"Vrasja" e një MISSI

Tregim

Nga Përparim Hysi

Aso kohe as që flitej për MISS! Nëse po e quaj kështu, mos kujtoni se po shpejtohem apo jam pak i njëanshëm. Sado që kjo ka ndodhur aty nga vera e vitit 1957-të, unë them jo vetëm e kam njohur atë MISS, por kam parë me sytë e mi se si e "vranë". E vranë barbarisht: mu para syve të mi. Unë,atëherë, qeshë student në Institut dhe,ngaqë më pëlqente folklori, isha dërguar enkas nga i ndjeri,Profesor Zihni SAKO, për të vëzhguar një ceremoni dasme apo qoftë dhe fejese në një nga fshatrat malorë të juglindjes. Kisha shkuar atje bashkë me Asllanin, dhe ky student për biokimi. Asllani qe, pothuaj, i familjes dhe ky më mori në atë shtëpi. Pra qeshë mik i Asllanit dhe,ngaqë në fshatra të tillë ta japin shpirtin në dorë, mua më dukej se nuk qeshë mik,por si i shtëpisë. Them i shtëpisë,se atje qendrova 10 ditë dhe kurrë nuk e harroj jo vetëm pritjen e ngrohtë,por dhe trajtimin po aq të ngrohtë. Ç'njerëz babaxhanë! Ende në atë zonë malore nuk kish rënë "cunami i kolektivizimit" dhe,përgjithësisht, njerëzit rronin ku e ku më mirë,krahasuar me ato fshatra ku kolektivizimi e kish"vyshkur" atë pak gëzim të njerëzve të lirë.

* * *
Asllani, kur më njohu me njerëzit e tij, tha:- Ky është Arturi,shoku im, dhe shkurtimisht e thërresim Turi. Kaq mjaftoi që burrat e shtëpisë të më përqafonin dhe gratë, si qenkej zakoni atyre anëve, më puthën në të dy faqet. Kjo puthje në faqe, njësoj siç bën dhe me Asllanin, qe si një"cartabiankë" sigurie që më thoshte: Artur apo Turi,sa do qëndrosh këtu, je po aq i afërt siç është Asllani. Dhe kaq nuk qe pak. Pas njohjes, ne, burrat, hymë në odën e pritjes. Oda e pritjes qe goxha e madhe: me dysheme dërrase dhe tavan po prej dërrase. Dërrasa që vetëtinin nga një lloj vaji që nuk e humbte shkëlqimin dhe jo vetëm kaq: mu në mes të tavanit një ornament me gdhëndjeje prej një dorë mjeshtëri që i jepte krejt odës një prezencë të veçantë ,sidomos, kur e shihje për herë të parë siç ndodhte dhe me mua. Mu në krye, pothuaj në qendër të krejt asaj ode të madhe, qe vatra e madhe dhe një oxhak,edhe ky i derdhur me ornamente. Asllani,ngaqë pa "humbjen e pusullës sime", pas këtyre punimeve kaq artistike, më shpjegoi:- Ç'sheh me sy në këtë odë, është dorë e mjeshtrave nga Opari. Aty,ndërsa nga njëra anë e oxhakut u ul i zoti i shtëpisë, nga ana tjetër apo kundruall tij, u ula unë si mik dhe, fill pas nesh, sipas moshës,u ulën katër burra të tjerë që ishin ose nipoj apo dhe ndonjë i afrëm tjetër.
I zoti i shtëpisë apo BABEU,siç i thërrisnin të gjithë, qe aty mbi moshën 50-vjeç, i mbajtur mirë dhe i pavrarë nga puna.
Qe i madhi dhe,siç thoshte, hallemadhi. Ai ishte për pritje e përcjellje miqësh dhe,sado që nuk zinte punë me dorë, kishte jo vetëm qesenë e shtëpisë, por qe ai që jepte urdhëra dhe, të tjerët, me gra e burra,qenë si "skllevërit idulgjentë të tij", do t'i zbatonin këto urdhëra pa gëk e mëk. Siç e gjykova, sa qeshë atje, nuk qe burrë i keq, por i pëlqente të kapërdisej (ndonjëherë, si maçoku në thekër) dhe,sikur bënte paradë force,kur demonstronte para meje forcën e urdhërave të tij. Nuk di pse krejt atë familje të madhe e mendova si një repart ushtarak dhe BABEUN si Komandant që jepte urdhëra. Jo vetëm jepte urdhëra,por,siç më shpjegonte Asllani, kurrë nuk kish ndodhur që dikush ta thyente këtë urdhër: as nga burrat dhe,sa për gratë,këto as llogariteshin si të gjalla. Mua dhe Asllanit të gjitha vaktet na shërbeheshin tek oda e pritjes. Burrat me BABEUN në krye darkën e hanin tok me ne. Si mbaronte darka, vinin gratë dhe qoftë dhe njëra prej tyre, na shtronte për të fjetur. Nuk kish krevat,por mbi dyshekët me lesh, hapeshin çaraçafët dritë dhe mbi ta jorganë të mbushur me lesh. Sa gjumë të rehatshëm që flinim! Flinim, kur thonë blegtorët, si ata shelegët që ka zënë gërshëra:për 7-qejfe!
* * *
Qe, me sa më kujtohet, nata e tretë. Burrat nuk erdhën për darkë dhe BABEU, si "hallemadhi" që qe, se ku kish shkuar për mik. Kish ndodhur ai"çlirimi i qenit nga zinxhiri": e lëshon dhe nuk i zënë putrat e këmbëve mbi supe. Mbeta unë e Asllani. Darkën e solli një nga nuset e shtëpisë dhe,kur do na shtronin, nusja kish marrë me vete një nga çupat e BABEUT. Kur hynë, ajo,ngaqë dhe me Asllanin nuk qe parë atë ditë, u shkëput dhe e puthi në dy faqet. Pastaj, pa ia bërë syri tërr, si një rit që do ta bënte me domosdo, erdhi dhe të njëjtën gjë bëri dhe me mua.
Moj Merushe,- tha Asllani,- po kam dy ditë që nuk të shoh. Dhe unë fiksova:kjo që më puthi mua qenka Merushja! Jo, po hamendësoja,nuk është Merushja, por Bukurushja! Nën dritën e fortë të llambës së madhe,ajo qe si një dritë llamburitëse. Tek qeshte me Asllanin krejt pafajësisht, në sytë e mi u shfaq si një pafajësi e bukur apo si një mrekulli. Aq e bukur qe, sa unë u vura në ngasje që ta illustroja,sado pak këtë bukuri, me vargje nga këngët popullore, por gjithmonë më dukej se qeshë larg në analogjinë time dhe,tek e vështroja, pak me droje, sigurisht, doja të bërtisja:- O ZOT, vallë edhe ti punon me hile?! Përfytyroni një trup fidan dhe një fytyrë trëndafili, me ca buzë të trasha (unë i përfytyroja tërë lëng) dhe pa guxuar t'i hedh sytë mbi gjoksin e bëshëm, që femrat e atyre anëve dinë si ta shtrëngojnë e mbyllin si në kafaz. U skuq,sikur kish bërë turp dhe, tek u mat t'i kthente përgjigje Asllanit, foli nusja:- Epo Merushja ka"halle" të tjera tani. Pasnesër vinë krushqit! Kaq u desh dhe Merushja, u bë zog fluturak dhe iku nga oda. Asllani u befasua,kurse unë qeshë ca më keq: qeshë duke përjetuar një çast të bukur dhe,befas, dikush sikur ma rrëmbeu çastin dhe e ndjeva veten si më të humburin e frymorëve. Nuk di nëse Asllani e vuri re trishtimin tim, por, tek u shtrimë për të fjetur, unë e hapa prapë muhabetin. Asllani qe aq i paditur sa unë ,por më kujtohet që tha:- Merushja është njëra nga çupat e shtëpisë dhe ka radhën e fejesës. Vetëm për një gjë lus,- tha ai,- ishalla mos e marrë më qafë Babeu. Nëse Babeu i ka dhënë fjalën dikujt, atëherë fati i Merushes është përcaktuar. Sot është e martë,- tha Asllani,- krushqia vjen të enjten. Të enjten bëhet gostia (i vihet vula vendimit të Babeut) dhe ti,-më tha,- hap tefeterët i mbushi plot që të kënaqësh Profesor Zihninë. Kështu më tha, por unë aq e kisha humbur nga bukuria e Merushes, sa isha në atë gjendjen e atij që këndoi:" Bie të fle/gjumi s'më zë/ halli si t'i bënetë?". Të enjten,- thosha me vete,-ç'bujashka do bjerë lumi? Si do ta ketë fatin BUKURUSHJA? Vonë, shumë vonë më zuri gjumi. Copëra herësh sikur isha me Merushen. Si thashë, Merushen? Jo isha me BUKURUSHEN. E vërteta është që po vuaja atë sindromën e Xhaferrit që humbi simiten. E merrja portretin e BUKURUSHES dhe e ktheja mbarë e prapë:-Bobo,- thosha,- sikur ta ketë marrë më qafë Babeu! Tek mendoja,vetëm anën e keqe,qeshë gati që t'i hidhesha mu mbi kokë Babeut dhe t'ia shkulja ato mustaqet "spic" që, sado po e merrja inat, ke parë që i shkonin .
* * *
Tek prisja të enjten, natën e të mërkurës as që mbylla sy. Mbaja veten me gajret dhe thosha:- Nuk do fle! Kështu si unë sot nuk po fle dhe BUKURUSHJA! Tërë natën pothuaj se e thava detin me filxhan. Një i ri ëndrrimtar që bukuria e një MISSI të këtyre anëve e ka goditur mu në kokë dhe, nga një student pasionat pas nomeve popullore, ka katandisur në një Don Kishot që po lufton me"mullinjtë e erës".
Pothuaj se nuk e preka mëgjesin dhe,ndoshta nuk më ka tradhtuar çehreja, se nga shpirti jam zeher. Ndërkaq, një çunak bërtiti:- Po vinë krushqit! Kjo klithmë gëzimi,për mua qe si një thikë që dikush ma nguli: krushqit për mua qenë"exheli"që do binte mbi BUKURUSHEN!
BABEU doli në krye dhe, sakaq,"reparti" qe rreshtuar. Gratë ndiqnin diku, si fshehur, ardhje e krushqëve. Qenë gjithësej 7 krushq, të gjithë të veshur me shajake. Mundohesha që,mes tyre, të dalloja dhëndërrin. Krushqit sikur i kish prerë një metro: rroba njësoj, qylafët njësoj dhe,vetëm kur u ulën ballë nesh, munda ta dalloja atë "rivalin" tim.
BABE,- mallkova me vete,- t'u bëftë në grykë,kur asaj BUKURUSHES i ke zgjedhur këtë short. Këtyre anëve thonë:- Dardhën e qullur e ha breshka. Analogjia ime ishte pak e çalë se ku BUKURUSHJA dhe ky,"rivali im", një leshraqen që njëherë nuk ka krehur flokët, do hajë një dardhë aq të ëmbël si BUKURUSHJA. Filluan dollitë e shëndetet, këngët e vallet sa tundej dhoma dhe,ndërsa atomsfera u ndez e mori zjarr, unë përjetoja njëlloj si BUKURUSHJA atë dhimbje shpirtërore të saj që do binte në kthetrat e këtij skifteri. E urreja,sado që ai qe i pafaj.
* * *
Por sado që"reparti i Babeut" qe i disiplinuar, kishte dhe ndonjë "ushtar të moshuar" që nuk ia kishte as për pesë Babeut. Ky"ushtari" qe as më pak dhe as më shumë,por një nga plakat e moshuara të shtëpisë. U ngjit me"nënrepartin e grave të tjera", mori gotën me raki dhe,pasi uroi krushqit, shtiri sytë nga dhëndëri dhe,sa e pa, tha:- Moj gra, do ia them një kënge,po hajde dhe ma mbani: " Bëra poshtë, moj, bëra poshtë/bëra poshtë nga Larushku/ edhe pashë, moj, edhe pashë/më i madh qe dhëndërri/ se sa krushku/. Kjo nuk qe këngë,por qe si rrufe që bie së kthjellti. Babeut i lëvizi musteqja, por Hanko XHIXHIA kish "status" të veçantë dhe i bënte hij komandantit. Të them të drejtën, mal m'u bë zemra nga kënga e Hanko XHIXHISË dhe qeshë gati ta merrja në krahë. Me mendja qeshë nga BUKURUSHJA që atje, si një fshesë që lëmë pas derës, vajtonte fatin e keq. Krushqit,sado që u sëmbuan, të dielën mbrritën dhe e morën BUKURUSHËN dhe,tek ikte bashkë me kujen e saj, mua sikur m' ua hap një plagë në shpirt. Tri ditë pas ikjes së BUKURUSHËS,edhe unë u largova për Tiranë. Ia dorëzova fletoren PROFESORIT tim aq të dashur dhe, tek po i tregoja për këngën e HANKO XHIXHISË dhe ai nuk e mbajti të qeshurit. Më kujtohet që më tha:- Ç'minierë e pasur është tarshëgimia popullore!Ç'xehërorë që fshihen në të! Një nga këta "xehërorë" e ke zbuluar ti me këngën e HANKO XHIXHISË. Të lumtë! I miri PROFESORI i ndjerë,i ëmbëli ZIHNI SAKO! Dhe gjithmonë MISS BUKURUSHJA, për disa kohë, jetonte me mua. Vallë, si i shkoi jeta me atë skifterin leshrapakrehur?!
* * *
Pas 50 e ca vjetësh,bie ndesh me një mik që njihte BABEUN me gjithë "repartin" e tij. Pyetja e parë imja qe:- More, si i shkoi jeta asaj, Merushes? Aha,-tha ai,- e paske njohur atë? - Isha në dasëm,- i thashë
Flamë e shkuar flamës i shkoi. E la burrin e parë (kaq m'u hodh zemra) , por me të dytin e kanë goditur fatkeqësi njëra pas tjetrës që, dhe,po ta shohësh, nuk e njeh më. Është mbledhur si në shportë nga dhimbja dhe nuk shkon gjëkundi. Njdeva po atë dhimbje të dikurshme. Po si mos ndjesh dhimbje ,kur para syve,vrasin një bukuri?Vrasin një MISS! Dhe miku sikur ma lexoi dhimbjen në fytyrë, më tha:- A e sheh atë çupën e bëshme atje? Është një nga çupat e Merushes,- më tha.
E thërret dot që të vijë këtu? -Po si nuk e thërres,- tha. E thirri dhe, tek po vinte drejt nesh, m'u bë sikur po vinte vet BUKURUSHJA. Na njohu dhe unë fola:- Si është mamaja? -Ka rënë shumë,- më tha. Nxora nga xhepi një dhjetëmijë lekësh dhe i thashë:- Do shkosh t'ia japsësh mamasë. Nga Turi,- i thuaj. Nguroi,po miku që na njohu qe njeriu i saj dhe i tha :merri! -Të faleminderit zotëri,në emër tim dhe të mamasë,- tha vajza e Bukurushes. Tek u largova nga ai takim, m'u bë i afër ai fat mizor që goditi atë MISS bukurie që e"vranë"për së gjalli.

Tiranë, 2 prill 2018

Përparim Hysi ka lindur më 21 janar të vitit 1943, në fshatin Petovë të Fierit. Për një periudhë të gjatë kohe ka punuar si mësues në fshatrat e Fierit dhe ne vitet 1996-2000 inspektor arësimi për gjuhë dhe letërsi shqipe pranë Drejtorisë Arësimore në Fier. Ka kryer studimet pedagogjike në Elbasan dhe më vonë pa shkëputje nga puna ka përfunduar studimet e arësimit të lartë për gjuhë letërsi. Ka botuar katër libra me poezi: “Rektimat e dashurisë”, “Prushi i dashurisë”, “Më piku dashuria”, ““Luftë” me dashurinë”. Është anëtar i Shoqatës së Shkrimtarëve Shqiptarë-Amerikanë. Ka botuar librat në prozë: "Tregime","Faji" i Isakovskit, "Një meshë për "Rrobaqepsin" e Konti Monte Kristos", "Lotët e Kumurisë" dhe librat me poezi:"Eh,si qenka dashuria!","Kurthi i mallit","Kot s'jam i vdekshëm", "Njerëz që dua" dhe "Mbeta dashurive".Veç këtyre në "makzazinën" e tij krijuese janë në pritje për botim qindra poezi dhe dhjetra tregime. Në pritje për botim është një libër me esse dhe përshtypje të autorit për libra të autorëve shqiptarë. Në pirtmëni për një libër më vete, është dhe libri me përshtypjet e autorëve të tjerë për të.

Kosova nuk është zotërim feudal as i Erdoganit, as i Thaçit e as i Behgjet Pacollit…

Barometri diplomatik

Akademik Prof.Dr.Mehdi HYSENI

Kosova nuk është zotërim feudal as i Erdoganit, as i Thaçit e as i Behgjet Pacollit…

-Por, shtet i pavarur dhe sovran, të cilin e ka njohur edhe vetë Turqia, kur e njohën edhe Amerika me aleatët e saj të Evropës Perëndimore (17 shkurt 2008).

Prandaj, si presidenti Erdogan, ashtu edhe qeveria dhe parlamenti turk, patjetër, sipas konventave, traktateve dhe marrëveshjeve ndërkombëtare, si dhe dispozitave dhe neneve të Kartës së Kombeve të Bashkuara, duhet të përmbahen nga çdo formë ndërhyrjeje arbitare qoftë sekrete, apo të hapur në çështjet e brendshme të Repubikës së Kosovës.

Në këtë kontekst si politika e brendshme, ashtu edhe ajo e jashtme e Turqisë me presdidentin Erdogan në krye, duhet ta respektojnë pavarësinë dhe sovranitetin e Kosovës, sepse kjo është e vetmja formë e logjikshme, e dobishme dhe e drejtë e bashkëpunimit dhe e mirëbesimit për inteteresat dhe për marrëdhëniet e ndërsjella ndërshtetërore mes Kosovës dhe Turqisë, pavarësisht se kush është në krye të saj, sot, Erdogani, apo nesër ndonjë lider tjetër turk.

Arrestimi dhe ekstradimi sekret, nuk ishte "skandal", por ndërhyrje në punë të brendshme të Kosovës

Erdogani, duhet ta mbështetë popullin dhe shtetin e SOVRAN të Kosovës, JO individët e sëmurë për pushtet dhe për pasuri siç po dëshmohen Hashim Thaçi dhe Behgjet Pacolli, që në rastin konkret të arrestimit dhe të ekstradimit të gjashtë shtetasve turq në Stamboll, e anashkaluan kryeministrin (Ramush Haradinaj) dhe kryekuvendarin e Kosovës(Kadri Veseli). Ky është një atak i fshehtë kundër qeverisë dhe kundër kuvendit të Kosovës ngase pa dijeninë dhe pa vendimin e tyre u cenua sovraniteti territorial dhe shtetëror i Kosovës.

Pavarësisht nga raportet vëllazërore, miqësore, ekonomike e tregtare të presidentit Hashim Thaçi dhe të ministrit të Jashtëm Behgjet Pacolli me presidentin turk Rexhep Taip Erdogan.

 Kjo nuk nënkupton, në asnjë mënyrë se Kosova është ndonjë “hallkë e vogël” në zinxhirin e gjatë të aleancës së re ruso-serbo-turke qoftë në Ballkan, në Evropë, apo më gjerë. Përkundrazi, që nga 24 Marsi 1999, kur Amerika dhe NATO-ja bombarduan Serbinë kolonialiste dhe gjenocidale, Kosova nuk i përket asnjë aleance tradicionale ballkanike, evropiane, aziatike, afrikane, arabe rajonale, por vetëm AMERIKËS dhe ALEATËVE TË SAJ EVRO-PERËNDIMORË (BE-së dhe NATO-s). Ky është FATI dhe ARDHMËRIA E KOSOVËS, përkatësisht i KOMBIT SHQIPTAR DHE I SHQIPËRISË ETNIKE, jo Turqia, as Rusia, as Azia, as Arabia, as Serbia e as Greqia etj.

Esadistët e rinj, mirë me Turqinë sikurse dikur Esat Pashë Toptani kundër Kosovës dhe Shqipërisë

Këtë fatekqësi kombëtare dhe shtetërore, veç monopolizimit tregtar dhe ekonomik biznesor 18-vjeçar (2000-2018), së fundi e provoi edhe ndërhyrja direkte politike e Turqisë në çështje të brendshme të Kosovës, me rastin e arrestimit dhe të kidnapimit sekret të 6 shtetasve turq në Kosovë, të ndihmuar dhe në bashkëpunim me organet policore dhe sekrete të Kosovës, pa dijeninë e Qeverisë dhe të Kuvendit të Kosovës.

Prandaj, në rastin konkret, nuk ka pse të hidhërohet dhe të hedhë akuza presidenti Rexhep T. Erdogan kundër kryeministrit të Qeverisë së Kosovës, Ramush Haradinaj, sepse ndërhyrja sekrete e Turqisë (duke cenuar të drejtën e sovranitetit territorial dhe shtetëror të Kosovës) ka bërë shkelje flagrante të Kartës së Kombeve të Bashkuara dhe të normave të së drejtës ndërkombëtare. Në këtë rast fatkeq, jo Erdogani, POR kryeministri, kryekuvendari dhe kryeatari i Kosovës, do të duhej ta kritikonin dhe të kërkonin përgjegjësi ligjore nga Ankaraja zyrtare, për shkak të përzierjes sekrete politike në punë të brendshme të Kosovës.

Pra, gabimi, faji dhe përgjegjësia ndërkombëtare, është në anën e Turqisë (sepse ka shkelur të të gjitha rezolutat dhe konventat ndërkombëtare të OKB-së dhe të së drejtës ndërkombëtare që kanë bëjnë me mosndërhyrjen e një shteti në çështje të brendshme të një shtet tjetër), jo në anën e qeverisë së Ramush Haradinaj, e cila është anashkaluar nga puçistët politikë sekretë të policisë së Kosovës, si dhe nga ana e urdhëdhënësve të tyre, Hashim Thaçi (kryetar) dhe Behgjet pacolli (minister i Jashtëm).

 Këta dy funksionarë të lartë të shtetit të Kosovës mbajnë përgjegjësinë kryesore për “regjinë filmore” të kidnapimit dhe të deprotimit të gjashtë (6) shtetasve turq, si dhe për mosnjohtimin dhe për mosbashkëpunimin me kryeminsitrin e qeverisë, Ramush Haradinaj dhe me kryetarin e kuvendit të Kosovës, Kadri Veseli. Këtë akt penal kundër popullit dhe shtetit, qeveria dhe kuvendi nevojitet ta debatojnë edhe në kuadrin e Qeverisë, edhe në atë të Kuvendit të Kosovës, në mënyrë që, të mos përsëriten gabime dhe tradhti të këtilla kundër shtetit të Kosovës.

Për këtë “incident” penal kombëtar dhe ndërkombëtar, është përgjegjëse vetë Turqia, e cila panjohtuar dhe pa marrë pëlqimin e ligjshëm nga Qeveria dhe nga Kuvendi i Kosovës, ka kryer vepër penale, duke dërguar në Kosovë agjentët operativë dhe aeroplanin sekret për kidnapimin e shtetasve turq në Kosovë.

Prandaj, presidenti turk, Rexhep Taip Erdogan nuk ka të drejtë morale e as ligjore, që ta kërcënojë dhe ta krtikojë kryeministrin e Kosovës, Ramush Haradinaj, pse ka shkarkuar ministrin e Brendshëm Flamur Sefaj dhe shefin e AKI-së, Drtion Gashin për shkak të përfshirjes në aksionin e arrestimit dhe të deporetimit sekret (pa marrë pëlqimin e kryeministrit të qeverisë së Kosovës), sepse ai ishte një akt piratesk antiligjor, antikushtetues dhe antijuridik ndërkombëtar i përzierjes direkte të Turqisë në punë të brendshme të Kosovës.

Kjo lloj ndërhyrjeje e paprecedencë në çështje të brendshme të Kosovës, është e dënueshme sipas Kartës së Kombeve të Bashkuara dhe normave e parimeve të së drejtës ndërkombëtare.

Një pyetje e thjeshtë për presidentin Rexhep Taip Erdogan, a do të lejonte qeveria turke, që agjentët e policisë dhe të shërbimit sekret të Kosovës, të hynin në Turqi për kryerjen e një operacioni të këtillë sekret policor për arrestimin dhe kidnapimin e qytetarëve të saj, PA NJOFTIMIN, PA PëLQIMIN DHE PA LEJEN PëRKATËSE LIGJORE TË QEVERISË DHE TË PARLAMENTIT TË TURQISË?

-Po qese do të ndodhte diç e tillë, përgjigjja dihet, të gjithë agjentët dhe policët e Kosovës, do të arrestoheshin dhe do të përfundonin në pranga me procedurë të shkurtur për shkak të përzierjes në punë të brendshme të Turqisë.

Fundja, si Erdogani, ashtu edhe Thaçi, edhe Pacolli, duhet ta kenë të qartë se Kosova nuk është kurrfarë vetëshërbimi privat "hy e merr e lë çfarë të duash", por është shtet, që ka ligjet dhe Kushtetutën e vet. Prandaj, ata që shkelin ligjet dhe Kushtetutën e saj në fuqi, edhe do të marrin përgjigjen adekuate, sipas veprës dhe sjelljes së tyre të jashtëligjshme dhe jashtëkushtetuese. Në këtë rast nuk kemi të bëjmë me kurfarë "turpi", por vetëm me drejtësinë dhe me zbatimin e ligjit dhe të Kushtetutës, si dhe të ligjeve ndërkombëtare, që garantojnë pavarësinë dhe sovranitetin nga çdo agresion dhe ndërhyrje e jashtme.

Gjenerali shqiptar Ramush Haradinaj nuk i frigohet Erdoganit

Ndal kadal Erdogan !

Erdogan e kërcënon Ramush Haradinajn, i fton kosovarët të protestojnë kundër tij

Presidenti turk, Recep Tayip Erdogan, në një fjalim të sotëm, e ka kërcënuar kryeministrin e Kosovës, gjeneralin e luftës dhe Heroin e paqës zt. Ramush Haradinaj se do të japë përgjegjësi për menaxhimin e situatës me turqit e deportuar!

Jo Erdogan , Kosova nuk proteston kundër gjeneralit të vet !

Ai e ka kritikuar atë për shkarkimin e ministrit të Brendshëm dhe shefit të AKI-së, dhe i ka ftuar kosovarët të protestojnë kundër tij.

Tutje, Erdogan, në fjalimin e tij, e ka quajtur kryeministrin Haradinaj “kukull”, litarët e të cilit i lëvizin të tjerët.

“Karriera e kryeministrit të Kosovës do të merr fund”, parashikon Recep Tayip Erdogani.

“Si mund t’i ushqesh këta njerëz që kanë bërë një tentativë për grusht shteti ndaj Turqisë, vend i cili mirëpret Kosovën si një vëlla. Do të japësh llogari edhe ti për këtë. Vëllezërit e mi kosovarë nuk i japin kredibilitet një kryeministri si ti. Vëllezërit e mi kosovarë, kosovarët që i njoh dhe i di, do të kërkojnë llogari prej teje për këtë. Unë e di edhe këtë”, deklaroi Erdogan, raporton Koha.net.

Presidenti Erdogan gjithashtu duke folur për kreun e organizatës terroriste, tha se “edhe ai që ka ikur në Pensilvani është në telashe. Thotë ‘Çfarë do të ndodhë me mua?’. Çka ndodhi me ata në Kosovë do të ndodhë edhe me ty”.

https://www.youtube.com/watch?v=Egcl10rWDXg

Presidenti i Kosovës, Hashim Thaçi ka mohuar se ka qenë i informuar për arrestimin e gjashtë gylenistëve, duke pohuar se arrestimi ka shkuar përmes AKI-së, Zyrës për Refugjatë dhe Ministrisë së Brendshme.

Thaçi ka thënë për televizionin publik se Turqia ka kërkuar disa herë arrestimin dhe deportimin e disa shtetasve të Turqisë, por asnjëherë nuk ka marrë emrat e personave që janë arrestuar .

“Ambasadorja e Turqisë dhe institucionet tjera kanë kërkuar emra tjerë, por asnjërin nga këta emra”, tha ai.

Ai po ashtu ka pohuar se veprimi që ka ndodhur sot, institucionalisht është i pa pranueshëm, kurse aspekti teknik ka mbetur që të vlerësohet dhe të sqarohet plotësisht.

Askush s’do t’i ikë përgjegjësisë për këtë puç brenda institucioneve

Zëvendësministri i Ministrisë së Forcës së Sigurisë së Kosovës, Burim Ramadani, e ka quajtur puç vendimin për arrestimin e gylenistëve në Prishtinë.

Ka thënë se ky puç, do të sqarohet deri në fund dhe askush s’do të ikë nga përgjegjësia që ka.

Ramadani, gjithashtu ka thënë se tentimi që këtë veprim gjithsesi ta ndërlidhë me Haradinajn, është i pakuptimtë.

Postimi i plotë i Ramadanit në Facebook:

Puçi brenda institucioneve do të sqarohet deri në fund. Masat ndaj kësaj veç sa kanë nisur.

Tentimi për të ndërlidhur gjithsesi Kryeministrin Haradinaj me këtë puç institucional është krejtësisht i pakuptimtë.

Në njëfarë forme relativizon vendosmërinë për të ndëshkuar këtë operacion kundër-shtetëror.

Nuk do të ikë kush nga përgjegjësia. Jo, jo!

Ndësa njohësi i çështjeve të të drejtave të njeriut dhe kryetari i Lëvizjes për Bashkim, Valon Murati, e ka quajtur situatë të anarkisë këtë që po ndodh kohëve të fundit në Kosovë.

“Çka po ndodh kështu? Kryeministri  Ramush Haradinaj dhe kryeparlamentari Kadri  Veseli reagojnë për arrestimin dhe deportimin e gylenistëve duke lënë të nënkuptohet se nuk ishin fare në dijeni për këtë operacion. I pari duket se ishte shumë pak i njoftuar edhe me situatën që solli ngjarjet dramatike të së hënës në veri”, ka thënë Murati.

Sipas tij, kjo është e paprecedentë.

“Situata të tilla anarkiste mund të na vendosin në pozita të rënda si shtet para çdo procesi politik në të ardhmen dhe vënë në pikëpyetje funksionalitetin e institucioneve”, ka shtuar më pas ai.

Cili funksioner kosovar do ta marri përgjegjësin për 6 gulenistët e depeërtuar në Turqi ?

“6 turqit e deportuar i pret burgimi i përjetshëm dhe tortura në Turqi”

Gjashtë shtetasit turq të cilët janë arrestuar dhe po besohet se janë depërtuar në Turqi i pret tortura dhe burgimi i përjetshëm. Kështu thotë drejtori i Rrjetit të Shkollave Gyleniste, Bujar Muzhaqi.
“Për këta persona nuk do të kemi asnjë lloj mëshirë ka thënë Erdogani. “Nuk do t’u japim asnjë pikë uji’, ka deklaruar ai. Këta persona që shkojnë atje do t’i nënshtrohet torturës”, tha Muzhaqi për Klan Kosovën.

Ai ka shtuar se ata “i pret burgim i përjetshëm”, theksoi ai.

“Ose do detyrohet të pranojnë gjëra në shërbim të Erdoganit, përndryshe do të dënohen me dënime maksimale”, shpjegoi ai.

Muzhaqi ka folur edhe për institucionet e Kosovës, ka deklaruar se s’kanë besim fare në policinë e Kosovës e as institucionet tjera

****

Askush nuk kishte informacion se a u larguan nga Kosova ditën kur u arrestuan.

Lajmi.net, ka shfaqur disa video ku shihen gylenistët duke bërë kontrolelt e fundit në aeuroportin e Prishtinës për t’u dërguar pastaj në Turqi.

Deri më tani gjithçka ishte e mjegullt se çfarë ka ndodhur me gjashtë shtetasit turk që u arrestuan më 29 mars në Kosovë dhe pikëpyetja më e madhe ishte se a u deportuan në Turqi?

Familjarët e të arrestuarve këmbëngulnin se të arrestuarit gjenden në Kosovë, konkretisht në pjesën e vjetër të aeroportit të Prishtinës. Mirëpo, lajmi.net ka siguruar pamje ku të arrestuarit shihet tek sa lënë Kosovën. Ata kalojnë nga pjesa e zonës VIP e Aeroportit të Prishtinës për të kaluar më pas tek aeroplani i Inteligjencës turke ku po i priste në pistë.

Të arrestuarit shihen se janë të shoqëruar nga policia e Kosovës dhe, në video shihen qartë se ata kanë kaluar në zonën VIP të Aeroportit të Prishtinës rreth orës 10:00 minuta të mëngjesit, raporton lajmi.net. Gjithashtu pamjet e tjera tregojnë një kombi-bus që i ka shoqëruar deri të aeroplani turk për t’i nisur më pas në Turqi.

Nga ana tjetër, mediat turke, raportojnë se të deportuarit tash janë duke u marr në pyetje nga prokuroria turke.

Kujtojmë, se me insistimin e familjarëve, mbrëmë (e premte) Aeroporti i Prishtinës u kontrollua nga EULEX-i për të vërtetuar se a janë deportuar nga Kosova gjashtë shtetasit turq të arrestuar mëngjesin e së enjtes. EULEX-i gjatë kontrollues nuk gjeti asgjë.

Përveç kësaj krerët e institucioneve shtetërore, presidenti Hashim Thaçi, kryeministri Ramush Haradinaj, kryetari i Kuvendit Kadri Veseli, nuk kanë qenë në dijeni dhe nuk kanë poseduar informacion se çfarë ka ndodhur konkretisht me të arrestuar, së paku kështu janë deklaruar para familjarëve (ku i priti në takim kryeministri Haradinaj) dhe para mediave.

Megjithëkëtë, krerët e shtetit nuk kanë qenë në dijeni, siç u deklaruan, se si ka ndodhur arrestimi i gylenistëve. Pas këtij ‘skandali’, kryeministri Haradinaj ka shkarkuar nga detyra ministrin e Punëve të Brendshme, Flamur Sefajn dhe Drejtorin e Agjencisë se Inteligjencës së Kosovës, Drilon Gashin.

Të arrestuarit janë identifikuar si Cihan Özkan, Kahraman Demirez, Hasan Hüseyin Günakan, Mustafa Erdem, Osman Karakaya dhe Yusuf Karabina.

Ndryshe, pas puçit të 15 korrikut të viti 2016, Turqia akuzon Fethullah Gylenin, krerikun mysliman që jeton në SHBA për orkestrim të grushtshtetit dhe e ka deklaruar lëvizjen e tij si terroriste.

Ministri më i mirë në Qeverinë e Kosovës ,Flamur(Arif) Sefaj dhe shefi i AKI-së “kurbanë” të Listës serbe

Pas arrestimit të Marko Gjuriqit – drejtorit të ashtuquajturës Zyrë për Kosovën pranë qeverisë së Serbisë, përfaqësuesit e komunave me shumicë serbe në Kosovë kërcënuan me largim nga qeveria e Republikës së Kosovës, ndërsa kërkuan shkarkimin e atyre që urdhëruan aksionin policor në veri.

Ata gjatë takimit të jashtëzakonshëm të mbajtur të mërkurën në veri të Mitrovicës, përmendën emrat e ministrit të MPB-së dhe drejtorit të Policisë së Kosovës që duhet shkarkuar menjëherë, duke mos përjashtuar edhe emra tjerë.


Kryeministri i Kosovës, Ramush Haradinaj ka hedhur poshtë raportimet e mediave se ka marr pjesë në ndonjë takim në veri, por u shpreh i sigurt se Lista Serbe nuk ka dhënë dorëheqje.

Ai theksoi po ashtu se Lista Serbe nuk ka kërkuar dorëheqjen e ministrit të Brendshëm.

Menjëherë, një ditë më pas (të enjten), në Kosovë ndodhën zhvillime të reja dhe dramatike, me ç’rast policia e Kosovës vuri nën pranga gjashtë shtetas turq, të cilët u deportuan në Turqi.

Pas kësaj ngjarje, u shkarkuan ministri i Punëve të Brendshme, Flamur Sefaj dhe drejtori i Agjencisë Kosovare të inteligjencës (AKI), Driton Gashi, me pretekst se kanë urdhëruar aksionin e arrestimit dhe deportimit të ‘gylenistëve’ pa i informuar krerët shtetërorë

Shkarkimi i zyrtarëve të lartë të Kosovës ngjalli dilema nëse ka të bëjë vërtetë me deportimin e shtetasve turq apo kërkesën e përfaqësuesve të komunave me shumicë serbe, ku apostrofohet emri i ministrit të Punëve të Brendshme, Flamur Sefaj.

Reagimet e menjëhershme të partisë së Behgjet Pacolli ishin në kundërshtim me vendimin e shkarkimit të ministrit të Brendshëm Flamur Sefaj, duke e quajtur shkarkimin si plan të menduar të Listës ‘Srpska’ në bashkëpunim me kryeministrin Haradinaj.


“Nuk ka arsye të shkarkohet ministri i MPB-së Flamur Sefaj. Nëse kjo gjë ndodhë, kjo është e turpshme dhe bëhet me kërkesë të Listës serbe”, ka thënë për Telegrafin nënkryetari i AKR-së Agim Bahtiri, pak orë para se të shkarkohen zyrtarët në fjalë.

Avokati Musa Damati, ka bërë të ditur se bazuar në praktikat e qeverisjes së qeverive të kaluara në Republikën e Kosovë, shteti i Kosovës qëndron larg nga zbatimi i standardit të asaj që njihet si moral politik apo përgjegjësi institucionale publike.

Sipas tij, duke iu referuar një mentaliteti të tillë tërësisht të papërgjegjshëm, ai u shpreh skeptik se shkarkimi i ministrit të Punëve të Brendshme dhe drejtorit të AKI-së mund të mdërlidhet me arrestimet e shtetasve turq.

“Kjo më tepër mund të shërbejë ndoshta për konsum të jashtëm, se sa që ka të bëjë me përgjegjësinë publike institucionale. Shkarkimet e tilla do të mund të interpretoheshin më shumë si përmbushje e kërkesave të partnerit të koalicionit Listës serbe, lidhur me zgjatjen e mandatit qeverisës të ekzekutivit aktual”, theksoi Damati.

Në anën tjetër, Belul Beqaj, analist dhe njohës i rrethanave politike në vend, në një prononcim për Telegrafin thotë se shkaqet për shkarkimin e ministrit të MPB-së, drejtorit të AKI-së nuk janë të njëjta, e as që mund t’i shkarkojë instanca e njëjtë.

Mirëpo, shtoi ai, ato mund të nënkuptohen varësisht nga interpretuesit.

“Shkarkimi i Drejtorit të AKI-së bëhet së bashku me kryeministrin, por jo edhe drejtori i policisë, që e emëron kryeministri. Ndërsa kryeministri mund të ndërroj anëtarët e qeverisë, por vështirë se mund ta shkarkoj ministrin e MPB-së , meqë kjo është bërë me një marrëveshje të veçantë me Pacollin.

Sidoqoftë, procedurat e shkarkimit janë të rëndësishme në aspektin ligjor, ndërsa të kuptuarit e shkarkimit mund të kenë interpretime të ndryshme. Serbët mund të thonë se shkarkimet janë bërë për shkak të kërkesave të tyre, ndërsa shumica e qytetarëve për shkak të shkeljeve të Kushtetutës dhe ligjit ndaj turqve të dëbuar kundërligjshëm”, ka thënë Beqaj.

Ai ka potencuar se nëse motivi i vendimmarrësve është krijimi i kaosit, atëherë nuk do të dëgjohen kërkesat e askujt, ngase ciklet e krizave të vazhdueshme po i bëjnë të paprekur nga drejtësia pushtetarët e Kosovës, prandaj nuk përjashtohet as kjo mundësi.

Ndryshe, gjashtë shtetasit turq të deportuar në Turqi, Mustafa Erdem, Yusuf Karabina, Kaahraman Demirez, Cihen Ozkan, Hasan H.Gunakan dhe Osman Karakaya, ishin punonjës të “Institucionit Arsimor Gülistan”.

Ministri i Drejtësisë, Abelard Tahiri i painformuar për ekstradimin e gylenistëve!

Ministri i Drejtësisë Abelard Tahiri, është shprehur i painformuar rreth mënyrës së arrestimit dhe ekstradimit të gjashtë gylenistët turk, duke adresuar përgjegjësi ndaj Agjencisë Turke të Inteligjencës, Policisë së Kosovës dhe Ministrisë së Punëve të Brendshme.

Tahiri, ka mohuar se ka qenë i njoftuar për ekstradimin e tyre ndonëse thotë ta ketë informuar ministri i Punëve të Brendshme, Flamur Sefaj se ata kanë qëndruar në mënyrë të paligjshme në vendin tonë.


“Arrestimi i tyre nuk ndërlidhet absolutisht me punën time si ministër i Drejtësisë sepse unë nuk kam pasur kurrfarë shkrese këto ditë për ekstradim, por është çështje Agjencisë Turke të Inteligjencës, Policisë dhe e Ministrisë së Punëve të Brendshme, por nuk është diçka që lidhet me përgjegjësin time, nuk lidhet as me prokurori e as me gjykata por ashtu siç jam njoftuar nga ministri i Punëve të Brendshme ata kanë qenë duke qëndruar në territorin tonë paligjshëm dhe për këtë arsye janë depërtuar”, tha Tahiri për “Gazeta Blic”.

Ministria e Punëve të Brendshme në Qeverinë e Kosovës ka revokuar lejet e qëndrimit për shtetasit e Turqisë, drejtor dhe arsimtarë të shkollës “Mhemet Akif” në Kosovë të cilët u arrestuar gjatë ditës nga Policia e Kosovës.

“Duke iu referuar rasteve konkrete Departamenti për Shtetësi, Azil dhe Migracion ka vepruar në bazë të Ligjit për të Huaj dhe mandatit që ka për shqyrtimin dhe vendosjen e të gjitha kërkesave që kanë të bëjnë me leje qëndrim”.

“Kjo është një procedure ligjore e cila është aplikuar edhe në rastet e mëhershme, si për të huajt me leje qëndrim, gjithashtu edhe për të huajt që kanë fituar shtetësinë e Kosovës dhe u është revokuar për arsye të sigurisë, apo procedurave tjera të parapara me ligjin përkatës”, thuhet në komunikatën për media.

MPB bënë të ditur se gjatë administrimit të provave kanë konstatuar se për personat në fjalë, ka bazë të mjaftueshme ligjore që të merren masat për revokimin e leje qëndrimit të tyre në territorin e Republikës së Kosovës siç thuhet “për arsye të përcaktuara me ligjin për të huaj, konkretisht nenit 6 të ligjit ku flet për refuzimin apo revokimin e lejes së qëndrimit për rrethanat e sigurisë shtetërore”.

Pas revokimit të leje qëndrimit, sipas kësaj ministrie, qëndrimi i mëtejmë i këtyre qytetarëve konsiderohet i jashtëligjshëm. Ndërkohë, që palët kanë të drejtë ankese në gjykatën kompetente.


Policia e Kosovës të enjten arrestoi drejtorin e përgjithshëm të Shkollës “Mehmet Akif” në Kosovë Mustafa Erdem, zëvendësin e tij Yusuf Karabina, drejtorin e shkollës në Gjakovë, Kahraman Demirez dhe dy arsimtarë Djihen Ozkan dhe Hasan Gunakana.

Pas arrestimit, të njëjtit janë depërtuar në Turqi me aeroplan privat, të posaçëm të Agjencisë Turke të Inteligjencës.

Adem Vokshi, avokat i rastit, tha për Radion Evropa e Lirë se policia, deri më tash, ka ofruar pak informacione.

“Si duket i ka arrestuar policia kufitare dhe kjo neve na shqetësoj shumë mos po i depërtojnë pa u zhvilluar procedurë e rregullt gjyqësore. Ata janë arrestuar duke shkuar në punë. Ne ishim në polici dhe nuk na jepen asnjë informatë. Ata më dërguan në zyrën për mbajtjen dhe atje kontrolluan dhe thanë se aty nuk janë. Më vonë më informuan se policia kufitare i ka në qëndrim dhe nuk mund të kontaktojmë për të marr ndonjë informatë, deri sa të përfundon aksioni”, tha Vokshi.

Avokati Vokshi tha se e vetmja arsye për arrestimin e tyre mund të jetë mbyllja e shkollës dhe ekstradimi i tyre, kinse, siç thotë ai, “këta janë armiqtë e shtetit turk, por që për këtë nuk kanë asnjë provë”.

Ndërkohë, Këshilli për Mbrojtjen e të Drejtave dhe Lirive të Njeriut (KMDLNJ) përmes një njoftimi për media ka kundërshtuar arrestimin e shtetasve turq në Kosovë.

“Autoritetet kosovare që synojnë të integrohen në demokracinë e përparuar, me këtë arrestim po e vënë në dyshim të skajshëm qëllimin dhe orientimin demokratik duke iu nënshtruar një kërkese autokratike dhe duke u rreshtuar në anën e përndjekësve politikë. Në këtë qërim hesapesh midis Erdoganit dhe Gylenit, Kosova duhet të mbajë qëndrim neutral duke respektuar standardet ndërkombëtare të drejtave të njeriut”, thuhet në një komunikatë të KMLDNJ-së.

Shkollat “Mehmet Akif” në Kosovë i përkasin Institucionit Arsimor Gylistan.

Ky i fundit ka kopshte, institucione parashkollore, shkolla fillore dhe të mesme në gjithë Kosovën.

Besohet se ato janë të frymëzuara nga Lëvizja Hizmet e Fethullah Gulenit, klerikut fetar turk, të cilin presidenti i Turqisë, Recep Tayyip Erdogan, e fajëson për orkestrimin e përpjekjes për grushtshtet në Turqi, në vitin 2016.

Presidenti Hashim Thaçi, i zhgënjyer nga institucionet për dëbimin e qytetarëve turq

"Kosova do të mbrojë me çdo kusht vlerat e saj kushtetuese. Askush nuk guxon të persekutohet e deportohet vetëm pse ka një ideologji ndryshe", përfundoi ai

Presidenti Hashim Thaçi në një konferencë për media ka thënë se është i zhgënjyer nga se institucionet kanë dështuar të përmbushin të drejtat që i sigurohen çdo qytetari pa marrë parasysh nga është ai, transmeton albinfo.ch.

“Jam duke marrë informacione për këtë deportim, kam pranuar një raport të hollësishëm për ngjarjen. Sipas këtij raporti arsye e vetme është se ata kanë bërë veprime të paligjshme në Kosovë”, ka thënë ai.

Presidenti ka thënë se detajet duhet të shpjegohen deri në fund dhe përgjegjësit të marrin dënimin e merituar. “Deri sa hetimet nuk përfundojnë, duhet të kemi kujdes se si sillemi me organet që janë përgjegjëse për sigurinë kombëtare”, theksoi ai.

Thaçi e ka quajtur rast të izoluar dëbimin e qytetarëve turq. “Kosova do të mbrojë me çdo kusht vlerat e saj kushtetuese. Askush nuk guxon të persekutohet e deportohet vetëm pse ka një ideologji ndryshe”, përfundoi ai.

Ndërsa duke iu përgjigjur akuzave të Liderit të VV-së, Albin Kurti, presidenti ka bërë pyetje duke thënë se ai duhet të përgjigjet se kush ia financon Kurtit trajnimet e drejtuesve të partisë së tij për çdo javë në Turqi.