aktiviteti i këtij fondacionit.

Mbështetja në zgjedhje

Në e-mailin e publikuar nga Wikileaks, tregohet dhe si u asistua PS në zgjedhje dhe roli që pati më pas Soros në ardhjen e saj në pushtet. Aty tregohet se lobimi ka qenë shumë i fortë, deri te shtetet anëtare të NATO. “Konsulenca dhe avokatura jonë përfshinte takime me komisionerë dhe liderë të BE, prej cikleve të rregullta të konsulencës vjetore, deri te Parlamenti Evropian, shtetet anëtare dhe NATO. OSF porositi një raport mbi Shqipërinë nga analistët e politikave të jashtme në FRIDE dhe një mbi zgjedhjet nga European Stability Initiative. Patën gjithashtu një përpjekje (të dështuar) për ngritjen e një grupi kontakti me njerëz të njohur për mbrojtjen e çështjes së Shqipërisë, ku përfshiheshin OSF-DC, OSEPI, George Soros dhe Ivan Krastev”, thuhet aty. Më tej theksohet se falë përpjekjeve të Soros u arrit dhe pushteti në 2013. “Zgjedhjet që pasuan dhe periudha aktuale e një stabiliteti relativ erdhën si rezultat i qasjes së shumëfishtë nga OSF. Shqipëria është tashmë në binarë për aprovimin e statusit të vendit kandidat nga Këshilli i Evropës në qershor 2014”, theksohet më tej.

Dëmet e sjella

George Soros i ka rrëfyer Clinton se ai ka bërë një fushatë të hapur për Partinë Socialiste në arenën ndërkombëtare, por që në disa raste ka sjellë dhe pasoja. “Ka një grup konsulentësh të vjetër me akses të nivelit të lartë, u mobilizuan në kohën e duhur për të pasur një impakt. OSF ka qenë shpeshherë në anën e opozitës. Kjo ishte pozita e duhur nga pikëpamja e të drejtave dhe qëndrimit demokratik, por afrimi i OSF me Partinë Socialiste të vendit ka dëmtuar kredibilitetin tonë si me Tiranën ashtu dhe me Brukselin. Por në fund, qëndrimi ynë konsistent dhe aktiviteti në terren (përmirësimi i komunikimeve brenda Partisë Socialiste dhe sjellja e vazhdueshme antagonistë e demokratëve) ndihmuan në ndryshimin e politikave”, thuhet në e-mailet e zbardhura.(Floripress)

***

“Judicial Watch” ka siguruar një material prej 32 faqesh i cili tregon të dhëna se administrata e Presidentit Barak Obama i dërgoi fondet e taksapaguesve të SHBA-së tek një grup i mbështetur nga miliarderi Xhorxh Soros, i cili i përdori paratë për të financuar aktivitetet politike të së majtës në Shqipëri, duke përfshirë edhe punën me qeverinë socialiste për të nxitur edhe më shumë reformën në drejtësi.

Të dhënat gjithashtu detajojnë mënyrën sesi aktivitetet e Soros ndihmuan Departamentin e Shtetit që të rishikojnë aplikimet për grante nga grupe të tjera të fondeve nga taksapaguesit.

Të dhënat u gjetën në një padi të 26 majit 2017, i Aktit për Lirinë e Informacionit (FOIA) kundër Departamentit Amerikan të Shtetit dhe Agjencisë Amerikane për Zhvillim Ndërkombëtar (USAID), pasi të dy nuk arritën t’u përgjigjen më 31 mars 2017 kërkesave të parashtruara.

Dokumentet e reja tregojnë se fondet e USAID-it u kaluan përmes projektit të Shoqërisë Civile të Agjencisë për të mbështetur fondacionet e krahut të majtë në Shqipëri, veçanërisht përpjekjet e operacionit Soros për t’i dhënë qeverisë socialiste kontroll më të madh mbi drejtësinë. Thuhet se USAID ka dhënë 9 milionë dollarë në vitin 2016 në fushatën “Drejtësia për të gjithë”, e cila mbikëqyret nga “East West Management Institute” i Sorosit.

Në mars të vitit 2017, një grup prej gjashtë senatorësh amerikanë të udhëhequr nga Mike Lee, i dërguan një letër Sekretarit të Shtetit të atëhershëm Rex Tillerson, duke i kërkuar që të hetojë akuzat se qeveria amerikane po përdorte fondet e taksapaguesve amerikanë për të ndihmuar Sorosin në Shqipëri.

“Fondacioni Shoqërisë së Hapur – Shqipëri dhe ekspertët e saj, me financim nga USAID, kanë krijuar dokumentin e diskutueshëm Strategjik për Reformën shqiptare në Gjyqësore. Disa liderë besojnë se këto ‘reforma’ kanë për qëllim t’i japin Kryeministrit dhe qeverisë së qendrës së majtë kontroll të plotë mbi gjyqësorin”, thuhet në letër. Në parlamentin shqiptar, liderët e opozitës e kanë quajtur Strategjinë “një reformë e sponsorizuar nga Soros”.

Të dhënat e reja të publikuara nga “Watch Judicial” përfshijnë një memorandum të vitit 2016 nga Ambasada Amerikane në Tiranë, i cili zbulon se ajo “sponsorizoi” një sondazh së bashku me “Fondacionin e Shoqërisë së Hapur” të Sorosit për të matur “njohuritë, mbështetjen dhe pritjet e qytetarëve shqiptarë për reformën e drejtësisë”.

Sondazhi i grupit Soros raportoi se “91% e të anketuarve ose ‘mbështesin plotësisht’ ose ‘e mbështesin disi’ nevojën për reformën në drejtësi”. Por sondazhi nuk specifikon llojin e reformës që grupi Soros po kërkon.
Gjithashtu, të dhënat që datojnë në shkurt 2017 tregojnë se Departamenti i Shtetit ka përdorur fonde të tatimpaguesve për të bashkëfinancuar një sondazh të dytë me “Fondacionin e Shoqërisë së Hapur” mbi reformat në drejtësi, që në thelb do të ngurtësonin kontrollin e majtë të qeverisë shqiptare.

Raporti vë në dukje se Seksioni i Marrëdhënieve Publike të ambasadës amerikane dhe “Fondacioni i Shoqërisë së Hapur” i siguruan fonde një organizate lokale për të kryer një sondazh të opinionit publik mbi qëndrimet ndaj përpjekjeve të Reformës në Drejtësi.

Dokumentet gjithashtu tregojnë se Departamenti i Shtetit i dha organizatës Soros të dhëna të drejtpërdrejta për rishikimet e veta të financimit të programeve në Shqipëri. Po kështu më 10 shkurt 2017, raporti “Angazhimi me Fondacionin e Shoqërisë së Hapur për Shqipërinë” thekson se “si një nga ofruesit më të mëdhenj të ndihmës në Shqipëri, shpesh nga përfaqësuesit e Fondacionit të Shoqërisë së Hapur kërkohet të marrin pjesë në shqyrtimet teknike të aplikimit që ne marrim për financim”.

Ambasadori i SHBA në Shqipëri, Donald Lu, i administratës së Obamës, ka qenë i lidhur ngushtë me Sorosin dhe qeverinë socialiste në Shqipëri. Në maj 2017, Lu ndihmoi të minojë planet e partive opozitare shqiptare për të protestuar ndaj zgjedhjeve të ardhshme parlamentare duke deklaruar se SHBA do të pranonin rezultatet e zgjedhjeve edhe në qoftë se partitë e opozitës refuzonin të merrnin pjesë. Lu është përshkruar në shtypin e SHBA si “një forcë shtytëse prapa e reformës në drejtësinë e Shqipërisë”.

“Administrata e Obamës kaloi në heshtje të paktën 9 milionë dollarë të taksapaguesve amerikanë në bashkëpunim të drejtpërdrejtë me mbështetjen e miliarderit të krahut të majtë George Soros për qeverinë socialiste në Shqipëri. Është mizore që Departamenti i Shtetit lejoi veprimtarinë Soros që të ndihmonte grupe të tjera me fondet e drejtpërdrejta të taksapaguesve amerikanë”, tha presidenti i “Judicial Watch”, Tom Fitton.

“George Soros është një miliarder, dhe ai nuk duhet të marrë mbështetjen e taksapaguesve për të avancuar axhendën e tij radikale të majtë, duke minuar lirinë si këtu brenda SHBA, ashtu edhe jashtë vendit”.
Për raste të ngjashme, “Judicial Watch” kërkon informacion në lidhje me aktivitetet e Soros në Maqedoni, Rumani dhe Kolumbi.

Nga “Zëri Amerikës”/

Disa dhjetëra shqiptarë të Amerikës u mblodhën të dielën në mesditë përpara Shtëpisë së Bardhë për të protestuar kundër qeverisë së Kryeministrit Edi Rama dhe asaj që ata e quajnë ndërhyrje e miliarderit George Soros në punët e Shqipërisë.

Ata iu drejtuan Presidentit amerikan Donald Trump me lutjen që të tregojë vemendje për atë që po ndodh në Shqipëri.

Grupet e shqiptaro-amerikanëve të mbledhur të dielën përpara Shtëpisë së Bardhë për të protestuar, i thanë Zërit të Amerikës se ishin njoftuar përmes rrjeteve sociale për tubimin.

“Nuk jemi pjesë e ndonjë organizate, as e ndonjë partie. Thjesht jemi shqiptarë që na interesojnë të drejtat dhe liritë e popullit tonë, të cilat janë të mohuara nga qeveria aktuale, që është e kapur nga krimi, nga korrupsioni,” thotë Vera Matoshi​ nga Nju Jorku.

Protestuesit mbanin në duar pankarta kundër miliarderit George Soros, që ata thanë se po destabilizon një vend të NATO-s, siç është Shqipëria.

“Ai po ndërhyn në çdo cep. Sipas informacioneve, ka hedhur shumë lekë në reformën në drejtësi, në një reformë që po dështon. Po shikojmë njerëz që po kualifikohen, disa prej të cilëve edhe nuk e meritojnë të kualifikohen,” thotë Ervis Zholi, veprimtar i Degës së Vatrës në Miçigan.

Besnik Xhama nga Nju Xhersi beson se miliarderi George Soros ka ndikuar për vendosjen e një të majte ekstreme në Shqipëri:

“George Sorosi duhet të largohet një orë e më parë nga politika shqiptare sepse ka ndikuar negativisht. Si biznesmen mund të jetë shumë i suksesshëm dhe i respektuar por në politikën shqiptare ka ndikuar shumë keq, sepse ka instaluar të majtën ekstreme.”

I pyetur se ku e shikon ndikimin e Sorosit, ai thotë:

“George Sorosi ka ndikuar në farsën e reformës në drejtësi dhe po instalon njerëzit e Edi Ramës në të gjitha pozicionet kyçe të reformës në drejtësi.”

Të ardhurit ishin kryesisht nga Bostoni, Nju Jorku, Nju Xhersi, Pensivania dhe Miçigani.

“Gjithë Shqipëria ndodhet në një kurth të tmerrshëm nga një mafie që e ka gllabëruar dhe po e vjedh përditë. Është e pamundur që ata të lëvizin. Prandaj kam ardhur t’i kërkoj ndihmë Presidentit Trump. Ai duhet të dërgojë gjykatës dhe prokurorë. Vetëm gjykatës dhe prokurorë amerikanë mund ta ndryshojnë atë vend,” thotë Viron Xhavara, banues në Filadelfia.

Protesta u zhvillua në sheshin përballë Shtëpisë së Bardhë, aty ku normalisht e diela është e mbushur me vizitorë.

Organizata panshqiptare Vatra i tha Zërit të Amerikës se nuk ka marrë pjesë në organizimin e protestës, por shprehu mbështetje për protestuesit, duke dërguar përfaqësuesit e saj. Agim Rexha, nënkryetar i Vatrës, kishte këtë lutje për Presidentin amerikan Donald Trump:

“Të shohë me vemendje çfarë bën Xhorxh Sorosi në Shqipëri. Të shpëtojë Shqipërinë nga ‘Rama Reform’ që po shkatërron drejtësinë shqiptare dhe që e ka lënë pa gjykatën kushtetuese, pa gjykatën e lartë dhe ngadalë pa gjykata.”

Muhamet Omari nga Nju Jorku, thotë se ka disa lutje në adresë së presidentit amerikan:

“Në radhë të parë kërkojmë vendosjen e një ambasadori i cili ta kuptojë politikën shqiptare. Kjo është shumë e rëndësishme sepse shumë të tjerë nuk e kanë kuptuar. Ka filluar një erdoganizëm në politikën shqiptare, duke filluar nga propaganda, nga filmat, nga ekonomia, nga zaptimi i bankave dhe i ushtrisë. E gjithë kjo në Shqipëri, po bëhet jashtë vemendjes së politikës amerikane.”

Protesta u zhvillua e qetë dhe zgjati rreth një orë./VOA/

Gjykata e Lartë drejt uzurpimit nga Kryeministri

Ajo që po ndodhë këto ditë me reformën në drejtësi është shfaqja më e qartë se ky proces formalisht ka miratimin e ndërkombëtarëve, ndërsa hartuesit dhe zbatuesit e saj janë vetëm përfaqësuesit e qeverisë “Rama”. Më saktë Edi Rama, si kryeministër, e kontrollon gjithë procesin e emërimëve dhe shkarkimëve.

Për të justifikuar gjithë krizën politike dhe ngërçin që ka krijuar me zhbërjen e Gjykatës së Lartë dhe Gjykatës Kushtetuese, Edi Rama u ka premtuar ambasadorëve se do t’i ngrejë të dy këto institucione në kohë rekord, duke zbatuar sa më shpejt ligjet.

Termi “zbatim i ligjeve” është vetëm një mashtrim ndaj ndërkombëtarëve, sepse qeveria, juristët e PS dhe një pjesë e ekspertëve të reformës në drejtësi, po i modifikojnë dhe shkelin ligjet që janë miratuar me konsensus mes mazhorancës dhe opozitës tre vjet më parë. E thënë thjesht, qeveria “Rama” po i zbaton ligjet e reformës në drejtësi duke shpikur skema të reja, të cilat jo vetëm nuk garantojnë pavarësinë që duan ndërkombëtarët, por e kapin përfundimisht drejtësinë nga një grup njerëzish në Partinë Socialiste.

Imagjinoni të fusë duart në Reformën në Drejtësi një njeri si Ylsi Manja, që u kap nga BILD në blerjen e votave në Dibër!

Rasti më flagrant është mënyra antiligjore me të cilën po tentohet të ngrihet Gjykata e Lartë. Institucioni më i rëndësishëm i drejtësisë sot ka mbetur vetëm me dy anëtarë dhe nuk merr dot asnjë vendim. Në këtë gjykatë janë gati 32 mijë dosje që presin radhën për gjykim dhe vonesat dëmtojnë direkt qytetarët shqiptarë.

Bile nga kjo vonesë po përfitojnë disa banda kriminale të rrezikshme, të cilat lirohen nga mos funksionimi i gjykatës së lartë. A është kjo lojë si një pazar mes qeverisë dhe bandave kryesore kriminale që përfitojnë ligjërisht nga mosngritja e gjykatës së lartë?!

Fakte nuk kemi, por fakti është sa një mal para!

Për shkak se në tre vjet qeveria dhe institucionet e pavarura që kanë marrë përsipër zbatimin e reformës në drejtësi nuk kanë bërë asgjë që kjo gjykatë të plotësohej me gjyqtarë me integritet, nën presionin e ndërkombëtarëve për rezultate, PS dhe kryeministri kanë gjetur një skemë të re antiligjore. Konkretisht propozimi më i fundit kërkon që meqënëse procesi i vetingut dhe kandidaturat për këtë gjykatë po vonohet pa afat, atëhere Gjykata e Lartë duhet të plotësohet me gjyqtarë të përkohshëm.

Pra, gjyqtarë të Apelit ose gjykatave të tjera nuk do të zgjidhen në Gjykatën e Lartë sipas ligjeve të reformës dhe Kushtetutës, por do të delegohen! Do të kryejnë të njëjtat funksione si anëtarët e rregullt të Gjykatës së Lartë, vetëm se do të jenë të “deleguar” dhe jo të zgjedhur siç parashikojnë ligjet e reformës në drejtësi dhe Kushtetua. Në këtë rast, termi shkelje ligjore është pak. Ajo që ka ndërmend të bëjë qeveria “Rama” me anë të Këshillit të Lartë Gjyqësor është rrëzim i gjithë reformës dhe kthimi i kësaj gjykate në aneks të qeverisë. Sepse delegimi është koncept që nuk ka lidhje me drejtësinë. Detyrat delegohen në politikë, por jo në gjykatën më të rëndësishme në vend.

Fatkeqësisht këtë shkelje ligjore e kanë miratuar dhe ndërkombëtarët dhe e quajnë zhvillim normal. EURALIUS, misioni që jep rekomandime për reformën e ka përkrahur skemën e delegimit të gjyqtarëve, një term që nuk e kanë as gjykatat e ulëta në vendet të botës së tretë dhe jo më Gjykata e Lartë që duhet të ngrihej sipas ligjit. Për të kuptuar qytetarët se çfarë do të thotë kjo që kanë ndër mend të bëjnë më Gjykatën e Lartë me delegim gjyqtarësh, mjafton të sjellim në vëmendje procedurat që u ndoqën për Prokuroren e Përgjithshme.

Për shkak se Parlamenti që ka shumicën e PS nuk kishte zbatuar ligjet e reformës dhe Prokurorit të Përgjithshëm i mbaroi mandati, Edi Rama me anë të Ulsi Manjës, propozoi që prokurori i ri të zgjidhej përkohësisht me shumicë të thjeshtë, sa të miratoheshin gjithë aktet ligjore. Ky ishte karremi që Rama përdori ndaj ndërkombëtarëve duke thënë se prokurori i ri do qëndronte maksimumi tre muaj dhe pa kompetenca të plota në detyrë. PS zgjodhi me 69 vota Arta Marku nga 84 vota që përcakton kushtetuta duke marrë dhe miratimin e ndërkombëtarëve.

Sot kanë kaluar dy vjet nga ky vendim dhe Arta Marku vijon të jetë Prokurore e Përgjithshme, e Përkohshme, pa kaluar në filtrat e reformës në drejtësi dhe me kompetenca të plota në detyrë. Prokurori që sipas reformës në drejtësi duhej zgjedhur me standarde të tjera ligjore duket ende shumë larg, ndaj sot ndërkombëtarët janë bindur se Prokurorja e Përgjithshme nuk është më e përkohshme dhe as e paanshme, por nuk kanë ndërmend të flasin.

Heshtje nga mosdija apo nga përzierja me kryeministrin dhe ndonjë ndërkombëtar që shi “lëmin e grurit” në Shqipëri?! Aq me tepër se në Tiranë ka patur shumë prodhime “gruri” nga kanabisi rilindas!

E njëjta skemë po vihet në zbatim dhe me Gjykatën e Lartë e ku ka mundësi delegimi të përdoret më pas dhe në Gjykatën Kushtetuese. Në këtë mënyrë nuk ka më reformë, por një drejtësi që po kalon e gjithë në duart e Ramës dhe çuditërisht me heshtjen e ndërkombëtarëve.

Po si funksion skema derisa arrrin dhe merr mbështetjen e ndërkombëtarëve? Propozimet për reformën jepen nga grupi i ekspertëve të cilët janë pjesë e shoqatave të shoqërisë që njihen si mbështetës të Edi Ramës. Pra, juristët e Edi Ramës marrin udhëzimet sesi duhet bërë reforma dhe më pas ua kalojnë si mendime të “pavarura” ekspertëve të huaj të EURALIUS.

Këta, të fundit që duket se nuk kuptojnë sesi funksionojnë ekspertët në Shqipëri, u fusin një të përkthyer dhe i dërgojnë në emër të tyre te Këshilli i Lartë Gjyqësor dhe institucionet e tjera, si qëndrime të ndërkombëtarëve. Në fund Edi Rama del dhe thotë se “unë nuk kam asgjë në dorë, kështu e duan ndërkombëtarët”. Është një skemë që nis nga zyrat e Ramës dhe në fund vjen te Rama si qëndrim ekspertësh ndërkombëtarë. Kështu e zgjodhi dhe Ulsi Manja, Prokuroren e Përgjithshme, me një letër pa firmë dhe vulë nga ekspertët e huaj që thoshin të njëjtën gjë që kish thënë Edi Rama.

Në këtë histori, ndërkombëtarët ose janë të manipuluar, ose u ka ardhur në maj të hundës që ende pas tre vjetësh nuk kanë asnjë produkt nga reforma dhe po mbyllin sytë. Në të dyja rastet, qëndrimi i tyre në vend të sjellë një reformë të paanshme po i dorëzon Edi Ramës kontrollin mbi sistemin e drejtësisë duke e zhbërë gjithë reformën në drejtësi. Shqipërisë nuk i duhet një reformë e manipuluar nga qeveria dhe as një reformë që duhet bërë vetëm që ndërkombëtarët të mos pranojnë se gabuan që ia besuan gjithçka ekspertëve të Ramës.

Vendit i duhet një reformë që mbi të gjitha funksionon e pavarur. Deri më sot kjo gjë nuk është garantuar. Pas Prokurorisë qeveria po fut duart te Gjykata e Lartë, e cila nuk ka vetëm dosje qytetarësh, por edhe proceset ministrave dhe ish-ministrave të qeverisë.

Ndërkombëtarë të Reformës, lutemi të jeni korrekt dhe njëkohësisht vigjilentë, pasi me njëmijë fije kryeministri po e kap krejt Reformën në Drejtësi, çka do ishte fatale për shqiptarët që mezi presin këtë Reformë. Por fatale edhe për emrin Tuaj.

Mili Xhani

SOKOL BALLA THOTË EMRIN QË KA SALI BERISHA PËR TË MARRË KREUN E PD: ËSHTË JORIDA TABAKU, TË PRESIN NJË MUAJ…



Real Story që drejtohet nga Sokol Balla ka publikuar një artikull me titull “PD i duhet të presë (sa të lindë Jorida)” ku projekton pikërisht zonjën Tabaku në krye të Partisë Demokratike.

Sipas tij, ky është emri që ka në kokë Berisha dhe PD duhet të presë një muaj, referuar kështu faktit që demokratja është në muajin e fundit të shtatzënisë. 
"Ish nënkryetarja sharmante e bashkisë dhe e grupit parlamentar, është në muajin e saj të fundit të shtatzënisë. Ajo është fytyra që mund ta rifuste PD jo në sistem, por në preferencat e shqiptarëve, të lodhur me Viçidolin, Vuthajn dhe Shkodrën, si trekëndëshin nga duhet të dalë patjetër lideri i të djathtës. Jo. Zemra e demokracisë është Tirana. Dhe Jorida është tironse dhe “le e rrit n’tironë”.
Dhe ndër të tjera ky emër është lajm i keq për Ramën. Mazhoranca e tij ka mbijetuar edhe falë mediokritetit të fytyrave të opozitës. Por Jorida ngrihej gjithmonë mbi ta. Me zërin e qetë, veshjet elegante dhe manierat qytetare. Për më tepër me marrëdhënie të shkëlqyera me amerikanët", shkruhet ndër të tjera në artikull.

PJESË NGA ARTIKULLI:


Të kota duken klithmat e ilir Metës në konferenca për shtyp për Mikun e tij. As paralajmërimet indirekte se ashtu siç lexoi mesazhin privat të Ramës, mund të lexojë dhe mesazhe të tjera. Tashmë Berisha ka lidhur sërish fatin e tij dhe të familjarëve të tij me amerikanët. Me një dinakëri të pashoq, edhe me PD. Tashmë atij nuk i duhet më Basha.
Realstory.al ka mësuar se Berisha tashmë e ka një emër në kokë. Dhe ai nuk është Nishani. Jo se nuk është besniku i  tij, por sepse ai erdhi në atë post në PD, edhe si investim i Metës, si garanci që Basha të mos bënte asnjë Pazar të ri me Ramën. PD i duhet një fytyre e re, qytetare, normale, mundësisht femër. Topalli? Do ishte kthim prapa. Burime diplomatike kanë konfirmuar për faqen tonë se një emër që ka filluar të bëjë lojën e saj është një ish kandidate tërheqëse për bashkiake në 2015. 

Por Berisha nuk e quan atë të përshtatshme. Në sytë e tij është vetëm një emër: Jorida Tabaku.
Ish nënkryetarja sharmante e bashkisë dhe e grupit parlamentar, është në muajin e saj të fundit të shtatzënisë. Ajo është fytyra që mund ta rifuste PD jo në sistem, por në preferencat e shqiptarëve, të lodhur me Viçidolin, Vuthajn dhe Shkodrën, si trekëndëshin nga duhet të dalë patjetër lideri i të djathtës. Jo. Zemra e demokracisë është Tirana. Dhe Jorida është tironse dhe “le e rrit n’tironë”.
Dhe ndër të tjera ky emër është lajm i keq për Ramën. Mazhoranca e tij ka mbijetuar edhe falë mediokritetit të fytyrave të opozitës. Por Jorida ngrihej gjithmonë mbi ta. Me zërin e qetë, veshjet elegante dhe manierat qytetare. Për më tepër me marrëdhënie të shkëlqyera me amerikanët. Për Ramën Basha ka qenë dhuratë nga zoti në këto 7 vjet. Realstory.al pat njoftuar për një plan të maxhorancës për të ofruar një plan që ta shpëtonte Bashën. Sidomos pasi Realstory.al ka mësuar se Basha i nxitur nga po ata njerëz që e hodhën në aventurën e 16 shkurtit, kësaj radhe nuk do iki me një fishkëllimë por do të rezistojë. Nuk do të japë dorëheqjen edhe po t’ia kërkojë Berisha, por do kërkojë garë. Garë ku Rama ka në dorë të ndihmojë.

Por këtu ka hasur sërish në një pengese. Të autoreve të vërtetë të krizës: amerikanëve. Me të cilët duket Basha i ka mbyllur hesapet. Po ashtu dhe Berisha, por në një mënyrë tjetër. Tani Ramës i është thënë të rrijë urtë e të presë me kë lider do bëjë tratativa potenciale në të ardhmen. Tani Ramës i duhet të presë, së bashku me pjesën tjetër të PD. Të Presë një muaj.
Sa të lindë Jorida.

*****

Jorida Tabaku është politikane shqiptare, deputete e Partisë Demokratike në Kuvendin e Shqipërisë.

 Ajo ishte Zëvendësministre e Integrimit Europian nga viti 2009 deri në 2011 dhe Nënkryetare e Bashkisë së Tiranës nga viti 2011 deri në 2013.


Jorida Tabaku, është diplomuar me rezultate të shkëlqyera për Administrim Biznesi në Fakultetin Ekonomik në Universitetin e Tiranës.

Ka kryer studimet pasuniversitare në Angli dhe SHBA. Mban gradën Doktore e Shkencave në ekonomi.


Duke filluar nga 2002, Jorida ka qenë pedagoge në Fakultetin e Ekonomisë dhe bashkëautore e tekstit shkollor universitar mbi Qeverisjen e Korporatave. 

Jorida ka qenë Drejtore Ekzekutive e SIFE Shqipëri (Studentët në Sipërmarrje të Lirë) dhe u angazhua në mënyrë aktive në aktivitetet e shoqërisë civile. 

 Në vitin 2005, menjëherë pas mbarimit të studimeve pasuniversitare në Britani të Madhe, Jorida u punësua si një konsulent lokal në projektin e DFID-it për Forcimin e menaxhimit të shpenzimeve publike në Shqipëri, i zbatuar nga REPIM, duke punuar ngushtë me Parlamentin në analizën e buxhetit, dhe me Ministria e Financave dhe ministritë e linjës në procesin e përgatitjes dhe zbatimit të buxhetit.

 Gjatë kësaj periudhe ajo ka marrë pjesë në studime të ndryshme hulumtuese dhe botuar artikuj në revista akademike kombëtare dhe ndërkombëtare në fushën e sipërmarrjes, qeverisjes së korporatave, financimin e institucioneve të arsimit të lartë, procesin e privatizimit, menaxhimin financiar publik, etj

Në vitin 2009, Jorida u emërua Zëvendës Ministre e Integrimit Evropian, një pozicion që ajo e mbajti deri në mes të vitit 2011. 

Në Ministrinë e Integrimit Evropian Jorida ishte përgjegjëse për koordinimin e mbështetjes financiare të BE-së dhe duke ndjekur me prioritet agjendën politike të integrimit evropian. Nën drejtimin e saj Ministria krijoi strukturat e nevojshme përgjegjëse për decentralizimin e fondeve të BE-së. Ajo ishte e angazhuar veçanërisht në pyetësorin e BE-së dhe përgatitjen e planit të veprimit mbi 12 prioritetet.

Në 2011, Jorida kryesoi listën e anëtarëve të Këshillit Bashkiak të Tiranës për Partinë Demokratike të Shqipërisë, dhe në korrik 2011 ajo u emërua nënkryetare e Bashkisë së Tiranës. 

Gjatë dy viteve që ajo punoi për Bashkinë e Tiranës ajo u përfshi në mënyrë aktive në hartimin e Planit Urban të Tiranës, në mënyrë të veçantë në zhvillimin e lagjeve të vjetra të Tiranës, ende të banuara nga familje autoktone të Tiranës. 

Si Nënkryetare e Bashkisë së Tiranës, Jorida udhëhoqi procesin e planifikimit të investimeve në kryeqytet, Zhvillimin Ekonomik Lokal dhe Menaxhimin Financiar. 

Ajo punoi intensivisht për paketën e re fiskale dhe politikat e nxitjes së sipërmarrjeve dhe dheb të punësimit, veçanërisht për të rinjtë.

Në zgjedhjet parlamentare të Shqipërisë të vitit 2013, Jorida u zgjodh anëtare e Parlamentit të Shqipërisë në kryeqytetin e Tiranës, duke përfaqësuar Partinë Demokratike të Shqipërisë. Ajo është zëdhënëse e Grupit Parlamentar të Partisl Demokratike dhe anëtare e Komisioneve Parlamentare të Ekonomisë dhe Financave dhe Integrimi Evropian.

FLORI BRUQI

GAZETARI BËN DEKLARATËN E FORTË:PRESIDENTI SHQIPTAR ILIR META ËSHTË KËRCËNUAR...ME VRASJE...

I ftuar në emisonin “Zonë e lirë”, analisti Curri komentoi deklaratën e Metës ku i bëri thrrje Presidentit të Amerikës që të hedhë sytë nga Shqipëria pasi po e shtypin të majtët.
“Ai është politikan i vjetër, nuk trembet nga një ortek… Unë e shikoj realitetin shqiptar si një ripërsëritje në miniaturë të konfliktit të dy Amerikave që ndodhin atje, të asaj liberaliste dhe të konservatorëve të djathtë. Meta do vrasë jo dikë, por disa, metaforikisht. Shqetësimi i tij dhe i njerëzve që qëndrojnë pas tij, Meta është duke mbajtur anën e Trump. Meta është kërcënuar. Vetëm një person i kërcënuar flet me një gjuhë të tillë”, tha Curri.

NJË DITË PARA PROTESTËS, BASHA THIRRJE QYTETARËVE: TË BASHKOHEMI NË TIRANË SI NJERËZ TË LIRË

Një ditë para protestës së paralajmëruar kombëtare, kreu i PD-së Lulzim Basha i ka bërë thirrje qytetarëve të bashkohen në Tiranë.

Me anë të një videoje, Basha kërkon largimin e kryeministrit Edi Rama, ndërkohë që thekson se nuk do të bëjë asnjë hap pas.
'Nesër me #8korrik në orën 20:00, bashkohemi të gjithë në Tiranë si njerëz të lirë me dinjitet, prindër, motra, vëllezër, bij e bija shqiptarësh kurajozë, të gjithë bashkë
kundër diktaturës së krimit, në mbrojtje të lirisë dhe dinjitetit, për familjet dhe fëmijët tuaj, për #ShqipëriaSiEuropa! Asnjë hap pas! #RamaIk', shkruan kreu i demokratëve.