Departamenti amerikan i Shtetit i ka bërë thirrje Serbisë të vetëpërmbahet nga veprimet e njëanshme dhe të pakoordinuara, dhe ka thënë se pret lirimin e menjëhershëm të zëvendësdrejtorit të Policisë së Kosovës, Dejan Jankoviq.

 DASH u bëri thirrje autoriteteve serbe të veprojnë me transparencë dhe në përputhje të plotë me ligjin në lidhje me qytetarët kosovarë të ndaluar në Serbi dje.

 “Ndalimet arbitrare apo padrejtësisht të gjata, posaçërisht nëse cak i tyre janë oficerët e Policisë së Kosovës, do të shihen si veprime përshkallëzuese që dëmtojnë paqen dhe stabilitetin”, tha një zëdhënës i Departamentit të Shtetit të USA-së  .

Sipas autoriteteve kosovare, Serbia ndaloi mbi 1.400 kosovarë, teksa po kalonin transit nëpër Serbi.

 Në mesin e të ndaluarve ishin edhe dhjetë zyrtarë policorë. 

 Lirohen policët e ndaluar në Serbi, përveç zv.drejtorit , kolonel Dejan Jankoviq .

 Autoritetet thanë se nëntë zyrtarë policorë janë liruar, ndërkaq ndaj kolonel  Dejan Jankoviq, Serbia ka caktuar masën e paraburgimit prej 48 orësh nën akuzën për prishje të rendit kushtetues të Serbisë.

 Sipas DASH, marrëveshja për lëvizjen e lirë mes Kosovës dhe Serbisë, e arritur në dialogun e ndërmjetësuar nga BE-ja, “ofron parametra të qarta për hyrjen dhe daljen e qytetarëve kosovarë në dhe jashtë Serbisë”.

 “Siç ka theksuar Bashkimi Evropian, vonesat si këto të fundit, përbëjnë shkelje të kësaj marrëveshjeje”, tha DASH. 

 Departamenti i Shtetit tha se të gjitha palët duhet t’u shmangen veprimeve që mund ta rrezikojnë sigurinë dhe stabilitetin rajonal. 

 Më herët gjatë ditës thirrje për lirimin e Dejan Jankoviqit bënë edhe Jeffery Hovenir, ambasadori amerikan në Prishtinë, dhe Jorn Rohde, ambasadori gjerman në Prishtinë.

 Kosova ka akuzuar Serbinë se me veprimet e fundit ka kryer shkelje të rëndë të të drejtave të njeriut dhe ka shkelur marrëveshjet e arritura në dialog, që ndërmjetësohet nga Bashkimi Evropian. 

 Edhe blloku evropian një ditë më parë tha se Serbia, me ndalimin e udhëtarëve dhe autobusëve nga Kosova, në kufijtë e saj me Hungarinë dhe Kroacinë, ka shkelur Marrëveshjen për lëvizjen e lirë.

 Kosova ka thënë se ndalimi dhe “maltretimi” i shtetasve të Kosovës që po kalonin nëpër Serbi, u bë “në shenjë hakmarrjeje” pasi më 16 prill 2024 , Asambleja Parlamentare e Këshillit të Evropës mbështeti anëtarësimin e Kosovës në këtë organizatë.

 Serbia ka thënë se do të punojë që Kosova të mos pranohet në këtë organizatë gjatë mbledhjes së Këshillit të ministrave të Jashtëm të Këshillit të Evropës më 16 maj 2024.

Serbia ka ndaluar sot 10 pjesëtarë të Policisë së Kosovës, pesë nuk janë liruar ende

 Ministria e Punëve të Brendshme të Kosovës (MPB) ka bërë të ditur se autoritetet serbe kanë ndaluar sot 10 pjesëtarë të Policisë së Kosovë, ndër ta edhe zëvendësdrejtorin e Policisë.kolonel Dejan Jankoviq .

 Pesë prej tyre tashmë janë liruar, kurse pesë të tjerë vazhdojnë të mbahen në nga autoritetet policore serbe. Sipas MPB-së, në ndalim kanë qenë 10 pjesëtarë të Policisë së Kosovës (shqiptarë dhe serbë) të cilët janë ndaluar në kalimet kufitare Merdar, Jarinë, Dheu i Bardhë dhe në kufirin mes Kroacisë dhe Serbisë. Pesë nga ta janë liruar ndërsa pesë ndodhen akoma në mbajtje, duke përfshirë edhe Zëvëndës drejtorin  kolonel Dejan Jankoviq. Ministria e Punëve të Brendshme përmes një komunikate ka dënuar ashpër aktin e paprecedentë të Serbisë me ndalimin e qindra qytetarëve tanë dhe kërkon lirimin e menjëhershëm të qytetarëve dhe zyrtarëve policorë të ndaluar. “Pas fitores së djeshme të Republikës së Kosovës në Asamblenë Parlamentare të Këshillit të Evropës ku me shumicë votash u miratua Raporti i cili rekomandon anëtarësimin e Kosovës në këtë organizatë, Serbia ka aktivizuar metodat e saj të hakmarrjes duke keqtrajtuar sot qytetarët tanë që po udhëtonin përmes territorit të saj”, thuhet në komunikatë, transmeton telegrafi. MPB thotë se “nga mëngjesi i hershëm janë targetuar autobusë dhe automjete që po transportonin qytetarët tanë nga perëndimi drejt Kosovës apo anasjelltas, duke i ndaluar ata, duke iu konfiskuar dokumentet personale dhe duke i intervistuar pa asnjë arsyetim paraprak. Qytetarët tanë janë mbyllur në zyrat e autoriteteve të Serbisë me orë të tëra dhe nga persona të ndryshëm janë intervistuar për pjesëmarrjen apo lidhjet e tyre eventuale me Ushtrinë Çlirimtare të Kosovës apo me luftën në Kosovë”. “Ky akt i Serbisë duke iu ndaluar lëvizjen dhe duke i maltretuar për mbi 20 orë qytetarët tanë pa dallim moshe dhe gjinie, shkelë çdo normë njerëzore e mbi të gjitha është shkelje flagrante e Marrëveshjes për lirinë e lëvizjes mes Kosovës dhe Serbisë”. Sipas MPB, që nga mëngjesi i sotëm është duke u mbajtur në ndalim pa asnjë sqarim edhe Zëvëndësdrejtori i Policisë së Kosovës nga radhët e komunitetit serb Dejan Jankoviq. “Sipas informacioneve që posedojmë, Zëvëndësdrejtori Jankoviq është dërguar në Rashkë dhe duke njohur këtë praktikë të përsëritshme të Serbisë ndaj qytetarëve dhe zyrtarëve policor, i njëjti intervistohet nga akterë të ndryshëm shtetërorë të Serbisë”, thuhet në komunikatë. Më tej MPB thotë se “institucionet përkatëse janë në proces të sigurimit të informacioneve të sakta për të sqaruar situatën e krijuar por nga ato që posedojmë deri tash, në ndalim kanë qenë 10 pjesëtarë të Policisë së Kosovës (shqiptarë dhe serb) të cilët janë ndaluar në kalimet kufitare Merdar, Jarinje, Dheu i Bardhë dhe në kufirin mes Kroacisë dhe Serbisë. 5 nga ta janë liruar ndërsa 5 ndodhen akoma në mbajtje, duke përfshirë edhe Zëvëndësdrejtorin Jankoviq”. “Ministria e Punëve të Brendshme, Ministria e Punëve të Jashtme dhe Diasporës si dhe institucionet përkatëse janë duke përcjellur me vëmendje informatat e pranuara dhe të njëjtat janë duke u ndarë edhe me partnerët ndërkombëtar”. MPB i ban thirrje autoriteteve të Serbisë për lirim të menjëhershëm të gjithë qytetarëve dhe pjesëtarëve të Policisë së Kosovës të ndaluar pa asnjë arsyetim dhe në shenjë hakmarrje për Republikën e Kosovës. “Ndërkaq, kërkojmë nga i gjithë faktori ndërkombëtar të dënohet fuqishëm kjo sjellje e Serbisë karshi qytetarëve të Republikës së Kosovës. Të tilla akte janë bërë vazhdimisht nga ky shtet për çka ritheksojmë se në burgjet e Serbisë tashmë ka shumë qytetarë që mbahen padrejtësisht për të njëjta motive ndaj vendit tonë”. “Duke pasur parasysh situatën e sigurisë dhe gjuhën e vazhdueshme kërcënuese të Serbisë, ju bëjmë thirrje të gjithë qytetarëve tanë për shmangie të udhëtimit përmes Serbisë”, thuhet në komunikatën e MPB

Baerbock dhe Cameron në Izrael për bisedime diplomatike

 

 -

TEL AVIV, 17 prill /ATSH-DPA/ – Ministrja e Jashtme gjermane Annalena Baerbock dhe ministri i Jashtëm britanik David Cameron ishin sot në Izrael për bisedime diplomatike të krizës.

Cameron foli në favor të një reagimi të matur nga Izraeli ndaj sulmit të fundit të Iranit.

Ai shpreson se ‘’vendi do të përgjigjet në një mënyrë që është e zgjuar, si dhe e ashpër, por gjithashtu bën sa më pak të jetë e mundur për të përshkallëzuar këtë konflikt”.

Cameron tha se ishte më e rëndësishme të fokusohej në lirimin e pengjeve izraelitë, dërgimin e ndihmave në Rripin e Gazës dhe arritjen e armëpushimit atje.

Ai synon ta diskutojë këtë temë me qeverinë izraelite dhe Autoritetin Palestinez.

Baerbock dhe Cameron u takuan me presidentin izraelit Isaac Herzog dhe planifikuan të zhvillonin bisedime të mëtejshme me zyrtarë të lartë izraelitë.

Baerbock u takua gjithashtu me ministrin e Jashtëm izraelit Israel Katz gjatë vizitës, e shtata që nga sulmet vdekjeprurëse të 7 tetorit në Izrael të udhëhequr nga grupi militant palestinez Hamas.

Serbia po hakmerret pas votimit të Këshillit të Evropës.

 Presidentja e Kosovës, Vjosa Osmani ka reaguar pas ndalimit të qytetarëve të Kosovës nga autoritetet serbe dhe nuk janë lejuar të qarkullojnë për disa orë në kufirin Serbi-Kroaci dhe Serbi-Hungari.

Osmani në një postim në “X”, ka shkruar se Serbia po hakmerret pas votimit të Këshillit të Evropës.

“Serbia po hakmerret ndaj qytetarëve të Kosovës, një ditë pas votimit të Këshillit të Evropës në APKE (Asambleja Parlamentare e Këshillit të Evropës), duke mbajtur peng shumë prej tyre në pikat kufitare, duke i frikësuar, konfiskuar dokumente dhe duke i privuar nga ushqimi. Një njeri është përgjegjës për këtë: Vuçiq. Ashtu siç bëra gjatë gjithë ditës, u bëj thirrje partnerëve tanë për veprim të shpejtë”, ka shkruar Osmani në X.

Donika Isuf Gërvalla: Nuk e dimë sa qytetarë janë liruar, por Vuçiçi nisi t’i jetësojë kërcënimet

 

 -

Ministrja e Punëve të Jashtme dhe Diasporës, Donika Gërvalla-Schwarz ka thënë se Serbia shkeli masivisht të drejtat e qytetarëve kosovarë për lëvizje të lirë. Ajo tha se Presidenti i Serbisë, Aleksandër Vuçiç ka nisur t’i jetësojë kërcënimet e tij pas votimit të së martës Asamblenë Parlamentare për anëtarësim të Kosovës në Këshillin e Evropës.

Gërvalla në një konferencë për media tha se nuk mund të japin informata të sakta se a janë liruar të gjithë apo ka ende qytetarë kosovarë duke u mbajtur nëpër vendet e ndryshme të Serbisë.

“Jemi dëshmitarë të deklaratave kërcënuese të presidentit serb, Vuçiq gjatë ditëve dhe javëve të kaluara, i cili ka kërcënuar jo vetëm jo vetëm Kosovën, por edhe partnerët dhe mbështetësit e Kosovës që vota pozitive në Këshill të Evropës do të ketë pasoja. Vuçiqi ka filluar që t’i jetësojë kërcënimet e tij, në këtë kontekst e shoh unë ndalimin e sotëm të udhëtarëve, jo vetëm në autobus, por edhe në vetura. Dhe sidomos ndalimin e shumë zyrtarëve të policisë”, tha ajo.

Gërvalla tha se të ndaluarit iu nënshtruan bisedave informative për vitin 1999 dhe për anëtarë të UÇK-së.

“Një numër i madh i tyre i është nënshtruar edhe atyre që ne jemi mësuar t’I quajmë biseda informative. Shumë prej atyre që janë marrë në pyetje kanë pasur si qëllim të flitet për vitin 1999, anëtarë të UÇK-së. por për këto jam shumë e sigurt që institucionet tona të sigurisë, në momentin që i kemi plotësuar të gjitha të dhënat do të bëhen publike”, tha Gërvalla.

Ajo po ashtu tha se nuk ka shifra të sakta se sa qytetarë kosovarë janë liruar nga autoritetet e Serbisë.

Gërvalla fillimisht foli për procesin e anëtarësimit të Kosovës në Këshillin e Evropës, Gërvalla ka theksuar se më meritorët në këtë janë presidentja e Kosovës, Vjosa Osmani, kryetari i Kuvendit të Kosovës, Glauk Konjufca dhe zëvendësministri i Ministrisë së Punëve të Jashtme dhe Diasporës(MPJD), Kreshnik Ahmeti.

Turpi i grave shqipatre është banorja e Big Brotthe zonja Rgla Ceno !

 Në një lidhje direkte me emisionin “Shqipëria Live” ka qenë vëllai i Eglës, banores së Big Brotther  Beso Ceno.

I pyetur lidhur me fjalët që kanë qarkulluar ditëve të fundit për jetën e saj private, ku thuhet se në gjendje civile është e martuar me një italian, vëllai i saj shprehet se kjo gjë nuk është e vërtetë.

Beso: Nuk është e martuar, për të fituar letrat në Itali ka qenë në martesë fiktive nuk jam shumë i sigurt po nuk është e martuar, një mik i ngushtë është ofruar ta ndihmojë unë e di që motrën e kam të pamartuar nuk e di si figuron në gjendje civile po e di që nuk është e martuar…

Erjona: Paloma ish-banorja ka thënë se është e martuar me një italian me emrin Françesko.

Beso: Po është e saktë më kujtohet është një mik i ngusht në fillimet e saj kur ka filluar letrat … me sinqeritetin më të madh do ishte injorancë e madhe që vëllai nuk do dinte diçka… jemi njerëz të lirë të themi çfarë duam…

Liami dhe Lidi janë dy banorët që do të shkojnë ‘kokë më kokë’ në televotim, rezultatet e të cilit do të dalin të shtunën. Gjashtë banorët që mundën t’i shpëtonin televotimit të sotëm janë Egla, Romeo, Meritoni, Jetmir, Erjola dhe Françeska.

Njësia Taktike e Patrullës Kufitare të Operacioneve Speciale të Doganave dhe Mbrojtjes Kufitare të SHBA (BORTAC) për policinë kufitare të Shqipërisë dhe Kosovës javën e kaluar në Korçë.

Programi i Ambasadës së SHBA për Kontrollin e Eksporteve dhe Sigurisë Kufitare (EXBS) mundësoi një trajnim të ofruar nga Njësia Taktike e Patrullës Kufitare të Operacioneve Speciale të Doganave dhe Mbrojtjes Kufitare të SHBA (BORTAC) për policinë kufitare të Shqipërisë dhe Kosovës javën e kaluar në Korçë. Njësitë e mirëtrajnuara të BORTAC ndihmojnë partnerët ndërkombëtarë të zhvillojnë aftësitë e tyre për të ruajtur sigurinë kufitare, përfshirë anti-terrorizmin, zbulimin e rasteve të trafikimit të qenieve njerëzore, rregullimin e imigracionit dhe ndalimin e trafikut të drogës, bëri të ditur sot ambasada e SHBA në Tiranë. Gjatë javës, ekipe të përbashkëta u angazhuan në patrullime kufitare dhe kryen spastrime përgjatë kufirit të gjelbër, duke u ofruar oficerëve shqiptarë dhe kosovarë përvojë të drejtpërdrejta në teknikat e përparuara të gjurmimit në terren. Burim :ATA