Kujt i duhet besuar Edi Ramës apo Gent Cakajt?

Ministri në detyrë për Evropën dhe Punët e Jashtme, Gent Cakaj, i cili së bashku me Elisa Spiropalin kanë qenë dy nga shoqëruesit e kryeministrit në takimin me kancelaren Merkel, është treguar super entuziast për hapjen e negociatave. Sipas Cakajt, Merkel ka shprehur mbështetje absolute për hapjen e negociatave të Shqipërisë me BE.

“Takimi me Kancelaren Angela Merkel konfirmoj edhe një herë mbështetjen absolute të Gjermanisë për çeljen e negociatave për anëtarësim të Shqipërisë në BE. Progresi i madh i Shqipërisë në 5 prioritetet kyçe, me theks të veçantë në reformën në drejtësi, merr vlerësimin më të lartë nga Gjermania”, ka shkruar ai me nota hiper optimiste. Por, po të krahasohet deklarata e tij me atë të Ramës, pas takimit, ndryshimi që vihet re është i madh.

Lapsi.al i ka krahasuar ato i nisur edhe nga komentet e shtypit Gjerman që theksuan një ditë më parë se vetëm Maqedonia pas marrëveshjes së emrit me Greqinë , e meritonte ta hidhte këtë hap.

Ja se ç’shkruan njoftimi i kryeministrisë: “Ne kete takim u diskutua mbi ecurine e reformes ne drejtesi dhe procesin e integrimit te Shqiperise ne Bashkimin Europian. Gjithashtu Kryeministri Rama foli edhe per pritshmerite e qeverise shqiptare per raportin e Komisionit Europian qe pritet te publikohet ne fund te muajit maj. Kryeministri Rama e falenderoi Kancelaren per vemendjen e vazhdueshme dhe mbeshtetjen qe Gjermania ka dhene per te shtyre me tej rrugen e Shqiperise drejt Bashkimit Europian”.

Rama flet ndryshe me të huajt, ndryshe për shqiptarët

Kryeministri i Kosovës zt.Ramush Haradinaj dëshmon dyfytyrësinë: 

Edi Rama flet ndryshe me të huajt, ndryshe për shqiptarët 

Kryeministri shqiptar përdor demagogjinë patriotike kur u adresohet shqiptarëve, por përdor një gjuhë krejt tjetër me të huajt. Këtë të vërtetë që njihet botërisht e ka faktuar edhe homolohu i tij i Republikës së Kosovës, Ramush Haradinaj. Duke rrëfyer për samitin e Berlinit ai ka pohuar se si presidenti Hashim Thaçi, dhe kryeministri i Shqipërisë, Edi Rama, i kanë bërë presion më shumë se Vuçiqi, në sy të të gjithëve shefave të shteteve në Berlin, për ta hequr taksën 100% për produktet serbe. Haradinaj madje ka shtuar një detaj që dëften shumë për karakterin e Ramës: “Ai mi bënte këto kërkesa në gjuhë të huaj që ta dëgjonin edhe të tjerët se ishte kundër meje”.

“Dje u përsërit ajo që më ka ndodhë edhe në të kaluarën. Isha krejtësisht i vetëm në një qëndrim. Ma së vshtiri ish. Edhe presidenti (Thaçi), edhe Edi Rama më shumë bëjshin presion ata dy me e heq taksën, sesa shtetet tjera. Të gjithë instonin që me respektu qëndrimin e kancelares dhe Makronit, që ky është një shans i mirë për Kosovën e që nuk duhet me e humb. Një insistim direkt i pandalshëm. Në një gjuhë që ishte në anglisht, qe e merrnin vesh, edhe kancelarja edhe presdienti Makron”, ka thënë Haradinaj në një intervistë ekskluzive për T7 nga Berlini.

Por në nëntor të vitit të kaluar, Rama gjatë një takimi të dy qeverive në Kosovë ishte treguar më katolik se papa në mbrojtje të taksës 100%. Madje atëhere ai e kishte konsideruar atë një masë të detyrueshme politike: “Tarifa 100% është një vendim iracional në kushte normale, por krejt normal në kushte iracionaliteti si ato që përvijon qasja e dyfyrë e Serbisë. Kush e sheh tarifën 100% si aspekt ekonomik atëherë gabon, por kjo tarifë është si kundërpërgjigje politike” e pati mbrojtur ai taksën ekstreme të vënë nga qeveria e Kosovës.

Atëhere kujt Rame ti besojmë, atij që flet për patriotët, apo atij që do të shtiret ndryshe tek liderët perendimorë?

***

Do t’i përgjigjemi çdo provokimi të Serbisë

Kryeministri i Republikës së Kosovës, Ramush Haradinaj, ka folur sërish lidhur me Samitin e Berlinit që pritet të mbledhë ditën e hënë liderët e Ballkanit Perëndimor në një tryezë bisedimi. Haradinaj u shpreh se nuk do të tolerojë asnjë provokim nga pala serbe, duke theksuar se në të kundërt do të merren masa ndëshkimore. “Nuk po paragjykoj çfarë masash, po edhe na dimë me ia dalë vetë”, ka thënë numri një i qeverisë së Kosovës.

Me qëllim që pala kosovare të mbajë një qendrim të unifikuar dhe sa më përfaqësues, Haradinaj zhvilloi dje një takim me kreun e shtetit, Hashim Thaçin, për të folur paraprakisht lidhur me pikëpamjet e tyre sa i përket gjetjes së një zgjidhjeje, që do të mundësojë rivendosjen e dialogut dhe normalizimin e marrëdhënieve mes Serbisë dhe Kosovës. 


“Mendoj që qëndrimet që i ka mbajt qeveria janë të Kosovës, jo vetëm të kryetarit të qeverisë. Kam shpresë se nuk do të kemi shpërputhje me presidentin.”- u shpreh për mediat para takimit Haradinaj.

Më herët Haradinaj është shprehur optimist mbi mundësinë e negocimit të një marrëveshjeje me Serbinë për njohje reciproke në punimet e Samitit. 

Nga ana tjetër, presidenti serb, Aleksandër Vuçiç, nuk ka shfaqur pritshmëri për stabilizimin e marrëdhënieve dypalëshe pa përmbushjen e parakushtit për heqjen e taksës doganore mbi mallrat dhe produktet serbe.

F.B

Edvin Kristaq Rama: E VERTETA IME ME SHUME DESHMITARE

Lojtës Videosh

Kryeministri Edvin Kristaq  Rama i ka kthyer një përgjigje të gjatë homologut të tij kosovar Ramush Haradinaj i cili tha pas samitit të Berlinit se në takimin me dyer të mbyllura i bënte më shumë presion Rama se Vuçiç. 

Më poshtë përgjigjja e Ramës.

E VERTETA IME ME SHUME DESHMITARE

Si rregull udhëheqësit nuk i komentojnë ne publik bisedat mes tyre e sidomos ato informale, aq me teper pa rene dakord paraprakisht dhe lere pastaj t’i shtremberojne, duke genjyer per te dale “burra te mire” para popullit te tyre, si te ishin duke shitur mish ne pazar. Me vjen sinqerisht keq qe miku im Ramush, nuk e ka mesuar ende kete rregull kaq te thjeshte, megjithese normalisht ky s’eshte as ndonje rregull udheheqesish ne fakt, po nje norme elementare mirekuptimi njerezor. Nuk eshte hera e pare qe e ben, po eshte hera me e gabuar dhe prandaj kete here, s’e kaloj dot ne heshtje si te tjera.

Askush s’i ka bere Ramushit presion ne Berlin per te hequr taksen. Une jo e jo. Madje askush as i’a ka kerkuar hiç qe ta heqe taksen! Une jo e jo. Perkundrazi.

Kancelarja Merkel dhe Presidenti Macron, kane nxitur nje diskutim informal ne holl mbi rifillimin e dialogut. Kam nderhyre vetem njehere, duke thene se ata duhet te hynin vete ne proces. Me tutje i kane kerkuar me shume durim dhe disa here Ramushit jo ta heqe taksen, po thjesht te jape pelqimin qe taksa te pezullohet perkohesisht, per 6 muaj apo edhe per 4 muaj qofte, duke u zotuar qe te hyjne ne procesin e dialogut Kosove-Serbi ata vete. Edhe te dy personalisht, kancelarja dhe presidenti!

Hashim Thaçi: SHBA ka rol vendimtar në dialog

Presidenti i Kosovës zt. Hashim Thaçi në Samitin e Berlinit ka thënë se të gjithë jemi dëshmitarë se dialogu aktualisht është i bllokuar dhe se sipas tij janë disa faktorë që kanë sjellë këtë situatë të pashpresë.

“Së pari, Serbia në mënyrë të njëanshme e ka kushtëzuar vazhdimin e dialogut me heqjen e taksës për prodhimet serbe të vendosur nga Kosova”, ka thënë presidenti i Kosovës zt.Hashim Thaçi. 

Sipas tij, ky veprim është i papranueshëm dhe në kundërshtim me parimin kryesor udhëheqës të dialogut i cili është respektuar që nga viti 2011, që nënkupton se dialogu është i pakushtëzuar.

“Së dyti, më lejoni të them se përpjekjet tona të përbashkëta për të arritur një marrëveshje gjithëpërfshirëse, janë minuar dhe kundërshtuar në mënyrë të pakuptueshme nga disa drejtime”, ka theksuar presidenti Thaçi.

Sipas tij, faktori ndërkombëtar nuk ka dëshmuar unitet dhe përkrahje për përpjekjet për marrëveshje gjithëpërfshirëse, dhe se kjo përçarje, ka pasur reflektime tepër negative në spektrin politik në Kosovë, dhe si rrjedhojë, ka pasur qëndrime kundërthënëse dhe vështirësi të mëdha në themelimin e Ekipit Negociues gjithëpërfshirës në Kosovë.

I pari i Kosovës, ka shprehur skepticizmin e tij se një marrëveshje gjithëpërfshirëse finale mund të arrihet në rast se shtetet e Quinitit nuk janë të bashkuara dhe në rast se nuk flasin me një zë, shkruan RTK.

“Për më tepër, ju të gjithë e dini se marrëveshja është e pamundur pa rolin vendimtar të SHBA-ve”, ka shtuar ai. Ai po ashtu ka thënë se shtetet fqinjë në rajon, me ndonjë përjashtim të vogël, nuk janë treguar aspak ndihmuese ndaj përpjekjeve tona.

Kreu i vendit ka thënë se pavarësisht faktit se kur dhe si do të arrihet një marrëveshje ndërmjet Kosovës dhe Serbisë, demarkimi i kufirit ndërmjet të dy shteteve është thjesht i pashmangshëm.

Diplomati amerikan përkrah kryeministrin Ramush Haradinajn: Taksa e ndërpreu nismën për korrigjim kufijsh

Në një analizë ku “skanon” marrëdhënien konfliktuale mes Kosovës dhe Serbisë, diplomati amerikan, Louis Sell, shkruan se vendosja e taksës 100 % ndaj produkteve dhe mallrave të importit me origjinë serbe dhe boshnjake, ka parandaluar konkretizimin e idesë së korrigjimit të kufijve. “Vendosja e tarifave nga zt.Ramush  Haradinaj, ka ndërprerë shkëmbimin, të paktën për momentin, por ajo që vjen më pas është e paqartë. 


HashimThaçi vazhdon të deklarojë me optimizëm se një marrëveshje është e mundur këtë vit dhe se duhet ulur për të biseduar me armiq por pa kushte.”- shkruan Seller.

Sipas diplomatit, vizatimi i kufijve mbi baza etnike do të vinte në rrezik stabilitetin e mbarë rajonit të Ballkanit Perëndimor. Duke komentuar edhe Samitin e Berlinit të mbajtur këtë të hënë mes liderëve të gjashtë vendeve të rajonit me kancelaren gjermane, Angela Merkel dhe presidentin francez, Emmanuel Macron, Sell shkruan se në tryezën e bisedimeve krerët e BE-së sugjeruan ndjekjen e një rrugëdaljeje alternative për rivendosjen e dialogut mes Kosovës dhe Serbisë, duke përjashtuar skenarin e korrigjimit të kufijve.




Në këndvështrimin e diplomatit, marrëdhëniet bilateral do t’i ktheheshin normalitetit nëse komuniteti serb do të lejohej të vetëqeveriste brenda Kosovës, në respekt të plotë të marrëveshjes së vitit 2013 për krijimin e Asociacionit të Komunave me shumicë serbe. Gjatë karrierës së tij të gjatë diplomatike, Louis Sell ka shërbyer si Drejtor i Grupit Ndërkombëtar të Krizave në Kosovë në vitin 2000. Ndërsa, në vitin 2003 ai u bë një nga themeluesit e Universitetit Amerikan në Kosovë dhe luajti rolin e Drejtorit Ekzekutiv të këtij institucioni arsimor deri në vitin 2007.

Çmenden mediat serbe: Kryeministri kosovar ,gjenerali i luftës dhe Heroi i Paqë zt.Ramush Haradinaj i kërkon Serbisë të paguajë 22 miliard euro, po na kapitullon dhe poshtëron

“Në njërën anë Serbisë dhe komunitetit serb në Kosovë nuk i është ofruar asgjë, shteti ynë jo vetëm që duhet pa kushte të njohë Kosovën dhe t’i lejojë asaj një vend në Kombet e Bashkuara dhe të gjitha organizatat tjera ndërkombëtare, por do të duhet ta mbështesë atë nëpërmjet reparacioneve të shumta që datojnë edhe nga koha e RSFJ-së”, shkruan mediumi serb.

“Në dokumentin e hartuar nga Haradinaj thuhet se ai kërkon kompensimin e dëmeve të luftës, pensionet e papaguara, kursimet që shqiptarët kishin në bankat e ish- Jugosllavisë, por edhe të tjera. Ndërsa askush, as në Beograd ose në Prishtinë me siguri nuk mund të pretendojnë për çfarë mund të jetë një shumë e tillë. Por, shqiptarët nga Kosova me sa duket nuk kanë hyrë të papërgatitur për këto kërkesa. Kjo është, në fakt, rreth 22 miliardë euro dhe kjo shumë vlen vetëm për dëme të caktuara, të cilat Kosova i ka pësuar nga viti 1989 deri në vitin 1999, pikërisht gjatë periudhës së sanksioneve, për të cilat faji i vihet Serbisë”, shkruan ndër të tjera mediumi serb.

Ramush HaradinajAta shkruajnë se Haradinaj është i gatshëm të lëvizë kufijtë, mirëpo ata kanë një çmim dhe jo të vogël.

Portali serb, Blic në një shkrim të tyre kanë shkruar se kërkesa e kryeministrit të Kosovës, Ramush Haradinaj për t’i kompensuar borxhet e Serbisë para vitit 99’ si: dëmet e luftës, pensionet e papaguara, ndihmat sociale, çmimet e energjisë elektrike etj, do ta kapitullonin Serbinë, transmeton “Bota sot”.

Ata shkruajnë se Haradinaj është i gatshëm të lëvizë kufijtë, mirëpo ata kanë një çmim dhe jo të vogël.

Shkrimi i plotë i Blic:

Nëse do të gjykohet nga zhvillimet e fundit në Beograd-Prishtinë, duket se Kryeministri i Kosovës Ramush Haradinaj është për t’i lëvizur kufijtë. Një nga gjërat e fundit që dëshmon pikërisht për këtë është marrëveshja e saj gjithëpërfshirëse midis Serbisë dhe Kosovës ditë më parë, e cila ka të bëjë me një listë dëshirash të çmendura. Për këtë, Haradinaj po kërkon një shumë parash, jo të vogël.


Një plan prej 30 faqesh, me një preambulë dhe 16 kapituj, në të cilin "Blic" e ka siguruar, është kaq ekstreme sa mund të konkludohet se qëllimi i saj është vetëm një , për ta detyruar Serbinë të poshtërohet dhe të kapitullohet. Në njërën anë Serbia dhe komuniteti serb në Kosovë nuk i është ofruar asgjë.

Në këtë "listë" të kërkesës janë gjetur pagesa e kompensimit të luftës, pensioneve të papaguara, dinarit dhe kursimeve në valutë të huaj që shqiptarët kishin në bankat në Ish Jogusllavi, si dhe ndihmat sociale, ndihmat për fëmijë, transmetimi i energjisë elektrike etj.

F.B.

****

Ka shumë të drejtë deputetja Vjosa Osmani

Akademik Prof. Dr. Eshref Ymeri,Ph.D 

Vjosa Osmani“Vjosa Osmani: Presidenti është faqja më e zezë e vendit tonë”.

Në faqen e internetit të gazetës “Bota Sot” të ditës së sotme, 26 prill, lexova një reagim mjaft mbresëlënës të deputetes së Kuvendit të Kosovës, deputete kjo e Lidhjes Demokratike të Kosovës, zonjës Vjosa Osmani, me titull:

Prof.Dr.Vjosa Osmani 

“Vjosa Osmani: Presidenti është faqja më e zezë e vendit tonë”.

Ky reagim fort i rreptë i kësaj deputeteje të nderuar kundër presidentit Hashim Thaçi, vjen pas qëndrimit shpërfillës që ai ka mbajtur në Komisionin Hetimor Parlamentar për dëbimin e 6 shtetasve turq, ku u ka bërë bisht të gjitha pyetjeve që i janë drejtuar nga anëtarët e këtij komisioni.

Zonja Vjosa Osmani ka shumë të drejtë. Por duhet theksuar se presidenti Hashim Thaçi shfaqet si faqja më e zezë e Kosovës jo vetëm në rastin në fjalë. Ai është shfaqur si faqja më e zezë e Kosovës që kur premtoi se banorët shqiptarë të veriut të Mitrovicës do të rikthehen në banesat e tyre. Ngjarjet e mëvonshme vërtetuan në praktikë se ai kishte mashtruar në mënyrën më skandaloze, se, në bashkëpunim të ngushtë me Beogradin, veriun e Mitrovicës ua la vetëm serbëve. Por duhet theksuar me forcë se, si faqja më e zezë e Kosovës, presidenti Hashim Thaçi është shfaqur edhe më shumë që prej 19 prillit të vitit 2013, kur filloi serinë e lëshimeve që i bëri shovinizmit serbokriminal në dëm të interesave kombëtare të Kosovës, duke pranuar të ulet në bisedime me Beogradin, pa kërkuar prej tij që, fillimisht, ai të dilte me një ndjesë publike para opinionit ndërkombëtar për masakrat mizore, për vrasjet dhe për shkatërrimet e rënda që i shkaktoi ekonomisë së Kosovës, çka, paskëtaj, duhej të shoqërohej me kërkesën për dëmshpërblimin e plotë të tyre nga ana e tij. Jo, presidenti Hashim Thaçi nuk ia shtroi kurrë Beogradit një kërkesë të tillë, sepse ai është në fronin e presidentit vetëm për të mbrojur interesat e shovinizmit serbokriminal.

Në faqen e internetit “fish media.info” të datës 22 janar 2019, lexova një informacion me titull:




“Frika e serbëve nga Haradinaj: Përveç njohjes, Haradinaj po kërkon 22 miliardë euro dëmshpërblim”.

Deri tani s’kemi dëgjuar kund që presidenti Hashim Thaçi të jetë shprehur për këtë dëmshpërblim që ka parashtruar kryeministri Haradinaj. Sigurisht që ai nuk mund të shprehet, se ai është në postin e presidentit të Kosovës vetëm për mbrojtjen e interesave të Beogradit, të cilit, që prej 19 prillit 2013, i ka bërë vetëm lëshime pas lëshimesh, sipas interesave të pakicës serbe, e cila, gjatë viteve të luftës bashkëpunoi ngushtë me forcat paramilitare serbe dhe bandat e Arkanit dhe të Sheshelit për masakrimin e popullit shqiptar të Kosovës.

Duke pasur parasysh këto qëndrime antikombëtare që presidenti Hashim Thaçi ka mbajtur ndaj Kosovës, në bashkëpunim të ngushtë me UNMIK-un dhe me EULEX-in, dy struktura këto në shërbim të pakicës serbe dhe kundër interesave jetike të popullit shqiptar të Kosovës, duke pasur parasysh që presidenti Hashim Thaçi kërkon ndryshimin e kufijve sipas midesë së Beogradit, Kuvendi i Kosovës, normalisht, duhej ta kishte shkarkuar menjëherë Hashim Thaçin nga posti i presidentit. Po pse nuk e ka shkarkuar?

Vetvetiu lind pyetja: Kuvendi i Kosovës është Kuvend shqiptarësh apo Kuvend mercenarësh në shërbim të Beogradit?