Duke folur për marrëdhëniet e Fan S. Nolit me presidentin amerikan asokohe Woodrow Wilson dhe ndikimin e tij në çështjet shqiptare, historiani i njohur shqiptar më përmasa kombëtare dhe ndërkombëtare akademik prof.dr. Hakif Bajrami thotë se vajza e presidentit Woodrow Wilson ishte e martuar me Nuredin Vlorën (veprimtar i çështjes kombëtare)
“E them për herë të parë. Woodrow Wilson që ne i thurim lëvdata dhe duhet t’i thurim dhe e tha një fjali për shqiptarët, ndërsa për serbët katër faqe e për malazezët pesë.
E ku ishte problemi?
Më takon mua të them. Bija e Woodrow Wilson ishte e martuar me Nuredin Vlorën”, deklaroi historiani Akademik prof.dr.Hakif Bajrami.
Tutje, historiani Akademik Prof.Dr. Hakif Bajrami tha se ndonëse deklarata e tij mund të duket e pabesueshme, ka dokumente për ta argumentuar atë që po e thotë.
“Kka studiues që janë të rinj, kanë mundësi të hulumtojnë ende. Mua të mos më besojnë. Unë po e them para opinionit dhe jam i gatshëm të shpalos argumente. Kjo letër është bërë në Dibër dhe e kam marrë nga arkivi diplomatik”, potencoi më tej historiani Hakif Bajrami.
Në “Debat Plus” u diskutua edhe për figurën e Hasan Prishtinës dhe ndikimin e tij në shpalljen e pavarësisë në nëntor të 1912, e gjithashtu edhe për figurën e Isa Boletinit e Bajram Currit.
Flori Bruqi
