Prof.dr.Sali Berisha :Përdorimi i arsimit dhe i shtetit për fushatë, është i barabartë me tradhti kombëtare

 

Kryetari i Partisë Demokratike, Sali Berisha, u shpreh në tubimin e mbajtur në ‘Rrugën e Shpresës’ se kryeministri Edi Rama u paraqit në Selanik si i kujdesshëm për gjuhën amtare, tek fëmijët e emigrantëve dhe mori përsipër të paguajë një kontratë duke dëshmuar kështu, shfrytëzimin e shtetit për qëllime elektorale.

Berisha: U paraqit në Selanik si i kujdesshëm për gjuhën amtare, tek fëmijët e emigrantëve dhe mori përsipër të paguajë një kontratë duke dëshmuar kështu, shfrytëzimin e shtetit për qëllime elektorale.
Sigurisht që Shqipëria duhet të bëjë gjithçka për tu krijuar mundësinë shqiptarëve për të mësuar gjuhën amtare kudo që janë. Por përdorimi i arsimit dhe i shtetit për fushatë elektorale, është akt antikushtetues, antidemokratike, është akt i barabartë me tradhti kombëtare.
Sepse kërkon të vjedhësh lirinë, të vjedhësh votën e shqiptarëve.
O hipokrit, po ti që rrënove arsimin në Shqipëri, ty s’të ndjen se nuk ke ndërgjegje shqiptari. Emigrantët duhet ta dinë se në 8 vite të qeverisjes së tij, cilësia e arsimit në këtë vend, ra më shumë se në çdo vend tjetër të planetit, ra me 68 pikë, sepse këta vjedhin, vjedhin në çdo gjë.
Të dashur miq!
Çdo orë, çdo ditë që kalon e bën urgjente, e bën imperative përballjen me narkoshtetin, betejën për qeverinë teknike.
Është radha jonë, është radha jonë.
Fitore, fitore, fitore!

Flori Bruqi: “Më jep Ilir Metën dhe dil”, Genci Gjokutaj akuza Dumani: Çfarë i kërkoi biznesmenit në qeli

Avokati Genci Gjokutaj hodhi akuza të forta ndaj kreut të SPAK, Altin Dumanit, duke thënë se i ka shkuar në qeli biznesmenit Kastriot Ismailajt dhe i ka premtuar ta nxjerrë nga qelia nëse do t’i “jepte” Ilir Metën.

"Ilir Meta i ka thënë edhe në emision, por edhe në sallë Dum Dumani. 

Jo normal ka qenë edhe mesazhi që i ka dërguar kreu i SPAK zotit Ilir Meta, që të iki jashtë shtetit, të shkojë në qeli dhe t’i thotë personit më jep Metën ti mua, se unë të nxjerr nga burgu! Nesër je i liruar. Normale janë këto?! Kastriot Ismailajt", tha Gjokutaj tha në A2 CNN.

 "Hetimi ka një procedurë. Ajo është një marrëdhënie. Ilir Meta nuk ka gjë personale me Altin Dumanin, por me pozicionin dhe mënyrën se si është vepruar. Ku është rrezikshmëria e tij, kur persona me të njëjtin pozitë kanë një masë tjetër”, shtoi avokati.

Avokati i Ilir Metës, Genci Gjokutaj foli për arrestimin e ish-presidentit, por edhe për gjendjen e tij shëndetësore, për të cilën është aluduar shumë gjatë 2 javëve që ai është duke qëndruar në qeli.

I ftuar në A2 CNN, avokati tha se “Nesër plotësohet dy javë nga dita e ekzekutimit barbar të atij vendimi, për të cilin ne kemi përgatitur një kallëzim penal". “I kam dëgjuar këto atribuime të mediave, portale. Me përgjegjësi ligjore dhe morale, iu them se nga pikëpamja shëndetësore nuk ka asnjë lloj problemi, nuk ka as luhatje të humorit. Këto janë disa atribuime të shtypit që kanë dalë në momentet e para kur ka shkuar një avokat i paautorizuar që zoti Meta e ka përzërë. Ka shkuar një avokat i paautorizuar nga askush. Unë shkova menjëherë në drejtorinë e policisë ku ndodhej Meta dhe e kam ndjekur edhe në vazhdim”, tha Gjokutaj.

Mbetjet toksike ende në det të hapur, DW: Dyshime se përmbajnë lëndë kancerogjene Mbetjet toksike ende në det të hapur,

Durës, 3.11.2024.

 Mbetjet toksike ende në det të hapur,  Dyshime se Pasi përshkoi dy porte të Bashkimit Europian, një në Afrikën e Veriut dhe një në Afrikën e Jugut e së fundi përfundoi në Azi, 102 kontenjerët me mbetje të rrezikshme – për të cilën ka dyshime se përmban lëndë kancerogjene – u rikthye sërish në Shqipërinë portin e Durrësit, aty nga u nisën më 4 korrik të këtij viti. Katër muaj më parë, ngarkesa u nis drejt kompanisë "Copper Metal Company Ltd” në Tajlandë, kompani pa kapacitetin e nevojshëm për trajtimin e mbetjeve të tilla. Por një informacion i marrë përmes një burimi konfidencial nga "Basel Action Network” (Rrjeti i Veprimit të Bazelit), organizatë mjedisore me bazë në Shtetet e Bashkuara të Amerikës, ngriti alarmin se ngarkesa përmbante mbetje të rrezikshme. Mbetjet e rrezikshme, tranzit në disa porte "Mbetjet lëvizën fillimisht drejt Italisë. Aty sasia u ngarkua në dy anije të ndryshme tregtare të kompanisë "Maersk”: "Maersk Candor” dhe "Maersk Campton”. Të dyja anijet përshkuan të njëjtin itinerar, por ato lundruan shumë ditë larg njëra-tjetrës. Nga Italia udhëtuan drejt Maltës, Marokut, Afrikës së Jugut dhe më pas Singaporit. Mendohet që ato kaluan përmes bregut perëndimor të Afrikës për të shmangur zonën e Detit të Kuq, për shkak të piraterisë Houthi. Anijet kishin vendosur të ankoronin në Afrikën e Jugut por pasi ne njoftuam qeverinë, aëherë ato fikën fenerët lokalizues deri afër Singaporit. Kjo "zhdukje në errësirë” ishte shumë e pazakontë "– thotë për Deutsche Welle Jim Puckett, drejtori ekzekutiv i BAN. Frika e BAN lidhej me përmbajtjen e pluhurit të këtyre kontenjerëve, të cilët i përkasin "Kurum”, kompanisë turke të industrisë së përpunimit të çelikut në ish-Kombinatin Metalurgjik të Elbasanit. "Ne druhemi se kjo ngarkesë përmban lëndën që pretendon burimi ynë konfidencial: pluhur çeliku që çlirohet nga furrat me hark elektrik. Nga BE është përcaktuar si mbetje e rrezikshme. Hiri që grumbullohet në filtrat e furrave përmban kryesisht metale të rënda të rrezikshme si plumbi, kadiumi, zinku, nikeli etj. Por përmban gjithashtu elementë toksikë, që shkaktojnë kancer, si për shembull dioksinat, furani, hidrokarburet aromatike policiklike” – sqaron Puckett. Vetë kompania "Kurum” nuk e ka pranuar deri tani se ngarkesa i përket kompanisë. Në një reagim për mediat më 21 gusht të këtij viti, pasi BAN ngriti alarmin për lëndën e dyshuar, kompania tha: "Kurum International nuk ka eksportuar asnjëherë mbetje të rrezikshme, ndaj edhe në këtë rast kjo ngarkesë për të cilen bëhet fjalë nuk është eksportuar nga Kurum International”. Mbetjet nga "Kurum” rezultuan të ishin blerë nga kompania eksportuese "Sokolaj” - tashmë nën hetim nga prokuroria e Durrësit - e cila pretendon se nuk ka eksportuar mbetje të rrezikshme. Gjatë gushtit, përmes një njoftimi të përbashkët për mediat, ministria e Mjedisit dhe ajo e Infrastrukturës, u shprehën njëzëri kundër rikthimit të sasisë së mbetjeve që ishin nisur drejt Tajlandës. "Shqipëria nuk mund të pranojë apriori rikthimin e ngarkesave të tilla, aq më tepër vetëm mbi bazën e dyshimeve e të spekulimeve, pa realizimin e analizave shteruese dhe provave ligjore të besueshme dhe të verifikueshme”. Kontaminim i mjedisit dhe shëndetit Valbona Mazreku, biologe dhe njëkohësisht drejtore ekzekutive e "Milieukontakt Albania”, organizatë që bashkëpunon me shoqërinë civile në çështjet mjedisore, është pjesë e grupit të organizatave që po bashkëpunon me BAN për transparencën e plotë të kësaj ngjarjeje që tashmë ka marrë përmasa ndërkombëtare. "Përpara se kontenjerët të ngarkoheshin në anije, është vënë re qe pirgu i mbetjeve ka qenë në ambient të hapur dhe nën veprimin e faktorëve atmosferikë, ka ndotur mjedisin përreth - ajrin, tokën dhe ujin - por edhe shëndetin. Gjithsesi, vetëm pasi të bëhen analizat mund të flitet më shumë në lidhje me të. Por besohet që këto mbetje në kontenierë janë ende të hapura dhe do të kenë nevojë që të bëhet paketimi i tyre sipas llojit të mbetjes dhe protokollit përkatës, domethënë në ambalazhe tepër të sigurta dhe që nuk korrodohen nga faktorët atmosferikë dhe nuk lejojnë kullime të mundshme” – argumenton Mazreku për DW. Sipas Mazrekut, marrja dhe analizimi i mostrave duhet të bëhet nga subjekte të specializuara dhe të licensuara. "Kërkon jo vetëm profesionalizëm, por mbi të gjitha transparencë dhe informim të plotë të publikut dhe të partnerëve ndërkombëtarë” – thekson ajo. Transparencë kërkoi edhe BAN, por kërkesa e tyre është refuzuar deri tani nga ministria e Mjedisit. "Jemi takuar me zv.ministrin e Turizmit dhe ai nuk pranoi kërkesën tonë për të qenë të pranishëm në marrjen e mostrave nga kontenjerët. Ai na referoi tek prokuroria, e cila po heton çështjen. Ne do t'ia dërgojmë kërkesën prokurorëve” – thotë Puckett. Hetime ndërkombëtare Hetimet kanë kaluar këtë herë kufijtë e territorit shqiptar. OLAF, Zyra Anti-Mashtrim e BE-së, duket se është përfshirë në hetimet e ngarkesës me lëndë të dyshuar të rrezikshme. Dokumentacioni shoqërues për eksportin e 2100 tonelatave mbetje, të cilat kanë kaluar tranzit edhe në dy portet europiane, pritet të zbardhë shumë detaje ende të paqarta nga e gjithë kjo histori. Deutsche Welle kontaktoi zyrën e shtypit të Komisionit Europian, për një koment në lidhje me ngjarjen dhe i pyeti ata nëse institucionet e BE-së janë përfshirë në hetime. Deri në çastin e publikimit të këtij shkrimi, KE nuk iu përgjigj interesit tonë. "Direktivat e BE-së, gjithnjë e me shumë po bëhen më të rrepta në lidhje me eksportin e këtyre mbetjeve drejt vendeve jo-BE, që nuk kanë kapacitetet për riciklimin apo trajtimin përfundimtar të tyre, duke e ndaluar plotësisht një gjë të tillë. Dhe besoj biem të gjithë dakord që Shqipëria kërkon të jetë pjesë e BE-së jo vetëm me fjalë por dhe me vepra” – thotë Mazreku.

Rejisori i filmit franko-polak Roland Polanski rrezikon burgun

  Paris, 3 nënor 2024.

Roman(Raymond)Liebling Polanski lindi më 18 gusht 1933 në Paris të Francës.Eshtë aktor dhe regjisor Polako-Francez.

Regjisori franko-polak po përballet me akuza të reja të "sulmeve seksuale" nga ana e një gruaje, e cila pretendon se në moshën 16-vjeçare gjëja  është abuzuar  seksualisht nga Roman Polanski.   Ky është rasti i 3 që e akuzojnë regjisorin Roman Polanski për abuzim seksual me një të mitur. 

Regjisori Roman Polanski është ende i kërcënuar penalisht për përdhunimin e ndodhur 51 vjet më parë.

E identifikuar vetëm me emrin e parë Robin, gruaja që pretendon abuzimin tha në një konferencë shtypi në Los Angeles se ajo kishte qenë "abuzuar seksualisht" nga regjisori i filmit franko-polak, kur ajo ishte vetëm 16 vjeçe, në vitin 1973.

Avokatja Gloria Allred, i cili përfaqëson Robin, tha se sulmi ka ndodhur në jug të Kalifornisë dhe se klienti i tij nuk do të japë detaje. 

Më shumë edhe pse ka kufizime në rastin e saj, ajo mund të thirret për të dëshmuar në gjykim të ardhmen, argumentoi znj Allred. 

Regjisori nuk ka reaguar  për këtë rast, ndonëse ka kërkaur më parë që të hiqen akuzat ndaj tij. Gjithsesi, në rast ekstradimi në SHBA, Polanski rrezikon burgun.

Flori Bruqi

“Njollat” e krye policit Ilir Proda, 11 detyrat që ka ushtruar dhe sekuestro e telefonit nga SPAK

Drejtori i Përgjithshëm i Policisë së Shtetit është në hetim nga SPAK dhe takon kreun Altin Dumani... Gjatë raportimit në parlament, drejtuesi i SPAK, Altin Dumani, deklaroi se nuk bashkëpunon me policinë e shtetit, mbasi drejtues të saj bashkëpunojnë me eksponentë e grupe kriminale, të cilëve u japin informacione për hetime e operacione arrestimesh. Një nga këta drejtues policie është Drejtori i Përgjithshëm Ilir Proda, të cilin, SPAK e mori në pyetje më 17 shtator 2024 dhe i sekuestroi telefonin, me dyshimin se gjatë detyrës si Drejtor Policie në Elbasan, dekonspiroi aksionin e SPAK për arrestimin e bandës kriminale “Çopja”. Por drejtuesi i SPAK, Altin Dumani, megjithëse deklaroi se nuk bashkëpunon me drejtues policie të lidhur me krimin, ditën e martë ka nisur bashkëpunimin me drejtorin Ilir Proda, megjithëse i ka sekuestruar telefonin dhe e ka subjekt hetimi për lidhje me krimin. Përveç hetimit nga SPAK, dosja e krye policit Ilir Proda, ka edhe shumë njolla të tjera, gjatë 19 viteve oficer e drejtues policie në 11 detyrat në Tiranë, Bulqizë, Lezhë, Korçë e Elbasan. Prej muajit gusht 2005 që hyri në polici e deri në nëntor 2012 oficer Anti-krimi në Komisariatet Nr. 3 e Nr.4 të Tiranës, Ilir Proda u raportua në 53 raste nga SHISH e Anti-mafia dhe e denoncua, për favorizim ndërtimesh të paligjshme, grupe pastrimi parash kontrabandë dhe raste trafiku e tregtie droge, fakte që janë shënuar në dosjen e tij personale. Por, drejtuesit tropojanë të policisë së pushtetit PD-LSI, të përfshirë vetë në favorizim ndërtimesh pa leje, trafik e tregti droge, pastrim parash e kontrabandë, toleruan dhe transferuan Ilir Prodën te sektori i krimeve ndaj jetës në Drejtorinë e Përgjithshme, ku u përdor për të fshirë krimet. ProfitSence Logo Ndërsa në muajin qershor 2013 para largimit nga pushteti, ata e transferuan në Policinë e Lezhës, ku u denoncua dhe u hetua nga SHÇBA për shpërfillje, presione e dhunë ndaj qytetarëve dhe favorizim të eksponentëve të krimit e për korrupsion me bizneset. Një muaj pas ardhjes së PS në pushtet, biznesmenët dhe “të fortët” që kishte favorizuar në vitet 2005-2013, lobuan te kupola e pushtetit dhe në tetor 2013 e emëruan Shef të Komisariatit Nr. 2. Në këtë detyrë, Ilir Proda qëndroi 15 muaj, ku përsëri, përveçse vazhdoi favorizimet e eskponentëve dhe grupeve të krimit, mos pranim të kallëzimeve e denoncime dhe fshirjes së raporteve të vartësve, ai u procedua nga SHÇBA, për keqtrajtim fizik të një zonje denoncuese, duke i bërë presion që të hiqte kallëzimin e ta zgjidhte konfliktin privatisht. Me dosje hetimi nga SHÇBA, në dhjetor 2014, ai u shkarkua nga detyra Shef Komisariati Nr. 2 në Tiranë dhe u emërua Shef Komisariati në Bulqizë, ku qëndroi deri në muajin shkurt 2016. Dhe në Bulqizë, Ilir Proda u përfshi në pazare me pronarët e minierave të kromit, kontrabandistët e vrasësit, dhe u largua andej me zero zbulime e goditje krimesh, madje nëpërmjet padrejtësive, acaroi më shumë konfliktet mes pronarëve të minierave dhe midis grupeve kriminale. Por bosët e kromit dhe “të fortët” e Bulqizës e Dibrës, madje dhe shefat e PS, për të cilët kishte kontribuar në grumbullimin e votave, e transferuan në seksioni për hetimin e narkotikëve në Drejtorinë e Përgjithshme të Policisë së Shtetit. Në Bulqizë qëndroi deri në muajin korrik 2019, kur e transferuan Zv/drejtor për Hetimin e Krimeve në Policinë e Qarkut të Korçës kur qëndroi deri në muajin tetor 2021 dhe la prapa të njëjtat zullume që bëri në detyrat e tjera. Prej andej, Ilir Prodën e emëruan Zv/Drejtor për Hetimin e Krimeve dhe Drejtor Policie të Qarkut Elbasan, kohë për të cilën, më 17 shtator 2024, SPAK i sekuestroi telefonin, me indicien për dekonspirim të aksionit për arrestimin e bandës “Çopja” e për bëma të tjera në favor të krimit. Ndërsa prej datës 2 tetor 2024, Babloku e ka emëruar Drejtor të Përgjithshëm të Policisë së Shtetit, duke shpërfillur dosjen e tij me njolla të shumta zullumesh, në të 11 detyrat që ka pasur si drejtues policie gjatë 19 viteve.

Burimi :https://www.youtube.com/watch?v=lXGtAK9d9po&embeds_referring_euri=https%3A%2F%2Fpamfleti.net%2F&source_ve_path=MjM4NTE

Edi Rama i shpall luftë Amerikës: Noc Rroku, slogani elektoral i 2025

 

Edi Rama

Mesa duket, ai është në dijeni se amerikanët e kanë jo vetëm panoramën, por edhe materialin që promovon bashkëpunimin, që thjesht nëse bëhet publik e rrëzon automatikisht.Modeli, duket se është i njëjtë me atë që i bënë Aleksandër Vuçiçit në Serbi, kur New York Times i zbardhi të gjitha lidhjet e presidentit serb me bandat më famëkeqe në vend.

Deklarata e Edi Ramës në emisionin e Fevziut, se amerikanët sollën 'Noc Rrokun' dhe jo drejtësinë, është në mënyrë literale deklarata e luftës së tij me Uashingtonin.

Të gjithë qasjet e 'Pamfleti'-t për një kohë të gjatë, duke evidentuar problemet dhe përplasjet e kryeministrit me SHBA, mbrëmë kanë marrë formë zyrtare në kuptimin e plotë të kësaj fjale.
Rama u bëri të ditur amerikanëve, të cilët edhe pse ishte në Nju Jork, nuk e përfillën në asnjë zyrë të lartë të administratës, se është gati të marrë mandatin e katërt pa mbështetjen e tyre.

Arrestimi i Sali Berishës dhe Ilir Metës, është as më pak dhe as më shumë se afrimi i lakut në kokën e Bablokut. Por për të ndodhur kjo, përpara Ramës, amerikanët pritet të arrestojnë bashkëpunëtorët më të ngushtë dhe më të errët të tij, për të siguruar pushtetin.

Ramës, më shumë se ish-bashkëpunëtorët e tij në qeveri, parti e administratë, e shqetëson afrimi i drejtësisë ndaj njerëzve të nëntokës që kanë lidhje të rëndësishme me këtë pushtet.
Që nga emërimet në administratë e polici, por edhe tenderët publikë që kanë marrë e marrin ndër vite. Fonde që kanë shërbyer si karburant për biznese të paligjshme, e si pasojë e kësaj, kanë qenë në krah të mazhorancës.Ata, pra bandat kriminale janë në logjikën literale ushtria në territor e Edi Ramës, e dalja e tyre, e vë Bablokun në shah mat, ku nuk lëviz më.

Mesa duket, ai është në dijeni se amerikanët e kanë jo vetëm panoramën, por edhe materialin që promovon bashkëpunimin, që thjesht nëse bëhet publik e rrëzon automatikisht.
Modeli, duket se është i njëjtë me atë që i bënë Aleksandër Vuçiçit në Serbi, kur New York Times i zbardhi të gjitha lidhjet e presidentit serb me bandat më famëkeqe në vend.

Kjo e bëri Vuçiçin të zbythet e të ndalojë në lojën e tij me Putinin, duke pranuar që të shërbejë si një karrem amerikan në lojën 'macja me miun' me Moskën.

Vuçiç megjithatë nuk humb pikë nga dalja e amerikanëve kundër tij, pasi publiku është anti-perëndimor, ndërsa në Shqipëri situata është krejt ndryshe.

Ndaj Rama është në panik dhe ka vendosur ta shpallë luftën e tij me amerikanët, duke shpalosur në këtë luftë flamurin sipas të cilit ai e ka sjellë reformën në Drejtësi dhe jo SHBA.

Kjo gjuhë e ulët rruge, është nga ana tjetër edhe një mesazh i adresuar ndaj SPAK dhe Altin Dumanit, për t’i treguar se është ai zoti i vërtetë i Drejtësisë e jo SHBA. Që do të thotë: mos dëgjo ata, por mua që kam në dorë edhe të ardhmen tuaj.

E nuk është aspak e çuditshme që mazhoranca nuk pranoi tu zgjasë mandatin prokurorëve të SPAK pas 9 vjeçarit. Që do të thotë se e ardhmja e tyre në Prokurorinë Speciale ka edhe 5 vjet e më pas mund të jenë në rrugë.

Ka shumë mundësi që Edi Rama e di që amerikanët nuk i marrin për bazë këto lojra province për të çuar para axhendën e duhur. E pikërisht për këtë ai ishte në SHBA, duke lobuar me qarqe të rëndësishme afër administratës aktuale.

Njerëzve pranë tij, Rama u ka thënë se është pro një fitore të Donald Trump, vetëm për të shtyrë axhendën e tyre të paktën deri në muajt e para të vitit të arfhshëm, kur dhe janë zgjedhjet parlamentare të 2025. E me kurorëzimin si kryeministër për herë të katërt, ai mendon se është më i vështirë sulmi ndaj tij. Kurse një sulm para zgjedhjeve, mund ta rrëzojë përpara, e pas zgjedhjeve orientohet një qeverisje e re pa Edi Ramën.Synimi i bablokut është që të kapë shumicën e cilësuar në Kuvend, e më pas të bëjë ato ligje për ta ndaluar SPAK të shkojë pranë tij

Nuk do ta besoni dot se çfarë fjalësh ka thënë dhe si e ka përkufizuar Adolf Hitleri Shqipërinë dhe shqiptarët!

 

Bashkëpunëtori i ngushtë i Adolf Hitlerit ka bërë publike një pasqyrë lidhur me mendimet që kishte lideri nazist pë kombet e Ballkanit. Bëhet fjalë për  Hermann Neubacher, i dërguari i posaçëm për Ballkanin në Ministrinë e Punëve të Jashtme përvoja e të cilit është përshkruar në librin “Detyrë të veçantë Ballkan” është një nga bashkëpunëtorët e ngushtë të Adolf Hitler që mund të na japë një pasqyrë interesante në lidhje me atë se çfarë mendonte Hitleri për popujt e Ballkanit. Gjatë një bisede tre orësh që ai kishte me Adolf Hitlerin, , Führeri gjerman i tha këtë:Ne kurrë nuk duhet të lejojmë që në Ballkan një komb që ka një ndjenjë të misionit politik dhe rol historik të bëhet shumë i fuqishëm. Janë pikërisht serbët ky komb. Ata kanë dëshmuar se kanë forcë të madhe të shtetndërtimit, si dhe synime të mëdha e ambicioze, që shkojnë përtej Detit Egje. Kam rezerva të mëdha të mbështes dhe trimëroj këtë popull në këto përpjekje dhe ambicie që ka”.

Në shtetin gjerman për të gjithë ishte i njohur qëndrimi i Hitlerit, i cili kundërshtonte çdo ide që çon në forcimin e serbëve. Libri “Hitler Table Talk” që është botuar në të pesëdhjetat, dhe ribotuar sërish në vitin 2000 është një koleksion i monologjeve të Adolf Hitlerit dhe të bisedimeve të tij me bashkëpunëtorë të ngushtë në periudhën nga viti 1941 deri në 1944.

Historiani Tvrtko Jankovin për portalin kroat “Express” kishte thënë se mendimet e Hilerit për popujt e Ballkanit varionin. Ndërkohë që për kroatët thoshte se duhet të gjermanizohen, në anën tjetër njihej qëndrimi i tij negativ për sllovenët të cilët i konsideronte vetëm skllavë për punë të dorës së dytë.

“Populli slloven në perandorinë e tij nuk kishte asnjë rol tjetër, përpos si skllevër për punë të dorës së dytë. Sllovenët, kroatët, dhe popujt tjerë janë trajtuar si fshatarë që ishin të budallenj dhe asgjë më shumë se kaq. Në kohën e luftës dolën librat e fëmijëve në të cilat këta popuj ishin portretizuar pikërisht në një dritë të tillë. Bullgarët i ishin më të afërt, kështu që i vlerësonte më shumë, ndërsa çekët, për të cilën ai foli shumë negativisht, në luftë kaluan me më pak humbje se sa të tjerët. Çdokush që ishte në anën e tij ndonjëherë mirrte vlerësime positive”, tha Jakovina.

Ndërkohë që shqiptarët Lideri nazist i Gjermanisë, thuhet se i konsideronte për “racë të pastër ariane”, për “trima dhe fisnikë”, kurse Shqipërinë e cilësonte “vend të vogël romantik të Ballkanit“.

Ndërsa në një bisedë të regjistruar me 4 qershor të vitit të 1942 mes Adolf Hitlerit dhe Presidentit të Finladës, Mannerheim, lideri nazist duke folur për dështimin e planit ‘’Babarossa’’ dhe dështimet e pushtimeve italiane në Afrikë nuk lë pa përmendur edhe rastin e Shqipërisë. Ai i thotë Mannerheim se do të futej në Ballkan drejt Greqisë dhe Shqipërisë, pikërisht aty ku Italia kishte pushtuar.