Turqia për Gazën: Gati të ndërhyjmë, Erdogani telefonon presidentin e Iranit

 

Presidenti turk, Rexhep Tajip Erdogan dhe homologu i tij iranian, Hasan Rouhani diskutuan në telefon sulmet e vazhdueshme izraelitë kundër palestinezëve, teksa mediat e huaja flasin për “skena horror” në Gaza.

Erdogan, që më herët deklaroi se Turqia nuk do ta pranojë persekutimin izraelit, edhe nëse e gjithë bota e injoron, e bëri të qartë se Ankaraja është e gatshme të marrë një qëndrim serioz përballë ofensivës së shtetit hebre. Komuniteti global, u shpreh ai, duhet t’i dërgojë Izraelit një mesazh të fortë.

Presidenti turk insistoi po kështu, se është e domosdoshme që bota islame të adoptojë një qëndrim të unifikuar, por edhe veprime kundër sulmeve të Izraelit. Përpara tij, ambasadori turk në OKB, Feridun Sinirlioğlu, e quajti të papranueshme që Këshilli i Sigurimit nuk arriti të dilte me një deklaratë të përbashkët kundër dhunës në territoret palestinez. Ai përmendi vdekjet e foshnjeve e të fëmijëve, e tha se sulmet ndaj shkollave përbëjnë krime lufte.

“Që prej fillimit të agresionit izraelit, dhjetëra fëmijë kanë vdekur në Gaza. Nëse një klasë e mbushur me të mitur do të hidhej në erë diku tjetër, sa ditë mendoni se do t’i duheshin këtij Këshilli për t’u mbledhur”, pyeti ambasadori, sipas të cili heshtja përballë kësaj kasaphane njerëzore vetëm sa e inkurajon më shumë Beniamin Netanyahun.

Konflikti shpërtheu në fillimin e javës së kaluar pas planeve për dëbimin e familjeve palestineze në lagjen Sheikh Jarrah të Jeruzalemit Lindor dhe mësymjes se xhamisë Al Aksa nga policët izraelitë.

Hetim për kërcënimet e presidentit shqiptar Ilir Metës/ Mblidhen videot e incidentit te FRD dhe deklaratat e Presidentit

 

Komisioni parlamentar që ka marrë në hetim presidentin Ilir Meta, për shkelje të kushtetutës, administroi në cilësinë e provës të gjitha deklarimet në televizione të ndryshme para dhe gjatë fushatës elektorale përfshi, ato në ditën e heshtjesh zgjedhore artikuluar nga kreu shtetit.

Janë një mori me CD nga ku AMA ka hedhur deklarimet e presidentit në disa televizione kombëtare dhe lokale gjatë muajt prill. Një pjesë prej tyre u shfaqën në komision.

Keto materiale video përfshi një shkresë të Bashkisë Tiranë për incidentin në zyrat e FRD-s, bashkë me një korrespondencë Gjykatë Kushtetuese-Presidencë u administruan si prova nga komisioni.

Edmon Stojku, anëtarë i komisionit u bë iniciatori kërkesës për zgjerimin e objektit të hetimit.

Ndërsa anëtari tjetër, Spartak Braho tha se gjatë fushatës elektorale presidenti ka bërë 40 denoncime. Sipas tij do të ishte me interes që komisioni të dinte nëse kreu shtetit këto denoncime i ka adresuar në agjencitë ligjzbatuese.

Alket Hyseni kreu komisionit hetimor tha se nuk ka mbërritur ende asnjë përgjigje prej presidentit për të dëshmuar paraditen e te martës 18 Maj. Ndërkohë presidenca njoftoi se zoti Meta ka udhëtuar sot drejt Sllovenisë, për të marrë pjesë në përvjetorin e 10-të të Takimit të Udhëheqësve të Procesit të Brdo-Brijunit.

Grabitja barbare në Greqi/ Vrasësit e 20-vjeçares kishin informacion për €100 000, bashkëshorti identifikon të arrestuarin

  

Bashkëshorti i një nëne 20-vjeçare që u torturua e u vra barbarisht gjatë një grabitjeje në Greqi, është njoftuar sot të identifikojë një të dyshuar që është arrestuar për ngjarjen, pasi kishte parë fytyrën e vrasësit kur i kishte rënë maska.

20 vjecarja britaniko-filipinase Caroline Crouch, u mbyt për vdekje nga grabitës të maskuar, që në një moment kishin vendosur grykën e pistoletës te koka e foshnjes së saj, 11 muajshe.

Nw grabitjen tragjike qw ka shokuar Greqinë, Charalambos “Babis” Anagnostopoulos, bashkëshorti i Caroline, ishte lidhur i tëri në shtëpinë e tyre luksoze në periferi të kryeqytetit Athinë.

Ai ishte duke identifikuar sot fotografitë e rreth 30 të dyshuarve të mbledhur nga policia me shpresën se do të kujtojë vrasësin e gruas së tij.

“Ne po avancojmë me hetimet dhe laboratorët e policisë kanë gjetur gjurmë ADN-je e shenja gishtërinjsh në skenë”, tha një oficer për mediat.

“Lista e të dyshuarve është ngushtuar në 30 njerëz”, shtoi ai.

Anagnostopoulos e përshkruante vrasësin si të gjatë, me ngjyrë të errët lëkure dhe nën 30 vjeç.

Policia beson se vrasësi nuk e di se Charalambos ka pare fytyrën e tij, por për këtë arsye kishte vrarë Caroline.

Trupi i Caroline u gjet i lidhur te një shtyllë druri, ku vrasësit e kishin torturuar në papafingon e shtëpisë në prezencë të bebes.

Ndërsa Charalambos thotë se ishte lidhur i tëri si një “salçiçe”, i prangosur dhe me sy e gojë të mbyllura.

Dje një burrë nga Gjeorgjia është arrestuar me një pasaportë false në kufirin Greqi-Bullgari, si i dyshuar për lidhje me krimin, por spekulimet po zbeheshin sot.

“Ai ka lidhje me vjedhje të tjera të shtëpive por provat për lidhje me vdekje e Caroline po pakësohen,” shtoi oficeri.

Autoritetet shtuan se grabitësit dukej se kishin informacion informacion të brendshëm për një tërheqje prej 100,000 euro që Anagnostopoulos kishte bërë së fundmi me qëllim të blinte një tokë në Greqi.

“Duket se sulmuesit e dinin këtë por jo faktin që blerja ishte kryer”, tha oficeri duke shtuar se ata nuke  kishin besuar burrin kur i kishte thënë se kishte vetëm 15,000 euro të fshehura në shtëpi.

Rinis hetimi për Artan Santon/ Prokuroria kalon dosjen në SPAK: Dyshohet se u eliminua nga një grup i strukturuar kriminal

Gazetarja e Top Channel, Anila Hoxha bën me dije se Prokuroria ka të dhëna të reja në lidhje me dosjen e bankierit Artan Santo, një prej vrasjeve të bujshme që mbetet ende e pazbardhur. Santo u ekzekutua 7 vite më parë, në qershorin e vitit 2014 ai u ekzekutua ndërsa po hynte në selinë e bankës ku punonte. Gazetarja Anila Hoxha sqaron se pasi ka kryer një sërë veprimesh hetimore, prokuroria ka shpallur moskompetencën dhe ia ka dorëzuar SPAK duke qenë se ka dyshime të forta se eliminimi i Artanit është kryer nga një grup kriminal dhe vrasës me pagesë. Mbeten private të dhënat e reja në lidhje me dosjen e Santos, por mësohet se janë nxitur dhe nga emisioni “Top Story” që dha dëshmi me interes në fillim të këtij viti. Kjo cështje që prej javësh së kaluar është në duart e prokurorëve të posacëm kundër krimit të organizuart

iVICA Daçiq thotë se kërkesa për tërheqjen e KFOR-it nga Kosova është më tepër kërcënim, sesa gjë reale

Kryeparlamentari i Serbisë, Ivica Daçiq, ka vlerësuar se kërkesa për tërheqjen e KFOR-it dhe UNIMK-ut nga Kosova, paraqet më tepër një kërcënim, sesa që mund të ndodh në realitet, raporton Tanjug. Presidenti i Serbisë, Aleksandar Vuçiq, tha pak ditë më parë se një fuqi e madhe do të kërkojë tërheqjen e KFOR-it dhe UNMIK-ut nga Serbia. Daçiq në lidhje me këtë, ka thënë se nuk ishte befasuar me deklarimin e Vuçiqit, duke deklaruar se këto janë informacione politike dhe të inteligjencës që merr Serbia në lidhje me qëndrimet e vendeve të caktuara. Vuçiq të hënën në Bruksel takohet me sekretarin e përgjithshëm të NATO-s, Jens Stoltenberg, ku ndër tjera do të bisedojë edhe për informatat se një fuqi e madhe do të kërkojë tërheqjen e KFOR-it e UNMIK-ut nga Kosova.

Sot në Lipjan është konfiskuar një sasi rreth 400 kilogramë kokainë më vlerë 400 milion euro

Burimet e Top Channel bëjnë me dije se 2 ton e 200 kg kokainë janë kapur në Kosovë. Operacioni siç bëjnë me dije u krye në bashkëpunim me policinë shqiptare, kosovare dhe atë italiane, me sinjalizimin e DEA-s amerikane. Mësohet se para 15 ditësh sasia e madhe ka ardhur në Durrës dhe ka qenë në vëzhgim nga policia, e cila ka lejuar që kamioni të shkojë te porositësit. Sipas ABC News, kamioni ka qenë i mbushur me mish dhe i është vendosur çipi nëpër kontejner. Gjithnjë sipas kësaj medie, sasia e sekuestruar është 400 kg e jo 2.2 ton. Kontejneri u ngarkua në kamionin me tabela 01 263 OD në Portin e Durrësit. Policia shqiptare kishte dy muaj që priste për një sasi të tillë pasi ishte sinjalizuar nga DEA. Sekuestrimi i këtij kamioni u bë nga Policia e Kosovës. KOHA ka kontaktuar me Doganën e Kosovës, mirëpo këta nuk ishin të informuar për rastin. Ndërkohë, Policia deri në këto momente, nuk ka kthyer përgjigje. Kamioni me kokainë u kap në Lipjan Kamioni i kapur me sasi të mëdha të kokainës është kapur në Lipjan, sipas ABC News. Kamioni kishte 15 ditë që kishte mbërritur në portin e Durrësit, ndërsa Policia e Shqipërisë po priste vendin se ku do të shkonte kjo porosi, e cila u sekuestrua nga Policia e Kosovës gjatë ditës së sotme. Sipas ABC News, kamioni barte 400 kg kokainë. Pritet të ketë paraqitje për media nga Policia e Kosovës në orën vijuese. SPAK-u ende po e peshon sasinë e kapur të kokainës në Kosovë ABC News ka siguruar fotot e kokainës së kapur në një kamion në Kosovës. Sasia prej kokainës ishte fshehur në një kontejner me mish që vinte nga Brazili. Ndërkohë kokaina ishte futur në disa pako kartoni, ndërsa ambalazhi dyshohet të jetë i ngjashëm me paketimin e mishit për t’u kamufluar. Siç mëson abcnews, bëhet fjalë për një operacion të kryer nën koordinimin e DEA-s amerikane, të cilët kishin informacion që në origjinë për ngarkesën në fjalë duke i vendosur GPS për të parë se ku do të shkonte. Krahas DEA-s, në operacion janë përfshirë pala italiane, si vendi ku kontejneri bëri tranzitin për në Shqipëri, pala shqiptare si edhe policia e Kosovës pasi u zbulua se cili do të ishte destinacioni final i tij. Më pas kontejneri u ngarkua në kamionin me targa 01 263 OD. Kreu i Strukturës së Posaçme kundër Korrupsionit dhe Krimit të Organizuar në Shqipëri, Arben Kraja ka thënë se sasia e vërtetë e kapur ende nuk dihet. “Operacioni i përbashkët mes SPAK, DEA-s, policisë italiane dhe asaj të Kosovës. Sasia e kokainës ende po peshohet”, ka thënë Kraja. MInistri i punëve të Brendshme tovës Sveçla pas kapjes së kokainës në Lipjan: Pas 14 shkurtit, Kosova nuk do të jetë më strehë e kriminelëve Ministri i Punëve të Brendshme të Kosovës, Xhelal Sveçla, ka përgëzuar Policinë e Kosovës bashkë me partnerët, për kryerjen e detyrës ku u kapen rreth 300-400 kg kokainë në Lipjan. Sveçla ka thënë se Kosova do të jetë e pakompromis në luftimin e të gjitha aktiviteteve kriminale që rrezikojnë sigurinë e qytetarëve. “Sot gjatë një aksioni të koordinuar me institucionet e partnerëve tanë, Policia e Kosovës ka kapur një sasi të konsiderueshme të substancës së dyshuar, kokainë. Falënderoj institucionet e partnerëve tanë aleat që ndihmuan në këtë zbulim dhe përgëzoj pjesëtarët e Policisë së Kosovës për kryerjen e shkëlqyeshme të detyrës së tyre. Republika e Kosovës me të gjitha kapacitetet e saj do të jetë e pakompromis në luftimin e të gjitha aktiviteteve kriminale që rrezikojnë sigurinë e qytetarëve dhe që sfidojnë sundimin e ligjit”. Ministri i Brendshëm ka shtuar se “pas 14 shkurtit, Republika e Kosovës nuk do të jetë më strehë e kriminelëve”. Prokuroria dhe Policia e Kosovës kanë mbajtur konferencë për media pas konfiskimit të 400 kilogramëve të substancave narkotike të llojit kokainë, ku është bërë e ditur se janë arrestuar shtatë persona. Kryeprokurori i shtetit Aleksandër Lumezi ka thënë se me urdhër të Prokurorisë Speciale dhe në bashkëpunim me Policinë e Kosovës autoriteteve italiane dhe atyre të Shqipërisë, janë konfiskuar 400 kg kokainë, vlera e të cilës arrin 20 milionë euro. Ai ka thënë se janë sekuestruar gjithashtu të holla, vetura dhe gjëra të tjera. Lumezi ka thënë se gjatë fazës së hetimeve janë përdorur masa të fshehta, ku janë përcjellë narkotikët nga Brazili. Ai ka thënë se puna e përbashkët ekipore dërgon porosi të qarta te grupet kriminale se do të përballen me Policinë. “Kemi bashkëpunuar me partnerët tanë. Kjo jo vetëm që ishte sfidë por edhe detyrim për ta luftuar krimin e organizuar”, ka thënë ai. Drejtori i Përgjithshëm i Policisë, Sabedin Mehmeti, ka thënë se ka pasur bashkëpunim me autoritetet italiane për përcjelljen e kësaj dërgese. Ai ka thënë se janë arrestuar shtatë persona dhe disa të tjerë janë në kërkim. Mehmeti ka thënë se institucionet e tri shteteve përfshirë edhe ato të Shqipërisë janë koordinuar mes vete. Ai ka deklaruar se dërgesa në Kosovë ka ardhur më datë 15 maj duke shtuar se palët sot kanë filluar aktivitetin kriminal për tërheqjen e saj. “Policia ka arrestuar personat e dyshuar. Prokurori i rastit ka autorizuar bastisjen edhe disa lokacioneve tjera. Dërgesa kishte destinacion edhe shtete të tjera. Deri më tani janë arrestuar shtatë persona shtetas kosovarë. Janë konfiskuar edhe telefona, vetura edhe një armë. Policia e Kosovës është në kërkim edhe të disa të dyshuarve tjerë”, ka thënë ai. Mehmeti ka thënë se operacioni është duke vazhduar dhe mund të ketë të arrestuar dhe bastisje të tjera. Sipas tij, momentalisht të arrestuar janë vetëm shtetas të Kosovës. Sot në Lipjan është konfiskuar një sasi rreth 400 kilogramë kokainë. KOHA ka siguruar pamje nga transporti i saj për në Prishtinë pas konfiskimit nga Policia. Në video ndër të tjera shihet se ajo është transportuar nën masa të shtuara të sigurisë. Pastaj ajo është futur brenda objektit nga personat përgjegjës.Policia identifikon kompanitë që trafikonin drogën e zënë në Lipjan Policia e Kosovës është në ndjekje të kompanisë Mcfood.al në rastin e drogës së konfiskuar në Lipjan. Sipas Qendrës Kombëtare te Biznesit (QKB), kompania Mcfood.al është regjistruar si kompani në nëntor të vitit 2020 me bashkëpronarë nga Shqipëria dhe Kosova. I.Sh. dhe B.H. janë bashkëpronarët e kësaj kompanie. KOHA mëson se kjo kompani ka seli në Lipjan dhe në Kavajë. Dyshohet se në Kosovë është aktive kjo kompani nëpërmjet kompanisë nënkontraktore "Seara", duke qenë se sasia e lëndës narkotike u sekuestrua në kamion me këtë logo.

Punesim me nepotizem