Urime Kosovë-Urime Prof.Dr.Blerim Olluri!

KRYESHEFI EKZEKUTIV I FORENZIKES BLERIM OLLURI CERTIFIKOHET NGA UNIVERSITETI AMERIKAN WEST VIRGINIA-AKADEMIA PËR MENAXHIM FORENZIK

Fotografia e Agjencia e Kosovës për Forenzikë


Kryeshefi Ekzekutiv i AKF-së Dr. Sci. Blerim Olluri me ftesë të autoriteteve amerikane, mbështetur nga ICITAP certifikohet nga Qendra për Edukim Ekzekutiv “Akademia për Menagjim Forenzik” në Universitetin “West Virginia University’’ në temat: Si tw ndikohen ndryshimet si Lider i ri, Si të zhvillohen dhe menagjohen Grantete Federale, Përformanca e Menaxhmentit, Zhvillimi efektiv i stilit të menaxhimit, Bazat e buxhetimit, Menagjimi i konfliktit, Motivimi dhe retenca. etj.
Dr. Olluri ishte i ftuari i vetëm nga Evropa Juglindore që të marrë pjesë në Akademinë e Menaxhimit të Forenzikës të organizuar nga Universiteti publik në Pittsburg, Pennsylvania SHBA, “West Virginia University”.

Fotografia e Agjencia e Kosovës për Forenzikë
Dr Olluri gjithashtu zhvilloj takime të vecanta me përfaqësuesit e institucioneve forenzike, ku i njoftoj për arritjet e AKF-së në zhvillimin e shkencës dhe menaxhimin e mirëfillët të saj, si një organizatë model për Evropën Juglindore.

Dr. Olluri falenderoj edhe një herë autoritetet Amerikane për perkrahje të vazhdueshme për Agjencinë e Kosovës për Forenzikë.


Kush është Prof.Dr.Blerim Olluri?





Ka lindur  më  07 .12.1974, në Lipjan.Shkollën fillore dhe të mesme i kreu në qytetin e lindjes, studimet universitare në Prishtinë në fakultetin e Kimisë, studimet e magjistraturës në Sarajevë në fakultetin e Kriminalistikës.

Ka marrë gradën shkencore “doktor i shkencave juridike” në Tiranë, fakulteti Juridik pranë Universitetit Evropian të Tiranës.

Menjëherë pas lufte ushtroi detyrën e profesorit në shkollën e mesme Ulpiana në Lipjan për një vit.

Në vitin 2000, duke qenë i vetëdijshëm për rëndësinë dhe peshën e vazhdimit të dhënies së kontributit, angazhohet në Policinë Kosovës. Pas përfundimit me sukses të dalluar të akademisë policore, angazhohet si oficerë patrullues dhe hetues në Stacionin policorë të Lipjanit.

Në vitin 2001 duke ditur për aftësitë dhe shkathtësitë e tij, ekspertët ndërkombëtarë e angazhojnë në Akademinë policore si ligjërues dhe menaxher për hetime të specializuara.

Në vitin 2003 emërohet Drejtor i Laboratorit të Forenzikës së Policisë së Kosovës deri në vitin 2010. Gjatë kësaj periudhe kohore ai dha një kontribut fundamental në themelimin dhe funksionalizimin e Laboratorit të Forenzikës të Policisë së Kosovës me përkrahjen e ICITAP nga SHBA.

Gjatë shërbimit 15 vjeçar në Policinë e Kosovës gradohet në Rreshter, Toger, Kapiten, Major dhe Nënkolonel policor.

Në vitin 2010 caktohet ushtrues detyre i Kryeshefit Ekzekutiv të Agjencisë së Kosovës për Forenzikë. Detyrë të cilën e ushtroi deri në vitin 2015. Në këtë cilësi dha një kontribut shumë të rëndësishëm në ngritjen e laboratorit të forenzikës në Agjenci shtetërore për Forenzikë, përfshirë hartimin e legjislacionit, transferimin e personelit, transferimin e kapitalit dhe logjistikës nga policia e Kosovës në Agjencinë e Kosovës për Forenzikë.

Në vitin 2015 emërohet Kryeshef Ekzekutiv i Agjencisë së Kosovës për Forenzikë. Menjëherë pas emërimit, Agjencia e Kosovës për Forenzikë nën drejtimin e tij shënoi suksesin e radhës: sipas normave ndërkombëtare u akredituan 5 laboratorë shkencore (laboratori për analiza kimike të narkotikëve, laboratori i ADN-së, Laboratori për ekzaminim të dokumenteve dhe laboratori i Balistikës); u zgjeruan kapacitetet forenzike me analizë shkencore të eksplozivëve, grimcave të barutit, analizës së zërit dhe audiove etj. Sot Agjencia e Kosovës për Forenzikë nën drejtimin 13 vjeçar të tij konsiderohet një prej Agjencive më të besueshme jo vetëm në Kosovë por edhe në rajon dhe më gjer.


Nga viti 2008 është i angazhuar si profesor me angazhim pranë kolegjit AAB në lëndët e shkencës së kriminalistikës me forenzikë, taktikë kriminalistike dhe terrorizëm.

Z. Olluri po ashtu është i certifikuar si ekspert për analizë të eksplozivëve, ekspert i traseologjisë dhe këqyrjes së vendit të ngjarjes. Ka ndjekur me dhjetëra konferenca shkencore, trajnime të specializuara brenda vendit, SHBA, Evropë dhe Turqi etj. Ka të publikuara punime shkencore me karakter ndërkombëtarë me impact factor dhe punime kombëtare.

Z. Blerim Olluri ishte pjesëtarë i Ushtrinë Çlirimtare të Kosovës, dhe sot gëzon statusin e veteranit luftëtarë.


Flori Bruqi

Comments

Popular posts from this blog

Libra të rinj - Shkarkim falas

Ese për Vitin e Ri

Poezi të zgjedhura nga GJERGJ FISHTA (23 tetor 1870 - 30 dhjetor 1940)