“Dëbimi masiv më i madh në histori”, qindra emigrantë largohen nga Shtetet e Bashkuara

Disa ditë pasi presidenti amerikan Donald Trump mori detyrën, autoritetet amerikane arrestuan më shumë se 530 emigrantë të paligjshëm dhe “deportuan qindra prej tyre”.

 Kjo u njoftua nga zëdhënësja e Trumpit, Caroline Leavitt për shërbimin online X. Administrata Trump ka arrestuar “538 emigrantë të paligjshëm” dhe “qindra” prej tyre janë dëbuar me avionët e ushtrisë. “Dëbimi masiv më i madh në histori është duke u zhvilluar”, vazhdoi Leavitt. Megjithatë, shifrat nuk janë domosdoshmërisht më të larta se ato të së kaluarës së afërt. Shërbimi i imigracionit ICE ka njoftuar më shumë se 170.000 arrestime për vitin 2023, mesatarisht 467 në ditë. Qëllimi i Trumpit, i shpallur tashmë gjatë fushatës zgjedhore, është të zvogëlojë në mënyrë drastike numrin e emigrantëve pa dokumente në SHBA, të vlerësuar në rreth njëmbëdhjetë milionë vetë. Në marrjen e detyrës të hënën, Trumpi njoftoi se donte të dëbonte “miliona e miliona” emigrantë të paligjshëm. Ai gjithashtu shpalli gjendjen e jashtëzakonshme në kufirin me Meksikën dhe njoftoi dërgimin e trupave shtesë amerikane në zonë. Kongresi amerikan i udhëhequr nga republikanët miratoi gjithashtu një projektligj këtë javë për të zgjeruar paraburgimin për të dyshuarit e huaj pa dokumente të vlefshme qëndrimi. Ndërkohë, Meksika po përgatitet për dëbime masive nga fqinji i saj verior. Qeveria meksikane kishte njoftuar ngritjen e dymbëdhjetë kampeve të pritjes për migrantët e dëbuar nga SHBA: nëntë për qytetarët meksikanë dhe tre për njerëzit e kombësive të tjera. Programi i mirëseardhjes quhet “Meksika të përqafon”. Heqja e parimit të vendit të lindjes? Ndërkohë, Trumpi pësoi humbjen e tij të parë gjyqësore për planin e tij për të hequr shtetësinë amerikane të dhënë për emigrantët e paligjshëm të lindur në SHBA. Një gjykatës federal në shtetin e bregut perëndimor të Uashingtonit të enjten bllokoi urdhrin ekzekutiv në fjalë, duke e konsideruar atë “në mënyrë flagrante jokushtetuese”. Gjykatësi iu referua faktit se e drejta e shtetësisë amerikane kur lind në territorin e SHBA është parashikuar në një amendament të Kushtetutës. Trumpi njoftoi menjëherë se do të apelonte vendimin e gjyqtarit. Urdhri i nënshkruar nga republikani disa orë pasi ai u betua të hënën do t’i ndalonte autoritetet të lëshojnë pasaporta dhe çertifikata nënshtetësie për fëmijët, nënat e të cilëve banojnë ilegalisht ose përkohësisht në SHBA dhe baballarët e të cilëve nuk kanë pasaporta amerikane dhe as një kartë të gjelbër (Green Card). Shumë ekspertë ligjorë pajtohen se parimi i shtetësisë së të drejtës së lindjes i Amendamentit të 14-të të Kushtetutës së vitit 1868 nuk mund të shfuqizohet me një dekret të thjeshtë, për këtë do të ishte i nevojshëm një ndryshim i kushtetutës. Por pengesat për ndryshimin e Kushtetutës janë të mëdha: kërkohet një shumicë prej dy të tretash në të dy dhomat e Kongresit dhe ratifikimi nga tre të katërtat e të 50 shteteve. Tani, 22 shtete amerikane kanë paraqitur tashmë një ankesë kundër dekretit, duke përfshirë Kaliforninë dhe Nju Jorkun, të cilat qeverisen nga demokratët dhe kanë një popullsi veçanërisht të madhe. Dy qytete dhe organizata të shumta të të drejtave civile ngritën gjithashtu padi.

Lideri i Partisë Demokratike, Sali Berisha, ka reaguar kundër një vendimi të kryeministrit Edi Rama për shpalljen të shtetit islamik në Shqipëri. Përmes një postimi në Facebook, Berisha e ka quajtur këtë akt një thikë pas shpine për besimin mysliman dhe një veprim të madh antikombëtar. Berisha shprehet se historia e klerikëve patriotë bektashinj dëshmon përkushtimin e tyre ndaj sovranitetit dhe pavarësisë së vendit, dhe jo krijimin e principatave fetare. Ai ka akuzuar Ramën se po tenton të thellojë përçarjen fetare në vend dhe të shndërrojë Shqipërinë në epiqendër të trafiqeve ndërkombëtare kriminale. Reagimi i Berishës Shpallja e shtetit islamik nga Edi Rama është thikë pas shpine ndaj besimit mysliman në Shqipëri dhe një akt madhor antikombëtar! Klerikët patriotë bektashinj kanë luftuar për sovranitetin dhe pavarësinë e Shqipërisë dhe jo kurrë për principata fetare, sepse ishin atdhetarë të flaktë dhe jo trafikantë e tradhtarë antishqiptarë. Me këtë akt antikushtetues, ky antishqiptar i damkosur kërkon të fusë në Shqipëri përçarje të thellë fetare, të përdorë territorin e Shqipërisë si pronë private të tij dhe grupeve antishqiptare që përfaqëson dhe të krijojë një epiqendër të trafiqeve kriminale ndërkombëtare. Partia Demokratike dënon me forcën më të madhe projektin e shtetit Islamik Bektashinj brenda territorit të Shqipërisë dhe garanton bektashinjtë shqiptarë dhe të gjitha komunitetet tona fetare se ajo, duke respektuar me rreptësi parimin e ndarjes së shtetit nga feja, do qëndrojë në krah të tyre e palëkundur në mbrojtje të harmonisë dhe tolerancës së shkëlqyer fetare të kombit tonë dhe nuk do njohë kurrë krijesa të tilla antikushtetuese e antishqiptare.

Donald Trump thirrje Vladimir Putin që të arrijë një zgjidhje të menjëhershme me Ukrainën: – Të ndalohet kjo çmenduri

Donald Trump i ka kërkuar Vladimir Putinit të arrijë një zgjidhje të menjëhershme për t’i dhënë fund luftës në Ukrainë, duke thënë se ka ardhur koha për të vepruar. Presidenti i zgjedhur i SHBA-së shkroi në mediat sociale Volodymyr Zelenskyy dhe Ukraina do të donin të arrinin një marrëveshje për të ndaluar këtë çmenduri. Ai bëri thirrje për “një armëpushim të menjëhershëm”, duke shtuar se “negociatat duhet të fillojnë”. Duke iu referuar afërsisë me Putinin , ai shtoi: “Unë e njoh mirë Vladimirin, është koha e tij për të vepruar. Kina mund të ndihmojë. Bota është duke pritur!” Në një intervistë në Meet The Press të NBC-së, Donald Trump u pyet nëse po punonte në mënyrë aktive për t’i dhënë fund konfliktit gati tre-vjeçar dhe u përgjigj “Unë jam”.

Vladimir Putin gati për negociata me Donald Trump, vjen reagimi i Kievit: – Jo pa Evropën dhe Ukrainën

Nuk mund të ketë negociata mes Vladimir Putinit dhe Donald Trump për luftën në Ukrainë pa pjesëmarrjen e Evropës dhe vetë Ukrainës.

 Kështu deklaroi presidenca në Kiev, pas lajmeve se Vladimir Putin është gati për negociata të drejtpërdrejta me Donald Trump për Ukrainën. 

 “Ai (Putini) dëshiron të negociojë fatin e Evropës, pa Evropën.

 Dhe ai dëshiron të flasë për Ukrainën pa Ukrainën,” tha kreu i zyrës presidenciale të Ukrainës, Andriy Yermak në Telegram.

 “Kjo nuk do të ndodhë. Putini duhet të kthehet në realitet, përndryshe ai do të kthehet mbrapsht.

 Kështu nuk funksionojnë gjërat në botën moderne.”

 Më herët agjencitë e lajmeve ruse Tass dhe Interfax, raportuan se presidenti rus Vladimir Putin deklaroi se është gati për negociata të drejtpërdrejta me Donald Trump për Ukrainën. 

 Presidenti rus Vladimir Putin tha se ai ka pasur gjithmonë marrëdhënie të bazuara në pragmatizëm dhe besim te Donald Trump, duke vlerësuar “inteligjencën” e tij.

“Dorëzuam armët bërthamore, pësuam luftën”, Volodymyr Zelensky kushtëzon paqen me Rusinë: dhe Vladimir Putinin – S’jemi të gatshëm të lëshojmë pa një garanci konkrete që është…

“Për Ukrainën, anëtarësimi në NATO është garancia e vetme dhe konkrete për sigurinë e Kievit”. Kështu shprehet presidenti ukrainas, Volodymyr Zelensky në një intervistë për gazetën e përditshme italiane “Il Foglio”. Zelensky kujtoi Memorandumin e Budapestit të vitit 1994 me të cilin Ukraina hoqi dorë nga armët e tij bërthamore në këmbim të garancive nga SHBA, Britania e Madhe dhe Rusia se do ta mbronin atë në rast të çdo rreziku. “Mësuam se sa e rrezikshme është të shkëmbejmë diçka reale – armë bërthamore – me fjalë të shkruara në ujë. Duhet t’i kishim shkëmbyer armët me garanci konkrete sigurie, që në atë kohë nënkuptonin vetëm një gjë, me NATO-n dhe që sot do të thotë vetëm një gjë, NATO”, tha kreu i shtetit ukrainas duke theksuar se Kievi duhet të ishte bërë pjesë e Aleancës Veri-Atlantike vite më parë. “Historia jonë e fundit është arsyeja pse ne nuk jemi më të gatshëm të heqim dorë nga diçka që na takon pa pasur një garanci serioze në këmbim të paqes. Në këmbim të heqjes dorë nga armët tona bërthamore, ne morëm luftë,” përsëriti Zelensky. “Dialogu i kryeministres Giorgia Meloni me presidentin e Shteteve të Bashkuara Donald Trump “është një lajm i mirë për Italinë”, por “mund të jetë i dobishëm për Evropën” dhe “Shpresoj se mund të jetë i dobishëm edhe për Ukrainën. Përveç roleve që luajmë, ne jemi të gjithë njerëz – Donald Trump, Giorgia Meloni dhe unë – dhe marrëdhëniet njerëzore që jemi në gjendje të krijojmë janë të rëndësishme. Unë kam një marrëdhënie të mrekullueshme me të (Melonin), e konsideroj një person besnik dhe një mik. E di që Donald Trump ka një marrëdhënie të mirë dhe i beson asaj. Shpresoj vetëm që marrëdhënia e Melonit me presidentin amerikan të mos jetë më e mirë se ajo që ka me mua”, tha Zelensky. Presidenti ukrainas shtoi më tej se Trump, “thotë se me të vërtetë dëshiron t’i japë fund luftës”. Zelensky tha se ai vlerësonte fjalët e fundit të Trump, në të cilat presidenti amerikan kërcënoi Rusinë me sanksione të reja nëse një marrëveshje paqeje nuk arrihej shpejt. Trump e quajti atë një “luftë qesharake” dhe paralajmëroi presidentin rus Vladimir Putin se “gjërat do të ishin shumë më keq” nëse nuk arrihet marrëveshje. “Kur Trump thotë ‘më keq’, ai do të thotë më keq për Rusinë. Është e rëndësishme që një person i fortë t’ia përcjellë këtë mesazh Putinit”, shpjegoi Zelensky.

“Taulant Balla iku nën sigurinë e truprojave”, Lumaj tregon detajet e protestës në Michigan: – Rama ta harrojë mandatin e katërt

Aktivisti i diasporës shqiptarë në Michigan, Valentin Lumaj, ishte i ftuar në një intervistë për një emision televiziv, ku foli rreth protestave me të cilat shqiptarët e Amerikës pritën drejtuesin politik të PS për diasporën, Taulant Ballës. 

 Si një prej organizatorëve të protestës, Luma theksoi se kjo protestë nuk ishte ndaj socialistëve, por kundër Taulant Ballës për shkak të implikimeve të tij në aferat korruptive dhe lidhjeve të tij me bandat. Takimi i ballës ishte planifikuar të mbahej në një sallë mbledhjesh në Imperial House, ku për shkak të protestës së shqiptarëve, Taulant Balla nuk mundi do të rrijë më shumë se 20 minuta në takim dhe iku me bisht ndër shalë. “Ne si grup qytetarësh krijuam një komision që e quajtëm, ‘komisioni i reagimit qytetar’, ka shumë raste që këto lëvizje bëhen të paorganizuara dhe kështu që ne u organizuam në një grupim që e quajtëm të tillë. Dhe vendosëm që të bënim një protestë në vendin që kishte lajmëruar Taulant Balla. Protesta ishte kundër Ballës dhe jo kundër socialistëve. Ne shkuam me një profil qytetar, jo për të prishur takimin, por për të shfaqur revoltën tonë kundër Taulant Ballës si një person i inkriminuar, i korruptuar dhe i përfshirë në shumë skandalë në Shqipëri. Bravo u qoftë të gjithë atyre qytetarëve që u mblodhën në ato temperatura të ulta dhe unë dua t’i falenderoj të gjithë, Hysen Elmazan, i cili sapo doli nga spitali dhe mori pjesë në atë protestë. Luigj Gjokaj, Xhafer Laho, Nikoll Hysa 80-vjeçar, Luigj Stërbyshi, ky aktivist që e ndoqi këmba-këmbes Taulant Ballës pasi kishte pyetjet e tij për t’ia bërë, por nuk mundi ta takojë. Gjergj Sinaj, Mark Dedaj, apo profesori i nderuar Eduart Aliko i cili na mbështeti duke e përcjellë gjithë aktivitetin në televizionin e tij për gjithë shqiptarët e amerikës. Taulant Balla nuk erdhi na hyrja ku ishim ne, është futur në një derë tjetër. Tumbi ynë ishte i ligjshëm, ashtu sikurse edhe takimi i tij. Ne vendosëm të futemi në takimin e Ballës për të bërë pyetjet tona, sepse ne kemi të drejtë të bëjmë pyetje për një përfaqësues të shteti shqëiptar siç është Balla. Një qytetar aty e pyeti se si mund të kemi ne besim të PS që nuk do t’i vjedhë votat, pasi e keni bërë edhe më parë, por Balla na provokoi duke thënë, ‘bëji të fala Salit’, këtu situata u agravua dhe Balla nuk iu përgjigj asnjë pyetje as edhe të socialistëve që ishin në sallë, por iku me vrap nën sigurinë e truprojave. Në atë sallë secili socialist është i ndershëm, punëtor dhe që jeton me djersën e ballit, aty në atë sallë i vetmi njeri i padenjë ishte Taulant Balla, prandaj edhe priten me revolta kudo që shkojnë nëpër botë. Mbrëmë aty mori përgjigjë edhe Edi Rama, i cili dëshiron të vijë në Michigan, se çfarë e pret nëse vjen këtu, do të marrë përgjigjen e merituar”,- u shpreh ai. Më tej Lumaj theksoi së pushteti i rilindjes nuk ka asnjë gjë në dorë që t’u bëjë presion apo t’i shantazhojnë shqiptarët e diasporës për votën pasi ata jetojnë në vende të lira dhe nuk kanë çfarë t’u bëjnë. Ai tha gjithashtu se nëse vota e diasporës do numërohet drejt, Edi Rama ta harrojë mandatin e katërt, diaspora do ta ndalojë.

“Rusia sheh përpjekje që Perëndimi dëshiron ta destabilizojë situatën në Ballkan”

Analistja amerikane, Ivana Stradner, ka komentuar dhe deshifruar një deklaratë të dhënë në një zyrtar rus, i cili ka thënë se “Rusia sheh përpjekje që Perëndimi dëshiron ta destabilizojë situatën në Ballkan”. Stradner ka thënë se pas protestave masive që po vazhdojnë në Serbi, Rusia asnjëherë s’e humb mundësinë për t’i hedhë benzinë zjarrit. Analistja amerikane ka deshifruar deklaratën e Moskës se “situata në Ballkan po përkeqësohet dhe se Perëndimi po e destabilizon Kosovën”. Sipas saj, kjo nënkupton se priten më shumë eskalime në rajon së shpejti. Stradner thotë se Vuçiq ka nevojë që ta heq vëmendjen nga protestat masive në Serbi, ndërkohë që Putini vetë ka nevojë për kaos, që ta pozicionojë veten si ndërmjetës kur eskalojnë gjërat në Ballkan, sidomos që tani Rusia planifikon të negocioj me SHBA lidhur me luftën në Ukrainë. “Shpjegimi: prisni më shumë përshkallëzime në rajon së shpejti. Vuçiqit i duhet kaos në rajon për të larguar Perëndimin nga protestat masive në Serbi. Putinit i duhet kaos për ta pozicionuar veten si ndërmjetës kur gjërat përshkallëzohen në Ballkan… veçanërisht tani pasi Rusia planifikon të negociojë me SHBA-në në lidhje me Ukrainën dhe ta përdorë atë si një mjet pazaresh. Ne pamë përshkallëzime të shumta gjatë viteve të fundit dhe presim më shumë prej tyre”, ka shkruar Stradner.<