4 sindromat e Covid të gjatë, ose gjendja e atyre që nuk shërohen kurrë

Shërimi i Covidit nuk është gjithmonë aq i lehtë sa leximi “negativ” në rezultatin e një tamponi. Disa njerëz, madje edhe ata me infeksion të lehtë, vazhdojnë të përjetojnë simptoma dobësuese për shumë javë, ose edhe muaj pasi sëmundja përfundon zyrtarisht. Këto “pasoja” nga Covid-19 janë aq të larmishme dhe të ndryshme sa që i shpëtojnë një përkufizimi të vetëm mjekësor. Duke përdorur të dhënat dhe dëshmitë e mijëra pacientëve që janë në këtë gjendje, Instituti Kombëtar Britanik për Kërkime Shëndetësore NIHR) ka propozuar një klasifikim më të saktë të formave të ndryshme të Covid-19 të gjatë që do të ndihmojë për t’u përqëndruar në pamjen klinike të atyre që janë në këtë gjendje. Sipas Institutit britanik të kërkimit, për përkufizimin e covidit të gjatë, janë katër sindroma që mund të fshihen, dëmtimi i përhershëm i disa organeve të prekura nga infeksioni i ri i koronavirusit; sindroma e kujdesit pasintensiv, një sindromë e lodhjes post virale dhe qëndrueshmëria e simptomave të vërteta të covidit. Për pacientët e shëruar vetëm në letër mund të jenë dëmtime në disa organe, si mushkëritë, zemra ose truri; ose pasojat fizike, njohëse dhe psikologjike të përballjes me javë, duke filluar me dobësi, atrofi të muskujve, çrregullim të stresit post-traumatik. Sëmundja e tyre mund të lidhet gjithashtu me lodhjen që shpesh shoqërohet me infeksione virale (pasojë e një përgjigje të tepruar imune), apo edhe të varet nga simptomat – siç janë vështirësitë e frymëmarrjes – të cilat mund të jenë qetësuar, pa u zhdukur plotësisht. Studimi lexon se një pacient me covid të gjatë mund të përjetojë gjithashtu dy sindroma të ndryshme në të njëjtën kohë, dhe se simptomat mund të luhaten në ashpërsi (duke u zvogëluar derisa të zhduken pothuajse dhe më pas të përsëriten) ose në vend, duke përfshirë organe të ndryshme kohë pas kohe (mushkëri , zemra, lëkura, truri, muskujt, ligamentet, veshkat, sistemi gastrointestinal). Një nga përfundimet e raportit është pikërisht fakti që Covid-19 nuk është një sëmundje lineare që gjithmonë ka një fillim, një fazë akute prej dy javësh dhe një fund, por një gjendje që mund të ketë një model vale si ai i përshkruar. Raporti “Të jetosh me Covid-19” u përpilua pasi studioi dhjetëra dëshmi të pacientëve me covid-e të gjata dhe u përqëndrua në përvojën e 14 pacientëve të regjistruar në grupin më të madh të covid-eve të gjata në Facebook, i cili ka më shumë se 20,000 anëtarë. Sipas shkencëtarëve që e shkruajnë atë, ekzistojnë përvoja të forta të covid-it të gjatë në njerëz të moshave dhe prejardhjeve të ndryshme: nuk mund të themi se ata që kanë një rrezik të ulët të zhvillimit të formave të rënda të covid-it janë edhe më pak të rrezikuar nga covid-i i gjatë. Studimet e fundit tregojnë që një pjesë e rëndësishme e pacientëve me Covid-19 vazhdojnë të përjetojnë një ose më shumë simptoma edhe muaj pas shërimit. Hulumtimi paraprak në Korenë e Jugut zbuloi se 91.1% e 65 personave që u shëruan nga Covid vuanin nga të paktën një efekt afatgjatë, kryesisht lodhje ose mungesë përqendrimi. Një studim tjetër i 120 pacientëve me Covid-19 në Francë tregoi se 55% ishin ende të lodhur pas 100 ditëve të pranimit në spital dhe 42% treguan vështirësi në frymëmarrje. 34% kishin ende humbje të kujtesës, 28% luftuan për t’u përqendruar dhe 30% fjetën

SHBA, rritet në 230.512 numri i të vdekurve nga COVID-19

SHBA, rritet në 230.512 numri i të vdekurve nga COVID-19Të dhënat nga faqja e internetit "Worldometer" tregojnë se në 24 orët e fundit, numri i të infektuarve me koronavirus në SHBA është rritur për 59.035, duke e çuar numrin e përgjithshëm në 8.890.481 SHBA, rritet në 230.512 numri i të vdekurve nga COVID-19 Numri i personave të vdekur nga koronavirusi i ri (COVID-19) në SHBA është rritur në 230.512, prej të cilëve 426 kanë humbur jetën në 24 orët e fundit, transmeton Anadolu Agency (AA). SHBA vazhdon të mbetet vendi me numrin më të lartë të rasteve të konfirmuara dhe të viktimave. Të dhënat nga faqja e internetit "Worldometer" tregojnë se në 24 orët e fundit, numri i të infektuarve me koronavirus në SHBA është rritur për 59.035, duke e çuar numrin e përgjithshëm në 8.890.481. Ndërkaq, në mbarë vendin, deri më tani janë shëruar mbi 5,77 milionë të infektuar, ndërsa numri i testeve ka arritur në mbi 133 milionë. Aktualisht, shteti i Teksasit është më i godituri në SHBA, me 913,494 raste të konfirmuara, ndërkohë që numri më i lartë i vdekjeve është regjistruar në New York, me gjithsej 33.565 viktima. Pas SHBA-së, numrin më të madh të të infektuarve e kanë regjistruar India me mbi 7,91 milionë raste dhe Brazili me mbi 5,39 milionë.

OBSH: Javën e kaluar bota regjistroi numrin më të lartë të rasteve COVID 19

"Në Evropë jemi shumë mbrapa këtij virusi, kështu që për tejkalimin e tij do të duhen disa përshpejtime serioze për atë që po bëjmë dhe ndoshta natyrë shumë më gjithëpërfshirëse e masave do të nevojiten për të kapur dhe tejkaluar virusin", tha Ryan Gjenevë Organizatës Botërore e Shëndetësisë (OBSH) ka bërë të ditur se javën e kaluar është regjistruar numri më i lartë i rasteve të koronavirusit të ri (COVID-19) që nga shpërthimi i pandemisë dhe se 46 për qind e rasteve të raportuara ishin nga rajoni evropian, transmeton Anadolu Agency (AA). "Nuk ka dyshim se tani rajoni evropian është epiqendra e sëmundjes", tha Mike Ryan, drejtor i programit të OBSH-së për reagim ndaj emergjencave, në një fjalim në selinë qendrore të trupit shëndetësor botëror. Zyrtari i OBSH-së theksoi se zona evropiane e prekur nga virusi shtrihet nga qyteti rus Vladivostok në lindje deri në kryeqytetin Reykjavik të Islandës në perëndim. Ai shtoi se kjo është një zonë konceptuale e ndikimit më e gjerë se Bashkimi Evropian (BE). "Tani për tani, në Evropë jemi shumë mbrapa këtij virusi, kështu që për tejkalimin e tij do të duhen disa përshpejtime serioze për atë që po bëjmë dhe ndoshta do të nevojitet një natyrë shumë më gjithëpërfshirëse e masave për të kapur dhe tejkaluar virusin. Kjo mund të kërkojë sakrifica të mëtejshme për shumë njerëz përsa i përket jetës personale", tha Ryan. Ai shpjegoi se ka shumë lëvizje të lirë dhe për këtë arsye mund të kërkohet mbyllja dhe kufizimi i lëvizjes, si dhe detyrimi për të qëndruar në shtëpi për të tejkaluar fazën aktuale të pandemisë globale. Më herët, edhe drejtori i përgjithshëm i OBSH-së, Tedros Ghebreyesus, konfirmoi se java e kaluar pa numrin më të lartë të rasteve COVID-19. "Shumë vende në hemisferën veriore po shohin një rritje shqetësuese të rasteve dhe shtrimeve në spital. Edhe njësitë e kujdesit intensiv po mbushin kapacitetin në disa vende, veçanërisht në Evropë dhe në Amerikën e Veriut", tha Tedros. Ai theksoi se bota duhet të bëjë gjithçka për të mbrojtur punonjësit shëndetësor dhe sipas tij mënyra më e mirë për ta bërë këtë është që secili person të marrë të gjitha masat paraprake për të reduktuar rrezikun e transmetimit për veten dhe të tjerët. "Askush nuk dëshiron më shumë të ashqutuajtura bllokime. Por nëse duam t'i shmangim ato, të gjithë duhet të luajmë rolin tonë", tha Tedros. Ai tha se lufta kundër pandemisë është punë e të gjithëve, pasi siç theksoi ai, nuk mund të kemi rimëkëmbjen ekonomike siç e duam dhe të jetojmë jetën ashtu si para pandemisë. "Ne mund t'i mbajmë fëmijët në shkollë. Ne mund t'i mbajmë bizneset të hapura. Ne mund të ruajmë jetën dhe jetesën. Ne mund ta bëjmë atë. Por të gjithë duhet të bëjmë shkëmbime, kompromise dhe sakrifica", tha shefi i OKB-së. Ai tha se kur udhëheqësit veprojnë shpejt dhe me kujdes, virusi mund të shtypet. "Por atje ku ka pasur ndarje politike në nivel kombëtar, ku ka pasur mosrespektim të hapur për shkencën dhe profesionistët e shëndetit, konfuzioni është përhapur dhe rastet dhe vdekjet janë rritur", tha Tedros. Sipas Universitetit John Hopkins me qendër në SHBA, bota ka regjistruar 43.23 milionë raste të virusit dhe 1.156,212 vdekje. SHBA është vendi më i prekur me 8.661.917 raste dhe 225.379 vdekje.

SHBA, rritet në 231.174 numri i të vdekurve nga COVID-19

SHBA, rritet në 231.174 numri i të vdekurve nga COVID-19 Të dhënat nga faqja e internetit "Worldometer" tregojnë se në 24 orët e fundit, numri i të infektuarve me koronavirus në SHBA është rritur për 76.100, duke e çuar numrin e përgjithshëm në 8.966.581 Mücahit Oktay | 27.10.2020 SHBA, rritet në 231.174 numri i të vdekurve nga COVID-19 New York Numri i personave të vdekur nga koronavirusi i ri (COVID-19) në SHBA është rritur në 231.174, prej të cilëve 663 kanë humbur jetën në 24 orët e fundit, transmeton Anadolu Agency (AA). SHBA vazhdon të mbetet vendi me numrin më të lartë të rasteve të konfirmuara dhe të viktimave. Të dhënat nga faqja e internetit "Worldometer" tregojnë se në 24 orët e fundit, numri i të infektuarve me koronavirus në SHBA është rritur për 76.100, duke e çuar numrin e përgjithshëm në 8.966.581. Ndërkaq, në mbarë vendin, deri më tani janë shëruar mbi 5,83 milionë të infektuar, ndërsa numri i testeve ka arritur në mbi 134 milionë. Aktualisht, shteti i Teksasit është më i godituri në SHBA, me 920,454 raste të konfirmuara, ndërkohë që numri më i lartë i vdekjeve është regjistruar në New York, me gjithsej 33.580 viktima. Pas SHBA-së, numrin më të madh të të infektuarve e kanë regjistruar India me mbi 7,94 milionë raste dhe Brazili me mbi 5,41 milionë.

Ndikimi i pandemisë COVID-19 në ekonominë e rajonit: Tregtia elektronike në rritje, turizmi në rënie

Ndikimi i pandemisë COVID-19 në ekonominë e rajonit: Tregtia elektronike në rritje, turizmi në rënie Kriza e shkaktuar nga COVID-19, në botë, por edhe në vendet e rajonit, ka prekur më së shumti sektorin e turizmit, si dhe sektorë të tjerë që lidhen me turizmin, respektivisht hotelierinë, zanatet dhe transportin | Ndikimi i pandemisë COVID-19 në ekonominë e rajonit: Tregtia elektronike në rritje, turizmi në rënie Shkup/Prishtinë/Tiranë Pandemia e koronavirusit të ri (COVID-19), përveç shkaktimit të një krize shëndetësore, po ashtu ka ndikuar në sjelljen e njerëzve dhe zakoneve të tyre të përditshme, me çka ka shkaktuar edhe ndryshime në ekonomi, shkruan Anadolu Agency (AA). Në këtë kontekst, sektorë të caktuar në ekonomi po pësojnë humbje, ndërsa nga ana tjetër, disa sektorë po shënojnë rritje. Kriza e shkaktuar nga COVID-19, në botë, por edhe në vendet e rajonit, ka prekur më së shumti sektorin e turizmit, si dhe sektorë të tjerë që lidhen me turizmin, respektivisht hotelierinë, zanatet dhe transportin, por edhe investimet në ndërtimtari dhe në projekte të tjera të shumta, si në sektorin publik, ashtu edhe në atë privat. Nga ana tjetër, ajo që bie në sy në kontekstin e ndryshimeve në ekonomi është rritja e tregtisë elektronike, pra shitjet në internet gjatë pandemisë. Rritje e tregtisë elektronike në Maqedoninë e Veriut Përderisa shumica e sektorëve në ekonomi po kalojnë humbje dhe po luftojnë për të mbijetuar shkaku i krizës së shkaktuar nga koronavirusi, Maqedonia e Veriut ka shënuar rritje të tregtisë elektronike. Analiza e Shoqatës për Tregti Elektronike tregon se qytetarët e Maqedonisë së Veriut në tre muajt e parë të këtij viti në tregtinë elektronike kanë shpenzuar gjithsej 28,9 milionë euro dhe vetëm në muajin mars 10,1 milionë euro. Kjo paraqet një rritje prej 17,9 milionë eurosh (61,5 për qind) në krahasim me periudhën e tre muajve të parë të vitit 2019. Të dhënat tregojnë se tregtia elektronike në mars të këtij viti u rrit me 99 për qind në krahasim me marsin e vitit të kaluar. Pandemia e koronavirusit ka ndryshuar zakonet e blerësve vendas, të cilat pjesën më të madhe të blerjeve të tyre në internet e kanë zhvendosur në tregtinë elektronike vendase në vend të asaj të huaj. Implikimet për këtë natyrisht janë mbyllja e kufijve dhe kompleksiteti që është shfaur me vonesa në shpërndarjen e produkteve të blera nga jashtë, si dhe frika e porositjes së produkteve me origjinë kryesisht nga vendet që ishin të infektuara me virusin COVID-19. Sipas analizës, 59,4 për qind e transaksioneve me kartat e pagesave u realizuan në tregtinë online në vend, ndërsa 40,6 për qind e transaksioneve u realizuan në tregtinë online jashtë vendit. - Sektori i turizmit më i prekuri nga pandemia COVID-19 Në Maqedoninë e Veriut është kryer një studim mbi efektet e shkaktuara nga COVID-19 në sektorin e turizmit dhe hotelierisë me rekomandime për trajtimin e efektve ekonomike. Hulumtimi u krye nga Oda Ekonomike e Maqedonisë, Oda Ekonomike e Maqedonisë Veri-Perëndimore, Oda Ekonomike e Teknologjive të Informacionit dhe Komunikimit - MASIT dhe Shoqata e Odave të Tregtisë së Maqedonisë. Studimi tregon se në periudhën gusht-shtator në mënyrë masive po anulohen aranzhmanet, ndërkohë që ka edhe rënie drastike të numrit të turistëve të huaj në vend. Shumicës së kompanive të turizmit dhe hotelierisë do t'u duhej të paktën gjashtë muaj deri në një vit për t'u rikuperuar nëse pandemia COVID-19 përfundon deri në fund të vitit. Studimi parashikon dy skenarë. Sipas skenarit të parë, nëse kriza përfundon deri në fund të këtij viti, në varësi të efektit të masave që do të merren, nga puna do të pushoheshin 2 deri në 12 mijë persona, ndërsa rënia e turizmit do të jetë afër 200 milionë dollarë ose mbi 50 për qind e parashikimeve të planifikuara dhe në bazë të kësaj, rikuperimi nga kriza do të ndodhte në vitin 2023. Sipas skenarit të dytë, nëse kriza vazhdon pas vitit 2020, 4 mijë deri në 20 mijë vende pune do të humben, rënia do të jetë mbi 80 për qind dhe rikuperimi do të pritet në vitin 2027. Pothuajse 100 për qind e hoteleve kanë anuluar rezervimet për muajin prill, maj dhe qershor, ndërsa për muajin korrik ka anulime në rezervime grupore tek 89 për qind e hoteleve, për muajin gusht tek 69 për qind e hoteleve, për muajin shtator tek 50 për qind e hoteleve, ndërkohë që anulime ka edhe për muajin dhjetor të këtij viti, si dhe janar të vitit 2021. Me qëllim për të përmirësuar situatën në sektorin e turizmit, studimi thekson se është e nevojshme të stimulohet turizmi i brendshëm, duke prezantuar aranzhime të veçanta të subvencionuara dhe duke zhvilluar një fushatë të fortë për të inkurajuar turizmin vendas. Nga kriza e shkaktuar nga COVID-19, artizanët po ashtu janë të prekur, situata reale pasqyron situatën në terren. Një nga vendet më të vizituara nga turistët që vijnë në Shkup është Çarshia e Vjetër e këtij qyteti, ku zejtarët thonë se tashmë disa muaj kanë qenë në skaj të mbijetesës dhe se në këtë mënyrë mund të mbahen vetëm edhe një muaj e gjysëm. Më vonë, nëse nuk ndryshon situata, ata thonë se do të detyrohen t'i mbyllin dyqanet e tyre, siç kanë bërë tashmë shumica e dyqaneve të çarshisë. Të dhënat nga Zyra e Statistikave Shtetërore tregojnë se numri i turistëve ka rënë ndjeshëm. Në maj të këtij viti, 838 turistë vizituan vendin, shifër e cila është 99,2 për qind më pak në krahasim me të njëjtën periudhë të vitit të kaluar. Shitjet e pasurive të patundshme shënojnë ulje, çmimi mbetet i pandryshuar Koronavirusi po ashtu ka reduktuar shitjet e pasurive të patundshme, por çmimet mbeten të pandryshuara. Për shkak të krizës, kryesisht blehen ndërtesa banimi dhe qiraja është ulur në minimum. Sipas agjencive të pasurive të patundshme në Shkup, tregu po lëviz pas një pushimi dymujor për shkak të krizës së shkaktuar nga COVID-19, por lëvizja është e dukshme vetëm në shitjen e apartamenteve, ku nuk ka ndryshime të çmimeve. Interesi për marrjen me qira të apartmenteve është ulur, ndërkohë, shitja dhe marrja me qira e shtëpive pothuajse nuk ekziston. Shqipëria vetëm me 20 për qind të numrit të përgjithshëm të parashikuar të turistëve Dëmi ekonomik i shkaktuar nga pandemia COVID-19 që vërehet kryesisht nga një rënie e kërkesës, që nuk ka konsumatorë që të blejnë mallrat dhe shërbimet në dispozicion në ekonominë globale, është reflektuar edhe në Shqipëri. Një nga sektorët më të goditur është turizmi, që këtë vit ka mungesën e e turistëve të huaj, krahasuar me vitet e kaluara. Sipas Shoqatës Shqiptare të Turoperatorëve dhe Agjencive Turistike, në Shqipëri këtë sezon veror ka vetëm 20 për qind të totalit të turistëve që parashikohej në kohë normale dhe kjo ka një ndikim të drejtpërdrejtë në ekonominë e vendit. Gjatë masave kundër pandemisë, aktivitetin ndaluan shumë biznese dhe nisur nga kjo situatë, u shtuan shitjet online në disa sektorë. Ndërkohë, sipas një raporti zyrtar të Bankës së Shqipërisë, emergjenca shëndetësore e shkaktuar nga përhapja e COVID-19 dhe masat e autoriteteve publike për kontrollin e saj, në Shqipëri përbëjnë një sfidë për stabilitetin ekonomik dhe financiar të vendit, për financat e bizneseve dhe familjeve, si dhe për qëndrueshmërinë e rritjes ekonomike të vendit, në afatin e mesëm dhe të gjatë. Nisur nga kjo situatë, sipas institucioneve finaciare, goditja e dyfishtë, e kërkesës dhe ofertës, do të pasqyrohet në rënie të aktivitetit ekonomik gjatë vitit 2020, e shoqëruar me rënie të punësimit, rritje të papunësisë, rënie të të ardhurave familjare dhe vështirësi financiare për bizneset. Pandemia përkeqëson situatën ekonomike në Kosovë Masat e zbatuara për të parandaluar përhapjen e koronavirusit kanë ndikuar shumë në situatën, e cila edhe në kushte normale nuk ishte e mirë sa duhet. Pasojat e pandemisë i pësojnë kryesisht ndërmarrjet e vogla dhe të mesme, veçanërisht sektori i gastronomisë dhe pasuritë e patundshme. Vetëm farmacitë dhe dyqanet ushqimore kanë qenë të hapura gjatë gjithë kohës, por fuqia blerëse e qytetarëve është ulur, si për shkak të pagave të ulura, ashtu edhe për shkak të largimit nga puna. Sipas të dhënave të Shërbimit Tatimor, 320 mijë punëtorë janë të punësuar në Kosovë, nga të cilët 85 mijë janë në sektorin publik. Sipas parashikimeve të qeverisë, për shkak të pandemisë, rreth 100 mijë punëtorë në sektorin privat mund të humbin punën e tyre. Një studim nga Oda Ekonomike e Kosovës në prill të këtij viti tregon se thuajse 92 për qind e kompanive theksuan se shitjet kanë rënë si rezultat i krizës. Prej tyre, 22 për qind shprehen se shitjet janë ulur me mbi 50 për qind. Mbi 80 për qind e kompanive të anketuara nga të gjithë sektorët shënuan rënie të shitjeve. Shitjet në sektorin e ndërtimit te 70 për qind e kompanive të anketuara kanë rënë për 50 për qind. Rreth 60 për qind e kompanive në sektorë të tjerë gjithashtu raportojnë rënie të shitjeve prej më shumë se 50 për qind. Sektori i gastronomisë ose HoReCa, i cili është shkurtesë e "Hotel, Restaurants dhe Catering", kanë pasur humbje të mëdha për shkak të masave të vendosura për të parandaluar përhapjen e COVID-19. Sipas hulumtimit të bërë me kërkesë të Shoqatës së Gastronomëve të Kosovës, vlerësohet se humbjet janë domethënëse për sektorin drejtpërdrejt, por edhe për sektorët e tjerë që janë në një farë mënyre janë të lidhur me këtë sektor. Forma e vetme e lejuar e aktivitetit ka qenë sigurimi i ushqimit me dërgesë, i cili solli qarkullim simbolik të parave. Hulumtimi tregoi se 67,8 për qind e bizneseve gastronomike kanë pasur rënie prej 100 për qind të qarkullimit të tyre mujor në krahasim me vitin 2019, ndërsa kategoria më e prekur janë punëtorët e tyre. 52,9 për qind e bizneseve theksuan se kanë qenë të detyruar të pushonin nga puna të gjithë punëtorët. 75,9 për qind e kompanive të anketuara që kanë kredi për të rritur kapacitetin e kompanive, në fund të muajit nuk kanë pasur mjete të mjaftueshme për të paguar këstin e kredisë, për shkak të mbylljes së përkohshme të kompanive dhe mungesës së likuiditetit.

Numri i rasteve me koronavirusin e ri (COVID-19) në Rusi ka arritur në 922.853 ndërsa bilanci i viktimave në 15.685.

- Rusi Numri i rasteve me koronavirusin e ri (COVID-19) në Rusi ka arritur në 922.853 ndërsa bilanci i viktimave në 15.685. Qendra për Kontrollin dhe Parandalimin e Infeksioneve të Koronavirusit njoftoi se me 4.969 raste të reja numri i rasteve ka arritur në 922.853 ndërsa me 68 vdekje në 24 orët e fundit numri i viktimave në 15.685. Ndërkohë numri i të shëruarve ka arritur në 732.968 me 3.557 të shëruar në 24 orët e fundit. Norma e rritjes ditore e numrit të rasteve në Rusi nga 0,6 për qind ka rënë në 0,5 për qind dhe tek 25,8 për qind e rasteve të reja nuk janë vërejtur simptoma. Në kryeqytetin rus Moskë, në 24 orët e fundit janë shënuar 688 raste të reja, me çka numri i tyre është rritur në 252.374, ndërsa me 11 vdekje të reja, numri i viktimave në kryeqytet u rrit në 4.656. Shërbimi i Mbrojtjes së Shëndetit të Njeriut dhe të Drejtave të Konsumatorit në Rusi tha se në 24 orët e fundit janë kryer 312 mijë teste ndërsa numri i testeve të kryera deri më sot tejkalon shifrën 32.5 milionë. Rasti i parë me COVID-19 në Rusi u regjistrua më 31 janar ndërsa vdekja e parë më 19 mars. Masat kundër pandemisë në vend filluan në fund të muajit mars. Në disa pjesë të vendit u lehtësuan masat për shkak se u regjistrua rënie e numrit të rasteve. Bashkë me këtë u bë e detyrueshme vendosja e maskave dhe dorezave në ambiente të mbyllura dhe të frekuentuara. Kufizimi i daljes në rrugë në Moskë, që filloi më 30 mars, u hoq më 9 qershor. Në kuadër të masave kundër COVID-19, Rusia më 27 mars ndaloi të gjitha fluturimet ndërkombëtare dhe që nga 1 gushti rifilloi në mënyrë të ndërsjellë fluturimet ndërkombëtare me Turqinë, Mbretërinë e Bashkuar dhe Tanzaninë.