NJOFTIM NGA SHB POKULTPRESS, PRISHTINË

Mr.Sci.Fatmir Halimi

Pas konsultimeve me shkrimtarin e publicistin Dibran Fylli fiton të drejtën e botimit të librit tashmë më të kërkuar ne tregun e librar, “HASAN PRISHTINA-STËRNIP I ABDULLAH VELIQIT”.

Monografia për Hasan Prishtinën e Dibran Fyllit, është libri më i kompletuar dhe më i plotë i shkruar ndonjëherë nga historianët, kronikanët, biografët dhe publicistët tanë në gjithë shqiptarinë.



Siç thotë edhe prof. dr. Hakif Bajrami: ‘Ai që shkruan për Hasan Prishtinën din të drejtojë kombin në rreshtimin e historisë, sepse ka për studim një hero emblematik.”

Sipas prof. dr. Hakif Bajrami janë shkruar 11 biografi interene shtetërore në Serbi nëpër kohë të ndryshme, 2 biografi janë shkruar në Francë, 3 në Rusi, 3 në Turqi, 2 në Bullgari, 4 në Vjenë, 3 në Itali, 2 në Greqi, - të gjitha shënojnë një emërues të përbashkët në prapaskenë se Kombi i Hasanit dhe Hasani nuk duhet lejuar si BINOM të ketë shtet, mu pse Hasani luftonte në çdo etapë për komb dhe shtet etnik me të katër vilajetet në NJË, për çka TAPI e kishte shtrirjen e shqiptarisë dhe përqindja e saj në jetë den baba den Autokton.


Akademik Prof.Dr.Hakif Bajrami Akademik Prof.Dibran Fylli 

Libri deri më tash pati 2 botime dhe për te tretën herë po e boton shb ProkultPres, të cilin brenda pak ditëve do ta shpërndajmë në të gjitha libraritë e Kosovës dhe më gjerë.

Koronavirusi COVID -19 nuk esht thjesht e vetem zgjidhje spitalore por eshte dhe duhet te jete ne radhe te pare nje zgjidhje komunitare.

Akademik Prof.Dr.Arjan Hamiti,Ph.D

Koronavirusi COVID -19 nuk është thjeshtë e vetëm zgjidhje spitalore por është dhe duhet të jetë ne radhe të parë një zgjidhje komunitare. Prandaj ju lutem duhet medoemos të ndryshojmë mënyren e jetesës. Të shmangim sa më shumë kontaktet, sidomos kontaktet më të moshuarit dhe më te sëmurë kronik pasi dihet qe ky tip virusi shkakton formë të rëndë të sëmundjes të personat me imunitet të cunguar. Në fund të fundit është çështje matematike: Sa më pak kemi kontakte aq më pak ngjitet virusi. Dhe duhet të tregojmë kujdes: Të evitojmë hipjet nëpër autobuza,grumbullimet , shtrengimet e duarve, faqosjët, qëndrimin frymë për frymë dhe të respektojmë distancën prej afro dy metrash të rekomanduar me ngulmë nga O. B. SH ja.
Dhe mbi të gjitha tregoni kujdes maksimal në higjenën personale.

Qeveria e Kosovës porsa ka marrë vendim për mbylljen e institucioneve shkollore në tërë vendin deri më datë 27 mars 2020.

Vendimi u mor në mbledhjen e Qeverisë që po mbahet në këto momente.Propozimi erdhi nga ministri i Shëndetësisë, Dr.Arben Vitia.

Propozimi u votua nga kabineti qeveritar.“Propozojmë: 

1. ndërprerjen e procesit arsimor në të gjitha nivelet deri me 27 mars 2020. 

2. Pezullimi i linjave ajrore me vendet me rrisk të lartë të infektimit me coronavirus.

 3. Aktivitetet publike dhe jopublike mund të mbahen të mbyllura, pa praninë e publikut.

 4. Të ndalohet aktiviteti i restoranteve, bareve e klubeve nga ora 23:00. 5. Kontrollimi të gjithë udhëtareve që vijnë nga zonat që kanë coronavirus”, tha ministri.Qeveria u mblodh në një takim të jashtëzakonshëm pas situatës së krijuar pasi Organizata Botërore e Shëndetësisë e ka shpallur pandemi lidhur me coronavirusin.

Derisa në Kosovë nuk është regjistruar ende asnjë rast i prekur me këtë virus, Ministria e Arsimit ka rekomanduar rritjen e kujdesit sa i përket kushteve higjienike në shkolla.Lidhur me masat për mbrojtjen e coronavirusit, në MASHTI u mblodhën sot drejtorët e drejtorive komunale për arsim si dhe përfaqësues të Institutit Kombëtar të Shëndetësisë Publike.“Nuk ka hapësirë për panik, por ne si instucione duhet të rrisim vetëdijen sa i përket mirëmbajtjes së higjienës që të mos kemi raste. Nuk ka rekomandim për ndërpreje të mesimit”, tha Ministrja e Arsimit, Hykmete Bajrami.

Prof.Dr.Naser Ramadani, Drejtor i IKPSHK-së tha se rekomandimi i tyre ka qenë të mos ndërprehet mësimi.“Duke pasur parasysh që s’ka rast të coronovarisit s’ka asnjë nevojë të mbyllen shkolla. Nëse paraqitet ndonjë rast, do të marrim masa”, tha Ramadani.Deri më tani me virus vdekjeprurës llogaritet të jenë prekur mbi 116 mijë persona nëpër botë ndërsa të vdekur janë 4 mijë e 89 persona.Raste të virusit janë raportuar edhe në vendet fqinje të Kosovës përfshirë Shqipërinë, ndërsa deri më tani nuk ka raste të raportuara në Kosovë.


Federata Ndërkombëtare e Kryqit të Kuq dhe Shoqatat e Gjysëmhënës së Kuqe (IFRC), UNICEF-i dhe Organizata Botërore e Shëndetësisë (OBSH) kanë lëshuar sot udhëzime të reja për të ndihmuar në mbrojtjen e fëmijëve dhe shkollave nga transmetimi i virusit COVID-19.Sipas një njoftimi për media, udhëzuesi ofron vlerësime kritike dhe lista praktike për t’i mbajtur shkollat të sigurta. Po ashtu i këshillon autoritetet kombëtare dhe lokale për mënyrën e përshtatjen dhe zbatimit të planeve emergjente për objektet arsimore.Tutje është thënë se në rast të mbylljeve të shkollave, udhëzuesi përfshin rekomandime për t’i zvogëluar ndikimet e mundshme negative në të nxënit dhe mirëqenien e fëmijëve.“Kjo nënkupton krijimin e planeve të qëndrueshme për të siguruar vazhdim të të nxënit, duke përfshirë opsionet e të mësuarit në distancë siç janë strategjitë e arsimit online dhe transmetimet në radio me përmbajtje akademike dhe qasje në shërbime thelbësore për të gjithë fëmijët. Këto plane duhet të përfshijnë poashtu hapa të nevojshëm për rihapjen e mundshme të sigurt të shkollave”, thuhet në njoftim.

Në rastet kur shkollat mbesin të hapura – dhe për t’u siguruar se fëmijët dhe familjet e tyre mbesin të mbrojtur dhe të informuar, udhëzuesi këshillon që:T’iu ofrohen fëmijëve informata për mënyrën se si duhet të mbrohen;Të promovohen praktikat më të mira të pastrimit të duarve dhe të higjienës dhe sigurimi i materialeve higjienike;Të pastrohen dhe të dezinfektohen ndërtesat e shkollave, sidomos objektet e ujit dhe sanitarisë; dheTë rritet qarkullimi i ajrit dhe ajrosja.“Përderisa është specifik për vendet që tashmë e kanë konfirmuar transmetimin e COVID-19, Udhëzuesi është megjithatë i vlefshëm në të gjitha kontekstet. Arsimimi mund t’i nxisë fëmijët të bëhen avokues për parandalimin dhe kontrollin e sëmundjes në shtëpi, në shkollë dhe në komunitetin e tyre duke biseduar me të tjerët në lidhje me mënyrën se si mund ta parandalojnë përhapjen e viruseve. Mbajtja e funksionimit të sigurt të shkollave apo rihapja e tyre pas mbylljes kërkon shumë vlerësime por nëse bëhet si duhet mund ta promovojë shëndetin publik”, vazhdon njoftimi.

Po ashtu UNICEF ka bërë të ditur se udhëzimet për shkolla të sigurta të zbatuara në Guine, Liberi dhe Sierra Leone gjatë shpërthimit të sëmundjes së virusit Ebola nga viti 2014 deri në 2016 ndihmuan në parandalimin e transmetimeve të virusit me bazë në shkollë.“UNICEF iu bën thirrje shkollave – qofshin të hapura apo duke iu ndihmuar nxënësve përmes të nxënit në largësi – t’iu ofrojnë nxënësve mbështetje të plotë. 

Shkollat duhet t’iu ofrojnë nxënësve informata jetike për pastrimin e duarve dhe masat e tjera për ta mbrojtur veten dhe familjet e tyre; të lehtësojnë mbështetje për shëndetin mendor; dhe të ndihmojnë në parandalimin e stigmës dhe diskriminimit duke i nxitur nxënësit të jenë të sjellshëm ndaj njëri-tjetrit dhe t’i shmangin stereotipet kur flasin për virusin”, thuhet më tej.


Udhëzuesi i ri poashtu iu ofron këshilla dhe lista të dobishme prindërve dhe kujdestarëve si dhe vetë fëmijëve e nxënësve.

 Këto veprime përfshijnë:Monitorimin e shëndetit të fëmijëve dhe mbajtjen e tyre në shtëpi nëse janë të sëmurë;Nxitjen e fëmijëve për të bërë pyetje dhe për t’i shprehur shqetësimet e tyre; dhe Kollitjen apo teshtitjen në një faculetë apo në bërryl dhe shmangien e prekjes së fytyrës, syve, gojës dhe hundës.

Në këtë link mund ta sharkoni udhëzuesin e përbashkët lidhur me mbrojtjen e fëmijëve dhe shkollave nga COVID-19.


Sipas të dhënave të fundit, me coronavirus janë prekur mbi 119 mijë persona në botë ndërsa të vdekur nga virusi janë 4 mijë e 300. Vendet më të prekura janë Kina, e pasuar nga Italia.Në Ballkan deri më tani, vendet e vetme ku nuk ka raste të konfirmuara me virus janë Kosova dhe Mali i Zi.Ministria e Arsimit në Kosovë dje ka marrë vendim që shkollat të qëndrojnë të hapura derisa të mos ketë rekomandim ndryshe nga Instituti Kombëtar i Shëndetit Publik.




Kryetari i Komunës së Prishtinës, Shpend Ahmet, ka njoftuar se nga nesër Qendrat për të Moshuarit do të mbyllen si masë e parandalimit të coronavirusit.Ai përmes një postimi në Facebook ka njoftuar që në ditët e ardhshme do të bëhet edhe dezinfektimi i autobusëve të Trafikut Urban.“Prej sot fillojmë masat parandaluese për COVID19. Prej nesër do ti mbyllim përkohësisht Qendrat për të Moshuarit për shkak të rrezikut më të lartë nga virusi për të moshuarit. Këto ditë do bëjmë dezinfektimin e autobusëve të Trafikut Urban. Nesër do të shqyrtojmë edhe masa tjera” ka shkruar i pari i Prishtinës.Ministria e Arsimit nuk ka urdhëruar ndërprerjen e mësimit në shkolla edhe pas alarmit të shpërndarjes së coronavirusit në vendet fqinje.Raste të dyshuara me coronavirus janë raportuar në QKUK, por që deri më tani kanë rezultuar negative.




Ministria e Shëndetësisë, ka rekomanduar qytetarët që t’i evitojnë udhëtimet e planifikuara brenda dhe jashtë vendit, në veçanti në shtetet ku ka raste të konfirmuara të coronavirsit, duke përfshirë shtetet fqinje: Shqipëri, Maqedoni e Veriut; Mali i Zi dhe Serbi.

MSh në njoftimin e tyre kanë rekomanduar qytetarët që të shmangin grumbullimin në hapësira të mbipopulluara dhe t’u kushtojnë rëndësi masave të përgjithshme të higjienës, si parakusht themelor për parandalimin e coronavirusit.

“Ministria do të ju informojë në vazhdimësi për masat e ndërmarra kundër koronavirusit dhe ju bën thirrje mediave dhe qytetarëve, që informatat për situatën epidemiologjike rreth Koronavirsuit t’i marrin drejtpërdrejt nga institucionet dhe burimet zyrtare”, thuhet në njoftimin e MSh.

Kujtojmë se një viktimë është shënuar në Shqipëri nga coronavirusi.

Ndërsa në Maqedoninë Veriore janë shënuar 7 raste të infektuar.

Nga vendet e rajonit vetëm Kosova dhe Mali i Zi nuk kanë shënuar ende ndonjë rast të konfirmuar me këtë virus.

Sipas të dhënave të Index.hr aktualisht janë 121,487 të prekur me Coronavirus, 4,382 kanë vdekur nga virusi dhe 66,912 janë shëruar.



Ministria e Shëndetësisë ka demantuar lajmin e publikuar në media se në Kosovë ka coronavirus.

Sipas komunikatës së ministrisë, Instituti Kombëtar i Shëndetësisë Publike gjatë ditës së sotme në Laboratorin e Mikrobiologjisë molekulare ka testuar 7 mostra dhe në orët e mbrëmjes do të dalin rezultatet.“Deri tash nuk ka asnjë rast të konfirmuar me virusin COVID-19.


Prandaj, duke qenë që për këto raste nuk ka ende rezultate, lusim mediat dhe publikun që të jenë të durueshëm dhe të marrin informacione nga burimet zyrtare që janë MSh dhe IKSHPK”, thuhet në komunikatë.Sipas të dhënave, aktualisht janë 120,570 të prekur me Coronavirus, 4,365 kanë vdekur nga virusi dhe 66,894 janë shëruar.

Instituti Kombëtar i Shëndetësisë Publike i Kosovës ka njoftuar se gjatë ditës së sotme në Laboratorin e Mikrobiologjisë molekulare janë testuar 7 mostra të dyshimta për coronavirus.

Sipas Institutit analizat e kryera kanë rezultuar negative.Gjatë ditës së sotme mediat kanë raportuar lajme të rreme se në Kosova ka coronavirus ndërsa më vonë Instituti dhe Ministria e Shëndetësisë i demantuan.



Kryetari i Komunës së Prishtinës, Shpend Ahmeti, ka njoftuar se kanë vendosur disa masa për parandalimin e përhapjes së coronavirusit.Kështu ka bërë të ditur në rrjetin social Facebook, duke u bazuar në rekomandimet e përgjithshme të Institutit Kombëtar të Shëndetit Publik.Gjatë vikendit do të dezinfektohen më detajisht hapësirat e ndërtesave të Komunës së Prishtinës ku ka sportele dhe shumë punë me palë.Që nga nesër, të gjithë punëtorët e sporteleve të Komunës së Prishtinës do të pajisen me maska mbrojtëse, dorëza dhe dezinfektues.Që nga nesër, shkollat dhe çerdhet publike do të furnizohen me material higjienik shtesë sipas nevojës deri në një vendim të radhës për çerdhet dhe shkollat.Komuna e Prishtinës pezullon lejet për tubimet dhe evenimentet publike (promovime, tubime ne sheshe) ku pritet pjesëmarrja e më shumë se 50 personave.

Këtu perfshihen aktivitetet që kërkojnë leje nga Komuna për të zhvilluar aktivitetin.Po ashtu njoftoheni se pezullohen takimet me palë në drejtoritë e ndryshme që nuk janë me urgjencë.Kujtojmë se kryetari i Prishtinës, Shpend Ahmetigjithashtu ka marr vendim që nga sot të mbyllen të gjitha Qendrat për të Moshuarit.

Ndërkaq, Ministria e Shëndetësisë, ka rekomanduar qytetarët që t’i evitojnë udhëtimet e planifikuara brenda dhe jashtë vendit, në veçanti në shtetet ku ka raste të konfirmuara të coronavirsit, duke përfshirë shtetet fqinje: Shqipëri, Maqedoni e Veriut; Mali i Zi dhe Serbi.Sipas të dhënave të Index.hr aktualisht janë 121,487 të prekur me Coronavirus, 4,382 kanë vdekur nga virusi dhe 66,912 janë shëruar.

Organizata Botërore e Shëndetësisë ka shpallur shpërthimin e coronavirusit si pandemi.

Shefi i OBSH-së, Tedros Adhanom Ghebreyesus, ka thënë se numri i rasteve të infektuara jashtë Kinës është rritur për 13 herë më shumë në dy javët e fundit.Ai ka thënë se është “thellësisht i shqetësuar” nga “niveli alarmues i mungesës së veprimit” ndaj këtij virusi.Pandemia është sëmundje që shpërndahet në shumë shtete në botë në kohën e njëjtë.Megjithatë, Tedros ka thënë se ende nuk është shumë vonë që qeveritë të kenë ndikim.“Të gjitha shtetet mund të ndryshojnë rrugën e kësaj pandemie”, ka thënë ai.Qeverive u është dashur “të gjejnë balancë në mes të mbrojtjes së shëndetit, zvogëlimit të dëmit dhe respektimit të jetës së njerëzve”.“Ne jemi bashkë për të bërë gjërat e duhura me qetësi, me qëllim të mbrojtjes së njerëzve në gjithë botën. Është e mundshme”, ka thënë ai.Në gjithë botën nga ky virus janë infektuar 121,061 persona, 4,368 kanë vdekur, ndërkohë që rreth 66,000 janë shëruar.Coronavirusi i ri përcillet me temperaturë, koll të thatë dhe probleme me frymëmarrje.

Kryeministri i Kosovës, Albin Kurti, sot në seancën e Kuvendit të Kosovës tha se nuk është antiamerikan, ndërsa për presidentin Hashim Thaçi tha se e ka pranuar dje se është antieuropian.

Zt.Albin Kurti ka thumbuar presidentin e Kosovës duke thënë se ka një marrëveshje me presidentin serb Aleksandar Vuçiq dhe do t’ua servojnë qytetarëve.“Ne s’duhet të jemi ekstremistë, duhet të jemi normalë.

 E ky është zëvendësimi i tarifës 100 për qind me reciprocitet. 


E ka edhe një subnormalitet, zëvendësimi gradual i tarifës. Nuk bëhet fjalë për heqje të tarifës e fillim të dialogut. 

Bëhet fjalë për heqje të tarifës e mbyllje të marrëveshjes. Mes presidentëve jam i bindur se ka një marrëveshje. 

Kanë bërë marrëveshje që të gatshme duan ta servojnë. Jam i bindur se ka marrëveshje të gatshme dhe ky është problemi”, ka thënë Kurti.

Po ashtu, zt.Albin Kurti ka thënë se shkuarja e presidentit  Hashim Thaçi në ShBA dhe mostakimi i tij me presidentin apo zëvendëspresidentin amerikan është debakël.

“Të shkosh në Shtëpi të Bardhë si president te mos e takosh presidentin amerikan e as zëvendëspresidentin, e të kthehesh pa marrëveshje politike dhe pa sjellë ndonjë investim në ekonomi është debakël. 

E pasi kemi qeveri të re duhet të kemi president të ri. Unë nuk jam antiamerikan, por më lejoni të them se presidenti është antieuropian. 

Pikërisht në kohën kur presidenti deklarohet se është antieuropian mua më akuzojnë si antiamerikan.

 Unë i dua edhe ShBA-në edhe BE-në. Na nevojiten të dyja. Presidenti  Thaçi po sillet më keq me BE-në se me Serbinë. 

Unë jam i gatshëm të shkoj në Washington DC bashkë me Vjosa Osmanin qe t’i diskutojmë të gjitha çështjet”, ka vazhduar tutje Albin Kurti.

Kuvendi i Kosovës po mban seancë të jashtëzakonshme me kërkesë të deputetëve të PDK-së dhe deputetëve të tjerë.

Në këtë seancë po diskutohet për zhvillimet e fundit dhe reagimet e zyrtarëve të ShBA-së për mosheqjen e tarifës 100 për qind nga ana e Qeverisë së Kosovës ndaj produkteve të Serbisë dhe të Bosnjë-Hercegovinës.

SHKRIMTRËT MARTIRË JANË STACIONE TË RËNDËSISHME MORALE TË SHQIPTARËVE

REXHEP SHAHU

SHKRIMTRËT MARTIRË JANË STACIONE TË RËNDËSISHME MORALE TË SHQIPTARËVE



(Fjala e mbajtur në promovimin e librit tim “Bisedë e përfytyruar me Havzi Nelën” me 21 shkurt 2020, në Hotel Tirana, në 86 vjetorin e lindjes së poetit martir.)



Kisha vendosur që ditën e promovimit të thoja vetëm fjalën Faleminderit dhe nuk do të tirrja asnjë fjalë tjetër. Sepse mendoja se kam folë mjaft në libër, kam folë e shkruar mjaft për këto histori, dhe kam filluar të besoj se fjalët e autorit në fund të promovimit të një libri janë kupë bezdie që pihet me zor.

Po kur u mbush salla me 134 njerëz, kryesisht autoritete të spikatura të fushave të ndryshme të jetës kulturore e politike të Tiranës dhe kur dëgjova fjalët e mira që u thanë për mua e librin tim prej Izetit, Besnik Mustafajit, Sadik Bejkos, Zija Çelës, Lekë Tasit, sepse ndjeva një detyrim shumë të madh për të falenderuar secilin njeri në atë sallë dhe disa të tjerë jashtë asaj salle që më janë gjendur me prani, mendime, konsulta, debate gjatë dy viteve që u mora me aktivitetet për shkrimtarët martirë, me botimet për to.

Më sillej në kokë e doja ta fshija atë fjalën e njohur që miqtë shkëlqejnë me mungesë, dhe unë ia shtoja pjesën time që, edhe shndrijnë me prani, fjalë që e pata përdorë në promovimin e antologjisë “Puthje mbi Bosfor”, me 101 poetë turq, në këtë sallë...

Harrova çfarë i kisha premtuar vetes dhe, kur Izeti ka thënë, tani fjala për autorin, mora një gotë me ujë dhe dola në foltore. I papërgatitur, pasi kisha vendosë të mos flisja dhe i paorganizuar, pak nervoz nga vogëlsi të mëdha, thashë fjalët e mëposhtme:



Do të deshiroja secilit, emër për emër, me i thanë faleminderit që jeni këtu, faleminderit që keni ardhë, faleminderit që me keni dashtë.

Është hera e dytë, për këto vite që merrem me këto lloj aktivitetesh, që u drejtohem kaq shumë njerzve për me ardhë e me marrë pjesë në një aktivitet timin.

Në të njejtën sallë kemi bërë vjet një aktivitet për librin “Puthje mbi Bosfor” ku unë kam pas ftue nominalisht shumë njerëz. Edhe sot, kësaj radhe, unë kam ftuar shumë njerëz.

Kam ftue shumë njerëz sepse kam dashtë me pasë njerëz. Është një ngjarje kjo e sotmja, një ngjarje që dashtë e pa dashtë do të fillojë të japë dritë më vonë.

Për secilin prej jush, shumë faleminderit.

Edhe po kërkoj ndjesë nëse jam treguar agresiv dhe i jam drejtuar me ftesë gjithkujt.

Ajo që na mungon ne sot është se ne duhemi pak e urrehemi shumë. Sepse ne nuk i japim kohë vetes tonë me u njoftë me njëri – tjetrin, nuk kemi durim me e dëgjue tjetrin.

Sot po mbyllet një projekt. Unë do të falenderoj shkurt, pa thënë se pse, dy përsonazhe. Flamur Hoxhën që më ka thënë mos më falendero se më ofendon, dhe Bashkim Shehun.

Me 8 mars (2018), që është festa apo dita e grave, ka nisë kjo histori apo ky projekt. Atë ditë jam thirrë në punë në Bashkinë Kukës dhe fjala e parë me kryetarin, Bashkimin, ka qenë, të bëjmë bustin e Havzi Nelës.

Dhe nga dita që me Ilmi Hoxhën, skluptorin, e kam marrë bustin e Havzi Nelës në makinën time, e kam çue në Spaç, nga Spaçi në Kukës, në Kukës e kemi ngritë në piedestal. Pastaj kemi bërë shtëpinë e Havzi Nelës (e kemi bërë po them se kam qenë pjesë e ekipit por nuk e kam bërë unë). Pastaj filloi e u hap loja.

Nuk kam pasë përkrahje, mbështetje, më saktë nuk kam pasë besim, nuk kishte besim tek unë, nuk besonin shokët, miqtë, u dukej si shaka kjo punë.

Falenderoj në mënyrë shumë të përveçme secilin nga 41 shkrimtarët ndër më kryesorët shqiptarë. Havzi Nelën e kanë ngritë shkrimtarët. Havzi Nelën e pranuan shkrimtarët shkrimtar.

Havzi Nelën e kemi përdorë 30 vjet herë si kalë, herë si karrocë, po për ta ngritë këtu ku është, Havzi Nelën e kanë ngritë shkrimtarët shqiptarë.

Asnjë poeti të gjallë apo të vdekur nuk i kanë shkue në shtëpi osë në festë 41 shkrimtarë.

Për Havzi Nelën kanë shkue.

Kanë shkue dy herë, jo njëherë. Edhe kur i është vendosë busti në Kukës, edhe kur i është ndërtue shtëpia në Kollovoz të Kukësit.

Është mbajtë një sesion përkujtimor i papërsëritshëm, që nuk e mban dot as Lidhja e Shkrimtarëve as Komiteti Qendror me u ngjallë nuk e mban dot, nuk e organizon dot atë Sesion përkujtimor që është mbajtë nga shkrimtarët për Havzi Nelën në Kukës.

Pastaj me mbështetjen e Flamurit i kemi çue shkrimtarët në Tepelenë tek Trifon Xhagjika. Edhe ai është shkrimtar që nuk ka varr, që nuk dihet se ku është, a ia ka marrë eshtrat Vjosa apo ia ka marrë dreqi. Havzi Nela nuk e ka kokë, nuk e dimë se ku e ka kokën.

Pastaj i kemi çue shkrimtarët në Berzeshtë te Genci dhe te Vilsoni me mbështetjen e Flamurit.

Të gjitha këto veprimtari i kemi bërë me shkrimtarët por i kemi bërë edhe bashkë me Institutin e të përndjekurve politikë që drejtonte Agron Tufa, të cilin unë dua ta falenderoj shumë edhe pse nuk është këtu. Nuk e di a kanë ardhë sot këtu përfaqësuesit e Institutit.

Shkrimtarë martirë Shqipëria ka katër. Shkrimtarë që i ka vra partia pasi është bërë e fortë partia që kur ka nisë me Trifon Xhagjikën.

Pastaj partia ka mbytë e ka vra edhe disa të tjerë shkrimtarë priftërij, edhe disa shkrimtarë të tjerë nëpër burgje që janë martirë.

Por shkrimtarët martirë nuk janë anëtarë të shoqatave të të përndjekurve politikë të republikës së Shqipërisë. Ata janë shkrimtarë martirë.

Shoqatat janë të vogla për me nxanë Havzi Nelën e varur, është i vetmi i varur, është kampion. Me nxanë Trifonin, me nxanë Gencin, Vilsonin.

Kështu që për të mos u mbetë hatri shoqatave, unë kam bashkëpunue me Institutin e të përndekurve politikë, me Agron Tufën.

Ju kërkoj ndjesë se po zgjatem. Por botimi i librit tim “Bisedë e përfytyruar me Havzi Nelën”, është si të thuash një fund projekti.

Ne do të vazhdojmë të nderojmë shkrimtarët martirë. Sepse ata nuk janë, por kanë veprën.

Ne kemi nevojë ti nderojmë ata. Dhe besoj do ti nderojmë, e kam premtimin nga Flamur Hoxha. Ne do ti nderojmë shkrimtarët martirë aty ku janë. Edhe shkrimtarët martirë priftërij.

Sepse kujtoj se shoqëria po lan borxhet e veta. Shkrimtarët shqiptarë që nderojnë shkrimtarët martirë po lajnë borxhet e shoqërisë ndaj tyre.

Ne nuk po bëjmë kushedi se çfarë, por kam përshtypjen se po bëhemi më të mirë, shoqëria po bëhet më e mirë.

Duke dashtë të mos preket askush kur thashë se shkrimtarët martirë nuk janë anëtarë të shoqatave të përndjekurve politkikë, shoqatat le të bëhën copa dhe le ti marrin po të duan edhe eshtrat e Havziut, të Trifonit, Gencit e Vilsonit, por shkrimtarët martirë nuk janë heroj shoqatash.

Sot i falenderoj politikanët që janë këtu e që na kanë ardhë edhe në aktivitete të tjera, në aktivitete që janë të pasqyruara në librin tim që po promovojmë sot, libër që është kronikë edhe me fotografi, ka 540 fotografi. Të gjithja aktivietet me shkrimtarë që kanë ndodhë që nga vendosja e bustit të Havzi Nelës janë të përfshira në këtë libër kronikë me fotografi e fjalë.

Faleminderit shumë politikanëve.

Faleminderit shumë shkrimtarëve.

Faleminderit të gjithë njerzve që na kanë mbështetë ne.

E falenderoj Lekë Tasin që është këtu. Mund të mos vinte, mund të thoshte se nuk po vij. Por erdhi dhe unë ndjehem shumë i nderuar. Ka ardhë edhe në Tepelenë te Trifon Xhagjika, ka ardhë edhe në Berzeshtë te Genci e Vilsoni.

Shqipëria nuk ka shumë stacione morale, stacione të forta morale. Por këto katër shkrimtarë shqiptarë të varur e të pushkatuar janë stacione morale të shqiptarëve.

Ne, besoj do të fillojmë të ndalohemi te këtyo stacione morale.

Besoj fola tepër, por çfarë mund të kem lënë mangut, merreni me mend, sepse unë kam gjithë mirësinë për t’ju falenderue, për t’ju nderue dhe për të tregue se unë ndjehem shumë i respektuar prej jush. Edhe se ka ardhë nga Zvicra shkrimtari Arbër Ahmetaj që mund të mos vinte këtu tani. Edhe se ka ardhë nga Siria djali i xhaxhait tim Xhemil Shahu që është me shërbimm atje, ka ardhë këtu të më nderojë mua.

Ndjehem i përkëdhelur. Faleminderit Izetit për drejtimin e veprimtarisë.



Rexhep Shahu duke falenderuar si autor ne promovimin e librit "Bisede e perfytyruar me Havzi Nelen"

Nga Flori Bruqi : Pse ngjall kaq shumë frikë koronavirusi ?

Nga Flori Bruqi 

Rreziku i kontraktimit të koronavirusit në Kosovë do të jetë  “i moderuar”, por që mund të ndryshojë në varësi të evolucionit të shpërthimit.




Shërbimi Spitalor dhe Klinik Universitar i Kosovës, ka ndërmarrë të gjitha hapat e nevojshëm duke bërë përgatitjet e nevojshme për klinikat e vijës së parë të kontaktit me pacientë, (Klinika Emergjente, Klinika e Sëmundjeve Ngjitëse, Klinika e Pediatrisë), për të përballuar dhe menaxhuar situatën me rastet e dyshuara me coronavirus. Pothuaja të gjitha ​Spitalet kosovare janë furnizuar mirë me dezinfektues nga kompania "Flomed" Prishtinë.

Tre persona, zyrtarë të EULEX-it, kanë përfunduar të shtrirë në Klinikën Infektive me dyshimet se janë prekur nga virusi Covid-19, apo siç njihet ndryshe koronavirusi. Njëri nga ta, sipas burimeve të Express brenda Institutit Kombëtar të Shëndetësisë, ka simptoma të dukshme se është prekur me koronavirus.

“Mostrat për pesë pacientë i kemi marrë. Tre janë zyrtarë të EULEX-it në Kosovë. Njëri nga ta ka simptoma të dukshme, dy të tjerët kanë pasur kontakt të përditshëm me të”, deklarojnë burimet e Express brenda institucioneve të shëndetësisë në vend.

Ndryshe, sot në Qendrën Klinike dhe Universitare të Kosovës kanë kërkuar ndihmë dy vajza, të cilat dyshohet se mund të jenë prekur nga koronavirusi. Analizat për to pritet të dalin sot gjatë ditës.

Deri më tani në Kosovë nuk është konfirmuar asnjë rast pozitiv me koronavirus.

“Këto institucione janë furnizuar dhe janë në proces të furnizimit me mjete mbrojtëse, duke përfshirë maska adekuate, syza mbrojtëse, uniforma mbrojtëse dhe materiale tjera të nevojshme për punë me pacientë të dyshimtë dhe të infektuar me virusin Covid -19.

Po ashtu, institucionet janë furnizuar dhe janë në proces të furnizimit me barna dhe dezinfektues për duar dhe hapësira.
​
QKUK, ka 20 respiratorë rezervë dhe mund të futen në funksion në raste nevoje”, thuhet në njoftimin e këtij institucioni.


Gjithashtu kanë shtuar se SHSKUK po e përcjell gjendjen nga afër dhe ka rritur nivelin e gatishmërisë në secilin nga institucionet që i ka në menaxhim.


OBSH  rekomandon gjashtë hapa të thjeshtë për të mos u infektuar me koronavirus – dhe për të parandaluar përhapjen e tij te të tjerët.

– Lani duart tuaja tërësisht.

– Kolliteni dhe teshtitni në një ind letre/shami

– Qëndroni në shtëpi nëse keni një temperaturë të lartë dhe një kollë.

– Shmangni shtrëngimin e duarve

– Gjithmonë telefononi përpara se të shkoni te mjekët apo spitali

– Hidhni pecetën e përdorur në një shportë të mbyllur

OBSH ka krijuar gjithashtu një linjë telefonike për pyetje në lidhje me Covid-19.

Autoritetet  kosovare gjithashtu po informojnë udhëtarët në vendkalimet kufitare dhe aeroportin ndërkombëtar "Adem Jashari" për rreziqet që paraqet koronavirusi.

Ka shkuar në 22 numri i personave të vdekur nga koronavirusi në Shtetet e Bashkuara të Amerikës , ndërsa më shumë se 500 të tjerë janë infektuar.


Më shumë se gjysma e pesëdhjetë shteteve të Shteteve të Bashkuara tashmë kanë raportuar raste të koronavirusit. Raste së fundi u konfirmuan në Virginia, Connecticut dhe Iowa.

Zyrtarët shëndetësorë kërkuan që njerëzit t’i pakësojnë kontaktet e panevojshme mes vete aq sa kanë mundësi si masë për t’iu shmangur rrezikut nga infektimi, shkruan “France24”.

Senatori amerikan, Ted Cruz, tha se do të vendoset në karantinë për shkak se kishte pasur kontakte me një pjesëmarrës të një konference, i cili është konfirmuar si person i infektuar me koronavirus.

Pavarësisht përhapjes së virusit Covid-19, presidenti Donald Trump ka thënë se do të vazhdojë të mbajë tubime politike, në të cilat nganjëherë mblidhen deri në 20 mijë njerëz.


Koronavirusi është përhapur edhe në Evropë. Vendi më i goditur është Italia me mbi shtatë mijë persona të infektuar, ndërsa në Gjermani janë regjistruar rreth një mijë infektime. Së fundi, dy rastet e para u konfirmuan edhe në Shqipëri.


Është bërë e ditur se Ministria e Shëndetësisë në një njoftim zyrtar pak pas mesnate, konfirmoi dy rastet e para me koronavirusin e ri COVID-19 në Shqipëri.

Lidhur me këtë qeveria po zhvillon një mbledhje të jazhtëzakonshme, ku kryeministri Edi Rama tha se në vazhdën e masave u vendos që shkollat të mbyllen për dy javë.

“Masat e sotme janë pezullimi i fluturimeve drejt veriut të Italisë dhe drejt zonave të kuqe, deri më 3 prill 2020. Mbyllja e arsimit në të gjithë vendin. Është momenti të mbyllim të gjitha institucionet arsimore dhe të kërkojmë mbylljen e të gjtha aktiviteteve, dëgjesa publike, deri më 3 prill 2020”, tha  Edi Rama.

“Vetëpërmbahuni dhe ndërgjegjësohuni, armiku më i madh është paniku, jo COVID-19. Nuk është murtaja e mesjetës, nuk jemi përballë një diçkaje të panjohur. Të gjithë jemi të ekspozuar nga COVID-19, të punojmë së bashku, të ruajmë njëri-tjetrin. Këshillat janë të thjeshta për t’u ndjekur, u rekomandohen të gjithë njerëzve në mbarë botën. Ndodhemi në një situatë që po kërcënohet e ardhmja e njerëzimit”, tha më tej kryeministri.

Vetëm Glarus, Nidwalden, Obwalden, Schaffhausen, Uri dhe Appenzeller-Innerrhoden ende nuk kanë regjistruar një rast të virusit.


Në gjithë Zvicrën, totali i infeksioneve tani konfirmohet të jetë më shumë se 300. Në përgjithësi, 20 nga 26 kantonet e Zvicrës kanë deklaruar raste të koronavirusit me gjithsej, duke qëndruar në 330.

Ticino ka 57 infeksione të konfirmuara, përfshirë disa punonjës shëndetësie. Cyrihu ka 34 raste, ndërsa Vaudi dhe Gjeneva kanë 38.

Vetëm Glarus, Nidwalden, Obwalden, Schaffhausen, Uri dhe Appenzeller-Innerrhoden ende nuk kanë regjistruar një rast të virusit.

Të dielën në mëngjes, një burrë 76 vjeç në Baselland vdiq, duke e bërë atë viktimën e dytë të virusit në Zvicër.

Të martën, Këshilli Federal ka konfirmuar se ka pasur një transmetim mes njerëzve në Zvicër për herë të parë.

Në Zvicër, 55 për qind e të infektuarve kanë qenë burra, ndërsa 45 për qind, gra.

Pse nuk i kap shqiptarët koronavirusi? Nisin studimet për këtë çështje

Në Shqipëri nuk ka asnjë rast të prekur nga koronavirusi.


Koronavirusi po përhapet në të gjithë botën, por deri tani Shqipëria, edhe pse është e rrethuar nga vende që COVID 19 është përhapur me përmasa të mëdha sërish nuk ka asnjë rast të konfirmuar.

Ky femonem në Itali duket i çuditshëm dhe mediat italiane shkruajnë se Shqipëri mund të jetë një rast studimor për mjekët.
 I habitur nga ky fakt është dhe drejtori i zyrës së OBSH në Tiranë, Raul Gonzales, i cili në një deklaratë tha se po përpiqen të kuptojë arsyen përmes studimeve të gjera.

Sidoqoftë, kontrollet vazhdojnë jo vetëm për ata që hyjnë rregullisht në Shqipëri, por edhe kundër emigrantëve të paligjshëm, por ende s’ka asnjë të prekur, pasi në gati 50 raste të dyshuara të gjithë kanë dalë negativë.

Po ashtu në rrjet ka nisur të qarkullojë dhe një teori tjetër se shqiptarët janë një popull imun nga koronavirusit dhe nuk kanë rrezik për t’u infektuar.

Duke qenë se është fakt se edhe pse shqiptarët përbëjnë grupin e dytë më të madh të të huajve në Itali—në Itali jetojnë të paktën 700 mijë, por me gjasa rreth 900 mijë shqiptarë, asnjë prej tyre nuk dihet të jetë prekur nga koronavirusi.

Duhet theksuar se burime të “Exit News” kanë folur me Alban Beltojën, mjekun reanimator shqiptar në zonën e Lodit, epiqendrën e koronavirusit në Itali, i cili pohon se nuk ka patur ansjë rast shqiptar në qendrën e tij dhe, në dijeninë e tij, në asnjë zonë tjetër të Italisë.

Të dielën, Italia urdhëroi bllokimin, ku përfshinte ndalimin e fluturimet dhe disa masa tjera, përfshirë kryeqytetin financiar Milano, në një përpjekje drastike për të provuar të përmbajë një shpërthim të shpejtë të koronavirusit në rritje


Kufizimet e papara, të cilat do të prekin rreth 16 milionë njerëz dhe do të qëndrojnë në fuqi deri më 3 prill, u nënshkruan në ligj brenda një nate nga Kryeministri Giuseppe Conte.

Masat e reja thonë se njerëzit nuk duhet të hyjnë ose të largohen nga Lombardia, rajoni më i pasur i Italisë, si dhe 14 provinca në katër rajone të tjera, përfshirë qytetet e Venecias, Modena, Parma, Piacenza, Reggio Emilia dhe Rimini, përcjell albinfo.ch.

Conte tha se askush nuk do të lejohej të lëvizte brenda ose jashtë këtyre zonave, ose brenda tyre, përveç nëse ata kishin provuar, arsye të lidhura me punën për ta bërë këtë, ose çështje shëndetësore.

Vdekjet nga virusi në Itali ishin rritur gjithashtu, nga 36 në 333, ndërsa numri i pacientëve në kujdesin intensiv u ngjit në 567, duke u rritur 23% nga një ditë më parë.

Nga 5,883 italianë të infektuar fillimisht, 589 janë rikuperuar plotësisht, por sistemi spitalor ka rënë në një tendosje në rritje. Rajonet veriore të Lombardisë, Emilia-Romagna dhe Veneto përfaqësojnë 85% të të gjitha rasteve dhe 92% të vdekjeve të regjistruara.

Morena Colombi : 

“Paniku ka pushtuar të gjithë vendin, por unë u shërova nga koronavirusi”

Morena Colombi, 59 vjeçe nga Trucazzano, në rajonin e Milanos, ka vendosur të flasë pas pneumonisë që i shkaktoi prekja nga Covid 19.

Gruaja zgjodhi të tregojë fytyrën e të japë intervista, pavarësisht stigmës që, siç thotë, rrethon personat e sëmurë nga koronavirusi i ri. “ Unë mendoj se një alarm kaq i madh nuk justifikohet, kjo histeri masive është e ekzagjeruar. Njerëzit duhet t’u thuhet se nëse e marrin koronavirusin, do të mbijetojnë dhe do të shërohen”, është shprehur ajo. Gruaja ishte ndier keq dhe kishte shkuar tek mjeku, që i diagnostikoi një grip të zakonshëm.

E këshilloi të merrte takipirinë dhe të pushonte, por Morena e kuptoi gjatë ditëve në vijim se diçka nuk shkonte. “Rrufa nuk po kalonte, dhe kisha një kollë të thatë që nuk ikte.



Në atë moment mendova mos është virusi i frikshëm? Sepse për shkak të punës kam edhe shumë kontakte me Azinë”, rrëfen ajo. Kishte thirrur urgjencën duke i shpjeguar simptomat, por ajo nuk erdhi, ndaj shkoi vetë në spital, ku sërish e kishin sjellë vërdallë edhe për ca kohë. Nisur nga eksperienca personale, Morena thotë se strukturat sanitare në vend nuk ishin të përgatitura për t`i bërë ballë kësaj emergjence.

“Nuk kishin dhoma të izoluara, në fillim fjeta në një barelë. Aq shumë isha lodhur sa kur më thanë që kisha koronavirusin, as nuk u tremba”, tha gruaja, që tani është më mirë.

Mjeku italian, Alberto Pellai: 

 “I dashur fëmijë, ja përse koronavirusi ngjall kaq shumë frikë por ti nuk duhet t’i druhesh”.

Është një virus. Është aq i vogël saqë mund të shihet veçse në laboratorë specialë me mikroskopë specialë.

Prandaj na frikëson kaq shumë. Sepse është i pakapshëm me sy të lirë. Gjithmonë ne qeniet njerëzore kemi frikë nga gjithçka që na bën keq dhe që nuk mund të shihet.

I ndodhte njeriut që shkonte në pyll për të gjuajtur kafshë të egra. Ai nuk i shikonte dhe i duhej të shkonte t’i kërkonte. Ato qëndronin në vende të fshehta dhe, për të mos u v rarë, mundej që ta vrisnin.


Aty truri ynë ka mësuar të ndezë emocionin e frikës. Na ka pajisur me kapacitetin e paralajmërimit të një rreziku që nuk shihet. Në këtë mënyrë jemi më të përgatitur për t’u përballur kur na shfaqet përpara syve.

Frika është si sirena e ambulancës që ulëret brenda teje. Koronavirusi, sot, bën që të bien të gjitha sirenat e alarmit të gjithë botën. Flasin vazhdimisht në media, internet, televizion.

Ka disa mes të rriturve që janë më të qetë, ka të tjerë në ankth, disa janë shumë të frikësuar. Por ndërkohë ka njerëz me nerva të forta që po punojnë ditë e natë për ta luftuar këtë rrezik.

Fatkeqësisht në disa vende kanë anuluar ekskursionet shkollore. Nuk bëhen më stërvitjet sportive. Ngjan sikur jemi në një luftë, kjo të vjen ndërmend. Kemi një frikë të tmerrshme për ta përballuar.

Nuk mund ta zhbëjë këtë frikë, por mund të them që, teksa është e drejtë të ndjesh alarm për diçka që na kërcënon, në të njëjtën kohë duhet të mësojmë të kemi masë në mënyrën si e përballojmë rrezikun: Ta marrim për atë që është dhe për aq sa është.

Është e vërtetë që koronavirus është një agjent i ri infeksioni që për të parën herë po god et qëniet njerëzore. Më parë ishte prezent vetëm në trupin e disa kafshëve.

Është e vërtetë: Disa njerëz të infektuar nga koronavirusi kanë vdekur.

Këto ne të gjithë i dimë tashmë, por ja disa të vërteta të tjera që, në këtë klimë alarmi, duhet të tregohen, por që njerëzit i përhapin shumë pak:

E para, sëmundja është lokalizuar në disa zona të caktuara, të quajtura zona të shpë rthimit të infeksionit. Kur u identifikua zona e shpërthimit, ekspertët morën të gjitha masat e mundshme për të mos e lejuar të dilte që atje. Është tamam si një kafshë në kurth. Atje ku ka shpër thyer, njerëzit janë sot në izolim dhe karantinë. Nuk po dalin prej ditësh nga territori i tyre.

Sëmundja e prodhuar nga koronavirusi është e ngjashme me një grip. Të shkakton kollë, tështimë, temperaturë. Në shumë njerëz virusi nuk prodhon as këto simtoma. Vetëm pak njerëz sëmuren me simtoma shumë më të rënda, si pneumonia.

E duhet të dish që mes këtyre të sëmurëve nuk ka fëmijë. Ose ta shpjegoj më mirë, duket se ata që janë në moshën tënde, kanë një aftësi të natyrshme t’i rezistojnë su lmit të virusit. Do të thotë që ky virus nuk përbën një kër cënim të vërtetë për fëmijët.

Përpos kësaj, duhet të konsiderosh që në vendet në të cilat është përhapur infeksioni, ka miliona e miliona njerëz të tjerë. Prej tyre shumë pak marrin infeksionin, dhe prej atyre të paktëve vetëm 2 përqind kanë vdekur.

Është e trishtueshme të dish që qoftë edhe një njeri i vetëm vd es nga një sëmundje. Megjithatë është e rëndësishme që ti të kuptosh që e gjithë bota po lufton për të shmangur që kjo të ndodhë.

Por është thelbësore që njerëzit të alarmohen. Sepse kështu perceptojnë një rrezik dhe mësojnë të bëjnë gjithë çfarë nevojitet për të shmangur që ai të rritet.

Është ajo që kanë bërë me ty prindërit e tu që kur ke lindur.

Të kanë mësuar që përpara se të kalosh rrugën, duhet të presësh që semafori të kthehet në të gjelbër. Në të kundërt rrezikon të tërhiqesh zv arrë nga një makinë. Kjo të ka lejuar të mësosh që të jesh në botë i sigurt, duke ditur se si të shmangësh rreziqet.

Të kanë mësuar që nuk mund të hash vetëm hamburger dhe patatina. Sepse trupi yt ka nevojë edhe për fibra e vitamina që gjenden tek frutat dhe perimet. Vetëm në këtë mënyrë mund të kesh një trup të shëndetshëm.

Të kanë mësuar që kur lundron në internet nuk duhet të japësh të dhënat e tua – emër, mbiemër e adresë –askujt, sepse nuk dihet se kush qëndron në anën tjetër.

Për koronavirusin është diçka e ngjashme. Bota tani paralajmërohet se jashtë është një virus për të cilin nuk dimë shumë gjëra. E prandaj duhet të mbrohemi.

Çdo ditë në laboratorë, shkencëtarët po punojnë për të gjetur një vaksinë dhe kurën. Në çdo moment, njerëzit që drejtojnë po marrin masa.
Dhe mos harro atë 2 përqindshin, pra edhe njerëzit që sëmuren kanë 98 për qind mundësi për t’u shëruar. Dhe pothuajse e gjithë popullsia ka mundësi maksimale të mos sëmuret.

Ekspertët e parandalimit na thonë të bëjmë disa gjëra që janë shumë të thjeshta, por shumë të rëndësishme:

1-Nëse të vjen të tështish, bëje tek brryli. Në këtë mënyrë ulet mundësia e rrezikut për të përhapur jo vetëm koronavirusin, por çdo virus tjetër që ka të bëjë me rrugët e frymëmarrjes.

2-Laj mirë duart, lart, poshtë e mes gishtave, me sapun të lëngshëm, për më shumë se dhjetë sekonda.

3-Mund të këndosh ndërkohë këngën “shumë urime për mua” teksa lan duart, kështu arrin të kryesh procesin për aq kohë sa duhet e ndërkohë thua diçka të bukur dhe fut brenda në shpirt pak gëzim dhe optimizëm.

4-Përdor kartopiceta për rrufën dhe hidhi menjëherë në një kosh të mbyllur.

5-Mos i vendosni gishtat dhe duart në gojë, sy, hundë (por tashmë e keni ditur këtë!) dhe mos ha thonjtë. Këta mbaji të shkurtër dhe të rregullt.

Kjo është gjithçka ajo që mund të bësh ti vetë për të mposhtur këtë përbindëshin e padukshëm që të ka frikësuar. Të cilin po e njohim nga dita në ditë dhe po mësojmë ta mundim.

Njeriu, gjatë gjithë historisë ka ditur si të bëjë gjëra të jashtëzakonshme. Mësoi të kapërcejë sëmundje shumë më të tm errshme, shpiku raketa që mund të na çojnë në Hënë, zbuloi se si ta shndërrojë ujin dhe dritën e diellit në energji.

Mos harro: Frika na bën të shohim vetëm anën e errët dhe të zymtë të gjërave. Por ti mos humb në errësirë.

Beso! Beso edhe në punën e miliona njerëzve sot që po punojnë dhe po luftojnë për të fituar betejën kundër koronavirusit. Mëso t’i imagjinosh të gjithë sëbashku. Janë një ushtri e pafundme me miliona burra dhe gra – mjekë, studiues, shkencëtarë, infermierë, oficerë të zbatimit të ligjit – kundër një virusi mikroskopik të padukshëm.

Do t’ia dalim edhe këtë herë, do ta shohësh që do t’ia dalim!

Dr.Abdu Sharkawy : Unë nuk kam frikë nga koronavirusi

“Unë jam mjek dhe specialist i sëmundjeve infektive. Kam qenë në këtë detyrë për më shumë se 20 vjet, duke ndjekur përditë pacientë të sëmurë. Kam punuar në spitalet e qendrës së qytetit, por edhe në lagjet më të varfëra të Afrikës. HIV-SIDA, Hepatiti, TB, SARS, Fruthi, Shingles, Difteria … ka shumë pak sëmundje, ndaj të cilave nuk jam ekspozuar në profesionin tim. Dhe me përjashtim të SARS-it, shumë pak më ka lënë të ndjehem i brishtë, i tronditur apo tërësisht i frikësuar.

Unë nuk kam frikë nga Covid-19. Jam i shqetësuar për pasojat e një agjenti të ri infektues, që është përhapur në të gjithë botën dhe vazhdon të gjejë shtigje të reja, në terrene të ndryshme. Me të drejtë jam i shqetësuar për mirëqenien e atyre që janë të moshuar, në gjendje të dobët shëndetësore ose pa ndihmë, të cilët vuajnë më së shumti, dhe në mënyrë disproporcionale, në duart e këtij ndëshkimi të ri. Por, unë nuk kam frikë nga Covid-19.

Ajo që më frikëson është humbja e arsyes dhe vala e frikës, që i ka shtyrë masat e shoqërisë në një spirale magjepsëse paniku, duke magazinuar sasi të pazakonte nga çdo gjë, që do të mund të mbushte mjaftueshëm një vendstrehim bombardimesh, në një botë post-apokaliptike.

Jam i trembur nga maskat N95 që vidhen në spitale dhe urgjenca, ku në fakt nevojiten më shumë për ofruesit e shërbimeve mjekësore në vijën e parë të frontit, dhe në vend të kësaj jepen në aeroporte, qendra tregtare dhe kafene, duke shkaktuar edhe më shumë frikën dhe dyshimet e të tjerëve.

Mua më tremb fakti që spitalet tona do të tejmbushen me njerëz që mendojnë se “ndoshta nuk e kanë virusin, por sido që të jetë le të kontrollohen një herë, sepse ku i dihet…”, ndërkohë që të tjerë që kanë probleme me zemrën, emfizemë, pneumoni, apo stroke do të paguajnë çmimin e Urgjencave të mbushura plot, ndërkohë që numri i doktorëve dhe infermierëve është i kufizuar.

Unë kam frikë se kufizimet e udhëtimit do të zgjerohen kaq shumë, saqë martesat do të anulohen, ceremonitë e diplomimit do të zbrazen dhe takimet familjare nuk do të materializohen. Edhe ajo festë e madhe që quhet Lojërat Olimpike… edhe ajo mund të anulohet. A mund ta imagjinoni?

Kam frikë se këto frikëra për epideminë do të kufizojnë tregtinë, dëmtojnë partneritetet në shumë sektorë, do të dëmtojnë bizneset dhe do të arrijnë kulmin tek një recesion global.

Por mbi të gjitha, kam frikë për mesazhin që po u përcjellim fëmijëve tanë, kur përballen me një rrezik. Në vend të arsyes, racionalitetit, mendjes së hapur dhe altruizmit, po u themi që të panikosen, të kenë frikë, të jenë dyshues, reagues dhe egoistë.

Covid-19 nuk ka ikur dhe nuk do të ikë së shpejti. Ai do të vijë në një qytet, një spital, një mik, madje edhe një pjesëtar familje pranë jush, në një moment. Priteni. Mjaft pritët që të befasoheni më tutje. Fakti është që vetë virusi nuk do të bëjë aq dëm kur të vijë. Por vetë sjelljet tona dhe qasja “lufto mbi të gjitha për vete”, mund të rezultojë shkatërrimtare.

Ju lutem të gjithëve. Zbuteni frikën përmes arsyes, panikun përmes durimit dhe pasigurinë përmes edukimit. Kemi një shans për të mësuar shumë mbi higjenën shëndetësore dhe për të kufizuar përhapjen e sëmundjeve të shumta të transmetueshme në shoqërinë tonë.

Le ta përballojmë këtë sfidë së bashku, në frymën më të mirë të dhembshurisë, durimit dhe mbi të gjitha, një përpjekjeje të pandalshme për të kërkuar të vërtetën, faktet dhe dijen përballë hamendësimit, spekulimit dhe katastrofizimit.
Fakte, jo frikë! Duar të pastra! Zemra të hapura. Fëmijët tanë do të na falënderojnë!


Hap pas hapi ....

Autoritetet zvicerane kanë konfirmuar një numër të rasteve të reja të koronavirusit, të cilat po përhapen në Zvicër.

Basel: Një punonjëse femër, përkujdesjes ditore ka dalë pozitiv në testin e koronavirusit, duke çuar në të gjithë fëmijët me të cilët ka pasur kontakte për 14 ditë me të. Numri i saktë i fëmijëve të prekur nuk është konfirmuar.

Spitali Universitar Basel ka raportuar gjithashtu një tjetër rezultat pozitiv për një njeri që jeton në një kanton tjetër.

Cyrih: Të enjten në mbrëmje, autoritetet kantonale konfirmuan një grua 30-vjeçare, e cila udhëtoi në Milano një javë më parë, ishte infektuar nga koronavirusi duke sjellë gjashtë raste të përgjithshme në Zvicër.

Aargau: Një burrë 26 vjeç në lidhjen e Kantonit Aargauexternal doli pozitiv për Covid-19 të enjten pasdite dhe aktualisht është në izolim në spitalin kantonal. Njeriu i infektuar qëndroi në Verona në Italinë Veriore rreth një javë më parë në një udhëtim pune. Ata që janë afër tij janë karantinuar dhe burri është në gjendje të mirë shëndetësore sipas autoriteteve.

Graubünden: Dy raste pozitive u konfirmuan nga autoritetet e kantonit Graubünden në Zvicrën juglindore më herët gjatë ditës. Të dy personat e infektuar janë fëmijë italianë që ishin me pushime në rajonin e Graubünden. Ata po tregojnë simptoma dhe janë shtruar në spital, por janë në gjendje të mirë shëndetësore.

Gjenevë: Kantoni Gjenevë gjithashtu konfirmoi një rast të enjten. Burri 28-vjeçar aktualisht është në spital, por paraqet simptoma të lehta. Departamenti i Sigurisë, Punësimit dhe Shëndetit të Gjenevës tha të enjten se një punonjës i IT 28-vjeçar që ishte kthyer kohët e fundit nga Milano, Itali, kishte testuar pozitiv për koronavirusin e ri.

Burri u kthye tre ditë më parë nga Milano dhe kontaktoi mjekun e tij, i cili bëri një test, tha një zëdhënës për Agjencinë e Lajmeve Keystone-SDA.

Rezultatet pozitive erdhën në mbrëmjen e së mërkurës. Burri, i cili paraqet simptoma të buta, është shtruar në spital në Spitalin Universitar të Gjenevës (HUG). Rreth pesëmbëdhjetë njerëz që kanë qenë në kontakt me burrin janë vendosur në karantinë në shtëpitë e tyre.

Ticino: Rasti i parë i Zvicrës u konfirmua të martën. Një burrë në të shtatëdhjetat e tij u infektua, gjithashtu në rajonin e Milanos, gjatë një ngjarje më 15 shkurt. Pensionisti nga kantoni jugor i Ticino, është në izolim në një klinikë në Lugano dhe raportohet se po shkon mirë. Ata që kanë qenë në kontakt me të do të testohen dhe vendosen në karantinë për të monitoruar gjendjen e tyre gjatë 14 ditëve të ardhshme.

Zyra Federale e Shëndetit Publik tha të enjten se kjo nuk ndryshon vlerësimin e rrezikut në Zvicër. Aktualisht koronavirusi i ri paraqet vetëm një rrezik për popullatën, thonë zyrtarët shëndetësorë.

Sidoqoftë, probabiliteti i rasteve të tjera që diagnostikohen po rritet. Institucionet mjekësore janë të përgatitura të bëjnë zbulimin e hershëm dhe testimin e rasteve të dyshuara.

Ata thanë se nuk ishte e nevojshme në këtë fazë të merren masa të mëtejshme, siç është mbyllja e shkollave. Masat e reja do të konsideroheshin nëse autoritetet do të kishin përshtypjen se transmetimi i virusit nuk ishte nën kontroll.

Vaksina kundër coronavirusit është gati, kërkohen vullnetarë për të filluar testimet

Shkencëtarët në Seattle të Washingtonit e kanë krijuar vaksinën e parë kundër coronavirusit, ndërsa për të filluar testimet po kërkojnë vullnetarë.


US. National Library of Medicine raporton se vullnetarët e interesuar që të kontribuojnë në këtë projekt duhet të jenë të moshës nga 18 deri në 55 vjeç dhe duhet të jenë në gjendje të mirë shëndetësore.

Kjo vaksinë e prodhuar nga Moderna nuk është bërë nga ndonjë virus i mbytur ose i dobësuar dhe nuk do të infektojë askënd me coronavirus, bën të ditur Wall Street Journal.

Gjatë 14 muajve pjesëmarrësit do të bëjnë 11 vizita në Seattle dhe do të kenë katër biseda telefonike. Ata do të injektohen me këtë vaksinë, nga dy herë për çdo seancë.

Pasi vaksina të jetë testuar, duhet të kalojë më shumë prova me grupe më të mëdha, para se të miratohet për publikun.

Që kur është paraqitur e deri me sot, coronavirusi i ka vrarë 3,522 njerëz, derisa 103,738 janë të sëmurë, kurse 58,456 janë shërua.