Kryetari i Partisë Liberale Demokratike të Serbisë, Çedomir Jovanoviq ka deklaruar se nuk e di çka do të përfitojë Serbia, derisa vazhdon të injorojë faktin se Kosova sot është një shtet i pavarur nga Serbia.

Jovanoviq në tryezën “Finalja e dialogut Kosovë-Serbi”, të organizuar nga Instituti Demokratik i Kosovës,  ka thënë se Serbia duhet ta thotë se dëshiron veriun e Kosovës, në mënyrë që të pranohet pavarësia e shtetit tuaj.

Ai tha se shqiptarët e Kosovës duhet ta kuptojnë pozitën e serbëve në veri të Kosovës, ku pritet ajo që ka ndodhur nga serbët e Bosnjës dhe Kroacisë, të cilët në emër të politikës së paqëndrueshme.

“Unë kam mbështetur marrëveshjen e Brukselit të vitit 2013, natyrisht mbështes edhe dialogun që po udhëhiqet, edhe pse në disa situate kam mendim ndryshe,.. Unë problemin e shoh në anën tjetër, vërej se është ndërruar retorika, vërej se për kryetarin Vuçiq nuk është sot problem të thotë se është dëgjuar me kryetarin Thaçi etj, por më shqetëson gjendja e përgjithshme në të cilën ndodhet shoqëria ime, e cila nuk është e aftë të kuptojë realitetin, njëjtë sikurse në të kaluarën. Prandaj nuk besoj në marrëveshjet pas të cilave qëndrojnë individët. Kjo në një mënyrë është kërcënim për të gjithë, duke përfshirë këtu edhe Kosovën dhe mënyrën se si do t’i qasemi të vërtetës rreth Kosovës. Duhet të ndodhë pra transformimi edhe brenda shoqërisë tonë. Unë e kam fjalën për Beogradin, ku politika duhet të udhëhiqet në një mënyrë krejt ndryshe, sepse ajo është shumë kontradiktore. Ne po bisedojmë me Prishtinën, ndërkohë që karateistët nuk mund të hynë në Serbi, sepse janë përfaqësues të një shteti që duhet marr pjesë në një kampionat evropian në Novi Sad”, tha ai.

Sipas tij, nuk e di çka do të ketë më mirë Serbia me injorimin e faktin që Kosova është e pavarur.

“Unë mendoj se ne në radhë të parë duhet të kemi parasysh idenë e paqes, mirëkuptimit, reciprok dhe aftësisë që në një mënyrë ndryshe t’i zgjidhim problemet tona. Shpresoj se kjo mënyrë do të vie në shprehje gjatë bisedimeve që ndodhen para nesh.. edhe pse s’ka mbetur çka për t’u biseduar më, sepse ajo që ka ndodhur deri tash sipas meje është një pako definitive dhe unë vërtetë nuk e di në çfarë mënyre Serbia do ta ketë më mirë, derisa vazhdon të injorojë faktin sipas të cilit Kosova sot është një shtet absolutisht i pavarur nga Serbia”, tha ai.

Jovanoviq tregoi edhe çka dëshiron Serbia.

“Çka Beogradi dëshiron? Beogradi dëshiron diçka.. e ju sigurisht thoni se kjo është e pamundur...
Duhet të ulemi këtu para jush dhe të themi, këtë duam...veriun e Kosovës, atje moti nuk po bëhet jetë normale.. duhet thënë na e jepni veriun e Kosovës ne pranojmë pavarësinë e shtetit tuaj”, tha Jovanoviq.

Zëvendëskryeministri i Qeverisë së Kosovës, Enver Hoxha ka thënë se në dialogun me Serbinë janë arrit shumë marrëveshje por implementimi i tyre është bërë shumë pak, duke rregulluar pjesërisht jetën e qytetarëve të Kosovës.

“Marrëveshja për Asociacionin e cila është arrit në vitin 2013, pjesërisht por e cila është arrit përmbyllur në vitin 2015, është një kompromis i madh, është një kompromis i dhimbshëm për Kosovën, është një asht i madh që do të duhej ta përbin Kosova dhe kjo temë jo vetëm që i ka nda partitë për atë se si duhet të themelohet, kur do të duhej të themelohen, cilat do të ishin kompetencat, karakteri i tij por do të jetë një temë që do ta dallojë jetën tonë politike edhe gjatë muajve të jashtëm. Meqë unë kam qenë në negociata në Vjenë në vitin 2006-2007, ne kemi pas një pritje që duke integruar komunitetin serb në jetën tonë politike, jo vetëm që do t’i integrojmë ata në jetën institucionet lokale dhe qendrore, edhe Serbia dhe Rusia do të jetë e gatshëm ta pranojë integrimin e Kosovës në sistemin ndërkombëtar përmes anëtarësimit në OKB. Kjo nuk ka ndodhë dhe kjo situatë duhet të jetë si parametër se si ta kuptojmë edhe konsensusin që mund ta arrijnë partitë politike gjatë ditëve dhe javëve të ardhshme“, ka thënë Hoxha.

Ai shtoi se respektojnë vendimin e Gjykatës Kushtetuese, derisa përmendi të drejtat që kanë komuniteti serb në Kosovë.

“Kur flasim për fazën finale të dialogut Kosovë-Serbi, mendojmë që pritje e vetme që ka Kosova është njohja nga Serbia, dhe kjo nuk ka të bëjë me dëshira që Serbia mund të jetë garancë që të anëtarësohet në OKB...në mesin e krejt temave që ne i kemi me Serbinë, për mendimin tim, njohja e ndërsjellët është gurthemel i normalizimit, pa njohje të ndërsjellët unë e shoh problem se si ta mas normalizimin e marrëdhënieve Kosovë, serbi, kjo është e mundshme, kjo është në dorën e politikës serbe dhe nëse e kishim pas këtë debat pas 5 muaj pas shpalljes së pavarësisë, por pas 10 vjetëve, pse a mendon dikush që mund ta kthen mbrapa“, ka thënë ai.

Sipas tij, viti 2018 është viti që kontesti rajonal nuk ka qenë më pozitiv që nga viti 2013.

Presidenti i Serbisë, Aleksandar Vuçiq, gjatë bisedës me presidentin e rus, Vlladimir Putin, nuk ia ka dalë të arrijë objektivat e synuara para vizitës, përkatësisht nuk e ka “marrë miratimin për versionin e tij të njohjes së Kosovës”, shkruan sot e përditshmja e Moskës, “Komersant”.

“Vuçiq deshi t’ia tërheq vëmendjen Putinit për shqetësimin rreth situatës, aq më parë që sipas informatave të “Komersantit” në Serbi pritet seanca e Këshillit të Sigurimit të OKB, në të cilën Kina do të shtrojë çështjen e njohjes përfundimtare të Kosovës nga ana e organizatës botërore... Ndërsa Vuçiq nuk është kundër kësaj, aq më parë pse ka presion nga udhëheqja e BE-së dhe Federice Mogherini: ajo ka mundësi që dëshiron të mbahet në mend për funksionin e sja si dikush që e ka mbyllur përfundimisht problemin e Kosovës për botën”, shkruan kjo gazetë.

Gazeta thekson, duke u thirrur në burime anonime se Vuçiq “gjatë kohës së bisedimeve me Putinin ka dashur të marrë mbështetjen e tij për njohjen e Kosovës”, duke shtuar se vetë presidenti i Serbisë është i gatshëm për njohjeje nëse shkëputet veriu i Kosovës.

“Prandaj Vuçiq i premton Rusisë me shumë këmbëngulje se Serbia nuk do të anëtarësohet në NATO. Por, a mos po e stërthekson këtë gjë? Në këso rastesh ndodh që çdo gjë përfundon asisoj që ajo për çka je betuar se nuk do ta bësh në fund e bën”, shkruan gazeta.

“Del e qartë se negociatorët rusë nuk e kanë pasur aq të lehtë ta presin Vuçiqin. Fillimisht ishte vetëm Putini, bisedimet në katër sy kanë zgjatur mbi një orë, ndërsa 40 minuta i janë kushtuar pikërisht Kosovës”, shkruan raportuesi i gazetës nga Kremlini.

Kjo gazetë shton, gjithnjë duke u thirrur në burime anonime se Vuçiq “nuk ka hasur në mirëkuptim të Putinit se Rusia nuk duhet të vërë veto në KS të OKB, nëse Kina njëmend e shtron çështjen e anëtarësimit të Kosovës në OKB dhe për çmimin e asaj për Serbinë në variantin e Vuçiqit”.

“Do thënë se presidenti serb ka folur me Putinin vetëm në gjuhën ruse, ndonëse protokolli pa dyshim nuk e parasheh këtë mënyrë, pavarësisht nëse bashkëbiseduesit e flasin gjuhën e njëri tjetrit jo më kq se të veten. Konsiderohet e drejtë që shefi i shtetit në negociata të përdor gjuhën e vendit të vet”, rikujton Komersant.

Gazeta “Komersant” konisderohet si një medium që i shërben politikave dhe propagandës së Putinit dhe shërbimeve informative të këtij vendi.

Zëvendëskryeministri dhe ministri i Punëve të Jashtme, Behgjet Pacolli i është përgjigjur ashpër ministrit serb, Ivica Daçiq dhe e quan si person të vogël.

Deklarata e Daçiqit që të “rrënojë” njohjet e Kosovës është rezultat i sindromit të tij dhe të politikes qê ai përfaqëson - Destruktivitet, shkatërrim, rrënim.

Pra kjo është ajo që përfaqëson Daçiq. Ne në Kosovë do të jemi gjithmonë konstruktiv dhe do të ndërtojmë. Shkatërrimi është karakteristikë e të frustruarve të skajshëm.

Ne nuk jemi fajtor që një botë e tërë janë kundër Daçiqit dhe politikes se Serbisë. E sa i përket paralajmërimeve të Daçiqit për terheqjen e njohjeve ato janë thjesht përpjekje Don Kishoteske.

Këto përpjekje të Don Kishotit ballkanas, rezultojnë qesharake edhe kur ai prezenton “notën verbale” të Guinesë Bissau, e cila në fund të tekstit zotohet dhe rikonfirmon respektin që ka për Ministrinë e Jashtme dhe Republikën e Kosovës.

Sa i vogël je Ivica Daçiq... Po më zhgënjen çdo ditë e më shumë.....!

Drejtori i Forumit për marrëdhënie etnike Dushan Janjiq thotë se pas vrasjes së Oliver Ivanvoqit, Mitrovica veriore është, ndoshta, njëri nga vendet më të rrezikshëm ku jetojnë serbët.

Ai është ambient ideal për korrupsion e kriminalitet e natyrisht edhe për politikanë që duan të pasurohen shpejt gjë që më së lehti bëhet përmes kriminalitetit, ka thënë Janjiq për radion Evropa e Lirë në sektorin e gjuhës serbe.

Sipas tij, nga njerëzit që ai ka kontakt, atje tani mbretëron pasiguri. Ata po ndiejnë të ketë arritur një lloje paqeje porse e dinë se e keqja nuk ka shkuar. Shumë nga ta vërtetë mendojnë të largohen. Problemi aty është se politika në kohë të fundit është mbështetur në dhunë e kriminalitet. Serbia tani është para zgjedhjes. Ose do të lejojë që mafia ta marrë krejtësisht kontrollin ose do t’i qërojë hesapet me të keqen që e ka përfshirë gjithë veriun e Kosovës.

Janjiq thekson se sado që Beogradi të mendojë ta kontrollojë situatën në veri të Kosovës, ai këtë e bën përmes grupeve kriminale, dhe, është e qartë se ato kanë ndikim në strukturat qeveritare. Ne kemi informata shumë serioze se ato po përpiqen ta marrin edhe komunitetin informativ. Ato kanë ndikim shumë të madh në institucione, e të mos flasim ç’ndikim kanë te punët ndërtimore e të tjera që sjellin fitim të shpejtë. Ato janë rrjete që nganjëherë kanë mbështetje të qeverisë e nganjëherë e detyrojnë qeverinë që t’i mbështesë. Kush do ta marrë lokalin, nga ç’anë do të kalojë rruga, kush çfarë do të ndërtojë – për këtë vendos pushteti lokal, e ai vetëm formalisht vendos për atë kanë vendosur grupet e interesi.

Ai përfundon se përgjegjësin për gjendjen në veri duhet ta marrë kryetari ose kryeministri i vendit.

“Serbia nuk bën t’i gënjejë më qytetarët”, ka thënë Janjiq.

Zyrtarë të Serbisë tashmë hapur kanë deklaruar se vendi i tyre më së largu deri në vitin 2025 do të anëtarësohet në Bashkimin Europian

Megjithatë, ata thonë se anëtarësimi i Serbisë ose zgjerimi i Bashkimit Europian, siç njofton “blic” i Beogradit , duhet parë si proces për të cilin vendosin dhe pyeten të gjitha vendet anëtare të BE-së.

Sipas këtyre zyrtarëve, rolin kryesor do ta ketë Gjermani e pritet që asaj t’i bashkohet edhe Franca.

Këto dy vende kanë rezerva ndaj zgjerimit të Bashkimit Europian.

Në gjithë këtë, për anëtarësimin e Serbisë në BE, është i domosdoshëm edhe rrumbullakimi i kritereve politike që për Serbinë është kapitulli 35, përkatësisht normalizimi i marrëdhënieve të saj me Kosovën.

Ministrja serbe e Integrimeve Evropiane, Jadranka Joksimoviq Të mos e pyesim as Rusinë e as Amerikën - zgjidhjen për Kosovën ta gjejmë në Evropë

Nuk jam e lumtur që shoh SHBA-në, as Federatën Ruse si lojtarë kyçë që do t’i ndeshin interesat e tyre në këtë rajon.

Kështu ka thënë ministrja serbe e Integrimeve Evropiane, Jadranka Joksimoviq gjatë një takimi të konventës kombëtare për BE-në në kuadër të dialogut të brendshëm për Kosovën, raporton Tanjug.

Joksimoviq mendon se është me rëndësi që Serbia, para së gjithash, të mbështes konceptin evropian të sigurisë.

“Nuk jam e lumtur të shoh as SHBA-në, as Federatën Ruse si lojtarë kyçë të cilët do t’i ndeshin interesat e veta në këtë rajon. Mendoj se mjedisi natyror i Serbisë është para së gjithash Evropa, shtetet e Evropës dhe së bashku duhet të gjejmë zgjidhje”, tha ajo.Ajo tha se pret nga Bashkimi Evropian që në periudhën e ardhshme të tregojë kapacitet më të gjerë dhe përgjegjësi në gjetjen e zgjidhjes së qëndrueshme mes Beogradit e Prishtinës, zgjidhje e cila, sipas saj, do të ishte e pranueshme dhe që nuk do të krijonte një konflikt të tmerrshëm.

“Është në interesin e të gjithëve që të arrijmë deri tek zgjidhjet e qëndrueshme, dhe kjo nuk është e lehtë. Pa dyshim se edhe Qeveria serbe e edhe presidenti Aleksandar Vuçiq kemi treguar se jemi të gatshëm që në interesin më të mirë të njerëzve tanë dhe në përmirësim të jetës sonë, të provojmë që përmes dialogut dhe paqes të gjejmë zgjidhje të qëndrueshme”, ka thënë Joksimoviq.

Raportuesi për Serbinë në Parlamentin Evropian David Mccallister ka kërkuar nga kancelarja gjermane që ta pranojë propozimin e Serbisë për zgjidhjen e problemit me Kosovën

Kështu shkruan sot gazeta e Beogradit "blic", duke u thirrur, siç thotë ajo, në burime diplomatike në Berlin. Sipas pohimeve të kësaj gazete, Mccallister është takuar me Angela Merkelin dhe ia ka paraqitur asaj propozimin e Beogradit.

"Ai ka thënë se duhet përkrahur marrëveshjen e dy palëve, përkatësisht se duhet përkrahur atë propozim të cilin Serbia është e gatshme ta pranojë. Kancelarja pa u hamendur e ka hedhur poshtë", thotë burimi i paidentifikuar.

Edhe pse pritej që Angela Merkel, si njëra nga liderët e botës që me Serbinë dhe me kryetarin e saj Aleksandar Vuçiq ka marrëdhënie të mira, se do ta përkrahte propozimin për ndryshim kufijsh në marrëveshje me dy palët, kjo nuk ka ndodhur, shkruan gazeta.

"Kancelarja nuk e ka asnjë probleme me vendin tuaj dhe me kreun shtetëror të saj, por është e vetëdijshme se ndryshimi i qëndrimit ose zbutja e tij do ta vinte në pozitë të palakmueshme Gjermaninë”, ka thënë burimi.