Nëse ideja e qeverisë Hoti e(LDK, AAK, NISMA, Lista Serbe) etj. pranohet nga krye çetniku Serb , Aleksandër Vuçiqi, ajo nuk do të pranohet nga L VV-ja, e ndoshta as nga PDK-ja.

Nga Flori Bruqi

Ishte fundi i vitit 2018. Qeveria e asokohshme ishte e bindur se Kosova do ta arrinte një fitore të madhe diplomatike pas një serie humbjesh turpëruese: do të pranohej në Interpol. 

Bile, qeveria ishte aq e bindur sa  ish kryeministri  Ramush Haradinaj s’e ndalte gojën duke u zotuar se pranimi ishte punë e kryer. 



Presidenti  i Kosovë zt.Hashim Thaçi me një tufë gazetarësh shkoi në vend të ngjarjes, në Dubai, për ta festuar atë “ditë historike”. 

Floripress(28.11.2018) :

Presidenti i vendit, Hashim Thaçi, po qëndron në Dubai të Emirateve të Bashkuara Arabe ku po ndjek punimet e Asamblesë së Përgjithshme të INTERPOL-it.

Pjesë e agjendës së sotme është edhe votimi për anëtarësimin e Kosovës në këtë organizatë, njofton Klan Kosova.

Kosova nuk ka marrë 2/3-at e votave të Asamblesë së Përgjithshme për t’u bërë pjesë e INTERPOL-it në raundin e parë të votimit.

76 shtete kanë votuar pro, 56 kundër dhe 22 nga to kanë abstenuar.

Kosovës në raundin e dytë të votimit që pritet të nisë pas 20 minutash, për anëtarësim i duhen 103 vota, që i bie 2/3-at e 154 vendeve që kanë votuar në raundin e parë....

Kosova humbi dhe Hashim Thaçit i  mbetën  gishtat në gojë.



Kjo humbje çoi në veprimin dëshpëtimtar të tarifës. Një veprim i pamenduar që do ta vendoste Kosovën para një presioni të madh nga ShBA-të dhe BE-ja derisa fushata e Serbisë për revokim të njohjeve formale të pavarësisë do të bëhej tepër agresive. 





Fillimisht e vendosën një tarifë 10% ndaj mallrave të importuara nga Serbia, e e cila brenda natës u bë 100%. Serbia nuk pranoi të rikthehej në dialog. 



Ish kryeministri i Kosovës zt.Ramush Haradinaj tha se po e ndalte “ndarjen e Kosovës”, një ide që po qarkullonte në atë kohë.

 Lëvizja Vetëvendosja  e Albin Kurtit e përshëndeti këtë veprim dhe tha se duhej të shkohej edhe më larg, të vendosej reciprocitet i plotë.

Ish Kryeministri  Ramush Haradinaj dha dorëheqje nga pozita e kryeministrit shkaku i presionit amerikan e evropian.




 Por në zgjedhjet e ardhshme i pari doli një nacionalist edhe më ekstrem. 



Albin Kurti u bë kryeministër me premtimin se do ta hiqte tarifën e do ta vendoste reciprocitetin.

 Fillimisht tha se do t’ia çonte Serbisë një listë të gjatë me kërkesa para se të ulej në tavolinën e dialogut. 

Megjithatë, Albini  uli krye dhe ai  u ulë  afër kryeministres serbe Ana Bërnabiq dhe e shprehu haptas gatishmërinë  e tij për dialog.



Ish kryeministri Albin Kurti e mbajti tarifën e dyshes  Ramush Haradinaj- Kadri Veseli përgjatë gjithë kohës sa ishte kryeministër. 

Më 25 mars  2020 Albinit j rrëzua   qeveria ndërsa vetëm më 1 prill 2020 do ta hiqte tarifën dhe vendoste reciprocitetin.

 Por, me reciprocitetin do ta bënte punën edhe më lëmsh. 

Reciprociteti fillimisht u shpërfill nga ShBA-ja dhe BE-ja sepse iu duhej që në formë implicite të revokonin njohjen reale të pavarësisë tonë. 



E më pas, kur çështja u bë e madhe, iu desh të kundërshtonin. 

Ky kundërshtim efektivisht nënkuptonte mos-njohje faktike të pavarësisë së Kosovës por Albin  Kurti kërkoi që thjesht ta rriste popullaritetin e t’i shtonte votat.

Ish  Kryeministri  Albin Kurti një herë do të premtonte zëvendësim të menjëhershëm të tarifës me reciprocitet, e më pas do të premtonte reciprocitet 90 ditë pas heqjes së tarifës.

 Më 1 prill  2020 propozoi të hiqej plotësisht tarifa, e më 15 qershor 2020 të vendosej reciprociteti.



Kosova nuk mori absolutisht asgjë në këmbim për heqjen e tarifës. 

Fushata e tërheqjeve të njohjeve nga Serbia vazhdoi me po të njëjtin agresivitet. 

Ndërkohë që shtetet të cilat e kanë njohur Kosovën del se janë në pritje të rezultatit të dialogut njësoj si shtetet që nuk e kanë njohur. 

Gara e brendshme zgjedhore u bë më e rëndësishme se sa pavarësia e vendit.


Dëmet u bënë tashmë të pandreqshme. Qëndrimi i ShBA-ve për statusin e Kosovës është i ngjashëm me atë të Surinamit dhe vendeve tjera çnjohëse: duhet pritur dialogun.


E ndërkohë, ja çka tha mes thashethemeve të ndryshme kryeministri  Albin Kurti në ditën kur qeveria do t’i rrëzohej nga partneri i koalicionit: “Serbia mund ta pranojë edhe pavarësinë e Kosovës, por kurrë nuk mund të pranojë që të trajtohet e barabartë me Kosovën,”



Kryeministri i një populli thashethemxhi duket se nuk mund të ishte veçse thashethemxhi. Ai tha se ekzistonte një marrëveshje sekrete Kosovë-Serbi, e në të cilën do të ndahej Kosova.



 Në foltore të Kuvendit ai tha se kështu i kishte treguar dikush. 

ShBA-ja reagoi zyrtarisht dhe e mohoi thashethemin kryeministror. E kështu me radhë.



Këto ditë Qeveria  e  Prof.dr. Abdullah Hotit ndërkohë e ndali këtë abuzim të tmerrshëm me fatin e Kosovës duke e hequr edhe reciprocitetin dhe duke i dhënë fund konfliktit me partnerët ndërkombëtarë.

 Është e vërtetë që ShBA-ja dhe BE-ja nuk e njohin ‘de facto’ pavarësinë e Kosovës, por të paktën njohja formale tregon qartë vizionin që Kosova të jetë shtet i pavarur e sovran e me territor të pacenueshëm pas marrëveshjes.



Por, duhet kuptuar që ‘status quo’-ja aktuale është në dëm të Kosovës e në favor të Serbisë.



 Kosovës po i rrudhet vazhdimisht sovraniteti derisa bllokada vazhdon. 



Në anën tjetër, marrëveshja finale nuk mund të bëhet pa pjesëmarrjen dhe miratimin e plotë të  Liderit të LV zt.Albin  Kurtit që gëzon popullaritet të madh në popull , e për rrjedhë, edhe potencë shumë  të madhe për trazira masovike në çdo cepë të Kosovës.



Edhe nëse ideja  e qeverisë Hoti e(LDK, AAK, NISMA, Lista Serbe)   etj. pranohet nga krye çetniku Serb , Aleksandër Vuçiqi, ajo nuk do të pranohet nga  L VV-ja,  e ndoshta as nga PDK-ja.




Çfarëdo ideje për kompromis që mund të propozojë  kryeministri i rinj prof.dr.Abdullah Hoti në vazhdim nuk pritet të gjejë pranim. 

Presidenti serb Aleksandër Vuçiq në presion pasi Kosova e hoqi reciprocitetin: Duhet t’i kënaqim të mëdhenjtë

Presidenti i Serbisë, Aleksandar Vuçiq, deklaroi se heqja e masave të reciprocitetit krijon hapësirë për dialogun me Kosovën. Në një intervistë për Radion Evropa e Lirë, ai tha se po e pret ardhjen e përfaqësuesit Special të Bashkimit Evropian për dialogun ndërmjet Serbisë dhe Kosovës, Mirosllav Lajçak, në Beograd dhe Prishtinë pas zgjedhjeve të 21 qershorit  2020 në Serbi.



Vuçiq po ashtu tha se ka hequr dorë, nga siç u shpreh ai, nismat e mëdha për zgjidhjen e çështjes së Kosovës dhe është duke pritur propozimin.



“Kjo gjë e hapë mundësinë që ne të fillojmë bisedimet, nëse ajo masë mbetet për më shumë se disa ditë dhe besoj se nuk është çështje përndjekjeje dhe rivaliteti në mes të dy palëve, por një çështje thelbësore, çështje e lëvizjes së lirë të mallrave, shërbimeve, njerëzve dhe kapitalit, një nga liritë më të rëndësishme të botës moderne, dhe besoj se do të ketë një efekt të mirë në ekonominë e Beogradit dhe Prishtinës, do të ketë një efekt të mirë te njerëzit. Pra, jo vetëm serbët, por edhe shqiptarët, kjo do të krijojë një lloj kornize në mënyrë që komunitetet tona të biznesit të mund të bashkëpunojnë më mirë. Sigurisht, kjo do të hapë mundësinë e dialogut politik në mes nesh”, ka thënë ai



Ai tutje ka shtuar se në marrëveshjen përfundimtare me Kosovën, Serbia duhet të humbasë më së paku që është e mundur.

Vuçiq ka thënë se serbët dhe shqiptarët duhet t’i zgjidhin vet problemet e tyre, duke shtuar se ka hequr dorë nga shumë iniciativa të mëdha për të pritur se çfarë do të propozohet nga fuqitë e mëdha.


“Por, unë jam i vetëdijshëm se të gjithë ne së bashku jemi të vegjël dhe sigurisht që gjithmonë do të ketë në Ballkan të tillë që do të shikojnë mënyra për të kënaqur të mëdhenjtë, shumë më tepër sesa të krijojnë marrëdhënie më të mira me miqtë ose fqinjët e tyre. Kështu që unë kam hequr dorë nga disa iniciativa të mëdha dhe jam duke pritur për të parë se çfarë do të na propozohet. Dhe nëse më pyet, kjo është arsyeja pse unë e thash atë, çfarë saktësisht është ajo që pres. Nuk pres asgjë. Unë nuk e di se çfarë të bëj. Kur them diçka do të jetë, por nuk e di se çfarë të pres. Asgjë konkrete”, ka thënë ai.

Ai ka thënë se Serbia nuk ka ndonjë afat se kur do të arrihet marrëveshja përfundimtare, por ka deklaruar se duan të sigurojnë paqe dhe stabilitet në rajon për dekadat e ardhshme.



Sipas tij, kur hyhet në dialog duhet që palët të jenë të gatshme për kompromis.

“Sa herë që flisni për vijat e kuqe, atëherë nuk jeni të gatshëm për biseda. 

Kjo nuk do të thotë se ato nuk ekzistojnë, por kur filloni të flisni për to ashtu si pala shqiptare që thotë:’Jo, jo, ne… e gjithë Kosova është e jona, kështu që do të marrim edhe Preshevën, Bujanocin dhe Medvegjën, pak më shumë’. 

Unë vetëm pres që ata të thonë se do ta marrin edhe Kragujevcin dhe Kralevën. Sinqerisht, buzëqesh dhe vazhdo tutje. 

Kur hyni në një dialog, hyni me mirëbesim dhe jeni të gatshëm të bëni kompromis. Nëse kjo gjë do të bëhet e mundur, do të shohim”, ka thënë ai.

Vuçiq deklaron se Kushtetuta e Serbisë e parasheh një territor të vetëm, duke deklaruar se e njëjta përfshin edhe Kosovën.

“Kushtetuta e Serbisë thotë se Serbia është një territor i vetëm, përfshirë këtu Provincën Autonome të Kosovës dhe Metohisë. 

Kushtetuta e Kosovës flet për një shtet të pavarur të cilin 22 shtete të BE-së e kanë njohur dhe 5 të tjera nuk e kanë njohur pavarësinë e Kosovës. Çfarë të bëjmë tani?

 Cili është ai territor? Kjo është arsyeja pse unë kam thënë se është e rëndësishme të flasim dhe të kuptojmë pozicionet e njëri-tjetrit”, ka thënë tutje ai.

Rritet presioni ndaj Mark Zuckerberg që ta ndëshkojë Trumpin: I vie letra prej mbi 140 shkencëtarësh

Më shumë se 140 shkencëtarë që financohen nga Mark Zuckerbergu kanë thënë që Facebook-u nuk duhet ta lejojë presidentin amerikan Donald Trump që ta përdorë platformën e mediave sociale për të “shpërndarë dezinformata dhe deklarata nxitëse”.

Hulumtuesit, që përfshijnë më shumë se 60 profesorë në institutet kërkimore më në zë në ShBA, dhe një laureat i çmimit Nobel, i kanë dërguar letër drejtorit ekzekutiv të Facebook-ut gjatë ditës së sotme duke i kërkuar që të “konsiderojë politika më strikte mbi dezinformatat dhe gjuhën e urrejtjes që lëndon njerëzit”, veçanërisht gjatë protestave të fundit mbi padrejtësitë racore, shkruan The Guardian.

Letra quan shpërndarjen e “dezinformatave të qëllimshme dhe gjuhës përçarëse” të përkundërt me qëllimet e hulumtuesve për përdorimin e teknologjisë në parandalimin e sëmundjeve, rritjen e arsimimit të fëmijëve dhe reformimin e sistemit juridik kriminal.


Misioni i tyre është “antitetik me disa prej qëndrimeve që Facebook-u po i merr, kështu që ne inkurajojmë që të jeni më shumë në anën e së vërtetës dhe të së drejtës në histori, siç kemi thënë në letër,” tha Debora Marks e Shkollës Mjekësore të Harvardit.


Organizatorët e kësaj letre thanë se ajo i kishte mbi 160 nënshkrues.

Në një postim, Donald Trump kishte thënë që “kur nisin grabitjet, fillojnë edhe të shtënat”, duke aluduar në dhunën policore si kundër-përgjigjje ndaj protestave. Sipas autorëve, ky postim bënte thirrje të qartë për dhunë.

Zuckerbergu është përballur me kritika të ashpra edhe nga vetë stafi i Facebook-ut pasi nuk ndërmori asnjë veprim kundër Donald Trumpit.

Nata nën rrezet e hënës

Violeta Kadriu

 Nata nën rrezet e hënës

Pas maleve te larëta të rrethinës

Diell i zjarrtë vetullën fshehu

e pas pikëlave të imëta të dushqeve

shkëlqim i hënës ia behu.

Hijet e drurëve të parkut

ta ka ëndja me dëshirë për t’i parë,

herë zgjaten e herë shkurtohen

sikur ndërvete të ishin ne garë.

Aromën erëkëndëshme të blirëve

me nge e përhapë një puhi

e qytezën e zhurmshme të ditës

e mbështjellë e natës qetësi.

Lumi i kthjellët i Llapit

në këtë natë është përflakur nga hëna,

ngjanë në flokë të krehur mirë të një zane

e nga dorë piktori janë lyer me këna.

Gjeresa nga parku, një gjinkallë

me mallëngjim dëgjohet tek gumëzhinë,

brenda zë i ëmbël i radios

me ëmbëlsi mbushë shtëpinë.

Nata tani gjithkund ka ra

në qiell duket pak yje ka,

hëna nganjëherë fare nuk duket

plepi nga pak nga era lëkundet.

Dritat e neonit skaj rrugëve shëndrijnë

njerëzit nëpër shtëpi trupin shtrijnë,

trupin e lodhur, që të pushojë

që përsëri nesër të punojë, të jetojë.

Pa ninulë, vellezërit dhe motrat

në shtretër, si qengja flenë

e në natyrë rreze e argjendët

vazhdon ta mbushë dhenë!

Puthitë petalet edhe sonte, i qetë ti trëndafil,

mbush me aromë kopshtijet dhe ti or zambak,

se nesër na pret ditë e re, do t’ndriçojë dielli kandil

e do t’lulëzojmë me ju, S’DUAM TË PLAKEMI EDHE PAK!

Afrim Muqiqi “selam” Qeverisë: Krejt vendet po i lejojnë dasmat, hajt edhe ne “ta kallim krejt!’

Edhe në Kosovë koronavirusi ka sjellë probleme të mëdha në ekonominë e vendit, e padyshim që i ka dëmtuar edhe këngëtarët e poashtu edhe gastronominë, hotelet e restoranet e ndryshme, e poashtu edhe sallat e dasmave, që zakonisht gjatë sezonit verorë janë tejet të frekuentuara.

Indeksonline ka kontaktuar me këngëtarin Afrim Muqiqi, duke e pyetur rreth situatës së krijuar, se si ka ndikuar pandemia në organizimin e dasmave e ahengjeve, çfarë ka ndodhur me dasmat që janë planifikuar për vitin 2020 e shumë të tjera.

Afrim Muqiqi ka thënë se është e pakuptimtë që mos të mbahen dasmat, kur tanimë janë hapur restoranet, kafenetë dhe situata po shkon drejt normalizimit.

“Jam në kontakt të vazhdueshëm me gjithë dasmorët, janë të interesuar ti mbajnë dasmat, por ne po presim edhe për rekomandimet e IKSHPK-së, të shohim se çfarë po na rekomandojnë, por unë besoj se duhet ti marrim shembull edhe vendet e rajonit sepse Mali i Zi vetëm e ka shpallë të mbyllur pandeminë dhe po mbahen dasmat, ka dasma në Shqipëri, në Serbi, kështuqë besoj që do të mbahen”, ka thënë ai.

Ai gjithashtu ka shtuar se nuk ka pasë asnjë problem as me parapagimet që janë bërë për dasma, pasi që janë në pritje të mbajtjes së tyre.

Presidenti Donald Trump ka urdhëruar ushtrinë amerikane që të largojë 9,500 trupa nga Gjermania

Presidenti Donald Trump ka urdhëruar ushtrinë amerikane që të largojë 9,500 trupa nga Gjermania, gjë që do ta reduktonte kontigjentin e saj në Gjermani në 25,000.

Ja disa fakte për këtë kontigjent:

– Prania ushtarake amerikane vazhdon që nga mbarimi i Luftës së Dytë Botërore, kur Gjermania u mbajt e pushtuar nga trupat aleate, nga viti 1945 deri në 1955.

 Në atë kohë, disa miliona trupa amerikane, britanike, franceze dhe sovjetike u vendosën brenda Gjermanisë. Trupat amerikane ishin përqendruar në jug.

– Më 25 qershor 1948, gjenerali Lucius D. Clay, që përgjigjej për zonën amerikane të pushtimit në Gjermani dha urdhër për furnizimin e Berlinit me anë të ajrit, në përgjigje të bllokadës sovjetike të Berlinit Perëndimor, që përfshinte sektorët e qytetit të pushtuar nga Aleatët Perëndimorë. Bllokada u hoq në 12 maj 1949.

– Konventa për praninë e forcave të huaja në Republikën Federale të Gjermanisë, e nënshkruar në vitin 1954, lejoi tetë vende të NATO-s, përfshirë Shtetet e Bashkuara, për të stacionuar forca në Gjermaninë Perëndimore, pas përfundimit të pushtimit aleat.

– Elvis Presley u dërgua në Gjermaninë Perëndimore nga viti 1958 në 1960 gjatë shërbimit të tij ushtarak.

Në fund të viteve 1980, Sekretari amerikan i Shtetit Mike Pompeo shërbeu si ushtar në Gjermaninë Jugore, për të patrulluar kufirin e fortifikuar midis Gjermanisë Perëndimore dhe Lindore, pjesë e Perdes së Hekurt, që ndante Evropën Lindore komuniste nga Perëndimi.

– Që nga rënia e Murit të Berlinit në 1989, numri i trupave amerikane në Gjermani është zvogëluar në mënyrë të vazhdueshme, nga rreth 200,000 që ka qenë, por ato përgjithësisht kanë qenë gjithmonë të mirëpritura në mesin e gjermanëve.

– Qendra Mjekësore Rajonale Landstuhl, ngjitur me Bazën Ajrore Ramstein, në jug-perëndim të Frankfurtit, është spitali ushtarak më i madh amerikan jashtë Shteteve të Bashkuara.
– Komanda Evropiane e SHBA me seli në Shtutgart, koordinon forcat amerikane në 51 vende, kryesisht evropiane.

– Partia gjermane SPD tha në vitin 2017 se donte tërheqjen nga territori gjerman të armëve bërthamore amerikane, për të cilat shumë gjermanë kanë rezerva. Shtetet e Bashkuara nuk kanë pranuar ta konfirmojnë ose mohojnë praninë e tyre. 

Kryetari i Lidhjes Demokratike të Kosovës,Akademik Prof.Dr. Isa Mustafa, e ka dënuar atakimin përmes rrjeteve sociale të familjes së Vjosa Osamanit.

Prof.Dr.Vjosa Osmani, përmes një status në facebook denoncoi disa fotografi të babit të saj që kanë qarkulluar në rrjete sociale, duke i quajtur shpifje.

Akademik Prof.Dr.. Isa Mustafa tha se Atakimi i familjes së Kryetares së Kuvendit, znj. Vjosa Osmani është neveritës.

“Mospajtimet institucionale, rivalitetet partiake dhe politike duhet ti shprehim dhe debatojmë ndërmjet nesh, jo permes etiketimit të prindërve, fëmijëve apo familjarëve. Kjo është mënyra më morbide e luftës politike. Nëse dikush ka pasur argumente, pse nuk i prezantoi ato, para se Vjosa të zgjidhej Kryetare e Kuvendit. Përgjigja është se nuk kanë pasur dhe nuk kanë”, ka shkruar prof.Mustafa.

Isa Mustafa tha se edhe ai vetë është nderë personat që që pareshtur i është sulmuar familja.

“Këto ditë po lexoj se disa që sulmonin dhe etiketonin në forma të ndryshme, tani e kanë filluar betejën ndërmjet tyre për dyshime në njëri tjetrin për abuzime, shantazhime, kurdisje e shumë punë të pista. 

Të gjithë përfundojnë kështu, por pasojat janë evidente nga njerëz të tillë.”, ka shkruar  Akademik Prof.dr.Isa Mustafa.