Ish-kryeministri i Bullgarisë, Bojko Borisov,u arrestua për fondet e BE, lihet i lirë ish-kryeministri

 

Ish-kryeministri i Bullgarisë, Bojko Borisov, është lënë i lirë pasi u arrestua dy ditë më parë për abuzim me fondet e dhëna nga BE.Ministria e Punëve të Brendshme ka njoftuar se Borisov është ndaluar për 24 orë së bashku me ish-ministrin e financave Vladislav Goranov dhe këshilltarin e tij për media Sevdalin Arnaudov.

Autoritetet nuk dhanë detaje për ndonjë akuzë kundër tyre, por media lokale raportoi se rastet po hetonin keqpërdorimin e fondeve të BE-së. Një kontroll u krye në disa lokacione, si dhe në shtëpitë e Bojko Borisov.

Borisov deklaroi se prangosja e tij ishte bërë në mënyrë të paligjshme, pasi autoritetet nuk kishin prova të mjaftueshme.

“Ata erdhën në shtëpinë time ndërsa ne ishim duke darkuar. Gjatë kontrollit të shtëpisë, autoritetet  nuk gjetën asgjë dhe kur mendova se po largoheshin, më thanë: ‘Duhet të të arrestojmë’. Ishte brutale dhe e neveritshme. Jemi kthyer në kohën e komunizmit” tha ai.

Presidenti rus Vlladimir Putini është gati për luftën e bërthamore, zbulohet lëvizja e fundit e tij

 

I dëshpëruar, presidenti i çmendur rus Vladimir Putin ka zhvendosur familjen e tij në një ‘qytet të fshehtë nëntokësor’ dhe është ‘i vendosur të zhvillojë një stërvitje për evakuim bërthamor, pohojnë burime të brendshme pranë presidentit rus, të cituara nga mediat në Britaninë e Madhe.Ato përmendin planin e Kremlinit për fundin e botës, ndërsa ripërtërijnë pretendimet se Putin vuan nga probleme të shumta dhe serioze mjekësore.

Po kështu, pohojnë se numri i rusëve të vrarë në Ukrainë është mjaft më i lartë nga sa deklaron Moska zyrtare, e madje mund të jetë edhe më i lartë se pretendimet e Kievit për 15 mijë viktima ruse në 23 ditë luftimesh.

Putini ‘shpesh e derdh zemërimin e tij mbi njerëzit që janë pranë tij”, thotë një nga burimet, i cili rrëfen se ka lidhje me persona në rrethin e ngushtë të Putinit.

Ai shton më tej se presidenti rus i tronditi gjeneralët e tij kur i kërkoi të merren me stërvitje bërthamore, pasi kjo shton ndjeshëm frikën se mund të jetë duke përgatitur vërtet një konflikt atomik.

 Ndërsa Kryeministri britanik Boris Johnson thot pë të çmendurin “Vladimir Putin vitet e fundit ka qenë si një tregtar rruge droge, duke nxitur një varësi në vendet perëndimore nga hidrokarburet e tij.” këtë tha kur foli në konferencën pranverore të Partisë Konservatore në Blackpool, njoftuan mediat britanike.“Ne duhet të çlirohemi nga kjo varësi, nga hidrokarburet ruse: është thelbësore nëse duam t’i rezistojmë bullizmit të Putinit, ne do të shmangim shantazhimin prej tij,” shtoi ai.

Britania që nga nisja e pushtimit rus në Ukrainë ka qenë shteti më aktiv në sanksionimet ndaj Rusisë, bashkë me SHBA.

“Lukashenko është i çmendur! Flinte me automatik”, eksperti Karamuço bën publike faktet tronditëse dhe zbulon qëllimin e tij të frikshëm: Ai është butoni i vërtetë i kuq i Putinit!

 

 Nga Flori Bruqi

Studiuesit pretendojnë se kanë gjetur shenja të skizofrenisë që mund të gjenden në flokët e njeriut.

Në një studim të botuar në revistën shkencore "EMBO Molecular Medicine", studiuesit zbuluan se sulfuri i hidrogjenit ishte i pranishëm në trurin e njerëzve dhe minjve me simptoma të çrregullimeve mendore dhe se ai veproi si një biomarker për këtë gjendje mjekësore.

Skizofrenia karakterizohet nga një larmi simptomash duke përfshirë halucinacione, të sëmurët dëgjojnë zëra, kanë iluzione dhe mendim të paorganizuar dhe nuk kanë gamën e plotë të emocioneve si një person mesatar.Rreth 1% e popullsisë së botës vuan nga skizofrenia, e cila zakonisht ndodh nga fundi i adoleshencës deri në moshën 30 vjeç në jetën e një personi. Si faktorët mjedisorë, ashtu edhe ata gjenetikë kontribuojnë në shfaqjen e skizofrenisë.

Studiuesit nga Japonia testuan minj që kishin frenime të larta ose të ulëta para-pulsit.  Minjtë me frenime më të ulëta para-pulsit u gjet se kishin një sasi më të lartë të një enzime specifike që ndihmon në prodhimin e sulfurit të hidrogjenit dhe për këtë arsye kishin nivele më të larta të këtij gazi. Duke zvogëluar sasinë e enzimës së prodhuar nga minjtë, studiuesit ishin në gjendje të përmirësonin frenimet e tyre para pulsit.

Për të hetuar nëse të njëjtat zbulime mund të shiheshin te njerëzit, studiuesit shikuan trurin e njerëzve me skizofreni që kishin vdekur tashmë dhe zbuluan se një enzimë specifike u gjet në përqendrime më të larta në trurin e të sëmurëve sesa në trurin e njerëzve të shëndetshëm.Ekipi hulumtues gjithashtu studioi gjëndrat e flokëve të 149 njerëzve me skizofreni dhe i krahasoi ato me ato të 166 njerëzve të shëndetshëm. Përsëri, nivelet e enzimës që prodhon sulfur hidrogjeni ishin më të larta në pacientët me këtë çrregullim mendor.

Nivelet e larta të enzimës besohet se çojnë në ndryshime në zhvillimin e ADN-së që vazhdojnë edhe në moshën e rritur. Një nga autorët e studimit, Takeo Yoshikawa, i Laboratorit të Psikiatrisë Molekulare në Qendrën Japoneze RIKEN për Shkencën e Trurit, i tha Newsweek se ilaçet që përdoren aktualisht për të trajtuar skizofreninë u zbuluan më shumë se gjysmë shekulli më parë, por nuk janë efektive për 30% të pacientët.

“Sidoqoftë, kompanitë farmaceutike kanë braktisur përpjekjet për të krijuar ilaçe të reja,” tha ai.

Yoshikawa arrin në përfundimin se ky hulumtim pritet të japë një shembull të ri për zhvillimin e ilaçeve. Frenuesit e enzimave që sintetizojnë hidrogjen sulfur duket se janë të rëndësishëm në trajtimin e skizofrenisë, të paktën për pacientët që nuk mund të ndihmohen nga ilaçet ekzistuese.

 

Profesori i Kriminologjisë pranë fakultetit të Drejtësisë në Tiranë, Ervin Karamuço, zbërtheu sot sjelljen e Putin, Zelensky-t dhe Lukashenkos me gjuhën e trupit.

I ftuar në emisionin “Wake Up”, duke folur fillimisht për Lukashekon, Karamuço u shpreh se “ai është i çmendur”. Sipas tij, ai flinte me automatik pasi thoshte se do vinin ato të NATO-s.

Profesori shton se Lukashenko është butoni i vërtetë i Putin dhe se duan që të krijojnë një korridor që lidh Bjellorusinë me Kaliningradin, që është midis Polonisë dhe shteteve të tjera evropiane.

“Lukashenko është i çmendur. Mjeku i tij psikiatër është larguar në vitin 2000 urgjent nga Bjellorusia sepse kishte kartelë. I tha kam pasur kartelën tënde. Ai bëri publike faktin që në 1982 ky e la ushtrinë, ose më mirë u përjashtua nga ushtria sepse pati probleme të rënda të çrregullimeve paranoide. Ky flinte me automatik gjumë se thoshte do vijnë ato të NATO-s. Ne flasim gjithmonë me burime, jo me 1 por me 2-3 burime mbi biografinë, që janë shumë të rëndësishëm për ne, sepse është një gjë shumë serioze. Profesorët nuk flasin kot asnjëherë. Dhe ky program e ka identifikuar me kohë Lukashenkon për shkak të problemeve të tij, të kartelës së tij psikiatrike, si një person me çrregullime të mëdha. Çrregullimi paranoid shoqërohet me një sëmundje mendore, kjo mund të jetë ose bipolare ose skizofreni, forma nga më të ndryshmet.Por çfarë ndodh në raport me Putin? Ky është butoni i vërtetë i Putin. Do ju them një fakt mjaft interesant gjeo-politik. Nuk është ai butoni i kuq që thonë shumë veta, butoni i vërtetë është Lukashenko. Pse? Sepse përveçse është i nënshtruar për shkak të paranojës, është kokëfortë, i ka të gjitha, domethënë është një ish-kryetar koperative në biografinë e tij, i ka propozuar Putinit së fundmi që të krijojë atë që quhet suvalki, korridor.

Çfarë është korridori suvalki? Është një korridor që lidh Bjellorusinë me Kaliningradin, që është midis Polonisë dhe shteteve të tjera evropiane. Por duke krijuar këtë korridor, duke e marrë de facto si pushtim, ndërpret rrugët e kalimit të tre vendeve baltike. E prandaj ka një përqendrim shumë të madh të forcave të NATO-s në atë zonë, sepse e dinë që ky është një mendje e çmendur që edhe mund të bëjë këtë”, zbulon Karamuço.

 

****

Sa vijnë e bëhen gjithnjë e më shumë këmbëngulëse zërat se Vladimir Putin është i sëmurë: ai dyshohet se vuan nga çrregullime të trurit të shkaktuara nga skizofrenia, nga sëmundja e Parkinsonit ose nga sulme zemërimi të shkaktuara nga trajtimet steroide për të kuruar kancerin, nga i cili thuhet se është prekur.

Ajo që i rikthehet problemeve të supozuara shëndetësore të presidentit rus, është britanikja “Daily Mail”, një gazetë jo gjithmonë e besueshme, por shumë e informuar që citon burime të inteligjencës perëndimore pranë Kremlinit: zyrtarë ekspertë të “Five Eyes”, “Pesë Sytë”, të aleancës së inteligjencës që përfshin Australinë, Kanadanë, Zelandën e Re, Mbretërinë e Bashkuar dhe Shtetet e Bashkuara të Amerikës.  Pas sjelljes së Carit mund të ketë edhe shpjegime delikate të natyrës fizike dhe mjekësore.

Raporte të shumta perëndimore, do të kishin arritur në këtë përfundim, duke mbivendosur në sjelljen e presidentit 69-vjeçar rus, ënjtjen e dukshme të qafës dhe kokës që u shfaq në videot më të fundit dhe distancimin e konsiderueshëm fizik të vendosur gjatë vizitave të liderëve të huaj në Kremlini.

“Në pesë vitet e fundit ka pasur një ndryshim të dukshëm në procesin e tij të vendimmarrjes, njerëzit e afërt kanë vënë re gjithashtu një qartësi më të vogël në të folur dhe në të kuptuarit e botës rreth tij”, shpjegoi një burim për “Daily Mail”, duke konfirmuar se, mungesa e mirëkuptimit do të ishte edhe për shkak të mungesës së mendimeve kontradiktore në rrethin e tij të ngushtë, gjë që do ta pengonte të kuptonte dështimin e pushtimit ukrainas. “Ai thjesht nuk është i informuar”, vazhdon ai.

Historia e “Daily Mail”, ndoshta bazohet në një burim të vetëm, është e dobët dhe e vështirë për t’u konfirmuar, por ajo përforcon dyshimet që janë shfaqur muajt e fundit: zgjedhjet e Putinit do të ndikoheshin nga Parkinsoni, nga një formë më gjenerike e demencës ose nga përdorimi i zgjatur i steroideve për trajtimin e kancerit, i cili do të prishte ekuilibrin e tij.

Teoria e fundit, do të konsiderohej gjithashtu e besueshme nga inteligjenca britanike. Distanca e madhe e mbajtur në takimet e javëve të fundit me liderët e huaj – deri në gjashtë metra, si në rastin e presidentit francez Emmanuel Macron – do të konfirmonte gjithashtu ekzistencën e sëmundjeve të mëparshme, të cilat do të rrisnin rrezikun e vdekjes nëse ai infektohej me Covid ose përdorimin e barnave që pengojnë sistemin imunitar, duke e bërë më të lehtë infeksionin.

Menjëherë pas takimit me Macron, një zyrtar francez konfirmoi se Putin “nuk dukej njësoj” si dy vjet më parë, sepse ai ishte “jashtë kontrollit”.

Britanikët – por edhe amerikanët – besojnë gjithashtu se kanë një dukshmëri të madhe të asaj që ndodh në dhomat e Kremlinit: kjo shpjegon gjithashtu vendimin e pazakontë për të bërë publike të gjitha informacionet e inteligjencës, të cilat normalisht duhet të mbeten sekrete, për të parashikuar – dhe ndoshta shmangin – lëvizjet e Moskës.

“Dukshmëria jonë është e jashtëzakonshme: krahasuar me Xi Jinping dhe Kinën, ne kemi cilësi të jashtëzakonshme”, tha një burim londinez për “Daily Mail”.

“Edhe një vëzhgues sipërfaqësor nuk mund të mos jetë i mahnitur nga metamorfoza somatiko-fizionomike që ka pësuar fytyra e Putinit gjatë viteve: nga krahasimi midis një fotoje rinore apo të pjekur dhe disa fotove të fundit si ajo në “UnHerd”, në të cilën vështrimi kërcënues dhe shikimi i munguar i përmbahet tipareve, duke filluar nga faqet e hiper-vaskularizuara nga botoksi”, shkroi Sandro Modeo për “Corriere”-n javën e kaluar në artikullin e tij të gjatë, në të cilin trajtonte edhe hipotezat për problemet e mundshme shëndetësore të liderit rus.

“E para ka të bëjë me shpinën”, shpjegoi ai, “ose problemet e mundshme me shtyllën kurrizore për shkak të lëndimeve të mëparshme sportive, siç përmendi dikur vasali bjellorus Lukashenko, apo edhe një neoplazmë të palcës kurrizore, simptomat e së cilës do të ishin të pajtueshme me disa vështirësi në ecje dhe disa shqetësime posturale të Putinit”/ “Daily Mail”; Përshtati: Gazeta “Si”.

****

 ... Rusia e filloi ofensivën ushtarake kundër Ukrainës. Tanke, avionë, autoblinda me dhjetëra mijë ushtarë dhe oficerë garantuan qytete e fshatra të shumtë të Ukrainës, duke shkelur në mënyrë flagrante të drejtën ndërkombëtare dhe Kartën e OKB-së të sovranitetit të shteteve.

Vladimir Putin dëshmoi se nuk ka asgjë ndryshe nga Adolf Hitler. Ai duket se është ndjekësi më besnik i udhëheqësit të nacional-socialistëve gjermanë të viteve '30 të shekullit të kaluar.

Ngjashmëritë dhe madje identitetet janë të njëjta. Sidomos në filozofinë e luftës. I vetmi dallim është se Putin i ka dhënë kohë vetes më shumë sesa Hitleri. Nuk është nxituar aq shumë deri tani. Por tash po vepron me kryeneçësi dhe kokëfortësinë e Hitlerit.

Adolf Hitleri erdhi në pushtet duke shfrytëzuar padrejtësitë e Konferencës së Parisit ndaj Gjermanisë si fuqi humbëse e Luftës së Parë Botërore, më saktë ndaj Francës, e cila kishte insistuar në cenimin e integritetit territorial të Gjermanisë. Vladimir Putin erdhi në pushtet me kritikat e ashpra ndaj Perëndimit, të cilin e bën përgjegjës për shpërbërjen e ish Bashkimi Sovjetik. Shpërbërjen e BS Putin e konsideroi që në ditën e parë si president "tragjedinë më të madhe" për vendin e tij. Dhe prej këtu nisi e gjitha çfarë ka ndodhur më vonë Gjeorgjinë dhe çfarë po ndodh sot me Ukrainën në dy faza.

Hitleri erdhi në pushtet me premtimin e "bashkimit të botës gjermane" dhe rivendosjes së drejtësisë. Putin vijoi në shekullin XXI me të njëjtin premtim për "bashkimin e botës ruse", përfshirë dhe ato popuj e kombe që flasin sllavisht ose i përkasin besimit ortodoks. Ai elaboroi teza të frikshme para se të hidhej në veprim për shkëputjen e rajoneve të Gjeorgjisë, përkatësisht Abkazinë dhe Osetinë e Jugut (2008), ose të Krimesë në vitin 2014. Derisa erdhi te agresioni për aneksimin e Ukrainës.

Krimea u aneksua në mars të vitit 2014 me pretendimin se në gadishull po kryhej dhunë kundër rusëve. Ndërkohë që asgjë e tillë nuk kishte ndodhur. Putin fabrikoi asokohe gënjeshtrën se "Në Kiev dhe zonat ku banojnë rusët ishin formuar formacione nacional-socialiste (naziste) të cilat kërcënonin rusët e Ukrainës". Por as kjo nuk ishte e vërtetë. Asnjë lloj krimi nuk kishin bërë ukrainasit kundër rusëve dhe minoriteteve të tjera në vendin e tyre. Thjesht ata anuluan një ligj të Viktor Janukoviçit ku refuzohej Marrëveshja e Stabilizim-Asocimit me BE-në. D.m.th shprehën vullnetin për t'u integruar në BE.

Ky vullnet i lirë i ukrainasve dhe përfaqësuesve politikë të tyre nuk i pëlqeu presidentit të Rusisë. Ai e donte Ukrainën zonë të vetën të ndikimit dhe imponimit. Ashtu siç ka sot Bjellorusinë dhe shumicën e republikave të Kaukazit. Në të kundërtën do të përdorte forcën, siç nisi ta dëshmojë që prej të hënës së shkuar, veçmas ditën e sotme. Edhe Hitleri me të tilla formula e filloi luftën. Fillimisht "mori në mbrojtje sudetët" dhe pushtoi Çekinë. Më pas nisi Luftën e Dytë Botërore me pushtimin e Polonisë.

Putin, njësoj si Hitleri, ka si tipar të tijin kërcënimin. Ndërsa Evropa e kohës së Hitlerit iu nënshtrua kërcënimeve të kancelarit gjerman, Evropa e sotme është e trembur dhe e përçarë. Polonia, Hungaria, presidenti çek dhe ai kroat, kryeministri slloven, politikanë në Sllovaki e Bullgari, shumica e politikanëve dhe e opinionit publik në Serbi, madje dhe fraksione parlamentare në Francë, në Austri, Itali e gjetkë bëjnë Kollonën e Pestë në Bashkimin Evropian dhe i japin fuqi Moskës. Këto segmente evropiane ende nuk po shohin se armët që vringëllojnë në Ukrainë do të stacionohen në vendet baltike e Detin e Veriut, në brigjet perëndimore të Detit të Zi dhe madje në brigjet lindore të Adriatikut. Atëherë bashkëpunëtorët e sotëm të Putinit do të ndjejnë dridhma përpara tij! Ish-ministrja e Jashtme e Austrisë, Karin Kneissl, e cila e ftoi para disa vitesh Putin në dasmën e saj, nuk do t'i përulet më Carit rus për ta ftuar në vallëzim, por do të zvarritet para tij!

Prandaj bota duhet të bëhet bashkë. Madje jo vetëm Evropa dhe SHBA-të, NATO dhe BE. Këto lokomotiva të politikës botërore duhet të tërheqin me vete të gjitha vendet paqedashës. Duhet vënë kriteri i qëndrimeve: - Nëse je me paqen e rendin botëror, reago, protesto dhe izoloje politikën hitleriane të Vladimir Putin. Në të kundërtën nuk mund të jetë asnjë shtet dhe vend sovran i sigurt.

Vetëm unifikimi evropian mund ta ndalë Vladimir Putin. Ndërkohë ka ardhur momenti që Gjermania të rifitojë të drejtat e plota për t'u përgatitur për mbrojtje, përfshirë dhe të drejtën e zhvillimit të arsenalit bërthamor. Nëse Britania e Madhe, Gjermania, Franca dhe të gjitha vendet e tjera evropiane bashkohen, atëherë Putin do të detyrohet të rikthehet në kufijtë e Rusisë dhe të respektojë të drejtën sovrane të shteteve sipas Kartës së OKB-së. Ndryshe rendi botëror do të shkatërrohet dhe bota do të ketë një fat shumë më të trishtë se ai i Luftës së Dytë Botërore,thotë mes tjerash politikologu i njohur shqiptar prof.dr.Enver Bytyçi.

Eksperti i Protokollit ,zt. Tomor Avdia ka një këshillë për kryeministrin Albin Kurtin

 

Njohësi i Çështjeve të Protokollit, Tomor Avdia ka folur edhe për vizitën e kancelarit austriak, Karl Nehammer në Kosovë.Avdia pati disa kritika për shefin e ekzekutivit të Qeverisë, ku tha se Kosova nuk duhet të ndërhyjë në konfliktet e Rusisë.

Ai ka edhe një këshillë për Kurtin.“Më duhet të jap një këshillë të vogël nëqoftëse më dëgjojnë këshilltarët e tij që kryeministri duhet të merret drejtpërdrejt mes partnerëve dhe të përdor sa më pak terma në raport me zgjidhjet që kanë presidenti Putin me konfliktin e tij”, tha ai.Avdiu tha se të merresh disa minuta me politiken e Putinit është një kohë e humbur dhe joproduktive në një konferencë për media.

“…Shteti i vogël si Kosova nuk mund të ndërhyjë në këto konfliktesh, nuk mund të ketë rol as minimal në këtë lloj gjuhe por duhet të jemi të kursyer pasi ne nuk i shërbejmë raporteve të cilat duhet ti kërkojmë nga partneret. Nuk duhet të them të kursehet politika e Putinit por thjesht kryeministri jonë duhet të ketë një lloj kërkese ku duhet të shkojë politika dhe mbështetja të kërkohet sepse në një konferencë shtypi të tillë të merresh disa minuta me politikën e Putinit është një kohë e humbur dhe joproduktive në një konferencë për media ku ke në krahun e tij të djathtë një kancelar me ndikim siç është ai i Austrisë dhe duhet që ky moment të shfrytëzohet për rritje të partneritetit”, tha ai. 

Tensione më 3 prill 2022 ?Albin Kurti: Ata që tentojnë s’do të kenë sukses

 

Kryeministri i Kosovës, Albin Kurti, ka komentuar mundësinë për mbajtjen e zgjedhjeve të Serbisë edhe në Kosovë më datë 3 prill, pas takimit me kancelarin austriak, Karl Nehammer.

Kurti tha se Nehammer nuk u diskutua veçanërisht për zgjedhjet e Serbisë, por tha se në Kosovë dëshiron që të respektohet Kushetuta, ligji dhe rezoluta e datës 15 janar të këtij viti.

“Ne dëshirojmë që në Kosovë të respektohet Kushtetuta, ligji dhe rezoluta e 15 janarit të këtij viti dhe nuk duam të ia pamundësojmë qytetarëve të Kosovës që kanë pasaportë të Serbisë të drejtën e tyre të votës”, ka thënë Kurti.

Më tej, i pari i qeverisë tha se janë në kontakt të vazhdueshëm me ShBA-të, Brukselin, ambasadat e vendeve të QUINT-it e kryeqytet evropiane në lidhje me këtë, teksa shtoi se nuk beson se më 3 prill do të ketë incidente në vend.

“Mund të ketë ndokush që dëshiron destabilizim, incidente por këtë nuk do ta gjeni në radhët e popullit e as të institucioneve të Kosovës”.

“Besojmë se nuk do të ketë problem dhe ata që mund të paramendojnë ose tentojnë, nuk do të mund të kenë sukses. Kemi nevojë për paqe në Ballkan dhe dita e 3 prillit nuk besoj se do të jetë ndryshe”, ka thënë Kurti në konferencë për media.

Arrijnë forca shtesë të EULEX-it në Kosovë

 

Foto ilustrim

Kanë arritur në Kosovë forca shtesë të EULEX-it.

Sipas njoftimit, ata janë policisë nga Portugalia dhe Franca. 

“Xhandarmët portugezë dhe francezë të Njësisë Rezervë të Policisë tonë të Specializuar arritën sot në Kosovë”, thuhet në njoftim.

Më 14 mars të këtij viti EULEX pati njoftuar se një Njësi Policore e Specializuar Rezervë e përbërë prej 92 pjesëtarëve të Forcës Evropiane të Xhandarmerisë (EUROGENDFOR) nga Portugalia, Franca dhe Italia do të zbarkojë përkohësisht në Kosovë gjatë javëve në vijim për të përforcuar kapacitetet e Njësisë Policore të Specializuar të EULEX-it (NjPS).

Albin Kurti: Kam drojën që Putin do ta intensifikojë luftën në Ukrainë, Ballkani në rrezik

 

Kryeministri i Kosovës, Albin Kurti, ka thënë se presidenti rus Vladimir Putin, mund ta shpërndajë luftën edhe diku tjetër, pasi sipas tij, ai nuk mund të ulet në tryezën e negociatave vetëm me luftën në Ukrainë.

Kurti tha që edhe Ballkani Perëndimor është në rrezik, pasi edhe këtu veçse po bëhet “lufta hibride”.

“Jemi të brengosur, por nuk jemi të frikësuar. Populli ynë është bashkë dhe aleanca jonë me BE-në, SHBA-në e NATO-n është e pashkëputshme. Përshtypja ime është që Putin dëshiron të ulet në tryezën e negociatave, jo me Zelenskyn, por me Bidenin”.

“Për këtë qëllim të tij, unë kam drojën që do ai do ta intensifikojë luftën në Ukrainë, por edhe ta shpërndajë atë diku tjetër, sepse ai nuk mund të ulet dot në tryezën e negociatave vetëm me luftën në Ukrainë. Ballkani Perëndimor është në rrezik, meqenëse edhe këtu veçse po bëhet lufta hibride. Sputniku e ka qendrën në Beograd ndërsa në Nish ndodhet Qendra Humanitare ruse e cila është mbushur me plotë agjentë rusë”, ka thënë Kurti.

Ai ka thënë që është shokuar nga pamjet në Ukrainë, të cilat ia kujtojnë vuajtjet gjatë luftës në Kosovë.

“Ne e kemi dënuar invazionin rus dhe agresionin ushtarak që nga dita e parë kur ai ka ndodhur dhe kemi shprehur admirimin dhe solidaritetin me popullin e Ukrainës dhe me luftën çlirimtare që po e bëjnë burrat dhe gratë aty, në krye me presidentin Zelensky”.

“Nuk ka dyshim që autokracia e cila zhvillonte luftë hibride e udhëhequr nga Kremlini, është shndërruar në despotizëm që bën luftë duke e shkelur çdo normë ndërkombëtare e njerëzore. Në të njëjtën kohë, pa qenë e provokuar dhe në mënyrë të pajustifikueshme sulmon një komb dhe një shtet tjetër. Ne jemi shokuar nga pamjet në Ukrainë sepse na kujtojnë vuajtjen tonë para 23 – 24 vitesh, kur poashtu për çdo ditë në Kosovë kishim masakra nga policia dhe ushtria e Millosheviqit”.

“Në të kaluarën presidenti despotik, Putin na ka përmendur një herë në muaj si Kosovë. Tash po na përmend nga disa herë në javë, duke tërhequr paralele fallse me Krimenë në Ukrainë”, tha Kurti.

Kryeministri i Kosovës, Albin Kurti është deklaruar pas takimit me kancelarin e Austrisë, Karl Nehammer. Kurti tha se kancelarit austriak i ka deklaruar se Kosova është e orientuar për të përmbushur të gjitha kriteret që e ofrojnë shtetin me Bashkimin Evropian.

Më tutje, kryeministri deklaroi se Kosova është e gatshme që sikurse në rastin e afganëve, të ofrojë strehim edhe për shtetasit e Ukrainës.

“Qeveria jonë është e orientuar drejt reformave për të pambushur të gjitha kriteret që na ofrojnë sa më shumë në Bashkimin Evropian. E sigurova kancelarin se Kosova vazhdon të mbetet partner i qëndrueshëm dhe i besueshëm. Sikurse për refugjatët afganë, kemi ofruar ndihmën tonë edhe në rastin e Ukrainës. U jemi bashkuar sanksioneve kundër Rusisë dhe kemi shprehur gatishmërinë për të ofruar dhe mundësuar kushte pune për 20 gazetarë ukrainas dhe gatishmëri për strehim të deri 5 mijë refugjatëve”, tha ai.

Kurti tregoi edhe për kërkesat që i pati ndaj kancelarit të Austrisë. Ai tha se i ka kërkuar, kancelarit Nehammer mbështetje për anëtarësimin e Kosovës në Këshillin e Evropës.

Poashtu Kurti tha se i ka kërkuar atij edhe shtyrjen përpara të vendimit për liberalizimin e vizave për Kosovën në Këshillin Evropian.

“Me kancelarin austriak biseduam për situatën e re politike dhe nevojën për kujdes të shtuar në këtë pjesë të Evropës. Potencova rëndësinë e anëtarësimit të Kosovës në Këshillin e Evropës si dhe përshpejtimin e agjendës së integrimit drejt anëtarësimit në BE. Nga kancelari kërkova që Austria të shtyjë përpara vendimin për liberalizimin e vizave në Këshillin Evropian të BE-së, sepse ky është një vendim i vonuar që po i dëmton jo vetëm qytetarët, por edhe bizneset dhe ekonominë e Kosovës”, deklaroi ai.

Kancelari austriak, Karl Nehammer, ka thënë se ndaj kërcënimeve eventuale në Kosovë dhe Bosnje e Hercegovinë, pas kontekstit të ri politik që krijoi agresioni rus në Ukrainë, duhet të reagohet shpejt.

Ai për këtë thotë se Austria është një mbështetës i fortë dhe se këto dy vende ballkanike s’janë të vetme në këtë drejtim.

“Është e rëndësishme që konfliktet ekzistuese të zgjidhen, pra pyetjet e hapura të mbyllen. Nga kjo që ka ndodhur deri më tani, nevojitet më shumë sa i përket politikës, qoftë edhe nga politika e BE-së. T’i definojmë problemet dhe t’i gjejmë zgjidhjen në një mjedis që e mundëson këtë. Politika e Austrisë, sikur edhe e Gjermanisë, është një katalizator i mirë për të gjetur zgjidhje të përbashkëta”.

Nehammer tha se Austria ka një kontingjent të madh të trupave në Kosovë, sikur edhe në Bosnjë.

“Ky është një mision i paqes dhe shenjë, sikur është EUROFOR në Bosnjë e Hercegovina. Për ne është e rëndësishme që sikur edhe Bosnja edhe Kosova duhet ta dinë që s’janë vetëm. Pra nëse ka kërcënime, të cilat do t’i shohë dikush, prandaj edhe të reagohet shpejt në lidhje me këto kërcënime. Këtë miqësi dhe këtë lidhje, s’janë vetëm fjalë, por politikë konkrete”.

Ai po ashtu tha se duhet vëzhguar ndikimet negative që mund të janë në mes Kosovës dhe Serbisë dhe se kjo mund të bëhet “nën dritën e organizatave ndërkombëtare”.         

Kancelari austriak tha se tani është momentumi për të implementuar proceset integruese për Ballkanin Perëndimor dhe s’duhet të ketë vonesa sikur që ka pas.

Kryeministri i vendit, Albin Kurti, ka thënë se sa i përket rezervave të miellit nuk është keq, por ka mangësi sa të vajit të ushqimit.

Këto komente, Kurti i bëri gjatë konferencës së përbashkët që pati me kancelarin austriak, Karl Nehammer, teksa shtoi se vaji i lulediellit, pra, lënda e parë që ka ardhur nga Ukraina është brengë për vendin.

“Sa i përket rezervave të miellit, nuk jemi keq. Kemi mangësi sa i përket vajit të ushqimit. Vaji i lulediellit, lënda e parë e të cilit ka ardhur në masë të madhe nga Ukraina është brengë edhe për vendin tonë në javët e muajt në vijim. Por në raport me furnizimet që i bën në Evropë Federata Ruse, ne nuk jemi të prekur sepse edhe ashtu s’kemi pasur furnizim prej tyre as ndonjë shkëmbim tregtar”, është shprehur Kurti.

Tutje, Kurti përmendi edhe arritjet, që sipas tij, qeveria që ai e udhëheq i ka arritur në 1 vjet qeverisje, duke përfshirë edhe arrestimin e mbi 230 zyrtarëve publik e shtetërorë, me arsyetimin, sipas tij, duke e luftuar korrupsionin.

Ndërsa, gjatë javës së kaluar një vizite në një fabrikë për përpunimin e vajit në Kosovë, Kurti ka thënë se në vend janë edhe rreth 300 mijë litra vaj të papërpunuar, e që sipas tij, pas përpunimit “mjafton për një muaj konsum normal”, teksa shton se do të angazhohen që të gjejnë burime të lëndës së parë të papërpunuar me shtetet mike.

Kryeministri i Kosovës, Albin Kurti, ka komentuar mundësinë për mbajtjen e zgjedhjeve të Serbisë edhe në Kosovë më datë 3 prill, pas takimit me kancelarin austriak, Karl Nehammer.

Kurti tha se Nehammer nuk u diskutua veçanërisht për zgjedhjet e Serbisë, por tha se në Kosovë dëshiron që të respektohet Kushetuta, ligji dhe rezoluta e datës 15 janar të këtij viti.

“Ne dëshirojmë që në Kosovë të respektohet Kushtetuta, ligji dhe rezoluta e 15 janarit të këtij viti dhe nuk duam të ia pamundësojmë qytetarëve të Kosovës që kanë pasaportë të Serbisë të drejtën e tyre të votës”, ka thënë Kurti.

Më tej, i pari i qeverisë tha se janë në kontakt të vazhdueshëm me ShBA-të, Brukselin, ambasadat e vendeve të QUINT-it e kryeqytet evropiane në lidhje me këtë, teksa shtoi se nuk beson se më 3 prill do të ketë incidente në vend.

“Mund të ketë ndokush që dëshiron destabilizim, incidente por këtë nuk do ta gjeni në radhët e popullit e as të institucioneve të Kosovës”.

“Besojmë se nuk do të ketë problem dhe ata që mund të paramendojnë ose tentojnë, nuk do të mund të kenë sukses. Kemi nevojë për paqe në Ballkan dhe dita e 3 prillit nuk besoj se do të jetë ndryshe”, ka thënë Kurti në konferencë për media.

Kryeministri i Kosovës, Albin Kurti ka pritur në takim kancelarin austriak Karl Nehammer.

Pas takimit në kryeministri, Kueti tha se është biseduar “për situatën e re politike dhe nevojën për kujdes te shtuar në ketë pjesë të Evropës, rëndësinë per anëtarësimin e Kosovës në Këshill të Evropës dhe Bashkim Evropian”, tha Kurti.

Kurti tha nga kancelari austriak ka kërkuar që Austria të shtyjë përpara vendimin për liberalizimin e vizave për Kosovën.

Kurti shtoi se vizita e kancelarit austriakut vjen në një kohë të tensionuar për botën demokratike.

Ai e ka falënderuar atë për mbështetjen e vazhdueshme të Austrisë dhe ndihmën e dhënë për Kosovën gjatë luftës së fundit.

Kancelari austriak Karl Nehammer tha se Kosova duhet të jetë pjesë e familjes së Bashkimit Evropian.

“Është e rëndësishme që Austria të jetë urë lidhëse e Kosovës me Bashkimin Evropian, do të jetë e rëndësishme që ta përfshijmë edhe Gjermaninë sepse dhe ata janë miq të Kosovës dhe ta përshpejtojmë anëtarësimin në Bashkimin Evropian, shpresojmë t’ia dalim sepse Ballkani është pikë gjeostrategjike e gjeopolitike e rëndësishme për Austrinë”, ka thënë ai.

Ai tha se Austria është aleat i madh i Kosovës.

Kryeministri i vendit, Albin Kurti, me ceremoni shtetërore ka pritur Kancelarin austriak, Karl Nehammer.

Ai po qëndron për vizitë në Kosovë.

Kurti dhe Nehammer do të mbajnë konferencë të përbashkët për media pas takimit.

Pamje nga ceremonia shtetërore

Ndërkohë në ora 16:00, kancelari Nehammer do të takohet edhe me presidenten Vjosa Osmani.