50 prova që vërtetojnë se kombëtarja e Shqipërisë duhet të marrë 3 pikë në tavolinë

 Nga: Roland Qafoku

Në Debat në “Channel One” Roland Qafoku sjell 50 prova që vërtetojnë se kombëtarja e Shqipërisë duhet të marrë 50 pikë në tavolinë. Emisioni u transmetua mbrëmjen e 16 tetorit 2014

1 E gjithë historia e ndeshjes Serbi-Shqipëri, përgatitja e saj, zhvillimi dhe pasndeshja kanë qënë të shoqëruara me tension, me deklarata e kundërdeklarata pa asnjë synim që të zhvillohej një ndeshje normale.

2 Ky nuk është rasti i parë në kompeticione të këtij lloji që kur luan Serbia shkaktohen trazira nga tifozët dhe për të cilat skuadra dhe federata serbe janë dënuar.

3 Bllokimi dhe mospranimi tifozëve shqiptarë në stadium duke vënë si kusht identifikimin me numër pasaporte është një rast i paprecendtë në historiën e UEFA në të tilla takime.

4 Moslejmi i tifozëve shqiptarë të Luginës së Preshevës për të mbajtur flamurin shqiptar, është një masë pa asnjë sens.

5 Në asnjë rast policia serbe, federata serbe nuk ka deklaruar publikisht se jepte garanci se ndeshja do zhvillohej normalisht.

6 Që nga nbërritja në Beograd e deri në momentin e largimit, çdo shqiptar që ka qenë atje është shoqëruar me dhunë psikologjike të vazhdueshme nga autoritetet vendase.

7 Shoqërimi, kontrolli dhe bllokimi nga mijëra policë të ekipit kombëtar shqiptar, por edhe gazetarëve që e shoqëronin ekipin përbën një rast të paprecedent.

8. Kulmi I kësaj sjellje është urdhri I policisë serbe ndaj presidentit të FSHF Armando Duka që të hiqte kollaren e kuqe.

9Edhe më skandaloze ka qenë sjellja e autoritetev serbe ndaj punonjësve të ambasadës shqiptare në Beograd të cilët kërkonin të zbatoheshin rregullat dhe ligjet për mbarëvajtjen e ndeshjes.

10 Me prepotencë, pas asnjë etikë autoritetet serbe nuk janë marrë parasysh ndërhyrjen e ambasadorit tonë në Beograd Ilir Boçka në momentin kur skuadra por edhe gazetarët janë bllokuar në aeroportin e Beogradit.

11 Gjatë transportit drejt stadiumit autobusi në të cilin udhëtonte kombëtarja shqiptare është qëlluar disa herë me gurë nga tifozët.

12 Stadiumi “Partizani” i Beogradit ishte i mbushur me banderola dhe parrulla nacionaliste kundër kosovarëve, shqitarëve, kroatëve dhe boshnjakëve.

13 Pas nxehmjes, në momentin kur futbollistët tanë janë futur në dhomat e zhveshjes, janë goditur me monedha, çakmakë dhe sende të tjera.

14 Në momentin kur u ekzekutua himni kombëtar i Shqipërisë, i gjithë stadiumi fishkëlleu në formën më të ulët dhe më fyese.

15 Nga minuta e parë e ndeshjes deri në momentin që u ndërpre loja, tifozët serbë kanë thirrur “Ubij, Ubij, shqiptar” që do të thotë “vritini, vritini shqiptarët”.

16 Regjia e transmetimit televiziv të ndeshjes e cila ishte serbe me qëllim nuk transmetonte nga afër incidentet dhe përplasjet në fushë por vetëm me plan të plotë dhe nga larg duke e mbajtur për një kohë të gjatë.

17 Përgjatë 43 minutave lojë, çdo vendim i arbitrit u kontestua nga futbollistët e Serbisë.

18 Hedhja e fishekzjarreve në fushë duke rrezikuar në disa momente futbollistët tannë, në mënyrë të veçantë mbrojtësin Ansi Agolli ishte një tjetër moment i dënueshëm.

19 Pothuajse gjatë gjithë kohës tifozët prapa portës shqiptare kanë ofenduar, provokuar dhe goditur me sende të ndryshme portierin tonë të kombëtares Ertrit Berisha.

20 Përgjatë gjithë minutave që është luajtu ndeshja janë përdorur rreze lazer për të vështirësuar shikimin e porterit Ertrit Berisha.

21 Në stadium kishte qindra flamuj serbë dhe në momentin që një flamur i vetëm shqiptar u ngrit në qiell i gjithë stadiumi kaloi në histeri.

22 Në vend që futbollistë e Serbisë të qetësonin tifozët ishin ata që i hodhën benzinë zjarrit duke ulur flamurin tonë dhe duke e zhubrosur atë me mllef.

23 Është e filmuar momenti kur vetë policia e stadiumit ka hapur një nga portat nga e cila kanë vërshuar tifozët në fushë.

24 Goditja e një tifozi me stol në kokë ndaj futbollistit shqiptar Bekim Bala është një rast i paprecedentë.

25 Goditja e futbollistëve shqiptarë në momentin kur u futën në tunel nga një grup tifozësh histerikë është kulmi i asaj që ndodhi në fushë.

26 Goditja që forcat e sigurisë u kanë bërë futbllistëve shqiptarë në dhomat e zhveshjes është një tjetër rast i paprecedentë.

27 Askush nuk bëri thirrje për të qetësuar situatën. A dëgjuat ndonjë politikan, zyrtar të lartë, gazetar apo njeri publik serb të bënte thirrje për të ulur tensionet?

28 E vetmja thirrje në altoparlantin e stadiumit ishte që “shqiptarët na provokuan me flamurin e vendosur në minikopter” dhe kjo shërbeu si një shkëndijë që tifozët të irritoheshin.

29 Tifozi ultras Ivan Bogdanovic i dënuar për shkaktim trazirash në ndeshjen Itali-Serbi në vitin 2010 dhe I dënuar të mos ndjekë asnjë ndeshje në stadium, jo vetëm ishte në stadium por u fut edhe në fushë.

30 Nxjerrja e pistoletës nga një polic në fushën gjatë përleshjeve është një nga kulmet e pjesës negative të policisë.

31Ekipi shqiptar dhe rreth 50 shqiptarë që ishin në stadium qendruan për 3 orë të rrethuar në stadium.

32 Gardhet dhe kangjellat e stadiumit ishin të pasigurat në të gjitha anët.

33 Drejtuesit e federatës serbe në çdo moment pas kësaj ngjarje kanë synuar ti japin asaj ngjyrime politike dhe nacionaliste.

34 Skenari me Olsi Ramën vëllain e kryeministrit Edi Rama është një skenar i ulët dhe I denjë për shërbimet secrete komuniste të Luftës së Ftohtë.

35 Nxehmja që rezervat e ekipit tonë kombëtar kanë bërë gjatë zhvillimit të ndeshjes pranë vijës anësore është zhvilluar nën rrethimin e numri policësh gjë që tregonte pasigurinë e vazhdueshme të ndeshjes.

36 Mosvazhdimi i ndeshjes nuk lidhet me braktisjen që i bënë futbollistët shqiptarë por me vendimin e delegatit për të mos luajtur më ndeshja.

37 Asnjë zyrtar i lartë seb nuk ka deklaruar se distancohej nga dhuna e ushtruar nga serbët.

38 Kontrolli i çantave ndaj futbollistëve tanë për çfarëdo lloj arsye ka qenë një veprim i pa dëgjuar më parë në një ndeshje të këtij lloji.

39 Futja në lojë e prokurorisë së Beogradit e cila urdhëroi kryerjen e disa veprimeve si kontrolle fizike ndaj futbollistëve dhe personave të veçantë është një rast unikal.

40 Deklarata se ai futbollist serb që uli flamurin ishte heroi I ndeshjes, është një provë që vërteton skandalin e dirigjuar nga vetë serbët.

41 Reagimet nga disa shtete që erdhën në favor të Serbisë kanë vetëm nga shtete me të njëjat probleme si Greqia, Maqedonia, Mali i Zi.

42 Në tribunë u dogj fanella e futbollistit të kombëtares së Shqipërisë Valdet Rama.

43 Tifozët serbë dogjën flamurin e NATO-s. Mos vallë djegia e këtij flamuri erdhi si pasojë e provokimit nga ana e NATO-s?

44 Deklarata e drejtesit të federatës serbe se qëllimi i tifozëve ishte të largonin flamurin në minikopter është sa për të qeshur aq edhe me mungesë inteligjence.

45 Pas largimit nga stadium ekipi kombëtar dhe shqiptarët që e shoqëronin u bllokuan sërish edhe në aeroport.

46 Tifozë të ndryshëm janë future në dhomat e delegatit të UEFA dhe kanë kërcënuar zyrtarët e saj.

47 Jo vetëm nuk u janë krijuar kushte për të bërë punën normalisht por ndaj gazetarëve shqiptarë është ushtruar dhunë psikologjike gjatë gjithë kohës.

48 Sjellja e medias serbe ka qenë në kufijtë e skandalozes. Lajme të pavërtetë, me gafa e të dhëna të shtrëmbëruara, media serbe u shndërrua në një makinë propagande që i shërbeu si benzinë për zjarrin.

49 Tendenca e autoriteteve serbe për të politizuar gjithçka tregoi arsyen e vërtetë për të efshur ngjarjen e vërtetë që ka ndodhur në fushë.

50 Ndërhyrjet në UEFA dhe ndërhyrjet te autoritetet e BE nga ana e zyrtarve serbë tregon edhe një herë për fajësinë totale të Serbisë me synimin për të bërë viktimën.

Ne foto: Momenti kur kombetarja shqiptare tenton te hyje ne tunel pas dhunes ne fushe. Stadiumi i Partizanit, Beograd, 14 tetor 2014

Në Serbi sulmohen dyqanet e shqiptarëve, reagon Tirana: Nxisin urrejtjeje, ndalini

Shqiptarët që ushtrojnë biznes brenda territorit të republikës së Serbsië janë vënë në shënjestër të dhunës barabare të huliganëve.

Dy të rinj janë rrahur nga 15 serbë një ditë më parë ndërsa gjatë 48 orëve të fundit janë djegur dyqane, furra buke, fast food si hakmarje për një banderolë kuq e zi që u ngrit mbi stadiumin “Partizani” të Beogradit.

Ekstremistët serbë kanë kryer disa sulme ndaj bizneseve të shqiptarëve në Serbi, në qytetin Novi Sad, raporton agjencia serbe B92.

Sulmet kanë ndodhur pas ndeshjes e cila është zhvilluar të martën mbrëma në Beograd. Takimi nuk ka arritur të përfundojë për shkak të incidenteve në fushë.

Agjencia e lajmeve raproton se në qytetin e dytë më të madh në Serbi, katër restorante ‘fast-food’ janë sulmuar midis së enjtes dhe të premtes.

Po ashtu raportohet se një grup i personave të maskuar ka kërcënuar dhe abuzuar verbalisht një punëtore në këto restorane.

Pas këtyre ngjarjeve Policia ka arrestuar një person si të dyshuar për sulme ndaj bizneseve shqiptare në Serbi. Zyrtarë të të policisë serbe kanë theksuar se po punohet edhe për kapjen e të dyshuarve të tjerë të përfshirë në këto sulme.

Sekretari i Shtetit në  Ministrinë  e Punëve të Brendshme Aleksandër Nikoliç tha sot se Serbia nuk do të tolerojë përhapjen e urrejtjes fetare dhe etnike, dhe se të gjithë ata që bëjnë këto akte do të ndëshkohen rëndë.

Sulme ndaj bizneseve shqiptare ka pasur edhe në Beograd.

Për këtë ka reaguar dhe ministria jonë e Jashtme duke kërkuar që të ndalen aktet e dhunës.

Nën një reagim, diplomacia shqiptare thekson se aktet vandale kundër shqiptareve në Sombor, Stara Pazova, Novi Sad dhe rajone të tjera janë vazhdim dhe shprehje e një fushate të qëllimshme antishqiptare.

Gjithashtu ministrja e Jashtme i ka kërkuar autoriteteve zyrtare të Serbisë që të marrin masa të menjëhershme për ndalimin e akteve të tilla kriminale kundër shqiptarëve në Serbi dhe garantimin e qetësisë dhe sigurisë së jetës, sipërmarrjes dhe pronave të tyre. Vënia para përgjegjësisë e autorëve të akteve të tilla të dënueshme është kërkesë e gatishmërisë dhe vullnetit real për bashkëpunim mes dy shteteve- thuahet në reagim.

Prapaskena serbe, 5 variantet për dronin e Beogradit

• Gjendet fluturakja e ndeshjes Serbi-Shqipëri. Ishte në duart e tifozit të “Cervena Zvezdës”. Shfaqet në skenë pista që “droni shqiptar” të ishte hakmarrje ndaj ultrasve të “Partizanit”. Bien “pistat” antishqiptare për komandimin e mjetit

Isuf Kurtaj
Beogradi është qyteti ku shqiptarëve u kërkohet vdekja e tyre dhe ku kriminelë të shpallur botërisht si të tillë, janë të lirë, madje lejohen edhe të hyjnë në fushë e të godasin shqiptarët. Beogradi, qyteti ku shqiptarët ndalohen të shkelin dhe ku shqiptarët akuzohen kur mbi qiellin e tij valëvitet një flamur. Beogradi, qyteti kur strukturat shtetërore nuk arrijnë të ndalojnë ose tolerojnë një dron të fluturojë dhe fajin për fluturimin e tij ia faturojnë 22 mysafirëve të blinduar nga autoritetet e tyre ende pa shkelur mirë në tokë. Dhe vargu mund të vazhdojë pa fund... Pesë versionet absurde që qarkullojnë në mediat serbe për hedhjen e dronit nga shqiptarët janë hedhur poshtë nga vetë ata. Pikëpyetja më e madhe që kanë shtruar mediat serbe dhe jo vetëm është: Dronin që mbante flamurin e Shqipërisë Etnike mbi qiellin e Beogradit, kush e lëshoi dhe nga është lëshuar?
Opsioni për ultrasit e “Yllit të Kuq”
Që pas incidentit, përgjegjësinë ende nuk e ka marrë askush, edhe pse mediat serbe kanë publikuar disa variante, të cilat shpesh janë hedhur poshtë nga vetë ata. Ajo që e bën më të dyshimtë situatën është se deri më tani asnjë shqiptar nuk e ka marrë përsipër aktin, përveç disa autorësive që nuk të bindin. Nëse droni do të ishte ngritur nga tifozët shqiptarë dikush do ta kishte marrë përsipër, siç ndodh rëndom. Në forumet serbe qarkullon një ide se droni në stadiumin e Beogradit është hedhur nga tifozët ultras të “Cervena Zvezda”-s (Yllit të Kuq) të Beogradit të cilët janë në “luftë” prej vitesh me skuadrën tjetër të Beogradit, “Partizani” dhe Federatën Serbe të futbollit, pasi kjo e fundit njihet si favorizuese e saj. Dhe një rast i tillë është përdorur si një “shfryrje” nervash mes tifozerive që ekziston prej vitesh. Duelet mes dy grupeve të tifozerive të kryeqytetit të Beogradit kanë nam ndërkombëtar. Gati në të gjitha takimet janë shënuar incidente të rënda. Nga ajo që është parë në stadium natën e përballljes Serbi-Shqipëri, tifozët e “Yllit të Kuq” qenë ata që kanë ndezur atmosefën dhe i kanë prirë koreve raciste. Disa nga mediat në Beograd kanë hedhur hipoteza se mund të jenë ata që kanë organizuar futjen e dronin me flamurine Shqipërisë Etnike në fushë, vetëm evetëm për të shpërfytyruar Federatën Serbe. Edhe në rrjetet sociale serbe thuhet se një opsion i mundshëm është që dronin ta kënë futur ultrasit e “Yllit të Kuq”. Mediat serbe raportojnë se tifozët që kanë shpartalluar hekurat janë ultras të “Yllit të Kuq”. Po ashtu edhe Ivan Bogdanov, ultrasi famëkeq dhe personi që godet me karrige futbollistin shqiptar Balaj është me bluzën e ultrasve të “Cervena Zvezda”-s. Edhe tifozët e tjerë që janë futur në fushë, pjesa më e madhe e tyre shihet se në bluzat e tyre janë të stampuara shenjat e ulstrasve të “Yllit të Kuq”.
5 variantet kontradiktore
Edhe pse kanë kaluar tri ditë, dilema se kush e ka lëshuar dronin, ka mbetur mister. Një hartë e publikuar në mediat serbe jep shpjegime se nga mund të jetë nisur droni. Varianti i parë ishte që ai mund të jetë nisur nga kisha, që gjendet 150 larg stadiumit. Aty është parë një litar. Por autoritet serbe, mesditën e djeshme, konfirmuan se në këtë kishë, natën kur u luajt ndeshja, nuk ka shkelur këmbë njeriu. Opsioni i dytë sipas autoriteteve serbe ishte një studio “JNA”, ose në hotelin aty afër, i cili gjendej 200 metra nga stadiumi. Pas verifikimit, në studion tre katëshe dhe në hotel, është konfirmuar se asnjë shqiptar nuk ka prenotuar dhomë natën e ndeshjes, duke hedhur poshtë edhe këtë version. Varianti i tretë, sipas autoriteteve serbe, thotë se ai është telekomanduar nga shqiptarë që gjendeshin jashtë stadiumit. Por shanset që droni të jetë nga kontrolluar nga shqiptarët në atë atmosferë jashtë stadiumit, ku prania e njërëzve ishte e madhe, ishte zero. Varianti i katërt thotë se fluturaku, është komanduar një person në perëndim të stadiumit. Ky opsion akoma nuk është hedhur poshtë nga autoritet serbe. Pritet që në vijim të zbardhet mundësia e nisjes nga ky pozicion, por edhe për këtë version deri më tani nuk ka dëshmi. Varianti i pestë, edhe më absurdi ishte se ai që komandoi mjetin fluturues ishte Olsi Rama, vëllai i kryeministrit shqiptar Edi Rama. Njësoj si variantet e para edhe ky është hedhur poshtë.
Skenarët
Flamuri i hedhur nga qielli në stadiumin e Partizanit të Beogradit irritoi ultrasit serbë, që mbanin në duar mijëra flamuj të tyre. Ndërsa flamuri shqiptar, edhe pse sipas rregullave të shkruara të FIFA-s, duhej të ishte bashkë me tifozët shqiptarë kudo në stadium, njësoj si ai serb, mungoi, pasi palët kështu kishin rënë dakord. Strukturat shtetërore serbe u kërkuan homologëve të tyre që tifozët dhe flamuri i tyre të mos futej në stadium. Federata Shqiptare e Futbollit, respektoi këtë vendim, nuk pajisi me bileta asnjë shqiptar që të mund të organizohej në grupe për të shkuar në Beograd. Federata shqiptare topin ia kaloi palës serbe dhe për çfarëdo që mund të ndodhte në Beograd në stadium, përgjegjësia binte federatën serbe si organizatore dhe përgjegjëse për mbarëvajtjen e ndeshjes, ndërsa autoritetet serbe për rendin dhe sigurinë publike. Ata që morën përsipër ta administronin situatën me kushte, të cilat u plotësuan nga pala shqiptare duhet të kishin kontrollin e çdo gjëje, përfshi këtu edhe gjetjen e njerëzve që lëshonin “drone” fluturues në stadium. Njëzëri është pranuar se administrimi me konflikt i situatës i bërë nga pala serbe brenda në fushë, por dhe jashtë saj, ishte tejet absurd. Nisur nga kjo mund të thuhet se dronin që mbante flamurin e Shqipërisë Etnike, mund të jetë kurdisur nga dikush në Serbi, pse jo që mund të ishte i interesuar për këtë situatë. Po ashtu mund të thuhet se dronin që valëviste flamurin në stadiumin e Beogradit e kanë bërë segmente të sinkronizuar që do t'i shërbenin dikujt. Prania e mijëra forcave policore në stadium por absolutisht jo efektive në ndalimin e futjes në fushë të disa ultrasve të “Cervena Zvezde”-s, “ishte qershia mbi tortë” që vulosi skandalin e kësaj ngjarjeje të (pa)përgatitur. Pse të mos konsiderojmë dhe përjashtojmë domethënien e faktit se këto forca kryen aktin e turpshëm të kontrollit post-ndeshje për të infiltruar “provat” brenda ekipit së Kombëtares Shqiptare? Situata e tensionuar në stadiumin e Beogradit që në fillim të lojës u pa se mund të ishte një mundësi e mirë për tu manipuluar. Dhe siç u pa ashtu ndodhi, nacionalizmi serb u provokua. Dhe pyetja 1 milion dollarëshe është: Nga kush? Nga erdhi droni? Po kush e solli dronin? Shqiptarët jo. Aq më pak shteti shqiptar. Përgjegjësia është e gjitha e serbëve, sepse ata morën përsipër administrimin e situatës, duke përjashtuar shqiptarët.
Droni dhe vizita e Ramës e Putinit
Nga analiza që kanë bërë ekspertët serbë për nisjen e dronit, opsioni që ai është nisur dhe komanduar nga jashtë është i përjashtuar, njësoj siç është përjashtuar dhe mundësia e një inskenimit të paramenduar dhe me prapavija serioze për të ardhmen e vetë Serbisë, pse jo dhe në zhvillimet e ardhshme në Ballkan. Kjo ngjarje ndodhi në vigjilje të dy vizitave tepër të rëndësishme në Serbi: Presidenti rus Putin dhe kryeministri shqiptar Rama. Ngjarjet si djegia e flamurit të NATO-s, fotot dhe thirrjet histerike për Putinin, dinamika e ngjarjeve inskenimi dhe menaxhimi i paramenduar me “objektiv të qartë” i tyre po qartëson dhe skenarin e mundshëm të zhvillimeve të reja në Serbi. Nuk mund të flasim për vizitën e presidentit rus, por për atë të kryeministrit shqiptar, po. Vizita më shumë se një shtrëngim duarsh ka një mision: zbatimin e parimeve universale të Europës së Bashkuar në marrëdhëniet Shqipëri –Serbi si dhe uljen e tensioneve primitive nacionaliste dhe zgjerimin e urave të bashkëpunimit me interes reciprok.
Serbia gjeti dronin, por jo atë që e komandoi
Droni që futi flamurin me hartën e “Shqipërisë së madhe” në stadiumin Partizani të Beogradit është në duart e policisë. Sipas gazetës serbe “Kurir” që citon burime jozyrtare, droni është gjetur në qytetin e Pançevës, ndërsa tifozi serb që e kishte marrë ndodhet në ambientet e policisë ku po merret në pyetje. “Kurir” thekson se shumë shpejt do të ketë hollësi të tjera për këtë ngjarje. Ministri i Brendshëm serb Nebojsha Stefanoviç, ka dekluar se droni do t’i nënshtrohet ekzaminimeve nëse është ai që u përdor në ndeshje, ndërsa më pas raporti do t’i përvillet prokurorisë. Personi i cili u fotografua duke tërhequr dronin mendohet se është pjesë e grupit të tifozëve të drejtuar nga Ivan Bogdanov, ultrasi serb, i cili dogji flamurin shqiptar në ndeshjen Itali- Serbi në tetor të 2010-ës.

Agim Cana : Serbët bënë sjellje raciste dhe fashiste

Babai i Lorik Canës, Agimi, ka kritikuar sjelljen e serbëve në ndeshjen Serbi-Shqipëri, e cila u ndërpre para kohe. Ai i ka quajtur fashistë dhe racistë serbet, derisa nuk ka frikë që UEFA mund t’ia dënojë të birin.

Agim Cana, i ati dhe njëkohësisht agjenti i kapitenit të kombëtares Lorik Cana, ka akuzuar ëndë serbët duke i quajtur racistë dhe fashitë.

Ai nuk i trembet aspak një dënimi të mundshëm nga ana e UEFA-s për të birin, i cili ishte i përfshirë në përleshje me disa tifozë.

Në një intervistë për faqen italiane Calciomercato.it, ai flet me krenari për Lorikun pasi sipas tij, ai ka shfaqur respekt për kombëtaren shqiptare.

Z. Agim, çfarë mendoni për atë që ndodhi?

Cana: "Unë jam i zhgënjyer dhe i zemëruar, e tërë bota ka parë diçka të pabesueshme. Serbët u sollën si racistët,kafshë e fashistë. Çfarë ndodhi në Beograd nuk është normale. Ne duhet të falënderojmë perëndinë që nuk ka pasur viktima, pasi në të gjithë mbrëmje serbët këndonin "vrasin shqiptarët." Kjo lojë nuk është menduar për të filluar, kjo është absurde.

Djali juaj mund të dënohet. A jeni i shqetësuar?

Cana: Tani ne presim vendimin e UEFA-s. I shqetësuar për Lorikun Jo, ne nuk frikë nga asnjë diskualifikim Reagimi ishte i duhuri pasi doli në mbrojtje të një shoku nga një kafshë që hyri në fushën e lojës. Loriku është një djalë inteligjent dhe në fund të ndeshjes falënderoi lojtarët serbë. Këta të fundit shfaqën një sjellje të veçantë pasi me Bastan dhe Djordjevic ata janë si vëllezër te Lazio”

Ky do të jetë kujtimin më i keqi i juaji që keni përjetuar ndonjëherë?

Cana: Për ne ishte një natë dramatike. Bashkëshortja ime u tremb shumë, ashtu si edhe bashkëshortja e Lorikut. Ishte absurd të shikoje në fushë Ivan Bogdanovin pas asaj që ndodhi në Itali. Ku ishte shërbimi i sigurisë i paguar nga Federata Serbe e Futbollit

Serbia-Albania, ESCLUSIVO padre Cana: "I serbi, razzisti e fascisti". E sul rischio squalifica per Lorik...

Agim, agente del difensore biancoceleste, a Calciomercato.it: "Assurdo rivedere in campo Bogdanov dopo quanto aveva combinato in Italia"

 ROMA - L'inferno di Belgrado, la gara tra Serbia e Albania, passano i giorni ma l'amaro in bocca resta. Uno spettacolo atroce, una rissa tra due Paesi in guerra da anni. Il calcio e la politica, lo shock di chi ha visto da vicino i disordini del 'Partizana Stadion'. In esclusiva a Calciomercato.it è intervenuto Agim Cana, padre e agente di Lorik: il difensore della Lazio - protagonista durante gli scontri in campo - adesso rischia uno stop da 6 a 18 mesi di squalifica.


Signor Agim, cosa pensa di quello che è accaduto?

"Sono deluso, arrabbiato, tutto il mondo ha visto qualcosa di incredibile. I serbi si sono comportati come dei razzisti, degli animali, dei fascisti. Quello che è successo a Belgrado non è normale. Dobbiamo ringraziare Dio se non ci sono stati morti, ma per tutta la serata i serbi cantavano "Ammazziamo gli albanesi". La partita non doveva iniziare, tutto questo è assurdo".

Suo figlio rischia una squalifica sia con la Lazio che con l'Albania. Lei è preoccupato?

"Adesso aspettiamo la decisione dell'UEFA. Preoccupati per Lorik? No, non temiamo nessuna squalifica. Sono orgoglioso di mio figlio, lui ha rispetto per qualsiasi Nazione. La sua reazione è giusta, ha difeso un compagno da un animale entrato in campo. È un ragazzo intelligente e a fine partita ha salutato tutti i giocatori serbi. Tra di loro il comportamento è stato esemplare. Con Basta e Djordjevic sono fratelli alla Lazio".

Resterà questo il ricordo più brutto di sempre?

"Per noi è stata una serata drammatica. Mia moglie si è spaventata molto, così come la moglie di Lorik. È stato assurdo rivedere in campo Bogdanov dopo quello che aveva combinato in Italia. Il servizio d'ordine - pagato dalla Federazione serba - dov'era?".

http://www.calciomercato.it/news/299922/serbia-albania-esclusivo-padre-cana-razzisti-e-fascisti-ecco-chi-sono-i-serbi-le-due-squadre-comportamento-esemplare.html

Agjencioni Floripress

Ja shkeljet e serbëve para se fluturakja të hynte në stadiu

Floripress ju sjellë disa fakte që tregojnë se huliganët serbë kanë bërë shume shkelje para se fluturakja me flamurin e Shqipërisë së Madhe të hyjë në stadium.

"Të vrasim, të rrjepim shqiptarët", ishin thirrjet që u dëgjuan në ndeshjen Shqipëri-Serbi. Por shkeljet nga serbët nuk ishin vetëm kaq.

Një sërë shkeljesh me prova dhe video janë dokumentuar gjatë gjithë kësaj kohe, derisa Agjencioni Floripress i sjell këto fakte.

Poashtu pë lxuesit tonë sjellim edhe disa fotografi tjera nga ndeshja Shqipëri-Serbi.

  

Sve informacije o utakmici između Srbije i Albanije pratite na jednom mestu

Flamuri i tmerroi Serbinë dhe tifozet serb në Stadiumin komunist të Partizanit..

Prethodna stranicaSledeća stranic

Dy mendje të ndryshkura sllave

Prof.dr. Eshref Ymeri

Presidenti Putin, dje, më 16 tetor, gjatë rrugës për në Milano, u ndal për një vizitë të shkurtër në Beograd, ku mori pjesë në paradën e organizuar për nder të 70-vjetorit të çlirimit të qytetit.

Në takimin dypalësh të të dy presidentëve - Putin Nikoliç - u fol për miqësinë shumëshekullore të popullit rus me popullin serb. Në atë takim nuk u lanë jashtë vëmendjes edhe ca probleme të mprehta, si ai që lidhet me çështjen e Kosovës. Presidenti Tomislav Nikoliç tha:

“Për ne sot gjëja më e rëndësishme është përkrahja që na jepni ju për ruajtjen e tërësisëterritoriale dhe të pavarësisë së Serbisë, sidomos për çështjen e Kosovës. Unë e di që ju i përmbaheni këtij parimi. Serbia shikon te Rusia partnerin dhe bashkëluftëtarin e saj të madh. Dhe vendi ynë nuk do të vërë në rrezik marrëdhëniet e veta të mira dhe të kahershme me Rusinë…”.

Putini, në fjalën gjegjëse, theksoi:

“Ju përmendët qëndrimin e Rusisë lidhur me Kosovën. Rusia mban një qëndrim parimor. Ky qëndrim bazohet jo vetëm në miqësinë dhe në afrinë tonë, por edhe në të drejtën dhe në drejtësinë ndërkombëtare. Ky është një qëndrim parimor. Dhe si i tillë, ai nuk do të pësojë kurrfarë ndryshimi. Ne e kemi përkrahur dhe do të vazhdojmë ta përkrahim Serbinë. Rusia nuk bën tregti me miqësinë…”.

Kosova po shkon drejt vitit të shtatë të shpalljes së pavarësisë dhe deri tani është njohur nga 107 shtete, kurse presidenti serb shikon ëndrra në diell për punën e tërësisë territoriale të Serbisë, përfshirë edhe Kosovën brenda saj! Dhe Putini, president i një supershteti, ivjen pas avazit. Domosdo që u është ndryshkur mendja që të dyve.

Santa Barbara, Kaliforni

17 tetor 2014

LIBRI I 34-t I FLORI BRUQIT - “DIADEMË LETRARE II”

Rexhep Shahu

KLUBI I POEZISE njofton se hyri ne shtyp ne Prishtine libri i 34 i Flori Bruqit

LIBRI I 34-t I FLORI BRUQIT - “DIADEMË LETRARE II”

Që në krye të këtyre shënimeve për librin e fundit (i 34-ti), “Diademë Letrare II”, të gazetarit, shkrimtarit, kritikut e studiuesit shkencor Flori Bruqi, po e them se nuk do ta ndjek traditën e pahijshme të shkrimeve që bëhen për autorë apo për libra të ndryshëm, ku shkruesit e shkrimeve prezantuese, promovuese apo analizuese, në vend që të flasin rreth autorit e librit që marrin në dorë, fillojnë e rrëfejnë, keq e shumë keq, për dijet e tyre të mangëta, për bëmat e tyre të bëra keq, të pabëra apo të ëndërruara e të pamundura, që shpalosin erudicionin e tyre të mangët e shterpë, që gjejnë rast të nxijnë faqe letre, në gazeta, revista a në libra të huaj, për me folë për veten e tyre e përrallat që kanë dëgjuar kafeneve dhe rrallë, fort rrallë, flasin ndonjë fjalë që s’thotë asgjë për librin e autorin e librit që marrin në dorë apo marrin përsipër ta trajtojnë, duke shpalosë një krekosje acaruese, një padije të thellë e një servilizëm të pështirë ndaj autorit për të cilin duan të flasin, nga ndonjë qëllim jashtëletrar ose për shkak të rrethanave të caktuara, të dyshimta, që shtojnë pabesueshmërinë e artikujshkruesve dhe dëmtojnë e cënojnë autoritetin e librit e të autorit të librit për të cilin nxijnë faqe kompjuteri apo letra të bardha. 

Në të shumtën e rasteve, krahas padijes e servilizmit, këto lloj shkrimesh i prodhon ndonjë interes i ngushtë çasti dhe pandershmëria e atyre që shkruajnë.

Them që në krye shënime, pasi është e vështirë t’i klasifikoj këto radhë apo fjalë në ato që njihen si rregullat e qarta të klasifikimit për shkrimet kritike që bëhen për libra të ndryshëm që botohen.
Them është e vështirë sepse ky libër i Flori Bruqit çelet pikërisht me një shkrim të gjatë profesional mbi kritikën letrare dhe kriteret që janë caktuar për të bërë një kritikë, shkrim që e trajton kritikën letrare në thellësi që në fillimet e saj, duke krahasuar e ballafaquar përvoja të ndryshme të huaja e vendase për kritikën dhe kritikën letrare.

Unë e kam të vështirë ta bëj kritikën e kritikës. Thjeshtë po e përshëndes këtë libër të 34 të Flori Bruqit, si një kontribut me vlerë në letrat shqipe, si “një libër që i shtohet mendimit kritik për letrat shqipe” siç shkruan poeti dhe shkrimtari Izet Duraku.

Në këtë libër te Flori Bruqit shfaqet gjeografia e gjërë e tematikës që ai trajton, gjeografia e gjërë e interesave të tij letrare, e autorëve dhe veprave që analizon e merr në shqyrtim. Dhe gjithmonë po flasim për atë që ai ka shkruar, për atë që është në libër dhe jo për ato gjëra, fjalë e qëndrime që mungojnë në libër dhe autori nuk i ka marrë në trajtim në këtë vëllim të dytë të librit të tij “Diademë Letrare II”, por që i gjenden të botuara në organe të ndryshme të shtypit të shkruar a të medias elektronike. 

Në Diademë Letrare II, Flori Bruqi ka guxuar të merret me tema të rënda, me autorë të përmasave të mëdha, të cilët me ndikimin e tyre në letrat shqipe e më gjërë në fushën e letrave në shkallë europiane e botërore, janë rrezatues e imponues, janë “të frikshëm” për t’u marrë me to, apo për t’u afruar pranë tyre. 

Pas një trajtimi të gjërë e të thellë të kritikës letrare, çfarë është e pse është ajo, si është, ku është e si duhet e mund të jetë në letrat shqipe, kur fillon e si fillon, si është lëvruar e si ka evoluar, Flori Bruqi na paraqet Frojdin me tërësinë e tij dhe të zgjidhjes së enigmave që ky shkencëtar ka bërë për njerzimin. 

Flori Bruqi i krijon lehtësi e komoditet lexuesit edhe jo profesionist që ta kuptojë e të bindet për ndikimin e madh që pati në botë e në fushën e letrave Frojdi si psikologu që me tezat e tij u bë i pashmangshëm dhe imponues për t’iu referuar gjithkush që merret me letrat, kritikën letrare dhe laboratorin e krijuesit apo studiuesit shkencor.

Me durim e vullnet të spikatur studiuesi Flori Bruqi analizon tëresinë e veprave kritike të Ibrahim Rugovës dhe ndikimin që ai pati në historinë e letrave shqipe, duke qenë ndër të parët që i drejtoi kamerat dhe interesat letrare e shkencore nga shkenca letrare perëndimore për ta avancuar kështu kritikën dhe studimet letrare të autorëve shqiptarë dhe për t’u shkëputë nga shkolla lindore, term ky thjeshtë konvencional, ashtu siç ishte perëndimor edhe shkrimtari i parë modern i letrave shqipe, Pjetër Bogdani, të cilin Rugova e ka studiuar dhe analizuar në tërësi e në thellësi edhe si artist edhe si filozof paraprijës i modernitetit shqiptar. 

Pasi paraqet, siç e përmendëm Ibrahim Rugovën me gjithë plotninë e tij si kritik e studiues i epërm i letërsisë që shërben si model për pasuesit me po atë fuqi e lartësi si politikan i pambërritshëm e i papërsëritshëm i kombit shqiptar, Flori Bruqi sjell vështrimin e tij për Krist Malokin – dijetarin shqiptar të Gracit të Austrisë, këtë aristokrat modern të letrave shqipe, i cili me fuqinë e argumentit e të dijës së thellë u rri si kurorë letrave shqipe dhe shërben si model i vështirë e “arrogant” për pasardhësit për shkak të dijeve, fuqisë dhe elegancës në analiza. Pak dihet për Krist Malokin për shkak edhe të nënvleftësimit a lënies mënjanë me dashje nga politika dhe shkenca letrare zyrtare e udhëhequr nga politika dhe për shkak edhe të skrupulozitetit të tij e të raportit të tij të pakompromis me të vërtetën gjatë analizimit të letërsisë apo të çfarëdo fenomeni shoqëror apo letrar.

Flori Bruqi kalon nga Dante Aligeri te Ismail Kadare i shtyrë nga mesazhet e mëdha që përcjell letërsia e madhe e autorëve që kanë fuqi rrezatuese e unifikuese për letërsinë e tyre kombëtare. Ferri ferr mbetet si dje, sot e nesër. 

Qëndresa si vlerë kombëtare e shqiptarëve apo si ëndërr e dëshirë e përhershme e shqiptarëve në shumë vepra të Kadaresë, dimrat si stinë e dimrat si vuajtje për shqiptarët, si metaforë në letërsinë e Kadaresë, urat e kështjellat, besa e mbajtja e fjalës së dhënë, janë qëmtime, gjetje e pohime që Flori Bruqi i lehtëson për lexuesin e pangeshëm a dembel të letërsisë së Kadaresë dhe i paraqet me gjuhën e studiuesit në “Diademë Letrare II”.

“Princin shqiptar të kinemasë”, Bekim Femiun, këtë artist të përmasave botërore, këtë Uliks a Odise shqiptar, këtë patriot shqiptar që bëri për shqiptarët më shumë se divizione e taborre bashkë duke pohuar kudo skenave botërore se ishte shqiptar dhe nuk guxuan t’ia ndërrojnë asnjë germë të emrit asnjëherë, që edhe me vdekjen e vet dhe derdhjen e hirit të trupit të tij në Lumbardhin e Prizrenit i shërbeu Kosovës e shqiptarëve, Flori Bruqi e bën pjesë të librit të tij “Diademë Letrare II”, jo për shkak të librit me kujtime që ka shkruar Bekim Femiu, por për shkak se gjithë jeta e vepra e tij ishte në shërbim të artit e ishte art.

Edhe poeti, shkrimtari, këngëtari e patrioti idealist Jusuf Gërvalla është vështruar në tërësinë e tij nga Flori Bruqi me dashuri e konsiderata për artin e jetën e tij në shërbim të Kosovës e të çeshtejs shqiptare.

Nga “Diademë Letrare II” mësova se Jakov Mile, autori i librit “Raca Shqiptare”, mik i Migjenit, patriot i thekur shqiptar, kishte qenë ministër bujqësie në Shqipëri dhe u ndjeva me turp që nuk e kam ditur kur është dashtë me e ditë për me ia vendosë portretin krahas portreteve të gjithë ministrave të tjerë të bujqësisë të Shqipërisë të ekspozuar në mjediset e Ministrisë së Bujqësisë në Tiranë. 

Flori Bruqi edhe për shkak të doktorimit të tij e të shkollimit në në fushën e shkencore të Defektologjisë, është njohur në thellësi me veprën e Jakov Miles, me thëniet e kundërthëniet, me tezat e kundratezat dhe është përfshirë edhe vetë në debatet shkencore e jo shkencore mbi librin e bujshëm “Raca Shqiptare”. Vështrimi për këtë vepër e këtë çeshtje zë vend të rëndësishëm në këtë pjesë të dytë të Diademës Letrare.

Në “Diademë Letrare II” ndërthurën të vjetrit me të rinjtë, të huajt me shqiptarët, të gjallët me të vdekurit e gjallë, shkrimtarët që jetojnë në Kosovë, në Shqipëri, në Diasporë, ata që shkruajnë shqip e ata që shkruajnë për tema shqiptare në gjuhë të huaj dhe ndërthurën mes tyre natyrshëm Aleksandër Xhuvani studiues, gjuhëtar e veprimtar i kulturës kombëtare, Naim Kelmendi poet e publicist, Shefqet Dibrani publicist e poet, Amiko Kasaruho autoritet i rrallë moral i shqiptarëve që shkroi tmerrin e diktaturës komuniste të Shqipërisë që e provoi në kurriz dhe përktheu mrekulli nga letërsia botërore në gjuhën shqipe, shkrimtari Mehmet Kajtazi me korpusin e veprave të tij, Ramiz Kelmendi me kontributet e tij të shumta, Kadrush Radogoshi me jetën e veprën e vet, Engjëll I. Berisha me poezitë e tij, Jakov Xoxa, Sterjo Spase, Haki Stërmilli, Foqion Postoli si katër shkrimtarë të fillimeve të letërsisë së ndërprerë në Shqipëri para diktaturës dhe në fillimet e saj si dhe dhe kompozitori i njohur Rexho Mulliqi që mbetet krenari dhe emblemë në krijimtarinë muzikore shqiptare në Kosovë.

Një libër është si një godinë. Flori Bruqi kishte aq shumë material e lëndë të parë për libër sa nuk mjaftojnë tre – katër libra 300 faqësh për ta përfshi gjithë materialin e lëndën e parë në dispozicion. Shpresojmë se autori do të “ndërtojë” libra të tjerë me shkrimet e shumta që ka të shpërndara gjithandej nëpër website e organe të ndryshme shtypi.

Rexhep Shahu 

Tiranë, shtator, 2014