Nga Prof.dr. Eshref Ymeri : Kremlini e zbuloi fytyrën e vërtetë

Nga Prof.dr. Eshref Ymeri

        Para ca ditësh, siç është bërë e njohur nga mjetet e informimit masiv, ministria e punëve të jashtme të Rusisë dha shpjegime lidhur me votën kundër projektrezolutës së Këshillit të Sigurimit të Organizatës së Kombeve të Bashkuar për vrasjet masive në Srebrenicë njëzet vjet më parë.

        Për projektrezolutën që paraqiti Britania e Madhe, votuan dhjetë anëtarë, kurse katër prej tyre, midis tyre edhe Kina, abstenuan.

        Pala ruse vuri veton për këtë projektrezolutë.Ngjarjet e Srebrenicës, sipas projektrezolutës angleze, qenë cilësuar si një gjenocid i pastër. Përfaqësuesi i përhershëm i Rusisë në Organizatën e Kombeve të Bashkuara Vitali Çurkin “sqaroi” se projektrezoluta e propozuar nuk na qenkej konstruktive dhe se ajo të gjithë fajin ua hidhte vetëm serbëve, çka mund të sillte si pasojë konflikte të reja.

        Me këtë rast, presidenti serb Tomislav Nikoliç, i entuziazmuar nga qëndrimi i Kremlinit, në një deklaratë të posaçme për mjetet e informimit masiv, tekstin e së cilës e pati botuar Blic, theksonte me të madhe se dita kur u vu vetoja ruse kundër projektrezolutës për Srebrenicën, qenkej një ditë e madhe për vendin e tij. Sipas fjalëve të tij, Rusia jo vetëm nuk lejoi të hidhej hije mbi mbarë popullin serb, por edhe vërtetoi se ajo është një mikeshë e vërtetë e Serbisë.

        Një burim diplomatik rus u pati deklaruar gazetarëve se “projektrezoluta për Srebrenicën, ashtu siç ishte paraqitur, ishte e papranueshme” (Citohet sipas: “Rusia vuri veton në Këshillin e Sigurimit kundër Rezolutës për Gjenocid në Srebrenicë”. Marrë nga faqja e internetit “interfaks.ru”.08 korrik 2015).

        Sipas këndvështrimit paradoksal të diplomacisë së Kremlinit, rezulton se për gjenocidin e tmerrshëm në Srebrenicë, nuk na qenkan fajtorë vetëm serbët! Por atë krim barbar, me përmasa të lemerishme në territorin e Bosnjë-Hercegovinës, e kryen pikërisht bishat fashiste të Millosheviçit që përfaqësoheshin nga Karaxhiçi dhe Mlladiçi. Lexuesit nuk kanë ndonjë tjetër informacion për pjesëmarrje formacionesh të rregullta ushtarake të ndonjë shteti të huaj gjatë asaj vrasjeje masive, që të kujton krimet e Hitlerit gjatë Luftës II Botërore kundër hebrenjve dhe kundër popullsisë civile në pjesën perëndimore të Bashkimit Sovjetik.

        Po si shpjegohet ky qëndrim kriminal i Kremlinit ndaj projektrezolutës britanike dhe entuziazmi alergjik i presidentit serb nga përkrahja ruse me veton në Këshillin e Sigurimit?

        Shpjegimi është fare i thjeshtë. Edhe Beogradin, edhe Kremlinin, i bashkon psikologjia e krimit.Këtu e ca vjet të shkuara, zoti Xhafer Martini, në një artikull mbresëlënës me titull “Qytetërimi dhe barbaria nuk mund të bashkëjetojnë”, paraqet disa fakte interesante për kodin moral të serbëve. Ndër të tjera, ai shkruan:

“Serbët janë si hienat që vërsulen mbi kërma. Serbët jo vetëm e vrasin njeriun, por edhe e përçudnojnë kufomën në atë mënyrë, saqë ajo të mos identifikohet fare se ç’ka qenë: njeri, kafshë apo ndonjë gjallesë tjetër. Kodi i car Dushanit, ndryshe nga Kanuni ynë burrëror e njerëzor, parashikon dënime nga më të çuditshmet që nuk njihen as në popullsitë e egra të ndonjë zone të thellë të globit tokësor.Nga llojet e dënimeve për fajtorin, që janë të panumërta, parashikohen gjymtimet më të rënda trupore, si prerja e veshëve, prerja e hundës, prerja e duarve, nxjerrja e syve etj.” (Gazeta “Rimëkëmbja”, 21 nëntor 2000, f. 4).

Për analogji me krimet serbe kundër popullit boshnjak dhe kundër popullit shqiptar të Kosovës, u rekomandoj lexuesve të respektuar të shfletojnë gazetën “Shekulli”, 27 tetor 2002, f. 17, në të cilën është botuar një fotografi befasuese me këtë diçiturë:

“Kufomat e dy luftëtarëve çeçenë, duke u tërhequr zvarrë pas një kamioni ushtarak rus”.

Dhe pranë dy kufomave duket një ushtar entuziast rus që është duke i goditur ato me shkelma. Më tutje, në një plan të dytë të fotografisë, këtë skenë makabre janë duke e soditur dy ushtarë të tjerë. Kurse pak më thellë, në planin e tretë të fotografisë, tre të tjerë ushtarë të ngeshëm rusë, hipur majë një autoblinde, vazhdojnë ta ndjekin me kënaqësi skenën e mësipërme.Sigurisht që kjo skenë rrëqethëse është vetëm maja e aisbergut të krimeve të përbindshme që shovinizmi rusomadh dhe makina e tij ushtarake ka kryer kundër popullit liridashës të Çeçenisë. Poshtërimi i kufomave të dy luftëtarëve çeçenë nga ana e ushtarëve agresorë rusë, zbulon fytyrën e vërtetë gjakatare të shovinizmit rusomadh dhe përmbajtjen e kodit moral të ushtarëve rusë (kopje e kodit moral të ushtarëve serbë), të cilët Kremlini i kishte lëshuar si bisha të tërbuara kundër një populli të vogël, por heroik.

Por, për t’u njohur më nga afër me psikologjinë e krimit që karakterizon Kremlinin, u propozoj lexuesve të nderuar të njihen me një rrëfenjë të të ndjerit Aleksandër Litvinjenko, ish-oficer i Shërbimit Federativ të Sigurisë, i cili ra viktimë e Putinit, pas demaskimit që ai u bëri përgatitjeve paraprake të tij për masakrimin e popullit çeçen:

“I gjendur si mysafir mes miqve të mi çeçenë, unë po ndiqja një film dokumentar, ku shihej qartë se si qarqet ushtarake ruse po fshinin nga faqja e dheut qytete dhe fshatra çeçene, duke shfarosur me egërsi dhe pa mëshirë gra, pleq dhe fëmijë. Për një orë e gjysmë, unë isha dëshmitar i krimeve të përbindshme dhe i torturave të llahtarshme të atyre njerëzve që u pati buzëqeshur fati për të lindur dhe për të jetuar në këtë botë si njerëz të lirë dhe krenarë.

U duhet dhënë haku autorëve të filmit, në të cilin nuk bëhej kurrfarë propagande: aty flitej vetëm me gjuhën e së vërtetës. Aty kishte vetëm të vërtetë dhe asgjë përveç së vërtetës. Dhe kur në kuadrin e radhës, nga ekrani i televizorit po më vështronte një plak i thinjur që kishte humbur çatinë mbi kokë, ose një vogëlush pesëvjeçar me pamjen e një burri të rritur, mua më erdhi turp tmerrësisht që jam rus dhe unë, si i ndotur me pisllëk kokë e këmbë, kisha dëshirë t’ia rrjepja me shparcë lëkurën vetvetes, së bashku me përkatësinë time kombëtare, si bir i popullit “të madh dhe të fuqishëm” rus. Tek po ndiqja të gjitha tmerret e asaj lufte, fatkeqësitë dhe vuajtjet e njerëzve të pambrojtur, shikoja burrat çeçenë që po shtrëngonin grushtat në heshtje, gratë çeçene që po qanin pa bërë zë, kurse unë dëshiroja vetëm një gjë: të bëja një dush me ujë të nxehtë dhe të vazhdoja të rrjepja, të rrjepja dhe përsëri të rrjepja gjithçka që ne e emërtojmë me fjalën  “RUS”, në mënyrë që trupi im asnjëherë të mos lëshojë më erën e qelbur rusizëm.

Vladimir Bukovski¹, dikur, duke përsiatur për Rusinë dhe për rusët, pati deklaruar:

“Putini!?Ai nuk është rus,vrasës dhe fundërrina të tillanuk kanë kombësi.Rusë janë njerëz të tillë, si puna ime, si Saharovi dhe si Sollzhenjicini”.

Nuk ka dyshime se edhe këtë herë Vladimir Bukovski ka pasur të drejtë.Se njerëz të tillë, si puna e Putinit, nuk kanë kombësi. Poatëherësiibëhethallitme 145 milionëtetjerë, pa pëlqimin e heshtur të të cilëve nuk do të kishte në këtë tokë putinë dhe soj të degjeneruarish dhe maskarenjsh si puna e tij? Dhe ç’kombësie i përkasin këto miliona gjallesash të heshtura dhe të nënshtruara, të cilat, ende për forcë zakoni, vazhdojnë ta quajnë veten RUSË?

Atëherë çfarëështë lumturia? Lumturi do të thotë kur nuk e fsheh kombësinë tënde. Lumturi do të thotë kur nuk të vjen turp për Atdheun tënd. Lumturi do të thotë kur nuk të pështyjnë nga pas për faktin që ti je RUS!” (Citohetsipas: AleksandërLitvinjenko. “Çfarëështëlumturia?”.Marrë nga faqja e internetit “apocalypse-2012.com”.06qershor 2006).

Tek po ballafaqoja në përfytyrimin tim krimet e shtazërisë serbe në Srebrenicë dhe në Kosovë, me krimet e shtazërisë ruse kundër popullit heroik çeçen, nuk mund të rrija pa sjellë në kujtesë masakrimet barbare të nazifashizmit grek kundër popullsisë së pafajshme të krahinës shqiptare të Çamërisë. Dhe vetvetiu vjen e tëravijëzohet në kujtesë trekëndëshi dybrinjënjëshëm: me dy brinjët Moskë-Beograd dhe Moskë-Athinë dhe me bazën Beograd-Athinë. Një trekëndësh ortodoks ky, i mbarsur me një urrejtje shtazërore mesjetarekundër tre popujve të besimit islam në kontinentin tonë.Për krimet e Srebrenicës u përgatit një projektrezolutë me nismën e Britanisë së Madhe. Po për krimet e nazifashizmit grek kundër Çamërisë dhe për krimet e shovinizmit rusomadh kundër Çeçenisë, a do të kujtohet kush vallë për të përgatitur ndonjë projektrezolutë? Nuk e besoj. Se Shqipëria është një vend pa zot. Se klasa politike e Tiranës, gjatë 25 vjetëve,jo vetëm qëështë selitur si një servile e pështirë e Greqisë, por ka edhe paturpësinë ta konsiderojë atë si “fqinjen tonë strategjike”. Paçka se Greqia sot përfaqëson shtetin më të pamoralshëm të rruzullit tokësor. Sa për Çeçeninë, mund të thuhet me bindje se Putini atje i ka kopsitur punët me shumë kujdes: ka vënë në krye të saj një kukull të zgjedhur për merak, një tradhtar të regjur të popullit çeçen me emrin Ramzan Kadirov, i cili, sa herë bëhen zgjedhje presidenciale në Federatën Ruse, Kremlinit ia sjell votat të gatshme në tabaka, me rezultatin 99,99%.

-------------------------

¹VladimirBukovski (1942), shkrimtar, personalitet politik dhe shoqëror,është njëri nga themeluesit e lëvizjes së kundërshtarë vetë regjimit në Bashkimin Sovjetik.

Nëtërësi, aipatikaluar 12 vjet nëpër burgje dhe kampe të punës së detyruar.Në vitin 1976, autoritetet sovjetike e shkëmbyen me udhëheqësin e komunistëve kilianë Luis Korvalan (1916-2010), i burgosur politik.Pas këtij shkëmbimi, Bukovski u shpërngul në Angli, ku edhe jeton në Kembrixh.Në vitin 2007 ai vuri kandidaturën për president i Federatës Ruse, por komisioni qendror i zgjedhjeve nuk e regjistroi emrin e tij.Në vitin 2014, ministria ruse e punëve të jashtme nuk pranoi t’i jepte shtetësinë (E.Y.).

Tiranë, 23 korrik 2015

Filloi kampi interaktiv treditor për të rinj në Gërmi

Rreth njëzet fëmijë sot ishin pjesëmarrës në kampin intereaktiv i cili është duke u organizuar në Qendrën Rekreative në parkun e Gërmisë.

Përzgjedhja e fëmijëve që aplikuan për të qenë pjesë e këtij kampi u bë nga lagje të ndryshme të kryeqytetit, me qëllim që ata të njihen me njëri tjetrin, të shkëmbejnë përvojat e tyre, mirëpo edhe të zhvillojnë aftësitë e tyre që mund të ju shërbejnë në të ardhmen.

Këtë aktivitet të organizuar nga OJQ “Toka” dhe Klubi Alpin “Prishtina”e ka përkrahur Komuna e Prishtinës, duke i dhënë shtëpizat, furnizimin me rrymë e me ujë falas të tyre, si dhe subvencionim direkt të aktivitetit nga Drejtoria e Kulturës.

“Gjatë këtyre tre ditëve, me përkrahjen e Komunës së Prishtinës e cila ka qenë shumë e rëndësishme dhe në bashkëpunim me Klubin Alpin Prishtina dhe “World Wide Fund for Nature”, do të realizojmë një program tre ditor përmes së cilit të rinjtë do të mësojnë për natyrën, si të mbijetojnë në natyrë, si ta përdorin kompasin, hartën, si t’ia ofrojnë ndihmën një personi të lënduar, e po ashtu këta fëmijë do ta realizojnë edhe nga një videoincizim lidhur me temën e natyrës”, tha Jehona Gjurgjeala, organizatore e këtij aktiviteti nga OJQ “TOKA”.

Ndërsa, drejtoresha e Drejtorisë së Kulturës, Rinisë dhe Sportit, Saranda Bogujevci tha se si qeverisje jemi të përkushtuar që të organizojmë sa më shumë aktivitete për të rinj.

“Sivjet për herë të parë do të përdoren edhe shtëpizat në Qendrën Rekreative të Gërmisë, ndërsa do të organizohen edhe aktivitete të shumta për fëmijë dhe do të mundohemi që sa më shumë t’i shfrytëzojmë hapësirat publike për organizime të ndryshme rekreative”, tha Bogujevci.

Kampe të tilla do të realizohen edhe në të ardhmen, ndërsa pjesë e tyre do të jenë fëmijë nga lagje të ndryshme të qytetit, të cilët po ashtu do t’i stërvisin shkathtësitë edhe në alpinizëm nën mbikëqyrjen e trajnerëve të Klubit Alpin Prishtina.

Mitrovicë: Situatë e qetë e sigurisë, s’ka vend për panik

Ai tha se është në të mirë të Kosovës që të mos lejohet ekstremizimi i shoqërisë dhe i shtetit të Kosovës. Hyseni ka përgëzuar institucionet komunale për angazhimin e tyre në këtë drejtim.Gjendja e përgjithshme e sigurisë në qytetin e Mitrovicës është më e qetë sesa në gjashtë mujorin e dytë të vitit të kaluar, ndërsa sa i përket problemit të ekstremizmit, nuk ka vend për panik.
Kështu u vlerësua gjatë takimit me Këshillin Komunal për Siguri në Bashkësi (KKSB) të premten në Mitrovicë, ku ka marrë pjesë edhe ministri i Punëve të Brendshme të Kosovës, Skënder Hyseni.

Sipas tij, feja islame dhe ‘Isis’-i janë koncepte krejtësisht të kundërta dhe nuk kanë asgjë të përbashkët.

Edhe pjesëmarrësit tjerë në këtë takim u pajtuan se situata aktuale në komunën e Mitrovicës është e qetë dhe stabile, ndërsa sa i përket çështjes së ekstremizmit nuk ka vend për shqetësim. /A.Damati/

Arsim Gërxhaliu :Gërmimet për personat e zhdukur nisin javën e ardhshme, Mjekësia Ligjore e përgatitur

Marrëveshja mes Departamentit të Mjekësisë Ligjore dhe kompanisë “Loti” e cila do t’i realizojë gërmimet në terren për personat e zhdukur, tashmë është nënshkruar. Kjo marrëveshje është vlefshme për tri vjet. Kjo kontratë është nënshkruar dje.

Tashmë janë bërë planifikimet dhe qysh javën e ardhshme pritet të fillojë puna në terren. Drejtori i Mjekësisë Ligjore, Arsim Gërxhaliu thotë se gjithçka është bërë brenda afateve ligjore, veçse problemi ka qenë se vetëm një apo dy kompani që kanë konkurruar kanë poseduar ekskavatorë, e shumë kompani kanë aplikuar pa i plotësuar kriteret.

 Gërxhaliu thotë procesi i gërmimeve nuk është duke u zvarritur, por po punohet. Madje, sipas tij, është shfrytëzuar edhe kjo kohë, që të shtjellohen informata rreth lokacioneve në terren.

Gërxhaliu: Tashmë e kemi kompaninë, për tri vjet nuk do të ketë probleme për dalje në terren
“Zakonisht kontrata kur të lidhet,ajo zgjat 3 vjet. Ne me kohë, brenda afateve ligjore kemi bo kërkesat.....Dje është firmosur kontrata e njëjtë. Menjëherë brenda ditës së djeshme dhe të sotme ne e kemi bërë planifikimin dhe që nga java e ardhshme me ekspertë të EULEX-it do të dalim në teren. Janë detektuar dy lokacione ku do të dilet dhe menjëherë do të fillojmë punën në terren. Procedurat ligjore kanë qenë të tilla dhe nuk kemi mundur do të thotë të dalim”, tha Gërxhaliu.

Gërxhaliu shpjegon se planifikimin e gërmimeve do ta bëjnë javor, pasi që në ndonjë lokacion mund të mbesin edhe me muaj të tërë, siç ishte ai i Rashkës.

Por ai sqaron se krejt këto përgatitje për terren po marrin kohë. Megjithatë, pohon se Departamenti që ai udhëheqë është i përgatitur që çdo minutë të dalë në terren.

Gërxhaliu: Jemi të përgatitur për terren

“Jemi të përgatitur çdo minutë me dal në terren. Kemi marr edhe 5 vetura për terrene të vështira, donacion nga EULEX-i. Jemi kompletuar me mjete, jemi të gatshëm në çdo minutë por ju thash se edhe qasja në terren është paksa, se duhet të njoftohen edhe disa organizata, duhet të njoftohet edhe Kryqi i Kuq dhe disa organizata tjera, Policia e Kosovës, hetuesit, krejt kjo të qitet në letër dhe ne i përgjigjemi vetëm prokurorit të shtetit”, thotë ai.

Por, problem sipas drejtorit të Deparatamentit të Mjekësisë Ligjore është përgatitja teknike-profesionale në nivel shteti.

Këtu ai përmend faktin se për 16 vjet shteti i Kosovës nuk ka arritë të përgatisë një laborator adekuat për mbetje kockore.

Gërxhaliu: Kemi teknologji, por jo edhe njerëz

“Ta them me plotë të drejtë se Kosova nuk ndodhet tani në një pozicion ku mungojnë mjetet për punë. Kemi teknologji shumë të mirë por faktorin njeri nuk e kemi. E faktori njeri do një trajnim paksa më të gjatë. Trajnime një javore jashtë shtetit nuk mundesh me krijuar kuadër se ne nuk kemi laboratore të cilat e kanë krijuar një bazë të ekspertëve dhe pastaj këta ekspert të jenë të gatshëm me prodhuar njerëz të rinj, ekspertë të rinj”, thotë ai.

Gërxhaliu njofton se tashmë kanë bërë edhe detektimin e disa lokacioneve, madje edhe të një rasti specifik. Por, për këtë, presin që ministri i Drejtësisë ta procedojë në Qeveri, pasi që çka është jashtë planifikimit kërkon kosto financiare.

Ndërsa, për gërmimet në veriun e Mitrovicës, Gërxhaliu thotë se është pak më problematike sepse aty vijnë rregullat e EULEX-it sa i përket çështjes së sigurisë. Megjithatë, ai shpreson që të gjitha vendet e dyshuara do të kontrollohen.

Gërmimet do të nisin javën e ardhshme dhe do të realizohen brenda territorit të Kosovës.


*****

Familjarët e të pagjeturve dhe komisionin qeveritar vlerësojnë se puna në terren në kërkim të të zhdukurve po zvarritet. Ata përmes një letre do t’i drejtohen presidentes, kryeministrit dhe kreut të Kuvendit, duke iu kërkuar shpjegim për një gjendje të tillë.

Përfaqësuesi i familjeve, Bajram Qerkinaj, këtë herë u paraqit me i revoltuar se asnjëherë. Ai kërkoi nga shteti që komisioni në të cilin edhe ai bënë pjesë, të mund t’i ushtrojë kompetencat që i takojnë me ligj. Ai drejtoi akuza edhe ndaj Departamentit të Mjekësisë Ligjore, atij vendor dhe ndërkombëtar, duke thënë se aty bëhen ‘lojëra me eshtra’.

Kurse, kryetari i komisionit Prenk Gjeta, fajin për vonesën e gërmimeve e lë tek DML-ja, ku thotë se janë vonuar në nënshkrimin e marrëveshjes me kompaninë kontraktuese e cila do t’i kryente gërmimet.

Komisioni për Personat e Pagjetur mbajti sot mbledhjen e radhës ku edhe u caktua grupi punues që do të merret me organizimin e 30 gushtit, ditës së të zhdukurve.

Pjesë e mbledhjes së sotme nuk ishin përfaqësuesit e Departamentit të Mjekësisë Ligjor, ata vendor dhe ndërkombëtar.

Përfaqësi i familjarëve te t ë zhdukurve, tha se komisionin qeveritar të cilin e ka krijuar vet qeveria, është bllokuar duke mos mundur të kryejë punën siç duhet.

Qerkinaj: Do të kërkojmë llogari për vonesën e gërmimeve

“Do të sjellim një vendim sot, por do ta vlerësojmë javën tjetër menjëherë me familjarë, apo nesër, dhe do të kërkojmë prej stafit të presidentes, kryeparlamentarit dhe kryeministri i cili e ka obligim të takohemi dhe të na dhënë një shpjegim pse po stagnon kjo punë kaq e dhimbshme për familjarë e të pagjetur. Kur i kanë lënë gjysmë, kur e dimë ku janë, këta le të merren vesh me politikën e ndërkombëtarëve, këta le të na dhënë informatë neve dhe të lirojnë njeriun. T’i dhënë kompetencë komisionit qeveri që të kryej punën e vet, sipas atij ligji që është iaprovuar, nuk po dalim nga ai ligj”, tha ai.

Qerkinaj përsëriti që janë në dijeni për vendin dhe kohën kur shumë nga më të dashurit e tyre janë vrarë dhe varrosur. Por, tha se politikat nuk po i lënë që të punohet drejtë zbardhjes së fatit të tyre.

Kryetari i Komisionit qeveritar për Persona të Pagjetur, Prenk Gjetaj këtë vit e vlerëson si vitin më të keq.

Ai tha se po mungon koordinimi i aktiviteteve, e kështu komisioni qeveritar nuk po mund të kryejë punën e vet. Gjetaj vlerëson se koha më e mirë për gërmime veç iku, e krejt kjo si pasojë e mungesës së kompanisë për gërmime, e që për këtë fajëson DML-në.

Gjetaj:Po mungon koordinimi i aktiviteteve

“Mungon koordinimi i aktiviteteve, komisioni qeveritar nuk po mund të kryejë punën e vet sepse derisa ana profesionale sillen në mënyrë të pa përfillshme, pikërisht edhe sot, që askush nga përfaqësuesit e mjekësisë ligjore nuk kanë qenë prezentë dhe nuk japin n donjë përgjigje pse ka ngecë procesi i gërmimeve vlerësuese ...Ne ua kemi tërheqë vërejtjen që procedurat të kryhen me kohë, sepse para tre vitesh po e njëjta gjendje ka ndodhë. Tre muaj gati janë shkuar në kuptim të përzgjedhjes, tenderimeve, përsëritjeve, dhe në janar ua kemi tërheqë vërejtjen DML-së që të përkujdesen në mënyrë që kur të skadon kontrata, të jetë kompania e gatshme që të kryejë detyrën”, tha ai.

Gjetaj kujtoi se gjatë këtij viti dy aktivitete gërmuese kanë rezultuar me gjetje, një që ishte konfirmim i identitetit dhe një që rezultuar negativ. Ai përmendi edhe rastin e 27 prillit, ku tha se zhvarrosja e tre trupave të cilët më parë kanë qenë të identifikuar, është dështim.

Ndërsa, Bajram Qerkinaj u shpreh i mllefosur edhe ndaj Departamentit të Mjekësisë Ligjore.

Qerkinaj: Në mjekësinë ligjore bëhen lojëra me eshtra

“Mjekësinë ligjore nuk dua me i përmend. Haptas po them, mjekësinë ligjo vendore e ndërkombëtare duhet të futet prokuroria dhe gjykatësi hetues. Aty bëhen lojna me eshtra”, tha ai.

Në mbledhjen e stome të komisionit u caktua edhe grupi punues që do të merret me organizmin e 30 gushtit, Ditës së të Zhdukurve.

Hashim Thaçi, deputetëve të PDK-së: Specialen, ose shkojmë në zgjedhje

Lideri i Partisë Demokratike të Kosovës (PDK), Hashim Thaçi, në takimin e fundit të mbajtur këtë javë me grupin parlamentar të partisë së tij i ka kërcënuar deputetët se nëse javën e ardhshme nuk e votojnë Gjykatën Speciale, do t’i shkarkojë nga partia dhe njëkohësisht nëse shkohet në zgjedhje të jashtëzakonshme në vjeshtë, nuk do t’i fusë në lista zgjedhore.

Sipas këtyre burimeve, Thaçi në takim është treguar shumë i ashpër me deputetët e tij, pasi që, zyrtarët e lartë ndërkombëtarë e kanë fajësuar pikërisht shefin e partisë më të madhe në vend për dështimin e Speciales në Kuvend, pasi që disa deputetë të PDK-së votuan kundër e disa tjerë abstenuan për themelimin e kësaj Gjykate.

“Asnjë deputet, që ka votuar fillimisht kundër Speciales, nuk iu kundërpërgjigj Thaçit derisa ky i fundit i kërcënoi me shkarkim nga partia dhe mosfutje në lista zgjedhore nëse shkohet në zgjedhje të jashtëzakonshme parlamentare”, bëri të ditur burimi.

EULEX mohon kërcënimet ndaj Maria Bamieh

Sot gjatë ditës u raportua se raportuar se ish prokurorja e EULEX, Maria Bamieh është kërcënuar me ndjekje penale nga EULEX nëse ajo zbulon çfarëdo detajesh të padisë së saj palëve që nuk janë të përfshira në padinë e ngritur prej saj ndaj këtij misioni.

Por, EULEX nuk pajtohet me këtë gjë.

Zëdhënësit e këtij Misioni kanë thënë për Klan Kosovën se e mohojnë kategorikisht kërcënimin me burg, sepse sipas tyre ata nuk kanë as juridiksion për ta bërë këtë.

“Misioni kategorikisht mohon kërcënimin ndaj çdokujt me shumë vite burg. Misioni nuk ka mandat dhe nuk ka juridiksion për ta bërë këtë”.

Ata gjithashtu kanë deklaruar se është e vërtetë që e kanë kundërshtuar publikimin e pohimit, por nuk i kanë kërkuar askujt që të mos flasë me mediat.

“EULEX-i nuk ka kërkuar nga askush të mos flasë për mediat. Të gjithë janë të lirë të flasin me mediat, nëse dëshirojnë”.

“Misioni, si pjesë e procedurës së rregullt para një gjykate, e ka kundërshtuar publikimin e pohimit. Kjo është e bazuar në faktin se nuk është e përshtatshme të lansohen pohime për publikun, të cilat citojnë informata konfidenciale të një hetimi penal që është në vazhdim e sipër në Kosovë”

Sipas EULEX, publikimi i një pohimi të tillë nuk duhet të bëhet.

“Misioni beson se nuk është e përshtatshme të publikohet një pohim që përmban emrat e palëve të treta që, sipas mendimit të Misionit, do të vuajnë dëme të reputacionit si rezultat i këtij pohimi”.

“Të gjitha palët e këtyre procedurave civile duhet t’i respektojnë dispozitat e Kodit Penal dhe t’i mbrojnë informatat konfidenciale“.

Ata në fund thanë se Misioni i EULEX në Kosovë është duke i ndjekur të gjitha procedurat e duhura ligjore dhe do të sjellë rastin para Gjykatës, e cila do të vendosë mbi këtë çështje.

Ministri i Punëve të Brendshme z.Skendër Hyseni: Kosova kurrë nuk do të bëhet çerdhe e ISIS-it

 Ministri i Punëve të Brendshme Skender Hyseni ka thënë se Kosova kurrë nuk do të bëhet çerdhe e ISIS-it. Ai se të gjithë duhet të angazhohen që ta evitojnë këtë dukuri e që sipas tij nuk i duhet vendit.

Hyseni ka thënë se 100 shtetas nga Kosova aktualisht janë duke luftuar në Siri dhe Irak ndërsa 40 shtetas të Kosovës kanë humbur jetën në këto luftëra.

Sipas tij Kosova ka arritur një progres mjaft të mirë në luftën kundër terrorizmit.

Megjithatë ai thotë se vendi edhe pse me shumicë myslimane është shembull i tolerancës ndërfetare.

Skendër Hyseni: Nuk është gjetur helm te të dyshuarit për terrorizëm

Ministri i Punëve të Brendshme Skender Hyseni ka thënë se tek te pesë të dyshuarit e arrestuar për terrorizëm nuk është gjetur helm.

Hyseni në emisionin “Komiteti” në transmetuesin publik, ka thënë se në këtë rast nuk duhet nxituar për shkak se rasti është nën hetime ndërsa ka lavdëruar Policinë e Kosovës për profesionalizëm.

Sipas tij as Kosova nuk mund të jetë imune ndaj problemeve globale që shqetësojnë botën e as për terrorizëm.

Kjo dukuri sipas Hysenit është shqetësuese por nuk ka vend për panik sepse Policia e as inteligjenca e Kosovës nuk posedojnë asnjë informatë kredibile për ndonjë rrezik.