Vihet në dyshim shtetësia e Kosovës në dokumentin e nënshkruar për linjën Prishtinë-Beograd

Nga Flori Bruqi

Marrëveshja , që synon rihapjen e linjës ajrore Prishtinë-Beograd, u nënshkrua në Berlin në ambasadën e SHBA. Fluturimet Prishtinë-Beograd dhe anasjelltas në të ardhmën do të realizohen nga kompania gjermane Lufthansa.

Në Kosovë dy udhëheqësit më të lartë të shtetit, Presidenti Hashim Thaçi dhe kryemnistri në largim Ramush Haradanaj e mirëpritën nënshkrimin e marrëveshjes në Berlin, me të cilën synohet rihapja e linjës ajrore Prishtinë-Beograd. Marrëveshja u nënshkrua në ambasadën e SHBA-së në Berlin, nga sekretari shtetëror në Ministrinë serbe të Ekonomisë Milun Trivunaç, dhe Eset Berisha drejtor i Autoritetit të Aviacionit Civil të Kosovës. Në ceremoninë e nënshkrimit ndërmjetësues ishin ambasadori i SHBA-së në Berlin, Richard Grenell që është edhe i dërguar special i presidentit Donald Trump për bisedimet Kosovë-Serbi, si dhe këshilltari amerikan për Siguri Kombëtare, Robert O'Brien.

Presidenti i Kosovës, Hashim Thaçi, mirëpriti kërkesën për hapjen e linjës ajrore Prishtinë-Beograd. Thaçi e cilësoi "një hap të rëndësishëm në procesin e normalizimit të marrëdhënieve në mes të të dyja vendeve”.

"Unë mirëpres kërkesën e Lufthansa-s për të hapur një linjë ajrore midis Prishtinës dhe Beogradit. Ky është një hap i rëndësishëm për lëvizjen e qytetarëve dhe procesin e normalizimit. I jam mirënjohës këshilltarit Robert O'Brien dhe ambasadorit Richard Grenell për çuarjen përpara të këtij procesi”, shkroi Thaçi në profilin e tij në facebook.

Në këtë linjë ishte  shprehur  edhe ish  kryeministri i Kosovës,zt. Ramush Haradinaj.

"Nisma për hapjen e linjës së tretë civile ajrore për fluturime komerciale me Serbinë, pas Shqipërisë dhe Maqedonisë së Veriut, është një hap i madh në përparimin e marrëdhënieve të mira fqinjësore dhe konsolidimin e sovranitetit të Kosovës”, shkroi Haradinaj në Twitter.

Ndërkohë, drejtori i Autoritetit të Aviacionit Civil të Kosovës, Eset Berisha, ka thënë se me nënshkrimin e kërkesës së sotme për rihapjen e linjës ajrore Prishtinë-Beograd, vendoset kontakti mes dy autoriteteve të aviacionit civil, atij të Kosovës dhe atij të Serbisë si partnerë të barabartë.

"Ky është hap i parë drejt normalizimit të plotë të hapësirës ajrore të Kosovës dhe hapjen e korridoreve ajrore me të gjitha shtetet përreth saj. Nga kjo do të përfitojnë më së shumti qytetarët e Kosovës që shfrytëzojnë shërbimet e Aeroportit të Prishtinës”, citojnë mediet lokale të ketë thënë Eset Berisha.

Nga ana tjetër, mediet në Serbi citojnë drejtorin e zyrës për Kosovën në qeverinë e Serbisë, Marko Gjuriç, të ketë thënë se "linja ajrore mund të jetësohet pas heqjes së takasave nga qeveria e Kosovës për prodhimet e Serbisë dhe pas rifillimit të dialogut Beograd-Prishtinë”.

Pas nënshkrimit të marrëveshjes dhe kërkesës për rihapjen e linjës ajrore Prishtinë-Beograd, i menjëhershëm ishte edhe reagimi i Sekretarit të Përgjithshëm të NATO-s Jens Stoltenberg. Hapësira ajrore e Kosovës, ende kontrollohet nga NATO, përkatësisht nga trupat e KFOR-it, ndonëse Kosova e ka shpallur pavarësinë që në vitin 2008.

"Ky është një hap i rëndësishëm që do të lehtësojë lëvizjen e njerëzve dhe mallrave në rajonin e Ballkanit Perëndimor. Komandanti i misionit tonë të KFOR-it mban autoritetin për hapësirën ajrore të Kosovës sipas Rezolutës 1244 të Këshillit të Sigurimit të Kombeve të Bashkuara. NATO-ja do të mbetet e përfshirë në procesin e gjatë të normalizimit të trafikut ajror në Ballkan”, thuhet në reagimin e zotit Stoltenberg.

Ambasadori amerikan në Berlin Richard Grenell, që është i dërguar i posaqëm i Presidentit amerikan Donald Tramp në dialogun Kosovë-Serbi e që thuhet se ndërmjetësoi marrëveshjen e sotme, shkroi në Twitter se "presidenti amerikan, Donald Trump, edhe një herë tjetër na mundësoi një fitore historike. Kosova dhe Serbia sot nënshkruan një marrëveshje për të vendosur fluturimin e parë ndërmjet Prishtinës dhe Beogradit në 21 vjet”.

 Aleksandër Vuçiq: 

S’donim që Air Serbia të bëjë marrëveshje me Aeroportin Adem Jashari

Aleksander VuçiqAi ka thënë se me këtë marrëveshje është evituar njohja e pavarësisë së Kosovës. Vuçiq që është kritikuar se pse kompania Air Serbia nuk do të jetë operatori por kompania gjermane, ka thënë se në këtë mënyrë është evituar njohja e Kosovës.


Presidenti i Serbisë Aleksandar Vuçiq e ka komentuar nga Zvicra marrëveshjen Kosovë – Serbi të nënshkruar në Berlin për vendosjen e një linjë fluturimi në relacionin Prishtinë – Beograd.


Ai ka thënë se me këtë marrëveshje është evituar njohja e pavarësisë së Kosovës. Vuçiq që është kritikuar se pse kompania Air Serbia nuk do të jetë operatori por kompania gjermane, ka thënë se në këtë mënyrë është evituar njohja e Kosovës.

“Air Serbia do duhej të nënshkruante të gjitha dokumentet me shtetin e Kosovës. Do të duhej të bënte marrëveshje me aeroportin Adem Jashari, por edhe me Kosovën si shtet, do duhej ta pranonim se hapësira ajrore nuk është nën kontrollin tonë. Për këtë ne kërkuam dhe luftuam që ta involvojmë KFOR’in, ta kemi një ndërmjetës që me rezolutën e OKB’së është përgjegjës për atë hapësirë” ka thënë Vuçiq.

Shtetësia e Kosovës vihet në dyshim në dokumentin të cilin pala kosovare e ka nënshkruar në Berlin për linjën direkte mes Prishtinës dhe Beogradit.

Që në fillim të letrës së nënshkruar nga Kosova me tri palë të tjera, Autoriteti i Aviacionit Civil TË Kosovës, quhet Autoriteti i Aviacionit Civil NË Kosovë.

Dokumenti i përmbledhur në më pak se dy faqe, të cilin e posedon Kohavisioni e që u nënshkrua në Berlin, në fakt është një marrëveshje ndërmjet 4 institucioneve, Kompanisë Ajrore Lufthansa, Aeroporti Ndërkombëtar të Prishtinës, KFOR-it dhe Autoriteti Civil të Kosovës.

Kjo tregon se autoritetet kosovare dhe serbe kanë nënshkruar dy letra të ndryshme specifike për punët e tyre.

Aty flitet për krijimin e një linje speciale ndërmjet Prishtinës e Beogradit, duke i anashkaluar termet shtetërore.

Derisa është anashkaluar edhe termi ASHNA, që nënkupton Agjencinë Shtetërore të Navigimit, duke e përmendur vetëm Njësia e Trafikut Ajror, term ky që është përdorur para se Kosova ta marrë shtetësinë.

“Palët shprehin interesin për të themeluar linjën ajrore speciale Beograd-Prishtinë. Njësiti i Kontrollit të Trafikut Ajror në Aeroportin e Prishtinës është autoriteti kompetent për ofrimin e shërbimeve të tilla brenda Sektorit të KFOR-it. KFOR-i është autoriteti kompetent për të siguruar mbikëqyrjen se kushtet e shërbimeve të ATC-së brenda Sektorit të KFOR-it po kryhen në mënyrë të sigurt. Njësiti i ATC-së në Aeroportin e Prishtinës do të ofrojë shërbimet e ATC-së për të gjithë avionët e EuroWings the transportuesit e Lufthansa Group, brenda hapësirës ajrore të KFOR-it. Komunikimi direkt do të zhvillohet ndërmjet ofruesve të shërbimeve në aeroporte, përfshirë ofruesit e ATC-së në aeroportin e Beogradit, ose ndonjë ATC tjetër të nevojshëm”, thuhet në dokument.

Tutje, marrëveshja thotë se institucionet e Kosovës, në përputhje me Marrëveshjen për këtë linjë speciale, do t’u mundësojnë EuroWings-it dhe transportuesve të Lufthansa Group, të paraqesin planin e fluturimeve, duke përdorur kodin ICAO të BKPR-së për shërbimet ndërmjet Prishtinës dhe Beogradit.

“Autorizimet respektive për hapësirën ajrore do të mbesin në fuqi pa ndonjë aprovim shtesë. Pëlqimi kërkon regjistrimin e nevojshëm të lejes së lëshuar nga Agjencia e Aviacionit Civil në Kosovë, i cili nuk duhet të refuzohet nëse Eurowings ose transportuesit e Lufthansa Group janë në gjendje të prezantojnë dokumentacion ajror relevant”, theksohet më tej në dokument.

Ndërsa, theksohet se Shërbimet duhet të përfshijnë që pasagjerët do t’u nënshtrohen të gjitha procedurave, bazuar në marrëveshjen për lirinë e lëvizjes dhe Marrëveshjen e IBM-së, e arritur në dialogun Beograd – Prishtinë.

Kjo nënkupton se pasagjerët e kësaj linje do të mund të lëvizin me letërnjoftime, sikurse në secilën pikë tjetër kufitare mes shteteve, pasi që kjo ishte arritja e marrëveshjes në Bruksel për lëvizjen e lirë.

Autoriteti i Aviacionit Civil të Kosovës dhe Aeroporti i Prishtinës janë dakorduar se shërbimet ndërmjet Beogradit dhe Prishtinës dhe anasjelltas, duhet të operojnë pa ndonjë taksë shtesë ose pagesë, thuhet në marrëveshje.

Aty përmendet edhe mundësia e përdorimit të kodeve të dyfishta.

“Paraqitja e ‘kodeve të dyfishta’ e transportuesve me Lufthansa Group për shërbimet respektive duhet të sigurohet në çfarëdo kohe, duke u bazuar në përmbushjen e të gjitha kushteve. Autoriteti i Aviacionit Civil në Kosovë është në dijeni se EuroWings ose transportuesit e Lufthansa Group kanë të drejtë të përdorin shërbimet nga partnerët e tjerë ajrorë për këtë linjë, me dijeninë paraprake të autoriteteve”.

Në fund të letrës, përmendet se Autoriteti i Aviacionit Civil në Kosovë dhe KFOR-i duhet të bëjnë një marrëveshje, e cila siguron zbatimin e kësaj linje, duke ritheksuar edhe një herë autoritetin e KFOR-it mbi hapësirën ajrore.

“Në secilin rast, KFOR-i vazhdon të ketë autoritet në hapësirën ajrore të Kosovës, në pajtim me marrëveshjet e Misionit të NATO-së në Kosovë. Bazuar në Marrëveshjen, Autoriteti i Aviacionit Civil në Kosovë dhe KFOR-i do të harmonizojnë dhe nënshkruajnë Procedurën e Koordinimit në ekzekutimin e fluturimeve, bazuar në BPSAR. Në çdo kohë, Autoriteti i Aviacionit Civil në Kosovë, Aeroporti i Prishtinës dhe KFOR-i, sigurojnë operime të sigurta të fluturimeve, përfshirë aterrimet e fluturimeve të BPSAR”, përfundon dokumenti.

Kosova e Serbia janë pajtuar t’i nisin procedurat për një linjë direkte fluturimi mes shteteve e kështu, të hapet korridori ajror, të cilin Serbia e ka penguar që nga paslufta.

Çetniku serb Sllobodan Millosheviqi s’e donte ndarjen e Kosovës me Rugovën, por me Tiranën

 Nebojshja Çoviq ka folur për ato që ai i ka quajtur marrëveshjen sekrete të Ibrahim Rugovës me Bill Clintonin, planet e Slobodan Milosheviqit për ndarje të Kosovës si dhe për modelet e Zoran Gjingjiqit për zgjidhjen e çështjes së Kosovës, transmeton Koha.net.

Sipas fjalëve të tij, në vitet 1990/1991, kur u shqyrtua situata komplete në rajon dhe në hapësirën e ish- RSFJ-së, kur erdhi Komisioni i Badinterit, ka pasur fjalë rreth vendosjes së kufijve dhe ndarjes së Kosovës, ndërsa për ndarje Milloshevqi kishte thënë se e përkrah këtë ide porse se ishe herët për të.

“Milosheviqi kishte thënë se për ndarje nuk dëshiron të merret vesh me Ibrahim Rugovën por me Tiranën. Ajo që u bë atëherë ishte gabim, sepse Milosheviqi mendoi se me forcë dhe me qendra të vogla të pushtetit do ta mbante nën kontroll Kosovën”, ka thënë Çoviq në televizionin serb Happy.

Çoviq ka përkujtuar se me shqiptarët e ka kaluar luftën dhe konfliktet në Luginën e Preshevës.

“Vetë shqiptarët pa përkrahje nuk janë fare problem. Ata me përkrahjen e madhe të SHBA-së e të BE-së hynë në luftë me Serbinë dhe e shkatërruan Serbinë. Për gjoja mbrojtjen e të drejtave të njeriut. Ky është mashtrim, pasi fjala është për marrëveshje sekrete. Rugova dhe njerëzit e tij, bashkë me Bill Clintonin dhe njerëzit e tij në vitin 1998 bënë skenarin... Ata ushtruan një vit për ta shpikur katastrofën humanitare”, ka thënë ai.

Ish -politikani serb Nebojsha Çoviq, i dyshuar për keqpërdorime fondesh me dedikim për serbët në Kosovë, ka lavdëruar përpjekjet e kreut shtetëror të Serbisë si dhe vizitën e fundit të Vuçiqit në Kosovë.

Ai ka shtuar se në këto hapësira po ndodh ndeshja e dy superfuqive – Amerikës e Rusisë.

“Diku në shkurtin vitit 2003, ish - kryeministri i Serbisë Zoran Gjingjiq, i dërgoi një letër anëtarëve të Këshillit të Sigurimit, Bushit, Putinit e Blairit me shumë gjëra konkrete. Një propozim ka qenë organizimi i Kosovës në formën e mini federalizmit me mbrojtje të përhershme të trashëgimisë sonë kulturore. Modeli i dytë ka qenë ai i Qipros me variantin e demarkacionit por pa ndryshim kufijsh. Nëse këto dy modele dështojnë, atëherë në konsiderim do të vinin bisedimet për caktimin e kufijve dhe për ndarje”, ka thënë Çoviq i cili Kushtetutën e Kaçanikut të vitit 1990 e sheh si paralajmërim për hyrje të sigurt në luftë.

Çoviq në fund i është ankuar se sa herë shqiptarët e serbët fillojnë bisedat për ndonjë marrëveshje, ndërhyn faktori ndërkombëtar dhe nuk e lejon marrëveshjen.

Ambasadorit Richard Grenell : Kosova për dialogun kërcënohet, kurse Serbia ledhatohet

Rexhep Torte

I nderuari z. Richard Grenell, e dini shumë mirë se diplomacia është si shtëpia që duhet ndërtuar nga themelet e jo nga çatia.

Më shumë se gjysëm shekulli ndodhem në valët e gazetarisë, i kam lexuar edhe tre librat voluminozë të Historisë së Diplomacisë dhe jam duke i ndjekur me vëmëndje zhvillimet gjeostrategjike e politike të kohës.



Richard Grenell, emisar i Presidentit Donald Trump për dialogun Prishtinë-Beograd

Në janar dhe shkurt të vitit 2020 patën jehonë të madhe lajmet për linjën ajrore dhe linjën hekurudhore e autostradave ndërmjet Prishtinës dhe Beogradit, me theks se kjo do të jetë në të mirë të Kosovës dhe Serbisë, me çka do të forcohet ekonomia dhe do te hapen vende të reja pune.

Kemi përshtypjen se me këto veprime zgjidhja e problemeve ka filluar nga bishti e jo nga koka.

E dini fort mirë se Serbia në vitet 1998/99 kreu agresion gjenocidal në Kosovë duke vrarë e masakruar më shumë se 13 mijë shqiptarë të pafajshëm, në mesin e tyre gra, pleq e fëmijë, në mesin e tyre edhe fëmijë duke pirë qumësht në gjoksin e nënës. Serbia dhunoi në mënyrën më makabre 20 mijë femra shqiptare, rrëmbeu 1660 shqiptarë të të gjitha moshave dhe gjinive fati i të cilëve ende nuk është zbardhur. E bëri shkrumb e hi tërë Kosovën dhe shkaktoi eksodin e më shumë se 1 milion shqiptarëve.



Mendojmë se normalizimi i shëndoshë i marrëdhënieve mes Kosovës dhe Serbisë mund të vijë vetëm pasi që Serbia të kërkojë falje publike për krimet e kryera, ti dënojë kriminelët serbë për krimet e kryera, ta njeh Kosovën shtet të pavarur dhe sovran dhe ti paguajë dëmet e luftës.

Zoti Richard Grenell, nuk mund të vihen në një rafsh Serbia agresore gjenocidale dhe Kosova viktimë. Këmbëngulja e juaj që Kosova ta heqen taksën ndaj mallrave të Serbisë i ngjan futjes tinëzare të kalit të Trojës në mes të Kosovës.

Taksa duhet të hiqet vetëm pas njohjes së Kosovës nga Serbia, ose pas marrjes së garancive të sigurta se Serbia do ta njeh Kosovën si shtet të pavarur e sovran, dhe se nuk do ta bëjë regresimin e mallrave për ti eksportuar në Kosovë me çmime më të ulëta, me të vetmin qëllim për ta dëmtuar ekonominë e Kosovës.

Deri më sot nuk kemi dëgjuar që ndaj Serbisë të jetë caktuar ndonjë kusht si pasojë e krimeve të kryera në Kosovë.


Linjat ajrore, hekurudhore dhe ato të autostradave do të ishin të mirëpritura vetëm pas faljes publike që do ta bëntë Serbia për krimet e kryera në Kosovë dhe pas njohjes së shtetit të Kosovës. Ndryshe këto linja të komunikimit do të shërbenin më shumë për lëvizjen e lirë të kriminelëve serbë nëpër Kosovë, të cilët ende nuk janë nxjerrë para drejtësisë.

Serbia dhe lidershipi i saj me në krye Alkesandër Vuçiqin, bashkëpunëtorë të kriminelit Sllobodan Millosheviq, në vazhdimesi po kërkojnë që në dialogun Kosovë-Serbi, edhe Serbia të merr diçka nga ky dialog, edhe pse e dijnë mirë se me agresionin gjenocidal në Kosovë, Serbia mori shumë nga Kosova, dhe e dëmtoi maksimalisht Kosovën.

Serbia dhe lidershipi i saj 20 vite radhazi janë duke kryer një agresion tashmë diplomatik dinak në arenën ndërkombëtare kundër Kosovës përplot me demagogji dhe gënjeshtra, për ta mashtruar botën duke i fshehur krimet e kryera, dhe për ta dëmtuar imazhin e Kosovës dhe të shqiptarëve paqedashës që ishin viktimë e këtij agresioni gjenocidal.

Me mospranimin e Kosovës në UNESCO, Serbia mundohet ti përvetësojë kishat dhe manastiret në Kosovë që janë shqiptare e jo serbe. Me këtë qëllim Aleksadër Vuçiqi e vizitoi edhe Vatikanin për ta keqpërdorur për këto kisha dhe manastire në Kosovë.


I nderuari z. Richard Grenell, pakica serbe që jeton në Kosovë i gëzon të drejtat dhe liritë e njeriut më shumë se çdo pakicë tjetër në botë.

Serbia dhe populli serb në fundshekullin e 20-të kryen agresione gjenocidale në Kroaci, Bosnjë e Hercegovinë dhe në Kosovë, duke vrarë, masakruar, dhunuar e dëbuar qindra mijëra njerëz të pafajshëm, vetëm e vetëm për të okupuar territore të huaja.

Serbia dhe lidershipi i saj synojnë që fuqitë e mëdha ta pranojnë diktatin e Serbisë agresore gjenocidale fashisoide, që dialogu të zhvillohet dhe të përfundojë mbi bazën e arritjes së një kompromisi, i cili shpreh qëllimin e Serbisë që përkundër të gjitha krimeve që kreu në Kosovë të del fituese.

Serbia pretendon ti përvetësojnë kishat e manastiret në Kosovë të cilat janë shqiptare, sepse ka patur dhe ka edhe sot shqiptarë të besimit orthodoks në Kosovë, dhe se këto kisha dhe manastira kanë ekzistuar para se Serbia ta pushtojë Kosovën. Me këto pretendime Serbia synon ti mbajnë sërish nën kthetra shqiptarët autoktonë shekullorë në Kosovë.


Nëse do të lejohet një gjë e tillë kundër Kosovës, do të jetë mëkat i madh dhe padrejtësi e radhës që u bëhet shqiptarëve duke filluar që nga Kongresi i Berlinit 1878, Konferenca e Ambasadorëve në Londër 1913 dhe Konferenca e Paqes në Paris 1919.

Në Berlin, Londër e Paris në këto tre data historike, për tia plotësuar orekset hegjemoniste Serbisë, u copëtuan trojet dhe populli shqiptar, që sot më shumë se gjysma trojeve dhe e popullit shqiptar ndodhen në shtetet fqinje dhe shteti amë Shqipëria ka mbetur si molle e kafshuar nga të gjitha anët.

Serbia është mbështetëse e idesë së kriminelit Sllobodan Millosheviq, që kufijtë e Serbisë të shtrihen gjer ku jeton edhe një serb i vetem.

Serbia dhe serbët historinë e tyre e mbështesin në gënjeshtra dhe në hegjemoninë serbe.

Trashëgimia kulturore dhe shpirtërore në Kosovë është e Kosovës dhe shqiptare, dhe nuk është e serbëve.

I nderuari z. Richard Grenell, serbët në Ballkan kanë ardhur në shekullin e 6-të nga Kaukazi, dhe në Ballkan sollën vetëm egërsinë njerëzore të cilën e demonstruan gati 13 shekuj radhazi, vetëm duke vrarë e dëbuar popujt vendas.

Serbia në historinë e saj nuk ka asnjë periudhë kohore që të ketë jetuar në paqe me popujt e tjerë.

Serbët me ardhjen e tyre në Ballkan nuk sollën asnjë të mirë jetësore, por vetëm tmerre, mëri dhe urrejtje për cilindo që u dilte para, e sidomos ndaj shqiptarëve fisnikë e paqedashës, pasardhës të vetëm të Ilirëve.


Serbët me ardhjen e tyre në Ballkan fillimisht u vendosën në afërsi të Beogradit të sotëm, dhe me luftëra të përgjakshme i zgjeruan territoret, duke e vrarë dhe dëbuar popullin vendas.

Në arkivat e Stambollit ekzistojnë dokumente historike dhe tapi se shqiptarët si pasardhës të vetëm të Ilirëve kanë jetuar gjer përtej Nishi.

Serbët në të gjitha periudhat historike më së shumti i kanë sulmuar, vrarë, masakruar e dëbuar shqiptarët që kanë jetuar në trojet e veta shekullore.

I nderuar z. Richard Grenell, në ËEB faqen e gazetës kombëtare “Bota Sot” në rubrikën e lajmeve, më datë 26 shtator 2019, u botua teksti me titull “Libri i austriakut: Kur serbët vranë gjysëm milioni shqiptarë në vitin 1912”, lidhur me romanin “Golgota shqiptare” e shkrimtarit Leon Freundlih.

Leo Freundlih,hebre austriak, autor i librit me titull “Golgota shqiptare”, paraqet protestën si shkrimtar kundër zhdukjes masive të shqiptarëve nga ushtria serbe në vitet 1912-1913, duke dhënë fakte të gjalla se ushtria serbe vrau mbi gjysëm milioni shqiptarë të pafajshëm.

Libri i Leo Freundlih “Akuza që ulërijnë”, është dëshmia e parë për shfarosjen kolektive të shqiptarëve, të një populli evropian para atij hebreik.

Siç shkruan në libër, më shumë se 250 mijë shqiptarë u masakruan vetëm në veriun e Shqipërisë gjatë vjeshtës së vitit 1912.

Kopja e vetme e librit të Leo Freundlih “Akuza që ulërijnë”, i cili përmban protestën ndaj Evropës që nuk reagoi në mbrojtje të shqiptarëve gjatë zhdukjes masive të pjesës më të madhe të popullit shqiptar në Ballkan, u gjet në vitin 1982 në bibliotekën e Universitetit të Harvardit në SHBA nga studjuesja Safete Juka, me banim në SHBA.

Shkrimtari hebre Leo Freundlih me banim në Vjenë, është njëri ndër intelektualët e paktë që ruajti koleksionin e të gjitha gazetave prestigjioze të kohës, që tregonin për shfarosjen e së paku gjysëm milioni të shqiptarëve nga serbët në vitet 1912-1913.

I nderuari z. Richard Grenell, po Ju paraqesim disa fragmente nga ky libër që ta trishton shpirtin:

“Me qindra kufoma të masakruara notonin në rrjedhat e lumenjve. Ata që mundën tu shpëtonin sëmundjeve, urisë, plumbave të pushkëve të këmbësorisë dhe gjyleve të altilerisë serbe, grumbulloheshin në vende të caktuara dhe u jepej nga një plum kokës. Më zi e pësonin ata që fsheheshin në shtëpite e tyre. Pas kontrolleve të imta që bëheshin për plaçkitje dhe florinj, gjendeshin lehtë dhe therreshin si delet. Torturat më të mëdha i pësonin gratë shqiptare, të cilat përdhunoheshin, më pas lidheshin, bëheshin kapicë, mbuloheshinn me kashtë dhe digjeshin të gjalla. Në rast se gratë ishin shtatzëna, u çahej barku me bajoneta dhe pasi u nxirrej fëmija nga barku e vendosnin në maje të bajonetës apo të hunjve. Pas masakrimit serbët pinin verë, këndonin dhe hidhnin valle. Kishte raste që ata gjatë therrjes mblidhnin gjakun në kupa dhe e hapnin gostinë me të”.

Masakrat mizore serbe ndaj shqiptarëve Leo Freundlih i përshkruan në librin “Golgota shqiptare”, Vjenë 1913, si vijon: “Afër Shkupit, 2000 shqiptarë myslimanë dhe 5000 të tjerë jo larg Prizrenit u masakruan nga ushria serbe. Shumë fshatrave u ishte vënë flaka dhe banorët e tyre ishin masakruar. Kur shtëpitë ishin kontrolluar për armë, shqiptarët vriteshin në mënyrën më të thjeshtë, edhe pse kurrfarë armë nuk kishin gjetur në shtëpitë e tyre. Serbët bënë të qartë se shqiptarët myslimanë duheshin zhdukur e çrrënjosur. Ata pohonin se kjo është mënyra më efektive për ta qetësuar vendin”, shkruan në këtë libër.

Mos harrojmë pa përmendur edhe Luftën e Dytë Botërore ku Serbia nuk e respektoi Mbledhen e Bujanit ku sëbashku me komandantët shqiptarë u vendos, që pas çlirimit të vendt nga nazifashizmi shqiptarët do të mund të vetëvendosnin vetë për fatin e tyre. Serbia në këtë mënyrë i tradhëtoi shqiptarët dhe me masakrën e Tivarit në vitet 1944-1945 në pabesi e me tradhëti u vranë mijëra e mijëra të rinj shqiptarë të paarmatosur.

Mos harrojmë pa pëmendur edhe represaljet, burgosjet e vrasjet që i përjetuan shqiptarët me dekada nga UDB-ja e Ish Jugosllavisë në krye me Aleksandër Rankoviqin.

I nderuarz. Richard Grenell, Serbia dhe serbët janë edhe falsifikatorë të paturpshëm të historisë. Këtë më së miri e dëshmon edhe përvetësimi që serbët i bëjnë Luftës së Kosovës në Gazimestan të vitit 1389 kundër Perandorisë Osmane.

Këtë më së miri e dëshmon edhe Harta e Enciklopedisë Ruse e vitit 1817, në të cilën sipas viteve që shënohen në këtë hartë duket sa shtet i vocër ka qenë Serbia në ato vite.

Faksimile e hartës së Enciklopedisë ruse që tregon kufijtë realë të Serbisë në vitin 1817

Kjo tregon qartë se një Serbi aqë e vocër në vitin 1817, nuk ka patur mundësi të merr pjesë në Luftën e Kosovës në vitin 1389, për të cilën Serbia mburret e krekoset se e ka mundur ushtarakisht Perandorinë Osmane aqë të fuqishme.

Serbia me luftëra të përgjakshme e ka okupuar edhe Kosovën, duke i përvetësuar edhe kishat e manastiret orthodokse që kanë ekzistuar në Kosovë para se të vijnë serbët, sepse dihet që ka patur dhe ka edhe sot në Kosovë shqiptarë të besimit orthodoks.

Nuk ka mbështetje historike e logjike që pakica serbe e cila sot jeton në Kosovë ti ketë ndërtuar të gjitha ato kisha e manastire orthodokse, që sot Serbia petendon se janë të saj.

Kralët e Serbisë për qëllimet e tyre okupuese edhe në Luftën e Parë Botërore i kanë sulmuar trojet shqiptare për ta okupuar edhe bregdetin shqiptar për të dalë në Detin Adriatik.

Vetëm NATO me ndërhyrjen e saj 78 ditore nga ajri kundër caqeve ushtarake serbe në vitin 1999 e detyroi Serbinë që përfundimisht të tërhiqet nga Kosova.

Në Kosovë dhe në të gjitha trojet shqiptare në gërmimet arkeologjike gjenden vetëm artefakte dhe relikte Ilire pasardhës të të cilëve janë vetëm shqiptarët, që tregon se shqiptarët janë populli më i vjetër autokton në Ballkan.

Kjo është pasqyra e vërtetë e Serbisë dhe e serbëve, që tregon se serbët janë armiq shekullorë të shqiptarëve, dhe se nuk është aspak e vërtetë ajo që po propagandojnë me demagogji e gënjeshtra Serbia dhe lidershipi i saj.

Kosova është e larë me gjakun e shqiptarëve, dhe shqiptarët nuk kanë okupuar as edhe asnjë pëlllëmbë toke të huaj.

I nderuari z. Richard Grenell, nëse djalli Ju mashtron ta dëmtoni Kosovën, kujtojeni Zotin, ruajuni djallit dhe mos kryeni mëkate ndaj Kosovës.

Zoti u bekoftë Juve, familjen Tuaj, shtetin Tuaj dhe popullin Tuaj.

Kosovë, Urime 12 vjet Pavarësi!

SALIHE SALIHU- PHD KANDIDAT

Kosova po feston 12-të vjetorin e pavarësisë duke shënuar rrugëtim me synime të qarta por me procedura të komplikuara. Në përshkrim nga këndvështrimi i brendshëm, Kosova ka aspirim që të ndërton shtetin dhe të pranohet anëtarë në Unionin Europian dhe në instancat tjera ndërkombëtare, Organizata e Kombeve të Bashkuara, Këshilli i Europës etj.

Kjo aspirate e shtetit të Kosovës është ndeshur me hezitime e ngurtësi, pasi që arritshmëria dhe përmbushja e kësaj aspirate ishte e mbushur me X-a dhe Y-na që na shkaktonin hezitim, nëse po menaxhojmë mirë me këtë proces. Nuk mungonte as ngurtësia kur viheshim në rrethana të panjohura.


Pos kësaj, jo rrallëherë qasja drejt ketij udhëtimi ishte ambivalente sepse nuk ishim 100% këmbngulës për ti kryer detyrat e shtëpisë dhe për t’iu përgjigjë kërkesave të parashtruara.

Nga ky hezitim, ngurtësi dhe ambivalencë humbëm në intensitetin veprues për të qenë përballë rrethanave e proceseve kohore. Deshtëm apo nuk deshtëm ta pranojmë ky ishte udhëtimi i prolonguar i shtetit të Kosovës në procesin për anëtarësim në Unionin Europian. Dhe kur Kosova i shpejtoj hapa në këtë udhëtim proceset kohore i ndryshuan rrethanat ndërkombëtare në disfavor të shtetit të Kosovës.


Po të shikohet ky përvjetori i 12-të i shtetit të Kosovës nga këndvështrim ndërkombëtar dalin edhe më qartë vështirësitë e Kosovës për të arrit drejt finalizimit të aspiratave të veta. Këto ishin pengesa të shkaktuara nga faktorë të jashtëm.

Në fakt, që në zanafillën e shtetësisë së Kosovës u paraqitën sfida që dukeshin qartazi me qëllime tendencioze dhe kërcënuese. Këto tendenca dhe kërcënime burojnë drejpërdrejt nga Serbia por që u përkrah nga Rusia. Në vazhdimësi puqja e interesave të Serbisë me të Rusisë u njësuan dhe vepruan pa-ndalur me ofanzivë diplomatike kundër pavarësisë së shtetit të Kosovës.

Zhurma diplomatike e Serbisë dhe Rusisë që 12-vjet e pengoj shumë dhe e vështirësoj avancimin e shtetit të Kosovës por nuk arritën ta zhbëjnë pavarësinë e shtetit të Kosovës. Të gjitha sfida i përballuan dhe i sfiduam, mirëpo njëkohësisht jemi koshient se ky sukses u arrit me ndihmën e faktorit ndërkombëtarë, të aleatëve tanë Perëndimor.

Pas 12-vjetëve pavarësi shteti i Kosovës është falendëruese për gjithë aleatët besnikë të saj. Prandaj, në këtë përvjetor urojmë që ta ruajmë këtë relacion sepse Kosova duhet të jetë mirënjohëse miqëve të vet ndërkombëtarë.

Duke e ruajtur e forcuar relacionet me miqët tanë dhe duke ecur drejt aspiratave të veta Kosova do të tregoj qëndrushmërinë dhe pacenushmërinë e sovranitetit të shtetit të Kosovës.


Kosovë, Urime 12 vjet Pavarësi!

Dr.Arban Domi,eksperti shqiptar në SHBA flet për vaksinën kundër koronavirusit

Eksperti virolog në SHBA, Arban Domi, i tha Zërit të Amerikës se zhvillimi i një vaksine kundër koronavirusit kërkon shumë muaj punë, por edhe pas kësaj duhet kohë deri sa vaksina të ketë hyrë në prodhim masiv.


Dr. Domi, i cili është drejtor i Departamentit për Zhvillimin e Vaksinave në firmën bioteknologjike GeoVax, pranë qytetit Atlanta në shtetin amerikan të Xhorxhas, i tha me Skype Zërit të Amerikës se virusi i ri përhapet më shpejt se sa gripi, por edhe pse është një virus më pak i njohur, nuk ka vend për panik. Dr. Domi punon prej vitesh në fushën e virologjisë. Ai thotë se është detyra e punonjësve të shëndetit publik që të njohin simptomat e koronavirusit të ri për të sensibilizuar njerëzit.

Astrit Alex Daku,shqiptari që ka gatuar për Bill Clinton rrëfen historinë e tij

https://www.youtube.com/watch?v=wTamG4DcLaY

Astrit Alex Daku vendosi të emigrojë nga Shqipëria drejt Greqisë, Italisë në vitin 1998. Pas disa vitesh qëndrim në Itali ai vendosi të emigrojë në Amerikë, ku jetonin dhe disa familjarë të tij.

Në Amerikë puna e parë e tij ka qenë pjatalarës dhe pas disa vitesh Astriti nisi biznesin e tij me restorantin e tij në New Jersey.

Ai ka gatuar për shumë senatorë, politikanë, personazhe të njohur, si edhe për ish presidentin Bill Clinton. Rrugëtimi i tij drejt Amerikës ka qenë tepër i vështirë, me shumë probleme. Astriti kujton vitin 2007, ku për një gabim të avokatit të tij ka kaluar disa probleme me dokumentat.

Shqipërinë e viziton 1 herë në vit dhe dëshira e tij është të konkurrojë në “Hell‘s Kitchen Albania”, e ka provuar sezonin e dytë, por angazhimet në Amerikë nuk i’ia mundësuan pjesëmarrjen. Përsëri dëshiron të jetë pjesë në sezonet e ardhshme të “Hell ‘s Kitchen Albania”

Albin Kurti fitoi e Gazmend Gjonbalaj u ‘zhduk’ me milionat e premtuar.

Mërgimtari nga Kosova në Shtetet e Bashkuara të Amerikës, Gazmend Gjonbalaj, ka premtuar 50 milionë euro investime në Kosovë për Qeverinë e  Albin Kurtit. 

zt.Gazmend Gjonbalaj e ka harruar tërësisht premtimin, që nëse fiton  zt.Albin Kurti, ai do të vinte dhe bashkë me të do të vinin edhe 50 milionë euro investime. Por nga ajo ditë, Gazmend Gjonbalaj nuk  u duk në rrjetët sociale ,por u zhduk si Fax-i dhe  asnjëherë më nuk i ka përmendur 50 milionet e premtuar.

Gjonbalaj është lajmëruar nëpërmjet rrjetit social Facebook, biznesmeni ka kërkuar ndihmë nga miqt e tij për të ia dërguar një ilaq në Prishtinë.

Gazmend Gjonbalaj, është menaxheri i shumë ndërmarrjeve të njohura, i cili ndër të tjera ka punuar edhe në Bloomberg e NYFIX, para zgjedhjeve kishte dalë në mbështetje të hapur ndaj Albin Kurtit, ku edhe kishte deklaruar se nëse Vetëvendosja e Kurtit i fiton zgjedhjet, do të kthehet të investojë në ekonominë e vendit mbi 50 milionë euro.