POROSIA E TË PREKURIT NGA KORONAVIRUSI NË KOSOVË: NUK ËSHTË ASPAK E LEHTË, MERRENI SERIOZISHT KËTË PANDEMI

Porosia e të prekurit nga koronavirusi në Kosovë: Nuk është aspak e lehtë, merreni seriozisht këtë pandemi
I prekuri me koronavirus nga fshati Bibaj i Ferizajt ka treguar për gjendjen e tij shëndetësore, gjithashtu ai bën thirrje që qytetarët të kenë kujdes dhe të mbrohen nga ky virus.

Ai ka thënë se ballafaqimi me simptomat e virusit Covid-19 nuk ishte aspak e lehtë.

Shkrimi i plotë pa ndërhyrje:


Miq dhe familjar të dashur

Së pari shpresoj që të jeni mirë dhe shëndosh. Faleminderit shumë për mesazhet e pafundëme që më keni dërguar dhe për mbështetjen tuaj në këtë kohë të vështirë.
Pas kthimit tim nga Gjermania, ju nënshtrova procesit të kuarantinës si të gjithë bashkë udhëtarët e tjerë, dhe fatkeqësisht rezultatet e testimit për Covid-19 më dolën pozitiv. Gjatë tërë këtij procesi kam qëndruar në konviktin e studentave në Prishtinë.


Gjatë mbrëmjes së 20 Marsit, gjendje ime shëndetsore u perkeqesua dhe kerkova qe te dergohem në repartin infektiv të QKUKs.
Falenderoj stafin mjekësor per përkujdesjen e tyre deri më tash dhe dua të ju informoj që gjendja ime shëndetsore momentalisht është stabile.

Deklaratë (thirrje) për Xhematin tim, por edhe më gjerë:

Naser Tolaj ,imam nga Isniqi i Deçanit

Të nderuar vëllezër,

Këtë deklaratë (thirrje) po e bëj duke u nisur nga fakti që kisha në dy raste të varrimit në Xhematin tim. Vërtetë është shumë shqetësuese prania e shumë njerëzve në varrim, duke pasur parasysh situatën në të cilën gjendemi, ku një pjesë e madhe e botës po përballet me një pandemi të paparë ndonjëherë deri më tani. Në këtë situatë, edhe shtetet më të mëdha dhe më të fuqishme po thuajse janë të sfiduara, dhe po thuajse kjo pandemi e quajtur Coronavirus (COVID 19), është akoma në rritje me përmasa jashtëzakonisht të mëdha. E fatkeqësisht kjo po ndodh edhe në vendin tonë.

Ju kisha bërë thirrje dhe lutje, aman të kemi kujdes, mos të marim pjesë në masa të mëdha nëpër varrime. Le të marrin pjesë vetëm rrethi i ngushtë familjar, para se të bëhet vonë, që pastaj të mos mund të marrin pjesë as edhe vetë familjarët, sikurse po ndodh tani në shtetin e Italisë.

Shikuar nga aspekti fetar, falja e namazit të xhenazës është Farz kifaje (obligim kolektiv), çka do të thotë se: nëse një pjesë e muslimanëve (sa do në numër të pakët që mund të jenë) e kryejnë këtë obligim, të tjerët lirohen, madje edhe në kushtet krejt normale.
E në veçanti në situatën në të cilën gjendemi, ku as edhe të Xhumanë nuk po mund ta falim (e që në kushte normale patjetër që do të duhej ta falnim që të gjithë, ngase është farz, Ajn, obligim individual), ju lus që njëjtë të veproni edhe për faljen e namazit të xhenazes.

Foto nga vizita e Ahmet Ef. Sadriut drejtor i Drejtorisë për Botime dhe Informim në Bashkësinë Islame të Republikës se Kosovës.dhe imami i Isniqit , Naser Tolaj ( Isniq 16 qershor 2017) 

Hiç më larg se dje e kisha një varrim, ku kishte një masë me mbi 200 persona, dhe që të gjithë ata, duke përfshirë këtu fatkeqësisht edhe vetën time, nuk kishin masa mbrotjëse (as maska, e as dorëza). Kjo më shtyri që të ju drejtohem me këtë thirrje, që të i respektojmë udhëzimet dhe kërkesat e organeve kopetente të shtetit tonë, përfshirë këtu edhe rekomandimin e Kryesisë së Bashkësisë Islame të Republikës së Kosovës, që të mos të marrin pjesë shumë persona në varrimet tona.

(Foto : 23 korrik 2014)

Pastaj mos të harrojmë se, është edhe obligim fetar, që të i ndëgjojmë thirrjet e mjekëve dhe organeve të tjera kopetente të cilat i kemi.

E kemi për obligim që ta ruajmë vetën dhe të tjerët, sepse kjo pandemi po bart pasoja të rënda, madje mund të na dërgojë edhe drejt vdekjes.

Andaj edhe një herë po ju lus që:

Në varrimet të cilat mund të na ndodhin, le të marrëë pjësë vetëm rrethi i ngushtë familjar dhe të kemi shumë kujdes, ngase vërtetë gjendja është më tepër se serioze. Pastaj, mos ta harrojmë këshillen e Pejgamberit a.s ku ka thënë:

Foto: 28 korrik 2014

“Nëse ndëgjoni që në një vend ka ndonjë sëmundje ngjitëse, të mos shkoni atje, dhe, nëse është në vendin tuaj, mos levizni nga aty.” Të njëjtën gjë sot po e thotë edhe mjekësia.

Andaj të i përmbahemi motos: “ Rri pastër ( merr abdes), fale namazin, mbështetju Zotit, rri në shtëpi”!

Ramush Haradinaj, ish-kryeministri i Kosovës ka shprehur ngushëllimet e tij për vdekjen parë nga koronavirusi.

Ramush Haradinaj ka kritikuar qasjen e Qeverisë së Kosovës rreth luftimit të kësaj pandemie globale, sipas tij qeveria duke refuzuar shpalljen e gjendjes së jashtëzakonshme po e vë popullin në rrezik, shkruan Insajderi.

“Ju lus të gjithëve të jemi të mobilizuar ndaj kësaj pandemie. T’i dëgjojmë këshillat e ekspertëve mjekësorë dhe t’i përcjellim rekomandimet në përpikëri”, ka shkruar Haradinaj.


Postimi i plotë i Haradinajt:


Sot me pikëllim mora lajmin për viktimën e parë të COVID-19! Kosova sot pësoi nga pandemia por edhe nga keq menaxhimi. Përderisa shtetet përgjegjëse marrin masa emergjente dhe trajtojnë problemin me seriozitet, Qeveria në ikje zgjedh ta vënë në rrezik popullin duke refuzuar qasjen e jashtëzakonshme të këtij problemi.
Lutjet e mia shkojnë për qytetarin që humbëm sot dhe familjen e tij. Përkrahja ime shkon për mjekët dhe personelin mjekësor që punojnë pa ndalë.
Ju lus të gjithëve të jemi të mobilizuar ndaj kësaj pandemie. T’i dëgjojmë këshillat e ekspertëve mjekësorë dhe t’i përcjellim rekomandimet në përpikëri.
RH

Mjekësia Ligjore nuk është thirr në Komitetin e koronavirusit, MSH s’ka qeska të kufomave

Instituti i Mjekësisë Ligjore nuk është përfshirë në Komitetin për koordinimin dhe vlerësimin e situatës me koronavirusin, dhe as në grupet tjera për emergjenca.

Këtë e ka konfirmuar drejtori i IML-së Dr. Arsim Gërxhaliu, i cili ka thënë se nuk është kontaktuar nga askush edhe pse sipas tij do të duhej të ishin pjesë e grupeve teknike emergjente në rastet kur priten viktima, shkruan Gazeta Shneta.

E për fat të keq sot është shënuar viktima e parë nga koronavirusi në Kosovë. Një 82-vjeçar nga Podujeva ka ndërruar jetë pasi ishte kontakt i fëmijëve të tij të cilët kishin ardhur nga Italia dhe ishin konfirmuar më parë me Covid-19.


Një problem që është shfaqur këto ditë është mungesa e qeskave të kufomave të cilat Ministria e Shëndetësisë nuk ka arritur t’i sigurojë në procedurat urgjente të blerjes, për shkak se asnjë kompani nuk ka ofertuar. Këtë e ka konfirmuar Sekretari i MSH-së Dr. Naim Bardiqi në një intervistë para disa ditësh.


Në anën tjetër Gërxhaliu ka thënë se janë të gatshëm të japin kontributin e tyre në këtë situatë, teksa ka konfirmuar se kanë në stok 132 qeska të cilat janë porositur më parë sipas planifikimeve të zakonshme.

“Në stok i kemi 132 qeska të cilat janë porositur për punën tonë rutinore. Kemi bërë porosi konform asaj që na lejon buxheti”.


“Në raste të tilla të vdekjeve sikurse rasti konkret, autopsitë nga sëmundjet janë detyrë e Institutit të Patologjisë, sepse ne kryejmë vetëm rastet penale. Por meqë e di se vendi ynë nuk është i përgatitur për një gjë të tillë (emergjencat) atëherë rasti mbyllet bazuar në dokumentacionin mjekësor. Rast praktik është Italia ku ka kollabuar në këtë situatë dhe i mbyllin rastet kurse hapi që kanë marrë është si hap i rëndësishëm që rastet mos t’i varrosin por t’i dërgojnë në krematorium”, ka deklaruar Gërxhaliu.

Ai ka thënë se IML asnjëherë në këto 20 vite nuk është ftuar që të jetë pjesë e grupit të emergjencave dhe të jap mendimet profesionale lidhur me përgatitjet e shtetit në raste të emergjencave ose katastrofave në masë. “Sido që të jetë IML jemi të mobilizuar dhe të gatshëm të japim kontributin tonë në kuadër të mundësive që posedojmë”, ka deklaruar Gërxhaliu.

Ndërkaq Qendra Klinike Universitare e Kosovës ka thënë se posedon sasi te qeseve per kufoma, por nuk kanë treguar numrin e saktë. “Presim që në furnizimin e Msh, të furnizohemi me sasi shtesë të tyre. Momentalisht ka edhe Klinika Infektive edhd intensivja qendrore”, thuhet në përgjigjen e QKUK-së. /Insajderi.com

‘BAZA AMERIKANE TOP SECRET’ KU JETOJNË DHE VDESIN ALIENËT

Ekziston një bazë tepër sekrete e Forcave Ajrore të SHBA, e cila përmban një kompleks të gjerë tunelesh nëntokësore të mbushur me alienë të gjallë dhe të vdekur. Kështu pretendon një ish-punonjës i bazës për “The Sun Online”.


Raymond Szymanksi beson se UFO-t dhe alientët nga incidenti famëkeq i 1947 në Roseell u sollën në bazën e Forcave Ajrore “Wright-Patterson Air Force Base (WPAFB)” në Dayton, Ohio për inspektim dhe për t’u mbajtur në tunele sekrete.

Kërkuesi i jashtëtokësorëve që punoi si inxhinier dhe shkencëtar drejtues në bazën WPAFB për 39 vjet detajon shtrirjen e plotë të aktivitetit “alien: në bazë në librin e quajtur “50 shades of Greys”.

Duke folur ekskluzivisht për “The Sun Online”, ai tregon se kishte një sistem tunelesh dhe hyrjesh nëntokësore në këtë bazë që strehonte krijesat e gjalla dhe të vdekura jashtëtokësore.

“Unë isha caktuar për të punuar në Avionics Laboratory’s Management Operations Office me drejtuesin Tim Al, një inxhinier industrie i graduar.

Gjatë javës së parë të punës, Al më tha disa këshilla që nuk i prisja dhe të habitshme. Ai më tha që në 1947 kishte ndonjë një përplasje në Roswell dhe ata i sollën pajisjet dhe alienët këtu për inspektim, për t’i mbajtur në tunelet sekrete nën bazë. Kur unë e pyeta sesi e dinte ai këtë sekret, më tha se cilido që punon në këtë bazë, e di këtë.”


Pas bisedës së çuditshme, Szymanski filloi të bënte hulumtime në UFO” sekret ” jashtë aktivitetit tokësor në WPAFB. Ai zbuloi se Divizioni i Teknologjisë së Huaj (FTD) zhvillonte projektin “Project Blue Book” projekti zyrtar për hetimin e UFO-ve nga Forcat Ajrore në vitet 1952-1969.”

Ashpërsohen masat për të frenuar pandeminë në Itali

Pandemia koronavirus ka gjunjëzuar Italinë, që është shteti më i goditur në të gjithë botën. Shifrat që raportohen nga vendi fqinj janë të frikshme, me një bilanc viktimash që ka shkuar mbi 4800.

Të infektuarit nga Covid-19 janë mbi 53 mijë në total, me rajonin e Lombardisë që rezulton më i prekuri. Autoritetet italiane kanë vendosur që të ashpërsojnë masat, në një përpjekje të dëshpëruar për të frenuar përhapjen e këtij virusi vdekjeprurës.

Kryeministri i Italisë, Giuseppe Conte, tha: “Vendimi i qeverisë është të mbyllë, në tërë vendin, të gjitha aktivitetet prodhuese të cilat nuk janë jetike, thelbësore dhe të domosdoshme për të na siguruar të gjitha mallrat dhe shërbimet e nevojshme”.

Sipas vendimit, puna në bizneset që nuk konsiderohen të domosdoshme do të pezullohet deri më 3 prill. Kryeministri Conte njoftoi se supermarketet, farmacitë, postat dhe bankat do të qëndrojnë hapur, ashtu si edhe shërbimi publik i transportit.

Ndërkohë, rreth 8 mijë persona kanë aderuar në task forcën e mjekëve që do të ndihmojnë spitalet më të prekura nga emergjenca e shkaktuar nga koronavirus. Gjithashtu, Italia po ndihmohet edhe nga shtete të tjera të botës. Rusia ka dërguar pajisje mjekësore dhe automjete speciale për dezinfektim, ndërsa 36 doktorë, 15 infemierë dhe një ekspert logjistike udhëtuan nga Kuba për në Romë për t’iu ardhur në ndihmë spitaleve italiane.

Ndërkaq, qeveria e kryeministrit Conte shton praninë ushtarake dhe policiore në shumë qytete. Është rritur dhe numri i postoblloqeve duke kontrolluar dhe më mirë lëvizjet e qytetarëve. Masat shtrënguese të reja erdhën pasi qytetarët nuk po respektonin urdhrin për të qëndruar të izoluar në shtëpi.

E keqja nuk ka ardhur akoma në Evropë nga Coronavirusi-COVIT 19

“Më e keqja nuk ka ardhur akoma”. Paralajmërimi vjen nga vende të ndryshme të Europës, tashmë epiqendër e pandemisë.

Spanja, shteti më i prekur i Bashkimit Europian pas Italisë, nuk shfaqi asnjë shenjë përmirësimi në ngadalësimin e përhapjes së Covid-19. Pavionet e terapisë intensive janë mbushur në shumë spitale, ndërsa qeveria e Madridit ka krijuar dhe struktura të improvizuara për të trajtuar pacientët.

Zyrtarët spanjollë paralajmërojnë se rastet me të infektuar do të vazhdojnë të rriten, ndërsa nuk dihet se kur mund të jetë piku i përhapjes së pandemisë. Kryeministri spanjoll Pedro Sanchez tha: “Fatkeqësisht, më e keqja nuk ka ardhur akoma dhe kemi ditë të vështira përpara nesh. Ne duhet të përballemi me pasojat e valës më të fortë dhe më të dëmshme, e cila do të vendosë në kufi të gjitha aftësitë tona materiale dhe morale. Gjithashtu, forcën tonë si shoqëri”.

Spanja numëron mbi 25 mijë të infektuar me Covid-19 dhe mbi 1300 viktima.

Mbretëria e Bashkuar është një tjetër shtet që po raporton rritje të lartë të rasteve të reja. Koronavirusi u ka marrë jetën mbi 230 personave, ndërsa mbi 5 000 rezultojnë të infektuar. Kryeministri Boris Johnson, pasi mbylli baret dhe restorantet, këshilloi britanikët që të mos vizitojnë të afërmit për të mos përshpejtuar përhapjen e pandemisë. Ai gjithashtu paralajmëroi për një kolaps të mundshëm të sistemit shëndetësor. Sipas autoriteteve, 1,5 milionë qytetarë të Britanisë janë në rrezik dhe atyre u është dërguar një letër me të cilën u kërkohet që të qëndrojnë të izoluar plotësisht për të paktën 12 javë.

Franca është një tjetër shtet europian që po përjeton një rritje të shpejtë të rasteve të reja me koronavirus. Bilanci flet për mbi 14 400 të infektuar dhe mbi 560 viktima. Rrugët dhe sheshet janë bosh, ndërsa stafi mjekësor është në luftë me kohën për të shpëtuar pacientët. Në Gjermani të infektuarit janë mbi 22 mijë, ndërsa viktimat mbi 84. Qytete të shumta janë vendosur në izolim.