'Teatri', Rama: Godina e degraduar! Duhet të ishte shembur para 20 viteve, zhurmë e mediokritet

Kryeministri Edi Rama tha se debati për Teatrin Kombëtar duhet të ishte mbyllur 20 vite më parë, ndërsa kishte një përgjigje për të gjithë ata që e akuzojnë për trashëgiminë kulturore, protestuesit dhe opozitën.

"Zhvillimet te teatri janë shumë të vjetra dhe vjen sinqerisht edhe mirë edhe keq që vijon një debat për një temë që duhet të ishte ezauruar 20 vite më parë. Ka shumë njerëz që ngatërrojnë muret me historinë, historinë, nostalgjinë, por duhet të them se së pari nëse ka një forcë qeverisëse në krahasim me gjithkënd tjetër nuk mund të akuzohet për mungesë vëmendje apo ndjeshmërie ndaj trashëgimisë kulturore jam unë dhe forca qeverisëse.

Kur unë kam filluar përpjekjet për të shpëtuar trashëgiminë kulturore, kompleksi i ministrive ishte ku bindin suvatë, mbinin fiqtë mbi taraca. Godina e Teatrit nuk është një cështje verbërie apo indiference, por realiteti, një godinë e ndërtuar nga ushtria italiane me material të përkohshëm, jo për të qenë teatër kombëtar. Nuk ka qenë aty teatri me planin italian apo pas luftës.

Ka mbetur gjë e përkohshme gjithë jetën si rezultat i pamundësive, sot është e degraduar, është e pariparueshme. Nëse do të kishte vlerë nga pikëpamja arkitektonike dhe nëse do të i kishte hapësirat për teatër atëherë nuk do të ishte e mundur të restaurohej, por të shembej dhe rindërtohej. Asnjë centimetër nuk do të  përdoret për zhvillim privat. Asnjë.

Zhvillimi privat pas rrethimit të teatrit. Me projektin e ri kërkojmë shumë më tepër fond me privatin për ta këmbyer me një truall pas teatrit ku ka ferra, vlera që i marrim këtij trualli është një teatër i ri. Muzeu do të jetë brenda godinës së re të teatrit. Cështja është politike, mediokritet dhe kapur pas asgjësë për të bërë zhurmë. I respektoj ata që janë kundër, por nuk mund të jemi të gjithë dakord me ato që bëjmë, shumica është e qartë në këtë drejtim" tha ai. 

Edvin Kristaq Rama ironizon presidentin Ilir Metën për 'tërmetin apokaliptik': Po presim 'Venecian' për shkarkimin

Kryeministri Edi Rama ironizoi Presidentin Ilir Meta me alarmin për tërmetin apokaliptik. 

I pyetur se përse shumica nuk pret vendimin e Kushtetueses për ligjin për Teatrin ai tha se "Për të njëjtën arsye që nuk presim dot tërmetin".

Përsa i përket cështjes së komisionit hetimor të shkarkimit që është ngritur, Rama tha se presin opinionin e Komisionit të Venecias. "Ne e kemi çuar cështjen për trajtim nga Komisioni i Venecias për të pasur një proces të mirkuptuar dhe të qartë për të gjithë komunitetin e miqve dhe partnerëve.

Do të presim edhe raportin edhe pastaj do të gjykojmë mbi bazën e raportit, nuk mund të them nëse kështu apo ashtu. Nuk ishim të detyruar ta conim te komisioni i Venecias, tani do të presim" tha ai.

Kryeministri shqiptar Edvin Kristaq Rama u shpreh se vlerëson Ramush Haradinajn për kontributin e dhënë gjatë luftës në Kosovë, ndërsa dorëheqjen e tij e konsideroi një lëvizje taktike.

 "Është gjëja më normale më duket mua, se te lufta e UÇK-së përfshihet dhe Ramush Haradinaj dhe jep apo jo dorëheqjen është një çështje politike dhe taktike. Në raport me luftën unë e konsideroj Ramush Haradinaj dhe Jakup Krasniqin si anëtarë të një lufte çlirimtare, e cila nuk mund të zhbëhet dhe as nuk mund të tjetërsohet nga këto akuza" tha Edvin Kristaq Rama.

Presidenti shqiptar Ilir Meta sulmoi reformën në drejtësi

Luigi Soreca e ‘këshillon': Ajo duhet të jetë prioritet për çdo politikan shqiptar


Kreu Delegacionit të BE Luigi Soreca thotë se reforma në drejtësi, po zbatohet në përputhje të plotë me Kushtetutën e Shqipërisë dhe legjislacionin kombëtar përkatës. Ai thekson se reforma në drejtësi dhe procesi i integrimit të Shqipërisë në BE duhet të jenë një prioritet për çdo politikan shqiptar.

Meta sulmon Euralius-in (misioni i BE-së) për Reformën: Kjo nuk është drejtësi europiane

Kreu Delegacionit të BE Luigi Soreca dhe presidenti Ilir Meta


Pas kritikave që presidenti Ilir Meta i bëri misionit 'Euralius' në Shqipëri për zbatimin e reformës në drejtësi, reagon kreu Delegacionit të BE në Shqipëri Luigi Soreca.

Soreca thotë se reforma në drejtësi, po zbatohet në përputhje të plotë me Kushtetutën e Shqipërisë dhe legjislacionin kombëtar përkatës.

Ai thekson se reforma në drejtësi dhe procesi i integrimit të Shqipërisë në BE duhet të jenë një prioritet për çdo politikan shqiptar, një arsye për unitet, jo përçarje, për të mirën e qytetarëve.

Përgjigja e plotë e Luigji Soreca:

Kemi vërejtur kritika për punën e projektit të asistencës teknike të financuar nga BE-ja për sektorin e drejtësisë EURALIUS. Profesionalizmi, përkushtimi, puna e madhe dhe integriteti i EURALIUS-it janë për t’u lavdëruar. Ndihma e tyre është provuar e domosdoshme për të çuar përpara agjendën ereformave, duke punuar ngushtësisht me partnerë të tjerë si OPDAT i SHBA-së, ekspertë nga Shtetet Anëtare të BE-së dhe shërbimet e Komisionit Evropian. Kjo mbështetje është kerkuar nga autoritetet shqiptare dhe roli monitorues i Komisionit dhe i SHBA-ve u miratua njëzëri nga Kuvendi në kohën e adoptimit të amendamenteve kushtetuese.

Ky është një proces kompleks, por reforma është në rrugën e duhur dhe është me rëndësi shumë të madhe që të gjitha institucionet shqiptare ta mbështesin atë. Sa i përket veçanërisht krijimit të Gjykatës Kushtetuese, sigurisht që është e rëndësishme që sapo të përfundojnë zgjedhjet dhe klasifikimi nga Këshilli për Emërimet në Drejtësi, të gjitha institucionet kompetente, duke përfshirë edhe Presidencën e Republikës, të sigurojnë që kandidatët të zgjidhen me prioritet. Ne jemi të bindur se një detyrë e tillë do të ndiqet plotësisht dhe në kohën e duhur.

Reforma e drejtësisë dhe procesi i integrimit të Shqipërisë në BE duhet të jenë një prioritet për çdo politikan shqiptar, një arsye për unitet, jo përçarje, për të mirën e qytetarëve. BE-ja do tavazhdojë mbështetjen e saj për procesin e reformës dhe do të sigurojë monitorimin e duhur të standardeve në bashkëpunim të ngushtë me SHBA-të.

Si po ndihmon Mafian, Soreca i Antimafias?!

Nga Basir Çollaku

Ambasadori i BE në Tiranë Luigi Soreca zëvendësoi Romana Vlahutinin, e cila në pak muaj u shndërrua në një anëtare qeverie dhe kryesie të PS.

E teproi duke ia kaluar Fugës dhe Ramës në mbështetje të vetë Ramës. Afera korruptive me vilën 1.6 milionë euro shumëfish i tregut, ishte një trullosje financiare për të cilën nisën betimet nga strukturat eprore në BE.

Luigi Soreca 

Largimi i saj qëlloi lehtësim nëse pasardhësi do ishte përfaqësues i BE dhe jo i Edi Ramës në BE. Iluzion. Pritshmëria ishte se italiani Soreca ish-pjesë e Antimafia dikur do të qëmtonte seriozitet në qëndrime ndaj qeverisë më të akuzuar e lidhur me krimin ne planet.

Pallavra.

Pas Vlahutinit sjelljes së saj, përfitimeve e qokave të saj, Shqipëria u bë shumë e kërkuar nga zyrtarë evropianë që kishin një sy nga Brukseli e një sy nga Xhepi.

Kështu, fati e solli Sorecën në dorë të fatit. Dyshimet u ftohën. Luigi e kaloi Romanën, e la larg. Në pak ditë u kthye zëdhënës qeverie.

Shitës sheqeri qeveritar, mjalti qeveritar. Kur i duhej ndonjë kritikë kishte opozitën gati.

Përse Soreca ish Antimafia mbështet Mafian??!

Nuk e di?

Nuk ka informacion?

Kështu ia do puna?

Kështu e kanë urdhëruar?

Kush pjerdh për Shqipërinë?

Apo e paguajnë informalisht qeveria dhe shoqnia e saj?

Njëra ka ndodhur.

Teatri një çështje delikate po aman tenderin me kujdes?!!?

Soreca i Antimafias përse nuk flet për ndërtuesin e premtuar ku Mafia ka lidhje sipas medies evropiane me këtë sipërmarrje?!!

Soreca i Antimafies si nuk flet për miliarda që po pastrohen në Shqipëri me forma nga më të pataksurat?

Soreca i Antimafias përse nuk e kupton se 20 milionë euro kilometri në Unazë të Re në Balldre- Milot në Dukat janë pastrim parash ose të thotë se projektet e BE që e llogarisin një kilometër 1.6 milionë euro kilometrin ndryshe nga 17.4 të Ramës kanë lajthitur?!

Soreca i Antimafias përse nuk thotë asgjë për a vëllanë e Xhafës, Tahirin, meqë Antimafia italiane i ka qëndisur nëpër dosje?!

Soreca i Antimafias nuk e di fare se Shullazi, Bajret, Dako me Avdylët, Sejdini me Sanxhaktarët e plot të tjerë janë punë mafioze?!

Soreca i Antimafias a e sheh se vettingu dhe dy standardet dhe qortimet serioze të Venezzias dhe qokat e turpshme ligjore skandaloze të Euralius janë së paku tallje trapi së shumti interesa mafioze???

Soreca i Antimafias a ka marrë info se ka prokurorë e gjyqtarë të larguar me porosi të Mafias?!?

Soreca i Antimafias a e sheh se e njëjta gjykatë si ajo e Durrësit, jep vendin e paradite e pasdite sipas porosisë së Mafias se ligji kurrkund se parashikon fasonerinë?!?

Soreca i Antimafias nuk duhet të bëjë kaq hapur mbrojtjen e paligjshmërisë me etiketa leshi integrimi.

Soreca i Antimafias ka mbetur vetëm të marrë një zyrë në Kryeministri dhe një dhomë me qera në Surrel, të tjerave ua ka nxjerrë bojën…

“Kjo është “sëmundja e guvernatorit”Luigi Soreca

Ish-kryeministri shqiptar Prof.dr. Sali Berisha ka qenë i ashpër ndaj ambasadorit të BE-së, në Tiranë Luigi Soreca në lidhje me qëndrimet e këtij të fundit për Teatrin Kombëtar. 

Në një reagim të gjatë në rrjetet sociale, Berisha thekson se me deklaratën e tij në krah të qeverise, ambasadori Soreca ndër të tjera kërkonte të neutralizonte dhëmb për dhëmb deklaratën e sekretarit te përgjithshëm të OSBE-së, i cili kërkoi që për këtë çështje të pritej vendimi i Gjykatës Kushtetuese.

Berisha shkon edhe më tej teksa thotë se në Shqipëri është shfaqur një sëmundje e tmerrshme, e cila ka sëmurur për fat të keq ndonjë ambasador.

Luigi Soreca

“Kjo është “sëmundja e guvernatorit”, e cila iu ka kushtuar shqiptareve tepër shtrenjte se paku katër vite vendnumëro në procesin e hapjes se negociatave dhe ndërtimin në Shqipëri të narkoshtetit të parë në Evrope.

 Kjo natyrisht jo nga ambasadoret por nga vet qeveritaret shqiptare të mbrojtur nga guvernatorët. Por sindroma e guvernatorit dhe pasojat dramatike te saj tek qytetaret e thjeshte shqiptare nuk jane objekt i ketij shkrimi”, shkruan Berisha.



Ambasadori i Delegacionit europian në Tiranë Luigi Soreca tha të hënën se i takon autoriteteve shqiptare të vendosin nëse duhet apo jo një teatër i ri, por se për Bashkimin Europian është shumë e rëndësishme që të ketë një garë të hapur dhe me kritere transparente, për zhvillimin e projektit.

Në fakt, vitin e kaluar qeveria kaloi një ligj të posaçëm i cili i njihte të drejtën kompanisë private FUSHA që të ndërtonte me fondet e saj një godinë të re Teatri, sipas projektit të arkitektit të njohur danez Bjarke Ingel. Në këmbim, kompanisë, i lejohej ndërtimi i disa pallateteve shumëkatëshe në zonën rreth e qark në zemër të Tiranës.

Ishte pikërisht ndërhyrja e Brukselit që detyroi shumicën që të ndërhynte në ligjin e kthyer pas nga Presidenti Ilir Meta dhe të përfshinte konceptin e garës. Qeveria për disa muaj e mbajti në sirtar zbatimin e ligjit dhe vetëm në prill nxorri vendimin për hapjen e garës nga ana e Bashkisë së Tiranës.

Kompanitë e interesuara, sipas njoftimit të Bashkisë së Tiranës, kanë afat që të paraqesin propozimet e tyre deri më datë 19 shtator, por sërish kompania FUSHA, duket se është e favorizuar në këtë garë. Ajo ka në dorë projektin e parapëlqyer të Qeverisë si dhe marrëveshjet me pronarët e tjerë që kanë sipërfaqë në këtë zonë, ndërkohë që konkurrentët e mundshëm, do të duhet të nisin gjithshka nga e para e të plotësojnë shumë nga kriteret që përmban projekti tanimë i bërë publik dhe që është në dorën e kompanisë FUSHA apo dhe të bindin pronarët e sipërfaqeve private, të cilët kanë mbyllur me kohë marrëveshjet po me kompaninë FUSHA.

Në ndërkohë, vijon debate politik, mes opozitës e cila flet për një aferë korruptive nga ana e qeverisë, dhe kësaj të fundit e Bashkisë, të cilat janë të vendosura për t’i shkuar deri në fund realizimit të projektit.

Të arrestohet Edi Rama, vetëm kështu nuk do të ketë më krime

Kreu i FRPD-së, Belind Këlliçi, kërkon që kryeministri Edi Rama të arrestohet në mënyrë që krimi të mos jetë i lirë dhe në pushtet. Reagimi i tij vjen pas lirimit të një prej personazheve më të njohur të botës së krimit në berat, Lulzim Cakës, i cili u la i lirë 4 muaj e 22 ditë përpara se të përfundonte dënimi.


“Një tjetër ‘i tmerrshëm’ u lirua dje nga qeveria e Edi Ramës. Sot, për të mbuluar gjurmët e urdhëruesit te vërtetë të këtij lirimi, bëjnë sikur arrestojnë një drejtor burgu, i cili nesër do të lihet i lirë. Prokuroria duhet të hetojë menjëherë kush është urdhëruesi i këtij vendimi dhe fijet lidhen në të njëjtin vend, si me çdo kriminel tjetër, tek Edi Rama.

Me Edi Ramën krimi është i plotfuqishëm në këtë vend. Ai është në parlament, është në qeveri, është në biznes, është rrugëve duke bere ligjin. Arrestimi i Edi Ramës është çlirimi përfundimtar nga krimi për Shqipërinë.”, shkroi  Belind Këlliçi në Facebook.