ÇRREGULLIMI PSIKO SOMATIK, DHE VET-IZOLIMI(13)

Lule Alidema

“JO ÇDO NDRYSHIM NË TRUPIN TONË QË JEP SIMPTOMË NË FORMË TË DHEMBJES ËSHTË SËMUNDJE TRUPORE”

Njeriu është qënie komplekse për nga natyra! Komplekse ngase njeriu funksionon nga dy “aspekte”, në atë psiçikë dhe fizikë!
Mundë të na ndodhë, çoftë nga gëzimi, çoftë nga hidhërimi, të kemi luhatje të organizmit tonë, dhe të kemi mosmarrveshje me veten tonë!

Them mosmarreveshje, ngase trupi dhe mendja kanë aq lidhëshmëri mes vete, sa që nga një luhatje psiçike fare e lehtë, mund të pasojmë në luhatje fizike, organike, dhe anasjelltas.

Në situatën në të cilën jemi të ekspozuar, para kësaj situate nëse mundë të them “tronditje” psiqike, sepse pranuam ose jo në një mënyrë po na tronditë, nga vet ideja se duhet të vet-izolohemi për javë të tëra, frika se do të përfshihemi etj, e aq më keq se nuk dijmë aspak se çfarë po ndodhë, apo çfarë do të ndodhë, gjithësesi se sado që do të mundohemi të menagjojmë aspektin psiçikë na ndodhë se momente, momente të kemi luhatje psiçike që mundë të zëvendësohen me ato fizike, si psh, nga një sasi stresi, frike, paniku ne mundemi të kemi simptoma të ndryshme fiziologjike dhe organike.

Psh, kur jemi në ndikim të stresit, panikut, frikës etj, mundë të kemi frymënxënie, djersitje, shtrëngime në krahëror, që mund të na shpiejnë deri tek Kardiologu, sepse ne këto simptoma i’a adresojmë problemve me zemrën, pastaj ndryshime në metabolizëm, përzierje barku, marramendje e shumë simptoma të ndryshme!

Po pra, secila nga këto shqetësime psikologjike të lartëcekura munden të ndërlidhen edhe me simptome të ngjashme të një dhembje fizike.

Gjithë kësaj gjendje, kur janë prezente çrregullimet organike, dhe kanë bazë psiçike, quhen qrregullime PSIKO SOMATIKE.
Po pra, kjo ndërlidhje e pavetëdijshme apo zëvendësim semundjesh, në psikologji njifet si çrregullim PSIKO SOMATIK.

Fjala psiko somatik rrjedh nga gjuha greke që do të thotë: psiko- shpirti, mendja dhe somatike- diçka që i referohet organizmit, dmth, nga një formë çrregullimi me bazë mendore zëvendësohet me ndryshime të strukturës organike trupore.

Pra, një çrregullim psiko somatik është atëherë, ku nga nje atak psiçikë ndjejmë simptome në formë dhembje në organizëm.
Sëmundja mund të ketë shtrirje në një pjesë të trupit fizikë, në disa pjesë, apo në gjithë trupin.

Disa herë ky çrregullim mund të përshkruhet edhe si tendencë për t’i ikur konflikteve psikologjike, dhe duke i zëvendësuar me ato fizike.

Psh, njeriu mundë të ketë shqetësime të mëdha emocionale, por mendja tij nuk don të pranon, dhe e zëvendëson me një dhembje fizike.

Pra, lufton e ndërgjegjshmja me të pandërgjegjshmen. 

Njeriu është në dijeni se ka shqetësime emocionale, por mendja tij e zbërthen në dhembje fizike, konfliktë mes të ndërgjegjshmes dhe të pandërgjegjshmes psh, e ndërgjegjshme është se personi e kupton se ndjehet keq, dhe “unë” që të mos ndjehem keq, futet e pandërgjegjshmja ime dhe reflekton në dhembje fizike.

Pra,ky është një mekanizëm mbrojtës shmangës, krijon një lloj dominimi tjetër fizikë për të lenë në mjegull deri diku konfliktin psikologjikë…

Zakonisht, ankesat më të shpeshta të personave me këtë çrregullim përdorin shmangien si mbrojtje, dhe i lidhin me probleme të dhembjes së kokës, lukthit, zemrës, kockave etj, dhe se bindshëm i referohen asaj se këto ankesa janë probleme trupore.

Sigurisht me këto ankesa pacientët munden të kenë problematika kliniciste, por jo edhe laboratorike.

Andaj, besoj se shumë sëmundje trupore bazën e kanë në atë mentale.

Si shkaktarë i këtij çrregullimi janë streset e ndryshme, fobitë (frikërat), depresioni, xhelozia e tepruar etj.

Patjetetër se nuk anashkalohen: gjenetika, trajtimi gjatë zhvillimit, faktorët që na rrethojnë, etj.

Për fund, për të mos arritur deri tek problemet organike trupore, duhet filluar me eliminimin, kontrollimin, trajtimin e shkaktarëve të lartëcekur!

MOMENTE INTERESANTE GJATË VET IZOLIMIT(12)

Lule Alidema Zejnullahu

Gjatë kësaj periudhe që kaluam dhe po kalojmë, ndryshe nga që jemi mësuar të jetojmë, secili në rolin e vet, në profesionet e veta të ndara, burri jashtë shtëpisë e gruaja edhe jashtë edhe brenda (dy orare pune), disi u përzien rolet, në fakt provuam, mësuam, ndryshuam, qeshëm, u brengosëm, u stresuam, etj.

Në mesin e çdo ndodhie, apo situate njeriu nxjerrë diçka, mëson diçka, sepse gjenë mundësinë paksa të mbrojë veten nga dëshprimi!
Disi kjo situatë sikur ishte me tepër në favore të gjinisë mashkullore, sepse kishin mundësinë të mësonin shumë punë të reja, kishin një eksperiencë komplet ndryshe!

Gjinisë femërore, si duket ju lëvërdisi kjo situatë, i patën si kurrë më parë të dashurit e tyre pranë vetes, ju lehtësuan shumë punë, bile edhe po atë të drejtë që patën femrat me fshi e gatu, ju rrëmbye nga burrat, mbetën vetëm duke shiku çfarë po ndodhë rreth tyre, çfarë është ky ndryshim drastik. 

Përndryshe për femrat nuk pati ndonjë ndryshim të theksuar që vlenë të thuhet!

Femrat patën rastin të përjetojnë knaqësinë duke parë të dashurit e tyre duke përparuar, në përvoja të reja rreth punëve të shtëpisë, po edhe të vlerësohen për atë që deri më tani kanë bërë, sepse në syrin e burrave punët e grave nuk kishin aq vlerë, punë shtëpie më!

Po pra, shumë kush provoi punë që ndoshta kurrë nuk e kishin imagjinuar që do të bënin më parë, qe besa ajo puna që u duk e lehtë dikur, qenka gogja e konklavitun, e bezdisshme dhe jo aq e lehtë, po u dashka me i nda petët për pite me i numëru, shif edhe këtu po u dashka matematika, mandej puna e kriposjes, sheqerosjes, biberosjes etj, paskan disa masa, jo jo nuk qenka aq e thjeshtë sa është dukur më parë!

Perveç batutave të ndryshme që na bënë të qeshim, pamë edhe postime nga gatimet e ndryshme të miqëve!

Besoj shumë se këto postime publike që bënë miqët tanë, tregojnë trimëri, guxim, dhe modesti, si dhe përcjellin një porosi mjaftë me rëndësi për shoqërinë tonë, si shoqëri deri diku paragjykuese që jemi, sepse njeriu modest, dhe që ecë me kohën, nuk ka komplekse nga asnjë punë që bënë me nderë dhe respekt!

Njeri burrë me nam kishte bërë trileqe me shumë dashuri, bile i bëri gogja reklamë...

Pas pak, postimi tjetër një “milioner” del në stilin dhe forcën e tij duke larë tepihët, si duket e kishte kuptuar se nganjëherë nuk mundesh me pagesë ti bësh gjitha, jo gjithëçka bënë paraja, e shef si vie një moment paranë ke, por nuk ke ku i pastron.

Vie tjetri postim një person që shquhet njëfar “faktori” në rrethin e vet, i kishte përvjelur mëngët, me përparësën e gruas që i binte gogja e vogël, besoj shumë se se sikur të dinte që do të vinte dita të hynte në “magje” do ti kishte blerë tri copë përparëse në numrin e vet, dhe do të ndjehej shumë më komod.

Sa shumë krenarë dukej duke bërë pica për familjen, o zot sa i lumtur dukej, thuaj bëri namin.

Thërras shokun në tel se isha e shqetësuar si janë, merr zonja tij telefonin dhe thotë: a bënë më vonë se burri është duke fshirë me fshisë rryme, aq po i pëqen sa që ska kush që e ndalon, sigurisht se puna e re i jep knaqësi!

Kishte nga ata që patën zënka me gratë dhe anasjelltas, i tha gruaja duhesh ti lash enët, e ky “Titullari” asesi nuk pranoi duke mbajtur qëndrimin burrërorë, e duke mos e ditur se kishte edhe më “burrërore” se ai, dhe për pasojë përfunduan tek psikologu.

Krejt papritmas më vie një sms nga një person gogja publik, mike të lutem jam në market a bën të më tregosh qka duhet blerë që të gatuaj picën sikur ti që i gatuan? 

Se si u bë ajo picë, a u gatua a jo asgjë nuk u kuptua, hetimet vazhdojnë nëse nuk përfundoi e djegur.

Problem tjetër ishin edhe telefonat, e sa shumë u dashtë sakrificë për një sms, po lëre o burrë i botës mos rreziko veten, ehh meraku mashkullor ballafaqohet edhe me rreziqet...

A nuk është trimëri kjo a?

Ehh për fat të keq u anuluan edhe fluturimet, kishte nga ata që i mbeti gruaja në shtet tjetër, por nevojat e njeriut nuk anulohen, pavarësisht është apo nuk është gruaja, imagjino ai burrë që shquhet për trimëri detyrohet të bëj ushqimin, të pastroj enët, shtëpinë etj. Po pati nga ata që dolën rrezikuan për t’u çmallur sado pak me zyrat e tyre, sa për ti kryer telefonatat e takimet që nuk mund ti bënin në prezencën e gruas...

Situata ishte që secili të pajiset me maska e që për disa “bossa” ishte pak si e vështirë ta qoroditin lukun e tyre, po mbase detyrohej, fatmirërisht tregu online ju ofroi maska paksa më të modifikuara që ngjasonin sikur “firmato” me stilin e veshjes së tyre, me një formë dhe ngjyrë më të moderuar.

Po kishte nga ata që nuk ju përshtatën rregullave të karantinës, por ja që i rastisi t’i sëmuret gruaja, dhe të detyrohet të mësohet të bëjë kafen duke kënduar, të bëjë drekën, kuptohet me procedura të shkurtuara mashkullore...

Aq shumë informacione rreth virusit sa që na u mbush koka me këta emra koronë, virus, pandemi, covid-19, karantinë, u benë trend i kohës, u mësua edhe veshi ti pranonte, sa që tashmë disa edhe filluan të thirren familjarët me këta emra!

Ajo që ishte më e besdishme për ne para karantinës ishin musafirët, tashmë filluan ti kërkonin.

Si për qudi filluan miqët e panjohur të thërrasin njëri tjetrin bile edhe ti luteshin për vizitë!

E disa biznesmena që e kishin të veshtirë të qëndronin në shtëpi, sa mirë u mësuan lëre të qëndrojnë në shtëpi, po edhe të pregadisin kafe, pilafin, pite, flia, pica trileqe, etj, etj,

Vërtetë ishte, dhe është situatë tepër e rënduar psikologjikisht, po njeriu edhe në këto situata gjenë vend për të qeshur, për tu relaksuar, sepse vetëm me mendime pozitive dhe së bashku ia dalim çdo sfide!

Karantinimi i qyteteve çfarë efekti psikologjik krijon tek qytetarët e qyteteve në karantinë (11)

Akademik  Mr.Sci.Lule Alidema . psikologe klinike 

Tashmë shumë ditë gjendemi të mbyllur nëpër shtëpitë tona, gjendje mbase tepër e rënduar psikologjike, secili u mundua që të gjejnë mënyrën për ta përballuar situatën e krijuar, edhe pse vështirë e përballuar. 

Duket qartë një vetëdijëdijësim i popullatës në menaxhimin e kësaj situate, vetëdijesim i kujdesit psikikë dhe fizikë! 

Megjithatë, virusi si duket ka fuqinë e shpejtë dhe lehtë të përhapjes, sa që tashmë filloi edhe karantinimi i qyteteve. 

Kur flitet për karantinim të qyteteve, atëherë vërtetë është situatë shqetësuese, dhe alarmante. 

Kjo nënkupton se dukshëm është rritur shkalla e rrezikshmërisë, dhe dukshëm është rritur numri i të infektuarve nga COVID-19, andaj krahas rritjes së rrezikshmërisë së përhapjes, dhe kohëzgjatjes së karantinimit, rriten edhe shqetësimet në aspektin psikologjikë tek shumica popullatës. 

Sigurisht, çdo sjellje që dërgon në detyrim, nuk është e pranuar nga njeriu, përveç shqetësimeve dhe pakënaqësive të lehta shpirtërore, ajo përcillet edhe me ndryshime më të rënda psikologjike, sidomos nga aspekti emocional. 

Ky karantimim i shumicës së qyteteve në vendin tonë dyshoj se do të nxitë popullin në probleme psikologjike, si dëshpërim, demotivim më të thellë, frustrim, pesimizëm, stres ende më të shtuar, e deri në atakë të panikut. 

Prandaj lus, dhe sugjeroj qytetarët që të ruajnë qetësinë, shëndetin mendor, të mundohen të përballojnë këtë gjendje me shpresën se do të kaloj shpejt dhe pa pasoja!

ME DURIM, ARRIHET QËLLIMI!(10)

AKADEMIK MR.SC. LULE ALIDEMA PSIKOLOGE KLINIKE 

“Nuk është vështirë të durosh, vështirë është të gjesh arësyen dhe mënyrën si të durosh dhe pse të durosh”

Kufizim mes njerëzve, kufizim gjatës natës, kufizim brenda qyteteve, tashmë kufizim me orarë vetem 90 minuta lëvizje brenda ditës, tek të gjithë krijon njëfarë ngarkese psikologjike gogja të madhe.

Paksa e stërzgjatur dhe e mundimshme për gjithë kuptohet, sepse shifet tek secili një lodhje duke qenë pasiv, duke menduar se çfarë do bëhet, si do kalohet, sa do zgjasë, frikë nga infektimi, frikë për familjarët etj.

“Shpresa e mbanë njeriun”, po patjetër se shpresa nuk do humbet asnjëherë, sidomos në këto raste ku dihet se mundësitë për t’a tejkalu janë shumë të mëdha vetëm duke pasur kujdes!

Po gjithësesi, do të tejkalohet gjithmonë duke përdorë mendime pozitive, dhe duke pasur durimin gjithësesi, sepse tashmë kjo masë e marrë besoj do të ndihmoj në përmirësim të gjendjes, dhe mundësitë e parandalimt janë më të mëdha.

Citova se nuk është veshtirë të durosh, në fakt nuk është as e lehtë, por mbase tashmë arësyen e kemi të njohur, mundemi, dijmë, mbrohemi dhe e tejkalojmë.

Në një formë, kjo gjendje na hodhi para një sfide, sidomos në aspekt psiçikë…

Njeriu është qënie sfiduese, sfidat i fillojnë që nga momenti që vie në këtë botë, duke filluar nga ndeshja për herë të parë me një ambient krejtë ndryshe nga ambienti që kishte brenda barkut të nënës, thithja e gjirit të nënës, ngritja në kembë për herë të parë e tutje, çdo ndryshim që vie krahasas zhvillimit dhe të jetuarit.
Vet jeta është sfidë dhe përbëhet nga sfidat.

Për ti tejkaluar sfidat para cilave ndeshet njeriu, kërkohet të futet në përdorim intelegjenca!

Tashmë kjo situatë ku neve na sfidon para këtij durimi, sikur teston edhe intelegjencën tonë, se sa ne jemi intelegjentë t’a menagjojmë veten në situata edhe të këtilla!

Në psikologji thuhet se; intelegjentë është ai person që ka aftësinë të bëj zgjidhje të duhur në situata të reja dhe të pa provuara më parë, që për njeriun paraqet njifarë problemi konfliktualë mes psiçikës dhe zgjedhjes!

Pse është problem?

Sepse, për neve kjo situatë është e re, e pa provuar më parë, është situatë problemore, ngase duhet gjetur arësyen, formën dhe mënyrë sa më të mirë për të tejkaluar pa u dëmtuar as në aspekt psiçikë e as fizikë!

Çdo situatë e re që kërkon të futet të menduarit në përdorim, në psikologji thuhet se është problem në vete!

Nëse arrijmë të veprojmë duke përdorë intelegjencën, do të arrijmë të gjejmë durimin dhe do të tejkalojmë këtë situatë të krijuar pa pasoja.

Si të gjejmë durimin?

Gjithësesi të qetësohemi, të pranojmë si sfidë para nesh, dhe si periudhë kaluese, fundja po që se humbëm paksa në punë kursyem shëndetin tonë, të merremi me ndonjë aktivitet brenda shtepisë, mos ti egzagjerojmë debatet rreth situatës, që shpesh ka edhe dezinformata, mos ta shofim si katastrofë që nuk kalohet, andaj shijo me familje çdo moment, supozo sikur i bëre vetes një pushim, mos u bë pasiv, dëgjo muzikë, lexo, etj.

Fundja je në shtëpinë tënde, nuk ka diçka që të ndalon, dhe bënë të pamundur qetësinë tuaj shpirtërore…

THUAJ VETES ; JAM NJERI ME INTELEKT TË ZHVILLUAR, DIJTA, DIJË, DHE DO TË DIJË TEJKALOJ ÇDO SFIDË QË MË DEL PARA!

BALSAMIMI I MONOTONISË (9)

Shkruan. Akademik Mrs.Lule Alidema,psikologe klinike

Jeta njeriut është e përbërë nga ndryshimet, ngjarjet, idetë, veprimet etj.

Brenda jetës së njeriut gjendet një kolorit përplot ngjyra, dhe se njeriu është vet ai që mundë t’i ndryshoj këto ngjyra…

Prandaj mundësia e ndryshimeve qëndron në aftësinë, në vullnetin e njeriut, në atë se sa ka aftësinë stimuluese, guximin, për t’i ndryshuar, e jo të vë fokusin vetëm në atë; bardhë-zi, ose, po-jo, ose, mundem-nuk mundem!

Kjo varet nga këndvështrimi i secilit individë se si i shef ngjyrat, apo edhe sa i jep hapësirën vetes t’i shef! Një gjë duhet pasur parasysh, jeta me ngjyra është indikatatorë thelbësorë për mirëqenien e njeriut, njëjtë sikur brenda këtij shkrimi që mendja njeriut i jep një ngjyrë për domethënien e përmbajtjes, ashtu edhe jeta mundë të ngjyroset me një organizim të tillë, ngase krijuesi, organizuesi është vet mendja jonë… 

Ngjyrat cilat ne i japin jetës, kanë ndikim në aspektin fiziologjikë, biologjikë dhe psikologjikë të njeriut. Ne jemi ata që krijojmë disponimin, motivimin, kreativitetin, produktivitetin etj. Nëse nuk i lejojmë vetes një kolorit të tillë, doemos se shumë gjëra si; veprime, sjellje, në jetën tonë nuk do të kishin kuptim! 

Nëse i shohim rrethanat, sjelljet rreth nesh të pakuptimta atëherë shumica veprimeve tona do jenë veprime monotone, pra do ti humbim kuptimin shumicës ideve, veprimeve, sjelljeve, dhe në këtë mënyrë balsamosim monotoninë në veten tonë!

Ne jemi ata që mundë të futemi, apo mos futemi, në gjendje monotonie, sepse ajo që ne bëjmë, ajo do të jetë brenda mendjes dhe jetës tonë. 

Të qenit monoton brenda një kohe të gjatë, do të thotë se je i ekspozuar disa herë brenda rrethanave të njëjta, brenda sjelljeve të njëjta, gjithmonë duke mos logjikuar arsyen e rrethanave!

Ne fakt, nuk janë rrethanat që sjellin monotoninë, por mendja jonë është ajo që sajon monotoninë, brenda mendimeve tona.
Njeriu siç e krijon atë bindje në mendjen e tij, mundet edhe të thyej, apo ndryshoj atë.

Nuk është e mundur të na ndalon dikush kreativitetin e të menduarit për një jetë atraktive dhe pa monotoni.

Atë e arrijmë nëse fillojmë të kontribuojmë drejt qëllimeve tona të caktuara, me vullnetin dhe kënaqësinë që të na shijon çdo ditë, dhe aq më tepër kur dimë qëllimin dhe arsyen e veprimit.

Është shumë e rëndësishme që njeriu të jetë krijuesi brenda mendjes së vet, në çfarëdo situate, në çfarëdo rrethane që i mundësohet dhe i ofrohet, të gjej formën dhe mënyrën e kënaqësisë, disponimit, dëshirimit!

Nëse bëhet praktikë e shpeshtë e mendjes sonë ky balsamim monotonie, domosdo do të shpie drejt depresionit, dhe tkurrjes së trurit.

Tkurrja trurit bëhet nëse vazhdimisht bllokohemi brenda një mendimi, veprimi, në atë që bëjmë njëjtë, dhe nuk na jep freskinë dhe kënaqësinë e mjaftueshme…!

Truri ka nevojë të ushqehet me risi, me ndryshime, të ndjenë kënaqësi kur e bëjmë, ngase trupi e bënë po qese mendja e thotë, trupi është gjithmonë në shërbim të mendjes sonë!

Nëse ia lejon vetes që çdo ditë të biesh preh e monotonisë, atëherë ndalu mendo se është momenti të fillohet me ndryshime tek vetja jonë! Po qese sot fillove nga ana djathë, nesër fillo nga e majta, nëse sot u nise andej, nesër shko këndej, etj, në një formë ndrysho, lëvizë diçka…

Fillo me ndryshime, jepi mendjes hapësirën të zhvillohet, zgjero diapazonin e veprimeve ndryshe nga që pate, provo, eksploro me veten, me rrethin!

Shoqërohu, bashkëpuno, merr, jep ide nga tjerët, sepse të qenit në bashkëveprim me tjerët, është nevojë thelbësore për njeriun!

Porosia ime; Gjej brushën që të përshtatet, ngjyros jetën, dhe provo gjitha ngjyrat e jetës!

Karantinimi i qyteteve çfarë efekti psikologjik krijon tek qytetarët e qyteteve në karantinë (8)

Akademik Mr.sc. Lule Alidema,psikologe klinike

Tashmë shumë ditë gjendemi të mbyllur nëpër shtëpitë tona, gjendje mbase tepër e rënduar psikologjike, secili u mundua që të gjejnë mënyrën për ta përballuar situatën e krijuar, edhe pse vështirë e përballuar.

 Duket qartë një vetëdijëdijësim i popullatës në menaxhimin e kësaj situate, vetëdijesim i kujdesit psikikë dhe fizikë!

 Megjithatë, virusi si duket ka fuqinë e shpejtë dhe lehtë të përhapjes, sa që tashmë filloi edhe karantinimi i qyteteve. 

Kur flitet për karantinim të qyteteve, atëherë vërtetë është situatë shqetësuese, dhe alarmante. 

Kjo nënkupton se dukshëm është rritur shkalla e rrezikshmërisë, dhe dukshëm është rritur numri i të infektuarve nga COVID-19,
 andaj krahas rritjes së rrezikshmërisë së përhapjes, dhe kohëzgjatjes së karantinimit, rriten edhe shqetësimet në aspektin psikologjikë tek shumica popullatës. 

Sigurisht, çdo sjellje që dërgon në detyrim, nuk është e pranuar nga njeriu, përveç shqetësimeve dhe pakënaqësive të lehta shpirtërore, ajo përcillet edhe me ndryshime më të rënda psikologjike, sidomos nga aspekti emocional. 

Ky karantimim i shumicës së qyteteve në vendin tonë dyshoj se do të nxitë popullin në probleme psikologjike, si dëshpërim, demotivim më të thellë, frustrim, pesimizëm, stres ende më të shtuar, e deri në atakë të panikut. 

Prandaj lus, dhe sugjeroj qytetarët që të ruajnë qetësinë, shëndetin mendor, të mundohen të përballojnë këtë gjendje me shpresën se do të kaloj shpejt dhe pa pasoja!

Karantinimi në këtë kohëzgjatje si dhe hamendësimi, dërgon njeriun në një konfuzitet të shtuar..(7)

Akademik Mr.sc. Lule Alidema,psikologe klinike

Karantina e aplikuar sa do ta dëmton shëndetin mental dhe si mund të kalohen këto faza pa ndonjë pasojë në shëndet të popullatës? Lule Alidema,psikologe klinike shkruan ;-‘’ 

Për një mirëfunksionim të shëndetit mendor dhe atij fizikë, njeriut patjetër i duhet të ketë një ritëm apo organizim të stilit të jetës! Sigurisht, ekziston një ritëm dhe një balancë për çdo nevojë, për çdo kënaqësi apo pakënaqësi! 

Në momentin që krijohet disbalancim i ritmit jetësorë, mes atij normal dhe jo normal, atëherë përveç se i humbet deri diku kuptimi, mundë të pasojnë edhe çrregullime organike dhe psikologjike. 

Problemet psikologjike mundë te jenë burim edhe i rrethanave të krijuara, karantinimi më tepër se një muaj, çrregullimi i orarit të ushqyerjes, apo edhe kequshqyerja, çrregullimi i orarit te gjumit, kufizimi brenda një hapësire dhe kohe të caktuar etj.

 Karantinimi në këtë kohëzgjatje si dhe hamendësimi, dërgon njeriun në një konfuzitet të shtuar se çfarë do bëhet, si do të bëhet mbas kësaj situate, tek njeriu shkakton një pasiguri emocionale, pesimizëm, demotivim, rënie dukshëm të humorit, nervozizëm, stres, mungesë iniciative, e shumë ndikime tjera…! 

Çrregullimi i orareve të ushqyerjes, kequshqyerja, ndryshimi i ritmit të gjumit janë nxitës të problemeve të lartcekura, ngaqë dihet se kequshqyerja, apo ushqimi i tepruar nxitë obezitetin, ndryshon mirëfunksionimin e organeve tjera, njëjtë sikurse gjumi që ka rëndësinë e vet dhe që është i nevojshëm për sistemin endoktrin në rigjenerimin e organizmit tonë. 

Andaj, duhet të jemi shumë vigjilent se çfarë bëjmë me veten tonë, të vëmë një rregull stabil për çdo rrethanë që na del para! 

Të mirë funksionojmë në të mirë të shëndetit fizikë dhe psikikë! Mos t’a përdorim arsye karantinimin që neve të na devijon organizmi ynë, sepse kjo situatë nuk është e përhershme, mendo se shprehitë dhe çrregullimet fitohen shpejt, ndërsa për t’u përmirësuar lypset dyfishi kohës, dhe atë vie pikëpyetja i’a dalim apo jo? 

Mendo se ne prapë do t’i kthehemi jetës normale, së paku shfrytëzo këtë periudhë duke mos e shtrembëruar as realitetin, as veten.

 Fundja nuk je vetëm ti apo unë, është e gjithë bota në këtë gjendje, ruaje shëndetin fizikë dhe psikikë, mos e vë fokusin tek mendimet që të ngufasin mendjen, sepse situata kalon ndërsa çrregullimet do mbesin kohë të gjatë… 

“ Ruani veten, ruani shëndetin mendor, sepse për një trup të shëndoshë duhet një mendje e shëndoshë”!