Gjermania uron Kosovën dhe Serbinë: Tani duhet të zbatohet marrëveshja që është rënë dakord

 

Gjermania e ka quajtur lajm të mirë arritjen e marrëveshjes së Kosovës me Serbinë për normalizimin e marrëdhënieve, në takimin e djeshëm 12 orësh, i cili ishte i ndërmjetësuar nga Përfaqësuesi i Lartë i Bashkimit Evropian, Josep Borrell dhe i dërguari special për dialogun, Miroslav Lajçak.

Kështu ka shkruar zëdhënësi i qeverisë gjermane, Steffen Hebestreit, i cili ka shtuar se tani duhet të zbatohet marrëveshja që është rënë dakord mes dy palëve, njofton Klankosova.tv.

“Urime për këtë progres për të vendosur marrëdhëniet mes Serbisë dhe Kosovës në një pikëmbështetje të re! Tani gjithçka ka të bëjë me marrjen e udhëheqjes për mbajtjen dhe zbatimin e asaj që është rënë dakord. Ne do të jemi në krahun tuaj për të përmbushur perspektivën tuaj evropiane!”, ka thënë Hebestreit.

Krejt çka ndodhi dje në Ohër, deri tek arritja e marrëveshjes Kosovë – Serbi

 

• 

Kryeministri Albin Kurti dhe presidenti serb, Aleksandër Vuçiq, mbrëmë arritën një marrëveshje për normalizim marrëdhëniesh në Ohër, pas rreth 12 orë diskutimesh, që u përcoll me pauza e me rikthime në tavolinën e diskutimit.

Takimet filluan qysh në orën 10:30, fillimisht një takim i ndarë i kryediplomatit evropian Josep Borrell dhe të dërguarit special të BE-së Mirosllav Lajçak, me presidentin serb Aleksandër Vuçiqi.

Pas takimit me Vuçiqin, dy përfaqësuesit e BE-së pritën në takim edhe Kurtin.

Ndërkohë, para takimit veçmas me Borrellin e Lajçakun, Kurti u takua me të dërguarin e posaçëm të ShBA-së për Ballkanin Perëndimor, Gabriel Escobar, ku temë e diskutimit ishte takimi dhe pritjet nga aty.

Ani se në agjendë takimi trelateral planifikohej të fillonte rreth orës 12:00, tejzgjatja e atyre veçmas bëri që i njëjti të fillonte rreth orës 15:00.

Takimi u ndërpre rreth orës 16:45, më pas për të vazhduar sërish rreth një orë më vonë. Edhe pse mendohej se do të ketë sërish takime bilaterale, një gjë e tillë nuk ndodhi.

Pas rikthimit në tavolinën e diskutimit, pati edhe një pauzë të dytë, për t’u rikthyer më pas sërish në diskutim.

Rreth orës 22:00, takimi më në fund përfundoi.

Pas takimit, i pari për media foli presidenti i Serbisë, Aleksandër Vuçiq, i cili tha se nuk ka nënshkruar asgjë dhe se sipas tij, ky proces tek po fillon. Tutje ai tha se për palën serbe është e rëndësishme formimi i Asociacionit në përputhje me marrëveshjet e arritura më parë në kuadër të negociatave, teksa shtoi se është folur edhe për personat e pagjetur.

Ai tregoi se kryeministri Kurti ka këmbëngulur gjatë gjithë ditës që të ketë një nënshkrim.

Më pas, në konferencë për media doli vetë Borrelli, i cili e dha lajmin e shumëpritur se Kosova dhe Serbia kanë arritur marrëveshje mbi aneksin e zbatimit të marrëveshjes së 27 shkurtit.

“Kam kënaqësinë të them se pas 12 orësh kemi një marrëveshje, kemi një pajtim mbi atë se si do të bëhet”, u shpreh Borrell.

Tutje ai tha se synimi i sotëm ishte që Kosova e Serbia të pajtoheshin me atë se si të implementohej marrëveshja e pranuar më 27 shkurt, por sipas tij, çështja ishte se si të zbatohej, çfarë duhet bërë e deri kur duhet bërë.

Borrell po ashtu tha se Kosova është pajtuar që të nisë menjëherë të sigurohet vetëmenaxhimi i komunitetit serb dhe se palët janë pajtuar për të miratuar deklaratën mbi personat e pagjetur.

Borrell gjithashtu bëri të ditur se fillimisht ishte propozuar një aneks më i detajuar, por se palët nuk kanë  arritur një pajtim mbi atë version.

Krejt në fund, Shefi i diplomacisë evropiane tha se Bashkimi Evropian ‘me forcë’ do t’i kërkojë Kosovës e Serbisë që t’i përmbushin obligimet e tyre dhe se sipas tij, mos-përmbushja e tyre do të ketë pasoja.

Borrell tha se duhet të fokusohen tek përmbajtja e asaj që është dakorduar sot dhe se sipas tij, është e qartë se të dy palët do të kenë përfitime të konsiderueshme nga kjo marrëveshje.

“Të hënën, ministrat e Jashtëm të BE-së dhe liderët e BE-së do të takohen të enjten e të premten në Këshillin e BE-së ku do t’i njoftoj për këto bisedime dhe për angazhimin nga të dyja palët, për të implementuar plotësisht dhe shpejt detyrimet e tyre”, është shprehur Borrell, njofton Klankosova.tv.

I dërguari i ShBA-së, Gabriel Escobar, e përshëndeti arritjen e marrëveshjes, duke thënë se marrëveshja është e vështirë, por e domosdoshme për të gjetur marrëdhënieve paqësore dhe afatgjata.

“Kjo marrëveshje jo vetëm që hap derën për integrim evropian por edhe për paqen rajonale. Ishte moment vizionar. Do të bëjmë gjithçka që kjo marrëveshje të zbatohet”, u shpreh Escobar, i cili ishte i pranishëm në bisedime, në rolin e vëzhguesit.

I fundit që foli për media ishte kryeministri Albin Kurti, i cili tha se me Serbinë është arritur pajtimi publik për një aneks që do të udhëzojë zbatimin e marrëveshjes bazë. Ai tha se në marrëveshjen bazë është njohje e ndërsjellë de-facto.

Tutje, ai tha se i takon BE-së që të gjejë mekanizmin për ta bërë këtë marrëveshje ligjërisht dhe ndërkombëtarisht të obligueshme.

I pari i Qeverisë po ashtu foli për çështjen e të pagjeturve, duke thënë se adresimi i krimeve të luftës është i domosdoshëm dhe urgjencë e veçantë.

Bashkimi Evropian më pas publikoi përmbajtjen e Aneksit të zbatimit të marrëveshjes për normalizim raportesh në mes të Kosovës dhe Serbisë.

Teksti i plotë:

Kjo shtojcë është pjesë integrale e Marrëveshjes.

 

Kosova dhe Serbia angazhohen plotësisht për të respektuar të gjitha nenet e Marrëveshjes dhe këtë Aneks, dhe të implementojnë të gjitha detyrimet që rrjedhin nga Marrëveshja dhe Aneksi, në mënyrë të përshtatshme dhe në mirëbesim.

Palët kanë parasysh se Marrëveshja dhe Aneksi i Implementimit do të bëhet pjesë kyçe e proceseve të tyre të anëtarësimit në BE. Palët marrin shënim se menjëherë pas miratimit të Marrëveshjes dhe këtij Aneksi, lehtësuesja, BE-ja do të nisë procesin për të amandamentuar Kapitullin 35 për Serbinë për të pasqyruar detyrimet e reja të Serbisë që rrjedhin nga Marrëveshja dhe ky Aneks. Agjenda e Grupit Special të Kosovës për Normalizim po ashtu do të reflektojë obligimet e reja të Kosovës që burojnë nga Marrëveshja dhe Aneksi.

Palët bien dakord që të miratojnë si çështje urgjente Deklaratën për Personat e Zhdukur, siç është negociuar në dialogun e lehtësuar nga BE-ja.

Për ta implementuar nenin 7, Kosova fillon menjëherë negociatat brenda dialogut të lehtësuar nga BE-ja për të krijuar aranzhime dhe garanci specifike për të siguruar nivel të përshtatshëm të vetëmenaxhimit për komunitetin serb në Kosovë, në përputhje me marrëveshjet e mëparshme përkatëse në dialog, siç përcaktohet nga BE-ja lehtësuese.

Palët bien dakord që brenda 30 ditësh të krijojnë një Komitet të Përbashkët Monitorimi, të kryesuar nga BE-ja. Zbatimi i të gjitha dispozitave do të sigurohet dhe mbikëqyret nga Komiteti i Përbashkët Monitorues.

Për ta implementuar nenin 9, BE-ja do të organizojë konferencë të donatorëve brenda 150 ditësh për të krijuar një paketë të investimeve dhe financiare për Kosovën dhe Serbinë. Asnjë disbursim nuk do të ndodhë përpara se BE-ja të përcaktojë se të gjitha dispozitat e Marrëveshjes janë implementuar plotësisht.

Kosova dhe Serbia pajtohen që të gjitha nenet do të implementohen në mënyrë të pavarur nga njëra-tjetra.

Rendi i paragrafëve të këtij Aneksi është pa paragjykim ndaj rendit të implementimit të tyre.

Kosova dhe Serbia pajtohen të mos e bllokojnë implementimin e asnjërit nen.

Të gjitha diskutimet në lidhje me zbatimin e Marrëveshjes do të zhvillohen në kuadër të dialogut të lehtësuar nga BE-ja.

Kosova dhe Serbia pajtohen se çdo mosrespektim i obligimeve nga Marrëveshja, Aneksi apo marrëveshjet e kaluara të dialogut, mund të kenë pasoja të drejtpërdrejta negative për procesin e tyre përkatës të anëtarësimit në BE dhe ndihmën financiare që marrin nga BE-ja. /Klankosova.tv

“Mashtrues, dështimi ka emër-Albin Kurti”- kritikat për kryeministrin pas takimit të Ohrit nga opozita e analistët

Një takim maratonë u mbajt të shtunën e 18 marsit në Ohër të Maqedonisë së Veriut midis kryeministrit të Kosovës, Albin Kurti, dhe presidentit të Serbisë, Aleksandar Vuçiq. Pas përfundimit të tij shefi i politikës së jashtme të Bashkimit Evropian, Josep Borrell, tha se udhëheqësit e Kosovës dhe të Serbisë u pajtuan për zbatimin e Marrëveshjes drejt normalizimit të marrëdhënieve mes tyre, të mbështetur nga BE-ja.

Edhe pse palët të shtunën nuk u pajtuan për nënshkrimin e marrëveshjes, Borell theksoi se megjithatë ato u pajtuan që të fillojnë zbatimin e saj sa më shpejt që të jetë e mundur.

“Është e qartë se të dyja palët do të kenë përfitim të madh nga kjo marrëveshje, sepse dialogu nuk është vetëm për shkak të Kosovës dhe Serbisë, por ka të bëjë me stabilitetin, sigurinë dhe prosperitetin e të gjithë rajonit”, tha kryediplomati i BE-së.

Ndërkaq, kryeministri Albin Kurti, tha se marrëveshja e arritur në Ohër është “njohje de facto”.

“Kemi arritur pajtim publik për një ankesë që do të sigurojë zbatimin e marrëveshjes bazë. Pala tjetër njëjtë sikurse në takimin në Bruksel më 27 shkurt, po i ikë nënshkrimit të marrëveshjes, tash edhe me ankesë. I takon BE-së, të gjejë mekanizmin ta bëjë statusin e kësaj marrëveshje ligjërisht dhe ndërkombëtarisht të obligueshme”- tha Albin  Kurti.

“Dështimi ka emër: Albin Kurti”

Kryeministri Albin Kurti po kritikohet ashpër nga opozita kosovare e analistët për takimin e Ohrit.

Është kreu i Lidhjes Demokratike të Kosovës, Lumir Abdixhiku ai që po e quan mashtrim epilogun e Albin Kurtit në dialog si dhe humbje e një mundësie historike.

Lumir Abdixhiku përmes një postimi në Facebook ka thënë se sonte ka përfunduar një kauzë politike e rremë, që sipas tij Kosovës i kushtoi tmerrësisht shumë.

Ja kush është Vlora Hyseni, u shkarkua nga presidentja dhe kryeministri i Kosovës për shkelje të rënda në detyrë, zbardhen prapaskenat

Kryeministri Edi Rama ka propozuar kreun e ri të Shërbimit Informativ Shtetëror. Dje në mëngjes ai u pa të ngjiste shkallët e Presidencës dhe duket se në fokus të bisedës me Bajram Begajn ka qenë kreu i ri i Shërbimit Informativ. Aktualisht ky institucion drejtohet nga nënkryetari, dikur këshilltar i Ramës, Oljan Kanushi. Si duket Rama e ka nxjerrë nga loja atë dhe ka dërguar një tjetër këshilltare. Ai ka propozuar për kryetare Vlora Hysenin. Kjo e fundit ka qenë nënkryetar e Shërbimit Informativ në Kosovë, por u shkarkua nga detyra nga Kurti dhe Osmani. “Vendimi është marrë në mbështetje të nenit 6 (paragrafi 4) të Ligjit Nr.03/L-063 për Agjencinë e Kosovës për Inteligjencë (GZ, Nr. 30, 15 qershor 2008). Vendimi për shkarkim e obligon znj. Vlora Hyseni të bëjë dorëzimin e të gjitha mjeteve dhe materialeve me të cilat ka qenë e ngarkuar. Gjithashtu, znj. Vlora Hyseni, sipas vendimit, obligohet që të ruaj të gjitha informacionet që ka marrë gjatë ushtrimit të detyrës, pavarësisht sesi i është dhënë qasja në to apo si i ka pranuar ato, apo në çfarëdo forme tjetër ka arritur të posedoj informacione të klasifikuara. Zbulimi ose mosruajtja e informacioneve të klasifikuara paraqet vepër penale të dënueshme sipas Kodit nr.06/074 Penal të Republikës së Kosovës, Ligjit Nr.03/L-178 për Klasifikimin e Informacioneve dhe Verifikimin e Sigurisë dhe legjislacionin tjetër përkatës në fuqi që ka të bëjë me informacionin e klasifikuar”, thuhet në njoftimin e Zyrës së Kryeministrit të shpërndarë për mediat në 30 qershor 2021. Më pas Rama e mori këshilltare në Kryeministri.

Ja kush është Vlora Hyseni? Vlora Hyseni e ka udhëhequr AKI-në për katër muaj. Ajo ishte në krye të institucionit më të lartë të sigurisë dhe inteligjencës në Kosovë që nga dhjetori i vitit 2020, kur ishte shkarkuar drejtori Kreshnik Gashi, deri në prill të vitit 2021, kur në detyrën e drejtorit u emërua Petrit Ajeti. Hyseni nga informacionet e pakta që dihen për të, përshkruhet si eksperte dhe njohëse shumë e mirë e çështjeve të sigurisë dhe marrëdhënieve ndërkombëtare. Ajo flet disa gjuhë të huaja. Në shkurt të vitit 2019, Vlora Hyseni ishte emëruar zëvendësdrejtoreshë në Agjencinë e Kosovës për Inteligjencë. Paraprakisht, ajo ka qenë drejtoreshë për marrëdhënie me jashtë në AKI.

Reagon PD

 Por propozimi që Rama i bëri dje presidentit Bajram Begaj për të emëruar në krye të SHISH-it Vlora Hysenin, e cila është shkarkuar më herët nga Kurti në Kosovë, ka sjellë reagime të ashprah deputetëve të Partisë Demokratike. Nëpërmjet një reagimi në “Facebook”, deputeti, Gazment Bardhi u shprehe dje se presidenti, Begaj duhet të informohet mbi arsyet e largimit të Hysenit nga posti i shërbimeve të inteligjencës së Kosovës. Ai theksoi se ky institucion nuk mund të jetë nën kontrollin personal të Ramës. “Edi Rama ka njoftuar se ka propozuar Znj. Vlora Hyseni si drejtore e Shërbimit Informativ Kombëtar. Mediat raportojnë se znj. Hyseni është shkarkuar nga shërbimet e inteligjencës në Republikën e Kosovës, me dyshimet për “zbulim ose mosrruajtje të informacioneve të klasifikuara”. Këto raportime janë shqetësuese dhe ngrenë dyshime mbi integritetin e znj. Hyseni. Presidenti i Republikës është i detyruar të marrë informacionet e plota pranë institucioneve të Republikës së Kosovës mbi arsyet e largimit të saj nga të gjitha pozicionet në shërbimet e inteligjencës së Republikës së Kosovës. Për këtë Presidenti i Republikës ka detyrimin të bëjë transparencë për opinionin publik dhe të informoj edhe Kuvendin e Shqipërisë mbi çdo informacion që do të sigurojë. Siguria kombëtare e Shqipërisë është ngushtësisht e lidhur me sigurinë kombëtare të Kosovës. SHIK nuk mund të jetë kurrë institucion nën kontrollin personal të Edi Ramës, me përzgjedhje personale të tij dhe pa asnjë argument që siguron pavarësinë e Shërbimit Informativ Kombëtar dhe ushtrimin prej tij me profesionalizëm e paanësi të misionit të mbrojtjes së sigurisë kombëtare”, shkruan Bardhi.

Ka sinjale alarmante se po përgatiten ndryshime kontraversale në shërbimin sekret shqiptar.

 

Kryeministri Rama ka zhvilluar një takim për rreth 30 minuta me Presidentin Bajram Begaj në zyrën e presidentit.  Kujtojmë se Rama takimin e fundit me Begajn e ka pasur më 6 janar2023.

Ka sinjale alarmante se po përgatiten ndryshime kontraversale në shërbimin sekret shqiptar.

Me një operacion blitz, Edi Rama ka vendosur të propozojë Vlora Hysenin, si shefe e shërbimit sekret shqiptar.

Lajmin e ka bërë të ditur vetë Kryeministri, pikërisht pasi ka shkuar në presidencë për të marrë firmën e Presidentit Bajram Begaj, duke bërë kështu një presion ndaj Presidentit. Të cilin në postimin e parë e nxori në një foto poshtëruese, por siç duket me insistimin e Begajt e ka ndryshuar. Ky akt i kryeministrit ishte dukshëm provokator dhe mjaft i rrezikshëm, ngaqë kemi të bëjmë me një post shumë të rëndësishëm të sigurisë kombëtare, i cili sipas Kushtetutës është kompetencë e ndarë mes Presidentit të Republikës dhe Kryeministrit. Ky i fundit ka vetëm të drejtën e propozimit, ndërkohë që vulosja i takon kreut të shtetit.

Së pari, emërimi i një drejtuesi të lartë të shërbimit sekret do të duhet të konsultohej gjatë, e jo si procedurë blitz. Nga ana tjetër, vetë propozimi përbën një zhvillim të rrezikshëm.

Vlora Hysenin, Rama e mori së fundmi si këshilltare për sigurinë kombëtare, pasi ajo u shkarkua si drejtuese e AKI, shërbimit sekret të Kosovës, prej Presidentes Vjosa Osmani. E së pari, homologu shqiptar i Osmanit, Bajram Begaj, duhet të marrë një feedback të qartë për shkarkimin e saj.

Përveçse një emërim kontraversal, që sipas gjasave do të sjellë edhe probleme nga kancelaritë europiane, që nuk mund ta presin mirë një shkëmbim kaq sensitiv ndërmjet zyrtarëve të inteligjencës së Shqipërisë dhe Kosovës, emërimi i kreut të SHISH tregon një zhvillim edhe më shqetësues.

Atë që Edi Rama, thuajse ka marrë kontrollin e plotë në shërbimin sekret të tij, të cilin po e përdor si feud politik. Jemi kthyer në kohën e Berishës së tretë, kur me zgjedhjen e të ndjerit Bujar Nishani, vuri kontrollin e SHISH.

E sinjalet në këtë rast janë edhe më alarmante, pasi siç mësohet po përgatiten ndryshime mjaft kontraversale në shërbimin sekret. Zëra pranë mazhorancës, thonë se këshilltari rumun i Ramës, e ka mbushur me ide të rrezikshme, ku njëra nga të cilat është ndarja e SHISH në dy pjesë, zbulimin me jashtë dhe spiunazhin e brendshëm. Zbulimin me jashtë, duket se Rama synon ta mbajë në lidhje të afërta me amerikanët dhe shërbimet partnere, siç ka qenë deri më sot, ndërkaq, spiunazhin e brendshëm ta ngrejë në një lloj MIT-I alla Erdogan, ku të kontrollojë e të fusë duart në informacionet e brendshme. Që nga kundërshtarët politikë, biznesi, e natyrisht ata që i ka si kundërshtarë. Nëse ndodh kjo është një devijim i rëndë dhe një nismë totalisht antikushtetuese. Pasi SHISH sipas kryeligjit të Shqipërisë, është një institucion unik, e që kontrollohet nga Parlamenti, pavarësisht se i raporton Kryeministrit dhe Presidentit.

A po tenton Edi Rama të largojë amerikanët nga SHISH

 

Takimi Ramës me Begajn

Ka sinjale alarmante se po përgatiten ndryshime kontraversale në shërbimin sekret shqiptar.

Me një operacion blitz, Edi Rama ka vendosur të propozojë Vlora Hysenin, si shefe e shërbimit sekret shqiptar.

Lajmin e ka bërë të ditur vetë Kryeministri, pikërisht pasi ka shkuar në presidencë për të marrë firmën e Presidentit Bajram Begaj, duke bërë kështu një presion ndaj Presidentit. Të cilin në postimin e parë e nxori në një foto poshtëruese, por siç duket me insistimin e Begajt e ka ndryshuar. Ky akt i kryeministrit ishte dukshëm provokator dhe mjaft i rrezikshëm, ngaqë kemi të bëjmë me një post shumë të rëndësishëm të sigurisë kombëtare, i cili sipas Kushtetutës është kompetencë e ndarë mes Presidentit të Republikës dhe Kryeministrit. Ky i fundit ka vetëm të drejtën e propozimit, ndërkohë që vulosja i takon kreut të shtetit.

Së pari, emërimi i një drejtuesi të lartë të shërbimit sekret do të duhet të konsultohej gjatë, e jo si procedurë blitz. Nga ana tjetër, vetë propozimi përbën një zhvillim të rrezikshëm.

Vlora Hysenin, Rama e mori së fundmi si këshilltare për sigurinë kombëtare, pasi ajo u shkarkua si drejtuese e AKI, shërbimit sekret të Kosovës, prej Presidentes Vjosa Osmani. E së pari, homologu shqiptar i Osmanit, Bajram Begaj, duhet të marrë një feedback të qartë për shkarkimin e saj.

Përveçse një emërim kontraversal, që sipas gjasave do të sjellë edhe probleme nga kancelaritë europiane, që nuk mund ta presin mirë një shkëmbim kaq sensitiv ndërmjet zyrtarëve të inteligjencës së Shqipërisë dhe Kosovës, emërimi i kreut të SHISH tregon një zhvillim edhe më shqetësues.

Atë që Edi Rama, thuajse ka marrë kontrollin e plotë në shërbimin sekret të tij, të cilin po e përdor si feud politik. Jemi kthyer në kohën e Berishës së tretë, kur me zgjedhjen e të ndjerit Bujar Nishani, vuri kontrollin e SHISH.

E sinjalet në këtë rast janë edhe më alarmante, pasi siç mësohet po përgatiten ndryshime mjaft kontraversale në shërbimin sekret. Zëra pranë mazhorancës, thonë se këshilltari rumun i Ramës, e ka mbushur me ide të rrezikshme, ku njëra nga të cilat është ndarja e SHISH në dy pjesë, zbulimin me jashtë dhe spiunazhin e brendshëm. Zbulimin me jashtë, duket se Rama synon ta mbajë në lidhje të afërta me amerikanët dhe shërbimet partnere, siç ka qenë deri më sot, ndërkaq, spiunazhin e brendshëm ta ngrejë në një lloj MIT-I alla Erdogan, ku të kontrollojë e të fusë duart në informacionet e brendshme. Që nga kundërshtarët politikë, biznesi, e natyrisht ata që i ka si kundërshtarë. Nëse ndodh kjo është një devijim i rëndë dhe një nismë totalisht antikushtetuese. Pasi SHISH sipas kryeligjit të Shqipërisë, është një institucion unik, e që kontrollohet nga Parlamenti, pavarësisht se i raporton Kryeministrit dhe Presidentit.

Vjosa Park Kombëtar, Spartak Ngjela: Dështoi plani Rama-Vuçiç!

 

Shkruar nga Spartak Ngjela

Avokati i njohur,  Spartak Ngjela është shprehur se krerët e politikës serbe antishqiptare në Beograd nuk e kanë pritur mirë shpalljen e lumit Vjosa me mbrojte të veçantë ndërkombëtare. Ngjela shton se i mërzitur po ashtu ishte edhe kryeministri Edi Rama, pasi i dështoi plani antishqiptar.

"Janë të mërzitur krerët e politikës serbe antishqiptare në Beograd për shpalljen e lumit Vjosa me mbrojte të veçantë ndërkombëtare.
Vjosa është lumi më i bukur i Evropës.
Pushtuesit e tokave shqiptare, me qeveritë e tyre, e urrejnë këtë bukuri magjike të Arbërisë.
Ata kapën tre kryeministra shqiptarë që ta prishnin bukurinë magjike të lumit Vjosa me hidrocentrale.
Asgjë nuk bënë dot.
I mërzitur ishte edhe kryeministri Rama.
Por jo shqiptarët, të cilët gjithmonë pyesin: kur do të shpëtojmë nga kryeministrat antikombëtare?", shkruan Ngjela në Facebook. 

Pas disa vitesh debatesh që përfshinë edhe figura publike ndërkombëtare, tashmë vendimi për shpalljen e lumit Vjosa, Park Kombëtar me sipërfaqe 12,727 ha është publikuar në Fletoren Zyrtare.

Sipas vendimit sipërfaqja e përgjithshme e Parkut Kombëtar përbëhet nga 6,030 ha ose 47.3% janë sipërfaqe ujore; 4,593 ha ose 36.1% janë sipërfaqe bregore, fusha e ulët e përmbytjeve aktive, 1,199 ha ose 9.5% janë sipërfaqe tokësore (breza lumore, shpatet e kanioneve dhe rrëpirat e gërryeshme) dhe 905 ha ose 7.1% janë breza lumorë të prirur për t’u gërryer, sipas përcaktimeve të vendimit.

Sakaq plani i menaxhimit dhe objektivat e ruajtjes së zonës do të hartohen dhe miratohen nga Agjencia Kombëtare e Zonave të Mbrojtura dhe ministria përgjegjëse, brenda 2 vitesh nga data e hyrjes në fuqi të këtij vendimi. Plani i menaxhimit të Vjosës sipas vendimit do të hartohet në bashkëpunim me bashkitë, me publikun e interesuar, shoqërinë civile dhe me pronarët privatë, pronat e të cilëve shtrihen brenda territorit të zonës së mbrojtur.