Delegacioni i parlamentit shqiptar shfrytëzoi pjesëmarrjen në Mëngjesin e Lutjeve në Kongresin Amerikan për takime me kongresmenë dhe senatorë.

Kreu i Partisë Republikane, Fatmir Mediu, ish-ministër i Mbrojtjes, në bashkëpunim me Kongresmenët Pete Sessions dhe Robert Aderholt, organizuan Forumin e Sigurisë në Kongres me temë “Ndikimi keqdashës i Rusisë dhe Kinës në Ballkan”. Aty morën pjesë dhjetëra kongresmenë, ndihmëssekretarja e Departamentit të Shtetit dhe ish-ushtarakë të lartë. Në cilësinë e drejtuesit të konferencës për sigurinë në Ballkanin Perëndimor, Fatmir Mediu theksoi se lëvizjet e Rusisë dhe Kinës për të krijuar probleme në Ballkan, synojnë zhvendosjen e vëmendjes nga Ukraina. Ish-ministri i Mbrojtjes propozoi që vendet e rajonit tonë, anëtarë të NATO-s, të krijojnë mekanizma parandaluese politike dhe ushtarake.

Denoncimet e ish z.kryeministrit shqiptar Aren Ahmetajt, Luçiano Boçi: Ish-krahu i djathtë i Edvin Kristaq Ramës vërtetoi akuzat e PD

Luçiano Boçi u shpreh se Arben Ahmetaj, me deklaratat e tij, vërtetoi “akuzat e ngritura me fakte nga Partia Demokratike”. “Dje shqiptarët kanë dëgjuar nga vetë ish-krahu i djathtë i Edi Ramës se koka i aferës korruptive të inceneratorëve është vetë Edi Rama, ndërsa pronari faktik i inceneratorit të Tiranës është Erion Veliaj, duke vërtetuar kështu akuzat e ngritura me fakte nga Partia Demokratike. Arben Ahmetaj faktoi se mbrojtësit kryesorë të vjedhjes së shekullit janë Altin Dumani, Arben Kraja dhe skapistët e tjerë, të cilët të korruptuar nga Rama-Veliaj shkartisën dosjen e vjedhjes së shekullit dhe nuk hetojnë procedurën antiligjore te prokurimit të firmosur nga Edi Rama dhe Erion Veliaj, por bëjnë koka turku sipas urdhrit të Rama-Veliaj. Arben Ahmetaj dëshmoi mbrëmë se Mirel Mërtiri nuk është pronar i djegësit të Tiranës, por është Erion Veliaj dhe se për zhdukjen e 130 milionë eurove për inceneratorin e Tiranës, Dumani-Kraja dhe organizata e tyre kriminale nuk hetojnë, sepse ato para janë vjedhë zhdukur nga Rama-Veliaj”, tha Boçi. “Krahas kësaj, Ahmetaj denoncoi kapjen politike të Altin Dumanit, Arben Krajës dhe SPAK, si dhe përdorimin e tij prej Ramës, si marionetë e bindur politike me qëllim për të stisur hetime e akuza, për të arrestuar e burgosur, shantazhuar e dënuar, kundërshtarët e tij politikë brenda PS, sikurse armiqtë politikë të opozitës, apo këdo që synon të thotë të vërtetën për bandën e tij narko-politike. Pasi Dumani-Kraja u thanë shqiptarëve se nuk mund të sekuestrohet inceneratori, sepse na hedhin në Arbitrazh, pasi deklaroi se nuk dihet kush janë pronarët, sikur të ishte një shtet jashtë planetit, deri sot nga 130 milionë para të vjedhura për ndërtimin e inceneratorit që nuk ekziston, nuk ka gjetur apo konfiskuar një qindarkë të vetme, vetëm se ato janë paratë e padronëve të tij. Metodat e përdorura nga SPAK nën drejtimin e partisë në pushtet, u demaskuan si metoda staliniste që nuk respektojnë asnjë ligj, të denja për hetuesinë e periudhës së diktaturës komuniste, duke e shndërruar atë në një aparat shtypës politik që vetëm drejtësi nuk bën”, shtoi Boçi.

Rrëfimi i z.Kryeministrit Arben Ahmetajt, opozita kërkon dorëheqjen e kryeministrit Edvin Kristaq Rama

Rrëfimi i Arben Ahmetajt pas 6 muajsh në arrati, për opozitën është një arsye më shumë për të kërkuar dorëheqjen e Kryeministrit Edi Rama. Nënkryetari i Partisë Demokratike të Rithemelimit, Luçiano Boçi në një deklaratë nga selia blu pohoi se rrëfimi i ish-numrit dy të qeverisë është faktim i akuzave të bëra nga opozita ndër vite. “Shqiptarët kanë dëgjuar nga vetë ish-krahu i djathtë i Edi Ramës se koka i aferës korruptive të inceneratorëve është vetë Edi Rama, ndërsa pronari faktik i inceneratorit të Tiranës është Erion Veliaj, duke vërtetuar kështu akuzat e ngritura me fakte nga Partia Demokratike. Arben Ahmetaj faktoi se mbrojtësit kryesorë të vjedhjes së shekullit janë Altin Dumani, Arben Kraja dhe skapistët e tjerë”, tha Boçi. Nga ana tjetër, kreu i Partisë Demokratike zyrtare, Lulzim Basha me anë të një postimi në mediat sociale kërkon që të vihen paradrejtësisë të gjithë ata që kanë abuzuar me inceneratorët. “Është e qartë se këta operojnë si bandë kriminale dhe me kode mafioze kërcënojnë njëri-tjetrin. Njëri del në dosje me krimin, tjetri në pazare korrupsioni, tjetri kanabizon Shqipërinë. Tani e pranojnë vetë dhe të gjithë tregojnë me gisht Edi Ramën. Kudo tjetër kryeministri do të ishte dorëhequr, por në rastin e tij sa më i madh abuzimi aq më e madhe arroganca. Se çfarë bëjnë me njëri-tjetrin, kokat hëngshin, por çfarë shqetëson shqiptarët është se ata të gjithë bashkë nuk kanë ngrënë kumbulla e dardha, por paratë e shqiptarëve, kanë abuzuar me pasuritë e tyre”, u shpreh Basha. Deputeti i Partisë së Lirisë, Petrit Vasili duke cituar Arben Ahmetajn akuzon Edi Ramën për kanabizimin e vendit. “Dëshmia e Ahmetajt i vë vulën kryeproblemit dhe kryedramës së Shqipërisë atij të kanabizimit të vendit dhe kriminalizimit të pushtetit të Ramës, që gjallon mbi drogën. Edi Rama me ndërgjegje të plotë dhe me synime e objektiva të përcaktuara ka mbështetur e lejuar mbulimin e vendit nga kanabisi dhe kthimin e Shqipërisë në parajsën e trafikantëve dhe kriminelëve”, u shpreh Vasili. Për Vasilin kanabizimi ka qenë strategji, pasi sipas tij paratë e drogës janë përdorur dhe për të blerë zgjedhjet.

Prof.Dr.sci. Sali Berisha reagon pas rrëfimit të ish z. kryeministrit Arben Ahmetajt: U tregoi shqiptarëve se kreu i vjedhjes së shekullit është Kryeministri shqiptar Edvin Kristaq Rama

Sali Berisha ka reaguar për herë të parë pas rrëfimit të një nate më parë të ish-zëvendëskryeministrit Arben Ahmetajt. Në daljen e tij të përnatshme nga ballkoni i apartamentit të tij ku po kryen arrestin e shtëpisë, Berisha u shpreh se “Ahmetaj iu tregoi shqiptarëve se kreu i vjedhjes së shekullit është Edi Rama dhe pronari i djegësit të Tiranës, Erion Veliaj”. “Në intervistë mbrëmë ish-zëvendësi i Edi Ramës, tronditi anë e kënd PS-në, tronditi thellë ata socialistë të cilët për bindjet e tyre e kanë patur të vështirë të besojnë denoncimet e PD-së, të besojnë denoncimet e Sali Berishës se, kreu i vjedhjes së shekullit është Edi Rama, se pronar i djegësit të Tiranës është Erion Veliaj dhe Edi Rama. Se mbrojtjes të vjedhjes së shekullit janë Dumanër e kompani. Por, mbrëmë patën rastin të dëgjojnë nga goja e një socialisti i cili ç’është e vërteta ka qenë objekt sulmesh të merituara dhe të pandërprera nga Sali Berisha në të gjithë karrierën e tij politike, Arben Ahmetaj. Por Arben Ahmetaj mbrëmë nuk ju tha të vërtetën ju dhe as demokratëve, se ju e keni dëgjuar dhe besuar, por ju tha të vërtetën socialistëve të cilëve ju drejtua se afera e djegësave është një aferë llahtarisht, është një aferë e mafias më të rrezikshme të Shqipërisë. Se ka për kokë Edi Ramën dhe fallangat e tjera të krimit pas tij. Të dashur miq! Gjatë verës, në mënyrën më të përsëritur por edhe në këto kohë në mënyrë të përditshme, PD-ja ju ka deklaruar shqiptarëve se afera e djegësave është vjedhja e shekullit. Se kjo vjedhje e shekullit kurrë nuk mund të ndodhte pa angazhimin direkt, personal, pa firmat fap, fap, fap, e paf, paf, paf, të kryehajdutit të kombit, Edi Rama. Sepse është Edi Rama që në 2014 përmbysi strategjinë e trajtimit të mbetjeve me landfille të hartuar me paratë e BE-së dhe e zëvendësoi në mënyrë të kundërligjshme me strategjinë e djegësave”, tha Berisha.

Trupa të shumta të KFOR kanë zhvilluar patrullime të shtuara gjatë ditës së premte përgjatë kufirit mes Kosovës dhe Serbisë.

Përmes një postimi në rrjetet sociale, KFOR bën me dije se misioni i patrullimit është një procedurë standarde që toga italiane e xhenierëve ORF kreu përgjatë vijës kufitare administrative, pa dhënë detaje të mëtejshme. Megjithatë, dyshime ka për patrullimin e trupave, pasi në foto shfaqen disa imazhe të ushtarëve të KFOR me minakërkues, apo që filmojnë ura kyçe. KFOR-i shprehet se është plotësisht i fokusuar në zbatimin e përditshëm të mandatit të tij për të ofruar një mjedis të sigurt dhe të qetë për të gjitha komunitetet që jetojnë në Kosovë dhe lirinë e lëvizjes. “KFOR-i është plotësisht i fokusuar në zbatimin e përditshëm të mandatit të tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar një mjedis të sigurt dhe të qetë për të gjitha komunitetet që jetojnë në Kosovë dhe lirinë e lëvizjes”, thuhet në njoftimin standard të KFOR në rrjetet sociale.

Moska paralajmëron: Ekziston rreziku i një Lufte të Tretë Botërore. Reagon Kievi

Lufta e Tretë Botërore është një "rrezik real", edhe nëse hipoteza e një konflikti bërthamor është e papranueshme. Në fund të një dite tjetër të bastisjeve ndaj objektivave strategjike të Ukrainës, ministri i Jashtëm rus Sergei Lavrov ngre tonin e përplasjes edhe verbalisht dhe akuzon NATO-n se ka hyrë në një luftë me Moskën përmes furnizimit me armë Ukrainës. Konflikti do të përfundojë me një marrëveshje, por parametrat e tij do të përcaktohen nga situata aktuale në operacionet ushtarake, tha ai. "Ky është pozicioni ynë kyç mbi të cilin ne bazojmë gjithçka. Rreziqet tani janë të konsiderueshme. Unë nuk do të doja t'i ngrija ato rreziqe artificialisht. Shumë do ta donin këtë. Rreziku është serioz, real, dhe ne nuk duhet ta nënvlerësojmë atë", i tha Lavrov televizionit shtetëror rus. Pas kësaj deklarate tyë kreut të diplomacisë ruse ka ardhur edhe reagimi i homologut ukrainas Dmytro Kuleba. Sipas tij kërcënimi i Moskës për rrezikun e një lufte të tretë botërore tregon se Rusia po e kupton se do të humbasë. Ministri i Jashtëm ukrainas Dmytro Kuleba është i bindur për këtë dhe shkruan në rrjetet sociale se “Moska humb shpresën e fundit për të frikësuar botën që mbështet Ukrainën, prandaj flet për një rrezik real të Luftës së Tretë Botërore. Kjo do të thotë vetëm se Moska ndjen humbje në Ukrainë. Prandaj bota duhet të dyfishojë mbështetjen e saj për Ukrainën në mënyrë që të mbizotërojë dhe të ruajë sigurinë evropiane dhe globale", theksoi ai.

Vrasja e Liridonës, Naim Murseli ndryshon dëshminë, mohon raportimet për tradhëti

 Naim Murseli, i dyshuar për vrasjen e bashkëshortes së tij, Liridona Ademajt, ka përfunduar dëshminë e tij para Prokurorisë Themelore në Prishtinë. Avokatja e tij, Teuta Zhinipotoku, ka thënë për Gazetën Express se Murseli e ka mohuar versionin që e ka dhënë gjatë intervistimit në Polici. 

Sipas saj, Murseli ka mohuar edhe raportimet në media për raporte të tensionuara me bashkëshorten dhe aludimet për tradhti.

Liridona Ademaj dhe Naim Murseli

Naim Murseli, i dyshuar për vrasjen e bashkëshortes së tij, Liridona Ademajt, ka përfunduar dëshminë e tij para Prokurorisë Themelore në Prishtinë.

Avokatja e tij, Teuta Zhinipotoku, ka thënë për Gazetën Express se Murseli e ka mohuar versionin që e ka dhënë gjatë intervistimit në Polici. Sipas saj, Murseli ka mohuar edhe raportimet në media për raporte të tensionuara me bashkëshorten dhe aludimet për tradhti.

“Dëshmia e të pandehurit Naim Murseli ka mbaruar. Me sot është kry deklarimi i tij pranë Prokurorisë Themelore në Prishtinë , i cili në tërsi e ka mohuar verzionin e dhënë gjatë intervistimit në Polici. Deklarata e tij ka qenë e dhënë ne detaje në spjegimin e ngjarjes që ka mohuar implikimin e tij në këtë rast. Informatat te cilat janë publikuar lidhje me raportet e tendosura në mes të bashkeshortëve lidhur me besnikerinë e tyre i pandehuri në tërsi i ka mohuar. Prokuroria vazhdon me grumbullimin e provave të mëtutjeshme”, tha Zhinipotoku.

Gjykata Themelore në Prishtinë në dhjetor të vitit 2023, ua ka vazhduar edhe për dy muaj paraburgimin Naim Murselit, Granit Plavës dhe Kushtrim Kokallës, të cilët dyshohen për vrasjen e 30-vjeçares, L.A.

Nga Prokuroria Themelore e Prishtinës i kanë thënë para dy javësh se për këtë rast janë duke u zhvilluar hetime intensive. Në këtë fazë, deklarojnë se s’mund të ofrojnë informacione tjera për të ruajtur integritetin e hetimeve.

“Referuar pyetjeve tuaja, ju njoftojmë se ndaj rastit në fjalë janë duke u zhvilluar hetime intensive, andaj në këtë fazë nuk mund të japim informata të tjera për shkak të ruajtjes së integritetit të procesit hetimor”, thuhet në përgjigjen e Laureta Ulajt, zëdhënëses së Prokurorisë.

30-vjeçarja me shtetësi suedeze u vra mbrëmjen e 29 nëntorit, në fshatin Bërnicë të Komunës së Prishtinës. Për vrasjen e saj janë arrestuar tre persona, e cila sipas dosjeve të hetuesisë dhe prokurorisë, dyshohet se ishte inskenuar. Vrasja e saj dyshohet se u porosit nga bashkëshorti i saj, Naim Murseli, me të cilin Liridona kishte dy fëmijë.

Vrasjen dyshohet se e ka kryer Granit Plava, pasi Murseli ia kishte premtuar 30 mijë euro. I dyshuar është edhe nipi i Murselit, Kushtrim Kokalla, që ishte pjesëtar i FSK’së. Sipas raportimeve, ai ia kishte gjetur dorasin Murselit. Të tre janë arrestuar ditën kur u varros Liridona, saktësisht disa orë pas ceremonisë së varrimit.