VOTAT PËRFUNDIMTARE NË NIVEL TË KOSOVËS, LDK DEL E PARA

Nga Flori Bruqi

Ambasada e Shteteve të Bashkuara përgëzon popullin e Kosovës për përfundimin e suksesshëm të rrethit të parë të zgjedhjeve komunale.

“Ne e çmojmë Komisionin Qendror të Zgjedhjeve, komisionarët e vendvotimeve, OSBE-në, si dhe të gjitha ekipet monitoruese dhe vëzhguese për punën e madhe që kanë bërë. Gjersa ne kemi shqetësime lidhur me disa raportime për regjistrat e vjetruar të votuesve, votimin e dyfishtë, dhe parregullsitë tjera sporadike, ne shpresojmë që disa nga këto çështje mund të adresohen para rrethit të ardhshëm të zgjedhjeve komunale në nëntor”, thuhet në një komunikatë të ambasadës amerikane në Kosovë/



Siq thuhet në komunikatë dalja e rritur në votime dhe procedurat e sheshta zgjedhore në pjesën më të madhe të vendit janë shenja pozitive për demokracinë e Kosovës.

“Ne do të vazhdojmë të mbështesim institucionet e Kosovës gjersa ato shpejtë përgatiten për edhe një rreth të votimit dhe përcjellin më tutje raportet mbi parregullsitë dhe shkeljet në këtë rrethin e parë. Shpresojmë se të gjithë zyrtarët komunalë tashmë të zgjedhur do të përkushtohen për ndryshim pozitiv në emër të të gjithë zgjedhësve të tyre, gjë e cila do ta shtyjë Kosovën përpara në shtegun e integrimit të plotë Euro-Atlantik”, thuhet në deklaratë të ambasadës së SHBA-ve.

Në bazë të votave të numëruara deri më tani për asambletë komunale, si parti politike LDK del të jetë partia më e madhe në vend, duke i ikur PDK-së me 14.872 vota. Vetëvendosje shumë afër me AAK-në.

Zgjedhjet lokale të 22 tetorit e kanë nxjerrë Lidhjen Demokratike të Kosovës partinë më të madhe në vend. Në nivel vendi, LDK, që udhëhiqet nga Isa Mustafa, ka marrë gjithsej 173.967 vota në zgjedhjet lokale.

Lidhja ka lënë prapa vetes Partinë Demokratike të Kosovës, që në zgjedhjet lokale ka arritur të sigurojë 159.095 vota.

Kësisoj, PDK, e udhëhequr nga Kadri Veseli, ngec pas LDK’së për 14.872 vota në nivel vendi.

Lëvizja Vetëvendosje, që doli më e votuara në zgjedhjet e parakohshme parlamentare, të mbajtura më 11 qershor 2017, ka pësuar një rënie të ndjeshme.

Partia, e udhëhequr nga Visar Ymeri, ka marrë 113.037 vota në zgjedhjet lokale të së dielës, duke u renditur e treta në nivel vendi.

Vetëvendosje ka 60.930 vota më pak se LDK, që është e para, dhe 46.058 vota më pak se PDK’ja, që zë vendin e dytë.

Jo shumë larg Vetëvendosjes ndodhet Aleanca për Ardhmërinë e Kosovës, të cilën votimi i së dielës e ka nxjerrë partinë e katërt më të madhe në Kosovë.


***

Kryetari i Kuvendit, njëherësh kryetari i PDK-së, Kadri Veseli, një ditë pas votimit, theksoi se me procesin zgjedhor të mbajtur dje, ajo çka është më pozitive, është se më së shumti ka fituar Kosova.

Drejtuesi i Partisë Demokratike të Kosovës, Kadri Veseli, theksoi se kjo parti do të dalë triumfuese në balotazh në tri komuna të mëdha të vendit në Prizren, Mitrovicë dhe Ferizaj.

Kryetari i PDK-së, Veseli, tha se platforma programore e kësaj partie është e orientuar drejt përmirësimit të jetës së qytetarëve dhe në të njëjtën kohë fuqizimit të atyre qyteteve.

“Kemi pri bukur dukshëm në komunat më të mira të Republikës së Kosovës ose në tri nga shtatë komunat më të mëdha jemi ne e vetmja parti që jemi fuqishëm përpara, dhe jemi të sigurt se do të fitojmë me besimin e qytetarëve gjithmonë, për arsye se platforma jonë programore është e orientuar drejt përmirësimit të jetës së qytetarëve dhe në të njëjtën kohë fuqizimit të atyre qyteteve”, tha ai.

Me zgjedhjet e së dielës, kreu i PDK-së theksoi se më së shumti ka fituar Kosova.

“Besoj se më datën 22 ajo çka është më pozitive, është se më së shumti ka fitua Kosova, kemi quar një sinjal tepër të mirë, në rend të parë në procesin i cili ka qenë jashtëzakonshëm dhe aspekti dytë është orientimi perëndimore. Kosova i ka dhënë vulë se nuk ka asnjë hezitim drejtim orientimit të vet perëndimor.Të gjithë jemi të kënaqur, kush është i pa kënaqur nuk duhet me qenë , ky është vullneti i qytetarëve”, tha Veseli.

Veseli tha se nuk duhet të jetë askush i pakënaqur nga rezultati i zgjedhjeve.



***

Në Qendrën e Numërimeve dhe të Rezultateve, aktualisht është duke vazhduar pranimi i materialit të ndjeshëm zgjedhor nga komunat e Kosovës.

Deri më tani ky material i ndejshëm zgjedhor është pranuar nga një numër i madh i Komunave dhe procesi është duke vijuar normalisht. Këtë e ka bërë të ditur zëdhënës i Komisionit Qendror të Zgjedhjeve (LQZ), Valmir Elezi.

Ai në një deklaratë për Kosovapress, ka thënë se koha se kur do të mbahet raundi i dytë i zgjedhjeve për kryetar të komunave është e përcaktuar me ligj dhe se sipas ligjit i bie se do të mbahet katër javë pas ditës së raundit të parë apo me 19 nëntor 2017 .

“Në Qendrën e Numërimeve dhe të Rezultateve, aktualisht është duke u vazhduar të pranohet materiali i ndjeshëm zgjedhor ,nga komuna të ndryshme të Kosovës. Deri më tani ky material i ndejshëm zgjedhor është pranuar nga një numër i madh i Komunave dhe procesi është duke vijuar normalisht. Gjithashtu në QNR ka filluar skanimi i formularëve të rezultateve , për gjitha vendvotime, par pas skanim për çështje transparence këto fotokopje apo fotografi të formularëve e do të publikohen në ueb faqen KQZ-së, ku të gjithë kandidatët për kryetar të komunave por edhe për kuvende komunale mund të shohin rezultatin e tyre për secilin vendvotim”, tha Elezi.

****

Sipas rezultateve të KQZ-së, në Pejë ka fituar Gazmend Muhaxheri nga Lidhja Demokratike e Kosovës me 50.31 për qind të votave.

Ai ka lënë pas Fatmir Gashin e Aleancës për Ardhmërinë e Kosovës me 32.02 për qind.

Më pas vije Sabiha Shala e Partisë Demokratike të Kosovës me 9.28 për qind

****

Garën për komunën e Junikut me shumë gjasë do ta fitojë Aleanca për Ardhmërinë e Kosovës, madje pa kaluar në raundit e dytë e që është balotazhi.

Sipas rezultateve që i ka nxjerrë Demokracia në Veprim renditja është kështu: AAK-ja me 55.35 % me ç’rast nuk do të ketë balotazh, pastaj duke u pasuar nga Lëvizja Vetëvendosje me 12.27 % si dhe e treta ajo e PDK-së me 6.58%.



***

Demokracia në Veprim ka publikuar rezultatet e para të zgjedhjeve lokale për komunën e Malishevës.

Kësisoj, në ktë komunë Nisma për Kosovën ka arritur t’i fitojë 39.5 NISMA ndërsa Partia Demokratike e Kosovës 27.78.

Kryetari i Nismës për Kosovën, Fatmir Limaj ka thënë se kjo parti ka arritur objektivat e saj për zgjedhjet e 22 tetorit. Nisma përfundimisht sipas tij, konfirmohet si parti nacionale duke shtuar se ajo do të ketë përfaqësues në shumicën dërrmuese të Kuvendeve Komunale. Nisma sipas tij, është një nga dy partitë të cilat kanë shënuar rritje duke aluduar në LDK-në.

“Unë besoj se ky trend dhe kjo frymë e Nismës do të jetë duke u fuqizuar. Ne kemi rritje dhe aktualisht ne po shkojmë rreth 6% të votës se përgjithshme dhe ky është një interes për Nismën. Ne kemi shënuar fitore të thelle dhe jemi rikonfirmuar si partia e parë në Malishevë. Në Shtimë jemi në balotazh me kandidatin e përbashkët dhe presim përmbysje të rezultatit”, ka thënë Limaj në një konferencë për media.

Rezultati zgjedhor i Nismës, sipas tij, konfirmon stabilitetin dhe trendin e saj pozitiv dhe shpresë për fuqizimin e saj

Mbrëmë shumica e subjekteve politike e shpallen fitoren. Por më së shumti rezultatit iu gëzua Lidhja Demokratike e Kosovës.

Ajo pretendonte se diferenca e saj me subjektet e tjera politike shkon në mbi 70 mijë vota. Por ç’është e vërteta, ajo vetëm rreth 10 mijë vota është para Partisë Demokratike të Kosovës, raporton Indeksonline.

Nga 677496 vota të numëruara, LDK ka gjithsej 161 740 vota, PDK ka 152 144, kurse Lëvizja Vetëvendosje 108 865. Pas këtyre radhitet AAK-ja me 88 760, NISMA më 36 848 vota, Lista Serbe me 28 891, AKR-ja me 28 336 vota, ALTERNATIVA me 9 324 vota, KDTP me 6 497 vota, LB me 5 250 vota, VAKAT me 4907 vota, PD me 4 242 vota, etj.

Shprehur në përqindje, LDK ka fituar gjithsej 23.9%, PDK ka fituar gjithsej 22.5%, Lëvizja Vetëvendosje, e cila ka rënie rreth 100 mijë vota, ka fituar gjithsej 16.1% , AAK-ja 13.1%, 5.4% NISMA dhe 4.2% AKR.

Edhe rreth 15 për qind e votave ende nuk janë numëruar.

Mbrëmë shumica e subjekteve politike e shpallen fitoren. Por më së shumti rezultatit iu gëzua Lidhja Demokratike e Kosovës.

Ajo pretendonte se diferenca e saj me subjektet e tjera politike shkon në mbi 70 mijë vota. Por ç’është e vërteta, ajo vetëm rreth 10 mijë vota është para Partisë Demokratike të Kosovës, raporton Indeksonline.

Nga 677496 vota të numëruara, LDK ka gjithsej 161 740 vota, PDK ka 152 144, kurse Lëvizja Vetëvendosje 108 865. Pas këtyre radhitet AAK-ja me 88 760, NISMA më 36 848 vota, Lista Serbe me 28 891, AKR-ja me 28 336 vota, ALTERNATIVA me 9 324 vota, KDTP me 6 497 vota, LB me 5 250 vota, VAKAT me 4907 vota, PD me 4 242 vota, etj.

Shprehur në përqindje, LDK ka fituar gjithsej 23.9%, PDK ka fituar gjithsej 22.5%, Lëvizja Vetëvendosje, e cila ka rënie rreth 100 mijë vota, ka fituar gjithsej 16.1% , AAK-ja 13.1%, 5.4% NISMA dhe 4.2% AKR.

Edhe rreth 15 për qind e votave ende nuk janë numëruar.

Paneli Zgjedhor për Ankesa dhe Parashtresa (PZAP), ka pranuar gjithsej 313 ankesa nga zgjedhjet lokale të 22 tetorit 2017.

Kështu bëri të ditur në një prononcim për Telegrafin kryesuesi i sekretariatit të PZAP-it, Mulë Desku.

Ai tha se prej këtyre ankesave, 216 kanë të bëjnë me fushatën zgjedhore dhe 34 ankesa kanë të bëjnë me manipulim të votave jashtë Kosovës.

“Prej datës 21.09.2017 kur ka filluar fushata zgjedhore e subjekteve politike për Zgjedhjet Lokale të 22 tetorit 2017 deri më datën 22.10.2017, në PZAP- janë dorëzuar, respektivisht PZAP-i ka pranuar 313 ankesa. Prej tyre, 216 ankesa kanë të bëjnë me Fushatën Zgjedhore, 34 ankesa kanë të bëjnë me manipulim të votave jashtë Kosovës, si dhe 63 ankesa kanë të bëjnë me thyerjen e heshtjes zgjedhore në ditën e heshtjes zgjedhore dhe në ditën e zgjedhjeve”, theksoi Desku.

Ndërsa, pas mbylljes së qendrave të votimit, sipas tij, janë dorëzuar shtatë ankesa.

“Pas mbylljes së qendrave të votimit, deri më tani në PZAP janë dorëzuar 7 ankesa. Nga BIRNI, LVV dhe KDI janë paraqitur më së shumti ankesa”, ka thënë kryesuesi i sekretariatit të PZAP, Mulë Desku.

***

43.68 për qind e qytetarëve e kanë shfrytëzuar të drejtën e tyre për të votuar në zgjedhjet për kryetarë komune dhe asamblistë.

Zgjedhjet që u mbajtën dje në gjithë territorin e Kosovës janë cilësuar të mira. E në bazë të rezultateve preliminare, të publikuara online në ueb-faqen e KQZ-së, 19 komuna janë fituar pa balotazh, derisa në 19 komuna të tjera balotazhi do të zhvillohet më 19 nëntor. Hollësi të tjera sjell kronika në vazhdim.

Në bazë të rezultateve preliminare të KQZ-së zgjedhjet e djeshme lokale në Kosovë, prodhuan rezultate interesante për faktin se nga 38 komunat që ishin në proces zgjedhor, gjysma e tyre shkojnë në balotazh.

Nga 19 komunat në të cilat nuk do të ketë balotazh, 9 prej tyre i takojnë Listës serbe, 4 Lidhjes Demokratike të Kosovës, 2 AAK-së , 1 komunë PDK-së, 1 KDTP-së përderisa Skenderajn e ka fituar kandidati i pavarur Bekim Jashari, njësoj siç fitore të re ka shënuar edhe në këto zgjedhje kandidati i pavarur në Hanin e Elezit, Rufki Suma. Nga 7 qendrat e mëdha vetëm në Pejë nuk do të ketë balotazh, pasi që atje edhe për një mandat ka fituar kandidati i LDK-së, Gazmend Muhaxheri.

Nga komunat e tjera më të vogla të cilat shkojnë në balotazh dhe që shumica janë ish bastione kryesisht të PDK-së dhe LDK-së janë: Dragashi, Istogu, Kaçaniku Klina, Kamenica, Obiliqi, Rahoveci, Podujeva, Shtimja, Suhareka,Vushtrria, Malisheva, dhe Kllokoti.

Këto janë rezultatet preliminare të KQZ-së, pas numërimit të më shumë se 90 për qind të votave ndërsa në to nuk përfshihen, votat me kusht, votat përmes postës dhe votat personave me nevoja të veçanta.

****

 

Kryeqyteti i Republikës pritet ta ketë një garë interesante në balotazh ndërmjet kryetarit aktual, Shpend Ahmetit dhe Arban Abrashit të LDK-së. Sipas rezultateve të publikuara nga KQZ-ja, del se Lëvizja “Vetëvendosje” ka fituar mbi 34 mijë vota ndërsa partia e Isa Mustafës rreth 29 mijë vota.

Mirëpo, rezultat të dobët edhe kësaj radhe kanë treguar Partia Demokratike e Kosovës dhe Aleanca për Ardhmërinë e Kosovës. Ndonëse janë larg Ahmetit dhe Abrashit, këto dy subjekte mund ta përcaktojnë fituesin e kësaj gare.

Partia e Kadri Veselit ende nuk është përcaktuar për ndonjë koalicion paszgjedhor derisa me qëndrim të njëjtë është edhe AAK-ja.

Kandidati i PDK-së që garoi për kryetar, Lirak Çelaj në një prononcim për “Indeksonline” thotë se ende nuk kanë vendosur se kënd do ta përkrahin në zgjedhjet për balotazh në Prishtinë. Megjithatë, ai thotë se nuk është i kënaqur me rezultatit e djeshëm.

“Natyrisht se nuk jam i kënaqur me rezultatin tim. Megjithëse, besojë se kam pas një program të mirë dhe shpresojë se ky program apo pika të caktuara të gjejnë vend në zbatimin e tyre cilido që do të fitojë. Sa i përket pozicionimit si parti, ende nuk jemi mbledh dhe s’kemi diskutuar për rreth kësaj çështje . Por besojë se forumet e partisë do të mblidhen shpejtë dhe do të dalin me ndonjë qëndrim”, ka thënë ai.

Nga ana tjetër, Arbër Vllahiu thotë se përcaktimi për ta përkrahur Shpendin apo Arbanin do të bëhen në ditët në vijim.

“Për këtë çështje vendos partia pasi të jenë bërë analizat dhe vlerësimet e ditës së zgjedhjeve”, ka thënë ai për “Indeksonline”.

Ndryshe, PDK-ja në zgjedhje e 22 tetorit ka arritur t’i marrë në Prishtinë  4.627 vota ndërsa AAK-ja 2.586. /Indeksonline/Alban Muhaxheri/

Lista Serbe, si parti që përfaqëson komunitetin serb në Kosovë, me mbështetjen e tërësishme të Beogradit zyrtar, në zgjedhjet lokale të 22 tetorit, në garën për kryetarë të komunave ka fituar në 9 prej 10 komunave me shumicë serbe në Kosovë. Gjithashtu, në Komunën e Kllokotit, Lista Serbe ka shkuar në balotazh.

Pas fitores së Listës Serbe në zgjedhjet parlamentare të 11 qershorit, karshi partive tjera nga komuniteti serb, fitorja e konfirmuar e Listës Serbe në zgjedhjet lokale të 22 tetorit, e nxjerrë këtë parti politike si subjektin më të fuqishëm që përfaqëson serbët në institucionet e Kosovës, vlerësojnë njohësit e zhvillimeve politike, shqiptarë dhe serbë.

Politologu, Ramush Tahiri, duke folur për Radion Evropa e Lirë, thekson se fitorja e Listës Serbe në zgjedhjet komunale, e vërteton faktin që ndikimi i Beogradit është shumë i fuqishëm dhe vendimtar te çdo pozitë politike dhe qëndrim politik i serbëve në Kosovë.

“Platforma politike, por edhe programi dhe fushata, janë bërë gjithashtu nga institucionet qeveritare të Serbisë dhe është thënë se votimi për Listën Serbe do të thotë votim për Serbinë në Kosovë ose për ndikimin e Serbisë në Kosovë. Secili qytetarë (serbë) është dashur ta përkrahë këtë dhe të mos e vë në dyshim, në mënyrë që ta ketë përkrahjen e shtetit serb. Formalisht, është Lista Serbe, por cilido subjekt që do të kishte qenë dhe që e ka përkrahjen e Serbisë, do ta kishte edhe fitoren”, tha Tahiri.

Njohësi serb i zhvillimeve politike, Petar Miletiq, ish- deputet në Kuvendin e Kosovës nga radhët e komunitetit serb, thotë për Radion Evropa e Lirë se me vet faktin që Lista Serbe ka 9 deputetë në Kuvendin e Kosovës, tre anëtarë në Qeverinë e Kosovës, si dhe tashmë ka siguruar 9 kryetarë komunash, përfshirë edhe një balotazh, kjo e bën atë faktorin më relevant nga bashkësia serbe.

“Por, unë këtë do ta emëroja ndryshe, se kjo në fakt është Beogradi. Për serbët e Kosovës pyetet Beogradi. Me këto zgjedhje, lokale dhe parlamentare, serbët e Kosovës e kanë dorëzuar veten nën menaxhimin e Beogradit. Kjo është esenca e rrëfimit dhe do të vazhdojë edhe më tutje situata ku serbët e Kosovës nuk janë më faktorë politikë në Kosovë, por që ata e kanë deleguar Beogradin që të bisedojë në emër të tyre për gjithçka që është e rëndësishme për ta. Thjeshtë, ata kanë hequr dorë nga mundësia që të ndikojnë në jetët e veta. Kjo është zgjedhje e tyre legjitime dhe kjo është porosi për bashkësinë ndërkombëtare dhe për elitën politike të shqiptarëve të Kosovës, se në fakt, serbët e Kosovës duhet tejkaluar dhe drejtpërdrejtë të bisedohet për të gjitha temat me Beogradin”, tha Miletiq.

Pas shpalljes së rezultateve preliminare të zgjedhjeve lokale, në Mitrovicë të veriut, shefi i zyrës për Kosovën i Qeverisë së Serbisë, Marko Gjuriq, e ka quajtur fitoren e Listës Serbe në zgjedhjet lokale, si fitore të Serbisë.

“Fitorja e Listës Serbe është fitore e madhe për të gjithë popullin serb. Kjo është fitore për Serbinë”, ka thënë Gjuriq.

Por, a ka arritur Serbia, që përmes Listës Serbe të krijojë një faktorë politikë, që do të mund të shihej si i ashtuquajturi “Kali i Trojës”, brenda përbrenda faktorëve politikë serbë të Kosovës, por edhe vet skenës politike të Kosovës në përgjithësi?

Politologu Tahiri thotë se përmes Listës Serbe, tash për tash, Beogradi dëshiron ta monopolizojë ndikimin e saj tek serbët në Kosovë.

“Kjo është një formë e re e veprimit të Serbisë në Kosovë, derisa të zgjidhet përfundimisht çështja e Kosovës dhe derisa të përfundojë dialogu i brendshëm serb që e kanë për Kosovën, për atë se si do të zgjidhen raportet ndërmjet Kosovës dhe Serbisë”, thekson Tahiri.

Por, Miletiq thotë se marrëdhëniet e mira ndërmjet shqiptarëve dhe serbëve në Kosovë, janë esenciale për përparimin e jetesës të dy bashkësive. Deri më tash, sipas tij, politika, sikurse po zhvillohet edhe tani, ka qenë frenuesi më i madh i këtyre marrëdhënieve.

“Beogradi, kryesisht, i ka shtyrë serbët e Kosovës në konflikt me shqiptarët. Ndërkaq shqiptarët këtë e kanë pranuar me të dy duart, sepse kjo u konvenon për shkak se nuk u duhet që plotësojnë asnjë kërkesë e serbëve, madje as ato që janë të saktësuara me ligje, por edhe me Marrëveshjen e Brukselit. Ata menjëherë thonë se kjo është kërkesë e Beogradit”, ka thënë Miletiq.

Njohësit e zhvillimeve politike vlerësojnë se pavarësisht faktit që Listës Serbe është forcë kryesore e serbëve të Kosovës, sjelljet e saj dhe instrumentalizimi nga Beogradi,do të sjellë bllokadën në marrëdhëniet ndërmjet Beogradit dhe Prishtinës, si dhe ngecjen në nxitjen e mjaft çështjeve, të cilat do të ishin në dobinë e shqiptarëve dhe serbëve.

Prishtinë,23/10/2017
Partia e kryeministrit aktual të vendit, Ramush Haradinaj, në zgjedhjet lokale ka marrë 96.102 vota në nivel vendi.