Agimi Shahini në pritje të gjyqit ku akuzohet për mashtrime:Pse prokuroria dyshon se Shahini tjetërsoi mall në vlerë prej mijëra eurosh?

  

Kreu i Aleancës Kosovare të Biznesit, Agim Shahini, deklaroi mbrëmë në emisionin “Ekonomia me Erëzën”, se mezi pret që të nis gjyqi ku ai akuzohet se mashtroi dy banka në Kosovë.

Prokuroria në Mitrovicë më 9 mars të vitit 2012 ka ngritur aktakuzë ndaj Shahinit dhe dy vëllëzërve të tij, Bashkimit e Skënderit.

Ata akuzohen se kanë mashtruar bankën “TEB”.

Të tre së bashku akuzohen se kanë dëmtuar qëllimshëm “TEB Bank”-ën duke tjetersuar pasurinë e kompanisë së tyre “Besarti Company” që e kishin lënë peng për të marrë një kredi në vlerë prej 250 mijë eurove.

Edhe “Raiffeisen Bank”, ka të njëjtin hall me Shahinin.

Kjo bankë me 5 maj të vitit 2010 ka dorëzuar kallëzim penal në Prokurorinë e Mitrovicës.

Prokuroria, edhe në këtë rast, ka nisur hetimet ndaj Agim Shahinit nën dyshimin se ka tjetërsuar

mallin e kompanisë “Besarti Company” që e kishte lënë peng në këtë bankë për të marrë një kredi në vitin 2007 në vlerë prej 500 mijë eurove .

Shahini kundërshtoi mbrëmë këto akuza. Tha se edhe ai ka ngritur padi ndaj bankave dhe medieve që kanë raportuar për këto raste.

“Nuk mendoj që dikush mund ti tjetërsoj pronat,sepse ato prona janë prona të cilat janë në gjykatë dhe janë prona të vërtetuara në organe komunale. Nëse ato janë tjetërsuar në atë formë,gjykata do të marrë vendim dhe në presim qe gjykata të jap mendimin e vetë e jo mediat”, tha Shahini.

Shahini shtoi se gjithçka do të sqarohet në procesin gjyqësor.

“Unë mezi po pres qe kjo të filloj dhe të përfundoj ne favor të drejtësisë”, deklaroi Shahini.

Shahini u pyet edhe për problemet në menaxhimin e Aleancës Kosovare të Biznesit.

Faqja zyrtare në internet e AKB-së nuk ka asnjë të dhënë për rolin e saj dhe ka gabime të mëdha.

Tek stafi hasen foto të njerëzve që nuk janë pjesë e AKB-së. Ngjashëm ndodh edhe tek

përshkrimi i punës së Shahinit. Aty është e vendosur fotoja e dikujt që nuk ka të bëjë me AKB-së.

Shahini pohoi se hakerët e kanë sulmuar faqen dhe se po bëjnë përpjekje që ta rikthejnë atë.

https://www.facebook.com/MeErezen/videos/1714660358817066/

Dr.Nijazi Halili-Konferenca e Londrës tokat e Shqipërisë i përdori si monedhë këmbimi, për të pajtuar interesat e Fuqive të Mëdha!

Diskutimi për territoret e Shqipërisë zgjati nga dhjetori i vitit 1912 deri në gusht 1913. Atje u paraqitën disa porjekte. Fillimisht konferenca u mor me kufijtë veriorë dhe verilindorë.

U zhvilluan debate edhe një dyluftim i ashpër diplomatik, sidomos ndërmjet Austro-Hungarisë dhe Rusisë për qytetet dhe krahinat shqiptare. Sidomos Shkodra u bë strumbullari i gjithë problemit të kufijve të Veriut.

Më 22 mars Konferenca mori vendimin përfundimtar të Fuqive të Mëdha për kufijtë veriorë dhe verilindorë të Shqipërisë. Në kundërshtim të hapur me parimin e kombësisë dhe të vullnetit të popullit shqiptar, nga trungu i Shqipërisë u shkëputën Kosova dhe vise të tjera shqiptare si: Tetova, Dibra, Gostivari, Kërçova, Struga etj., që kaluan në zgjedhën e re serbo-malazeze. Shkodra mbeti në kufijtë e Shqipërisë, të cilët me pak ndryshime ishin, pothuajse të njëjtë me kufijtë e sotëm të shtetit shqiptar.

Nga fundi i marsit, Konferenca e Londrës filloi të merrej me kufijtë jugorë. Edhe këtu debatet ishin të ashpra, sidomos për Korçën dhe Gjirokastrën. Austro-Hungaria dhe Italia luftuan që këto t’i mbeteshin Shqipërisë , duke i quajtur si “shtyllat e Herkulit të Shqipërisë.

Më 11 gusht 1913 Konferenca vendosi që kufiri i Shqipërisë në jug të përfshinte brenda Korçën dhe të dilte në Kepin Stillo në perëndim dhe ishulli i Sazanit t’i mbetej Shqipërisë. Pjesa më e madhe e Çamërisë dhe vise të tjera shqiptare në Jug mbeteshin jashtë shtetit shqiptar. Mbeti i papërcaktuar edhe fati i Gjirokastrës. Me këto vendime , brenda Shqipërisë u përfshinë afërsisht vetëm gjysma e trojeve dhe e popullsisë shqiptare. Gjysma tjetër mbeti jashtë kufijve shtetërorë dhe u shkëput padrejtësisht nga trungu i atdheut. Brenda Shqipërisë u përfshi një minoritet i vogël grek në krahinat e Dropullit dhe të Delvinës.

Konferenca vendosi që të ngriheshin dy komisione ndërkombëtaqre për kufijtë në veri , verilindje dhe në jug të vendit. Këto veprime , mbas veprimtarisë së komisioneve që erdhën në Shqipëri në tetor 1913 u plotësuan me Protokollin e Firences, 17 dhjetor 1913, që përcaktoi kufijtë jugorë dhe juglindorë të vendit. U caktuan kufij që me pak ndryshime ekzistojnë edhe sot. Qeveria greke nuk e kundërshtoi zyrtarisht këtë protokoll, por ajo nuk i tërhoqi menjëherë trupat e saj dhe organizoi në tokat e Shqipërisë së Jugut “lëvizjen autonomiste Vorio-Epiriote”.

Në këtë Konferencë tokat e Shqipërisë u përdorën si monedhë këmbimi,në orvatje për të pajtuar kontadiktat e Fuqive të Mëdha. Populli shqiptar dhe qeveria kombëtare e vlorës kaluan një tronditje të thellë. Kudo u organizuan mitingje dhe manifestime proteste.

Qeveria e Vlorës dërgoi një delegaciontë saj në Londër, i cili bëri përpjekje të mëdha të parandalonte këtë katastrofë , por pa dobi. Në pranverën e vitit 1913 , vetë Ismail Qemali, Isa Boletini dhe Luigj Gurakuqi ndërmorën një udhëtim në Romë, në Vjenë, në Paris e në Londër, për të mbrojtur të drejtat kombëtare të popullit shqiptar. Por ky delegacion u prit me mospërfillje. Ismail Qemali u shpreh qartë se shqiptarët nuk do t’i përkuleshin fatit dhe se do të mbronin çështjen e tyre .

Gani Mehmetaj :Eunukët shqiptarë në mbrojtje të Jugosllavisë e Turqisë

Kur hordhitë serbe bënë krime të shëmtuara në Kosovë e në territoret etnike pas tërheqjes së ushtrisë turke, shqiptarët e harruam gjenocidin anadollak. Turku mizor papritmas u bë turk i mirë. Por me turkun e mirë kohë të gjatë askush nga shqiptarët nuk u mor.

As turku nuk u mor më shqiptarët, ua la në duar serbëve, më të cilët zhvillonte marrëdhënie të shkëlqyeshme. Dashuria ndaj turkut shpërtheu befas në dhjetëvjetëshin e fundit më depërtimin e frymës islamike. Eunukët shqiptarë, përnjëherë e rikujtuan dashurinë për Turqinë islamike. Deri dje nuk u bëhej vonë as për turkun, as për islamin, sepse e shqyenin gurmazin më lëvdatat për Jugosllavinë. Pjesa dërmuese e këtyre eunukëve shqiptarë janë gjysmë analfabetë. Ka edhe ndonjë intelektual eunuk, që u shërben me servilizëm.

Kur e mori frerin e udhëheqjes së Jugosllavisë Milosheviçi, i cili nisi më dhunën që nuk mbahej në mend në tridhjetë vjeteshin e fundit, shqiptarët e Kosovës e të territoreve etnike e harruan gjenocidin e ushtrisë jugosllave. Grupe të tëra nisën ta vajtonin kohën “e artë” të Jugosllavisë. Në këtë vajtim eunukësh harruan se Josip Brozi, vrau 50.000 shqiptarë të Kosovës e të territoreve etnike, shpërnguli në Turqi, në marrëveshje më shtetin turk mbi 250.000 shqiptarë dhe burgosi mijëra bashkëkombës tanë. Ky terror vazhdoi me intensitet deri me 1966, kur nga presioni ndërkombëtar iu lirua laku shqiptarëve. Tito, për krime e ngarkoi ministrin e vet të brendshëm A.

Rankoviqin. Prapë 50.000 shqiptarët që i vrau për katër vjet (1945- 48), nuk i përmendi. Në vlerësimet e mëvonshme shqiptarët e vrarë u cilësuan armiq të Jugosllavisë. Dënimi politik i torturave të Rankoviqit u bë me 1967. Atë nuk e ekzekutuan, as nuk e burgosën, megjithëse akuzohej për qindra shqiptarë të vrarë e mijëra të torturuar. Rankoviqin e pensionuan.

Por ra zemërimi i propagandës jugosllave mbi te, Tito doli i larë. Në sytë e shqiptareve, prapë me procesin e shpërlarës së trurit, Tito mbeti shpëtimtarë. Dhe shqiptarët eunuk nisën ta shajnë e ta dënojnë vetëm dhunën e Rankoviqit, por nuk e thanë asnjë fjalë të keqe kundër Titos. Ai për një pjesë të shqiptarëve me tru të shpërlarë mbeti biri më i madh i shekullit XX.

Është e habitshme që këtë dozë dashurie servile e dëgjon edhe sot e kësaj dite në Kosovë, e në territoret etnike, por edhe në Shqipëri: Tito i mirë, Miloshevqi i keq, Jugosllavia shtet i të barabartëve, Serbia burg i shqiptarëve.

Ndërkaq, Jugosllavia ishte Serbi e zgjeruar, e mbështjellë më demagogjinë e vëllazërim-bashkimit. Serbia edhe më tutje mbetet burg i shqiptarëve: komunat e Preshevës, Bujanovcit e Medvegjës janë nën terror, ndërsa janë territore shqiptare.

Serbia nuk ka ndryshuar. Mbase një pjesë e këtij shkulmi të vonuar të nostalgjisë për Jugosllavinë është pasojë e qeverisjes së keqe në Kosovën e pavarur, kur erdhën në krye të shtetit njerëz pa kulturë, pa arsimim e më të kaluar baritore, por eunukët nuk e bëjnë vetëm për këtë arsye. Nostalgjikët jugosllav sikur i vajtojnë privilegjet e tyre personale e grupore pa u brengosur se si jetuan pjesa dërmuese e bashkëkombësve.

Këtë dashuri ndaj Jugosllavisë nuk e thonë publikisht, nuk e deklamojnë sikurse bënin dikur, por e thonë kurdo që u vjen rasti në biseda të përditshme.
Në Shqipëri po ashtu një pjesë e qarqeve intelektuale e artistike asnjëherë nuk ngurruan e nuk ngurrojnë ta lavdërojnë kohën e Titos. Natyrisht edhe në Tiranë, sikurse në Prishtinë, lobi serb është shumë i fuqishëm, në mediet elektronike e të partitë. Duke i dëgjuar apo duke debatuar me ta të mbërthen dëshpërimi. Athua nuk e njihnin pozitën e shqiptarëve në ish Jugosllavi? Nuk duan ta njohin kohën e vuajtjeve të bashkëkombësve të tyre?

Apo aq u bën, mjafton që ata e patën mall Jugosllavinë, ndërsa ai mall nuk iu hoq as sot e kësaj dite, megjithëse Jugosllavia vdiq.

Brezi i vjetër i nipërve të Enver Hoxhës, mund të kuptohej pse kanë nostalgji për Jugosllavinë dhe pse nuk i urrejnë serbët (komunizmi i mësoi se nuk duhet të urrejnë popujt, por qeverisjen e keqe), por është e pakuptueshme prej nga nostalgjia e brezit të ri për Jugosllavinë e servilizmi për serbët.

Njëfarë Rigels Halili, i prezantuar kulturolog në “Radion Evropa e lirë”, në frymën e eunukut servil e mbron Jugosllavinë, e shtrembëron shëmtueshëm historinë e Kosovës e të territoreve etnike shqiptare, e kritikon nacionalizmin e Ismail Kadaresë, i cili në vitet e tetëdhjetë doli i vetmi shkrimtar në mbrojtje të shqiptarëve në ish-Jugosllavi.

Duke u përpjekur t’u futet nën sqetull serbëve, R. Halili në mënyrë cinike përpiqet të na tregoj se ne nuk paskemi qenë të okupuar, por të barabartë në Jugosllavi. Dhe pastaj fillon elozhet për Jugosllavinë e për serbët. Në Shqipëri i duam serbët, në Kosovë i urrejnë, u lëpihet serbëve, ky eunuk nga Shqipëria. Turpin e bashkëkombësve të vet të cilët e ftuan në Tiranë këngëtarin shovinist G. Bregoviq, (i ka kënduar himn ushtrisë së Milosheviqit), apo Z. Çoliqin përpiqet ti nxjerr pozitive.

Ish bashkiakun e Tiranës, E. Ramën e nxjerr dashamirë të serbëve që ia dha Bregoviqit çelësin e Tiranës, në vend që kryeministri i tashëm t’ia jepte çelësin e shtëpisë së vet. Meqë ky far Halili është i tredhur në tru, nuk e di, as nuk do ta dijë se jugosllavët vranë 50.000 shqiptarë të Kosovës për katër vjet. Apo aq i bënë? Opinionet e tij për Jugosllavinë “e popujve të barabartë” janë opinione të njëjta më ato të Enver Hoxhës, i cili pati komplekse të paskajshme inferioriteti ndaj jugosllavëve. Nipi i Enverit nuk dallon nga gjyshi.

Eunukët shqiptarë e mbrojnë me ngulmë Jugosllavinë e Turqinë, duke shkelur mbi interesat e kombit e shtetit të tyre. Janë qindra, mbase mijëra të tillë që s’prajnë si urith natën e ditën. Rrëmojnë themelet e shtetit e të kombit të tyre për interes të shteteve, të cilat rendojnë aq shumë mbi kombin tonë.

Mbi 290 punime të doktoraturës në Maqedoni kanë rezultuar plagjiat, një pjesë e madhe e këtyre punimeve janë zbuluar me materiale të kopjuara dhe të përshkruara nga punime dhe libra tjerë shkencor.

Kjo është zbuluar nga sistemi kompjuterik dhe softueri i Ministrisë së Arsimit dhe Shkencës, i cili ka alarmuar se shumë punime doktorature të finalizuara janë përpunuar me materiale të huazuara dhe të përshkruara.

Ministria e Arsimit dhe Shkencës pritet të ndërmarrë masa për të gjitha doktoraturat e dyshimta, dhe në rast se rezultojnë plagjiat, atëherë institucionet arsimore që kanë dhënë këto tituj apo komisionet e formuara pranë kësaj ministrie do ti marrin titullin shkencor personit apo shkencëtarit të caktuar. Në vendet e BE-së vazhdimisht po shpërthejnë skandale lidhur me plagjiaturat e punimeve shkencore.

Në Maqedoni deri tani nuk ka ndodhur që ndonjë shkencëtari ti merret titulli shkencor. Mirëpo, Ministria e Arsimit dhe Shkencës së shpejti do të nis një fushatë të tillë, duke pasur në qendër të vëmendjes të gjithë titujt shkencor të punonjësve të shkencës nëpër universitete dhe atyre që kanë përfituar titujt shkencor në universitetet shtetërore, private dhe të huaja.

Nga seanca e gjykimit të ‘Grupit të Kumanovës’

 A1on.mk ka publikuar një video ekskluzive nga seanca e gjykimit të ‘Grupit të Kumanovës’ ku shihen shqiptarët e burgosur në ‘Lagjen e Trimave në Kumanovë’.

Gjithashtu në video shihet edhe avokati mbrojtës Naser Raufi dhe forca të shtuara të policisë që janë të ulur rreth dhe në mesin e shqiptarëve të akuzuar për ‘terrorizëm’.

Kujtojmë se më 7 dhjetor po të njejtët u deklaruan si të pafajshëm përball gjykatësit të rastit.

Ja me çka po transportohet Grupi i Kumanovës

Procesi gjyqësor i rastit “Lagjja e Trimave” në të cilin janë të akuzuar 29 pjesëmarrësit e grupit të armatosur në ndodhitë e 9 dhe 10 majit të vitit të kaluar në “Lagjen e Trimave” – Kumanovë, ka filluar në Gjykatën Themelore Shkupi 1. Para fillimit të seancës gjyqësorë, është vërejtur numër i madh i forcave të policisë si dhe helikopterë.

Forca të mëdha policore me mjete të blinduara po transportojnë të akuzuarit e rastit të Kumanovës të ngjarjeve të 9 dhe 10 majit në Lagjen e Trimave në Kumanovë.

Në mesin e tyre në gjykatë është sjellë edhe Sami Ukshini – i njohur si komandant Sokoli. Forca të mëdha policore po mbajnë të blinduar zonën, ndërsa po lejohet vetëm prania e gazetarëve të akredituar. Para gjykatës janë edhe familjarë të të akuzuarëve.

Para fillimit të seancës gjyqësorë, është vërejtur numër i madh i forcave të policisë si dhe helikopterë.

Përndryshe, 29 pjesëtarët e grupit të armatosur, sipas aktakuzës akuzohen për terrorizëm dhe prishjen e rendit kushtetues të Maqedonisë.

Trupi gjyqësorë për ta gjykuar rastin “Lagja e Trimave- Kumanovë” tashmë është caktuar. Gjykata e Shkupit ka miratuar aktakuzën për rastin edhe pse pala mbrojtëse pat kërkuar shfuqizim të akuzës dhe lirimin e të arrestuarve.

Kujtojmë se Avokati i Popullit ka hapur një lëndë për torturë policore ndaj të akuzuarve për të njëjtin rast.

Në Gjykatën Themelore Shkupi 1 sot duhet të filloj procesi gjyqësor kundër 29 personave të akuzuar për terrorizëm për ngjarjet në Lagjen e Trimave në Kumanovë që u zhvilluan gjatë muajit maj të vitit të kaluar.

Nëpër rrugët e Shkupit shihen forca të mëdha policore, automjete të blinduara dhe helikopter që patrollojnë qendrën e Shkupit, aty ku gjendet edhe Gjykata Themelore Shkupi 1.

Sot gjykimi për grupin e Kumanovës

Sot fillon gjykimi për ngjarjet e Kumanovës, që u zhvilluan më 9 dhe 10 maj 2015.

Nga kjopërleshje mes grupit të armatosur dhe forcave policore u vranë 8 pjesëtarë të policisë maqedonase dhe 10 persona nga grupi i armatosur. Nëbankën e të akuzuarve pritet të ulen 29 persona, shumica prej tyre nga Kosova, por edhe nga Maqedonia.

Prokuroria Publike pritet që të dëshmojë tezën se personat e akuzuar kanë planifikuar një seri sulmesh terroriste në territorin e Maqedonisë.

Nga ana tjetër, pala mbrojtëse hedh poshtë akuzën për terrorizëm. Përveç opinionit dhe familjeve të viktimave, në pritje të epilogut të gjykimit janë edhe banorët e Lagjes së Trimave, në Kumanovë.

Ndërsa në Gjykatën Themelore Shkupi 1, zhvillohej procesi gjyqësor për 29 personat e akuzuar për ngjarjet e fillim- majit të kaluar në Kumanovë, familjarë të shumtë të tyre, kryesisht nga Kosova ishin mbledhur përpara Gjykatës. Gjyqi për Kumanovën, familjarët nuk lejohen të marrin pjesë në seancë.

Megjithatë asnjëri prej tyre nuk u lejua të futej brenda. Familjarët të revoltuar, kërkuan gjykim të drejtë për të afërmit e tyre, pasi vlerësojnë se janë të pafajshëm. Ata gjithashtu kërkuan ti jepet fund keqtrajtimit të të akuzuarve.

“Çfarë presim ne për familjarët tonë as më pakë e as më shumë fatin e atyre shumë shqiptarëve në ato skena që janë bërë nga 2001 e këndej , por edhe në vetë betejën e Kumanovës ku njerëzit ishin të dorëzuar dhe sot nuk janë në jetë.

Ne sot urojmë , shpresojnë dhe natyrisht kërkojmë nga bota demokratike por edhe nga forcat demokratike të popullit Maqedonas, në popull besojmë, në qeveri assesi që këta njerëz të trajtohen brenda ligjeve që janë për të gjithë qytetarët në Maqedoni”, deklaroi Gani Krasniqi, familjar i Muhamet Krasniqit.

“Unë ka ardhur me pa vëllain Fadil Elshanin nuk po na lënë me hy brenda ne prej atje kemi marrë rrugën ata nuk na lanë me hyjë. Plotësisht ai është i pafajshëm kemi bërë kërkesë po nuk po na lanë vetëm një thonë se duhet të hyjë me pa , na kemi ardhur prej Kosovës me pa pse kështu na jemi motrat nuk e dijë çfarë ligji është këtu , nuk besojmë çfarë drejtësie me e marrë të pafajshmin djalin”, u shpreh Hata Kuçi, familjare e Fadil Elshanit.

“Unë kamë kushëririn e burgosur këtu e kanë familjarin e burgosur këtu por nuk na lejnë as me hy as me pa se çka bëhet këtu dhe kemi ardhur këtu po presim. Shpresojmë se do të jetë gjykimi i drejtë se janë të pafajshëm dhe duhet të ketë një gjykim të drejtë dhe shpresojmë të jenë të lirë të gjithë. Nuk është e vërtetë atë e dinë të gjithë janë manipulime dhe një fëmijë ta pyesësh atë e dinë të gjithë dhe duhet të lirohen”, tha Shefki Rushiti , familjar i Fejzulla Rushitit.

Para nisjes dhe gjatë mbajtjes së seancës gjyqësore për grupin e Kumanovës, masat e sigurisë ishin në nivelin më të lartë të mundshëm. Shumë rrugë ishin të bllokuara për orë të tëra, helikopterët qarkullonin pa ndërprerë, ndërsa forca speciale policore kishte në çdo cep.

Familjari i Muhamet Krasniqit, i njohur si Komandant "Malisheva", Gani Krasniqi ka bërë të ditur se kush ishin ata që tradhtuan grupin e Kumanovës.

Ai ka thënë se në krye qëndron qeveria e Maqedonisë.

Për më shumë ndiqeni videon:

Dyshimet po shtohen për thënien e liderit të opozitës, Zoran Zaev se ka dëshmi për ngjarjet e Kumanovës dhe heshtjen disa ditore të tij, pas asaj deklarate në Kapishtec dhe ngurrimin për të dhënë sqarime, se ky njeri, këtë deklaratë e ka bërë qëllimisht për të shpërqëndruar vëmendjen e opinionit nga temat e nxehta aktuale politike.

Edhe selia e LSDM-së heshti në lidhje me deklaratën e liderit të saj, Zoran Zaev për ngjarjet e Kumanovës.

Nëse merret parasysh ajo kur për herë të fundit Zaev në deklaratën publike para gazetarëve përmendi sulmet terroriste në Kumanovë, në fillim të dhjetorit parashtrohet pyetja se pse mu tani?

Për herë të parë, më shumë se dy muaj për Zaevin përsëri është aktual rasti i “Lagjes së trimave” edhe atë pesë ditë nga seanca e parë gjyqësore e caktuar sot kur fillon gjykimi i 29 të akuzuarit.

Ngritje tensionesh për interes politik apo e vërtetë ndryshe për të cilën opinioni e ka të panjohur, dhe duhet ta dëgjojë?

Por prej LSDM-së tani për tani ka vetëm heshtje, ndërsa nuk ka ende reagime as nga ana e organeve kompetente të përfshirë në hetimet dhe nëse këto deklarata të Zaevit kanë ndonjë ndikim në gjithë procesin.

Zhujë Hamzaj, i njohur në luftën e vitit 2001 si Komandant Zhuja ka shprehur në mënyrë eksplozive revoltën e tij ndaj procesit gjyqësor që po zhvillohet kundër pjesëtarëve të grupit të Kumanovës. Komandant Zhuja, i cili ka qenë bashkëluftëtar dhe mik i afërt i Beg Rizajt, Mirsad Ndrecajt, Komandant Sokolit, Xhafer Zyberit, i është bashkangjitur reagimeve të shumta në të cilat fajtor kryesor për ngjarjet e Kumanovës përmendet Bashkimi Demokratik për Integrim.

“Unë si ushtarë i Ushtrisë Çlirimtare Kombëtare në vitin 2001 i boj thirrje te gjitha partive shqiptare që t’i lirojnë djemtë nga burgi se vetë partia në pushtet BDI-ja ika tradhtu”, ka shkruar Zhujë Hamzaj në facebook.

Nesër do të mbahet seanca gjyqësore për rastin e 29 të arrestuarve të grupit Kumanova të cilët akuzohen për zhvillimet e muajit maj në qytetin e Kumanovës.

Për të folur rreth kësaj i ftuar në Ballë për Ballë të emisionit Ora e Fundit ishte Naser Raufi, avokati i disa prej të arrestuarve.

Raufi ka thënë se nga 29 të arrestuarit, 17 janë nga Kosova, një nga Shqipëria ndërsa 12 të tjerë nga Maqedonia.

Ai ka treguar se nesër do të mbahet seanca kryesore por nisur nga numri i provave ai është shprehur se pret që do të mbahen edhe 30 të tilla deri në përfundim të këtij rasti gjyqësor.

“Mendoj që do të ketë shumë seanca pasi provat e Prokurorisë janë me sasi shumë të madhe ashtu si edhe provat e palës mbrojtëse”.

“Deri tash, asnjëri nga të akuzuarit nuk e ka pranuar se ka kryer veprën e terrorizmit”.

Sipas Raufit, të akuzuarit e këtij rasti janë viktima.

“Krejt kjo është skenar i shërbimeve sekrete ndërsa këta që janë të arrestuar sipas meje janë viktimë e politikës së Qeverisë”.

“Ju kujtohen bombat e Zaevit andaj vëmendja duhet të ishte dikund tjetër dhe ky rast u shfrytëzua”.

Ai ka thënë se ndonëse Prokuroria ka shumë prova, ato nuk e shprehin realitetin.

“Provat e Prokurorisë nuk tregojnë se janë këta veprues, janë selektive dhe bazohen në përgjimet e telefonave të të akuzuarve por nuk ka asnjë bisedë që i inkriminon të akuzuarit”.

“Përgjimet telefonike tregojnë skenarin e këtij rasti, skenari është që Shërbimet Sekrete ta shfrytëzojnë për qëllimet e veta”.

Ai në fund ka thënë se ka kontakt të vazhdueshëm me të akuzuarit që ai përfaqëson dhe gjendja e tyre shëndetësore është përmirësuar ndonëse disa prej tyre sipas tij kanë qenë shumë të maltretuar fizikisht.

Lasgush Poradeci : GJARPËRUSHEJA PIKËLORE

Haj të mirremi për dore,

Nep-ma zemrën që ma more,

Gjarpërushe pikëlore

M’u vrapo q’andej matanë,

më qëndro në zemër pranë,

M’i vështro sa lot më lanë.

Të fjalonemi ngadalë,

të pushtonemi pa fjalë,

Plot me afsh e duf të valë.

Me atë vetull-vetulluar,

Me atë shtatin-gjarpëruar,

Me ato kraha-fluturuar

Vetullo,moj vetullushe!

Gjarpëro,moj gjarpërushe!

Fluturo,moj fluturushe!

Agim Spahiu: Dhimbjet e zemrës së largët

E dashura ime i harroi fjalët

si të mos ishin kurrë…

U dashurua me heshtjen.

Një mollë e kuqe-gjak si faqja jote

midis shpatullave më ra,-

asnjë plumb s’ka me më dhimbtë më shumë

në vdeksha pa të parë…

Sa herë mollët të piqen si kësaj dite

hidhi kokrrat udhës nga shkova,

dhe unëdo të ndiej dhimbje ku shitove,

e miro.

Në u martofsh mollë mos pastë kund në botë!…

Ti me lot do t’i qash sa herë t’i shikosh,

unë dhimbje do ndiej sa herë t’i prek, pse ta fsheh.

Dhe në diell të dytë s’të harroj, e miro!